حاجات تانى8



لستِ الأولى
لم تكونى الأولى فى حياتى
لكن من مروا بحياتى لم أراهم
ليس تقليلأ منهم
و لكن لأنكِ الأبهى
-
لستِ الأولى
لم تكونى أول من يرتاح لها قلبى
لكن أنتِ  منْ قلبى أحبها
و أخذت روحى معها
-
شعور
هو....خلى بالك مش عاوزين نجرح شعور صديقنا
أنا(لنفسى)...أأأه لو تعرف أنا من كتر ما بخاف على شعور الناس
أنا تعبان قد أيه
أنا(ردى عليه)...متقلقش دى أسهل حاجة عندى
-
أفتقاد
بتفتقدينى؟؟؟
زى ما أنا مُفتقدِك!!!!
-
راحة
صديق....أيه اللى بيريحك يا رامى
الوحدة و لا البكاء و لا شيىء تالت مش فاكرة (:
أنا...و لا شيىء من كل دة
اللى بيريحنى
الراحة اللى بأشوفها فى عيون اللى بحبهم
-
موت
ده الموت يعيدك لأصلك .. بس أنت موتك معصلج
ياللى أنت وشك غريب .. ياللى أنت قلبك محاصرك
أنا أخترت الأغنية دى علشان
الكلمة الحلوة اللى قلتها ليا يا صديق قلبى العزيز
اللى أنا مش شايفها فيا  أساساً
-
قهوة
أنا الذى لم يحب القهوة يوماً
أتسائل
هل للقهوة
مذاق خاص
معكِ
معك
أغمض عينى الأن
و أتذوقها
معكِ
معك
أنا الذى لم أتذوقها يوماً
معكِ أو معه
أتذوقها الأن و أبتسم
لأنكم معى دائماً
-
أمنية
أتمنى هذة المرة
أن لا يكون تقديرى للأمر
خاطىء
أتمنى
حتى لا أفقد أخر أنفاسى
-
سؤال
ماما...أخبار صديقك أيه؟؟ أنا بصليلوه
أنا...الحمد لله أحسن بس صلى كمان علشان خاطرى
ماما...حاضر
أنا....(:
-
وجهُكِ


دائماً أتمنى وجهك بين يديا
و أرفع خصلات شعركِ من على عينيكِ
و أضع قبلة على جبينك
و أغمض عينى
و كفى
-
خوف
صديق قلبى العزيز
أنتَ خايف على فرصة ممكن تروح
بس أنا عاوز أقولك متزعلش عليها
فى حاجة مستنياك أحسن أنت عاوزها
متخفش يا صديقى
يمكن مش عاوز أقولك أنك هتسافر و تسيبنى
زى كل اللى أنا حبتهم
بس مادام دة شيىء هيسعدك
هكون فرحان أن أنت سعيد
-
سعادة
صديق قلبى العزيز
أنت حقيقى
مش بتحس بالسعادة اللى بكون فيها
و أنت معايا و بنتمشى
و بنحكى
و بنشرب عصير
و لا عارف و بتستعبط (:
-
حلم
أحلم أنى عندما أموت
و أنا أغلق عيناي
تكونى أنتِ فى حدقة
و تكون أنتَ فى الحدقة الأخرى
و ليكن ما يكون بعد ذلك
-
فاااات
فاااات...فااااات
عمر فاااات
أنت شايف انه فات كتيير و محصلش حاجة
من اللى أنت مستنيه
طب ممكن يعنى أن لو ينفع
تقف شوية يا حبيب قلبى العزيز
تقف و تبص أن ممكن اللى جى يبقى أحسن شوية
حتى لو أن الدنيا مش واضحة
عارفه ليه مش واضحة
أحنا اللى بنخلى الدنيا واضحة أو مش واضحة
و أنت مش عاوزها تبقى واضحة
بس لو ممكن بس تقف تسمعنى
و متضايقش لو الكلام عكس ما أنت عاوز
او تتمنى
لأن الحقيقة
أن أحنا بندور و نفتش في زمن خلاص
خلااااص فااااات
فااات يا صديقى
-
أيـــة
لا تضطرب قلوبكم ولا تجزع"

يا صديقى أنت أكيد قريت الأيه دى كتير
طب أيه طب ليه
أنا مش بلومك و لا بقولك متخفش
ما أنا خايف برضه
أنا زيك و يمكن أكتر
بس عارف اللى أنا فيه دلوقت
أوعى تفتكر انها عدم مبلاة
لأ أنا رميت حملى عليه
أنا مش بأنصحك لأنى أخر حد ممكن ينصح حد
أنا بس بخبط على كتفك
-
أستمعوا
الأن استمعوا لى أنا
أنا الذى لم أكن يوماً أنا
مملوء بأسرار قلبى أنا
و أحزان و أنكسارات أنتم و أنا
بين واقع الأخرين و الحياة و حقيقتى تائه أنا
بكُما أنتِ أنتَ موجود أنا
أتكلم و أتحدث..كل شيىء ينتهى بكُما
 و لا شيىء ينتهى عندى أنا
أحببتكم عشقتكم تمنيتكم أنا
لم أخجل يوماً من محبتى لكما أنا
-
أفكارى
أنت اليوم حيث أوصلتك أفكارك
 وستكون غداً حيث ستأخذك أفكارك
(
جيمس آلان)

عندك حق
غُلُبت أقولهم كدة
 -
مقاومة
بحاول مقاومة الحزن عليكم
و يتحول بس لقوة
أستمد منها
صدق دعائى ليكم دايماً
.
بحاول مقاومة فكرة أنى أموت
و يكون دة بأيدى
.

12 التعليقات:

  gogo!sf

الثلاثاء، 30 أكتوبر، 2012 9:44:00 ص جرينتش+2

رامى صباح الخير يا قمر

عارف احلى حاجه ايه انك تكتب كل اللى جواك بمنتهى الصراحه
مع ان اوقات الصراحه بتتعب كتير حتى لو فكرت فيها مع نفسك

زى الذكرى لما بتألمنا وبتوجعنا اوى وبردو نحبها

ربنا يسعد قلبك يارب يارامى

كل سنه وانت طيب

  شمس النهار

الأربعاء، 31 أكتوبر، 2012 12:52:00 ص جرينتش+2

جميييييييييله
جميله
والاجمل انها من قلبك وروحك

  momken

الأربعاء، 31 أكتوبر، 2012 3:19:00 م جرينتش+2

...

برغم انك عارف كويس انى لا اقرأ البوستات الطويله
لكنى باجى لحد بوستاتك ومقدرش امشى
البوست ده يصلح عده بوستات رائعه

ويصلح ان يكون عام كامل من الاستيتس على الفيس

ايه الروعه دى
انت حد فعلا رائع
كن بغايه التألق

تحياتى

....

  لـــولا وزهـــراء

الخميس، 1 نوفمبر، 2012 11:20:00 ص جرينتش+2



لستِ الأولى
لم تكونى الأولى فى حياتى
لكن من مروا بحياتى لم أراهم
ليس تقليلأ منهم
و لكن لأنكِ الأبهى
-
لستِ الأولى
لم تكونى أول من يرتاح لها قلبى
لكن أنتِ منْ قلبى أحبها
و أخذت روحى معها
-

..................................
انتِ مش الاولى لكن انطباعك داخلي الاجمل
خفق قلبي من قبل لكن خفقاته لكِ اشد خفقة
ده بجد؟ ساعات متكونش الاول في حياة حد لكن حضورك بيطغى وكأنك الاول في قلبه.. والاخير .








قهوة
أنا الذى لم يحب القهوة يوماً
أتسائل
هل للقهوة
مذاق خاص
معكِ
معك
أغمض عينى الأن
و أتذوقها
معكِ
معك
أنا الذى لم أتذوقها يوماً
معكِ أو معه
أتذوقها الأن و أبتسم
لأنكم معى دائماً
-........................
احياناً تجربة الاشياء المختلفة معهم تكون افكاراً صائبة فسيكون لها مذاقها المميز كمذاق القهوة التي لم تشربها مرة بحياتك .. طعمها سيكون فريد


ممكن لينك الاغنية اللي انت حاطتها خلفية للمدونة ؟ انا بشبه عليها (: .


لـــولا

  Timo..

الجمعة، 9 نوفمبر، 2012 12:58:00 ص جرينتش+2

مش ها اعلق على البوست لاني عاوز اقولك انك واحشني ولو اعرف انك صاحي كنت كلمتك دلوقت حالا :)

  re7ab.sale7

الجمعة، 16 نوفمبر، 2012 4:13:00 م جرينتش+2

دايما بخاف ادخل مدونتك يا رامي
تعرف لية
لانك ...انا
يعني بحس ان اللي بتقوله هنا هو اللي انا نفسي اقوله مش بقدر
يمكن عشان تشابه الحكايات بيننا

مش عارفة
يظهر ان ده يوم الاعتراف عندي

  NaDa

الثلاثاء، 4 ديسمبر، 2012 5:30:00 م جرينتش+2

أخر حاجة قولتها
جاية فى الصميم ..

بس بعد الشر عليك :)

  richardCatheart

الاثنين، 31 ديسمبر، 2012 9:39:00 م جرينتش+2

كل سنة وانت طيب يا رااااااااااااااااااااامى يارب سنة سعيدة عليك

  NaDa

الثلاثاء، 1 يناير، 2013 1:55:00 ص جرينتش+2

كل سنة وأنت طيب يا رامي
سنة سعيدة يا رب عليك
وتبقى أحلى من السنة اللي فاتت
وعلينا كلنا يا رب :)

  شاب فقرى

الثلاثاء، 1 يناير، 2013 1:26:00 م جرينتش+2

عزيزي رامي

كل سنة وانته طيب ويارب دايما بخير

ويارب السنة الجاية تكون احسن وتقدر تحقق كل اللى بتتمناه وتريح قلبك

علي فكرة انا مبحبش حكاية تحقيق كل اللى بتتمناه دى لانى بشوفها بتخلي الواحد يحلم من جديد ويتعب من جديد واحيانا فى ناس مبتعرفش تحلم وبيبقى مفيش حاجة تتعمل

هوا انا هقلبها نكد كدا ليه ؟

:D

كل سنة وانته طيب يارب ويارب دايما بخير

و انا حبيت افوت اسلم عليك
وخصوصا ان بعد لقاءنا الاخير انا كتبت بوست واستنيت زيارتك
وكان نفسي اقعد اتكلم معاك اكتر
بس الظروف ساعتها كان زى ما انته شايف

وكل سنة وانته طيب بقي :)

شاب فقري

  Timo..

الثلاثاء، 1 يناير، 2013 11:25:00 م جرينتش+2

كل سنة وانت طيب يا رامي..
ياترى مختفي بقالك كتير ليه...؟؟

  Baskouta

الاثنين، 7 يناير، 2013 12:35:00 ص جرينتش+2

كل سنة وانت طيب يارامي انت وكل حبايبك
يارب عيد سعيد عليك وعلىنا كلنا
وان شاء الله سنة جديدة سعيدة
Merry Christmas
:)