حاجات تانى5


عطاء
أعطينى كلمة بسيطة
سأعطيك
كل كلماتى الرائعة

أعطينى أبتسامة صغيرة
سأعطيك
كل أفراحى السابقة و اللاحقة

أعطينى قليل من أهتمامك
ستكون أنت حياتى

لكن يا صديقى
أن لم تعطينى أى شيىء
سأعطيك أنا كل شيىء
لأنى أحبك

و سأكون سعيد و ممتن لك جداً
فأرجوك لا تحزن
أو تغضب منى
(أنا)
حقيقة علمية
أنا مريض نفسى
دى حقيقة
أيوة أى شيىء تفعله زائد عن الطبيعة البشرية
يعتبر مرض
و أنا مريض بالحب
دا مش مجرد كلام دى حقيقة
حاولت أنى أتابع مع دكتورة
لكن للأسف و الأسى
تعاملت مع مشاعرى بكل أستهزاء
و دة الشيىء الوحيد اللى مقدرش أسامح فيه
أسامحك بأى أساءة ليا
إلا مشاعرى
فأنا بأتعامل مع المدونة أنها المعالج النفسى بتاعى
فأرجو لا صدمات مع أى شيىء يتكتب
يوحى ليك بأى شيىء غير منطقى
أو غير مُريح
شكراً لتفهمكم
(:
أنتوا دلوقتى عارفين بتتعاملوا
مع مريض
علشان كدة أنت مش مطالب بتقبل أفكارى
أو بتقبلى أنا شخصياً
و أنا عمرى ما هأزعل
بأمانة
(:
سرقة
أحاول سرقة الضحِكات و تصنُعِها
أنجح
لكن أنا من يعرف حقيقتها
قسوة
خايف تكون بعدت بزيادة
و يكون قلبك قسى أكتر
ما هو قاسى
ضعف
سأحزن بشدة و أحس بالوحدة
و الضعف
لما أبقى مش عارف ألضم الأبرة
لما أجى أخيط
(:
دة حقيقى
أصل هتبقى صعبة أوى بعد 15سنة وحدة
أبقى مش عارف
(:
أعتقاد
عندما أنهيت التدوينة السابقة
أعتقدت أنى سأبكى بحرقة
لم أدمع حتى
أعتقدت أنى سأنام مثل الميت
لم أنام لمدة يومين
برغم الأرهاق المميت الذى أنا به
أعتقد
أنك عاقبتنى جيداً  
أيه
فإِن أَحْبَبْتُم مَن يُحِبُّكُم، فأَيُّ أَجْرٍ لكم
(من الأنجيل)
أنا...حاضر
عجوز
ماما...رامى ممكن توقف الرجيم شوية
وشك خس قوى و عجز
أنا...معلش شوية كدة(أجابتى ليها)
أنا...مش هأقدر (أجابتى اللى جوايا)
كتابة
هل أكتب لك عنك كي أُفرح قلبك أم قلبي؟
هل أكتب لك عنك كي أثير شوقك إليّ أم شوقي إليك؟
لم أعد أعرف
(مدونة صالون مارى القصيفى الأدبى)
 صورة
 هو أنا كدة بالنسبة ليك
هى دى الصورة اللى بتدور عليها 
طب ما أنا عارف دة من الأول 
بس كل ما أفتكرها 
بأحزن

14 التعليقات:

  غير معرف

الأربعاء، 29 أغسطس، 2012 8:21:00 ص جرينتش+2

ممكن تبقى صاحبي؟

  Radwa Tarek..

الأربعاء، 29 أغسطس، 2012 10:57:00 ص جرينتش+2

تبقى مريض بالحب..ولا تبقى مريض بالكره والأنانية...

الحب ليس مرضاً عزيزي رامي :)

...حياتك حلوة يارب

  مصطفى سيف الدين

الأربعاء، 29 أغسطس، 2012 11:01:00 ص جرينتش+2

اكثر ما اعشقه فيك يا صديقي هو صدقك مع نفسك و مواجهتها بحقيقة الأمر
كن كما انت يا عزيزي و دعك ممن هم حولك

  لبنى أحمد نور

الأربعاء، 29 أغسطس، 2012 12:26:00 م جرينتش+2

مع رضوى ومصطفى

(فإِن أَحْبَبْتُم مَن يُحِبُّكُم، فأَيُّ أَجْرٍ لكم)

عجبتني أوي

وعايزين حاجات تاني وتاني.. وتكون مبسوط :)

  وصف الاحساس

الأربعاء، 29 أغسطس، 2012 5:25:00 م جرينتش+2

ان كنت انت مريض نفسي لانك مريض بالحب فالبشر كلهم مرضي نفسيين مع اخلاف الاسباب
جميله اوي حاجاتك يا رامي
ما تغيبش كتير
تحياتي

  لـــولا وزهـــراء

الأربعاء، 29 أغسطس، 2012 5:51:00 م جرينتش+2


قسوة
خايف تكون بعدت بزيادة
و يكون قلبك قسى أكتر
ما هو قاسى
.................

ده خوفي

... سامي انت خلتني اكتشف اني كمان مريضة نفسية لان مشاعري اوفر قوي عن الطبيعي... سامي كلنا مرضى نفسين بس بنخبي على بعض كل واحد فيه حاجة اوفر بيعملها
... دايماً كلماتك ومشاعرك الموصوغة حزينة لكنها جميلة

لولا

  فافى

الخميس، 30 أغسطس، 2012 1:45:00 ص جرينتش+2

لو مريض نفسى
انا فى الخدمه ومش هستهزأ بمشاعرك :)

  ابراهيم رزق

الخميس، 30 أغسطس، 2012 7:26:00 ص جرينتش+2

رامى
القلب الطيب

بص يا رامى

انا معاك ان الحب مرض
وده فى حالة ان حياتنا تتوقف وتدور فى فلك شخص وحب مستحيل

يارب يارامى فيرس الحب ينتشر بين الناس

تحياتى

  شمس النهار

الخميس، 30 أغسطس، 2012 12:13:00 م جرينتش+2

مريض بالحب !!
ياريت المرض ده يصيب خلق الله كلهم
كان الكون اتصلح
انت بس حاسس انك مريض علشان انت كده عجبة
في وسط مجتمع
نااادر فيه الحب
اوعي تخف من الحب
خليك كده
انت في نعمة من الله

  sony2000

الجمعة، 31 أغسطس، 2012 1:16:00 ص جرينتش+2

رامي

هنتحر بسببك
لو نتا مريض نفسي
اعمل انا ايه

  hana

الأحد، 2 سبتمبر، 2012 5:43:00 ص جرينتش+2

ياربي أنا لما باجي هنا
باحس إني في عالم تاني
كلامك همس
وهمسك بيدخل جوا الروح
بشكل غريب
عارف يا رامي أنا على كدة مريضة بالرومانسية زيك
خليك كدة أنت رائع جداً

ميرسي على تهنئتك الرقيقةبعيد الفطر المبارك
وإنت طيب دايماً وبصحة وسعادة

هناااااااااااااا

  NaDa

الأحد، 2 سبتمبر، 2012 6:21:00 ص جرينتش+2

ولو كان الحب مرض
فـ هو أجمل مرض أصلاً بقى ..
الحب بكل أنواعه وكل حاجة فيه :)

  Mona

الأحد، 2 سبتمبر، 2012 1:32:00 م جرينتش+2

حبيت أقول لك أنا لسة بأقرأ لك بس يمكن مش بعرف أعلق بس ده مش إهمال منى لكن ساعات الكلام بيتوه - ربنا يحفظك يارب

  safa7_karmooz

الخميس، 6 سبتمبر، 2012 7:10:00 ص جرينتش+2

عارف يا رامى لما كنت بتكتب عنها وتقولها عارفك مش هتعرفى تاخدى الهدية دلوقتى وكل الكلام ده ...كنت بستغرب وابتسم فى نفس الوقت ..

دلوقتى انا بحس انت كنت بتحس بايه لما كنت بتقول الكلام ده :)

مرضك حلو مش وحش..وليه علاج بس يمكن احنا بنروح للدكاترة الغلط فى وقت فيه دكتور تانى مستنى اننا نوصلهم ..

***

انا بقالى كتير مجتش عندك هنا ..انا بقالبى كتير مبقتش عارف اكتب ولما لقيت سبب يخلينى ارجع للحياة من تانى واضحك ...اسكتروا عليا كده وبيفكروا ياخدوا السبب ده منى ..بس يمكن عشان هى الدنيا كده ...عمرها مش هتديلنا اللى احنا عاوزينه ..حكمة ربنا ولا اعتراض

يارب تكون بخير يا صديقى :)