حاجات تانى...

الحنين الدائم
هو إثبات من قلبك
لحُبٍ مازال قائماً
(دا أنا)

..................
أما أنا أُفضل
وجهكِ
بدون سُكر
(كاظم الساهر)

..................
وياك ... وياك
الدُنيا حلوة وياك
فى صفاك و جفاك
أنا راضى يا حبيبى برضاك
(فريد الأطرش)

................
من كبد ... كبد الشقى(الشقا)
بمحبة نبنى ديار

رغم الضلام مشنقة
ساكن فى قلبى نهار
كفك عل كفى
تساعدنى و تكفى

و تهون حمول كتفى
لما أنت بتوفى

عجزى مهواش فى البصر
و لا عمره كان لى حصار

العجز فى قلوب بشر
لما يجف خَضار
(أداء ماجد الكدوانى باللهجة الصعيدية)

.............
أحساسى أن ربنا واقف جنبى
بيزيد يوم بعد يوم
حتى ف موتى
حاسس أنى لما هموت
هكون نايم على سريرى
مش هتعب يعنى
(:

.............
- إلا قولى يا واد يا مزيكا
نعمين..
-أنت بتفهم فى السياسة ياض؟؟!!
السياسة !!!! هه ...
دا أنا الشعب ...
^ _^
.....................
سألونى الناس عنك
يا حبيبى...
قِلتلُن راجع ..أوعى
 تلمونى
(فيروز)

.....................

نقطة و من أول السطر
.. مازلت أهواكِ

................

يمكن أنا مبعرفش
أمتى أقول الكلام
أو أزاى
بس بحاول دايماً أكون
جنبك

.............

بيقولوا
قال أيه ..
صيد السمك
يعلم الصبر

العالم دى محبتش قبل كدة و لا أيه؟؟!!!
(:

.....................
ولو كان ..الجناح مكسور
سواء جناحها
أو جناحك
مش مهم
لو
أتسندتوا على بعض...
ممكن تطيروا لفوق سوا

(فاتيما ..مامت يوسف)
 جزء من أحد كومنتاتها (:

.................
"حيث المحبة
 هناك
 يكون الله موجود
 فأمتلك المحبة ليكن الله فى قلبك جالساً على عرشه."

(القديس أوغسطينوس)

.............
يا باب يا مقفول إمتي الدخول
صبرت ياما واللي يصبر ينول
دقيت سنين.. والرد يرجع لي: مين ؟
لو كنت عارف مين
 أنا كُنت أقول...
عجبي

طبعاً (عمنا صلاح جاهين)

..........

لا يُدرك أسرار قلوبنا
 إلا من امتلأت قلوبهم بالأسرار
(جبران خليل جبران)

..............

أفضل وسيله للوفاء بالوعد هى أن لاتوعد اصلاً

(مارتن لوثر كينج جونيور)

فِكرك كده يعنى ؟؟..
(ده أنا)
..................
يا نسمة البحر أسرحى و طوحينى
و ف حضنك الطيب خدينى أحضنينى
و هدهدينى فى الهوا و مرجحينى
و فرحينى باللى جى من سنينى

(محمد الحلو..من مسلسل الوسية)

.......................
نفسى أقعد أقرا
 زى زمان ..
):

...................
أترفض البوح لأنها فقدت الثقه فى أن يستمع لها أحد وأن يفهم طلاسمها أحد فهى بالرغم بساطتها
إلا أنها مازالت تشعر بكل الغموض يحاوط حروفها بكل الأسرار تسكن بين سطورها
أم تراها ترفض أن تضم بين سطورها ذاك الضمير الغائب الذى يشير لك ويترك بعد كل سطر نقطه ما تنهى عبارة كتبت عنك
 بصيغه الغائب

(مها العباسى.. مدونة لافندر)

.......................
صوتِك معايا
و عطرِك بيسرى فى دمايا
يا أخت روحى
يا ضى هوايا و سمايا

يا صوت بيفرش طريقى
حنان و نور و زهور

عدينى سور وحدتى و توهانى
و عمايا

(على الحجار...من أغانى مسلسل الأيام)
دى علشانك
يا حبيبة الروح

..............

دى روابط لو عاوز تسمع

دى بتاعة ماجد الكدوانى 
http://www.4shared.com/audio/gG2XS4r-/___online.html
ودى محمد الحلو

http://www.4shared.com/audio/w6lbQoiE/__online.html
و دى على الحجار

http://www.4shared.com/audio/gUzrzs8z/__online.html

20 التعليقات:

  Ramy

الأربعاء، 19 أكتوبر، 2011 11:10:00 ص جرينتش+2

طبعاً دى محاولة للكتابة

طبعاً غشيت الطريقة من فاتيما

اصل انا غشاش الصراحة يعنى ((:

انا عارف فاتيما مش هتمانع

............

  ابراهيم رزق

الأربعاء، 19 أكتوبر، 2011 11:24:00 ص جرينتش+2

رامى
القلب الطيب

هههههههههههههههههههههههههههههه

يا خطاريفك يا رامى

خطاريف بطعم رامى
بجد جميلة يا رامى و عايزين منافسة بينك و بين فاتيما و احنا المستفدين
تفكير شرير مش كده

سلام يا رامى

  شيرين سامي

الأربعاء، 19 أكتوبر، 2011 11:30:00 ص جرينتش+2

رامي أشكرك عشان بجد خليت نهاري أجمل بالبوست ده :)
كل جمله ليه إحساس و طعم مختلف

أما أنا فأفضل وجهك من غير سكر....مش عارفه أقولك الأغنية دي بتعني لي إيه :)

تسلم إيدك و إختياراتك
تحياتي لك

  فاتيما

الأربعاء، 19 أكتوبر، 2011 11:32:00 ص جرينتش+2

الحنين الدائم
هو إثبات من قلبك
لحُبٍ مازال قائماً


حلوة دى جداااااااااا

ويا عم لا غشيت ولا حاجة
هوه الخطرفة انكتبت على اسمى

الخطرفة حق لكل مدون
براحتك خالص
وانتا بالذات يا ر ر
:)


الرابط الأساسى بين كل الحاجات تقريبا هو الحب
والحنين
والصبر
... والأغانى


انتا طبطباية متجسدة ف بنى آدم يا رامى ...
ربنا يسعدك
ويريح قلبك
ويفرحك بملاكك بين ايديك
و بجناح مش مكسور ...
لا ليك ولا ليها


حلو البوست قوى
وحنّين
ويا ريت يبقى فيه حاجات تانى ..2
و حاجات تانى ..3
وكدا

  لبنى أحمد نور

الأربعاء، 19 أكتوبر، 2011 2:12:00 م جرينتش+2

جميلة الحاجات :)

تاني بقى :D

  Baskouta

الأربعاء، 19 أكتوبر، 2011 2:41:00 م جرينتش+2

جميلة اوي يا رامي

بيقولوا
قال أيه ..
صيد السمك
يعلم الصبر

العالم دى محبتش قبل كدة و لا أيه؟؟!!!
(:


يمكن محبوش ويمكن حبوا الصيد
وعلشان كدة صبروا عليه

اصلا الصبر ابن الحب

جميل اوي البوست
تحياتي
:)

  وصف الاحساس

الأربعاء، 19 أكتوبر، 2011 3:56:00 م جرينتش+2

اخيرا وبعد عناء عرفت ادخل مدونتك وارد كمان
يال الهووول
علي فكرة انا بدخل مش بعرف ارد عشان انا علي طول موبايل فبتذل علي ما اعرف ادخل واتذل عشان اكتب وفي الاخر مش بيبعت فاعذرني والله غصب عني

الصور حلوة والكلام جميل

تحياتي

  نور القمر

الأربعاء، 19 أكتوبر، 2011 6:14:00 م جرينتش+2

موضوع حلو شكرا لك
مع تحياتى
نور

  كلام من قلبي

الأربعاء، 19 أكتوبر، 2011 8:16:00 م جرينتش+2

كلها بجد مقتطفات جميلة جدا
وكلام رائع بجد
تحياتي

  قهوة بالفانيليا - شيماء علي

الأربعاء، 19 أكتوبر، 2011 9:28:00 م جرينتش+2

انت شخصية عاشقة شغوفة اوي يا رامي !!
شغوف جدا جدا ..
:)
يا ريت كلهم زيك !!
بدل الناس اللي مالهاش معنى اللي الواحد بيتكعبل فيها على الفاضية و المليانة !

  safa7_karmooz

الأربعاء، 19 أكتوبر، 2011 10:45:00 م جرينتش+2

نظرا لانى مكتئب النهاردة ...

فهكتفى بابتسامة :)

  شمس النهار

الخميس، 20 أكتوبر، 2011 12:06:00 ص جرينتش+2

عجبتني اووووووووووي
وخصوصا اني منقوطة من حلقة المجلس
:))

وعجبتني الربط بين صبر الصيد
وصبر الحب

:)))

بوست ميه ميه

  rona ali

الخميس، 20 أكتوبر، 2011 12:43:00 ص جرينتش+2

ابقي غش علي طول ههههههههههه

بس حلوة اوى بالصور والكلام :)

  hana

الخميس، 20 أكتوبر، 2011 8:26:00 ص جرينتش+2

بحس بهدوء روحاني غريب وأنا هنا
كأنه مفيش مكان محدد فيه واقفين عارف اللي مش عارف مكانه
وشامم ريحة الورد والياسمين والنسيم جااي عنده
يسلم الإحساس يا رامي

  re7ab.sale7

الخميس، 20 أكتوبر، 2011 5:16:00 م جرينتش+2

ازيك رامي
فينك من زمان
وحشتنا كتابتك
وطلتك علينا
يارب تكون بخير
وعجبتني الطريقة اوووي
وغشتها من فاتيما برضه معتقدتش انها هتمانع
فاتيما دي حبيبتنا كلنا

  جايدا العزيزي

الجمعة، 21 أكتوبر، 2011 7:29:00 ص جرينتش+2

اسعدنى جدا كل ما بداخلك رامى

لانه بيعبر عنك

والانسان كل ما يمسك قلمه

يلاقى حاجات كتير تفجائه

حفظك الله واسعدك اخى
تحياتى

  Ms Venus

الأحد، 23 أكتوبر، 2011 3:58:00 م جرينتش+2

نفسى أقعد أقرا
زى زمان ..
):


وانا نفسى اضحك زى زمان


جو تانى هنا يا رامى

بجد جميل جدا

  الازهرى

الأحد، 23 أكتوبر، 2011 6:11:00 م جرينتش+2

بيقولوا قال أيه ..صيد السمك يعلم الصبر
العالم دى محبتش قبل كدة و لا أيه؟؟!!!(:


تعرف يا صاحبى
أحيانا بيكون الحنين دفعة للإنسان إنه يتقدم أكتر
وكتير الحنين بيخلق جواك فراغ

بس فى النهاية هى ذكرياتنا وهنعيشها

وألا تفتكر ممكن نصدرها لمين ؟

  NaDa

الأحد، 23 أكتوبر، 2011 9:54:00 م جرينتش+2

وحشني كلامك البسيط
اللي بيلمس القلب ويخليه يبتسم
مهما الكلام كان بيتكلم عن إيه :)
أنا بستمتع بجد بكل حاجة بتكتبها يا رامي

يا رب تكون بخير :) .

  Sarah ..

الاثنين، 24 أكتوبر، 2011 6:33:00 م جرينتش+2

أول حاجة وجعتنى :(

بيقولوا
قال أيه ..
صيد السمك
يعلم الصبر

العالم دى محبتش قبل كدة و لا أيه؟؟!!!
(:

لأ العالم دى محبتش _ زيك _ ولا عرفت طعم الصبر قدك .. :)

بالنسبة لموضوع القراية .. ارجع تانى اقرأ حتى ولو صفحة وانت مش فاضى
الموضوع زى المغناطيس .. هيشدك أكتر
بطل بس كسل .. ويارب انا كمان :))

باقى الحاجات التانية والاقتباسات والاغانى .. عجبانى



بوست جميل من وحى خطاريف فاتيما بقلم رامى .. وهستنى اللى بعده :)