هوهوة الكلااااااااب

شوفت أهوا بيشتم 

شوفت أهوا بيهدد بقتل المُحافظ 

شوفت دول راحوا يقتلوا جنود الجيش الغلابة 

اللى عاملين فيها مُسالمين 

لما حصلت الثورة الكل قال الناس كان محضريين لثورة و انا قلت لأ دى كانت وليدة الأحداث و الناس نزلت بعد ما خلااااص أتنفخت 

ليه مش مقدرييين ان المسحيين منفخيين مرتيين علشان مصريين و علشان مسيحيين 

أييييييييييييييييه يا عم

عارفين اللى كانوا بيقولوا كدة عامليين زى الكلاب بالظبط ليييه 

زى ما واحد عربجى بيكلم واحد محترم

وده  عمال يشتمه و يهزقه و ده بيقوله عيب طب الله يسمحك 

بعد فترة جه العربجى قالك مفيش فايدة لازم نقتله حد علشان يحس 

راح قتله مرة و اتنين و عشرة و عشرين 

راح المحترم شتم و هدد و ضرب (طبعاً مش دفاعاً عن أسلوب الراهب العربجى اللى فى الفيديو لأن دة عربجى كدة برده)

واحد حلو يجى يقولى طب ما يا رامى ما المصريين بيموتوا كل يوم فى العبارة و حوادث القطارات 

أقوله  العبارة عمرها ما هتفرق ما بين مسلم و مسيحى 

لكن لما تبقى رايح تفجر كنيسة و لا تموت ناس فى مظاهرة علشان هما مسيحين 

انا كمان مبكلمش على أنبارح لأن أكيد فى شيىء غلط بس مش من اللى كانوا فى المظاهرات 

من امتى بنطلع بملتوف و لا أسلحة بيضا و لا حمرا حتى 

و التلفزيون المصرى بيستننجد بالمسلميين من القتله المسيحيين 

يا عينى عليك يا أخويا و انت متبهدل 

هل هذا يدل على ان المسيحيين ملائكة و لا يُخطئون لالالا دة فيهم اللى فيهم و تشوف العجب كمان 

لكن النفخ بالعقل 

أنفخنا بالراحة يا مُرسى 

بعد دة كله هنسأل السؤال اللى هننهى بيه الحلقة 

هل يجوز شرعاً الترحم على المسحيين النجسسسين دووول 

............................................................
على جنب طبعاً انا لما بتكلم على مثال العربجى دة طبعاً مش علشان المسلميين 

 لأن أنا لو مكنتش اعرف مسلمين كتيير كويسيين و محترميين أحسن من مسيحييين كتير أعرفهم مكنتش كملت المدونة و لا كتبت اللى كتبته

التوضيح ده للناس اللى دماغها مش معاها

سياسة بقى
غالباً الجيش اُعجب بالبلد و مش هيسبها 

كمان حتة اللى عاوز امريكا تدخل هو اللى كان عمال يقول يا مسلمين أحموا الجيش

26 التعليقات:

  عمرو فكرى

الاثنين، 10 أكتوبر، 2011 3:44:00 م جرينتش+2

"كمان حتة اللى عاوز امريكا تدخل هو اللى كان عمال يقول يا مسلمين أحموا الجيش "

ربنا يستر علينا

  أع ـقل مـ ج ـنـونــة

الاثنين، 10 أكتوبر، 2011 4:00:00 م جرينتش+2

ايموشن حزين

و ... بــــس :(

  ستيتة حسب الله الحمش

الاثنين، 10 أكتوبر، 2011 4:05:00 م جرينتش+2

الكلام كله في عنوان البوست
خالص عزائي لحزن قلبك
ربنا ما يوريك حزن ويصبر قلوب الأهالي

الأب فلوباتير قال ان اللي هدد مشلوح
ومن زمان
يبقى اللي بيهدد يا مشلوح يا بني آدم لم يصل الحب ومعرفة الله لقلبه
في كل الأديان
لو عرفوا الله لعرفوا الحب
ولا وجدوا للكره طاقة
لو عرفوا الله لخافوا من جهنم وحرها
وتمنوا السلامة لكل ابن أدم طيب
انا معرفش ربنا ها يرحمني ولا لأ
بس بتمنى باسمه الرحمن الرحيم يرحمني ويرحم كل انسان وينور طريق الحق لينا

تحياتي

  شمس النهار

الاثنين، 10 أكتوبر، 2011 4:42:00 م جرينتش+2

ضحكتني يارامي رغم السواد

صديقة ليه تعمل في التليفزيون كانت هناك وقت الاحداث
قالت لي مش اللي في المظاهرة اللي ضربوا نار
دي ناس كانت اشكلهم غريبة
وكمان مش كل اللي في المظاهرة كانوا مسحيين كان في مسلمين
وكان في اطفال وستات كبار اللي هيجي يضرب مش هيجيب دول معاه

شوف هو شيناريو اغبر بيطلعوه كل مايتزنقوا في ولعة

وبرضوا مش هتولع وبرضوا امريكا بعينها تدخل مصر

وبعينها قطر والسعودية مصر تنحني
ويحلوا عننا ويروحوا يشوفوا خيبتهم الاول

  حفيدة عرابى

الاثنين، 10 أكتوبر، 2011 5:47:00 م جرينتش+2

البقاء لله يارامى
أنا بعزيك وبعزى نفسى

الكلاب يارامى مش هتبطل تهوهو بسرعة

واحنا من ساعة ماالثورة قامت ملبوخين فى مليون حاجة ومن هنا لهنا بنجرى وبيشدونا
ومحدش فينا عنده وقت يعرف يمسك دماغ الناس اللى هى محتاجة وقت طويل
بس هتتغير صدقنى

عارف انا فاهمة ان الناس من الناحيتين ليه شايلين من بعض وليه أقل حاجة ممكن تقلب الدنيا

بس اللى مش قادرة استوعبه بجد هو التليفزيون بتاعنا بيشتغل فيه بنى ادمين
عاديين يعنى بيتعبوا ويخفوا وعندهم ولاد وبيناموا وبياكلوا
طب بيعرفوا يكدبوا ويخربوا بالبشاعة دى ازاى

اللى حصل امبارح ده أفظع من موقعة الجمل ومن جمعة الغضب
الناس أيامها كانت نازلة وهى عارفة انها هتموت ..المرة دى صعبة صعبة صعبة
لدرجة موقفة عقلى عن التفكير ولسانى عن النطق
ازعل يارامى
اصلى كنت ناوية اقولك ماتزعلش
بس هييجى يوم والله تبقى البلد دى فعلا بتاعتنا ومحدش هيتجرأ يقتلنا تانى

  Mona el Dawakhly

الاثنين، 10 أكتوبر، 2011 8:25:00 م جرينتش+2

معلش يا رامي و البقاء لله
الكل مخنوق و الكل متضايق و الإحساس العام بالظلم و الظلام...بس بقول لنفسي ما ضاقت إلا ما فرجت..و ربنا كريم و هتفرج
و سمعت آخر نكتة...بيقولوا الجيش مالوش قتلى و دي طلعت" نرفز مذيع" !!
عايزين ندي الملثم بتاع العريش عنوان ماسبيرو على فكرة :)
مرة تانية روق و ربنا كبير و يستر على بلدنا

  Tarkieb

الاثنين، 10 أكتوبر، 2011 9:41:00 م جرينتش+2

صدقني يارامي خير وجاي وبكرة تقول انا قلت

  أبو حميد

الاثنين، 10 أكتوبر، 2011 11:38:00 م جرينتش+2

رامى
مش عارف أعزيك ولا أعزى نفسى
سيناريو الفتنة والفوضى... دور على المستفيد
خالص عزائى يا صاحبى

  Story pain

الثلاثاء، 11 أكتوبر، 2011 12:52:00 ص جرينتش+2

سامحنى يا اخى...مش هوهوة كلاب

لما يبأة فى قتلى مدهوسين وجثثهم مالهاش ملامح وكنائس كل يومين بتتحرق وتتهد ومصابين بالمئات...وتسمع باه كلام بينتقد المسيحيين واعتصامهم يبأه دول مش كلاب لان الكلاب بتحس ..دى اجساد خلت من الانسانية والضمائر وبالتالى الدين...
ولاننا نتساوى فى الحزن كنا مسلمين او مسيحيين ..انا مسلمة لكن مش بستحمل العربجية دول ومابعرفش اكون محترمة معاهم علشان دينا الاسلامى مش بيقولنا اتحولوا لحيوانات او سفاحين ..ده بيقول احموا اخواتكم المواطنين فى نفس البلد احموا كمان كنائسهم واحسنوا عليهم

ربنا يصبرنا ويحقن دماء المصريين وقوينا علشان ناخد حقنا

  zizi

الثلاثاء، 11 أكتوبر، 2011 1:08:00 ص جرينتش+2

رامي انا امبارح كتبتلك تعليق عشان اخفف عنك واقولك لو سمحت روح مدونتي واقرا ماكتبته وربنا يعلم انا امبارح الليلة عدت عليا ازاي وعشان كدةانا عايزاكتروح عندي ويا ريت تقول لكل ولادي من المسيحيين وعنوان المدونة:اتمشى بين ضلوعي ..
http://etmashabaindolo3y.blogspot.com

  rona ali

الثلاثاء، 11 أكتوبر، 2011 3:45:00 ص جرينتش+2

كلام سليم يا رامى

بس الخير جاى وقادم

وانا مش هقدم العزاء ليك لان اللي حصل عزاء لجميع المصريين اتمنى الا ناخده قبل ان نعلم اين نحن بالظبط وسط الهيلمانات الكتيره دى :(:(

  ابراهيم رزق

الثلاثاء، 11 أكتوبر، 2011 8:29:00 ص جرينتش+2

رامى
استغرب جدا من اخوتى اللى بيعزوك يعزوك ليه
احنا بنعزى نفسنا
فى حاجة غريبة يا رامى الناس اللى بتخش فى وسط المظاهرات
كان فيه واحد بلطجى اندس وسط متظاهرى الالترس و كان ماسك مطواه و لكن هما عشان عارفين بعض قدروا يطلعوه و فاتيما شافته
اعتقد ده حصل فى المظاهرة الاخيرة
لكن السؤال المهم مين دول و عاوزين ايه و مين بيديهم فلوس هو ده السؤال

تحياتى

  safa7_karmooz

الثلاثاء، 11 أكتوبر، 2011 8:38:00 ص جرينتش+2

اللى عاوز امريكا تدخل مصر هيحصل فيه زى ما حصل فى فيلم "ليلة سقوط بغداد " :)

البقاء لله اولا ...

ثانيا احنا السبب فى كده عشان احنا شعب عاطفى للاسف ...مشاعرنا بتحركنا قبل اى حاجه ...

لو جيت فى منطقة وقلت الجامع بيولع او الكنيسة ...كل طرف هيتحول ضد الطرف التانى ...بمشاعره مش بعقله ..

والمشاعر فيه نظام وسخ نجح فى اخر عشر سنين انه يغذيها بكم افكار سلبية عن كل طرف..وفيه ناس من الناحيتين بتصدق هوهوة الكلاب دى وناس قليلية بس اللى بتفكر وتعقلها ..

مش عارف اقول ايه تانى عشان من اول امبارح وانا ماليش نفس اعمل اى حاجه !!

  hana

الثلاثاء، 11 أكتوبر، 2011 9:51:00 ص جرينتش+2

والله يارامي مهما حاولوا
محدش هيقدر يفرق بين مسلم ومسيحي
وبردو هنفضل إيد واحدة وقلب واحد زي ماكنا على مر العصور ويشهد التاريح بده وزي ما كنا
في جمعة الرحيل
وبردو مش هيقدروا يعملو اللي عاوزينه يحصل
دة مخطط يد خفية عاوزة تقلب الموازيين وتشعل النار في مصر ولغة معروفة فرق تسد إحنا مش هنتفرق عشان احنا واحد

ولازم كلنا نقولها مش هتقدري

  م. حجاز

الثلاثاء، 11 أكتوبر، 2011 1:25:00 م جرينتش+2

صديقى رامى
انا بقالى يومين متردد اكتب عن الاحداث ولا ما اكتبش
عموما انته قولت اللى اكترنا عايز يقوله والمشكلة عمرها ما هاتتحل لو رفعنا كل مصاحف الدنيا جنب كل الصلبان
المشكلة محتاج ضمير يحلها من جذورها
وعزائى ليك مش لانك مسيحى انما لانك مصرى
وربنا يرحمهم ان شاء الله

  gogo!sf

الثلاثاء، 11 أكتوبر، 2011 2:40:00 م جرينتش+2

والله يا رامى انا حزينه جدا جدا
ولاد اللذينه اللى عايزين يعملو الفتنه من فترة ومش كانو عارفين انتهزوها فرصه دلوقتى وقدرو يعملو اللى هما عايزينو
بس المهم محدش يصدق ونفضل كلنا ايد واحده مسيحى ومسلم ونقول اننا مصريين وفى مركب واحده

ربنا يصبر قلب كل الاهلى

  Tamer Nabil Moussa

الثلاثاء، 11 أكتوبر، 2011 3:05:00 م جرينتش+2

شىء يتعب ويحزن اللى بيحصل دة فى البلد

ربنا يحفظ مصر ويحميها من كل شر

وربنا يرحم كل الشهداء ويصبر الاهالى

مع خالص تحياتى

  وجع البنفسج

الثلاثاء، 11 أكتوبر، 2011 4:16:00 م جرينتش+2

اللهم أنى أستودعتك مصر..♥ رجالها و شبابها .♥.

نساءها و فتياتها .♥. أطفالها و شيوخها .♥.

اللهم أنى أستودعتك ممتلكاتها و مبانيها و منشآتها .♥.

اللهم أنى أستودعتك نيلها و اراضيها و خيراتها .♥.

اللهم أنى أستودعتك أمنها و أمانها و أرزاق اهلها .♥.

اللهم أنى أستودعتك حدودها و بحورها و جنودها .♥.

فأحفظهم بحفظك يا من لا تضيع عنده الودائع و أنت خير الحافظين .

  سكرتيرة جديدة

الثلاثاء، 11 أكتوبر، 2011 8:17:00 م جرينتش+2

بص يا ياسيدي
اولا انا مرتاحه قوي ان الكلام ده طالع منك
ثانيا انا مش فاهمه اييييييييييي حاجه نهائي غير اننا فى ورطه وان فعلا فى لعب كبير بيحصل والناس العاديه مش عارفه تكون صورة واضحه تتوحد فى الدفاع عنها او الهجوم ضدها
ثالثا اشمعنى دلوقتى اختفت كلمه بلطجيه من القاموس ؟ وليه نسينا انفجار الكنيسه قبل خلع المخلوع بكام شهر ؟ وليه نسينا كمان كنيسه امبابه ؟ هو هو ذات نفس الاسلوب القذر اللى كانو بيستخدموه لتحقيق مصالحهم بسياسه فرق تسد فرق بين الناس فى ديانتها وافكارها يختلفو ينشغلو بخناقاتهم بينهم وبين بعض ونفضى احنا لتحقيق مصالحنا واهدافنا

رابعا انا متاكده ان الامر مش مسلمين ومسيحين قد ماهو محاولة جديده للهجوم على المجلس العسكرى ومحاربته واشاعه الفوضى فى البلد
بدليل اننا لما بنعوز نطلب اى طلب بنروح على التحرير ونعتصم ونعمل اضراب و نمتنع عن الاكل وكان المطالب بتتنفذ يوم الخميس بليل قبل مانطلع مليونية الجمعه
خامسا معانا اعلام الله ينور عليه غبي غباوة السنين انه يولع اى مشكلة بتحصل دلوقتى ويكبر المشاكل اكتر من حجمها مليون مرة وماحدش بيتحرى دقه اللى بيذيعه الا قليل جدا


طووووووووووووويب ايه اللى هنستفيده بعد الهرى ده كله ؟
اننا كمصريين بغض النظر عن ديانتنا لازم نحافظ على بلدنا
اكيد كل واحد فينا جواه ضمير يعرفه اللى بيعمله ده صح ولا غلط
لما خرجنا فى مظاهره كنا بنقول سلميه مهما كان الظلم اللى بيقع علينا ومهما كان الضرب اللى بيحصل والموت اللى بنشوفه بعنينا كنا بنقف ندافع عن انسانيتنا ومطالبنا بشجاعه وكان اللى بيضرب بياخد على دماغه من الشعب كله لحد مايكش ويقعد على جنب

لكن قولى دلوقتى لما يخلو الخلاف خلاف طائفي هتبقى ايه ؟ مشكلة شعب بحاله واتصرفو سوا بقى مش مشكلة حكومه ولا فلول ولا مجلس ده ياعيني المجلس متصاب

حتى لو المجلس بريء براءه الذئب
يبقى اسلوبه لاداره البلد فى منتهى الاستخفاف بحده الازمه اللى احنا فيها

هوووووووووووووووف زهقت واتخنقت بصراحه وبنتكلم فى دايرة مفرغه ماحدش قادر يحطلنا تصور واضح ولا خطوات تخلينا نفكر ونمشي على اساسها للخروج من الازمه دى

الاءتلاف والاحزاب والجماعات لازم تتجمع وتشوف اتجاه معين نمشي على اساسه

  sony2000

الخميس، 13 أكتوبر، 2011 2:17:00 ص جرينتش+2

ربنا معاك
بجد موش عرفه اقول حاجه
:(

  لـــولا وزهـــراء

الخميس، 13 أكتوبر، 2011 2:51:00 م جرينتش+2

ربنا يرحم شهدائنا المصريين

انا لسة مقتنعة بوجود فئة مندسة ( ومش عايزة حد يتريق ويقولي قلة ) لانهم موجودين وبيندسوا للصق التهم بالجماعات السلفية وللاسف ناس من الجماعات دي بتنساق وراهم
وبرضة في احداث ماسبيرو فيه ناس مندسة واستغلت المشاعر اللي طلعوا بيها اخوانا وساقوا عدد كبير منهم للي احنا شوفناه
العيب مش فينا
العيب مش فيكوا
العيب في الناس اللي بتصدق في لحظات الاندفاع وبتنساق للتخريب
ربنا يحمي مصرنا ويحمي مصريتنا
لولا

  Mona

الخميس، 13 أكتوبر، 2011 10:23:00 م جرينتش+2

معنديش كلام :(

  norahaty

الجمعة، 14 أكتوبر، 2011 6:26:00 ص جرينتش+2

ربنا يـستر
شئــنا أم ابـينا
سنظل نتجاور ونتعايش
هنـا ليس لــنا الأ هنـــــا
ولابد من أن نتعلم كيف نعيش
معــــــــــــــــــــــــاً

  BNT ELISLAM

الجمعة، 14 أكتوبر، 2011 4:51:00 م جرينتش+2

ربنا يسترها مع الجميع ونا مقدره حالك يارامى
وحالنا والله ربنا ينتقم من كل ظالم امين يارب وبعذبه احق عذاب
وربنا يستر يارب

  الازهرى

الاثنين، 17 أكتوبر، 2011 12:35:00 ص جرينتش+2

والله ربنا يسترها يا صاحبى
بس الكارثة إن الأحداث فى تصاعد وليس تهدئة
وتهدد بالكثير من الأحداث المقبلة

بجد بدأت أبقى خايف على البلد
لإنها بتطعن من جوه
مش من بره زى زمان

ربنا معانا

  جايدا العزيزي

الثلاثاء، 18 أكتوبر، 2011 4:35:00 ص جرينتش+2

اشاطرك الحزن رامى

كلامك مليئ بالغضب والاسى والحزن اخى

ربنا موجود

هو ده اللى كنت خايفه منه

ما تزعلش مهما طال الليل جى نهار

ربك موجود

تحياتى