عام أتمناه سعيدٌ لكِ


كل سنة و أنت طيبة
(:
يا ...... ملاكى
كان نفسى أقول مين
لكن يكفينى أنك تعرفى
...
هتمر سنة وراها سنه
حبى مش هينقص و لا هيفتور

صحيح مش جنبى
بس دايماً فى قلبى و فكرى

عارفه أن كلمة واحدة منك
بتخلينى أسعد مخلوق
بتخلى قلبى مرتاح ...
و أبتسامتى مش بتفارقنى

مش عارف بقى أنا كلامى ليكى
أيه بيكون ؟؟

تنهيدة ...

كان نفسى أجيب لك تورتة صُغنونة


و أشوف بس أبتسامتك ليا
فاكراها !!!

أنا فى عيد ميلادك اللى فات
كُنت عاوز اجيب لك هدية
بس مش عارف أوديهالك أزاى

المرة دى قلت هجيب الهدية
حتى لو مكنتش هعرف أديهالك دلوقت
هاحتفظ بيها
لغاية اليوم ده

حتى لو مكانش..حتكون موجودة مع كل هدية
هجبهالك

يارب بس يكون أختيارى مُناسب
شنطة
(mulberry)






كل سنة و انت طيبة
(:


27 التعليقات:

  Tamer Nabil Moussa

الأربعاء، 5 أكتوبر، 2011 11:54:00 م جرينتش+2

ازيك رامى

كلمات رائعة

تسلم ايدك

وكل عام وهى طيبة وبخير

مع خالص تحياتى

  لـــولا وزهـــراء

الأربعاء، 5 أكتوبر، 2011 11:57:00 م جرينتش+2

كل سنة والقمر ...... بخير وسعيدة والسنة دي على اخرها تكونوا مع بعض على طول وتكون فورجت وقلبها يشبك في قلبك بقى ونخلص من البوستات اللي بتوجع قلبي دي وربنا بتوجع قلبي
لما بلاقي واحد بيحب حد بالشكل كدا والتاني مش عارف او فيه ظروف قلبي بيتوجع.. يمكن عشان كلامك صادق قوي
وطالع من قلبك قوي بنحسه قووووي وبنتوجع قوووووي

الشنطة تحفة يا سامي تحفة (:

لولا

  mena

الخميس، 6 أكتوبر، 2011 12:37:00 ص جرينتش+2

كل سنة وهى طيبه ويارب السنه اللى جايه تكون معاك وتديها هديتك بنفسك

  soma

الخميس، 6 أكتوبر، 2011 1:41:00 ص جرينتش+2

جميل شعورك يا أنت
أتمنى أن يصل لقلب من تريد

  شمس النهار

الخميس، 6 أكتوبر، 2011 2:19:00 ص جرينتش+2

كل سنة وانتم طيبين

الشنطة اخر شياكة
:))

  عمرو فكرى

الخميس، 6 أكتوبر، 2011 4:46:00 ص جرينتش+2

وكل سنة وانت طيب يا عم رامى

  شيرين سامي

الخميس، 6 أكتوبر، 2011 11:20:00 ص جرينتش+2

كل سنة و إنتو طيبين
كل سنة و إنتو قريبين
كل سنة و حبكم بيزيد

و إن شاء الله السنه الجايه تحتفلوا بيه سوا :)
الشنطه ذوقها جمييييل أويييييي و الأجمل الفكره نفسها إنك تحتفظ بيها لحد ما تتقابلوا :)

  موجة

الخميس، 6 أكتوبر، 2011 11:22:00 ص جرينتش+2

كل سنة وانت وهى طيبين

ويارب يقدم لكو اللى فى الخير

انت تستاهل كل الخير يا رامى

وعلى فكرة زوقك يجنن فى الشنط حلوة اووى الشنطة ورقيقة كمان
تسلم ايديك ويارب تديهالها

  خواطري مع الحياة

الخميس، 6 أكتوبر، 2011 12:22:00 م جرينتش+2

كل سنه وهي طيبة
ويارب تكون اجمل سنه عليها وتتحقق كل احلامها واحلامك

تقبل مروري ^_^

  كلام من قلبي

الخميس، 6 أكتوبر، 2011 1:50:00 م جرينتش+2

كل سنة وهي طيبة
وربنا يطول في عمرها
ويجمعكم مع بعض وتقدر تديها الهدية

  اغانى الشتاء

الخميس، 6 أكتوبر، 2011 3:05:00 م جرينتش+2

كل سنة و انتو الاتنين طيبين يا رامى , ربنا يخليكم لبعض

بس على فكرة الشنطة ال hermes
اللى ورا عجبانى اكتر :)))))))
اصلها كانت شنطة جريس كيلى الله يرحمها :)

مل سنة و انتوا الاتنين طيبين :)))

  ابراهيم رزق

الخميس، 6 أكتوبر، 2011 6:04:00 م جرينتش+2

رامى
القلب الطيب

ربنا يجمعكوا على بعض

بكرة يا عم تزهقوا ن الرومانسية و الاقيك قاعد جنبى على القهوة
ههههههههههه

رامى معلش يا رامى تليفونى بيستقبل بس فى عطل فى موبنيل
سلام يا اطيب قلب

  فاتيما

الخميس، 6 أكتوبر، 2011 7:15:00 م جرينتش+2

كل سنة
وهيا طيبة يا رامى


كل سنة وهيا احسن
وأفضل
وزى منتا ما بتتمنالها
واللى هيكون كتيييير قوى

كل سنة وانتا اطيب وأطيب
وأرق وأرق
لحد ما تشف
وتصير ملاكاً يا بنى
ولو انك مبعدتش عنه كتير


مش عارفة ممكن أعلق على بوست زى دا بإيه ويكون كفاية ؟!!

الحب اللى بجد دا
يتقال عليه ايه ؟

ما بين السطور باين قوى
ان صاحبة الهدية
مش نافع يتراحلها الهدية

معرفش السبب
ومش هسألك ..

بس دا احزن ما ف الموضوع
لكن اروع ما فيه
انك لم تيأس بعد
وانك من كتر حبك
معرفتش تعدى عيد ميلادها
من غير ما تفكر فيها
وتجيبلها هدية
وانشالله متوصلش
بس المهم انك تعمل كدا
وعلى ربنا الباقى


انا زعلانة قوى
عشان الهدية مرحتش لصاحبتها
بس هدعى ربنا
انك تعرف تديهالها ...وجهاً لوجه
وتشوف الإبتسامة تانى
وتكون اوسع واكبر ...

وفرحانة برضو
ان لسه فيه ناس كدا
قادرة تحب
ولو مفيش أى مقابل ولا رد
لأن دا المعنى الحقيقى للحب عندى
وقريته مرة ف احد تعريفات الحب
انك تعشق تحب الأنسان الوحيد القادر على إتعاسك ...
تصور

بس ربنا من قلب الوجع
بيعمل حاجة كدا ملهاش وصف
معرفش الاقيلها كلمة تختصرها ...
بس هيا طبطبة
نوع من الراحة لما تلاقى نفسك
بتحول عذابك وتعاستك ف حبك
لشكل تانى من المشاعر
بيتجسد فى تصرفات
بتعملها خطوة خطوة
وانتا عارف ان آخرها ..جايز جدا أحباط شديد ...
بس برضو بتعملها ...
بتفكر ف نوع الهدية
وتروح تدور عليها
وتختار وتنقى
وترتب ميزانيتك
وتسأل اللى حواليك لو نفع
وتحدد يوم
وتروح تشتريها
وتدفع تمنها بكل رضا
وتختارلها اللفة المناسبة
الكرت والكام كلمة اللى هتكتبهم ..

المرة دى انتا كرتك كان البوست
والغنوة ...
اللى بحييك عليها جدااااااااا

مش عارفة اقولك ايه
غير انى سعيدة بمعرفتك يا ر ر
وربنا يطبطب ع قلبك الطيب دا
ويهديلك الاحوال
وملاكك ترفرف ف قلبك علطول
ولو كان ..الجناح مكسور
سواء جناحها
أو جناحك
مش مهم
لو اتسندتوا على بعض
ممكن تطيروا لفوق سوا

بس يمكن لسه مجاش الأوان
وحتى يأتى

عيد ميلاد سعيد
يا ملاك رامى الجميلة

ليكى كل الحب يا حبيبتى
اكراما لعيون هذا الجدع
اللى محبوبته محظوظة ...
ولا تدرى
وانشالله ف يوم .. تدرى


اختكم .. فاتيما
ام يوسف


ملحوظة
مش عايزة اعمل زى الكل ف التعليقات اللى أشادوا بالشنطة
اقول شيك قوى
وحلوة
وذوقك معرفش ايه
وتعيش وتجيب
والحركات دى ...
أنا هجيب م الآخر
وبكل صراحة
واقول ان عينى فيها
بس لو على غامق شوية
عشان مبحبش الشنط الفاتحة
فأصول الملاك بتاعك بقى تلحق روحها
وتقبل الهدية
بدل ما أسطو عليها انا
بحكم الاخوية و كدا ..
هه


تعيش وتجيبلها يا غالى

  جايدا العزيزي

الخميس، 6 أكتوبر، 2011 8:53:00 م جرينتش+2

كل سنه وهى جواك

كل سنه وانت قمرها

كل سنه وانتوا دايما حبايب

طبعا احلى يوم فى عمرك رامى

ربنا يسعدكم

تحياتى

  لبنى أحمد نور

الخميس، 6 أكتوبر، 2011 8:58:00 م جرينتش+2

كل سنة وهي طيبة وسعيدة :)

  الازهرى

الجمعة، 7 أكتوبر، 2011 7:10:00 ص جرينتش+2

كل لحظة وانت وكل أحبابك
فى فرح ومرح
وحب واخلاص
ومرح وسرور

تحياتى وخالص مودتى

  طالبة مقهورة ..درجة أولى

الجمعة، 7 أكتوبر، 2011 1:27:00 م جرينتش+2

:)

كل سنة وهي طيبة

ووانت بتحبها

ويارب تسعدها وتفضل معاها وهي كمان تفضل معاك

والهدية جميلة اوي على فكرة

اكيد هتعجبها عشان من قلبك ;)

  الحــب الجميـــل

الجمعة، 7 أكتوبر، 2011 3:18:00 م جرينتش+2

كل سنه وملاكك بخير
كل سنه وانت وهى بخير
عام سعيد عليها ان شاء الله

تعيش وتعمل لها أحلى عيد ميلاد وهى معاك

ربنا يسعد قلبك يا رامى يارب

معليش عارفه انى مقصره معاك بل مع الجميع بس اكيد فكراكم دايما

:))

  Ms Venus

الجمعة، 7 أكتوبر، 2011 9:48:00 م جرينتش+2

دايما رقيق يا رامى

ربنا يسعد قلبك دايما وكل سنة وملاكك بخير

  Sarah ..

الجمعة، 7 أكتوبر، 2011 11:57:00 م جرينتش+2

كل سنة وهى طيبة يا رامى
ودايما فى قلبك بكل الحب دا
ربنا يقرب البعيد ويجمعك بيها على خير يااااارب

وتشيل كلمة آسف من التسمية ;)
:)

  rona ali

السبت، 8 أكتوبر، 2011 2:29:00 ص جرينتش+2

يمكن اكون حاسه بس مش فاهمه

بس علي كلآ يعنى كل سنه وهى طيبه وبالف خير وربنا يباركلك فيها
ويجعلكم من نصيب بعض يارب ويهونلكم اى صعاب

:):) والشنطه الصراحه اكيد هتعجبها

  hana

السبت، 8 أكتوبر، 2011 6:05:00 ص جرينتش+2

لغة عشقك بطعم الشيكولا الذي كلما ذاب

كلما كان ألذ كلما إشتهيناه أكثر

فلتمنح من روحك كل آدم ليكون العشق كل

العشق بهذه النكهة الدافئه أظن حينها لن

تشعر بالبرد كل حواء على الأرض

كل الود والتقدير رامي

  safa7_karmooz

السبت، 8 أكتوبر، 2011 8:24:00 ص جرينتش+2

كل سنة وهى طيبة

حلوة اوى الهدية على فكرة

متقلقش هيجى يوم وتكونوا مع بعض ان شاء الله

:)

  mrmr

السبت، 8 أكتوبر، 2011 1:50:00 م جرينتش+2

كل سنه وهى ملاكك الى الابد
ربنا يجمع بينكم على خير
على فكره
ذوووقك حلووو قوووى فى اختيار الشنط
انا لو منها اجرى بسرعه اقابلك واخد الشنطه ههههههههههه
واشترى الشبكه بالمره
ربنا يسعد قلبك

  Mona

السبت، 8 أكتوبر، 2011 4:42:00 م جرينتش+2

تحياتى لكلماتك الرقيقة

  دعاء العطار

الأحد، 9 أكتوبر، 2011 2:25:00 ص جرينتش+2

الله

انك تحتفظ بهدية لحد حتى لو مش هتعرف توصلهاله ... دى أكيد حاجه مش بتحصل غير من قلب عاشق ... وبيحب بجد :)

جمع كل هداياك ليها ... وكن ع يقين انكم هتتجمعوا

كلللل سنه وهى طيبه .. وانت طيب ... وكل سنه وانت بتحبها وهى بتحبك أكتر :)

الهدية ذوقها جميل اوووى .. ربنا يخليكوا لبعض ويجمع بينكم ع خير يارب :)

  gogo!sf

الأحد، 9 أكتوبر، 2011 2:20:00 م جرينتش+2

ازيك يا رامى يا اطيب قلب فى الدنيا
كل سنه وانت طيب وملاكك طيبه
وان شاء الله تتجمعو على خير

جميله جدا الهديه وزوقك رائع والله مش مجامله

ربنا يسعد قلبك ويفرحك بأبتسامتها ان شاء الله

ميرسى على سؤالك علينا يا رامى