عارفة 2


عارفة
أنى بقيت خايف أتكلم
حاسس أنى كل ما بتكلم
أنتى بتبعدى

عارفة
أنا حاسس بأيه
أن كتير بيبصولى بأستغراب
أو بأستنكار
ليه مستنى طيب
ليه ده كله اساساً
ليييييييه؟؟؟؟!!!!

عارفه
انا عاذرهم لأن
ممكن تكونى بتبصيلى زيهم

عارفة
أنا مش هاممنى نظرتهم
أو تفهمهم أو عدم تفهمهم
يهمنى أنتِ بس
هل أنتِ شايفه ده ؟؟؟
أنك تهمينى

عارفة
أنى خايف فى مرة
 كلامك يجرحنى
مش خايف على جرحى
خايف لما تشوفى جرحى
تنجرحى

عارفة
أحياناً بحس أن حبى
مش صادق
علشان كده مش مصدقاه
أو أنه صادق أوى لدرجة
انك مش مصدقاه برضه

عارفة
أن حياتى  دلوقتى
بقت غير مستقرة
أو مش زى ما كنت حابب
و ده مخلنيش أتراجع
أو سبب انى أتملص من حبك
اللى فى قلبى

عارفة
الخـــــطأ
مش خطأك و لا خطأى
هو خطأ الزمن
و أخطاء الماضى

طب عارفة
يمكن أنا اول ما فتحت المدونة
كنت فرحان بالمدونة و التعليقات
بس بعد كده حسيت مع كل مدح للى بأكتبه
أنى بفقد الهدف اللى فتحتها علشانه

طب عارفة كمان
أنى كنت عاوز أقفل التعليقات
لولا
أنى على أمل تيجى تعلقى عندى
على أمل أنك
تردى على لهفتى

طب عارفة
أنى بحبك قوى
و بحس ببُكى قلبك لما بتكتبى  
بحس بتنهيداتك
و أأهاتك

الأغنية دى
علشان تعرفى أنى حاسس و فاهم
عاوزة تقولى أيه
أحساسك أيه


15 التعليقات:

  Ramy

الخميس، 27 أكتوبر، 2011 4:36:00 م جرينتش+2

أسف يا جماعة

لو حد زعل انى كنت عاوز اقفل التعليقات

صدقونى تعليقاتكم سندى فى اوقات كتييير

فارجو انكم تكونوا متفهمين

  خواطري مع الحياة

الخميس، 27 أكتوبر، 2011 5:33:00 م جرينتش+2

محدش هيزعل يارامي لو قفلت التعليقات
لاننا عارفين الي جواك وانك طيب

بجد معنديش كلام اقولة غير
الله يفرجها عليك وينويلك الي في بالك

تقبل مروري ^_^

  ابراهيم رزق

الخميس، 27 أكتوبر، 2011 7:27:00 م جرينتش+2

رامى
القلب الطيب

عارف يا رامى
ان انت قلبك طيب جدا
و عارف
احيانا الخجل يضر
و عارف
ان اللى يحب بيبان عليه
و عارف
ان من تستحق قلبك و تفطيرك
اكيد تستحقه

تحياتى يا اطيب فلب

  rona ali

الخميس، 27 أكتوبر، 2011 9:08:00 م جرينتش+2

يارب تيجى تعلق :)

حلو اوى البوست الصادق دة يا رامى

تسلم ايدك بجد :)

  mrmr

الخميس، 27 أكتوبر، 2011 9:45:00 م جرينتش+2

لا تقلق يا رامى
احنا متفهمين كويس قوى مشاعرك وهدفك
ربنا يقرب البعيد
وتذكر
ان كل شئ تحت السموااات وقت
وربنا يدبر امورك
ويسعد قلبك

  Timo..

الجمعة، 28 أكتوبر، 2011 12:25:00 ص جرينتش+2

"مش خايف على جرحى
خايف لما تشوفى جرحى
تنجرحى "

عارف يا رامي..
انا حاسس بيك جداا..
وتخيل ان انا بقالي شهرين عامل بوست بعنوان "عارفة"ومش عارف انشره..!!
بس مبسوط قوي بالبوست بتاعك وديما باجي بس في هدوء..
ها ابقى اسيب لك علامة على وجودي بعد كده (';')

وحشني يا روميو ويا رب اشوفك قريب :)

  لبنى أحمد نور

الجمعة، 28 أكتوبر، 2011 2:02:00 ص جرينتش+2

يا رب تكون عارفة
ويا رب ربنا يريح قلبكم انتو الاتنين

  norahaty

الجمعة، 28 أكتوبر، 2011 10:45:00 ص جرينتش+2

مش خايف على جرحى
خايف لما تشوفى جرحى
تنجرحى !!!
للدرجة دى حبك لها!
معلش حاقولك شىء:-
قولها وأخلص
حدوث الألم
ولا أنتظارهـ

  قهوة بالفانيليا - شيماء علي

الجمعة، 28 أكتوبر، 2011 12:16:00 م جرينتش+2

يا رامي و الله انت بتوجع قلبي اوي ..
انت صادق و حقيقي في وقت الكذب فيه هو الطبيعي !!
أنا متعاطفة معاك جدا جدا جدا للحد الأقصى .. !!
سلامة قلبك يا رامي .

  Sarah ..

الجمعة، 28 أكتوبر، 2011 4:44:00 م جرينتش+2

ربنا يطبطب على قلبك .. :-)

  لـــولا وزهـــراء

الجمعة، 28 أكتوبر، 2011 7:01:00 م جرينتش+2

عارفة
أنى خايف فى مرة
كلامك يجرحنى
مش خايف على جرحى
خايف لما تشوفى جرحى
تنجرحى

عارفة
أحياناً بحس أن حبى
مش صادق
علشان كده مش مصدقاه
أو أنه صادق أوى لدرجة
انك مش مصدقاه برضه
..........................

يا سلااااام بقى خايف تنجرح قدامها عشان متنجرحش لجرحك رقة في منتهى الجمال

مش هامك جرحك خايف لتتجرح لجرحك (:

ياريت تيجي تقرأ البوستات اللي عملتهالها مخصوص

ربي يعزك ويسعد قلبك

لولا

  وجع البنفسج

الجمعة، 28 أكتوبر، 2011 8:28:00 م جرينتش+2

كلمات جميلة ورقيقة وريار توصل لصاحبتها !!

بس ليه عايز تقفل التعليقات ؟؟ الناس اللي بتعلق عندك بتكون معجبة بكلماتك وسعيدة بتواصلها معك .. وبتجي هنا مخصوص علشان تقرأ ما تكتب وتعلق عليه وتشاركك احزانك وافراحك ومشاعرك وأراءك على اختلافها ..
عموما هي مدونتك وانت حر بها ..

كن بخير دائما وأبدا ..

  hana

السبت، 29 أكتوبر، 2011 12:03:00 ص جرينتش+2

لك إحساس ملائكي دايماً يا رامي

دي أغنية جواها احساس كلماتك الرقيقه
اتمنى تسمعها
http://www.youtube.com/watch?v=_21XgLWicXE&feature=related

  Tarkieb

السبت، 29 أكتوبر، 2011 6:38:00 م جرينتش+2

بالك طويل اوووي يا رامي ...طب ما تقولها انك عايز تجوزها...لحد دلوقتي مش فاهم هو حب من طرف واحد ؟ ولا هي مش بتحبك ....انا مستعد اكلمهالك وبجد مش اونطة ....

  جايدا العزيزي

السبت، 29 أكتوبر، 2011 9:30:00 م جرينتش+2

عارفة
أنى خايف فى مرة
كلامك يجرحنى
مش خايف على جرحى
خايف لما تشوفى جرحى
تنجرحى

--------------------

الله على احساسك رامى

رائعه

قلمك صار ينبض بالاحساس اخى

دمت ودام ابداع قلمك


عارف كل ما تمسك القلم وتكتب هتندهش من روعه ما كتبت لذا استمر
تحياتى