ستظلى..ملاكى..يا أميرتى


لو كانت دموعى تمسح احزانك
لبكيت أعوام
حتى يبتعد عنكى الحزن
لبنيت اسوار من أفراحى و جعلتها تحرسك
من أوجاعك و ذكرياتك

كنت و لازلت ذلك الأنسان التائه
دون وضوح للرؤية

أظن أن هذا أحد أسبابك للرحيل

رحيل
كلمة ملتصقة بى دائماً
و كأنى ولدت لأكون دائم الرحيل
دون معرفة مكان أحط به و أصنع ذكريات
مكان يكون هو ما أرحل له و إليه



أتُدركين أن كنتى تركتي
حُبى
يمُر إلى قلبِك
لكانت لنا الأن
قصة أخرى


أخرى
يعتقدون أنه من السهل أن أجد أخرى
و كأن الأخرى نجدها عندما نستيقظ من النوم
و كأن الأخرى ستجد مشاعر لها
وأنا لا أريد أخرى

الضحكة بقت منغير نفس
ضحكة!!!
.
.
نفس....؟؟؟!!!

يا حمااااار سيبه و أمشى
يا غبى يا غبى يا غبى
دة أنا ..
قصدى ع الشغل

ليه قلبى تاعبنى عليكى
قوى كدة

كلما سبحت فى الموسيقى
أكون خارج الزمان و المكان
فقط
أنتِ و أنا
و الألحان

يخريب بيت كدة
بحبك

طب هو فى فرصة تانية
مش بس لحُبك
لكل حاجة

لم أصبح كما كُنت
أتمنى
فلا تنتظروا منى الكثير

أصبحت لا أتذوق الكلمات
أصبحت لا أستطيع تطويع المفردات

يااااه الكلام أحياناً كتير
بيكون أصعب
من الطعنات

أنا عارف
أنى مش ممكن أكون فارس أحلام لحد
أصل الفروسية
مش بس حُب

كل ما أقول مش هتكلم عنها خلاص
برضو كلامى
يلف و يرجع ليها قوام


كم أنت قاسية على نفسك
تُخفى غضبك
تُجيبى بتماسك
حتى تكون الأجابة
فقط صادمة
و لكن ليست
قاتلة

أصبح النوم شيىء مُزعج
رغم أحتياجى له

لا تنفعلى
لأن حبى لم يكون
على قدر قلبك المجروح

أنتِ الوحيدة التى
لم أرتدى أقنعة معها
أنتِ رأيتى كل شيىء
كما هو
حتى غبائى





يا ترى باجى على بالك
طب لو جيت
بتكشرى ؟؟

عارفه أن انتى عمرك
ماهتكونى ذكرى
لأنك دايماً معايا

.......
الحمد لله أن اليوم فى التحرير
كان مفهوش حاجة تعكر اليوم
و فرحان جداً
برغم انى منزلتش

33 التعليقات:

  خواطري مع الحياة

الجمعة، 27 مايو، 2011 7:56:00 م جرينتش+2

عمر الي حبيناهم ممكن يصبحوا ذكرى
هو انت تقدر تنسى روحك
لو نسيت روحك يبقى مت ويبقى نسيتهم

دائما يكون كلام الناس سهل
يقولوا انسي خلاص
هم يقولوا هذا الكلام لانهم مايمروا بالي بنمر فيه
مامروا بالوضع مش حاسيين
عشان كده يقولا انسي.

ربنا يوفقك يارب
والحمدلله على كل شي

تقبل مروري ^_^

  Tears

الجمعة، 27 مايو، 2011 8:27:00 م جرينتش+2

الخيره فى اللى ربنا كاتبه و اكيد ح نشوفه

ربنا مش بينسى حد

  re7ab.sale7

الجمعة، 27 مايو، 2011 8:36:00 م جرينتش+2

أصبح النوم شيىء مُزعج
رغم أحتياجى له

لا تنفعلى
لأن حبى لم يكون
على قدر قلبك المجروح

أنتِ الوحيدة التى
لم أرتدى أقنعة معها
أنتِ رأيتى كل شيىء
كما هو
حتى غبائى


معرفش لية اخترت الجزء ده
يمكن عشان شيء حسيته ف شيء
شيء
عارفة انك مش فاهم
ومين فينا فاهم
مش عارفة تعليقي هيظهر والا لاء
اصل كل ما ادخل مدونة التعليق ميظهرش
مش فاهمة اية المشكلة



بالنسبة
للحب ....عمره ما بيتنسي مهما كان جرحنا منه
ربنا معاك
يتمني لك كل خير
وبالنسبة للتحرير النهاردة
برده انا مبسوطة برغم اني مروحتش

  wasf_elahsas

الجمعة، 27 مايو، 2011 8:46:00 م جرينتش+2

رامي

كتير حكيت في القصه وكتير قلتلك انسي
بس المره دي مش هقولك انسي بس هقولك شيء اخر اسمه طفو الزكريات
عندما تهدد حياتنا نتعمد نسيانها بكل ما فيها
وندير عنها وجهنا وعلي لساننا كلمه واحده
عفوا يا من كنت حبيبي فلم تعد حبيبي بعد الان
اقولك فكر في حياتك يا رامي لو لقيت نفسك مش بتخسر حاجه وان حياتك ماشيه تمام ما تفكرش بكلام حد انما لو لقيت نفسك بتخسر عمرك ويومك وقلبك فلازم تفكر قبل ما يضيع الوقت
ربنا يهديلك قلبك ويوفقك في حياتك
تحياتي

  mrmr

الجمعة، 27 مايو، 2011 10:16:00 م جرينتش+2

يا حمااااار سيبه و أمشى
يا غبى يا غبى يا غبى
دة أنا ..
قصدى ع الشغل
.
.
.
.
.
.
.
يخريب بيت كدة
بحبك

هى مصدقاك صدقنى
اصبر يا رامى تنووووووول

اشكر ربنا كتير انه عدى اليووم ده على خير لحسن الكل كان قلقان


ربنا يريح قلبك

  شيرين سامي

الجمعة، 27 مايو، 2011 10:35:00 م جرينتش+2

كلامك بيلف و يرجع ليها:) كلامك كله ليها بتنظيمه بفوضته بعفويته بيقول حاجه واحده(بتحب و عمرك ما هتنسى)
ده اللي وصلني و حاجات تانيه كتير من بين كلامك البسيط الصادق اللي بيوصل للقلب على طول.
تحياتي ليك

  mena

السبت، 28 مايو، 2011 12:16:00 ص جرينتش+2

راى متغيرش ابدا انت حد ابيض اوى من جواه

التوبيك اثر فيه اوى يا رامى

ربنا يريح قلبك والحمدلله فعلا انها عدت على خير انا كنت فرحانه زيك بس عشان حسيت احساس عماله احس فيه من 25يناير لحد دلوقت اننا بقالنا صوت وبنقول اللى عوزينا وصوت بيصلهم الحمدلله

  لـــولا وزهـــراء

السبت، 28 مايو، 2011 12:33:00 ص جرينتش+2

"
لو كانت دموعى تمسح احزانك
لبكيت أعوام
حتى يبتعد عنكى الحزن
لبنيت اسوار من أفراحى و جعلتها تحرسك
من أوجاعك و ذكرياتك
"
يا خبر يارامي على كلاااااااامك والاحزان والحب اللي طالل بين سطوره... ابعتلها اغنية تسمحيلي بفرصة تانية

لولا

  MR.PRESIDENT

السبت، 28 مايو، 2011 9:41:00 ص جرينتش+2

لا يا عم الحاج أنا آختري إن أتخيل نفسي مع زوجتي المستقبلية

إنما كلمات عاطفيه بين الناس مليش فيه

والخيره فيما إختاره الله

  راجى

السبت، 28 مايو، 2011 10:56:00 ص جرينتش+2

مشاعر رقيقة جدا وارجو ان تقرأها اميرتك ويرق قلبها

  م. حجاز

السبت، 28 مايو، 2011 4:44:00 م جرينتش+2

بص بأه يعم رامى انا هاعمل معاك ديل محترم انت تقولى على اللى انته بتكتب فيها الكلام الحلو ده وانا اروحلها افمها ومش هاعمل حاجة غير انى هاخليها تقرا الكلام بس

يخربيت كده ياجدع دا انا توجعتلك

اما الحاجة اللى عايز اقولك عليها فانته مهما حصل فى حياتك عمرك ما هاتنسى حاجة انته حبيتها بجد
:)

  كلام من قلبي

السبت، 28 مايو، 2011 7:32:00 م جرينتش+2

الحب مينفعش ابدا يكون زكرى
مهما فرقت الايام والسنين
هنفضل فكرين البنحبهم
حتى وان كانت مشاعر من ناحية واحدة

  جايدا العزيزي

الأحد، 29 مايو، 2011 8:40:00 ص جرينتش+2

أتُدركين أن كنتى تركتي
حُبى
يمُر إلى قلبِك
لكانت لنا الأن
قصة أخرى

الله عليك

عندك حق

شئنا ام ابينا نحن بشر يحكمنا قانون

ويسيرنا القدر

رامى

انا كمان سعيده ان الجمعه دى قدرنا نفهم الموقف

تحياتى

  حَـبآيـۃْ.بـטּـدۉڷ

الأحد، 29 مايو، 2011 3:31:00 م جرينتش+2

مِنْ أجملْ التَّدوينـآتْ اللي قَريتهـآلكْ بجدْ

:)

كم أنت قاسية على نفسك
تُخفى غضبك
تُجيبى بتماسك
حتى تكون الأجابة
فقط صادمة
و لكن ليست
قاتلة

..

مَتبطلشْ تِكتبْ حاجاتْ زي كِده بقى .. :)

  Carmen

الأحد، 29 مايو، 2011 6:12:00 م جرينتش+2

روعة ورقيقة لابعد الحدود احساس عالي بشكل فاق الوصف تسلم ايدك

  NaDa

الأحد، 29 مايو، 2011 6:33:00 م جرينتش+2

رامي إحساسك ديماً رائع
وكلماتك بتبقى جميلة أوي

وفعلاً ياربت ماتبطلش تكتب
هو ساعات الكلام بيبقى صعب صحيح
بس أوقات بيبقى أحسن من إنك تكتم
أي حاجة جواك :)

  sony2000

الثلاثاء، 31 مايو، 2011 12:21:00 ص جرينتش+2

عم يااااااااااا

ازيك
ليك وحشه وربنا
يارب يارب
من قلبي بجد
يوفقك معاها يارب
ونفرح فيييك
احم:)
اقصد بيييييييك تبعا
يارب
ومش تنساا شوكلاتي يومها
ماسي؟

  الشوكه الناعمه

الثلاثاء، 31 مايو، 2011 4:19:00 ص جرينتش+2

نفس عميق
توهت بجد
ايه الجمال ده
من حاله لحاله ثطعت نفسى يا عم رامى
وحشتنى بجد تدويناتك
تعرف عاوزه اقولك حاجه لما يكون فى حد بيحب حد بالعمق ده يبقى بجد مستحيل يشوف اخرى
ربنا يسعدك بجد
كون بخير

  hana

الثلاثاء، 31 مايو، 2011 11:19:00 م جرينتش+2

عالم من الإحساس مالوشس نهايه ولو خلص الكلام
باحسها مش ممكن تنسى ولو تنسى اذاي تبئا إنت فاكر
انا بحب أوي خط الكتابه ده
جميل يا رامي أووووووووووووووي

  فتافيت

الخميس، 2 يونيو، 2011 3:06:00 ص جرينتش+2

حلو اوي يا رامي
انت انسان حساس بجد.. :)

:
اخبارك ايه :)؟

  ابراهيم رزق

الجمعة، 3 يونيو، 2011 9:12:00 م جرينتش+2

اخى رامى

لماذا كل هذا الحزن

تفاءل بالله خيرا

القادم افضل باذن الله

و غدا يوم جديد

تحياتى

  Ms Venus

الاثنين، 6 يونيو، 2011 3:35:00 م جرينتش+2

ازيك يا رامى

يارب تكون بخير

انا متأخرة بس معلش سامحنى

  وجع البنفسج

الثلاثاء، 7 يونيو، 2011 8:21:00 م جرينتش+2

استمتعت بمروري هنا ..

  ماجد القاضي

الأربعاء، 8 يونيو، 2011 8:47:00 م جرينتش+2

السلام عليكم

وصفك جميل وتلقائي قوي يا رامي...

فكرتني بتجربة الحب الأول...!

ولا أريد أن أتحدث عنها حتى لا أحبطك..

لكن صدقني.. لا تنخدع بمن يقول لك أنك لن تجد حبا آخر.. لأنك ستجد.. حتى لو لم تصدق الآن...

تحياتي الصادقة باستعادة نفسك.... طبعا لو كان الكلام هنا عنك أنت..!

تحياتي يا صديقي.

  كريمة سندي

الخميس، 9 يونيو، 2011 2:30:00 م جرينتش+2

جميلة أوي تحياتي وسلمت الأنامل

  Tamer Nabil Moussa

الجمعة، 10 يونيو، 2011 2:15:00 ص جرينتش+2

كلمات جميلة

تسلم عليها يارامى


مع خالص تحياتى

  reem

الجمعة، 10 يونيو، 2011 3:42:00 ص جرينتش+2

جميل جدا ما كتبت

كل ما أقول مش هتكلم عنها خلاص
برضو كلامى
يلف و يرجع ليها قوام

الجزء دا عاجبني جدااااااا
ولخص كل الموضوع

كلماتك حسيتها طالعة من القلب وصادقة

سلمت يداك :)

  Ms Venus

السبت، 11 يونيو، 2011 9:53:00 ص جرينتش+2

ميرسى على سؤالك يا رامى


انا بخير مش تقلق

كل الحكاية بس انى حاسة بكسل رهيب مش اكتر عن انى حتى اتابع المدونات

معلش حالة وهتعدى

ميرسى تانى لسؤالك الرقيق

ربنا معاك

  فاتيما

الأحد، 12 يونيو، 2011 1:24:00 م جرينتش+2

آه ياااااااااااااانى

وبعدين يا رامى
منشوفلنا حل ف قلبنا المدهول بدهاويل دا ونعملنا أى منظر
تعالى نروح نعمل مظاهرة قصاد مجلس الوزرا
ونطالب احنا كمان بمطالب فئوية
نطالب الدنيا يبقى فيها شوية رحمة
و القلوب العاصية تحن

ان شاء الله تلاقى الشغلانة اللى بتحبها
والإنسانة اللى بتحبها
بس هيا كمان تكون بتحبك
ولو ربه حبك ليها
وهتكون الكسبانة

معجبنيش حكاية انك مش فارس احلام دى
طب يا واد لولا انى مرتبشطة
و انتا راخر غرقان لشوشتك
و الجزئية الفرعية الطفيفة بتاعة انك مسيحى وانا مسلمة وكدا
..كنت طلبت ايدك
انتا اللى تحبها يا بنى
يبقى زاعقلها نبى
وامها وابوها والعيلة والجيران واللى ماشى ف الشارع داعيلها ...

بس القدر بقى

غالبا سالب وموجب
النص يكمل النص
حاجة كدا
او نصيب زى ما بشوفه
وقدر ومكتوب


ربنا يسعدك يا رب

قول آمين

  تيمور

الأحد، 12 يونيو، 2011 5:50:00 م جرينتش+2

عامل اية رامى


كلام معبر

تحياتى

  كيــــــــــــارا

الجمعة، 17 يونيو، 2011 11:07:00 م جرينتش+2

جايه اطمنك عليا

لقيت الموسيقي خطفتني وسرحت

ومن جمالها ماما جت وقالتلي الله الميوزك دى حلوه اوووووي

قلت لازم اقولك

وبعد كدا اول جمله خلتني اقرا وسرحت اكتر

ربنا يطمن قلبك ويريحه

  star

السبت، 18 يونيو، 2011 7:46:00 ص جرينتش+2

رحيل
كلمة ملتصقة بى دائماً
و كأنى ولدت لأكون دائم الرحيل
دون معرفة مكان أحط به و أصنع ذكريات
مكان يكون هو ما أرحل له و إليه

هى المشكلة يا رامى فى انك بتصنع الزكريات فى مكان مكتوب ليك انك ترحل عنه فمش بيتبقى معاك إلا زكراه

بوست خفيف يدخل القلب
ربنا يريح قلبك

ملحوظة:
انا غيرت ال url بتاعى و أصبح
http://star-elsama.blogspot.com/

أبقى نورنى بقى :)

  Noha Saleh

السبت، 18 يونيو، 2011 10:26:00 م جرينتش+2

فى ناس يستحيل يكونوا ذكرى
بعتذر عن تقصيرى
كنت منقطعة عن البلوجر كله
ربنا يوفقك