شكراً ...مع كل حبى

لسه أحساسى أنى مش عارف أكتب مستحوذ عليا جداً


من فترة يمكن كُنت حاسس بده


حاسس بأنك خلاص بتغيبى من دُنيايا


مش برضايا


علشان كده غيرت موسيقى المدونة من فترة



كُنتى طاقتى اللى بأكتب بيها


حتى لو مكنتش بأكتب عنك


بس مُجرد أنى حاسس أن أنتى هتقرى دة كان بيخلينى أكتب


أنا عمرى ما كتبت إلا عنك و ليكى



مش قادر أفهم يعنى أيه هتغيبى


يعنى إيه أنه ممكن أكتب و مش معايا أحساسى بيكى



حاضر هأبعد بس هتكونى برضه معايا


هيفضل أحساسى بيكى


زى ما هوا



أحساسى مضطرب جداً


مش عارف أيه


مش عارف أوصفه


يمكن أكون مصدوم بس مأظنيش


لأنه كان عندى أمل


....و لسه



أهم شيىء عندى أنى مكونش جرحتك


معرفش قدرت و لا لأ



عارفة شكراً ليه ؟؟


أيوة أكيد عارفه ...





مشكلتى أن لسه مُحتفظ بطفُلتى جوايا ):


رامى هو أنت مش هتحلق دقنك ؟؟!!


نفسى ):




بعافر بس تقريباً وقعت ):




لسه كسوفى بيخنوقنى ):




طب قولى لو كنت مكانى تستنى


ولا هتنسانى ):


فرقة واما



حُزنها غير حُزننا


أغنية ع المدينة منير




يااااه بقالى فترة ما عومتش ):




تصادفنى كتير وشوش


قلوب زى البيوت (:


أغنية عطشان منير







محاولة بائسة للكتابة ):



طب يا عم يارامى و لا أتكلمت عن اللى بيحصل و لا حاجة


و لا لمحت


أصل الناس كُلها أتكلمت و أنا علقت عندهم


و أنا تعبت من الكلام فى المواضيع دى الصراحة


بس بأدعى من قلبى


أن القلوب تصفى يا رب



ورا كل شباك ألف عين مفتوحين


و أنا وأنتي ماشيين يا غرامي الحزين


لو ألتصقنا نموت بضربة حجر


و لو أفترقنا


نموت متحسرين


و عجبى




3 التعليقات:

  richardCatheart

الجمعة، 13 مايو، 2011 8:46:00 م جرينتش+2

ياااااااااااااااااااااه يارامى

ياااااااااااااااه
خلى بالك من نفسك

  Tamer Nabil Moussa

السبت، 14 مايو، 2011 12:15:00 ص جرينتش+2

اهلا بيك رامى

فى العودة مرة اخرى للكتابة

يارامى اكتب اى حاجة

ربنا يوفقك


مع خالص تحياتى

  mrmr

السبت، 14 مايو، 2011 8:09:00 م جرينتش+2

مش لوحدك يا رامى انا عندى نفس احساسك
عندى تجمد شديد ومش عارفه اكتب حاجه
بس نفسى اصرخ بجد

ربنا يهدى النفوس

ربى يسعدك ويريح بالك وبالنا جميعا