عندك حق يا ريس

أنا أسف ليكم كلكم لعدم المتابعة او التعليق

لظروف و أسباب كتير فأرجو تقبل أعتذارى


بعد الكلام اللى قاله الريس حسنى


عنده حق الراجل


طلع راجل


نقى


طاهر


عفيف ... شريف


شمعة.. فلة .. منورة


و ناس التحرير هما اللى تيتيت و كمان ظلمه


عندك حق مش أنت الظالم


بس عارف مين اللى ظالمه حقيقى


كل اللى ماسكين البلد دلوقت


كلهم بلا أستثناء


عاوزين يدوروا على ممتلكات الريس بعد الهنا بسنة


شوفوا الراجل بيتكلم و لا كأن على راسه بطحه


بيتكلم بكل ثقه بكل عنجهية


بجد الناس اللى فى التحرير عندها حق فى كل حاجة


و المجلس العسكرى بيكرر أخطاء الماضى بحذافرها


البطىء البطىء البطىء


رافع شعار ليه تنجز مادام تقدر تشل الناس


ما هو لو الناس شايفة مجلس عسكرى متحمس لتفعيل قرارات و أحكام


و يقبض ع السفلة اللى مالين البلد


مكنش دة حال البلد دلوقت


يعنى م الأخر الناس مش شايفه رجاله فى المجلس


اول ما طلعوا يا خويا الكلام زى العسل بس فعل مفيش


و يمسك كل 100سنة واحد و يقولك ما أحنا شغالين أهوا


دا أنتوا شعب ما يعجبهوش العجب


و لا الشرطة اللى عاملة نفسها زعلانة


حقيقى كلكم كلااااااااااااااااااب


دى أقل كلمة تتقال الصراحة


مش عارف ليه حاسس أنى فى فيلم


و كأن البلد عاوزة قنبلة تلم دة كله


و نبتدى من أول و جديد



يا ريس عاوز أقول لك


أنت راجل ....... كلمة قبيحة


أصل ما ينفعش معاك التييييت

26 التعليقات:

  mrmr

الاثنين، 11 أبريل، 2011 2:07:00 ص جرينتش+2

البلد فى معركه للاسف خاسره

  Tears

الاثنين، 11 أبريل، 2011 2:19:00 ص جرينتش+2

ايه يا رامى ده انا مش مصدقة و صراحة اتفاجئت بيك..

كويس انك فاهم و اتمنى تكون الناس فاهمه زيك لان اللى حاصل بيفكرنى باواخر يناير و حاسه ان فيه حاجة زى ما انت قلت قنبلة ح تلم كل ده...فيه حاجة كبيرة غلط...زى اللى عمل طبخة و فاهم انه بيحط ملح بس اتاريه رش بودرة أسمنت

  MR.PRESIDENT

الاثنين، 11 أبريل، 2011 2:35:00 ص جرينتش+2

فيه ناس تشوفها تفرح
وناس تشوفها تبقي عايز تولع في نفسك
وفي التليفزيون والشاشة
والبيت
والمحل بتاع الفول والطعمية اللي تحت بيتك
عمكوا سحس من النوع اللي الثاني اللي الناس اول ما بتشوفه بتتبري من أهلها .

  sony2000

الاثنين، 11 أبريل، 2011 5:05:00 ص جرينتش+2

اولا
كيفك وعامل ايه
وايه اخر الاخبار

ثانيا
ربنا معانا بجد
كأننا عملنا ليهم حاجه
لمجرد اننا طالبنا بحقنا

بس ديمن
لن يضيع حق وراؤه مطالب

  شمس النهار

الاثنين، 11 أبريل، 2011 10:57:00 ص جرينتش+2

عارف اجمل تعليق قريته عن الكلمة الخايبة دي
المجلس العسكري يقوله خلاويييص وهو يقول لسه
لحد ماخلص
وطلع علي العربيه وقال خلاويص
:))

  خواطري مع الحياة

الاثنين، 11 أبريل، 2011 12:08:00 م جرينتش+2

مسكين الريس
ليه عملتوا فيه كدا
مش حرام عليكم
ده مافي معه فلوس في بنوك برا كل فلوسه في بنوك مصر
مش حرام تظلموا الراجل
هههههههههههههههههههههه
مسكين يحسب ان الناس بتصدق كلامة

  mena

الاثنين، 11 أبريل، 2011 8:49:00 م جرينتش+2

رامى شفتك انهارده بوش جديد خالص بس وش اجمل من الوش اللى فات وده مش بيقلل من قيمة الوش القديم بس التغير فظيع بقى رامى الطيب الرقيق الحساس الرومانسي والهادى الحنين اللى كلامو بيهزنى وبيوجعلى قلبي ساعات يطلع شرس وقلب اسد وجامد كده ههههههههه والله برافو عليك مفيش كده دلوقت راجل فاهم هو بيقول ايه وملو هدومه كده وف نفس الوقت رومانسي وحساس مش راكن مشعرو وقلو ف التلاجه ربنا معاك يارامى ومعانا كلنا وربنا يكترر من امثالك ف البلدى عشان هى محتاجه شباب رجاله ومحترمين زيك كده

  Ms Venus

الثلاثاء، 12 أبريل، 2011 3:42:00 ص جرينتش+2

انا لما سمعت كلمته دى

ضحكت بخيبة امل

  لـــولا وزهـــراء

الثلاثاء، 12 أبريل، 2011 3:49:00 ص جرينتش+2

سمعت اخر نكتة ياسامي؟

المجلس الاعلى للقوات المسلحة: خلاص
مبارك: لسة

المجلس الاعلى للقوات المسلحة: خلاص

مبارك: لسة



المجلس الاعلى للقوات المسلحة: خلاوييييص

مبارك:خلاااص

لولا

  لـــولا وزهـــراء

الثلاثاء، 12 أبريل، 2011 3:50:00 ص جرينتش+2

المشهد الثاني

مبارك في تسجيل صوتي ع العربية !!! في فيلم فتشني فتش ...ماتفتشني فتش
لولا

  فاتيما

الثلاثاء، 12 أبريل، 2011 6:44:00 م جرينتش+2

ازيك يا رامى

بص

اولاً

شيل انتا راجل دى ..عشان مش ف محلها
انتا ... كلمة قبيحة علطول


ثانياً

اسمحلى أغير عنوان البوست
واخليه ...

عندك حق يا رامى

بس خلاص

:)

  طالبة مقهورة ..درجة أولى

الثلاثاء، 12 أبريل، 2011 9:03:00 م جرينتش+2

مش عارفة بس انا مبقتش خايفة وده الاهم
مش هنسيب الغلط تاني

انا جاية اسلم بس وبجد مفتقدينك

  emymony

الثلاثاء، 12 أبريل، 2011 10:19:00 م جرينتش+2

شكرا ليك ياريس
احنا اسفين ياصلاح قصدى اسفين ياريس
احنا الى معانا فلوس وانت بتشحت
انا شفت فى حياتى ناس اغنياء بس لسه عندهم رحمه
ودول مش اغنيه بعقل دول كلونا وعايزين يستعبطونا ويحلوا بينا
وفاكرينا عبط ومش فاهمين
بجد بوست هايل احييك على جرئتك وفهمك
تحياتى وتقديرى

  norahaty

الخميس، 14 أبريل، 2011 4:40:00 م جرينتش+2

تفتكر اللى بيحصل
دا حقيقى ولا تمثيل؟

  دعاء العطار

الخميس، 14 أبريل، 2011 4:50:00 م جرينتش+2

اهو خلاص بدأوا يحاكموه

بس يااااترى ياهل تررى هنقدر نثبت عليه حاجه ولا لاء

ده المهم.. يارب كمل فرحتنا على خييييير

لان فعلاً خطابه كان فيه ثقه غريبة الشكل

أول زياره لمدونتك ولن تكون الاخيره بإذن الله

تحياتى (:

  لبنى أحمد نور

السبت، 16 أبريل، 2011 6:40:00 ص جرينتش+2

بعيدا عن الكلام اللي يوجع القلب ده

جيت أقول شكرًا يا رامي.. أنت من هؤلاء الذين يملكون أرواحًا طيبة

http://unique100.blogspot.com/2011/04/blog-post_16.html

شكرًا بجد

  Timo..

السبت، 16 أبريل، 2011 8:19:00 ص جرينتش+2

عندك حق يا "رامي"...!!

  محب روفائيل

السبت، 16 أبريل، 2011 2:10:00 م جرينتش+2

رورووووو عذرا على التأخير فى القراءة والتعليق :)

المشكلة أنه الجيش على مهام تسيير 85 مليون مصرى وضغوط كبيرة جدا وده بيخليه بطىء ، وعموما أهم قبضوا على رءوس الفساد والحمد لله ، عاوز أيه تانى :)

تحياتى يا روميو :)

ابن أخويا اسمه أرميا مكملش سنتين بقوله يا روروووووووو :)

  Ms Venus

الأحد، 17 أبريل، 2011 6:33:00 م جرينتش+2

كل سنة وانت طيب يا رامى

  الازهرى

الثلاثاء، 19 أبريل، 2011 10:23:00 ص جرينتش+2

بخخخخخخخخخخخ

صباح الفل والياسمين

ما ضاع حق وراءه مطالب
واحنا ورا مطالبنا وقادمها وحواليها من كل ناحية

تحياتى دوما

  فاتيما

السبت، 23 أبريل، 2011 11:54:00 م جرينتش+2

كل سنة وانتا بألف خير يا رامى
انتا وملاكك
انتا ووالدتك الغالية
انتا واختك وابن اختك الجميييييل

انتا واحنا يا غالى
على قلب اختك فاتيما
يا ر ر
يا رامى يا رقيق القلب

كل سنة وامصر كلها بخير
طول ما قلوبنا ماليها حب ليها
ولنفسنا ولبعض


كل سنة وانتا طيب يا رامى
:)))

  momken

الأحد، 24 أبريل، 2011 5:52:00 م جرينتش+2

.....( اخرستو انستى )......


تحياتى

  gogo!sf

الأحد، 24 أبريل، 2011 7:15:00 م جرينتش+2

رامى كل سنه وانت طيب يا قمر
عيد سعيد عليكم وعلينا جميعا

  Silver Eyes

الاثنين، 25 أبريل، 2011 9:00:00 م جرينتش+2

رامى .. كل سنة وانت طيب :):)

  الشوكه الناعمه

السبت، 30 أبريل، 2011 8:32:00 م جرينتش+2

ده راجل ابن ستين كلب
يه كده عشان لسانى لما بيفلت مش بتلم حفاظا على مشاعر الاخوه الزوار
:))
يارب تكون بخير

  Ramy

الأحد، 1 مايو، 2011 12:00:00 ص جرينتش+2

عارف مقصر معاكم جداً

ليه يا تيرز غريبة هو انا مش من هنا (:

انا مبعرفش اكتب سياسياً ممكن اتناقش بس وش لوش مبعرفش اكتب و اناقش فى كومنتات بس دى المشكلة

طب ما انا كنت فى التحرير و كنت بكون بالساعات يمكن اة مبيتش بس فى الجُمع المهمة كنت موجود يمكن مكنتش فى الاول موجود بس لغاية جمعة التنحى كنت موجود و كنت فى الأيام العادية كمان

بس انا مبعرفش اقول

و مش كنت قلت عندك فى تعليق الصعيد محتاج نظرة قبل المواضيع دى

كنت شايف حاجة زى دى هتحصل اللى فى قنا دى

و لسه الدنيا فى الصعيد مش حلوة عارفة ليه مش علشان بس الناس العادية

لالالا خالص المشكلة فى المتعلمين و ذو الفكر




و انتم طيبين و شكرا ليكم ع المعايدة (: