سيدي الرئيس .... أقول فى قلبى


مفيش أعذار صدقنى مفيش
أنت و حزبك و حكومتك تتحمل كل هذا
و مهما كان سبب الشقاق الأن
أنت السبب الرئيسى
و أرجو لا أحد يذكر لى أن من حوله كانوا عازلينه
عنا

مفيش حاجة أسمها رئيس معزول عن شعبه
حاولت اصدقك صدقنى
حاولت أبرر ليك مع نفسى كتير
ملقتش أى مبرر يليق باللى بيحصل
صدقنى مش لاقى

أنت اللى وصلتنا لكدة
بعدم حزمك مع من حولك من فاسديين

أرجو من الله أن متتحولش لحرب بينا
كمصريين

24 التعليقات:

  amiralcafe

الأربعاء، 2 فبراير، 2011 6:06:00 م جرينتش+2

ويارب أحمي مصر و رجالها و جميع شعبها

ربنا معاكم
كيف حالكم وحال عائلتك يا رب تكون بخير يا اخي رامي

  sweet angel

الأربعاء، 2 فبراير، 2011 6:15:00 م جرينتش+2

ماشي مع حضرتك

هو لازم يمشي
بس مش دلوقتي بالتحديد
ومش بالطريقه دي
ولازم يضمن انتقال سلمي للسلطه

  sun of free dom

الأربعاء، 2 فبراير، 2011 6:56:00 م جرينتش+2

مفيش ريس مايعرفش ايه اللى بيحصل فى دولته


بس هوا نوع من البرود 30 سنة



ارحل يا عميل الموساد


30 سنة مقابل عدم حرب
ذل ومهانة وتصدير الغاز للصهاينة
ومعاهدات سلام مع من لا يعرفون السلام






ارحل بقى كفاية

  شمس النهار

الأربعاء، 2 فبراير، 2011 7:13:00 م جرينتش+2

انزل لصحابك ميدان التحرير يارامي البلطجيه بيضربوهم ماتتخلوش عنهم ارجوك

  محمود(باحث عن حب)

الأربعاء، 2 فبراير، 2011 7:18:00 م جرينتش+2

رامى
كلنا نقول مثل كلماتك
حسبنا الله ونعم الوكيل

  خواطري مع الحياة

الأربعاء، 2 فبراير، 2011 8:08:00 م جرينتش+2

بصراحة ده بلا دم
ماعنده كرامه
بيقول ارحل
وهو بيقول لا
ربنا ياخذه

  من كل بستان زهرة

الأربعاء، 2 فبراير، 2011 8:43:00 م جرينتش+2

ربنا ينتقم منه
يوم الجمعه ضرب واهانه
والنهارده البلطجيه في كل مكان
مش هقدر اوصف كميه الجرحى الي كنا بنداويهم
ربنا ينتقم منه ربنا يذله

  Tears

الأربعاء، 2 فبراير، 2011 8:57:00 م جرينتش+2

بعدم حزمه مع من حولة؟؟؟

لا ده هو نفسه مجرم

روح مدونة خالد ابو النجا و اقرا اللى بيحطه كل شوية من ميدان التحرير سواء رسائل صوتية او مكتوبه

http://kalnaga.wordpress.com//

  eng_semsem

الأربعاء، 2 فبراير، 2011 10:06:00 م جرينتش+2

ارجو من الله رحيله وحفظ دماء المصريين من يديه ويكفيه ماقتل ويذهب ويتركنا نعيش في سلام

  قهوة بالفانيليا - شيماء علي

الأربعاء، 2 فبراير، 2011 10:55:00 م جرينتش+2

تمام :)
رامي .. انا كدة اطمنت انك بخير و لله الحمد.
دلوقتي لا اختلاف على ان مصر تستاهل اننا نستنى شوية .
مصر تستاهل .. اننا نتحاور و نتفاوض مع النظام عشان نكمل تحقيق رغبتنا في التغيير .
مصر تستاهل اننا نرجع بيوتنا ..و نسيب التحرير .. عشان مصر تستاهل نحبها اكتر من دم الشهداء و اكتر من اي حد و اي حاجة.
:)

  Mona

الأربعاء، 2 فبراير، 2011 11:20:00 م جرينتش+2

هل يسمع؟؟ لا تعليق

  NaDa

الخميس، 3 فبراير، 2011 3:42:00 ص جرينتش+2

انا كمان حولت أبرر أي حاجة مش ليه لوحده لكل حكومته
لو كان هو عارف أو مش عارف
هو السبب في كل حاجة
وأي حاجة ممكن تحصل هيبقي هو السبب فيها ..
كفاية اللي بيحصل في التحرير وكفاية الفتنة بين الناس
لو كان فيه حتي أي عناصر خارجية ليها دخل في أي حاجة
برضو هو السبب
لما يوزعوا عليك مية جنية عشان تنزل تأيده عايزنا نفضل ننافق لأمتي هما بيضحكوا علي مين بالظبط
كفاية تلاتين سنة من القهر والظلم في كل حاجة وكفاية يوم الجمعة اللي فات والنهاردة دول لوحدهم أد التلاتين السنة اللي فاتو من الظلم والقهر والعذاب .

  نبع الغرام

الخميس، 3 فبراير، 2011 12:39:00 م جرينتش+2

عاش شعب مصر و عاشت مصر دولة حرة مستقلة
و حفظ الله مصر و شعب مصر

  مفيـــــــــــــــــــــــــد

الخميس، 3 فبراير، 2011 1:57:00 م جرينتش+2

"أنت اللى وصلتنا لكدة
بعدم حزمك مع من حولك من فاسديين"

عن أي فاسد تتحدث فمبارك أعظم الفاسدين

  طالبة مقهورة ..درجة أولى

الخميس، 3 فبراير، 2011 6:53:00 م جرينتش+2

I don't care
مش مهم هوا كويس او وحش
مش مهم المفروض يمشي او يقعد
انا بس اتخنقت من الحرب ديه
بقنع نفسي ان لازم يكون فيه مرحلة فوضى تسبق اي تغيير
لازم نتأقلم بشكل أو بآخر
بس زهقت من البلطجية والمندسين والمتآمرين

ربنا يحفظ مصر ونعدي الازمة ديه

  sony2000

الخميس، 3 فبراير، 2011 10:48:00 م جرينتش+2

بص..........
لاني بجد تعبت من كل الليله دي ومن اللي اتقال
ياااااااااااااااارب
احمي مصر
اللهم انا نستودعك بلدنا مصـــــ♥ــــــر فلا تفجعنا ولا تسؤنا فيها يــــــــــــــارب
يارب
ياااااااااااااارب

  Tears

الجمعة، 4 فبراير، 2011 2:34:00 ص جرينتش+2

اصبح عندى قناعة راسخه ان مصر مخطوفة...القضية ماعدتش ثورة و لا ديكتاتور زى ما كنت فاهمه

التعامل مع النظام ده مؤخرا خلانى شفت زاوية جديدة

اقرا
http://www.tayyar.org/Tayyar/News/PoliticalNews/ar-LB/egypte-pb-679657980.htm

و بعدها اقرأ ده ستجد نفسك امام مافيا
http://www.masrawy.com/News/Egypt/Politics/2011/february/3/police_friday.aspx

وجود مبارك فى النظام من اساسه خطر

  Noha Saleh

الجمعة، 4 فبراير، 2011 11:19:00 م جرينتش+2

هيمشى بس بشكل سلمى علشان مايحصلش خلاف غير شرعى على الرئاسة ونختار رئيس بعد عشر سنين نرضى عنه كلنا

  لـــولا وزهـــراء

السبت، 5 فبراير، 2011 4:29:00 ص جرينتش+2

بفكر زيك بالضبط مش مقتنعة بس مصر اولاً يا رامي
مصر الاول
تعرف كأني شايفة ناس بلطجية واقفة على باب بيتنا ومنتظرة ان انا واخواتي نتخانق عشان يكسروا علينا الباب ويقولنا احنا جايين نساعدكم..مشاكلنا بينا وبين بعض نحلها بعدين نتعاتب بعيدين الاهم نحمي البيت نسند عواميده

مصر اولاً
لا للتخريب
نعم للشرعية
لا للفوضى
لا لهدم رموزنا
لا للتدخلات الخارجية

لولا

  ALLELIO-عليــــلـــيـــــــــــــــــو

السبت، 5 فبراير، 2011 2:25:00 م جرينتش+2

يعنى اية مفيش اعزار !!!!!

حسنى مبارك اخطا نعترف اخطائة فادحة نعترف

لكن هو مش خاين ولا عميل ولا جاسوس

فى شريعتنا الاسلامية كلكم راع وكل راع مسؤل عن رعيتة كما قال النبى الهادى محمد صلى الله علية وسلم

لكن المشكلة كانت فى الحاشية الظالمة الفاسدة

ورغم دة قامت ثورة بشوية صيع من بتوع الفيس بوك

وفى داخل ثورة الصيع هذة اندس القناصة والهمج اللى هدفهم افساد العلاقة اكثر واكثر بين النظام والشعب

والراجل طلع وقال خلاص همشى بعد ال كام شهر الجايين وهو بيفكر صح

واللى بيفكر غير كدا اما غبى او اهبل او بيستهبل

وفى التلت حالات بعتبرة حمار

لان معنى ان رئيس دولة يترك منصبة ان فى مصطلح اسمة فراغ دستورى هيحصل ولو حصل دة هتبقى فى مجزرة بين الاحزاب على تناول السلطة ودة معناه ان الجيش هيبدا يتدخل ودة معناة ان حدود بلدى هتبقى مكشوفة يعنى الخراب بالداخل والخارج

شوية الصيع اللى بياكلوا لبان وحاطين الاى بوت فى ودانهم وطالعين من القهاوى واللى جاى من بيتة مصلاش حتى الفجر طالع عامل نفسة زعيم امة وبيقولك انزل يامبارك

طيب يابنى وبعدين يقولك معرفش المهم ينزل هو وحكومتة وكل حاجة هتبقى فلة شمعة منورة

دول اقولهم انتم مش بس عار على مصر لكن انتوا عار علينا كلنا

وشكرا لك بتاسف على الاطالة

  اسيره الاحزان

السبت، 5 فبراير، 2011 4:13:00 م جرينتش+2

ربنا يهديه للى فيه الخير لينا ولمصر يارب ويحفظ مصر من كل شر ياااااااااااارب

  Silver Eyes

الأحد، 6 فبراير، 2011 4:51:00 ص جرينتش+2

ربنا يكتب لمصر اللى فيه الخير سواء بوجوده او عدمه
يااااااارب احفظها

....
بعتذر جداااااااااا ليك يا رامى
ع تقصيرى معاك
يارب تكون بخير :)

  خواطري مع الحياة

الجمعة، 11 فبراير، 2011 8:09:00 م جرينتش+2

مبرووووووووووووووك عليك ياشعب مصر
مبرووووووووووووووووووووووووووك عليك يامصر
بكرة يوم جديد امل جديد حياة جديده
الله يحميكم ويحمي مصر

  من كل بستان زهرة

الجمعة، 11 فبراير، 2011 11:35:00 م جرينتش+2

مبرووووووووووووووك يا رامي
بلدنا رجعت لينا اخيرا
انتصرنااااااااااااااااااااااا