بابتسامة

ربنا مع كُل اللى هينزل بكره

بأبتسامة بأفتح عيونى
و أبتدى اليوم الجديد معاك
دة أنت صنعته و بدأته
علشان أفرح فيه وياك
و أنا أخترت أنى أعيشه معاك
و انا أخترت أنى أعيشه بيك
يا خالق اليوم و خالقنى
أنا يومى ليك

أفتح الكتاب أقرا آيه

و أخبيها جوايا
و تكون هى نورى فى طريقى
و من الشر تحفظ خُطايا
يا خالق اليوم و خالقنى
أنا يومى ليك

بأبتسامة بأفتح عيونى
و أبتدى اليوم الجديد معاك
دة أنت صنعته و بدأته
علشان أفرح فيه وياك
و أنا أخترت أنى أعيشه معاك
و انا أخترت أنى أعيشه بيك
يا خالق اليوم و خالقنى
أنا يومى ليك

بس الساعات اللى جايه
هتكون حياتى...حكاية
تحكى حُبك للى معايا
من المحبة اللى جوايا
يا خالق اليوم و خالقنى
أنا يومى ليك

مش أبتسمتى و غُنايا
لكن وجودك جوايا
هو السلام الحقيقى
و فرح... يفضل ويايا
يا خالق اليوم و خالقنى
أنا يومى ليك

بأبتسامة بأفتح عيونى
و أبتدى اليوم الجديد معاك
دة أنت صنعته و بدأته
علشان أفرح فيه وياك
و أنا أخترت أنى أعيشه معاك
و انا أخترت أنى أعيشه بيك
يا خالق اليوم و خالقنى
أنا يومى ليك

17 التعليقات:

  MR.PRESIDENT

الاثنين، 24 يناير، 2011 11:16:00 م جرينتش+2

ياااااااااااااارب
يا خالق اليوم الجديد
اجعلنا من بكره عيد
ورزق شعبي كمان يزيد
وأجعلي ليك
عبد ومريد .

  ELMOSTAFZ

الاثنين، 24 يناير، 2011 11:16:00 م جرينتش+2

هوا هايحصل ايه بكرة :s

  همسات وبحــ الحياه ــر

الاثنين، 24 يناير، 2011 11:19:00 م جرينتش+2

الله يارااااااااااامى
حلو قووووووووى بجدد


بأبتسامة بأفتح عيونى
و أبتدى اليوم الجديد معاك
دة أنت صنعته و بدأته
علشان أفرح فيه وياك
و أنا أخترت أنى أعيشه معاك
و انا أخترت أنى أعيشه بيك
يا خالق اليوم و خالقنى
أنا يومى ليك

  خواطري مع الحياة

الاثنين، 24 يناير، 2011 11:34:00 م جرينتش+2

الابتسامه
تمحي كل شي
من الابتسامه تحبب الناس فيك
من الابتسامه ياتيك الامل ببكرة
من الابتسامه تعيش مبسوط بدون الم
كلمات جميلة ورقيقة
تقبل مروري
سلامي ليك.

  Tears

الاثنين، 24 يناير، 2011 11:59:00 م جرينتش+2

ايه يا رامى حسستنى انك ح تعتكف او ح تترهبن يوم التلات :)



دمت بخير

  الكاتب محب روفائيل

الثلاثاء، 25 يناير، 2011 12:10:00 ص جرينتش+2

جميلة جدا يا روميو

الحاجة اللى مبتقنهاش أنا فى الشعر البسيط اللى بكتبه هى عدم تكرار حاجة زى معظم الشعرا

مع انه مجرد تكرار :)

وربنا يكون مع اللى هينزلوا بكرة :)

ويعديه على خير

  amiralcafe

الثلاثاء، 25 يناير، 2011 12:46:00 ص جرينتش+2

أفتح الكتاب أقرا آيه و أخبيها جوايا
يا رب اتكون معهم
اخي رامي الذي صار في تونس من الاضرار لاتوضف لامضورين وتلفزات ولا وسائل اعلام قدرت على نقل الحقيقة الحياة رجعت كل معتاد ام المعيشة فالاسعار قفزت الى النضف من غلال من خضروات السمك الدواجن حتى معسل الشيشة قفز بي 50/100 مثلا من 4.5 الى6 دينار واذا بقت الحال هكذا وخاصة ميدان السياحة مقفل فالاسعار سوف تقفز الى اكثر يارب سترك.أفتح الكتاب أقرا آيه و أخبيها جوايا وهي كليمات
رؤوف

  mrmr

الثلاثاء، 25 يناير، 2011 2:10:00 ص جرينتش+2

كلمات الترنيمه جميله قوى يا رامى
ومعانيها اجمل واروع
يارب يكون يوم جديد وسعيد ويمر بسلام وابتسام
تصبح على خير

  كلام من قلبي

الثلاثاء، 25 يناير، 2011 8:59:00 ص جرينتش+2

صباح الفل
اجمل شئ انك تبدا اليوم مع ربنا
عشان يفتح عليك باقي اليوم

  re7ab.sale7

الثلاثاء، 25 يناير، 2011 9:56:00 ص جرينتش+2

صباح الورد يا رامي
انت عارف مشغولة اد اية
وطل والليل مذاكرة وقلق
بس دلوقت قلت اشوف ايميلي والمدونات افرغ طاقة القلق اللي جوايا شوية
لقيت ابتسامة
بجد مش عارفة اقولك اية...
بس حسيت بارتياح ......جداااااا
ادعيلي

  شيرين سامي

الثلاثاء، 25 يناير، 2011 10:48:00 ص جرينتش+2

كلمات رقيقه أوي يا رامي تسلم ايدك
ربنا يستر
تحياتي الخالصه لط

  Ms Venus

الثلاثاء، 25 يناير، 2011 10:38:00 م جرينتش+2

ياارب


حافظ على بلدنا ياارب

وبدد مشورة اعدائها

  gogo!sf

الأربعاء، 26 يناير، 2011 12:18:00 ص جرينتش+2

حلوة اوى الكلمات يا رامى



بصراحه انا رغم انى مش ليا فى البهدله ولا التنتيط الا انى قولت انا عايزة انزل بجد ومن قلبى بس زوجى رفض وبشده

وايه يعنى لما كلنا ننزل هنموت
احنا كده كده ميتين بس فينا نفس

ده الواحد جاب جاز من اللى بيحصل وحسبى الله ونعمه الوكيل

وربنا يقويهم يارب

  من كل بستان زهرة

الأربعاء، 26 يناير، 2011 1:29:00 م جرينتش+2

مش أبتسمتى و غُنايا
لكن وجودك جوايا
هو السلام الحقيقى
و فرح... يفضل ويايا
يا خالق اليوم و خالقنى
أنا يومى ليك


ياااارب ايامك كلها تكون كلها سعاده

الكلمات رائعه
حسيت بهدوء وراحة وانا بقرأها

روعه يارامي

  Timo..

الأربعاء، 26 يناير، 2011 4:39:00 م جرينتش+2

ديما يا رامي بتكتب بطريقة سهلة قوي ومريحة لدرجة انها بتدخل القلب قبل ما تعدي على العقل :)
يا رب ايامك كلها امل وفرح وسرور :)

  amiralcafe

الخميس، 27 يناير، 2011 5:38:00 ص جرينتش+2

نداء من عبد الرؤوف عبد السلام مواطن تونسي إلى الشعب المصري العزيز

لنجاح ثورتكم يا مصريين عليكم بما يلي.
* المظاهرات ليلا ونهارا و تكون ليلا أكثر وهذه لها عدة فؤائد*تقللون من فرص القبض عليكم ومن فرص معرفة هوياتكم*تستطيعون النجاة من عمليات التصوير*ترهقون قوات مكافحة الشغب فانتم تثورن ليلا وتنامون نهارا وهم في حالة طواري قصوي فالليل شغب والنهار شغب لا يستطيعون النوم فيكونون ضعفاء مهما كان عددهم * تمنعون عمليات الخطف وزوار الفجر الغير شرفاء
*استغلوا الاعلام لتبليغ صوتكم فالضغظ الخارجي رهيب جدا *استخدموا الاصباغ اللون الاسودلتغطية زجاج السيارات المصفحة لتشلوا حركتها *: غسل الوجه بالكوكا كولا يزيل فورا مفعول القنابل المسيلة للدموع .. جرّبنا هذا في تونس حتى باتت قنابلهم بلا جدوى . ملاحظة هامة اياكم وعمليات الانتحار فاذا كان مصيرك الموت فليكن برصاص طاغية*أخوكم عبد الرؤوف عبد السلام من تونس/http://amiralcafe.blogspot.com/2011/01/blog-post_25.html* الرب معكم ونحن التونسيين معكم يا مصرين" انشرها حتي لا يتاذي اخواننا في مصر..

  قهوة بالفانيليا - شيماء علي

الأحد، 30 يناير، 2011 3:12:00 م جرينتش+2

يا رب .. احفظ مصر ..
و احفظ شبابها الطيبين .
عساك بخير يا رامي .