كان نفسى

كان نفسى تكون البسمة دى بدون شوائب
كان نفسى أكتب البوست اللى كان فى خيالى
كان نفسى أنزل ترنيمة مش حزينة
فمش هنزل
كان نفسى أنزل حاجة لجُبران غير اللى تحت
بالرغم أنى بحب اللى تحت
كان نفسى أعيد على الناس و من جوايا
حاسسهم فرحانين
كان نفسى أحس بالبرد الجميل ليلة العيد
كان نفسى تكون فرحة العيد
تكسر اللى جوايا اساسا من حُزن

كان نفسى أنفذ حاجات قُلتها
أول السنة
و معملتهاش

بس معلش لازم تستمر الحياة
على رأى
جبران خليل جبران
نصف حياة
النصف..هو أن لا تعرف من أنت
ومن تحب ليس نصفك الآخر...
فى الوقت نفسه هو أنت في مكان آخر

نصف شربة لن تروي ظمأك
ونصف وجبة لن تشبع جوعك

نصف طريق لن يوصلك إلى أي مكان
ونصف فكرة لن تعطي لك..نتيجة


النصف هو لحظة عجزك وأنت لست بعاجز..
لأنك لست نصف إنسان... أنت إنسان...

وجِدتْ كي تعيش الحياة

كان نفسى أكون لك الحُضن
اللى أنا مُتأكد
أنِك كُنتِ محتاجه اليومين اللى فاتوا
كان نفسى أديكِ هديتك
مش هحطها مع اللى قبلها

أسف مش قصدى أنى أضايق حد
بس بأكتب

كل سنة و أحنا كُلنا طيبين

26 التعليقات:

  Ramy

الخميس، 6 يناير، 2011 4:18:00 م جرينتش+2

شكراً لكُل الناس

اللى ساعدونى
حقيقى أخرج و نُخرج كُلنا من الحالة الحزينة

مش هأذكر أسماء
(:

لأنكم كتيييييييييييييييييير

(:

شكراً

  Unique

الخميس، 6 يناير، 2011 4:21:00 م جرينتش+2

انت انسان بجد يا رامي
ربنا يزيل الحزن عنك وعننا ويكملنا
كل سنة وانت طيب والسنة الجاية تطيب الحياة

  جايدا العزيزي

الخميس، 6 يناير، 2011 4:37:00 م جرينتش+2

رامى

كل سنه وانت طيب يا طيب

عيد سعيد اخى

وبدعى ربنا يحقق لك كل ما تتمنى

وتذكر انك دائما الى جانبنا

فكيف لا نكون دائما عاكفين على بابك

تحياتى

  عمرو يسرى

الخميس، 6 يناير، 2011 4:51:00 م جرينتش+2

يارمى هى ديه الحياه فرحه تشوبها حزن
وحزن يكسره فرحه
فلا هى فرحا خالص
ولا هى حزنا خالص
ـــــــــــــ
اختيارك للقصيده اختيار موفق
جميله جدا
ـــــــــــــــــ
كل سنه وانت طيب

  richardCatheart

الخميس، 6 يناير، 2011 5:10:00 م جرينتش+2

انا كمان كان نفسى كلللللللللللنا نكون مبسطوين

ربنا يصلح الحال يا رامى

ويسعد قلوبنا

كل سنه وانت اسعد وملاكك معاك

  لـــولا وزهـــراء

الخميس، 6 يناير، 2011 5:27:00 م جرينتش+2

كل سنة وانت طيب وبخير وبسلام ربنا يحقق لمصرنا الحبيبة الامان والسلام والحب
احنا كمان كنا محضرين للعيد فيديو واغاني بس بعد اللي حصل مينفعش نحطه... مصر كلها كان نفسها تعيد في حالة احسن من كدا بس ربنا يبدل احزان ايامنا سعادة وبكرة يبقى افضل واحسن وربنا يحقللك يارامي يابن حوا وادم كل اللي تتمناه ويسعد قلبك ويسعدك مع الانسانه اللي بيحبها قلبك..ربنا يعزك
لولا

  الحــب الجميـــل

الخميس، 6 يناير، 2011 5:53:00 م جرينتش+2

ربنا يصلح الحال
وكل شىء يمر على خير
يارب

ربنا يطمنا عليك يارامى
كل سنه والكل بخير يارب

  мαησηα

الخميس، 6 يناير، 2011 6:25:00 م جرينتش+2

رامى يارامى هو انت ليه بتتأسف ؟؟؟

احنا مش كلنا اخوات وكلنا المفروض نسمع بعض

للاسف كلنا كان نفسنا نفرح بس هنقول ايه الله مايسامح اللى كان السبب ابدا

وتانى بتشكر اخواتك انا اينعم مشحد منهم بس بس عارفة ان محدش منهم محتاج شكر

احنا كلنا اخوات يا رامى وبجد وجودك لوحده بيخلى بلوجر له مذاق خاص

ربنا يديم وجودك وسطنا يارب

وكل سنة وانتى اطيب واجمل

انا بقبل هدايا ف راس السنة ع فكرة وخصوصا لو شوكولاتة :))

  re7ab.sale7

الخميس، 6 يناير، 2011 6:36:00 م جرينتش+2

والله يا رامي انت انسان رائع وبدعيلك دايما....
بحب جبران اوووي
وبحب كتاباتك حتي الحزينة
بس بتمني تخرج بسرعة من الحالة دي
كل سنة وانت طيب ويارب يكون عيد سعيد عليك وعلينا كلنا

  Tears

الخميس، 6 يناير، 2011 6:56:00 م جرينتش+2

كل سنة و انت بقلب ابيض

كل سنة و انت رامى الطيب اللى موجود بينا و منورنا و مخلى باله علينا


دمت بحب و سلام

  لـــولا وزهـــراء

الخميس، 6 يناير، 2011 8:27:00 م جرينتش+2

ساااااامي كل سنة وانت طيب يا سامي وعقبال ما تحقق كل احلامك
دي هدية صغيورة

http://www.youtube.com/watch?v=PN_WacrCbF8

بمناسبة العيد يارب تعجبك بس معلهش لو لاقيت حاجة موش متظبطة سامحني انا بقالي كتير معملتش فيديوهات ويارب الصور تعجبك يارب وعندك جواب انا بعتهولك في قلب الفيديو اقراه كويس ووردة ليك اقرا اللي فيها كويس
http://www.youtube.com/watch?v=PN_WacrCbF8
لولا

  ستيتة حسب الله الحمش

الخميس، 6 يناير، 2011 8:46:00 م جرينتش+2

الكتابة فعل إدماني
فعل شفائي
فعل مريح

لا تحرم نفسك منه ابدا
ولا تعتذر لحد عنه

كلماتك الرقيقة البريئة الطاهرة تجعل امثالنا يحيا بفرحة :)

تحياتي

  فاروق بن النيل

الخميس، 6 يناير، 2011 9:54:00 م جرينتش+2

Ramy
كل سنة وإنت طيب والحياة لازم تستمر بأوجاعها ومآسيها وأحزانها وصدماتها
ومن رحمة الله الخالق أن أنزل فينا نعمة النسيان حتى ننسى كل القسوة والظلم والجرح والألم شكرا لك رامى

  NaDa

الخميس، 6 يناير، 2011 10:11:00 م جرينتش+2

كل لحظـة وأنت فى كل الأحـوال بخير يارب :)

  ليس فقيرا من يحب

الخميس، 6 يناير، 2011 10:20:00 م جرينتش+2

رامى كل سنه وانت طيب يارب

عيد ميلاد مجيد سعيد عليك وعلى كل حبايبك يارب

الحمد لله على كل حال يارامى

ربنا يصبرنا وهى الحياه كده ياروميو

ربنا يسعد ايامك ويفرح قلبك ويريح بالنا جميعا

كل سنه واحنا طيبين

  mostafa rayan

الجمعة، 7 يناير، 2011 12:36:00 ص جرينتش+2

رامي
صديقي العزيز
لاء ماتكتئبش ولا تخلي اي افعال غبية تسرق فرحتك منك
انتصر على احززانك وافرح افرح لانك بكدة بتنتصر لكل المعاني الحلوة ماتخليش اي حاجةتكسرك
كل سنة وانت طيب عليك وعلينا كلنا

  amiralcafe

الجمعة، 7 يناير، 2011 12:44:00 ص جرينتش+2

كل سنة وانت بخير يا اخي رامي. الله يسامح اللى كان السبب.المجد للله في العلالي وفي الارض السلام ولنا المسرات يا صديقي ولي كل الناس.الامان والسلام والحب لي مصر بإسمك يا رب
رؤوف

  Noha Saleh

الجمعة، 7 يناير، 2011 8:54:00 ص جرينتش+2

اسفة لانى اتأخرت فى الدخول
ربنا يجعلك سعيد دايما
ويجعلنا كلنا سعداء ويبعد عننا الحزن والهم واى حاجة وحشة
كل سنة وانت طيب

  Baskouta

الجمعة، 7 يناير، 2011 9:43:00 ص جرينتش+2

كل سنة وانت بالف خير يا رامي
كل سنة وكلنا بخير
وكل عيد وكل العالم بخير وفي خير
:)

  bentelghrob

الجمعة، 7 يناير، 2011 12:53:00 م جرينتش+2

كل سنه وانت طيب وبالف خير يارامى :))
لازم نبتدى نضحك ونبتسم علشان الحال يتغير
وبإيدينا..
ان شاء الله تحقق كل الى اتمنيته .. وننسى كلنا الحزن الى فات:))
وربنا يوفق الدنيا على بعضها
انت فعلا حد جميل
تحياتى

  Haytham Alsayes

الجمعة، 7 يناير، 2011 2:13:00 م جرينتش+2

رامي

مش عارف اتكلم
انت عارف رأى ياعمنا

كل سنة وانت طيب

  اغانى الشتاء

الجمعة، 7 يناير، 2011 2:17:00 م جرينتش+2

كل سنة و انت طيب يا راااااااااامى :)

  SHAPE YOUR LIFE (ABOALI)

الجمعة، 7 يناير، 2011 8:58:00 م جرينتش+2

يا هلا يا رامى باشا
كنت باعلق فى مدونتك التانية قولت اغير بعد غياب

تمنيات النفس كثيرة ولكن الحياه لها معانيها المختلفة لا ندرى ماذا يحدث فيها غدا
لذا مطلوب منا ان نقترب من ثوابت الحياه
ونوقن ان كل شيىء يقع مهما كان ايجابى او سلبى من منظورنا له حكمة
لا نعلمها نحن
بل ونستعجل احيانا ونسرع لكى نعلمها ولم ياءتى اوانها

ما يحدث من حالة تلوث الان
شارك فيها الجميع بلا شك
ولكن من فهم الحياه وعرف مبادئها واركانها الاساسية سيجد انوار كثيرة موجودة بيننا
وان عوارض الامور
لابد ان تبتعد عن هز الثابت منها

ان تغير البعض وتغير احاسيسهم امر طبيعى جدا
لو كان ما تغير هو شيىء ثابت
ولكن ما يحدث الان يا صديقى هو شيىء عارض
نعم ازال بهجة فينا وساعد على نمو اعضاء ممسوخة لم تعرف قيمة الانسان
ولكن تظل الثوابت هى العناوين المضيئه
التى ان جعلناها عناوين كانت لنا مظلات وسواتر من تلك الرياح العابرة
بكل ما فيها من ذرات تراب كاءنها رياح خماسين

تحية اقدمها لك خالصة
واعجبنى انك ادركت ان الحياه لابد ان تسير
ونحن نسير معاها ولكن مبتسمين لانها فى النهاية هى حياة لها رب يرعاها

كل سنة وانت طيب يا رامى
وشارك الحياه تشاركك الحياه بهجتها

  Tamer Nabil

الجمعة، 7 يناير، 2011 10:37:00 م جرينتش+2

ازيك رامى


كل سنة وانت طيب وبخير


ورغم كل احزان لن ينتصر الا الخير فهو الوجة الحسن لنا فى الحياة


مع خالص تحياتى

  موجة

السبت، 8 يناير، 2011 3:43:00 م جرينتش+2

كل سنة واحنا كلنا طيبين وبنحب الخير لبعض
كل سنة والحزن يبعد عننا والفرح يملا قلوبنا
كل سنة احسن من توقعاتنا
حاول ان تتناسا الموقف كى تكمل مسيرة حياتك

  شمس النهار

السبت، 8 يناير، 2011 9:32:00 م جرينتش+2

كلنا في الهم سوا

وكلنا في الفرح سوا