تعالى يا رب بروحك


شكرا لكُل الناس
شكراً للى قدر يفهمنى
و شكراً للى مفهمنيش

أنا لما قُلت أنا مش غضبان
أيوة مش غضبان
يعنى مش هكسر و أعمل زى الناس اللى مش فاهمة

حزين على روح المحبة اللى ماتت
حد يقولى لالا ما انت مامتش من عندك حد
علشان كدة بتتكلم من وسع
و أنت مش حاطط نفسك مكانهم

لأ طبعاً حتى لو كان حد قريبى
فى اللى حصل مكنتش هعمل غير كدة
أكيد كان هيكون حُزنى بزيادة
بس عمرى ما كُنت ما هتغير

أنا زى ما قُلت 100مرة
انا مش ملاك
بس انا مش زى ما ناس ممكن تكون افتكرت
انا غير ما بتكلم
يبقى أنا أسف لأى حد مفهمنيش

مكنتش كتبت قبل كدة
المتخلفين و البهايم فى الأرض .. مع الأعتذار للبهاااايم

على فكرة اللى فاكريين أن ممكن يكون
مسيحى يحب امريكا تيجى هنا او تكون ليها دخل

أبشر الأتنين
هنكون عرااااق تانى
دة لو هما حابييين يعنى

ربنا يعدى الأيام على خير

طبعاً انا متابع كُل الناس يمكن كُنت قررت انى مش هتابع
حالياً

بس مقدرتش

مكنتش عاوز اكتب و لا اقول حاجة

بس صدقونى انا متغيرتش
بس تعبان
و أكيد مقدرين دة

أنا يمكن معلقتش عند حد
لأن بجد مش قادر اكتب حاجة

على فكرة دة مش تبرير
لأن لو مش يهمنى محبتكم
مكنتش أتكلمت

لو مكنتش بحبكم
كُنت سكت و بس

19 التعليقات:

  Baskouta

الثلاثاء، 4 يناير، 2011 2:32:00 م جرينتش+2

مش انت بس يارامي اللي مش قادر تتكلم
الحكاية كلها اكبر من اي كلام
ربنا معانا

  gogo!sf

الثلاثاء، 4 يناير، 2011 2:34:00 م جرينتش+2

انا مش عارفه اقولك حاجه بجد

بس لازم تعرف اننا مقدارين حزنك وزعلك وبجد والله كلنا زعلانين جداويمكن اكتر منكم كمان عشان الناس اللى ماتت ومش ليها ذنب
وعلشان توتر العلاقه بين المسلمين والمسيحين اللى هما عايزين يخلاقوها بينا وبينكم وربنا يعلم اننا كلنا واحد

  AHMED SAMIR

الثلاثاء، 4 يناير، 2011 2:51:00 م جرينتش+2

غمة و هتنزاح ان شاء الله
بس السؤال
هل هنتعلم حاجة من الأزمة دي و لا ريما هترجع لعادتها القديمة...؟؟

  الحــب الجميـــل

الثلاثاء، 4 يناير، 2011 2:57:00 م جرينتش+2

ربنا مع الجميع يارب

ان شاء الله

مش لقيه كلام

  Tears

الثلاثاء، 4 يناير، 2011 3:15:00 م جرينتش+2

كلنا ما كناش قادرين نكلم بس حسينا ان دورنا اننا على الاقل لو مش قادرين نعمل حاجة بايدينا اننا نكلم جايز نوعى غيرنا و نفوقهم

  NaDa

الثلاثاء، 4 يناير، 2011 3:56:00 م جرينتش+2

لك الحق في عدم قدرتك علي الكلام
فكلنا أيضا في حالة لا تعريف لها
ف لهذا الحدث ألم خاص جدا
أفاق ألام كل الأحداث الأخري .. ربما لانحتاج إلي حداد أو مجرد وقفة
ولا حتي إلي يقظة فكلنا بالفعل مدركين مايحدث في تلك البلد
المسكينة وشعبها ' الضحية '
ولكن لا أدري تماما ماذا بوسعنا أن نفعل وأن نفك قيودنا .. فنحن مقيدون أيضا حتي عند وقفتنا !.


لنا الصبر .. :) .

  bentelghrob

الثلاثاء، 4 يناير، 2011 4:22:00 م جرينتش+2

قلبى معاك يارامى احنا مقدرين شعورك والى بتقوله دا الموضوع مسسنا كلنا صدقنى مصر كلها فى حداد الحدث دا اثر فينا كلنا
غمه وهتتزاح ان شاء الله
ربنا معاك ومعانا
تحياتى

  شيرين سامي

الثلاثاء، 4 يناير، 2011 4:34:00 م جرينتش+2

رامي العزيز لك حق تزعل و تغضب و اللي ميقدرش يبقى مش فاهم
ربنا يحمي مصر و المصريين و يخفف عن كل الموجوعين
بجد أسود و أسوأ بداية للسنه

  Ramy

الثلاثاء، 4 يناير، 2011 4:45:00 م جرينتش+2

على فكرة يا جماعة انا عديت مرحلة الحُزن و الضيق و البكا

بجد

بسببكم شُكراً

بس بحاول انى اجمع بس (:

  re7ab.sale7

الثلاثاء، 4 يناير، 2011 5:28:00 م جرينتش+2

كلنا كنا مخنوقين وكلنا كنا مضايقين زييك تمام
احنا مش وحشين ولا اغبيا يا رامي كفاية انا في الحلوة والمرة مع بعض
واجمل ما فينا اننا مبنسألش ده مسلم او مسيحي
لاننا بشر وبني ادم كلنا
مقدرين ظروفك اووي وفاهمين
وحاسين مشاعرك
قلوبنامعاك

  لـــولا وزهـــراء

الثلاثاء، 4 يناير، 2011 6:35:00 م جرينتش+2

بس صدقونى انا متغيرتش

"
احنا عارفين وواثقين من كدا يا رامي "

بس تعبان
و أكيد مقدرين دة
" احنا كمان تعبانين مش كلنا مصريين وفي الهم واحد والشهداء واحد والدم واحد والطعن واحد مش عايزة اقولك انا وماما بنعيط اد ايه وبابا على طول متابع الاحداث هو واخواتي وعايزين نوصل باي طريقة للارهابي اللي قتل ولادنا وبوظ فرحتنا وحاول يمزق سلامنا"


أنا يمكن معلقتش عند حد
لأن بجد مش قادر اكتب حاجة

" مش لازم تعلق المهم تكون متواجد وتقرأ ... بنحترمك جدا يا رامي وبنحترمكم كلكم "
لولا

  ali younes

الثلاثاء، 4 يناير، 2011 6:53:00 م جرينتش+2

حبيبي رامي الجميل
اولا اشاطرك الاحزان من كل قلبي وارسل اليك تعازى جميع المسلمين المصريين لك ولجميع اهلنا في مصر من الاقباط
رامي انت احساسك ومشاعرك طبيعية
اذا كان احنا موجعين امال انتم شعركم اية
رامي ابلغ كل من تراة من اخوانك في الكنيسة اننا جميعا نشاطرهم الاحزان
كمان انت عارف ان هذا العمل مرفوض
لك منى كل حب وتقدير

  richardCatheart

الثلاثاء، 4 يناير، 2011 7:00:00 م جرينتش+2

والله يارامى جويا مليون كلمه وكلمه بتلف

ولا كلمه عارفه تخرج ولا عارفه اعبر وامسك قلم كان جوايا حاجه اتشلت

كل اللى قادره عليه بدعى بدعى بدعى وهافضل ادعى

ربنا قادر كريم ومعز مذل قادر يسترها معانا ويزيح عننا ويعوضنا خير عن اللى راحو

ربنا معاك وتقدر تلملم نفسك
ان شاء الله خير ويارب يكون خير

  ستيتة حسب الله الحمش

الثلاثاء، 4 يناير، 2011 7:06:00 م جرينتش+2

أي حد منا اتكلم يارامي
وحتى صرخ
او عيط
او حتى تجاوز من وجهة نظر البعض
فده من حبه لمصلا

مصر مش مكان بس
ولا بشر بس
مصر مكان وبشر

لو خيروني اعيش في غيرها من غيركم ها اقول لأ
يفتح الله
عاوزة بلدي واهل بلدي زي ما هم كده

يارب الكل يكون كده
ومحدش يقول انه عايزها من غيري

ربنا يعزي ارواحكم وقلوبكم وينزل السكينة علينا كلنا

تحياتي يا صاحب الباب

  hana

الثلاثاء، 4 يناير، 2011 8:11:00 م جرينتش+2

والله يا رامي كلنا زعلانيين ماللي حصل
ولازم نبئاأكثر تماسك وحب عشان اللي عمل كده
أكيد هدفه التفرقه بينا وده مش هيحصل

  amiralcafe

الأربعاء، 5 يناير، 2011 12:41:00 ص جرينتش+2

محبة الله من محبتك للأخرين يارب يعطيكم الصبر.
رؤوف

  جايدا العزيزي

الأربعاء، 5 يناير، 2011 4:01:00 م جرينتش+2

رامى

طبعا فهماك اخى

واكترنا حاسس نفس احساسك

العبارة مش فى الكلام

احدى عيوبنا ان كلامنا كتير

لكنه فى النهايه مجرد كلام لا يودى ولا يجيب

اشكرك

تحياتى

  ابراهيم رزق

الأربعاء، 5 يناير، 2011 9:53:00 م جرينتش+2

عيد و العيال اتنططو على القبور
لعبو استغماية .. ولعبوا بابور
و باللونات .. و نايلونات شفتشى
و الحزن هيروح فين جنب السرور
عجبى ؟؟
اخى رامى
كل عام وانت بخير عيد سعيد و اتمنى ان تغطى بهجة العيد على الحزن الذى يعتصرنا
ابراهيم رزق

  Mona

الخميس، 6 يناير، 2011 3:58:00 م جرينتش+2

http://www.youtube.com/watch?v=FkKvXNURbjM&feature=player_embedded

كل سنة وانت طيب يارامى لك منى أرق تحية وتهنئة من القلب