الجيش المصرى شق السما.. قصدى شق العباية

ليه الجيش المصرى حسسنى انه أنجس من الجيش السورى و أغبى من القذافى


ليه بيثبت من يوم للتانى عكس كلامه  
علشان دى طبيعة فيه خلاص 
و لا علشان خايف 
ولا على راسه بطحه بطووووول مصر كلها 
حقيقى انا مستغرب من الناس اللى عماله تقول هو انت مديله فرصة
فرصة أيه هو حتى مدى أمارة لأى حاجة  
هو معتقد الناس هتتهت تانى بالأسلوب القديم  
خلاص الناس مبقاش يهمها هو مش حاسس أن النظام القديم موت كل حاجة جوه الناس  
موت كل أحساس بالحياة  
فبقى الموت شيىء طبيعى  

يا جيش يا مصرى ياللى شقِت السما  ..
هتلاقى اللى هيشوقك برضه 
بس ساعتها محدش هيبكى عليك 


الفيديو ده هو حقيقى المُلخص للى الجيش عاوزه و بيعمله


اللى خلف متحبس

طبعاً اغلب اللى أتناقشت معاهم بيقولوا ان الناس تجاوزت المرة دى جداً 

لأ انا مش شايف كده خالص الصراحة 

لأن أى تجاوز حصل و بيحصل 

المجلس العسكرى السبب فيه و القمع الأمنى السبب فيه 

ناس بعد يوم الجمعة هتعتصم و قالت أنها مش هتوقف أى مصالح و الأعتصام هيكون فى وسط الميدان 

أنما خلاص هما بقوا خايفين النظام يعنى 

و مش عاوزين يحصلهم زى ما حصل للمخلوع 

بس زى ما قلت اللى خلف متحبس 

هو اه محبوس بس سايب اولاده النابهين يعملوا زى ما هوا علمهم 

بعد كده يا مجلس يا عسكرى انت من ساعت ما مسكت مبينتش اى امارة و لا حتى بسيطة يا أخى الواحد يمسكها يقولها فى حقك 

برضه انت السبب فى كل الأنفلات و كل التجاوزات اللى بتحصل ده لو سمناها تجاوزات فى الأساس 

اخرة الكلام  

أتفوووووووووووو عليك مجلس 

و ربنا مع اللى فى التحرير 

حاجات تانى..2 ..ليكى أنتى بس

الذكريات
هى
بيوت الحنين للماضى
بكل جماله و قبحه
...................................
مش فيه حقائق
بتبقى صعب للعقل
أنه يُدركها
بس موجودة..
أهو حُبى ليكِ
حقيقة من الحقايق دى
صعب على الأخرين أدراكها
طب دول الأخرين
و أنتِ ؟؟
...............................
كلمات فقط
أجتاز بها الصمت إلى الكلام
(أحلام مستغانمى)
حقيقى هو دة اللى بعمله
.........................................
الحب تجربة حية فريدة
لا يُعانيها إلا من يعيشها
(الأديبة الفرنسية سيمون دى بوافور)
.........................................
لماذا أهتدينا إلينا؟؟
خطونا الخُطى و أنتهينا
لماذا حبيبى التقينا؟؟
لماذا؟
لماذا؟
لماذا؟
مفكرتيش فى ده؟؟!!
................................................
طب هقدر أنقذ ما يُمكن أنقاذه؟؟
مأظنيش
!!!!
عاوز أحكى أكتر
عاوز أتكلم أكتر
عاوز أكتب أكتر
بس معاكى أنتِ
أسف
برضه مش عارف ليه
و لا لمين
بس أسف
لو جرحت أى حد بأى كلمة
أسف ليكى
.....................................
عندما أحكى
عن ما أحب أو أكره
أو ماذا أكون
أحكى لكى
لتعرفينى
عندما تغيبين
لمن أحكى
...................................
أنا لسه فاكر نبرة صوتك
انتِ بقى
فاكرة نبرة صوتى
................................
كُل ضياع هو ذريعة للقاء
فالرسائل الضائعة ..
تبتكر على الدوام
هذا الذي عليه أن يجدها
( شاعر أرجنتى روبرتو خواروث)
......................................
حقيقى
مُرهق جداً
................................
عندما توشك الذكريات على الرحيل
تزورك بكثرة أولاً
( هاري مارتينسون - شاعر سويدي )
...................................
أنتِ فاكرة لوحدك اللى بتضعفى
ما أنا كمان
بس بأقاوم و أكون أقوى بيكى
بس عارفه أنى بقيت أضعف
....................................
أخشى عندما
تُقررين العودة
ستجدى أنسان
مهترىء
...................................
يااااه
مشاعر
عدم الثقة
عدم الأمان
عندك
أكبر من كل مشاعر الحب اللى عندى
ليكى
يااااااه
(أنا أسف)
....................................
مترجعيش
متيأسيش من هوانا
و متقوليش اللى ف أيدينا قليل
يمكن يكون المستحيل
جوااانا
و حُبنا ميكنش من المستحيل
مترجعيش
متيأسيش
على الأقل متهربيش
بقولها لنفسى
قبل ما بأقولها لك

أريحينى على صدرِك

الشعر قصيدة للشاعر فاروق جويدة
شيىء سيبقى بيننا

أريحيني على صدرك
لأني مُتعبٌ مثلِك
دعي أسمي وعنواني وماذا كُنت
سنين العمر تخنقها دروب الصمت

وجئتُ إليكِ لا أدري لماذا جئت
فخلف البابِ أمطارً تُطاردُني
شتاءً قاتم الأنفاسِ يَخنْقُني
وأقدام بلون الليل تسحقُني
وليس لدي أحباب
ولا بيت ليؤويني من الطوفان..

وجئت إليكِ..
 تحملُني
رياحُ الشكِ
للأيمان
 
فهل أرتاح بعض الوقت في عينيك
أم أمضي مع الأحزان؟؟

وهل في الناس من يعطي 
  بلا ثمن .. بلا دين .. بلا ميزان؟؟

* * *

أريحيني على صدرك
لأني مُتعبٍ مثلِك
غداً نمضي كما جئنا

وقد ننسى بريق الضوء والألوان
وقد ننسى أمتهان السجن والسجان
وقد نهفو إلى زمن بلا عنوان
وقد ننسى وقد ننسى ...

فلا يبقى لنا شيء لنذكره مع النسيان
و يكفى يوماً أننا تلاقينا بلا عنوان
 
زمان القهر علمنا
بأن الحب سلطان بلا أوطان..
وأن ممالك العشاق أطلال
وأضرحة من الحرمان
وأن بِحارنا صارت بلا شطآن..
وليس الآن يُعنينا..
إذا ما طالت الأيام
أم جنحت مع الطوفان

فيكفي أننا يوما تمردنا على الأحزان
وعشنا العمر ساعاتٍ
فلم نقبض لها ثمناً
ولم ندفع لها ديناً..
ولم نحسب مشاعرناً ككل الناس
  فى الميزان  
..........

عارفة بقى
 أنى عملت الشهر دة
6 بوستات
علشان يكون
مكتوب 6 أكتوبر
يوم عيد ميلادك
و لو بصيتى على الشهر نفسه السنة اللى فاتت
هتلاقيه ستة برضو

كل سنة و أنت طيبة
(:

عارفة 2


عارفة
أنى بقيت خايف أتكلم
حاسس أنى كل ما بتكلم
أنتى بتبعدى

عارفة
أنا حاسس بأيه
أن كتير بيبصولى بأستغراب
أو بأستنكار
ليه مستنى طيب
ليه ده كله اساساً
ليييييييه؟؟؟؟!!!!

عارفه
انا عاذرهم لأن
ممكن تكونى بتبصيلى زيهم

عارفة
أنا مش هاممنى نظرتهم
أو تفهمهم أو عدم تفهمهم
يهمنى أنتِ بس
هل أنتِ شايفه ده ؟؟؟
أنك تهمينى

عارفة
أنى خايف فى مرة
 كلامك يجرحنى
مش خايف على جرحى
خايف لما تشوفى جرحى
تنجرحى

عارفة
أحياناً بحس أن حبى
مش صادق
علشان كده مش مصدقاه
أو أنه صادق أوى لدرجة
انك مش مصدقاه برضه

عارفة
أن حياتى  دلوقتى
بقت غير مستقرة
أو مش زى ما كنت حابب
و ده مخلنيش أتراجع
أو سبب انى أتملص من حبك
اللى فى قلبى

عارفة
الخـــــطأ
مش خطأك و لا خطأى
هو خطأ الزمن
و أخطاء الماضى

طب عارفة
يمكن أنا اول ما فتحت المدونة
كنت فرحان بالمدونة و التعليقات
بس بعد كده حسيت مع كل مدح للى بأكتبه
أنى بفقد الهدف اللى فتحتها علشانه

طب عارفة كمان
أنى كنت عاوز أقفل التعليقات
لولا
أنى على أمل تيجى تعلقى عندى
على أمل أنك
تردى على لهفتى

طب عارفة
أنى بحبك قوى
و بحس ببُكى قلبك لما بتكتبى  
بحس بتنهيداتك
و أأهاتك

الأغنية دى
علشان تعرفى أنى حاسس و فاهم
عاوزة تقولى أيه
أحساسك أيه


أراكِ

دوماً أراكِ
فى أحلامى
فى كلماتى
فى تنهيداتى
فى صلواتى
فى أمنياتى
فى ظلامى
فى صباحى
فى مسائى
فى احزانى
و فى أفراحى

أراكِ
فى كل أيامى

أراكِ
عندما أرى حبيبين متشابكى الأيدى
......

أراكِ
فى طفل جميل يبتسم لى
....

أراكِ
فى عجوزين يتكأن على أنفسهم
....

أراكِ
فى أى مكان جميل أذهب أليه
و أتمناكِ معى
....

أراكِ
حتى و أنا مُغمض العينين
....

أراكِ
فى أغصان الأشجار
فى تغريد العصافير

أراكِ
عندما تبكين
تضحكين
تغضبين
تتحدثين
و تكتُبين

أراكِ
فى سيركِ
جلوسك
و ركضكِ

أراكِ
على كل الأشياء
و داخل كل الأشياء

أراكِ
بقلبى
و عقلى
و عينى
....
الأغنية دى
بتقول كل اللى قولته
و اللى عايز أقوله

شيىء مش جديد قلبى أرتوى
و أنتِ بعيد أحنا سوا
بتونسينى فى غربتى

حاجات تانى...

الحنين الدائم
هو إثبات من قلبك
لحُبٍ مازال قائماً
(دا أنا)

..................
أما أنا أُفضل
وجهكِ
بدون سُكر
(كاظم الساهر)

..................
وياك ... وياك
الدُنيا حلوة وياك
فى صفاك و جفاك
أنا راضى يا حبيبى برضاك
(فريد الأطرش)

................
من كبد ... كبد الشقى(الشقا)
بمحبة نبنى ديار

رغم الضلام مشنقة
ساكن فى قلبى نهار
كفك عل كفى
تساعدنى و تكفى

و تهون حمول كتفى
لما أنت بتوفى

عجزى مهواش فى البصر
و لا عمره كان لى حصار

العجز فى قلوب بشر
لما يجف خَضار
(أداء ماجد الكدوانى باللهجة الصعيدية)

.............
أحساسى أن ربنا واقف جنبى
بيزيد يوم بعد يوم
حتى ف موتى
حاسس أنى لما هموت
هكون نايم على سريرى
مش هتعب يعنى
(:

.............
- إلا قولى يا واد يا مزيكا
نعمين..
-أنت بتفهم فى السياسة ياض؟؟!!
السياسة !!!! هه ...
دا أنا الشعب ...
^ _^
.....................
سألونى الناس عنك
يا حبيبى...
قِلتلُن راجع ..أوعى
 تلمونى
(فيروز)

.....................

نقطة و من أول السطر
.. مازلت أهواكِ

................

يمكن أنا مبعرفش
أمتى أقول الكلام
أو أزاى
بس بحاول دايماً أكون
جنبك

.............

بيقولوا
قال أيه ..
صيد السمك
يعلم الصبر

العالم دى محبتش قبل كدة و لا أيه؟؟!!!
(:

.....................
ولو كان ..الجناح مكسور
سواء جناحها
أو جناحك
مش مهم
لو
أتسندتوا على بعض...
ممكن تطيروا لفوق سوا

(فاتيما ..مامت يوسف)
 جزء من أحد كومنتاتها (:

.................
"حيث المحبة
 هناك
 يكون الله موجود
 فأمتلك المحبة ليكن الله فى قلبك جالساً على عرشه."

(القديس أوغسطينوس)

.............
يا باب يا مقفول إمتي الدخول
صبرت ياما واللي يصبر ينول
دقيت سنين.. والرد يرجع لي: مين ؟
لو كنت عارف مين
 أنا كُنت أقول...
عجبي

طبعاً (عمنا صلاح جاهين)

..........

لا يُدرك أسرار قلوبنا
 إلا من امتلأت قلوبهم بالأسرار
(جبران خليل جبران)

..............

أفضل وسيله للوفاء بالوعد هى أن لاتوعد اصلاً

(مارتن لوثر كينج جونيور)

فِكرك كده يعنى ؟؟..
(ده أنا)
..................
يا نسمة البحر أسرحى و طوحينى
و ف حضنك الطيب خدينى أحضنينى
و هدهدينى فى الهوا و مرجحينى
و فرحينى باللى جى من سنينى

(محمد الحلو..من مسلسل الوسية)

.......................
نفسى أقعد أقرا
 زى زمان ..
):

...................
أترفض البوح لأنها فقدت الثقه فى أن يستمع لها أحد وأن يفهم طلاسمها أحد فهى بالرغم بساطتها
إلا أنها مازالت تشعر بكل الغموض يحاوط حروفها بكل الأسرار تسكن بين سطورها
أم تراها ترفض أن تضم بين سطورها ذاك الضمير الغائب الذى يشير لك ويترك بعد كل سطر نقطه ما تنهى عبارة كتبت عنك
 بصيغه الغائب

(مها العباسى.. مدونة لافندر)

.......................
صوتِك معايا
و عطرِك بيسرى فى دمايا
يا أخت روحى
يا ضى هوايا و سمايا

يا صوت بيفرش طريقى
حنان و نور و زهور

عدينى سور وحدتى و توهانى
و عمايا

(على الحجار...من أغانى مسلسل الأيام)
دى علشانك
يا حبيبة الروح

..............

دى روابط لو عاوز تسمع

دى بتاعة ماجد الكدوانى 
http://www.4shared.com/audio/gG2XS4r-/___online.html
ودى محمد الحلو

http://www.4shared.com/audio/w6lbQoiE/__online.html
و دى على الحجار

http://www.4shared.com/audio/gUzrzs8z/__online.html