معقول ؟؟!!...أه معقول

معقول فى حد بيحب حد كدة ؟؟!!
أه معقول
معقول فى حد يرهن قلبه بحد كدة ؟؟!!
أه معقول
معقول حد يُحط روحه فى أيد اللى بيحبه كده ؟؟!!
أه معقول
معقول هتستنى سنين عُمرك كده ؟؟!!
أه معقول


معقول هتستحمل لوم كل أهلك و أصدقائك
على عدم الأرتباط بأى حد ؟؟!!
أه معقول
أستحملته و أنا مش بحب
معقول مش هستحمله
و أنا بحب

ليه مش معقول أنى يكون فى حب أستثنائى
فى حياتك
ليه؟؟!!

علشان دة الواقع
أها
طب أنا عايش طول حياتى فى الواقع
و قررت أنى أخرج عن الواقع
و أبقى ليها أستثناء

هأبقى ليها هى و بس
حتى لو هى مش جنبى


مش فيه ناس كتير بيوهبوا حياتهم علشان قضية
علشان أختراع
مش فى رهبان

هكون متوحد فى دير قلبها
خلاص حبها فى قلبى بقى هو قضيتى
و هأوهب ليها الباقى من عمرى

حد يقول
أنت محبتش قبلها فمش عارف يعنى أيه حب
أنت الدُنيا سارقك


لكن أنا مش حاسس قدام أى واحدة غيرها باللى فيه قلبى
مفيش حد زيها

أقوله أيوة محبتش قبلها
لأنها هى اللى فتحت قلبى ع الحب
الحب اللى كُنت بتمناه
الحب اللى كُنت بدور عليه
حتى لو كان الحب دة فى نظر البعض مُستحيل

أنا مش مسروق
أنا مش بضيع سنين عُمرى
لأن دى أقل حاجة هتكون هديتى ليها

كونى على ثقة
أنا لن أكون غير لكِ

لا تُطالبونى بتفسير
بتفسير
أمتى أزاى و ليه
معنديش تفسير
غير أنى
بحبها

هل يكفيكوا هذا التفسير؟؟
لا يكفيكوا !!!!
مفيش مشكلة

يكفينى أنا

بحبك بحبك بحبك

ستظلى ملكة على عرش قلبى
للأبد

ستظلى أجنحتى للتحليق
إلى أحلامى

ستظلى الحب الأول و الأخير
طالما حييت

ستظلى ستظلى
مهما طال وقت الأنتظار

أن أنتظارى
هو لشيىء بسيط
لما أشعر به نحوك

مهما قولت و كتبت لن أوفيكِ حقك

فى النهاية و البداية
لن أعترض على مشيئتك ربى
لكن تعرفنى
أنى أنسان بكل ضعفى
مهما كُنت

لا تظُنى أنكِ وحيدة هنا
فى هذا العالم البارد
معاكِ ربنا


أنا هنا لكِ
فقط لكِ

إن لحظة حـــــ♥ـب تبرر
عمراً كاملاً من الانتظار
لـــ أحلام مستغانمى

بحبك يا أغلى ما عندى

13 التعليقات:

  adel

الاثنين، 20 ديسمبر، 2010 12:24:00 م جرينتش+2

chapeau
يعني برفعلك القبعة

انت ياض خليك كده بس مش كتير :)
يعني لو هي فعلا بتحبك خليك استني

بس لو الامل 0% يبقي مش صح وحاول تتخطي الموضوع

  شيرين سامي

الاثنين، 20 ديسمبر، 2010 12:43:00 م جرينتش+2

حمد لله على سلامتك أولاً
مقدرش أقول غير يا بختها:)
تحياتي يا أرق عاشق

  sony2000

الاثنين، 20 ديسمبر، 2010 1:53:00 م جرينتش+2

هو انا نونكن اقرررررررررر
نفسيييييي
بس مش هقدر
كل اللي اقدر اقولوا
ربنا يتمملكوا علي خير يارب
بجد
يابختها بيك
انا خلاص
بقيت لا أومن ان في حب

  فاتيما

الاثنين، 20 ديسمبر، 2010 2:19:00 م جرينتش+2

مين اللى يستجرى يسألك يا رامى
مين ؟
ولا ليه؟
و لا ازاى ؟
ولا يقولك تلت التلاتة كام


محدش له عند قلبك حاجة



انتا اخترت
وحر ف اختيارك
وقرارك
وتبعاته


واللى يلومك
يكون الاول مكانك
وبعدين يتكلم

ومحدش ينفع يكون مكانك
بالسنتى والمللى
والحرف

لأن محدش بيحب زى التانى
ولا حد بيحس زى التانى
وكل واحد ادرى بقلبه
وبلللى يقدر يتحمله
وادرى كمان بحيبه
وان كان يستاهل
ولا لأ

صحيح محدش ممكن يكون باين من الأول
وساعات ننخدع ف قلوب
لكن انتا خدت وقتك كفاية اظن
عشان تعرف
وتانى هقولك

محدش له عند قلبك حاجة
يا ر ر


ربنا يسعد قلبك
ويهديلك قلب ملاكك


خالص ودى
يا رقيق القلب

  من كل بستان زهرة

الاثنين، 20 ديسمبر، 2010 2:21:00 م جرينتش+2

هكون متوحد فى دير قلبها
خلاص حبها فى قلبى بقى هو قضيتى
و هأوهب ليها الباقى من عمرى

معقول في حب كده؟؟؟؟؟؟؟؟؟؟؟؟؟

يارب يسعد ايامك

  لـــولا وزهـــراء

الاثنين، 20 ديسمبر، 2010 2:39:00 م جرينتش+2

ايه يا ساااامي كل دي غيبة!!!!

لولا

  لـــولا وزهـــراء

الاثنين، 20 ديسمبر، 2010 2:40:00 م جرينتش+2

أنا مش مسروق
أنا مش بضيع سنين عُمرى
لأن دى أقل حاجة هتكون هديتى ليها

" ايه الاحساس الجميل ده يارب تكون سمعاك وحساك ويسعد قلبك يارب بكل خير ..ربنا يعزك(:"

لولا

  لـــولا وزهـــراء

الاثنين، 20 ديسمبر، 2010 2:42:00 م جرينتش+2

ن لحظة حـــــ♥ـب تبرر
عمراً كاملاً من الانتظار
لـــ أحلام مستغانمى

" اختيار اكثر من رائع لابيات تترجم تلك المشاعر السامية"
لولا برضة ...ايه زهقت :d

  gogo!sf

الاثنين، 20 ديسمبر، 2010 4:53:00 م جرينتش+2

اؤيدك فى كل كلمه يا رامى
لان الحب بيعمل اكتر من كده كمان

ربنا يريح قلبك ويقرب البعيد اللهم امين

  Tears

الاثنين، 20 ديسمبر، 2010 7:21:00 م جرينتش+2

اه يا رامى بتفكرنى بالشباب...نفس طريقة التفكير و الحماس و الاصرار او اللى لما بنكبر بنعرف انه كان عند فى نفسنا

كلامك جميل بس عمليا مع السنين ح تعرف ان مافيش حاجة ممكن تستمر كده و لا يصح الا الصحيح

اؤيد عادل فى تعليقة

  عمرو يسرى

الاثنين، 20 ديسمبر، 2010 11:35:00 م جرينتش+2

يابختها بيك
و اتمنى ان لاتندم فيما بعد

  ستيتة حسب الله الحمش

الثلاثاء، 21 ديسمبر، 2010 12:24:00 ص جرينتش+2

ها أهدي شيء ما لك وحدك
ها تعرفه لما تشوفه
مش ها أكلمك عليه
ردا بس على هذه الروعة

  Ms Venus

الثلاثاء، 21 ديسمبر، 2010 12:26:00 ص جرينتش+2

مش هتكلم ولا اعلق يا رامى


هديلك وردة وبس وانا ببتسم