أمتى هشوفِك ....تانى..أمتى؟؟ قريب

معقول الحنين قاسى كدة
معقول الأشتياق صعب كدة

لسه مستنى
لسه أملى موجود ..لسه
متفتكريش أنى مبقتش أكتب كتير
يبقى قلبى هدى حُبه ليكِ
لالا
جوه قلبى أسئلة كتييير
بس عمرى ما هسألهم
هنا
و لا هكتبهم

أسئلة هقولهم ليكِ
و أسمع أجابتهم منك
حاسس أن دة قُريب

قريب
مش عارف ليه
بس أن شاء الله قريب

كُنتِ دايماً تشكورينى
و أنا اللى كُنت لازم
أشكُرك

يا من أحببت
يا عمرى القادم
لازلت أثق بكِ

بجوارك دائماً

بحبك

أرجوكى دموعك غالية عليا

15 التعليقات:

  MR.PRESIDENT

السبت، 18 ديسمبر، 2010 5:26:00 م جرينتش+2

بص يا عم رامي .
لا دواء للمحبين إلا الزواج
أو الإستعانة بالله علي الآلام.
لكن
نصحتي ليك عشان مبقاش خبيث
إنك تصبر ويكون كل شيء
صبرك ملوش حد .
مش هعرف انصح اكتر من كدا
لأني مدقتش إنتا عايش فيه
دلوقت .
امنياتي لك بارتياح قلبي

  من كل بستان زهرة

السبت، 18 ديسمبر، 2010 5:54:00 م جرينتش+2

يارب ترجع
وتملى حياتك حب

  Tears

السبت، 18 ديسمبر، 2010 7:25:00 م جرينتش+2

حلوة الاغنية يا رامى :)

حمدلله على سلامتك

  يوميات شحات

السبت، 18 ديسمبر، 2010 8:02:00 م جرينتش+2

شكرا على الأحساس العالي

  فاتيما

السبت، 18 ديسمبر، 2010 8:47:00 م جرينتش+2

ان شتء الله قريب يا رر
مش بعيدة على ربنا

وخلى الامل موجود
انتا متعرفش تعيش من غيره
عارف ليه؟
عشان بتحب بجد
واللى يحب بجد
معندوش كلمة ..لأ
ومينفعش
ويفضل دايما عنده امل
ان بكرة الدنيا تتغير

صحيح ورا الامل
جايز يكون فيه احباط مستخبى
بس لحد آخر ثانية ..لا يأس لو سمحت

ولسه بدرى
ان شاء الله
آخرتها زى ما تتمنى
واجمل

ربنا يصلحلك الحال
ويهدى قلب ملاكك
وتعرف
ان محدش هيحبها غيرك
ويشيلها جوا قلب كدا
بس تبطل خوف
وتتحامى فيك
مش تخاف منك وتجرى


ملحقتش اعلق ع البوست اللى فات
بس انتوا دايما رافعين نعنوياتى
وعاملين لنكش الفراخ بتاعى صيت
انتا عملت زى د.ستيتة تمام
ولقطت بإحساسك اكتر جزء كتبته
ولخص كل حاجة بحسها

انا بخير والحمدلله
ولسه قلبى بيعافر
ومتخلاش عن الامل
وخليك زى حالاتى
وان شاء الله قريب

كل ما تتمناه قريب


خلى بالك من نفسوياتك يا ر ر
يعنى
يا رامى يا رقيق القلب

  Tarkieb

السبت، 18 ديسمبر، 2010 8:49:00 م جرينتش+2

يارب الانتظار يجي بفايدة....احيك على طوووووولة بالك

  Haytham Alsayes

السبت، 18 ديسمبر، 2010 9:25:00 م جرينتش+2

رامي

ازيك يارامي
ايه يابني انت اتعديت مني ولا ايه
ولا بتظهر ولا بتسأل ولا حاجة خالص

عموما ياسيدى انا الحمد لله كويس انت بقي فينك اظهر وبان عليك الامان
ولو مشغول قول برده
انا بقي رجعت تاني بعد مشكلة ابقي احكيلك عليها لما تظهر علي الميل حتي

مستينك بقي

تحياتي

  خواطري مع الحياة

السبت، 18 ديسمبر، 2010 11:29:00 م جرينتش+2

السلام عليكم
اولا انا اسفة اني مابدخل مدونتك دي كثير لانها بتعلق معي
بتفتح بعد ماتطلع روحي
لكن باكون ادخلها حتى لو طلعت روحي
ثانيا
هو انت لسه مستني الفرصة تيجي لحد عندك عشان تسئلها
روح لها واسئلها كل الاسلئه الي تريد لها اجابات
لو كانت بتحبك صحيح ماكانت بعدت عنك لو دقيقة وكانت عرفت الاسئله من علامة استفام الي اكيد هي باينه في وجهك اول ماتشوفها
ربنا يوفقك ويحقق لك كل الي في بالك
تقبل مروري
سلامي ليك اخي رامي.

  Ms Venus

الأحد، 19 ديسمبر، 2010 2:27:00 ص جرينتش+2

مش عارفة اقولك ايه يا رامى
غير ربنا يريح قلبك


كل سنة وانت بخير

  mena

الأحد، 19 ديسمبر، 2010 6:57:00 ص جرينتش+2

رامى ازيك يارب تكون بخير

مش لقيه كلام اقولو بس والله

حاسه بيك اوى ربنا يريح قلبك

  جايدا العزيزي

الأحد، 19 ديسمبر، 2010 7:30:00 ص جرينتش+2

الله حلة الامل

لما بيكون ممهدى من محبوب لمحبوبته

يسلم احساسك رامى

بس عايزة اعرف يعنى ايه كلماتى لا يوجد عليها رد

ده اعجاب ولاه ايه

تحياتى

  Mona

الأحد، 19 ديسمبر، 2010 10:21:00 ص جرينتش+2

إن شاء الله يأتى الفرج قريبا وأكيد للصبر نهاية مفرحة :) تحياتى

  momken

الأحد، 19 ديسمبر، 2010 5:51:00 م جرينتش+2

كرمك كالعاده روعه

واحساس متفرد اكاد اجزم محدش بيحس كده

اما اختيار الاغنيه فرهيب جدا

استمتع بشده عندك يا صديقى

دمت بخير

تحياتى

  طالبة مقهورة ..درجة أولى

الاثنين، 20 ديسمبر، 2010 12:02:00 ص جرينتش+2

الحنين أتقل أمراض الألفية الجديدة وجمال آلامه مبتعرفش الرحمة..

ده عمر طاهر مش انا

بص عيش على أمل
أصل ده الحة الوحيدة اللي بتديك القدرة تتنفس
انك ممكن تتجمع معاها زي ما بتحلم
يارب ينولهالك ويريح قلبك

معلش مشحططاك ف الكومينتس وشكلي هقفلها ع طول بعد كده
هاجي انا اطمن عليك هنا :)

  همسات وبحــ الحياه ــر

الاثنين، 20 ديسمبر، 2010 11:07:00 ص جرينتش+2

حلوة قووووى
ربنا يسعد قلببببك يارامى
بعترز عن تقصيرى معااااااك
بس بجد انا مبقتش ازور حد خالص لا القليل جدا (الناس اللى بجد بحب مدوناتهم ))
اوعى بقى تقول لحد انى جيت زرتك هههههه

^_^