أسف.....أسف

هتكلم كتيييييير قوى
يمكن
مش عارف
بس دة كان أحساسى لما أبتديت أكتب
كُنت كسرت حالة الضيق ببوست
النونو الجديد لأختى
و بجد كُنت فرحان جداً
و كنت هنزل بوست جديد
أسمه أزيك
هسلم فيه عليكى
و هسأل عليكى غيبه كتيير ليه

بس فجأة لقيت كل اللى بحبهم
فى حاله مش كويسة
و هى كمان

بس يمكن أطمنت عليهم كلهم
أطمنت أنهم بقوا أحسن

هى لأ
هى لسه جوه قلبها
ما يكفى
لتحزن


أسف لأنى مش عارف أعمل حاجة
أسف أنى بعيد
أسف

لازلت مُرهق
جسدياً و نفسياً
لكن دون حاجة للبكاء
كأنى أصبحت مُدرك عدم أستطاعتى
البكاء هنا
فى هذه المدينة القاسية نفسياً

كيف تعمل و تكون أكثر خُبثاً
أكثر حنكة
لتدبير المكائد للأخرين
و لكن لابد لك توخى الحذر

أنتِ من يخفف عنى
كل هذا العبىء النفسى

كيف عندما أرى كيف تكونى
فى حاجة ليد تمسح عنك
دموعك
يد ترفع عنك
أثقالك


كيف لى لا أكون حزين
كيف لا أشعر بعجزى
و أنا لا أستطيع حتى التخفيف عنكِ

لم أجد كلمات تشرح ما أنا فيه
غير كلمات
الغالية فاتيما
حزينة لأن كان نفسى ....
كان نفسى اعمل قد اللى عملته عشر مرات
كان نفسى اضم كل الوجع اللى سابه كل اللى سبقونى لقلبه
كان نفسى احاول اغير فى نظرته للدنيا عشان هوه يستاهل حياة احسن
كان نفسى افهمه اللى مش عارف يفهمه لأنه مستغرق فى ذاته
ومش قادر للأسف يخرج من الجب اللى ألقوه فيه عمر بحاله
كان نفسى اعرف اخد قلبه ف حضنى
ومخليهوش يخاف ويكش ويرفضنى
كان نفسى امحى كل حاجة هيعملها و هتأذيه مستقبلاً
وتخلى الدنيا بتاعته متتغيرش
و يبقى زى صلاح جاهين ما بيقول
وقف الشريط فى وضع ثابت
كان نفسى اكون ضى قنديله
وانور له سكة و طريق

أنا عارف أن أنتِ مش رفضانى
أنا بقى حزين لأنى مش قادر أعمل حاجة
عاوز أعمل كتير
أعطينى الفرصة
لو تسمحين

مش عارف أنتِ كل حاجة بتكتبيها
حتى الحزينة منها
بتأثر فيا بالأيجاب
حقيقى بكون حزين
بس بتبنينى نفسياً

كل ما أحس أنى هقع
أقوم علشانك
كل ما أحس بأنى هضعف
أقوى علشانك

أنا مبقولش أنى ممكن أكون فرصة
ذهبيه
فى أحسن منى كتير

لكن أنتى هى فرصتى للحياة
قلبى وجعنى قوى عليكى

بحبك يا ملاكى

أنا مش ملاك
أنا بحاول أكون أنسان

9 التعليقات:

  شمس النهار

الجمعة، 17 ديسمبر، 2010 5:02:00 م جرينتش+2

ايه ده كله
مالك

ليه الحزن العميق ده

انت لسه شباب والمستقبل قصادك

وصدقني ماضاقت الامافرجت

ربنا يريح قلبك

  Mona

الجمعة، 17 ديسمبر، 2010 5:13:00 م جرينتش+2

http://mona-myownroom.blogspot.com/2010/12/blog-post_16.html

يارب يكون عندك وقت وتقراه

  MR.PRESIDENT

الجمعة، 17 ديسمبر، 2010 6:27:00 م جرينتش+2

وجعك ملوش إلا دوا واحد ومش عارف انت ممكن تحصل عليه ولا لاء بس في دوا صعب شوية ممكن ينسيك كل آلامك - حب الله -
أنا مش هقدر أقول اكتر من كدا لأني مجربتش الألم من نوع ده من فترة طويلة .
كان الله في عونك أنت ومن تحب ..
كان الله في عون فاتيما .
كان الله في عوني .
كان الله في عون كل بشري يحتاجه .

  BNT ELISLAM

الجمعة، 17 ديسمبر، 2010 6:40:00 م جرينتش+2

اهلا يارامى فينك كده وايه الغيبه دى كلها
ربنا يريح قلبك
وجميل الكلب والاغنيه واحساس البوست كله مع انه فى تمنى وعتاب وحزن واحاسيس كتير بس ربنا يفرح قلبك يارب

  طالبة مقهورة ..درجة أولى

الجمعة، 17 ديسمبر، 2010 10:25:00 م جرينتش+2

حمد الله على سلامتك

المود الغالب حاليا كئيب ومرهق

بس ان شاء الله كله هيبقى تمام :) زوبعة فنجان

انت حقيقي انسان مش محتاج تحاول

اعمل اللي تقدر عليه عشان تسعد اللي بتحبهم واستنى الفرصة

سعات بتيجي واحنا مش متوقعينها

ومتغيبش كتير

  amiralcafe

السبت، 18 ديسمبر، 2010 1:21:00 ص جرينتش+2

سلامي لك اخي رامي كيف حالك طولت الغيبةالرب معك
احسن دواء هو هده الاغنية http://www.elbecha.com/watch/vid/6383
رؤوف

  جايدا العزيزي

السبت، 18 ديسمبر، 2010 4:38:00 ص جرينتش+2

اولا حمد الله على السلامه رامى

ما انت اتعودت تغيب علينا كتير

ثانيا هى اكيد حساك ومقدرة ظروفك اخى

بلاش تحمل نفسك اكتر من طاقتها

اكيد لو فكرت صح

هتقدر تعمل حاجات كتير

كلماتك من القلب صادقه

لذا اشكرك عليها

تحياتى

  gogo!sf

السبت، 18 ديسمبر، 2010 5:00:00 م جرينتش+2

رامى يارب تكون بخير دايما
برغم شده الحزن اللى فى كلامك الا انى مبسوطه انك رجعت واطمنت عليك

ربنا يسعد قلبك اللهم امين

وكل سنه وانت طيب يا قمر

  Ms Venus

الأحد، 19 ديسمبر، 2010 2:31:00 ص جرينتش+2

مالك بس يا رامى


قول يارب وبس

هو قادر يهون عليك تعبك