أحساس جديد (:(:

أولا شكراً للناس كُلها على السؤال و الأهتمام هنا و فى الياهو و بالتليفون

ثانياً انا اسف كتييييييييييير جدا لأى حد جرحته باللى كتبته

ثالثاً اسف لعدم المتابعة من فترة كبيرة

حقيقى كُنت مش متظبط بس بعد كدة روحت مكان جديد مفهوش نت ):

أنا بأكتب التدوينة دى من سيبر
كتر خيرك يا حسنى

ثالثاً الأحساس الجديد ايه هو بقى (:

فرحان

متبحلقش قوى كدة (:

مبسوط لأن أختى بقى عندها بيبى جديد بنوته أخت لبيير

طب دة يعنى انى مكنتش فرحان لما جه بيير

لالا كُنت فرحان طبعاً

بس لما شفت بيير اول مرة بكيت مش عارف ليه

عارفة عيطت مش عارف ليه

من الفرحة و لا ليه (:

بس لما عرفت المرة دى كُنت فرحان كُنت مبسوط و مزقطط

بالرغم أنى عارف التعب اللى هى فيه اللى شقته المرة الى فاتت

بكل غباء بسألها ايه أخبار المرة دى تعبتى و لا ايه
ة على اساس ان فى حاجة أتغيرت يعنى يا عم رامى (:

غبى (:

بس كُنت مبسوط

و بقيت مبسوط قوى

مبسوط قوى هخليها ليا دلوقت ع الأقل (:

لا دة مش غبى بس دة رخم كمان (:

معلش (:

اللى أقدر أقوله أنى فرحان جداًُ

يارب أقدر أنقل ليها فرحتى دى (:

يارب فرح قلبها زى ما فرحت قلبى

أنبارح روحت الكنيسة اللى المفروض أنها جديدة فى شرم اللى مش عارف جديدة أزاى
و أنا بصلى فيها من 5 سنين و أكتر

بس هو كان تدشين الهيكل الأساسى معرفش هما حسبوها جديدة بقا
بس اللى اقدر أقوله انى لما روحت المبنى الجديد
شهقت من الروعة كُنت بفكر انقل الصور هنا بس مش هتنقل الروعة اللى موجودة

المهم أن أبونا فى الوعظة
أتكلم عن الفرحة فى وسط حُزن

فجاب مثال الست اللى بتولد
فى وسط حزن الألم بس سعيدة و عندها فرحة للنتيجة

فحسيت أنى ربنا بيطمنى على أختى

شكراً ياربى
مهما كُنت بعيد مهما قصرت معاك برضه واقف جنبى
شكراً من كل قلبى
شكراً

(:

أحساسى جديد و جميل و مريح (:

بجد مبسوط

قد أيه بتمنى أنى أنقل السعادة دى ليكى (:

كان لازم أكتب دة علشان تشاركونى فرحى

زى ما كُنتوا بتشاركونى فى زعلى

لسه مش عارفين هنسمى النونو ايه تصوروا (:(:

مارفين دة أسم قالهولى واحد صحبى عجبنى و قلته لأختى

و هى قالت لى أسم مش فاكره طبعاً خلاص أنتوا عارفين الذاكرة زى الفل (:(:

الفيديو اللى تحت أهداء لأختى و ليها كمان (:

سعيد جداً
(:


32 التعليقات:

  Tears

الأربعاء، 8 ديسمبر، 2010 1:23:00 ص جرينتش+2

الحمدلله انك بخير يا رامى و ربنا يسعدك دايما

مبرووك على البيبي و اقتراحى تسميها جولي او جوسلين او جولين

الاسم اللى انت قلته ده اسم دوا بس دور على النت :))

  sony2000

الأربعاء، 8 ديسمبر، 2010 1:29:00 ص جرينتش+2

يااااااااه يرامي
بجد وانا من هنا
حسه بفرحتك
خلاص
مستنينك يوم الجمعه
علشان تفرحنا معاك ياعم
يالهويييي علي هنعملوا
هتهم بس وانتا ملكشي دعوه:)))))))))
وعقبال ماتبقي بابا يراااامي
والام تبقي اللي بتحبها
يااارب
اللهم امين
اكتب لرامي كل حاجه حلوه يتمناها
دا غلبااااااااان
يارب

  عمرو يسرى

الأربعاء، 8 ديسمبر، 2010 1:41:00 ص جرينتش+2

الف الف الف مبروك يارمى
والحمد لله انك خرجت من المود بتاع البوست اللى فات
ويارب يجعل ايامك كلها سعاده وفرح

  أحمد شريف

الأربعاء، 8 ديسمبر، 2010 1:42:00 ص جرينتش+2

تتربى في عزكم يا رامي

ونفرح بيك :)

  Unique

الأربعاء، 8 ديسمبر، 2010 1:49:00 ص جرينتش+2

حمد الله على السلامة
ربنا يفرحك دايما :)

  ستيتة حسب الله الحمش

الأربعاء، 8 ديسمبر، 2010 1:54:00 ص جرينتش+2

ألف مبروك للنونو يا خااااااااالو
بقول خالو بطريقة سامح حسين لكرمبو :)
يارب دايما فرحان

  ويكا

الأربعاء، 8 ديسمبر، 2010 7:37:00 ص جرينتش+2

اولاً ايه السيبر اللى اسمه غريب ده ؟؟

سيبر " كتر خيرك يا حسنى " ؟!!

ثانياً مبارك يا عم البنوته الجديده وعقبال ما نفرح فيك بقى انت كمان.

  adel

الأربعاء، 8 ديسمبر، 2010 9:30:00 ص جرينتش+2

مبروووووك ياعم :)
وانت فعلا اختفيت فين ؟؟
اعترف

ليك شوقة ياعم بخ
و5 سنين بتصلي وجديدة
هي فعلا جديدة :):)

  Kontiki

الأربعاء، 8 ديسمبر، 2010 9:46:00 ص جرينتش+2

مبروك الف مبروك :):)

  Mona

الأربعاء، 8 ديسمبر، 2010 11:09:00 ص جرينتش+2

مبروووووووووووووووووووووووك - لما تسموها قول لنا ويارب كل أيامك أفراح إن شاءالله - ودايما منور المدونة بتاعتك

بس ضحكتنى على موضوع الكنيسة الى بقالها 5 سنين وبيقولوا عليها جديدة ساعات بحس أننا مغيبين ؟؟؟ تحياتى يارامى ويارب أشوفك فى التجمع القريب يوم 25 ولا حيبقى الكريسماس ومش حينفع تيجى؟؟

  الحب الجميل

الأربعاء، 8 ديسمبر، 2010 11:53:00 ص جرينتش+2

حمد لله على سلامتك يارامى
الحمد لله انك بخير
دايما يارب مبسووووط
والف مليون مبروك المولود الجديد
ومبروك لبيير اخته
ربنا يخليهم لبعض
ويخليهم لمامتهم
سلامى لمامتهم والف سلامه عليها
ربنا يفرح قلبك دايما يا رامى

مبسوطه انك فرحان
ربنا يسعد اوقاتك بكل خير واخبار جميله وسعيده
نورت البلوجر

تحياتى للجميع

  خواطر شابة

الأربعاء، 8 ديسمبر، 2010 1:03:00 م جرينتش+2

مبروك تتربى في عز والديها ان شاء الله
ربي يديم عليك الفرحة
دمت بكل الود

  Sharm

الأربعاء، 8 ديسمبر، 2010 1:20:00 م جرينتش+2

ربنا يفرحك دايما يا رامي

  لـــولا وزهـــراء

الأربعاء، 8 ديسمبر، 2010 2:03:00 م جرينتش+2

رامى

بجد انت كل يوم فى بالى اقول ياترى هو رامى اختفى ليه ربما يكون فى حد زعله ازاى حد يزعله ومعها اخوات جامدين جدا جدا

بجد فرحانه اوى اوى لاختك وحاسه بكل كلمه انت بتقولها لان المشاعر دى جربتها لما ساره بنت اخويا اتولدت وكنت طايره من على الارض لان كان نفسى فى بنت بصراحه يعنى ومن غير زعل البنات بيعطوا روح جميله اوى اوى احسن من الولاد وماحدش يزعل ده رايي الشخصى

ربنا يفرح قلبك لانك عن جد تستاهل كل الفرح والخير

ابقى طمنا عليك

زهراء

  شيرين سامي

الأربعاء، 8 ديسمبر، 2010 2:15:00 م جرينتش+2

مبروك مبروك أجمل خبر عندي خبر الولاده دنيا جديده و انسان منمنم شرف في الدنيا
يارب دائماً سعيد يا رامي و حمد لله على سلامتك:)

  richardCatheart

الأربعاء، 8 ديسمبر، 2010 4:48:00 م جرينتش+2

الله على الفرحه يارب ديما يارب

مبروك النون الجميله ربنا يباركلكم فيها ويجعلهلكم زريه صالحه يارب

ومبروك الكنيسه يمكن علشان ماكانتش كامله ولما اكتملت حسبوها جديده

المهم عندى انك مبسوط ودى اهم حاجه

يا خالو هههههههه
الف مبروك

  BNT ELISLAM

الأربعاء، 8 ديسمبر، 2010 6:22:00 م جرينتش+2

اهلا بعودتك ووحشتنا والله
ومبروك لاختك وعقبال فرحك يارب

  ميـكانـو

الأربعاء، 8 ديسمبر، 2010 6:54:00 م جرينتش+2

الناس اللي بتغيب معايا

ماشي ماشي

الف مبروك لاختك ويارب يتربي في عزكو يارب

وجاي البؤجه ولا لا ؟؟

رامي .. انت مش تعرف تجرح حد يارامي .. انت بتداوي بس :)

  محمود(باحث عن حب)

الأربعاء، 8 ديسمبر، 2010 7:12:00 م جرينتش+2

حمدا لله على سلامتك يا باشا
عودا
احمد

  MR.PRESIDENT

الخميس، 9 ديسمبر، 2010 12:31:00 ص جرينتش+2

مبروك يا عم رامي
مبروك يا خالووووووو
وهيصه

أنا مستني السبوع بتاع المولود الجديد .
ولو في يوم عايز واحد متخصص في تعذيب
العيال نفسياً أنا تحت الأمر

بقيت مدرس بقي يا عمنا :)

ربنا يخلي المولود الجديد لأختك الكريمة
وبلغها تحيات اتحاد المدونين المصريين أجمعين :)

  re7ab.sale7

الخميس، 9 ديسمبر، 2010 3:14:00 م جرينتش+2

لا ماليش دعوة انا عايزة اعرف هتسموها اية ماليش دعوة ماليش دعوة
هههههههههههههه
حمدالله بالسلامة يا رامي ويا رب تكون فرحان دايما وبجد انا عارفة فرحتك واحساسك ده لاني حسيته مع اختي " منه" واختي " رشا " وعارفة اد اية الاحساس ده بمولود جديد ...ربنا يخليهولكم وعايزين نعرف الاسم وكمان عايزين صورة ...انا كمان هعمل بوست السنة الجديدة احتفال بعيد ميلاد " عاصفة وكارثة " اقصد " سارة ونسمة " ولاد اختيني ...بس بجد هما بنفس الصفتين بس بنموت فيهم ...مستنينك دايما تطمنا عليك وبلاش تغيب عشان بنقلق عليك
كنت عايزة بجد صور الكنيسة كمان
عشان مش كفاية تقول الكلام ده وتعلقنا كدة ...مستنين
وابقي طمنا عليك

  re7ab.sale7

الخميس، 9 ديسمبر، 2010 3:15:00 م جرينتش+2

استني ...
نسيت اقترح اسم
في اسم كريستل روز بحب الاسم ده اووي ومش عارفة معني الاسم بس هو عجبني جدا وبيتهيء لي ان لو ربنا ارد واتجوزت ممكن اسميه هو واسم اشتياق .....
ده لو....

  tamer

الخميس، 9 ديسمبر، 2010 4:39:00 م جرينتش+2

اولاً .. الف الف مبروك المولودة الجديدة وان شاء الله ربنا يخليها وتفرحوا بيها يوم ما تتجوز ...
ثانياً ... مبروك خروجك من حالة الحزن اللي انت كنت فيها .. وانا مبسوط علشانك جداً .. لاني كنت عايز اطمئن عليك ..
ثالثاً .. عقبال ما نقرأ البوست اللي بتعزمنا فيه علي فرحك .. واتمني ان يكون قريب .. بأذن الله تعالي ..
نورت يا رامي النت كله ..
والف الف مبروك ليك وللعائلة الكريمة .. تحياتي ..
وفي انتظار كتابتك الجديدة

  جايدا العزيزي

الخميس، 9 ديسمبر، 2010 5:39:00 م جرينتش+2

الف حمدالله على سلامتك يارامى

وربنا يجعلك دايما مبسوط

والف مبرووووووووووك النونو

تحياتى

  Ms Venus

الخميس، 9 ديسمبر، 2010 5:42:00 م جرينتش+2

الف الف الف مبرووووووووك يا خالو رامى :)


ههههههههه حمدلله على سلامتك ايوة كده بلاش غياب تانى

وربنا يفرحك دايما ياارب

وحمدلله على سلامة واختك والنونو


ربنا يخليها يارب ويحافظ عليها هى واخوها

  كلام من قلبي

الخميس، 9 ديسمبر، 2010 9:40:00 م جرينتش+2

حمدالله على السلامة
وربنا يديم عليك السعادة على طول ان شاء الله
ويتربى النونو في عزكوا

  خواطري مع الحياة

الجمعة، 10 ديسمبر، 2010 9:57:00 م جرينتش+2

السلام عليكم
الحمدلله على السلامة
عوده حميده
الف الف الف مبروك ياخالوا رامي
ويارب يتربى البيبي بعزكم
ربنا يفرحك كمان وكمان ويارب مايرجع ليك الحزن ابدا
تقبل مروري
سلامي ليك اخي.

  hana

السبت، 11 ديسمبر، 2010 12:43:00 م جرينتش+2

حمد الله ع السلامة يا رامي
هو انا اغيب أرجع ألاقيكو كنتو غايبيين هههههههههههه

مبروووك على البيبي
سميتوها ايه بئا :)

  Ramy

الأحد، 12 ديسمبر، 2010 12:11:00 ص جرينتش+2

شكراً جداً ليكم كلُكم (:

الله يبارك فيكم

تيرز انا قلتلها الأسم على فكرة

و الأسم اللى كان قالوا صاحبى ميفين

مش مارفن (:


كًنت عاوز أرد على واحد واحد بس معلش سامحونى

أنا قريت التعليقات كًلها شكراً جداً ليكم و فرحان انى فرحتكم

بعزكم و بحبكم كلًكم و اختى بتشكركم جداً

أسم البيبى (ماروسكا) يعنى مريم بلغة مش عارفها (:

و محدش يتريق (:

أنا هتريق بس مش دلوقت

سامحونى لو مش قادر اتابعكم

  amiralcafe

الاثنين، 13 ديسمبر، 2010 7:03:00 م جرينتش+2

اخي رامي مساء الورد المعدرة على التاخير
الف مبروك لاختك ويارب يتربي في عزهاو يارب
عقبة لك في الافراح
رؤوف

  طالبة مقهورة ..درجة أولى

الثلاثاء، 14 ديسمبر، 2010 1:29:00 م جرينتش+2

ازيك يا رامي..

مبروك يا خالو :)

يارب يسعدك دايما

ويارب تطمنا عليك دايما

  فاروق بن النيل

الخميس، 16 ديسمبر، 2010 2:03:00 ص جرينتش+2

رامى .......
ألف مبروك ياحبيبى وأنا لقطت إسمه " بيير أو ألبير صحيح ولا لأه عموما ربتا يحفظه وقولنا على الإسم ومبروك لأختك وإنت خلاص بقيت خالو ...........
قول بقى الإسم ياراجل ماتخافش
أخوك/ الشاعر المهندس:فاروق بن النيل