فاتت سنة من عمري

برغم كل شيىء و الصعوبات اللى هى مش صعوبات
لكن فى السنة دى
كانت مكاسبها كتييير قوى
شكراً ليك
شكراً يا ربى
دى بقى من ترانيم الطفولة(:

فاتت سنة من عمرى يا ربى
طول السنة و أنا شايفك جنبى

ماشى معاك بجرى ورااك
و أنت بأيدك تحفظ نفسى
ماشى معاااك
بجرى وراااك
و أنت بأيدك تحفظ نفسى

سنة مليانة بالحب يا ربى
رقة قلبك أسرت قلبى

خيرك مالى عليا حياتى
شكراً ليك من قلبى يا ربى

من كل قلبى بهتف يا ربى

شكراً يا ربى
شكراً ليك

مش مصدقك

مش قادر أصدق
و مش هصدق
أى حاجة قولتيها
حتى لو بطريقة مش مباشرة
حاسس أن أنتى بتبعدينى


علشان بتحبينى
مش عاوزانى أستنى و بس

بس أنا قولت لِك
هحبك مهما كان طول الوقت
و بُعد المكان

عندى من صبر
يكفى سنين أتية
مهما كان عددها


فاكره
فاكره الأغنية دى
):

):

معقول ؟؟!!...أه معقول

معقول فى حد بيحب حد كدة ؟؟!!
أه معقول
معقول فى حد يرهن قلبه بحد كدة ؟؟!!
أه معقول
معقول حد يُحط روحه فى أيد اللى بيحبه كده ؟؟!!
أه معقول
معقول هتستنى سنين عُمرك كده ؟؟!!
أه معقول


معقول هتستحمل لوم كل أهلك و أصدقائك
على عدم الأرتباط بأى حد ؟؟!!
أه معقول
أستحملته و أنا مش بحب
معقول مش هستحمله
و أنا بحب

ليه مش معقول أنى يكون فى حب أستثنائى
فى حياتك
ليه؟؟!!

علشان دة الواقع
أها
طب أنا عايش طول حياتى فى الواقع
و قررت أنى أخرج عن الواقع
و أبقى ليها أستثناء

هأبقى ليها هى و بس
حتى لو هى مش جنبى


مش فيه ناس كتير بيوهبوا حياتهم علشان قضية
علشان أختراع
مش فى رهبان

هكون متوحد فى دير قلبها
خلاص حبها فى قلبى بقى هو قضيتى
و هأوهب ليها الباقى من عمرى

حد يقول
أنت محبتش قبلها فمش عارف يعنى أيه حب
أنت الدُنيا سارقك


لكن أنا مش حاسس قدام أى واحدة غيرها باللى فيه قلبى
مفيش حد زيها

أقوله أيوة محبتش قبلها
لأنها هى اللى فتحت قلبى ع الحب
الحب اللى كُنت بتمناه
الحب اللى كُنت بدور عليه
حتى لو كان الحب دة فى نظر البعض مُستحيل

أنا مش مسروق
أنا مش بضيع سنين عُمرى
لأن دى أقل حاجة هتكون هديتى ليها

كونى على ثقة
أنا لن أكون غير لكِ

لا تُطالبونى بتفسير
بتفسير
أمتى أزاى و ليه
معنديش تفسير
غير أنى
بحبها

هل يكفيكوا هذا التفسير؟؟
لا يكفيكوا !!!!
مفيش مشكلة

يكفينى أنا

بحبك بحبك بحبك

ستظلى ملكة على عرش قلبى
للأبد

ستظلى أجنحتى للتحليق
إلى أحلامى

ستظلى الحب الأول و الأخير
طالما حييت

ستظلى ستظلى
مهما طال وقت الأنتظار

أن أنتظارى
هو لشيىء بسيط
لما أشعر به نحوك

مهما قولت و كتبت لن أوفيكِ حقك

فى النهاية و البداية
لن أعترض على مشيئتك ربى
لكن تعرفنى
أنى أنسان بكل ضعفى
مهما كُنت

لا تظُنى أنكِ وحيدة هنا
فى هذا العالم البارد
معاكِ ربنا


أنا هنا لكِ
فقط لكِ

إن لحظة حـــــ♥ـب تبرر
عمراً كاملاً من الانتظار
لـــ أحلام مستغانمى

بحبك يا أغلى ما عندى

أمتى هشوفِك ....تانى..أمتى؟؟ قريب

معقول الحنين قاسى كدة
معقول الأشتياق صعب كدة

لسه مستنى
لسه أملى موجود ..لسه
متفتكريش أنى مبقتش أكتب كتير
يبقى قلبى هدى حُبه ليكِ
لالا
جوه قلبى أسئلة كتييير
بس عمرى ما هسألهم
هنا
و لا هكتبهم

أسئلة هقولهم ليكِ
و أسمع أجابتهم منك
حاسس أن دة قُريب

قريب
مش عارف ليه
بس أن شاء الله قريب

كُنتِ دايماً تشكورينى
و أنا اللى كُنت لازم
أشكُرك

يا من أحببت
يا عمرى القادم
لازلت أثق بكِ

بجوارك دائماً

بحبك

أرجوكى دموعك غالية عليا

أسف.....أسف

هتكلم كتيييييير قوى
يمكن
مش عارف
بس دة كان أحساسى لما أبتديت أكتب
كُنت كسرت حالة الضيق ببوست
النونو الجديد لأختى
و بجد كُنت فرحان جداً
و كنت هنزل بوست جديد
أسمه أزيك
هسلم فيه عليكى
و هسأل عليكى غيبه كتيير ليه

بس فجأة لقيت كل اللى بحبهم
فى حاله مش كويسة
و هى كمان

بس يمكن أطمنت عليهم كلهم
أطمنت أنهم بقوا أحسن

هى لأ
هى لسه جوه قلبها
ما يكفى
لتحزن


أسف لأنى مش عارف أعمل حاجة
أسف أنى بعيد
أسف

لازلت مُرهق
جسدياً و نفسياً
لكن دون حاجة للبكاء
كأنى أصبحت مُدرك عدم أستطاعتى
البكاء هنا
فى هذه المدينة القاسية نفسياً

كيف تعمل و تكون أكثر خُبثاً
أكثر حنكة
لتدبير المكائد للأخرين
و لكن لابد لك توخى الحذر

أنتِ من يخفف عنى
كل هذا العبىء النفسى

كيف عندما أرى كيف تكونى
فى حاجة ليد تمسح عنك
دموعك
يد ترفع عنك
أثقالك


كيف لى لا أكون حزين
كيف لا أشعر بعجزى
و أنا لا أستطيع حتى التخفيف عنكِ

لم أجد كلمات تشرح ما أنا فيه
غير كلمات
الغالية فاتيما
حزينة لأن كان نفسى ....
كان نفسى اعمل قد اللى عملته عشر مرات
كان نفسى اضم كل الوجع اللى سابه كل اللى سبقونى لقلبه
كان نفسى احاول اغير فى نظرته للدنيا عشان هوه يستاهل حياة احسن
كان نفسى افهمه اللى مش عارف يفهمه لأنه مستغرق فى ذاته
ومش قادر للأسف يخرج من الجب اللى ألقوه فيه عمر بحاله
كان نفسى اعرف اخد قلبه ف حضنى
ومخليهوش يخاف ويكش ويرفضنى
كان نفسى امحى كل حاجة هيعملها و هتأذيه مستقبلاً
وتخلى الدنيا بتاعته متتغيرش
و يبقى زى صلاح جاهين ما بيقول
وقف الشريط فى وضع ثابت
كان نفسى اكون ضى قنديله
وانور له سكة و طريق

أنا عارف أن أنتِ مش رفضانى
أنا بقى حزين لأنى مش قادر أعمل حاجة
عاوز أعمل كتير
أعطينى الفرصة
لو تسمحين

مش عارف أنتِ كل حاجة بتكتبيها
حتى الحزينة منها
بتأثر فيا بالأيجاب
حقيقى بكون حزين
بس بتبنينى نفسياً

كل ما أحس أنى هقع
أقوم علشانك
كل ما أحس بأنى هضعف
أقوى علشانك

أنا مبقولش أنى ممكن أكون فرصة
ذهبيه
فى أحسن منى كتير

لكن أنتى هى فرصتى للحياة
قلبى وجعنى قوى عليكى

بحبك يا ملاكى

أنا مش ملاك
أنا بحاول أكون أنسان

أحساس جديد (:(:

أولا شكراً للناس كُلها على السؤال و الأهتمام هنا و فى الياهو و بالتليفون

ثانياً انا اسف كتييييييييييير جدا لأى حد جرحته باللى كتبته

ثالثاً اسف لعدم المتابعة من فترة كبيرة

حقيقى كُنت مش متظبط بس بعد كدة روحت مكان جديد مفهوش نت ):

أنا بأكتب التدوينة دى من سيبر
كتر خيرك يا حسنى

ثالثاً الأحساس الجديد ايه هو بقى (:

فرحان

متبحلقش قوى كدة (:

مبسوط لأن أختى بقى عندها بيبى جديد بنوته أخت لبيير

طب دة يعنى انى مكنتش فرحان لما جه بيير

لالا كُنت فرحان طبعاً

بس لما شفت بيير اول مرة بكيت مش عارف ليه

عارفة عيطت مش عارف ليه

من الفرحة و لا ليه (:

بس لما عرفت المرة دى كُنت فرحان كُنت مبسوط و مزقطط

بالرغم أنى عارف التعب اللى هى فيه اللى شقته المرة الى فاتت

بكل غباء بسألها ايه أخبار المرة دى تعبتى و لا ايه
ة على اساس ان فى حاجة أتغيرت يعنى يا عم رامى (:

غبى (:

بس كُنت مبسوط

و بقيت مبسوط قوى

مبسوط قوى هخليها ليا دلوقت ع الأقل (:

لا دة مش غبى بس دة رخم كمان (:

معلش (:

اللى أقدر أقوله أنى فرحان جداًُ

يارب أقدر أنقل ليها فرحتى دى (:

يارب فرح قلبها زى ما فرحت قلبى

أنبارح روحت الكنيسة اللى المفروض أنها جديدة فى شرم اللى مش عارف جديدة أزاى
و أنا بصلى فيها من 5 سنين و أكتر

بس هو كان تدشين الهيكل الأساسى معرفش هما حسبوها جديدة بقا
بس اللى اقدر أقوله انى لما روحت المبنى الجديد
شهقت من الروعة كُنت بفكر انقل الصور هنا بس مش هتنقل الروعة اللى موجودة

المهم أن أبونا فى الوعظة
أتكلم عن الفرحة فى وسط حُزن

فجاب مثال الست اللى بتولد
فى وسط حزن الألم بس سعيدة و عندها فرحة للنتيجة

فحسيت أنى ربنا بيطمنى على أختى

شكراً ياربى
مهما كُنت بعيد مهما قصرت معاك برضه واقف جنبى
شكراً من كل قلبى
شكراً

(:

أحساسى جديد و جميل و مريح (:

بجد مبسوط

قد أيه بتمنى أنى أنقل السعادة دى ليكى (:

كان لازم أكتب دة علشان تشاركونى فرحى

زى ما كُنتوا بتشاركونى فى زعلى

لسه مش عارفين هنسمى النونو ايه تصوروا (:(:

مارفين دة أسم قالهولى واحد صحبى عجبنى و قلته لأختى

و هى قالت لى أسم مش فاكره طبعاً خلاص أنتوا عارفين الذاكرة زى الفل (:(:

الفيديو اللى تحت أهداء لأختى و ليها كمان (:

سعيد جداً
(: