اللا متناهى و حُبِك

البوست دة قاسى شوية
فأرجو أن لو حد قرا ميزعلش منى
أو عليا
بس ممكن تشوف الفيديو اللى أخر البوست
هيخفف من وطأت البوست
شويه
لأنه تقريباً أنا
..............


كُنت أنا و صغير
فاكرينا (:
بتوع البوست بتاع البيانو (:
أنا هتكلم عن فترة أبتدائى برضه
كان عندنا زيى مدرسى لكل فترة من السنين
يعنى من حضانة صُغيرة
(مكنش لسه الأسم كى جى وان)
(:
لغاية 2 أبتدائى مريلة بيج و بنطلون أحمر
و كرافت حمرا
كُنت بكون متغاظ قوى أمتى هوصل تالتة بقى
و ألبس قميص أبيض و بنطلون أزرق
و كرافت زرقا
(:
ربنا كرمنى و وصلت 3 أبتدائى


و بعد فترة من الوقت
بدأت أحس بالحنين لزمان
للمريلة
يا عم ؟؟!!
زمان أيه يا بتاع 3 أبتدائى أنت
هااااااا
طبعاً أنا عارف أن ممكن متصدقونيش
لكن بأمانة دى كان أول مرة أحس بالحنين لماضى
لما كبرت و خلصت كُليه قعدت أفكر كتيير عن قبل كدة
هل فى سبب للى وصلتله
أياً كان كويس وحش
طب أنا ليا يد
ولا كان المفروض كان يبقى غير كدة
طب أنا ليه حسيت بالحنين دلوقت تانى لللأبتدائى
يمكن كان جزء منه فى البوست بتاع البيانو
لما بقيت بحس بالحنين للسنين
اللى بتمر
وصلت لمرحلة عدم مبلاة بسنين عُمرى
وصلت كام
هل نجحت فى حاجة
طب حزنت على حاجة ضاعت
لالالالالا
وصلت حتى عدم الامبلاه أنى ممكن أموت فى أى لحظة
مش فارقة
بالرغم أنى كُنت بضحك من قلبى فى الفترة دى
ولازلت
ممكن أكون كُنت خايف بس أن أمى متحزنش
متتألمش
لو كُنت مُت
بس دة الشيىء الوحيد
أو الخيط اللى كان بيربطنى بالدُنيا
لحد ما عرفتك
بقيتى أنت الخيط التانى فى حياتى
حسيت أن ممكن حياتى يكون لها فايدة تانى
غير أنى بتنفس و بمشى
لالالا
و ممكن أحب
لحد ما عرفتك
حسيت أن الحنين دة من صُغرى
كان ليه سبب
أنى كُنت حزين
أن السنين بتضيع منغيرك
لحد ما شوفتك
و أتمنيت أرجع صُغير
لا أصغر
و أصغر
لحد ما أدوب فى الفراغ
اللا متناهى
أكون الهوا اللى بتتنفسيه
أدخل جواكى
و مخرجكش أبداً
لحد ما عرفتك
كُنت أه أبتديت فى حاجات
بس أنتِ كُنت الأشارة الكبيرة فى حياتى
قد أيه أنا بحبك
قد أيه بتمنى أنك تكونى فى حُضنى دلوقت
قد أيه بتمنى أكون حمايتك
بحبك


ليه متحسبيش كل الحاجات اللى حصلت فى حايتنا
أن كانت كويسة أو وحشة
كانت أسباب علشان تنتهى
بينا
علشان توجهنا
لبعض
ليه متحسبيش أن ممكن نكون أتخلقنا لبعض
بحبك


شوفى كدة بوصى ع الأحداث
أنتِ مش شايفة أنى بقيت بعيش
فى حُبِك
اللامتناهى
عارفة أنتِ قربتينى من ربنا أكتر
عاوز أندهك بأسمك
عاوز أقول بحبك يا .....
للمنتهى
حاسة بيا
أرجوكى أوعى تعتقدى أن دة مجرد كلام
........


قد أيه تعبان جداً
مش من حُبك
تعبان لأنى مش عارف أبكى
قد أيه مفتقد أنى أبكى
قد أيه عينى وجعانى من حبس الدموع
نفسى أتخلص من الثورة اللى جوايا
مفيش أى نوع من الخصوصية
شغال طول النهار محتفظ ببسمتك
ترجع السكن ناس غريبة عنك
مفيش مكان أقدر أنفرد بيه بنفسى
سيبونى أبكى أرجوكم
أرجوكم
الناس معتقدة أنى بأضحك
أبقى خلاص كويس
لالا مش كويس بس أبعدوا عنى شوية
أرجوكم
تعبان قوى و عاوز أخد أجازة
مش عارف أتكلم مش عارف أشتغل
و محدش هيقدر اللى انا فيه
و مش هينفع أخد أجازة
و مش عارف أعيط


مش ممكن أكون فى حُضنك دلوقت
لو سمحتى


أسف بس كان لازم أكتب مينفعش
أنى لا عارف أتكلم و لا أبكى
و كمان مكتبش
و محدش يقولى أن دة ضعف
رجاااااااااءً
بينت أنى قوى كتيييير


بحبك
أنا بأكتب البوست
و أنا بأسمع الترنيمة بتاعتك
أرجوك يااارب أرجوك
سامحنى
خطيتى كبيرة أنا عارف
بس أنت أحن عليا من أى حد
لو أن بُعدها عنى
تأديب ليا مش هقدر أعارضك
بس ريح قلبى
أرجوك
أأأأأأأأأأأأأأأأأه
يا
ألهى
لو كانت حياتى ثمناً لسعادتها
صدقنى لا أعزها عنها
لو كان لى لوهبتها لكِ
ربى أنت أدرى بما فى قلبى
سامحنى ربى
بكتنى ربى
لكن أرجو أن لا يطول

قد أيه بحبك
سامحنى لو كُنت جرحت مشاعرك بأى كلمة
أرجوكى متزعليش من كلامى
مش أنت السبب خالص
صدقينى
أنا معاكى


بحبك
بحبك
لأخر لحظة فى عمرى


لا أحد يُحملها أى عتاب
أنها أفضل منى
لا ذنب لها
فقط أردت أن أبكى بالكلمات

44 التعليقات:

  همسات وبحــ الحياه ــر

الجمعة، 19 نوفمبر، 2010 10:00:00 م جرينتش+2

قلبى بكى
زحاسة بكل كلمة قولتها
وخاصه انك مش عارف تبكى وعايز تنهى الصراع اللى جواك
بس كتبت عشان تخرج
مابالك بقى بحد مش عارف يبكى ولا يكتب ولايتكلم :(
ربنا يريح قلبك ويسعدك يارامى
بجد بدعيلك كتير لانك انسان طيب جدا
بس خلى بالك ربنا احن علينا من اى حد
وعمره مابيسلب مننا حاجة الا لانه خير
تحيااتى

  Tears

الجمعة، 19 نوفمبر، 2010 10:01:00 م جرينتش+2

جميل يارامي

بس مش كنت انتهزت الفرصة و انت بتحكى عن طفولتك و حطيت لنا صورة لبيير؟


تحياتي

  همسات وبحــ الحياه ــر

الجمعة، 19 نوفمبر، 2010 10:37:00 م جرينتش+2

الفيديو رهيييييييييييييب
ربنا يفرح قلبك

  الحب الجميل

الجمعة، 19 نوفمبر، 2010 11:09:00 م جرينتش+2

رامى
مش عايزة اوصف لك اد ايه حسيت بمدى الالم والحزن الموجود بين سطورك
واتأثرت بيه كتير
ودا مش ضعف منك بالعكس
عيط وشيل من على قلبك
يمكن ترتاح شوى
ربنا يريح بالك يارب يا رامى
ويجعلها من نصيبك يارب
ويوفقك فى حياتك
يارب تكون بخير
اللهم امين

  mrmr

الجمعة، 19 نوفمبر، 2010 11:39:00 م جرينتش+2

وجعت قلبى يا رامى
انا حسيت بكلماتك قوى
واكيد هى كمان ح تحس بيك قوى
انا مش بالومك ولا الومها
بس هى مسأله وقت
وربنا يقرب البعيد
ويجمع بينكم
ربنا يفرح قلبك يا رامى

  شيرين سامي

السبت، 20 نوفمبر، 2010 12:12:00 ص جرينتش+2

الكلام كله تحفه بالذات الجزء ده
سيبونى أبكى أرجوكم
أرجوكم
الناس معتقدة أنى بأضحك
أبقى خلاص كويس
لالا مش كويس بس أبعدوا عنى شوية
أرجوكم
بحسه كتيييير أوي
تسلم ايدك
و ربنا يبعد عنك اللامبالاه و يسعد قلبك:)

  amiralcafe

السبت، 20 نوفمبر، 2010 12:37:00 ص جرينتش+2

أسف بس كان لازم أكتب مينفعش
أنى لا عارف أتكلم و لا أبكى
و كمان مكتبش لالا يا رامي اكتب وزيد اكتب* انا لما تضيف بي الدنيا اذهب الى شاطىء البحر واتكلم واتكلم...وبعض الاحيان ابكي وابكي وليس هناك من يسمعني الا ربي
اما انت فاغنية عبد الحليم/قارءت الفنجان/......
رؤوف

  جايدا العزيزي

السبت، 20 نوفمبر، 2010 12:48:00 ص جرينتش+2

الله يارامى

رائع احساسك

وجميل اختيارك للكليب

دمت كما تحب

تحياتى

  Mona

السبت، 20 نوفمبر، 2010 1:06:00 ص جرينتش+2

أنا حأحترم رغبتك ومش حأعلق ولا حأتكلم بس ربنا يخفف عنك ويزيل همك

  طالبة مقهورة ..درجة أولى

السبت، 20 نوفمبر، 2010 1:15:00 ص جرينتش+2

و أتمنيت أرجع صُغير
لا أصغر
و أصغر
لحد ما أدوب فى الفراغ
اللا متناهى
أكون الهوا اللى بتتنفسيه
أدخل جواكى
و مخرجكش أبداً

:)

حقك تكتب
حقك تزعق باعلى صوتك وتقول حاسس بايه
عشان اللي بيهتموا بيك مش هيمانعوا
واللي هيمانعوا مش مهمين

اوقات لما بحس بحنين لناس معينين او بالاخص لحد معين بحس اني شبهك!!
جنان ما انا عارفة عشان كده كنت بفكر اقتبس من كلامك
لحد ما قررت ابطل بقى شوية ومتعلقش بحاجة يمكن تكون مبقتش بتاعتي

المهم انا معرفش ليه بقول كده
بس حسيت اني عاوزة اعدي لأني بجد اشتقتلك جدا
ولقتني برغي
عادي برضه انت مش هتقول حاجة والبيت بيتي ولكلام الكتير ده

:)
ربنا يسعدك يارامي

تصبح على خير بقى
وشكرا عشان حاجات كتير اوي

  عباس ابن فرناس

السبت، 20 نوفمبر، 2010 6:53:00 ص جرينتش+2

اولا انا جايلك فى الروقان قبل الزحمة
علشان ناخد وندى فى الكلام على رواقة

ثانيا يخرب بيتك يارامى على بيت ده فلم
ثالثا : من بداية كلامك عن مرحلة الطفولة والحنين اليها مرورا بمرحلة الياس والا مبالاء
ثم مرحلةالبعث من جديد
انه العشق ياصديقى انه الامل فى الحياة اوحلم الحياة
كلنا كنا مرتبطين بمرحلة الطفولة علشان كان فيها حلم وامل ولوحتى حلم بسيط
زى حلمك مثلا انك تلبس قميص بكرفتة
انتا عارف ونا طفل كان نفسى اوكان حلمى انى اكون طالب فى الازهر !
عارف ليه ؟
علشان البس ( عمة وقفطان )
بعد كدا بقا حلمى انى اخلص ابتدئى وروح اعدادى
عارف ليه ؟
علشان اعدادى كانت فى المدينة
ومعنا كدا انى هقدر اسافر كل يوم من القرية للمدينة
احلام بسيطة
لكن كانت هى الدافع للحياة
الحياة من غير دافع تساوى الموت
ربنا كرمك وحبيت يا رامى
لقيت دافع وامل للحياة
فا مش ضرورى تعيش معا اللى بتحبه علشان تكون سعيد
يكفى انك تعيش بيه وعلشانه
تحياتى

  gogo!sf

السبت، 20 نوفمبر، 2010 8:49:00 ص جرينتش+2

رامى البكى مش عيب ولا حرام بالعكس ده بيفرج عن اللى جواه اى انسان
ودليل البكى والدموع رقه مشاعر الشخصيه وحنينها دايما للحب وللحبيب

اما انك بتتمنى انها تكون معاك وفى حضنك ده شىء طبيعى جدا لانك بتحبها حقيقى
ربنا يقربكم من بعض اكتر ويسعدكم ببعض ويفرح قلبك

الحب ده اجمل وامتع شىء فى الدنيا والاجمل اكتر انه ينتهى بالزواج بجد الحب بعد الزواج
بيزيد وبيكبر كل يوم اكتر من اليوم اللى قابله

ربنا يفرجها على قلبك ويقرب البعيد يارب يا اطيب صديق

ربنا يحقق لك كل اللى بتتمناه اللهم امين يارب

جوجو

  sony2000

السبت، 20 نوفمبر، 2010 12:12:00 م جرينتش+2

بجد حسه بيك أوي يرامي
الظاهر انها حاله ومستنشره
ولا فره فالمنطقه ياجدعاااااااااان
ربنامعاك يرامي
ويسهلك كل صعب
اللهم امين

  غير معرف

السبت، 20 نوفمبر، 2010 2:12:00 م جرينتش+2

أنا بشوف إن مقطع الفيديو ده خرافي وبيشبه لحد كبير قصة حقيقية. وأنا بغتنمها فرصة إني أهديها لحبيبة قلبي، اللي أتمنى إنها تكون متابعاني. يا رب يحققلنا كل أمانينا.

تحياتي
حمادة

  tamer

السبت، 20 نوفمبر، 2010 6:01:00 م جرينتش+2

والله استاذ ....
الكلمات الروعة مع الموسيقي المميزة لاحاسيسك ،مع الدفء النابض بين حروف الكلمات .. يجعلك تشعر بانك في ترنيمة اخري .. لا ينقص تلك الكلمات سوي ان يغمض المرء عينه ليذهب علي ذات الانغام الي مكان يحتويه ومن يحب فقط ـ وعلي ضوء القمر ـ لينظر الي عينها فقط قائلاً هذه الكلمات لكي وحدك دون نساء العالم " رب الف امرأة لو جمعت افضل ما فيهن لن تحصل علي امرأة واحدة ... ورب اخري في بضع قطرات من الماء المسال من شعرها كل انوثة العالم "
تقبل مرورى يا مبدع

  شمس النهار

السبت، 20 نوفمبر، 2010 10:05:00 م جرينتش+2

(قد أيه عينى وجعانى من حبس الدموع)

قد ايه العباره دي قويه

ومين قال ان الصرخه واظهار المشاعر ضعف

ده قمة القوة
الضعيف اللي مابيقدرش يظهر مشاعره

كلامك قوي جدااا

ربنا معاك

  Ms Venus

الأحد، 21 نوفمبر، 2010 12:43:00 ص جرينتش+2

مالك بس يا رامى


كلامك بيقول انك حزين اوى تعبان

وكمان الفيديو


مش هقولك غير ربنا معاك

هو بس اللى قادر يريح بالك

  Noha Saleh

الأحد، 21 نوفمبر، 2010 6:41:00 ص جرينتش+2

انا مش عارفة اعلق
بتغاظ اوى لما بيكون فى تدوينات مش بعرف اعلق عليها
ربنا يسعدك

  فاتيما

الأحد، 21 نوفمبر، 2010 2:19:00 م جرينتش+2

ليه كدا يا رامى

وجعت قلبى عليك بالتدوينة دى


ربنا يخفف عنك
وترجعلنا بالسلامة

مش عارفة اقول ايه


بجد مش عارفة

  خواطري مع الحياة

الأحد، 21 نوفمبر، 2010 3:18:00 م جرينتش+2

السلام عليكم
رامي ده مش ضعف منك
ده احساسك الي عايش فيه الان
ابكي اصرخ اكتب قولي الي نفسك فيه
خرج الي جواك عشان تعرف تعيش
(عسى ان تكرهوا شيئا وهو خيرا لكم وعسى ان تحبوا شيئا وهو شرا لكم)
يمكن لما بعدت يكون احسن لك
ربنا عمره مايظلم حد وعرمه مايضيع عمل حد
حاول انك تبكي عشان تعرف تعيش
ربنا يوفقك ويبعد عنك الحزن والالم
سلامي ليك اخي.

  re7ab.sale7

الأحد، 21 نوفمبر، 2010 8:38:00 م جرينتش+2

يا يا يا ....مش عارفة اقول اية بجد
انا متلخبطة ومش عارفة اقول حاجة خالص
بجد يا رامي عارفة احساسك ده
ربنا معاك
والفيديو يا خبر بجد ...يجنن يجنن يجنن

  عباس ابن فرناس

الاثنين، 22 نوفمبر، 2010 4:04:00 ص جرينتش+2

انا بعت تعليق على البوست
ومنزلش
غريبة!

  محمد التركى

الاثنين، 22 نوفمبر، 2010 8:16:00 ص جرينتش+2

صباح الفل ياأجمل رامى

وحشتينى والله ياشاعر ياكبير
انا اسف على التأخير سامحنى انته عارف الظروف

بس ايه ده اغيب وارجع الاقى رائعه من روائعك
كل مره احلى واجمل من اللى قبليها
انت انسان حساس جدا وطيب القلب
وربنا هيكفأك على طيبتك
ربنا يارب يقويك ويقربك من احبابك
ويبختها بيك وبقلبك الحنين
كلاماتك مؤثره لكن معبره عن قلب صادق شاعر رقيق حنون

بتمنالك كل خير من كل قلبى

تحياتى لشخصك الطيب الجميل

محمـــد التركـــى

  جايدا العزيزي

الأربعاء، 24 نوفمبر، 2010 5:02:00 ص جرينتش+2

رامى فينك

ارجو ان تكون بخير

طمنا عليك اخى

تحياتى

  richardCatheart

الأربعاء، 24 نوفمبر، 2010 4:13:00 م جرينتش+2

ايه يا رامى فينك طمنا عليك

يارب تكن بخير ان شاء الله

  لـــولا وزهـــراء

الأربعاء، 24 نوفمبر، 2010 4:54:00 م جرينتش+2

لحد ما عرفتك
بقيتى أنت الخيط التانى فى حياتى
حسيت أن ممكن حياتى يكون لها فايدة تانى
غير أنى بتنفس و بمشى
لالالا
و ممكن أحب
لحد ما عرفتك
حسيت أن الحنين دة من صُغرى
كان ليه سبب
أنى كُنت حزين
أن السنين بتضيع منغيرك
لحد ما شوفتك
و أتمنيت أرجع صُغير
لا أصغر
و أصغر
لحد ما أدوب فى الفراغ
اللا متناهى
أكون الهوا اللى بتتنفسيه
أدخل جواكى
و مخرجكش أبداً
لحد ما عرفتك

" ايييييييييييييييييييه الجمااااال ده يا سااااااااامي يالهوي على تعبيراتك ..ربنا يسعدك بكل خير ويعزك يارب ... حلوووووة حكاية الفراغ اللامتناهي وتكون ذرة هوا هي بتتنفسه احساسك فظيبع ..وبعدين ايه حكاية نفسك تكون في حضنها انت بتستأذنها :d"


لولا

  لـــولا وزهـــراء

الأربعاء، 24 نوفمبر، 2010 4:55:00 م جرينتش+2

سااااااااامي انا بعتذرلك لاني بقالي كتير مبجيش ارد لكني لسة مكتشفة ان المدونة كانت بتقفل في وشي عشان انترنت اكسبلولر بقيت استخدم جوجل كورم
لولا

  لـــولا وزهـــراء

الأربعاء، 24 نوفمبر، 2010 4:58:00 م جرينتش+2

على فكرة انا بشتاق جداً لذكرياتي زماان ايام ما كنت في ابتدائي اطلع انا واخويا يستناني ويجبلي معاه فيشار ونقعد على الرمل بتاع مدرستنا واغرق شنطي بالرمل ونرسم اشكال عليه
بشتاق ليا وانا صغيرة وانا راحة الصبح لمدرستي ومعايا مصروفي واخويا يجبلي سمسمية

بشتاق لسنة 1989 لاني فاكرة التاريخ ده لما كان المدرسة تسجله على السبورة

كل ما امر من قدام مدرستي ابصلها واحس اني عايزة اخدها في حضني

لولا

  قول ياااارب

الأربعاء، 24 نوفمبر، 2010 5:13:00 م جرينتش+2

يااااااااااااااااااه
لاتعليق سواااا الدموووووووووع

  قوس قزح

الخميس، 25 نوفمبر، 2010 2:28:00 م جرينتش+2

البؤجة يا جدعاااان
متنسوش يوم 10 ديسمبر تجيبوا البؤجة و تيجوا
و لو مش هتقدروا يا ريت تبلغوا اكبر قدر ممكن من الناس
و التفاصيل هنا
http://hams07.blogspot.com/2010/11/blog-post_21.html
او هنا
http://kouskoza7.blogspot.com/2010/11/blog-post.html


على جنب
انت بذات لازم تيجى مفيش اعتذارات
اخر مرة متتحسبش يا فندم :)

  كلام من قلبي

الخميس، 25 نوفمبر، 2010 9:07:00 م جرينتش+2

كلامك جميل
بس معقولة لسة في حب كدة في الزمن دة
تحياتي

  Tears

السبت، 27 نوفمبر، 2010 8:34:00 م جرينتش+2

رامى مش بعادة تغيب كل الوقت ده عن النت سواء التدوين او حتى التعليقات

اتمنى تكون بخير و صحة

  ghada mOhsen

الأحد، 28 نوفمبر، 2010 7:56:00 م جرينتش+2

إيه ده ؟؟؟؟؟

أنا قلبي وجعني
أنا إبتسمت ودمعت ومشاعر ملخبطه تانيه كتير

ربنا يطمن بالك ويسعد قلبك اللهم أمين

طبعا الفيديو أكتر من رائع

تسلم
وطمنا عليك
^_^

  Noha Saleh

الاثنين، 29 نوفمبر، 2010 11:17:00 ص جرينتش+2

هو فى ايه؟
ايه الاختفاء ده كله

  momken

الاثنين، 29 نوفمبر، 2010 4:22:00 م جرينتش+2

اد ايه انت حد رائع جدا
والمشاعر دى لم اكن اعتقد انها مازالت هنا

انت دائما متميز يا رامى

تحياتى

  mrmr

الأربعاء، 1 ديسمبر، 2010 8:23:00 م جرينتش+2

رامى
طمنا عليك
كفايا كده اجازه
هناك دعوه ليك

http://sahrdodo.blogspot.com/2010/12/blog-post.html

  tamer

الأربعاء، 1 ديسمبر، 2010 11:09:00 م جرينتش+2

يا استاذ ..
انت فين يا عاشق يا مبدع ؟!!!
انا عايز اطمن عليك يا صديقي العزيز والله ..
من زمان مش شايف تدوينات جديدة تخلينا نعيش معاها ..
يا سيدى العزيز ..
من حقنا عليك .. انك تطمنا عليك !!!
انا منتظر
سلام يا صديقي

  أحمد شريف

الخميس، 2 ديسمبر، 2010 1:34:00 ص جرينتش+2

فينك يا رامي
لك وحشة يا رجل

  Baskouta

الجمعة، 3 ديسمبر، 2010 5:56:00 م جرينتش+2

هاااااااي
رامي
ازيك
حبيت اسلم واطمن عليك
يارب تكون بخير

  Ms Venus

السبت، 4 ديسمبر، 2010 11:17:00 م جرينتش+2

فينك يا رامى كل ده


طمنا عليك

  Ramy

الأحد، 5 ديسمبر، 2010 12:02:00 ص جرينتش+2

اولا شكرا جدا جدا

و أسف انى مكن اكون قلقت خد او ضايقته

انا تمام الحمد لله غيابى لظروف

و زاد عاليها انى مش معايا الجهاز

شكرا للسؤال و الأهتمام من الكل

و اسف مرة تانية لأى ضيق سببته لحد او قلق

شكرا

انا داخل من سيبر على فكرة

  ويكا

الاثنين، 6 ديسمبر، 2010 10:55:00 ص جرينتش+2

يا رامى بجد
يخرب بيت دماغك

انا بجد مش عايز اجى هنا تانى

انت بتصنعلى حاله من الحب والشجن سواء بالمعانى اللى بقراها فى كلامك اللى بحس انك مش بتعرف تنسقه من شدة ما الموضوع طاغى عليك بعنف.
ولا من الحاجات اللى بترفقها مع البوست زى الفيديو ده.

بجد انا مش عارف اقولك شئ ، بس اتمنى اننا نتقابل فى اى لقاء قريب علشان اعرفك عن قرب.

تحياتى وتمنياتى بالتوفيق

  عمرو يسرى

الأربعاء، 8 ديسمبر، 2010 12:55:00 ص جرينتش+2

مالك يارمى فى ايه
ربنا يفرح قلبك ويكشف كربك
يارب
يارب ترجعلنا بالسلامه
انا قراءته التدوينه من زمان بس بصراحه ماكنتش عارف اعلق اقول ايه بس لما غيابك طال قلت لازم اجى اطمئن عليك الف سلامه عليك وربنا يفرح قلبك

  Kontiki

الأربعاء، 8 ديسمبر، 2010 9:48:00 ص جرينتش+2

الحب احيانا كثير من الالم اتمنى لك السعادة وتكون عديت الفترة دى