هذه هى أنتِ

البوست دة بصراحة مكنش هينزل كان فى بوست غيره
لكن التانى كان صعب شوية
شوية برضه يا عم رامى
يعنى
قلت لالا البوست دة فيه أبتسامتى
كنت بأكتبه و أنا مبسوط
يعنى عاوز تقول ان انت قبل كدة مكنتش مبسوط
انتوا عاوزين تودونى فى داهيه و لا ايه
لالا روحوا أقروا احسن
و الأغنية اللى فى الأخر دى
من على لسانى (:
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أنتِ تلك الفتاة الصغيرة


التى فى داخلك
أنت هى بكل برائتها
و عفويتها
أنت هى ببُكائها
و ضحكاتها
و عيونها الصافيه

و عندما تتحدثى بجدية
و بعض العصبية
تكونين هذه الفتاه


بنظراتها المُتحدية
لكل المصائر المحتومة
لكن لم تفقد برائتها
رغم جروح الحياة

و عندما تتحدثى بحنو
كشابه تبتسم لها
الشمس


تزدهر الحياة
و تصفو السماء
فتلمع أبتسامتك
كلؤلؤة فى نور الصباح
وأنت
كهذه الفراشه


تطيرين فى أحلامى
المنسوجة
فقط لكِ
و بكِ

32 التعليقات:

  لـــولا وزهـــراء

الخميس، 28 أكتوبر، 2010 11:33:00 م جرينتش+2

رامى

الله على الكلام
الله على الوصف
ايه الرقه دى كلها
لو قولت لاول مره مش اعرف ارد من كتر ما الكلمات تحمل معانى جميله
الصور تحمل نظرات حلوه اوى
مشاعرك بقى مش يتفع اقول عليها غير
ربنا يرزقك باللى فى بالك يا اجدع رامى فى الدنيا كلهاااااااااااااا

زهراء

  Antika

الخميس، 28 أكتوبر، 2010 11:54:00 م جرينتش+2

جميلة اوى
عجبنى انك دخلت صور ف الكلام :)

  محمود(باحث عن حب)

الجمعة، 29 أكتوبر، 2010 12:35:00 ص جرينتش+2

الله
يا بختها
بالقلب الكبير

  Tears

الجمعة، 29 أكتوبر، 2010 12:40:00 ص جرينتش+2

جميلة كلماتك يا رامى

بس يارب لما تقرب و تتعايش و يمر الوقت و العمر تقدر تفضل محتفظ بده فعلا ببرائه و تلقائيته و قوته


دمت بخير

  amiralcafe

الجمعة، 29 أكتوبر، 2010 12:42:00 ص جرينتش+2

اخي رامي هذه لي ابي القاسم الشابي
أنتِ كالزهرة ِ الجميلة ِ في الغاب، ولكنْ مَا بينَ شَوكٍ، ودودِ
والرياحينُ تَحْسَبُ الحسَكَ الشِّرِّيرَ والدُّودَ من صُنوفِ الورودِ
فافهمي النَاسَ..، إنما النّاسُ خَلْقٌ مُفْسِدٌ في الوجودِ، غيرُ رشيدِ
والسَّعيدُ السَّعيدُ من عاشَ كاللَّيل غريباً في أهلِ هَذا الوجودِ
وَدَعِيهِمْ يَحْيَوْنَ في ظُلْمة ِ الإثْمِ وعِيشيي في ظهرك المحمودِ
كالملاك البريءِ، كالوردة البيضاءَ، كالموجِ، في الخضمَّ البعيدَ
كأغاني الطُّيور، كالشَّفَقِ السَّاحِرِ كالكوكبِ البعيدِ السّعيدِ
كَثلوجِ الجبال، يغَمرها النورُ وَتَسمو على غُبارِ الصّعيدِ
أنتِ تحتَ السماء رُوحٌ جميلٌ صَاغَهُ اللَّهُ من عَبيرِ الوُرودِ
وبنو الأرض كالقرود،وما أضـ أضْيَعَ عِطرَ الورودِ بين القرودِ!
أنتِ من ريشة الإله، فلا تُلْقِ ي بفنِّ السّما لِجَهْلِ العبيدِ
أنت لم تُخْلَقي ليقْربَكِ النَّاسُ ولكن لتُعبدي من بعيدِ..
رؤوف

  حنان الشافعي

الجمعة، 29 أكتوبر، 2010 12:48:00 ص جرينتش+2

الله يا رامي
احساسهل حلو قوي
ورقييييييييقه قوي
وبتحبهاااااااا قوي
;)
واخد بالك انت






ودي

  mrmr

الجمعة، 29 أكتوبر، 2010 12:57:00 ص جرينتش+2

الله الله يا رامى
وبتقولى عليا انا اللى بعرف اكتب خواطر دا انا ادينى بخبط فى الحلل
لكن انت بوست جامد وجميل
واغنيه اجمل
تصبح على خير يا اجدع رامى

  الحب الجميل

الجمعة، 29 أكتوبر، 2010 1:19:00 ص جرينتش+2

صباح الكلام الجميل
هذه هو انتِ
جميلة جدااا يا رامى
الله على الكلام

تزدهر الحياة
و تصفو السماء
فتلمع أبتسامتك
كلؤلؤة فى نور الصباح
وأنت
كهذه الفراشه

عجبنى الجزء دا جدااا
فيه حالة جميلة من الحب الصافى بوصفك الرائع

تسلم ايدك يا رامى
والصور جميلة
والاغنية من زمان بس حلوة

  adel

الجمعة، 29 أكتوبر، 2010 1:28:00 ص جرينتش+2

ادني في الرومانزيات يامعلم
قسم وسمعني :)

  Mona

الجمعة، 29 أكتوبر، 2010 2:36:00 ص جرينتش+2

ساعات مش بعرف ألاقى كلام أعلق به على كلامك الحلو - تحياتى يارامى

  bentelghrob

الجمعة، 29 أكتوبر، 2010 4:35:00 ص جرينتش+2

الله يارامى بوست كله حياه وروح
وحب كنت محتاجه اقرا احساس زيى دا بقا ابتسامتها تعمل كل دا
ربنا يديم عليك احساسك ياسيدى
اختيارك للوحات البوست رائعه
عندما تعشف انسانا ترى الجمال منه واليه
دوممت محبا
تحياتى

  MR.PRESIDENT

الجمعة، 29 أكتوبر، 2010 9:53:00 ص جرينتش+2

يا عيني علي الرومانسيات دي يا عم رامي
اصلا انت الأيام اللي فاتت
حالتك النفسيه العاطفية يبدو في أعلي مراتبها
ربنا يكرمك ويرزقك ما تحب ما دام في طاعته

تسلم من كل ردي .

  قول ياااارب

الجمعة، 29 أكتوبر، 2010 1:41:00 م جرينتش+2

بجد رااائعه حلوة جدا جدا جدا بس مين يقدر بقى ويقول الكلام الحلو ده
حقيقى بحييك ع الاحساس ده
سلمت الايادى

  همســـــــــــــ عتاب ـــــــــــــــة

الجمعة، 29 أكتوبر، 2010 1:49:00 م جرينتش+2

رائع وصفك للفتاه في جميع اطوارها من طفولتها لشبابها جسدت احساسك في عبارات تنطق بالاحساس
تحياتي،،،

  كيــــــــــــارا

الجمعة، 29 أكتوبر، 2010 5:26:00 م جرينتش+2

الله يارامي احساسك في الكلام مخلي الدنيا دنيا احلي

  عمرو يسرى

الجمعة، 29 أكتوبر، 2010 5:48:00 م جرينتش+2

جميله جدا كلماتك

  Haytham Alsayes

الجمعة، 29 أكتوبر، 2010 6:09:00 م جرينتش+2

صبح صبح ياعم الحج
بوحة بيمسي ويصبح علي الحاجات الحلوة
الرومانتيكية المهلبية

وممنوع دخول ولاد ابو اسماعيل

  re7ab.sale7

الجمعة، 29 أكتوبر، 2010 6:52:00 م جرينتش+2

حلوة اووي يا رامي بجد
والصور جميلة وموفقة كمان مع الكلمات رغم اني لا احب كثرة الصور
تحياتي
وشفت رسالتك

  انـــــــ حياتى ــــــت

الجمعة، 29 أكتوبر، 2010 8:04:00 م جرينتش+2

احساسك جميل اوى يارامى وكلامك اجمل ربنا يوفقك
تقبل مرورى
دمت بخير

  كلام من قلبي

السبت، 30 أكتوبر، 2010 12:27:00 ص جرينتش+2

بجد حلوة اوي
الكلمات احساسها رائع
تسلم ايدك
تحياتي

  شيرين سامي

السبت، 30 أكتوبر، 2010 12:46:00 ص جرينتش+2

كلام جميل و رقيق و يرسم على الوجه ابتسامه و الصور معبره جدا
تحياتي لك

  طالبة مقهورة ..درجة أولى

السبت، 30 أكتوبر، 2010 2:51:00 ص جرينتش+2

:)

كويس انك نزلت ده
اصل مش اي بوست ممكن يخليني ابتسم كده

اممممممممم
وقال بيدرسولنا مطران(مع احترامي)
ويضحكوا علينا بنص كئيب ويقولولنا ديه رومانسية

انا هروح ابلغ عنهم واخليهم ينزلوا البوست عشان يعرفوا الرومانسية والبساطة والجمال مضروبين ف الميكسر

  ويكا

السبت، 30 أكتوبر، 2010 12:22:00 م جرينتش+2

يا جامد يا جاااااامد

  BNT ELISLAM

السبت، 30 أكتوبر، 2010 2:44:00 م جرينتش+2

اولا اسفه على تاخير ى فى الرد
ثانيا
كلام حلو اوى اوى اوى
واحلى مافيها بجد برأت الكلمات
دمت مبدع

  Ms Venus

السبت، 30 أكتوبر، 2010 4:11:00 م جرينتش+2

جميلة


ورقيقة


احساسها صادق


ربنا يسعد قلبك دايما يا رامى


انا باجى متأخر دايما بس عارفة انك مش هتزعل منى


وردة ليك ولملاك قلبك

  sony2000

الأحد، 31 أكتوبر، 2010 3:39:00 ص جرينتش+2

ربنا يسهلووووو ياعم رااااامي
ههههههههه
يارب كدا تفضل فرحااااان ومذقطط علي طول
والبوست حلو بجد:)

  sweet angel

الأحد، 31 أكتوبر، 2010 9:54:00 ص جرينتش+2

لالالا بقى كده كتير

خلاص انا هكلمهالك

حرام اوي انها تخسر قلب بيحبها زيك

  خواطري مع الحياة

الأحد، 31 أكتوبر، 2010 10:26:00 ص جرينتش+2

السلام عليكم
وووووووووة متاخرة جدا
مش مهم المهم تعرفت على مدونتك لجميلة
بجد كلامك جميل وفيها احساس جميل
انا احترت ايه من مدونة ادخل فدخلتهم كلهم هههه
تقبل مروري
سلامي ليك.

  NaDa

الأحد، 31 أكتوبر، 2010 2:07:00 م جرينتش+2

جميــــل أوي الإحساس
والكلام
بجد .. :)

  Tamer Nabil

الأحد، 31 أكتوبر، 2010 9:16:00 م جرينتش+2

ازيك رامى



وصف جميل

تسلم علية

مغ خالص تحياتى

  جايدا العزيزي

الاثنين، 1 نوفمبر، 2010 12:26:00 ص جرينتش+2

الله على همس الكلامات

لما يوصف مزايا ارق والطف المخلوقات

حلوووووووووووووة اووووووووووى المدونه

وحاولت اتابع بس فيه مشكله

ساحاول المتابعه رامى

لانها مدونه جميله

وهمسك له سحر خاص

تحياتى

  بوسي

الاثنين، 1 نوفمبر، 2010 9:02:00 ص جرينتش+2

كلمات جميلة ورقيقة
تسلم ايدك