كلماتِك و بعشقك

كلماتك ليس كالكلمات
بل هى فى طريقى
كالعلامات
كلماتِك
هى شموعى
التى تُضيىء لى


عندما يكون ظلام العالم من حولى
كلماتِك
هى أنفاسى
التى تعطينى الحياة
التى لولاها لكنت حياً بدون حياة
كلماتك
هى قوتى
التى تدفعنى فى حياتى للأمام
كلماتِك
هى الهدوء
الذى أصبو أليه
وسط صخب هذه الحياة
كلماتك
هى قطرات الماء
التى تروى عطشى لحياة
أفتقدها
كلماتك
هى روحك
التى أبحث عنها
دوماً
فى حروفك
كلماتك
هى الأنغام
التى أعزف دائماً
عليها
كلماتى
كلماتك
كفنار على قمة العالم


يُهدينى فى بحرى المضطرب
كلماتك
هى هديتك لى
لو تسمحين
طالما حيت هنا فى هذة الأرض
القاحلة
كلماتك
مهما كانت
تصبو إليها دقات قلبى
قبل نظرات عينى
ليظل ينبض لينتظر و ينظر كلماتك
القادمة
كلماتك
ستظل
تطربنى و تسعدنى و تدمعنى
لأن هى الحياة
كلماتك
ترسمنى من جديد
لذلك رجاء
لا تضَنى على
بكلماتك
حبيبتى
لو تسمحين


دعينى أحضن
كلماتك
بكلماتى

و دى كلمات أغنية بعشقك أهداء ليها
و الكليب أخر البوست

علشان هواك بقى عندى أغلى من الحياة
لو قلت أه بقول بدالك ألف أأأه
و كأنك أنت فى دُنيتى طوق النجاة
و أن قلت أبعد أخاف لبُعدى يكسرك
بعشقك


نفسى تعرف قبل م الأيام تفوت
أنى عِشت العمر ليك منغير شروط
و أن خيرونى أعيش معاك ولا أموت
مبقتش أخاف م الموت و خايف أخسرك
بعشقك


الحياة و الدنيا بعدك تسوى أيه
لو مكنتش جنب منى أعشها ليه
دة أنت لو طولت بُعدك
مش هعيش فى الدُنيا بعدك
مهما تعمل بيا برده أنا روحى فيك
و أن بعدت أنا برده هاجى أسأل عليك
يعنى مهما حصلى منك
مستحيل تبعدنى عنك
أه
بعشقك



أزاى بقيت بعشق معاك حتى الأهات
مبقتش أمل من أنتظارك بالساعات
و أما بشوفك العتاب يصبح سُكات
و أنسى أما تيجى أسألك أيه أخرك
بعشقك


مش مهم تكون قريب أو بعيد
دة أنت حبك كل يوم عمال يزيد
وأنت عارف أنى مش هنساك
أكيييييد
و انت أن نسيتنى أنا اللى هاجى أفكرك
بعشقك


الحياة و الدنيا بعدك تسوى أيه
لو مكنتش جنب منى أعشها ليه
دة أنت لو طولت بُعدك
مش هعيش فى الدُنيا بعدك
مهما تعمل بيا برده أنا روحى فيك
و أن بعدت أنا برده هاجى أسأل عليك
يعنى مهما حصلى منك
مستحيل تبعدنى عنك
بعشقك

32 التعليقات:

  همسات وبحــ الحياه ــر

الأحد، 24 أكتوبر، 2010 3:53:00 م جرينتش+2

واحجز اول تعليق بجداااره

  همسات وبحــ الحياه ــر

الأحد، 24 أكتوبر، 2010 3:53:00 م جرينتش+2

والتااااااانى بمجهودى الشخصى ومحدش ساعدنى

  همسات وبحــ الحياه ــر

الأحد، 24 أكتوبر، 2010 3:54:00 م جرينتش+2

ههههههه

اكمل للخامس ولا كفايه كدا

اصلى كنت قاعده على باب المدونة

هروح اقرأ وارجع فوريرة

  MR.PRESIDENT

الأحد، 24 أكتوبر، 2010 4:07:00 م جرينتش+2

بعد السلام
ازيك يا رامي
يا عمنا خفف جرعة الرومانسية
شوية
عشان قساة القلب اللي زيي
واللي مش بيعرفوا يردوا علي البوستات
دي

أنا بتكسف الله
بتكسف الله .

تحياتي ليكي يا معلم وربنا يكرمك يا رب ...

  من كل بستان زهرة

الأحد، 24 أكتوبر، 2010 4:23:00 م جرينتش+2

دعينى أحضن
كلماتك
بكلماتى

كلماتك رائعه
كلماتك مذهله
كلماتك بديعه

تسلم ايدك

  re7ab.sale7

الأحد، 24 أكتوبر، 2010 6:03:00 م جرينتش+2

قبل اي حاجة عايزة اصحح كلمة واحدة في الجملة دي "وسط سخب هذه الحياة" صخب وليس سخب ....اوك يا رامي من غير زعل احنا بنصحح لبعضنا ...
البوست بقي .....مش عارفة اقول غير يا قلبي ياللي وقف من كتر التنهيد ...عايزة اقول ياربي علي الحب ده كله ....يارب يا رامي ده لو نص الرجالة بيحبوا زي ما انت بتحب كدة مكانش ده بقي حال البنات ...يا لهوي ي ي ...بجد البوست تحفة

  صيدلانيه طالعه نازله

الأحد، 24 أكتوبر، 2010 7:01:00 م جرينتش+2

بصراحه يا رامى انت كل يوم بتتفوق على نفسك اكتر من اليوم اللى قبله
كلامك معبر جدا و اختيارك للاغنيه راقى اوووى
و معبر اوى و موضح البوست
تسلم ايدك بجد

  BNT ELISLAM

الأحد، 24 أكتوبر، 2010 7:04:00 م جرينتش+2

واله انا خايفه احسدك ولا انق عليك

بس ايه المشاعر والحب ده كله
ربنا يديك الى فى بالك
وينولك الى قلبك بيحلم بيه
وتعيش دايما فى حب وهنا

  لـــولا وزهـــراء

الأحد، 24 أكتوبر، 2010 7:19:00 م جرينتش+2

رامى

الكملمة نور وبعض الكلمات قبور
هكذا قال احد ابطال رواية الحسين شهيدا

ايه الرومانسيه التى تنطلق من بين حروفك

يا لها من كلمات جميله انصت لها وكأننى اسمعها واشعر بها

تسلم كلماتك واختيارتك يا رامى


زهراء

  همسات وبحــ الحياه ــر

الأحد، 24 أكتوبر، 2010 8:39:00 م جرينتش+2

ايه الرومانسية دى كلها
تتحسد كدا
دارى على شمعتك تزيد هههههه

لا بجد يارامى كلمات اكتر من رائعه
واغنيه مفيش كلام عليها
الواحد ساعات مبيلاقيش كلام حلو على بوست احلى

تحياتى

  Tears

الأحد، 24 أكتوبر، 2010 8:57:00 م جرينتش+2

ايه ده كله يا رامى ده انت اتاريك شاعر بجد و شاعر كبير كمان

روح قولها كل ده فى وشها و هى يغمى عليها من الفرحة بيك :)

  adel

الأحد، 24 أكتوبر، 2010 9:05:00 م جرينتش+2

وعمال تقولي بكتب ومش بكتب وحسستني اني فاروق جويدة
ايه ياعم الاحاسيس والمشاعير دي كلها :)
لا جامد يابور رامي

الاغنية جامدة

  Mona

الأحد، 24 أكتوبر، 2010 9:47:00 م جرينتش+2

كلماتك
ترسمنى من جديد
لذلك رجاء
لا تضَنى على
بكلماتك
حبيبتى
لو تسمحين

كلمات من القلب للقلب ربنا يحميها لك ويخليها لك ويجمعك معها فى القريب إن شاءالله - بس المهم تفضل رومانسى كده عالطول بعد ما تكون جانبك :))

تحياتى والأغنية جميلة يسلم الذوق

  الحب الجميل

الأحد، 24 أكتوبر، 2010 10:07:00 م جرينتش+2

الله الله يا رامى
كلماتك وكلماتها وكلام الاغنيه جميل اوى
بوست رائع
والصور جميلة ومعبرة
احسنت :)
ربنا يسعدك يارب يارامى
دمت بخير اخى العزيز

  amiralcafe

الأحد، 24 أكتوبر، 2010 10:27:00 م جرينتش+2

اخي رامي
كلماتك ليس كالكلمات
بل هى فى طريقى
كالعلامات
كلماتِك
هى شموعى
التى تُضيىء لى عندما يكون العالم ظلاماٌ من حولى نعم صدقت القول كلمات الرب هي شموع تضىء لنا السبيل ..كلمات ليست كالكلمات لكنها عبارات الحب إلى رب في مفهمي والظاهر في الصور لى حب المرأة وفي كل الحالتين عشق احلى من عشق.
رؤوف

  Unique

الأحد، 24 أكتوبر، 2010 10:45:00 م جرينتش+2

كلماتك
هى روحك
التى أبحث عنها
دوماً
فى حروفك

جميلة جدا :)

  Unique

الأحد، 24 أكتوبر، 2010 11:03:00 م جرينتش+2

بمر هنا كتير
يا رب دايما بابك مفتوح على كل خير
:)

  لـــولا وزهـــراء

الأحد، 24 أكتوبر، 2010 11:59:00 م جرينتش+2

Lolo Lola: كلماتك ليس كالكلمات
بل هى فى طريقى
كالعلامات
كلماتِك
هى شموعى
التى تُضيىء لى

" ذكرتني لاغنية ماجدة الرومي الرائعة كلمات ...احساسك عالي قوي ربنا يديمه عليك ويسعد قلبك بكل خير ويبعد عنك كل غم وهم وحزن ... على فكرة انا علقت ازاي بقى؟ لان مدونتك بتقفل في وشي من كام بوست وده سبب في اني مبعرفش اعلق عندك..فاطمة نقلتلي الموضوع في صفحة ووةرد وانا اقراءه وادون الرد وهي تحطه تخيل ... اشكرك يا زهرة حياتي على تعبك بس مقدرش مقراش لرامي ..اول مرة اقول رامي واخدلي بالك"

رامى
-*-*-*


عندما يكون العالم ظلاماٌ من حولى
كلماتِك
هى أنفاسى
التى تعطينى الحياة
التى لولاها لكنت حياً بدون حياة

" يا سلااااااااااااااام على الكلام واحساسه العالي لولاها لكنت حياَ بلا حياة تحفة جدا جدا جدا يا صاحب الاحاسيس الجميلة والمعاني الرائعة

لولا

  mrmr

الاثنين، 25 أكتوبر، 2010 12:11:00 ص جرينتش+2

دعينى أحضن كلماتك بكلماتى
احساس جميل مش يقدر يحس بالكلمات دى غير قلب ابيض بيعشق ويحب من قلبه
كلماتك وكلمات الاغنيه جميله قوى يا رامى
اختيار موفق لاختيارك الاغنيه
ربنا يقرب البعيد ويريح قلبك

  gogo!sf

الاثنين، 25 أكتوبر، 2010 8:03:00 ص جرينتش+2

كلماتك جميله وواضحه وصريحه
ومعبرة اوى عن احساس الحب الصادق

وكلمات الاغنيه جميله اوى

تسلم ايدك ويسلم زوقك واختيارك

ربنا يسعد قلبك يا رامى
ويبعد عنك عيون الحاسدين يارب

تسلم يا رامى يارب

  م. حجاز

الاثنين، 25 أكتوبر، 2010 10:16:00 ص جرينتش+2

الى المواطن الاستاذ البشمهندس رامى
والله فى سؤال راكن فى ذورى طول من فترة كده

هو الشخص اللى انته بتكتبله الكلام ده من اهل الارض يعنى بياكل ويشرب زينا ولا ايه نظامه؟

والنبى ياشيخ ما تحبطنى وتخلى بالك من الاجابة عشان نفسيتى بس

بجد ما شاء الله عليك يارامى فى الكلام ده بوس جميل جدا
ما تدينى كورس يارامى وهاشوفك بأى حاجه يعنى

  ستيتة حسب الله الحمش

الاثنين، 25 أكتوبر، 2010 11:01:00 ص جرينتش+2

يا أخي طب اقول ايه
هسسسسسسسسسسسسسسسس يا بشر
سكوت يا دانس
فعلا يا أه يا أه

تحفة وكلها خارجة من القلب وثناياه
فرشقت في صباح زي الفل بداخل القلوب

صباحك رضا يا رامي ويارب تفرح

  Noha Saleh

الاثنين، 25 أكتوبر، 2010 12:59:00 م جرينتش+2

ايه البوست الجميل ده
بجد كلمات جميلة والصور كمان خليتها اجمل

  Ms Venus

الاثنين، 25 أكتوبر، 2010 2:26:00 م جرينتش+2

ايه ده كله يا رامى


كلمات رائعة

الصور رقيقة جدا


الاغنية جميلة جدا


البوست كله حسسنى بزقزقة عصفور فى صباح نادى

ربنا يسعد قلبك دايما ويديم الحب عليك

  محمد التركى

الاثنين، 25 أكتوبر، 2010 7:01:00 م جرينتش+2

الله الله الله الله

ايه الجمال ده كله يارامى
أولا سامحنى على التأخير يارامى
ثانيا
تسلم ايدك
ياااااااااااه كل ده عشق
وحب
يااااااااااااه

أنته رومانسى لابعد الحدود
والله شكلك كان باين عليه
ههههههههههه
لما شفتك قولت الواد رامى ده حنين قوى ورومانسى
ههههههه


انته من الشخصيات اللى عمر الواحد ماينساها
مؤثر فى كل اللى يعرفك

بجد تسلم ايدك يارامى
تسلم
ثالثا بشكرك على تهنئتك ليا بعيد ميلادى وهديتك اللى تجنن
ربنا مايحرمنا منك يارامى يااااااارب
ويبارك فيك ويسعدك

تحياتى لشخصك الرومانسى

محمـــد التركـــى

  richardCatheart

الاثنين، 25 أكتوبر، 2010 10:51:00 م جرينتش+2

ياربببببببببببببببببببى

يا واد يارامى قربت تغلب كاظم فى احساسه

الله يعينك الحب داء لعنه مالهاش دواء

كلالالالالالالالالالامك حلو شبه سلاسل الفضه

بيلمع لمعه تحبها العين وتتملا منها

ربنا يهديلك الحال
ويسعد قلبك

  Haytham Alsayes

الثلاثاء، 26 أكتوبر، 2010 2:03:00 م جرينتش+2

ياسييييييييدي

الله ينور ياعم
رومانسية وحاجات كدة

ربنا يكرمك بقي كدة ونشوفوك عريس قد الدنيا

قول يارب

تحياتي

  صفحات وأقلام

الثلاثاء، 26 أكتوبر، 2010 10:19:00 م جرينتش+2

واااااااااو
ايه كل الجمال والرومانسية دى

  طالبة مقهورة ..درجة أولى

الأربعاء، 27 أكتوبر، 2010 6:29:00 م جرينتش+2

عاوزة اقتبس منه اكتر جزء عجبني
بس مش عارفة

ايه الاحساس ده ياربي عليك يا رامي
:)

تعبيراتك جبارة واحساسك ف البوست ده يجنن
..........
بالمناسبة مش عارفة ليه مش عارفة اعلق ف المدونة التانية؟؟
يمكن النت عندي بطيء ولا حاجة هبقى احاول لاحقا :)

ربنا يسعدك ويريح قلبك

  أتنين حبيبين

الأربعاء، 27 أكتوبر، 2010 7:41:00 م جرينتش+2

ازيك يارامى
يارب تكون بخير ويطمنى عليك
متشكره ليك على سؤالك الجميل
ربنا يكرمك كل الخير
ويحافظ عليك ياقمر
الحمدلله ماما بقت احسن دعواتك ليها
انا قلت اطمنكم عليها وعليا عشان مش تقلقوا عليا
ربنا يديم الحب فى الله
دمت بكل الخير

  كيــــــــــــارا

الخميس، 28 أكتوبر، 2010 10:37:00 م جرينتش+2

مقدرش انا علي كدا

كام بعشقك في البوست يالهوي ياني

جباااااااااااااااااار

انا كويسه الحمد لله وكنت واخده اجازه النهارده قلت هقعد معاكو بئا والاقي ايه ان العيله ماصدقو اني اجازه وظبطووووووونى

  Ramy

الخميس، 28 أكتوبر، 2010 11:26:00 م جرينتش+2

شكراً جداً جداً

ليكو كلكم

شكرا لكلامكم

شكراً لروحكم الحلوة

ان نفسى ارد على واحد واحد

أنا اسف

ان شاء الله هيجى اليوم دة (:

منورنى دايماً(: