لسه..؟!! ليه بس؟؟


إلى متى ستظلى بعيدة هكذا
ستظلى حزينة بعيداً عنى
إلى متى سأظل حزين
على عدم مقدرتى على مسح أحزانك
أتكلمى
هسمع حتى لو كان عتاب
حتى لو كان ملام
قولى
و صدقنى متخفيش عمرى ما هتجرح
ولا هتألم
مش علشان ميهمنيش
لأ.. علشان يهمنى
لأنى بأسمعنى أنا
أتكلمى
عارف أن فى كلام كتير عندك
مقلتهوش
ناس كتير مش هتفهمه
مش هتقدره مش هتدركه
حتى أقرب ناس ليكِ
مش بقول أنى أكتر منهم فهماً
لالالا
بس أنا هأسمع كلامك بقلبى
هفهمه بقلبى
قولى بس ... و أتكلمى
و متخفيش
صدقينى انا هتكون فرحتى من فرحتك
حتى لو ماكَنتش فى الأخر
ليا
أنا مش ملاك
أنا بس..

بحبك

39 التعليقات:

  BNT ELISLAM

الاثنين، 11 أكتوبر، 2010 5:19:00 م جرينتش+2

ايه الحب الجامد ده


انا لو منها لازم تتكلم



اجمل حاجه الحديث باى لغه من لغان بين الحبيب ومحبوبته سواء بكلام او بالعيون او بلغه الورد


مجر د الاحسا انها اخترته من بين العالم لكى تحكى له وتتكلم معاه شىء رائع فى الحب


احساس حلوا اوى ربنا يهنيك

  mrmr

الاثنين، 11 أكتوبر، 2010 5:37:00 م جرينتش+2

رامى

حمد الله بالسلامه

حاسه انك بتتالم لـ آلمها
وتعبان لـ تعبها
قد ايه مشاعرك وقلب حاسس بيها
ياريت هى كمان تكون حاسه بمشاعرك دى
وتفضفض ليك علشان تزيل كل تعب وآلم
نفسى بجد ربنا يفرح قلبك

  محمد التركى

الاثنين، 11 أكتوبر، 2010 5:47:00 م جرينتش+2

انا مش ملاك انا بس بحبك
أستاذى رامى
أولآ وقبل أى كلام
أنا أسف جدا جدا جدا
أنى أتأخرت على مدونتك الرائعه ديه ومجتش زرتها من يوم اللقاء التدوينى بس اعزرنى

ثانيآ أخبار الشاعر الجميل ايه يارب تكون بخير
ثالثآ
ياباشا أيه بس الكلام الجميل ده
عجبنى جدا جدا
أنا مش ملاك أنا بس بحبك
الله ياجامد
ايه ده
تسلم ايدك وقلبك وحبك
وانته مش ملاك وبس
انته طاوس الملايكه

تقبل مرورى ويارب تكون مش زعلان منى بسب تأخيرى

تحياتى لأجمل شاعر

محمـــد التركـــى

  ميرا ( وومن )

الاثنين، 11 أكتوبر، 2010 5:52:00 م جرينتش+2

كيفك يا رامي

ساعات الكلام نفسة بيجرحنا وهو خارج منا

ومش بنقدر عليه

  Ms Venus

الاثنين، 11 أكتوبر، 2010 6:09:00 م جرينتش+2

طبعا لازم تتكلم

لان مافيش حد هيسمعها ويفهمها غيرك


كلماتك جميلة اوى يا رامى

والأغنية تحفة

ربنا يسعد ايامك كلها

  Tears

الاثنين، 11 أكتوبر، 2010 6:37:00 م جرينتش+2

حلو اوى يا رامى

لما بنحس حد بنقدر نفهمة اكتر من اى حد فى الدنيا

  Noha Saleh

الاثنين، 11 أكتوبر، 2010 6:44:00 م جرينتش+2

بجد حلوة اوى
يمكن هى ساكتة علشان فعلا مش راضية تعاتب
ويمكن البوست ده يشجعها حبة انها تتكلم

  كلام من قلبي

الاثنين، 11 أكتوبر، 2010 6:44:00 م جرينتش+2

البيحب حد
يتمنالوا السعادة في اي مكان
كلامك حلو اوي
تسلم ايدك
تحياتي

  MR.PRESIDENT

الاثنين، 11 أكتوبر، 2010 7:19:00 م جرينتش+2

أن تجد إنسان يسمعك شيء صعب ولكن
حكم الحياة

يوم حزن يا رامي وفراق
ويوم فرح ولقا .

  داليـ ـ ـ ـ ـ ـ ــــا

الاثنين، 11 أكتوبر، 2010 7:31:00 م جرينتش+2

يامقطع قلوبنا

ايه ياعم رامى
والله انا نفسى اووووووووووى اشوفك متهنى معاها
من كتر حبك ليها ده

بص طيب انا عندى حل
روح اخطفها واتجوزها
ياعم روح وانا فى ظهرك متخافش
لو حد من اهلها اتكلم بص
هلملك كل رجالة وبنات البلوجر ده
متخافش وراك حبايبك

والله بكلم جد خد خطوه اصل لو فضلت خايف من رد الفعل مش هتعمل حاجه
روح بجد العمر بيعدى

  Mona

الاثنين، 11 أكتوبر، 2010 8:38:00 م جرينتش+2

معنديش تعليق :))

  Haytham Alsayes

الاثنين، 11 أكتوبر، 2010 8:41:00 م جرينتش+2

ايه يارامي دة يارامي
ايه ياعم
البوست والاغنية حاجة جميلة
وان شاء الله ربنا يفك الكرب وتعمل كل اللي انتا عاوزه

تحياتي يارامي باشا

  amiralcafe

الاثنين، 11 أكتوبر، 2010 8:55:00 م جرينتش+2

بهمس الكلام*نحكي ونتكلم *انفضفض* كي* علشان* نعيش*وبالحس الروحي سوف نعرف مابقلب الحبيب
رؤوف

  gogo!sf

الاثنين، 11 أكتوبر، 2010 9:38:00 م جرينتش+2

جميله يا رامى فضفضه القلب دى

صادقه اوى واكيد انت اكتر الناس فهماً لانها جزء منك وهتفهمها اكتر من اى حد

ولازم مش تزعل من كلامها مهما كانت قساوته لانها حبك الحقيقى وهتفرح لفرحها وهتحزن لحزنها

ارجو ان تحتفظ بحبك

ربنا يوفقك يارب

  momken

الاثنين، 11 أكتوبر، 2010 9:38:00 م جرينتش+2

الله عليك يا رامى

كلماتك لمستى بشده

واحاسيك العاليه والدافيه بتقدر تعبر عن مشاعر كلنا بنحسها وبنعجز عن التعبير عنها

على فكره انت ابن حلال جداً
وانا جيلك كنت انت عندى

مين قال انك مش ملاك وانت مجرد حد بيحب
فى زماننا لا يحب البشر
انما الملائكه فقط لديها القدره على الحب

دمت فى غايه الابداع

تحياتى

  حنان الشافعي

الاثنين، 11 أكتوبر، 2010 9:47:00 م جرينتش+2

حلوه الاغنيه وحلو الكلام يارامي :)

  فكرة من الزمن ده

الاثنين، 11 أكتوبر، 2010 9:50:00 م جرينتش+2

جميلة يارامي المشاعر وراقية جدا
واحب اطمنك ان الحب بيصنع ملائكةفي اعين المحبين
تحياتي

  adel

الاثنين، 11 أكتوبر، 2010 10:02:00 م جرينتش+2

اتكلمي بقي ياستي
!!!!

  الحب الجميل

الاثنين، 11 أكتوبر، 2010 10:02:00 م جرينتش+2

رامى
أزيك ؟؟
ان شاء الله بخير
ان شاء الله هتتكلم
وهتقول .........
وهتقول كلام جميل لشخصك الطيب
ربنا يريح بالك
ويسعد قلبك
الاغنيه جميله
وكلام البوست مؤثر
يسلم ايدك واختيارك

  ستيتة حسب الله الحمش

الاثنين، 11 أكتوبر، 2010 10:23:00 م جرينتش+2

انا جاية اسلم
واقول الله يعينك على الشغل
وجميلة الكلمات
تصدق
مش بركز قوي في كلمات كتير الا لما تبقى مكتوبة مش مسموعة
تحياتي

  أع ـقل مـ ج ـنـونــة

الثلاثاء، 12 أكتوبر، 2010 12:13:00 ص جرينتش+2

يابختها بيك
يارب يجعلها من نصيبك يارب :)

  richardCatheart

الثلاثاء، 12 أكتوبر، 2010 12:18:00 ص جرينتش+2

ااااااااااااااه يارامى

الله يعينك ويعنها بصراحه عذاب

ربنا يهدلكم الحال ويسهلكم الامر

قولها

اشيك لمين دا انا شكوتى منك اليك

  عمرو يسرى

الثلاثاء، 12 أكتوبر، 2010 12:40:00 ص جرينتش+2

ايه الجمال ده
فى حب كده
كلمات واحساس رائع
وهتكلم

  ELMOSTAFZ

الثلاثاء، 12 أكتوبر، 2010 12:59:00 ص جرينتش+2

شوف يا رامي :)
لسوء الحظ مش قادر اوصل لإحساسك ، بس انتا عرفتني حاجات كتير تساعدني أوصل لهدفي ، عارف ان الموضوع يختلف كليا لكن بقول جايز احنا مشتركين ف وجود هدف عايزين نوصله ايا كانت طبيعته...
بس في النهاية-عشان مصدعكش كتير-أنا رأيي من رأي مدام مني :)))
تحياتي ليك و ربنا يوفقك في كل خطوة...

  شمس النهار

الثلاثاء، 12 أكتوبر، 2010 1:38:00 ص جرينتش+2

الكلام له وقت والصمت له وقت

والشاطر اللي يختار الوقت الصح

:)

  نهر الحب

الثلاثاء، 12 أكتوبر، 2010 4:52:00 ص جرينتش+2

كلماتك تنبض بالصدق
ومغبرة عن مشاعر حقيقية
بجد تسلم ايدك

  sweet angel

الثلاثاء، 12 أكتوبر، 2010 8:07:00 ص جرينتش+2

هتتكلم ان شاء الله هتتكلم

والنبي يا ستي لتتكلمي علشان خاطرنا كلنا

  hana

الثلاثاء، 12 أكتوبر، 2010 8:40:00 ص جرينتش+2

الهمس في حروفك بيدخل جوا الروح ويتعب القلب إحساس كله إحساس بجد يا بخت اللي يلاقي إحساس ذي دة حاسس بيه :)

  همسات وبحــ الحياه ــر

الثلاثاء، 12 أكتوبر، 2010 12:42:00 م جرينتش+2

احم احم احم
حلو ان الواحد يكون الاول بعد العشرين ههههه

حلو اوى يارامى
بجد انا قريت الكلام مرتين
هى هتتكلم هتتتكلم لان مش هتلاقى قلب يفهمها ولا يحبها قد قلبك
مشاعرك جميله فى كل بوستاتك حتى لو كانت حزينه
هى يوم ماتتاكد ان ملهاش غيرك ومفيش حد يفهمها زى قلبك هتتيجى جرى وتفتح قلبها وتتكلم وتحكى :)
الاغنية حلوة اوى :)
تحياتى

  همسات وبحــ الحياه ــر

الثلاثاء، 12 أكتوبر، 2010 12:44:00 م جرينتش+2

اييييه دا 28 وانا اللى فاكره نفسى 21هههههه

انا بقى هقعد هنا شوية وهفطر واشرب كوباية اينسون بتاعتى الواد دقدق عارف سكرى
وامشى :):)
انا بكتب فى الحلقه الجديدة:)

  طوبه فضه وطوبه دهب

الثلاثاء، 12 أكتوبر، 2010 9:16:00 م جرينتش+2

جميله اوى اوى يا رامى تسلم ايدك

  re7ab.sale7

الأربعاء، 13 أكتوبر، 2010 3:21:00 م جرينتش+2

شوف يا رامي
انا قريت البوست اول ما عملته بس مش عرفت اعلق علية
يمكن احيانا بيكون الصمت افضل ...احيانا مينفعش اني اتكلم عشان حاجات كتير
يمكن محتاجة الوقت شوية عشان افكر ...اقررر....اهدي من نفسي عشان شيء ..انا مش عارفة ...بس مش عارفة اقول اكتر من كدة ...فاهمني

  ويكا

الخميس، 14 أكتوبر، 2010 9:48:00 ص جرينتش+2

يابنى ابعد اجدعلك

انفد بجلد يا جدع

  Tamer Nabil

الجمعة، 15 أكتوبر، 2010 11:00:00 م جرينتش+2

ازيك رامى

اخبارك اية

الحب احساس جميل ورائع

مع خالص تحياتى

  غير معرف

السبت، 16 أكتوبر، 2010 2:31:00 م جرينتش+2

ثقافة الهزيمة.. أسكندرية ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول ، ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، وحلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين..

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية…

باقى المقال ضمن مقالات ثقافة الهزيمة بالرابط التالى

www.ouregypt.us

  ghada mOhsen

الأحد، 17 أكتوبر، 2010 6:26:00 ص جرينتش+2

هلا رامي ...

بجد كلماتك فيها روح ...

رغم بساطتها فهي أغلى من أي كلام ...

يمكن عشان طالع من القلب ..

ربنا ينولك إللي في بالك
ويسعد قلبك ويطمنك
^^

وكالعادة
تحياتي الملونه لروحك المُحبة
^_^

  Ramy

الأحد، 17 أكتوبر، 2010 3:30:00 م جرينتش+2

شكرا شكرا جدا جدا جدا

ليكم كلكم

و بأعتذر لتقصيرى الشديد معكم

أرجو تقبل اعتذارى

عارف ممكن اكون بعلق على مدونات و مدونات لأ

بس صدقونى مش مقصودة


تحياتى لكم جميعا

  همسات وبحــ الحياه ــر

الأحد، 17 أكتوبر، 2010 6:36:00 م جرينتش+2

فين جديدك :)
لعل المانع خير

  Timo..

الأحد، 17 أكتوبر، 2010 7:47:00 م جرينتش+2

"أنا مش ملاك
أنا بس..
بحبك "

خليتني ابتسم غصب عني :)