المتخلفين و البهايم فى الأرض .. مع الأعتذار للبهاااايم

لأول و لأخر مرة هتكلم فى الدين

أو بمعنى أدق أنا مش هتكلم عن الدين

بس عن المتخلفين اللى فاكرين نفسهم مسئولين عن الدين

و هتكلم عن المتخلف اللى فى أمريكا اللى عاوز

يحرق القرأن

اللى هو فاكر أنه قسيس و عامل فيها دكر بروح أم الجاب ابوه و هو حتة حيوااااان حتى الحيوان فيه دماغ عنه

على فكرة أنا بأكتب لأن أنا خلاص تعبت من الكل

ايوة من الكل

من الناس اللى مش عاوزة تفهم من هنا و من هنا

انا حطط الفيديو بتاع ماجدة دة علشان تشوفه لبنان بقت ايه

عاوزين أحنا فى مصر نبقى كده

طيب

علشان الناس فاكره أن الناس هنا عاوزة أمريكا

هعوزها ليه

حد يفهمنى ما هما برضه متعصبن بس مش باينين

يا جماعة خلااااااااااااااااااااااااااااااااااااااص انا تعبت

على فكرة أنا كنت هقفل المدونة من كام يوم بسببب حاجات زى كده

بس محبتش أتكلم فى كده

بس خلااااااااص انا مش قادر

تعبت تعبت تعبت

حرااااااااااام

طب أعمل ايه

لا دول بيفهموا و لا دول بيفهموا

أنا اسف يا جماعة بس مش مستحمل

المفروض أنى كنت هأعيد ع الناس بس مش هأعرف

انا اسف لو كنت اتكلمت و خرجت كلمات مكنتش أحب أخرجها

سامحونى

انا مش هأقفل المدونة أنا موجود بس كان لازم أتكلم علشان ماموتش

سامحونى أنا أسف

16 التعليقات:

  mrmr

الخميس، 9 سبتمبر، 2010 6:47:00 م جرينتش+2

ده انسان متخلف الذى يدعى قسيس

ده انسان سورى انى اطلق عليه لقب انسان لانه مجرد من المشاعر الانسانيه

اى انسان المفروض يحترم مشاعر الاخرين

فهذا الشئ لا اطلق عليه لقب مسيحى ابدا لان المسيحيه لا تجرح احد ولا تبغض احد فالمسيح علمنا ان نحب بعضنا بعض كما احبنا هو
فاين ثمار الروح القدس الذى فينا
محبه .. فرح .. سلام .. طول اناه.. تعفف .. وداعه .. لطف .. صلاح

ربنا يهديه ويفتح قلبه ليرى نور الرب
ويتمسك بتعليم المسيح

  موجة

الخميس، 9 سبتمبر، 2010 7:04:00 م جرينتش+2

لا حول ولا قوة الا لابالله
اهدى كده بس يارامى
وكل حاجة بالهدوء تكون احسن
ليه بس تتعصب وتفقد هدوءك كده بسبب ناس ماتستاهلش
وبعدين بالنسبة للقران اللى هيحرقوة
فحسبنا الله ونعم الوكيل
لكن ربنا سبحانة وتعالى قال فى قرانه الكريم:
انا نحن نزلنا الذكر وانا له لحافظون
صدق الله العظيم
ماتقلقش ربنا قادر على انه يسخط الناس دى
واعوذ بالله من الكفر والكافرين

  الحب الجميل

الخميس، 9 سبتمبر، 2010 7:28:00 م جرينتش+2

لا حولا ولا قوة إلا بالله العلى العظيم

  فاتيما

الخميس، 9 سبتمبر، 2010 7:40:00 م جرينتش+2

مالك بس يا رامى


يعنى هيا جديدة حكاية الفتن دى ؟!!

بلاش يأس و زعل
قول كل اللى نفسك فيه
بس انسحابات لأ
حزن و فقدان أمل لأ
زهق و كآبة لأ

ماشى؟


كل سنة و احنا طيبيبن
يا ر ر

  محمود(باحث عن حب)

الخميس، 9 سبتمبر، 2010 8:19:00 م جرينتش+2

السلام عليكم
الواحد ميرضاش للاى كتاب من الكتب السماويه المقدسه انه يتهان
سواء كان قرأن انجيل توراه
لانها من عند ربنا
مينفعش
الناس دول مدعين التقدم ويتهموننا بالتخلف
واحنا اللى ارقى منهم
بص يارامى
الدنيا فيها خير
مادام
فى ناس
زيك
بتفكر
كده
بس للاسف
المتخلفين فوق السطح كتير
علينا اننا
نستنكر
ومش هنقدر نغير فكر شعب تانى
مختلف عننا
فى اللغه والتفكير
والعقل
كفايه اننا نحافظ
على قلبنا
من انه يتغير
ربنا يحافظ عليك

  MR.PRESIDENT

الخميس، 9 سبتمبر، 2010 8:27:00 م جرينتش+2

بص يا عم رامي .. ربنا يهدي الجميع .. ولكن بعد كلامي مع مرات ابن عمي وهيا امريكية قالت لي أن ولايه فلوريدا وتكساس وما شابهها رجعين متخلفين .. دي حاجة .. طبعا احنا مش هقول ان حكومتنا مش مسؤله لأن الدين لو بيحافظ عليه راجل واحد من حكومة كان سبب مشاكل للولايات المتحدة فلو اجتمع المسلمون لقطع العلاقات معها .. حتي لو هنتأثر بالسلب تغور .. ودي من الفتن .

ربنا يهديه كل عاصي ومشرك وكافر . قادر يا كريم .

كل سنة وانت طيب يا معلم .

  لـــولا وزهـــراء

الخميس، 9 سبتمبر، 2010 8:35:00 م جرينتش+2

رامى

بكل هدوء ومن غير اى عصبيه
فى ناس فاكرين انهم فاهمين فى كل حاجه وهما للاسف مش فاهمين اى حاجه
اعتذر مش كل واحد حفظ كلمتين يبقى فاهم فى الدين يعنى على سبيل المثال ان درست اصول فقه ومع ذلك لو حد جه سالنى باعتذر لانى بكل بساطه غير اهل انى افتى لكن الحمد لله احنا نملك عدد من المفتين بيفهموا اكتر من المفتى نفسه ....

اول حاجه عرفتها عن الديانه المسيحيه ان الله محبه لكن فى ناس مش بتفهم الجمله دى
مش تزعل يا رامى خلينا نفرح مع بعض بالعيد وربنا يكفينا شر الفتن وشر الناس الغبيه وشر كل حاجه وحشه
روق بقى مش المفروض كنت تحط لنا صورة طبق كحك نلاقيك متعصب كده

عاوزه اقولك على حاجه لسه ياما هنسمع وياما هنقرا ونشوف واللى يعيش هيشوف حاجات لها العجب
ربنا قارد على كل شئ

ربنا قادر يرد كيد الكائدين فى نحورهم

لا حول ولا قوة الا بالله العلى العظيم

روق بقى وعاوزه طبق كحك

زهراء

  كيــــــــــــارا

الخميس، 9 سبتمبر، 2010 8:36:00 م جرينتش+2

يارامي هو الفتن دي اول مره تحصل

ياربي طيب ماهي من زماااان شغاله ولا تشغل بالك

كل سنة والدنيا بخير

:)

  Ramy

الخميس، 9 سبتمبر، 2010 8:44:00 م جرينتش+2

بأعتذر جدا جدا

للناس كلها بس أتحرق دمى

صدقونى من الموقف

و أتحرق دمى من الناس اللى فاكرة أن ممكن نكون موافقين حاجة زى دى تحصل

حطيط فيديو ماجدة علشان نشوف لبنان وصلت لأيه

انا مش عاوز مصر تبقى كده

أبدا

يا رب احفظنا ياااارب

انا على فكرة كنت منز كارت معايدة بس ملحقتش أفرح

ربنا يجازى اللى كان السبب

كل سنة و احنا طيبين

كل سنة و احنا يارب متجمعين

  Mona

الخميس، 9 سبتمبر، 2010 9:00:00 م جرينتش+2

بص يارامى المتخلفين كتير ومش معنى أن فيه واحد مجنون يعنى نحاسب الناس كلها على أنهم مجانين المشكلة فى التصرف ده هو وجود العديد من المتطرفين فى الطرفين بجانب أطراف أخرى ولازم تدخل على مستوى كبير جدا لتجنب كارثة حقيقية - التطرف والتعصب موجود حتى بين الدين الواحد أى كان هذا الدين والمفروض الناس كلها تحترم عقائد الأخرين مهما كانت والأنسان فيه الكويس والشرير بغض النظر عن ديانته لا تأخذ الأمور بحساسية شديدة لأنك أكيد برضة بتقابل ناس واعية ومتفهمة وهى ديه الى أنت لازم تتعامل معها للأسف ساعات الواحد غصب عنه بيقع مع ناس ممكن يخرجوه عن شعوره بس أنت حتلاقى ده برضة مع المسيحين نفسهم - أفضل أكتب ولا تتراجع أبدا ولو المتخلفين كثير أوى الناس الى بتفهم أكثر بكثير بإذن الله- تحياتى

  adel

الخميس، 9 سبتمبر، 2010 9:27:00 م جرينتش+2

استني عليا و سيبلي الطلعة دي علي الاتنين او الحد بالليل
اغلبنا بقم فعلا بهايم

وخصوصا الناس اللي عندهم انفصام
يعني بيقولوا شئ و هما نفسهم بيفكروا في شئ مخالف

  غير معرف

الخميس، 9 سبتمبر، 2010 9:28:00 م جرينتش+2

كلامك واضح إنه صادر من حرقة. ربنا يفتح عليك. وربنا يكفينا شر كل ذي شر وحقد كل ذي حقد.

  Tears

الخميس، 9 سبتمبر، 2010 10:15:00 م جرينتش+2

كويس يا رامى انك بدأت تشوف الصورة بشكل اوسع و اعتقد انك اتاكدت من الرؤية اللى حاولت اوصلهالك

التعصب كراهية ...وباء


بلاش تبقى حساس اوى كده و سيبك منهم و استمتع انت

  ميرا ( وومن )

الخميس، 9 سبتمبر، 2010 11:30:00 م جرينتش+2

رامي أزيك

يارب تكون بخير يارب ومتزعلش نفسك

هو دة برضة اللي اتفقنا عليه

مش قولنا حزن لا
إكتئاب لا

اهو انت بتقول اهو متعصبين أكتر منا ومش فاهمين وفي ناس كتير مش فاهمة برضة يارامي

احنا واجبنا ( كل الناس الغير متعصبة والتي تقبل الآخر )

اننا نتماسك ونقول احنا موجودين بتصرفتنا
انا برضة أول حاجة عرفتها عن المسيحية هي أن الله محبة

ومظتش أهانة أي ديانة سماوية أو كتاب سماوي يرضي ربنا

أرجوك يارامي الأمور تتعالج بهدوء مش بالعصبية

  طالبة مقهورة ..درجة أولى

الخميس، 9 سبتمبر، 2010 11:35:00 م جرينتش+2

رامي

يبني اهدي بس متعصبش نفسك

اللي عاوزين يعملوه يعملوه

لأن ببساطة احنا وصلنا حاليا لحالة انفتاح عقلي كبير

ومش هنولي اهتمام لأي كائن حقير

وبعدين لازم تلاقي ناس شاذين من وقت للتاني في اي ديانة

وده مش هيأثر بشكل كبير بين علاقات الناس وبعضها..مجرد توتر تافه

ووجود ناس كتير زيك كده
هيخلينا نثق ان الراجل ده مجرد(حالة شاذة)

:)
اهدى بقى ومتزعلش ابدا

  ويكا

الجمعة، 10 سبتمبر، 2010 2:24:00 ص جرينتش+3

فيه حاجه بتحصل فى البلد مش مظبوطه.

فيه لعب ولعب مش بسيط ، والشعب تايه ومتساق . ويا حسره عليكى يابلد