خواطر تااانى .....

أه يا قلبى يا اللى تعبنى
أه يا روحى يا اللى تيها منى
أه مش عارف أرجع تانى


ميت أهه و أهه جوه منى
يا ترى هيجى اليوم اللى هطلعها
و اقولها
ياترى ليه مكسوف و أنا بأكتبها
طب لو مكتبتهاش و قلتها
افضل كاتمها جوه قلبى لحد
ما يموت
و وقتها

محدش يقدر يزعل منى
ولا هزعل منه
لأن اللى كان بيحركنى و يقولى
و أقوله
خلاص مات
بس أنا
مش عاوزه يموت
علشان كده هفضل أكتب
هفضل أحكى هفضل أقول
لغاية ما يمكن يوم
ألاقى الحضن اللى يحاجى
ألاقى اللى يسمع و عمره ما يضايق و يدارى
!
خدنى
أيوة خدنى يا قلبى
متسبنيش
!
لو هتموت
خدنى معاك
خدنى
متحرمنيش
من أحساسى
بالناس
متفُتنيش
أبكى عليك
ليه طيب بعد ما قلت كلام
ليه عاوز بس ترجع فيه
ليه طيب بعد ما عملت حاجات
ليه عاوز تمسحها

مش يمكن متجيش فرصه تانى
؟
حتى لما أتغيرت لسه يا قلبى تعبنى
طب أمتى هتكون مرتاح
!
لما تموت؟؟؟
طب ليه...
الموت مش حل
مع الموت
مش هتشوف
مش هتحس
مش هتحب
أه
مش هتحب
يمكن هوا دة اللى تعبك
طب حبيت ليه
ولا ....هو مش بأدينا
و لا.... بمزاجنا
ولا هو ..
مش زى ما كنت فاكر
هو بعيد
أبعد من أنى حتى أفكر فيه
تعب القلب و لسه كتيييير
طيب يا قلبى ممكن؟
دة بس لو
ممكن
تعيش....
تحب
و تعيش

أصلى أنا مش عاوزك
تموت

صدقونى أنا مش حزين
أو زعلان
دة بس
كلام


47 التعليقات:

  همسات وبحــ الحياه ــر

الأربعاء، 22 سبتمبر، 2010 6:08:00 م جرينتش+3

اعتبر نفسى اولتعليق ولا اييه

  همسات وبحــ الحياه ــر

الأربعاء، 22 سبتمبر، 2010 6:17:00 م جرينتش+3

حلو اوى يارامى عجبنى شوية جمل فى البوست

ليه طيب بعد ما قلت كلام
ليه عاوز بس ترجع فيه
ليه طيب بعد ما عملت حاجات
ليه عاوز تمسحها
مش يمكن متجيش فرصه تانى

اكيد عندك حق لان الفرصه احيانا مبتجيش غير مرة واحدة

حتى لما أتغيرت لسه يا قلبى تعبنى
طب أمتى هتكون مرتاح
!
لما تموت؟؟؟

فيه ناس بتفكر ان الموت راحه
طب ماقعد مع قلبك واعملك ساعه صفا وشوف هيقولك ايه يمكن ترتاح بدل مافيه صراع بين قلبك وعقلك

أصلى أنا مش عاوزك
تموت
وليه حكمت عليه بالموت هو احنا من غير قلب وحب نقدر نعيش :)

  Haytham Alsayes

الأربعاء، 22 سبتمبر، 2010 6:17:00 م جرينتش+3

رامي

مش عارف انا حسيت انك تعبان من حكاية الحب دى
كل وقت وله ادان يا رامي
لا تستعجل اترك الشيء يجرى وراك

حلوة اغنية بلاك تيما

تحياتي

  همسات وبحــ الحياه ــر

الأربعاء، 22 سبتمبر، 2010 6:18:00 م جرينتش+3

اها بحييك على اختيارك للموسيقى جميله
وحلو اوى النيو لوك احسن من اللى فات بجد

كمان عايزة اعرف لانى مش عارفه تحط موسيقى ازاى على المدونة
زى ماانت عامل كدا

  محمود(باحث عن حب)

الأربعاء، 22 سبتمبر، 2010 6:21:00 م جرينتش+3

مالك يابنى ايه اللى صابك
ده عين ولا جن اللى جالك
اثبت واعرف طريقك فين
وخليك دايما طبيب نفسك
محدش هيفيد ولا هيوقف جنبك
انت الاانت ولايحك جلدك الا ظفرك

  Ramy

الأربعاء، 22 سبتمبر، 2010 7:30:00 م جرينتش+3

همسات و بحر الحياة

أيوة الأولى (:

لا انا محكمتش علي قلبى بالموت بس الناس حواليا هما اللى عاوزين كدة و انا مش عاوز

شكراليكى دة من ذوقك على فكرة الموسيقى موجودة من بدرى

موقع mixpod

تقدرى تختارى الأغنية او الموسيقى اللى بتحبيها

و انت مع الخطوات هتعرفى تنزليها تخدى كوبى و باست

و تروحى ع المدونة فى تصميم و تختارى

أضافة أداة

و بعد كدة أختارى

html/javascript

  أع ـقل مـ ج ـنـونــة

الأربعاء، 22 سبتمبر، 2010 7:32:00 م جرينتش+3

ممممممم
دايما حزين وشايل هم كدا !

الحب دائما وابداً عذاب <_<

أحييك بجد ع اختيارك للاغنية ..

بعشقها ♥

  Ramy

الأربعاء، 22 سبتمبر، 2010 7:33:00 م جرينتش+3

هيثم السايس

متخفش يا باشا انا موصلتش لحالة التعب

أو وصلت بس مش قوى (:

تمام الاغنية يعنى طب كويس (:

التحية ليك يا صديقى (:

منورنى (:

  Ramy

الأربعاء، 22 سبتمبر، 2010 7:35:00 م جرينتش+3

محمود

بأمانة مفيش حاجة يا جماعة

أمال لو مكنتش كاتب كدة فى الأخر كنتوا عملتوا ايه (:

عارف يا محمود ان مفيش غيرى هيقف جنبى مش تقليل من الأخرين لالا بس علشان انا اللى فاهمنى (:

شكرا يا صديقى

منورنى (:

  Ramy

الأربعاء، 22 سبتمبر، 2010 7:46:00 م جرينتش+3

العاقلة اللى مش مجنونة (:

صدقينى مش حزين

بأمانة دى بس خواطر

صدقينى انا بعلق و انا مبتسم

الحمد لله ان الأغنية عجبتك(:

منورانى دايما (:

  الحب الجميل

الأربعاء، 22 سبتمبر، 2010 8:34:00 م جرينتش+3

ربناااااااا يسعدك يا رامى
يارب
الاغنيه جميله جدا
متميز دائما بالاغانى الجميله
دمت بخير

  Tears

الأربعاء، 22 سبتمبر، 2010 9:34:00 م جرينتش+3

رامى البوست لطيف و قريته كله بس ح اعلق على شىء اخر بصراحة طغى على البوست و على اى حاجة هنا

بير صورته الجديدة عسل اوى...ربنا يحفظة و يحميه

سلملى عليه :)

  richardCatheart

الأربعاء، 22 سبتمبر، 2010 10:01:00 م جرينتش+3

يالهوى يارامى يا واجع قلبى يا واد

يخربيت الحب وسنينه يا اخى نفسى تحاول تطلع نفسك عارفه انه صعب بس لازم تحاول

والنبى هاتحب تانى وتالت ورابع ولو ينفع كنت جوزتك اربعه ههههههههههههه

يارب ترجع زى ماكنت حاسه بقلبك معصور

ربنا يريح قلبك

  كلام من قلبي

الأربعاء، 22 سبتمبر، 2010 10:21:00 م جرينتش+3

حلوة اوي
بجد تحفة
تسلم ايدك
تحياتي

  momken

الأربعاء، 22 سبتمبر، 2010 10:23:00 م جرينتش+3

كل ده ومش حزين

ايوة مصدقك انه مجرد كلام

ماهو المسيح كلمه
ودخل الاسلام كلمه
والقران كلام

والفرق بين الزواج والزنا شويه كلام

الكلام هو احنا
هو روحنا
كل احاجه بتجرى فينا
حتى الددم اى فجروحنا بتعبر عنه بالكلام

كلامك جميل ومؤلم

البوست رائع طبعا كالعاده
كل يوم بتثبتلى انه انسان بجد


تحياتى

  adel

الأربعاء، 22 سبتمبر، 2010 10:49:00 م جرينتش+3

الاغنية حلوة

ولا تعليق يامعلم :)
بعدين بقي

  همسات وبحــ الحياه ــر

الخميس، 23 سبتمبر، 2010 1:22:00 ص جرينتش+3

وليه نخلى الناس تتدخل فى حياتنا وتحكم عليها بالموت

  همسات وبحــ الحياه ــر

الخميس، 23 سبتمبر، 2010 1:24:00 ص جرينتش+3

محدش يعرف نفسه قدك
ولا حد هيعرف يعالج نفسه زيك
تحدى اى حاجة جواك ومتخليش حد يدى قرار مصيرى ليك
دمت بكل خير :)

  amiralcafe

الخميس، 23 سبتمبر، 2010 1:33:00 ص جرينتش+3

سلام يا صديقي*ويحك يا طبيب الجن داويني فان طبيب الانس قد اعياه داي*بهذه الكلمات لك تحياتي.رؤوف

  mrmr

الخميس، 23 سبتمبر، 2010 2:54:00 ص جرينتش+3

خاطره لذيذه يا رامى
والاغنيه كلماتها جميله وهاديه
ربنا يريح قلبك

  فتافيت

الخميس، 23 سبتمبر، 2010 8:45:00 ص جرينتش+3

:((
يعني انا مكتئبة.. اجي الاقي كده
اعمل فيك ايه بقى
احكم انت على نفسك.. وفت عدالة كده

ليه طيب بعد ما قلت كلام
ليه عاوز بس ترجع فيه
ليه طيب بعد ما عملت حاجات
ليه عاوز تمسحها

تعرف نفس الاحساس ده عندي
بعد ما نزلت البوست بتاع النهارده
:( .. ادعيلي

  م. حجاز

الخميس، 23 سبتمبر، 2010 10:52:00 ص جرينتش+3

ممكن كتير جدا الفرصه اللى فاتت ما تجيش تانى ورغم جمالها ورغم روعتها الا ان اللى اجمل منها الامل اللى موجود جواك ان ممكن تيجى تانى

يحيا الامل يعيش الامل

ياريت الامل يفضل ينادى جوانا كل شىء جميل اتحفر فى ذكرانا ومش عايز يموت


ايوه كده يابرنس اشجينا وطلع الكلام اللى جواك هو ده اللى احنا عايزينه

ربنا يسعدك يارامى بوست جميل تقديرى

  Ramy

الخميس، 23 سبتمبر، 2010 4:12:00 م جرينتش+3

الحب الجميل

الله يخليكى

يسعدنا كلنا

(:

طب كويس ان الأغنية عجباكو

عل فكرة انا غشتها من عند أختى العزيزة منى (:

(:

شكرا جدا ليكى

  Ramy

الخميس، 23 سبتمبر، 2010 4:16:00 م جرينتش+3

tears
(:(:(:

أنا هأبتدى أغير من بيير بقا (:

ههههههه


حاضر هوصله سلامك (:

منورانى دايما (:

  Ramy

الخميس، 23 سبتمبر، 2010 4:25:00 م جرينتش+3

ريتشاردية

(:

بأمانة بأمانة (:

أربعة هههههههههههه

لما انا مش قادر على حب واحد هحب اربعة (:(:

هههههههههههههههههههههه

يا خرابى عليكى

صعب أرجع زى ما كنت

الله يخليكى يا ريتشاردية

يسمع منك كدة

منوراااااانى و مضحكانى (:

  Ramy

الخميس، 23 سبتمبر، 2010 4:26:00 م جرينتش+3

كلام من القلب

شكرا جدا ليكى (:

دة من ذوقك

نورتينى (:

  Ramy

الخميس، 23 سبتمبر، 2010 4:47:00 م جرينتش+3

momken

(:

ماشيها مش حزن بس المرة دى

علشان الناس متنهرش منى

(:

الله يخليكى ع الكلام الحلو دة

بس صدقنى بحاول انى اكون انسان

فى الرحلة دى اللى مش عارف هتنتهى على ايه

شكرا ليك جداً

منورنى دايما (:

  Ramy

الخميس، 23 سبتمبر، 2010 4:50:00 م جرينتش+3

عادل

أية رأيك أغنية تمام التمام

(:

و لا يهمك يا معلم كفاية شرفتنى (:

مش عارف صدقنى و بعدين

يا مسهل

(:

منورنى يا باشا (:

  Ramy

الخميس، 23 سبتمبر، 2010 5:22:00 م جرينتش+3

همسات و بحر الحياة

علشان كدة هفضل أكتب

علشان قلبى ميمتش

و علشان انا عارف نفسى

(:

شكرا ليكى جدا

نورتينى (:

  Ramy

الخميس، 23 سبتمبر، 2010 5:25:00 م جرينتش+3

amiralcafe

رؤوف (:

أية بس الكلام الجامد دة

بس تصدق عندك حق

(:

منورنى برشا (:

  Ramy

الخميس، 23 سبتمبر، 2010 5:30:00 م جرينتش+3

mrmr

أيه رايك

بقول كدة من الصبح فاكرنى زعلان (:

الأغية بقى

دة فريق جامد طاع جديد من زمان

(:

التدوينات اللى جاية فى كام اغنية هخودها كدة مع التدوينات

منورانى دايما يا مرمر (:

  Ramy

الخميس، 23 سبتمبر، 2010 5:33:00 م جرينتش+3

فتافيت

أزيك يا بنتى مختفية ليه كدة

معلش بقى بس صدقينى انا مش زعلان

و ياريت انت كمان

على فكرة اوعى ترجعى فى كلام و لا تمسحى حاجات عملتيها

بس نبتدى نفكر بطريقة تانى

أيه هى

مش عااااارف

منورانى يا فتافيت (:

  Ramy

الخميس، 23 سبتمبر، 2010 5:36:00 م جرينتش+3

م.حجاز

شفت يا محمد انت الوحيد

اللى شفت المل اللى فيها

المصيبة اللى انا عمال اطلع اللى جوايا بس الناس هتموت منى (:

ههههههههه

اللى يكرمك يا محمد

شكرا ليك جدا

منورنى دايما يا عسل (:

  mena

الخميس، 23 سبتمبر، 2010 7:54:00 م جرينتش+3

ليه عاوز تمسحها
مش يمكن متجيش فرصه تانى


عنددك حق ف الكلمتين دول اوى اللى بيروح مبيرجعش يا رامى ومتمسحش حاجه عشان متندمش عليها غير لما تفكر كويس تقبل مرورى مدونتك حلوة اوى هتشوفنى باستمرار هنا لو مكنش يضايق ....منه

  Ramy

الخميس، 23 سبتمبر، 2010 8:13:00 م جرينتش+3

mena

علشان كدة انا مش همسح اى حاجة

علشان مندمش

(:

أنت نورتينى و تشرفينى فى أى وقت (:

  فكرة من الزمن ده

الخميس، 23 سبتمبر، 2010 9:10:00 م جرينتش+3

سلامتك يارامي
حتى لو قلت انك مش حزين
لكن واضح ان مودك محتاج شوية فرفشةلان حتى الكليب اللي حطيته حزين
بس تسلم ايدك
يارب يطمننا عنك
تحياتي

  Ramy

الخميس، 23 سبتمبر، 2010 10:57:00 م جرينتش+3

فكرة من الزمن دة

الله يسلمك يا فكرة

أنا كويس صدقينى مفيش حاجة

بجد دى مجرد خاطرة من فترة

البوست اللى جى

بأذن الله هيكون فرفشة (:


منورانى (:

  Mona

الخميس، 23 سبتمبر، 2010 11:14:00 م جرينتش+3

ليه الحزن ده بس؟؟ معلش ساعات الأنسان بيقى حاسس أنه مخنوق ومش عارف يعبر عن ما بداخله لكن ده مش معناه أن الحل فى موت القلب أو الأحساس - خليك دائما متفائل ولا تجعل أى شىء يهزمك مهما كان

وتحياتى لك والبوست الجاى يكون كله أمل وتفاؤل وحلو النيولوك بس معرفتش أسمع الموسيقى بتطلع error

  Ramy

الخميس، 23 سبتمبر، 2010 11:27:00 م جرينتش+3

Mona

أستاذة منى (:


صدقينى مش حزين بأمانة

و علشان انا متفائل عمرى ما هدى فرصة لقلبى يموت

هفضل اكتب (:

و بأذن الله البوست اللى جى جميل

شكرا ليكى جدا

منورانى دايما (:

  محمود(باحث عن حب)

الجمعة، 24 سبتمبر، 2010 1:08:00 ص جرينتش+3

اعمل تحديث لمدونه باحث عندك يا رامى علشان البوست الجديد مش ظاهر عندك

  I will be Myself

الجمعة، 24 سبتمبر، 2010 10:03:00 ص جرينتش+3

من أجل الحب نحيا.. ولاجله ايضا نموت

تحية طيبة.

  ساسو

الجمعة، 24 سبتمبر، 2010 11:35:00 ص جرينتش+3

رامي
متزعلش مني لاني بغيب دايما
بس اعذرني

خاطره لذيذه جدا يا رامي
والاغنيه جميله
دايما اختياراتك تجنن

  Ramy

الجمعة، 24 سبتمبر، 2010 1:39:00 م جرينتش+3

محمود

حاضر هشوف كدة و هظبط الدنيا (:

منورنى (:

  Ramy

الجمعة، 24 سبتمبر، 2010 1:41:00 م جرينتش+3

I will be Myself

عندك حق

التحية ليك

و شكرا للمرور الأول يا رب اشوفك دايما

نورتنى (:

  Ramy

الجمعة، 24 سبتمبر، 2010 1:42:00 م جرينتش+3

ساسو

و لا يهمك دة مكانك فى اى وقت

و انا عارف لما بتكونى مش موجودة دة بيكون غصب عنك

اهم حاجة ان انت بخير

شكرا ليكى (:

منورانى دايما (:

  Mona

الجمعة، 24 سبتمبر، 2010 6:01:00 م جرينتش+3

http://3asoryat.blogspot.com/2006/12/blog-post_07.html

البوست ده من مدونة عاشوريات أنا حبيت أرسله لك مخصوص

تحياتى :)

  Ramy

الجمعة، 24 سبتمبر، 2010 6:14:00 م جرينتش+3

أستاذة منى

شكرا لحضرتك هروح أقراها

و هقولك رأى


شكرا ليكِ جدا

شكرا (: