بناديكى


قلبى بينادى عليكى
بصوت مسمعهوش غيرك
يا ترى سمعه قلبك
ولا صوتى مش مسموع
ولا صوتى مخنوق
و لا البكا مليه
قلبى بينادى عليكى
بينادى و هو خايف
خايف أن يرجع صداه
بس صداه
و هو كان منتظر تردى عليه
أنا و هو بنادى عليكى
من أحساسنا أن ممكن يكون فى أمل
ممكن يجى اليوم اللى تنادى فيه علينا
أو حتى أشارة تدينا
ياللى زمانى بيناديكى
و طول حياتى بدور عليكى
مش هقول عشت وحيد
بس عشت بعيد
أيوة بعيد عن أحساس أنى أنسان
كنت زى أى شيىء موجود
شيىء بيمر عليه الوقت
و ميهموش الوقت ده لقدام و لا لورا
كنت فى حتة ضلمة
ضلمة قوى لدرجة أنى مكنتش ببقى خايف
من كتر ما أتعودت عليها ضلمه
ياااااااااااااه
كل ما افتكر أزاى بقيتى الشعاع اللى نورلى
و أزاى كان بيكبر و يكبر و ينور أكتر
لغاية ما بقيتى شمسى
و فى كل مرة
بناديكى
نورك بيزيد جوايا
أملى بيكبر بزيادة
بالرغم......
أن الناس كلها محتارة
و بعضهم فى الأمل فاقدة
لكن أنا
بيكى أملى مستمر و موجود
حتى لو فى الأخر مكنش
زى ما حبيت أنه يكون
هتفضلى جوايا و معايا
أنتِ الأمل اللى مش موجود
بس هيكون معايا طول الوجود
المجنون



51 التعليقات:

  Haytham Alsayes

الثلاثاء، 14 سبتمبر، 2010 11:15:00 م جرينتش+3

الله يسهلوا
ياعم رامي
هههههههه

ايه المشاعر الفياضة الجياشة دى
ما تديني حبة ياعم

تحياتي ياباشا

  فاتيما

الثلاثاء، 14 سبتمبر، 2010 11:32:00 م جرينتش+3

قدرٌ أنت بشكل امرأة
وأنا مقتنعٌ جداً
بهذا القدرِ
إنني بعضك يا سيدتي
مطر يغسلني أنتِ .. فلا
تحرميني من سقوط المطر
بصري أنت
وهل يمكنها
أن ترى العينان دون البصر؟

نزار قبانى

معرفش ليه حبيت ارد على رقة مشاعرك بحاجة تشبه رقتها يا رامى


عل النداء يصل لصاحبته
فتلبى


خالص ودى
يا ر ر

  لـــولا وزهـــراء

الثلاثاء، 14 سبتمبر، 2010 11:35:00 م جرينتش+3

كنت زى أى شيىء موجود
شيىء بيمر عليه الوقت
و ميهموش الوقت ده لقدام و لا لورا
كنت فى حتة ضلمة
ضلمة قوى لدرجة أنى مكنتش ببقى خايف
من كتر ما أتعودت عليها ضلمه

" ساااااااااااااامي . ايه الجمال ده اكتر تعبير شدني وخلاني اقرأ الكلمات مرة واتنين... تسلم ايدك والصورة تحفة قوووووووووي ..انتى اللي عامل الفيديو؟ ربنا يعزك ياسامي "

  لـــولا وزهـــراء

الثلاثاء، 14 سبتمبر، 2010 11:35:00 م جرينتش+3

نسيت امضي انا لولا اكيد عرفتني من سامي :d

  Ramy

الثلاثاء، 14 سبتمبر، 2010 11:41:00 م جرينتش+3

هيثم السايس

(:
هههههههه

ماشى يا عم

التحية ليك (:

نورتنى (:

  Ramy

الثلاثاء، 14 سبتمبر، 2010 11:49:00 م جرينتش+3

فاتيما الغالية

مامت يوسف الغالى

(:

مطر يغسلني أنتِ .. فلا
تحرميني من سقوط المطر
بصري أنت
وهل يمكنها
أن ترى العينان دون البصر؟

أرد انا اقول ايه

و أنت كاتبه اللى عاوز اقوله منغير ما اقوله

يخليكى لينا يارب (:

يارب

شكرا قوى يا فاتيما

منورانى دايما (:

  Ramy

الثلاثاء، 14 سبتمبر، 2010 11:55:00 م جرينتش+3

لولا و زهراء

لولا الرقيقة

(:

الله يخليكى أخجلتينى بجد

كويس كنت خايف الصورة متكنش ماشية قوى

لالا الفيديو مش أنا

بس ده ع اليوتيوب

ههههههههههه

عارف ان انت لولا

هو فى حد بينادينى سامى غيرك (:

منورانى دايما (:

  ويكا

الأربعاء، 15 سبتمبر، 2010 12:59:00 ص جرينتش+3

مش عارف ليه يا عم رامى على رقة المشاعر الجامده دى ، بس حاسس ان المقصود مش الحب العذرى اللى كلنا عارفينه.

لو هو
يبقى لازم انها تقرا اللى انت كاتبه ده.
لو مش هو ...... يبقى خلاص..... براءه

  أتنين حبيبين

الأربعاء، 15 سبتمبر، 2010 1:04:00 ص جرينتش+3

الله عليك ربنا يكتب ليك كل السعاده والهنا
ويبعد عنك اى حزن


سعيده لما اراه من مشاعر هنا جميله

تحياتى
توتا

  mrmr

الأربعاء، 15 سبتمبر، 2010 1:20:00 ص جرينتش+3

انا بقى نفسى افرح فيك وبسرعه
لحسن شكلك كده على السرايا الصفراء لانك ببساطه ماضى فى النهايه المجنون

ربنا يشفيك يا عم رامى
وطبعا الشفاء ده مالهوش غير علاج واحد
ومتزعلش احنا كلنا فى الهوا سوا مع الفارق طبعا

احساسك رقيق قوى زيك يا رامى
سمعت الاغنيه جميله وكلامتها ومعانيها ثمينه
ربنا يفرح قلبك

  Tears

الأربعاء، 15 سبتمبر، 2010 1:41:00 ص جرينتش+3

عارف يا رامى انا معجبه برومانسيتك و شايفة ان جميل الانسان يعيش كل المراحل و يستمتع بحب الحب نفسه

لكن الخبرة الحياتية بتقول ان اغلب العلاقات اللى بيبقى فيها التهاب مشاعر اوى و تحليق اوى كده بتفشل و الزيجات مش بتكون موفقة لان شعاع الحب و الخيال بيكون مسيطر قبل الجواز و كل طرف بيبقى شايف التانى ملاك و بيتعمى عن فوارق و سلبيات لكن بيفاجىء بيها فى الاخر فبيلاقى الواقع اقل من توقعاته اللى كانت محلقة فى السماء

جايز رايي يبدوا لك سلبي او متشائم دلوقتى بس كمان عشرين سنه ح تكتسب الخبرة دى و ده يفسرلك فرق الرومانسية و التحليق بين الجيل الاصغر و الجيل الاكبر

عيش الرومانسية و استمتع بيها بس لما تتحرك خلى عقلك بس اللى يقودك

  ستيتة حسب الله الحمش

الأربعاء، 15 سبتمبر، 2010 3:48:00 ص جرينتش+3

شوف اهم شيء في الموضوع ان الصوت ما يسمعوش غيرها
ليه؟
لأن مع مشاعر حلوة كدة بتبقى الدنيا انا وحبيبي ومش شايفين حد تاني
ربنا يهنيك
وعلى رأي هيثم
تصقفتين ثم صفارة ثم الله يسهلواااااااااا يا عمونا :)

  MR.PRESIDENT

الأربعاء، 15 سبتمبر، 2010 6:33:00 ص جرينتش+3

انا قلت بس أدخل اغلس
يا جدعان احلف لكوا بايه ان بتكسف
ارد علي الرومانسيات

كل سنة وانت طيب يا عمنا .. ومعلش اعزني يا رامي علي غلظة قلبي ولكنها طبع .
تحياتي

  Noha Saleh

الأربعاء، 15 سبتمبر، 2010 8:43:00 ص جرينتش+3

جميلة اوى
عجبنى جدا الجزء ماقبل الاخير
جميل ان الانسان يكون عنده مشاعر حلوة والاجمل انه يلاقى الشخص اللى يقدر مشاعره

  gogo!sf

الأربعاء، 15 سبتمبر، 2010 10:18:00 ص جرينتش+3

عدم وجود الحب داخل اى انسان يجعله فاقد الحياه والنور والامل

واما يجده فالحب يجعله كالطائر بين النجوم بالسما
كالشمس تبعث دفئها
كالقمر ينير الكون بأكمله

ربنا يسعدك يا رامى ويسعد كل اوقاتك

تسلم ايدك يا قمر

  Baskouta

الأربعاء، 15 سبتمبر، 2010 10:51:00 ص جرينتش+3

مش لاقية غير كلمة واحدة اوصف بيهاالبوست
رقة المشاعر

تحياتي البسكوتية

  Timo..

الأربعاء، 15 سبتمبر، 2010 12:23:00 م جرينتش+3

"كل ما افتكر أزاى بقيتى الشعاع اللى نورلى..
و أزاى كان بيكبر و يكبر و ينور أكتر"

ساعات من كتر تمسكنا بالامل بنوجد له احساس حقيقي وملمس موجود..
رغم انه ممكن..مش يكون (موجود)..!!

صباحك معطر بالوروود :)

  Ramy

الأربعاء، 15 سبتمبر، 2010 12:43:00 م جرينتش+3

ويكا

عُذرى وحياتك يا ويكا

صدقنى

ما هى المشكلة انى مبعترفش إلا بده

حب لأجل الحب

بس صدقنى دى أول مرة بحب

أنا هأكتب بوست قريب هوضح فيه وجهة نظرى كلها

و صدقنى عمرى ما هزعل منها لو مبدلتنيش نفس الحب

شكرا يا ويكا

نورتنى يا باشا (:

  الحب الجميل

الأربعاء، 15 سبتمبر، 2010 12:45:00 م جرينتش+3

الله الله الله
بناديكى .... ويارب تسمع بقا :)))
جميلة يا رامى
دمت بخير

  Ramy

الأربعاء، 15 سبتمبر، 2010 12:45:00 م جرينتش+3

أتنين حبيبين

توتا

شكرا ليكى جدا

على الدعوات الجميلة و على ذووقك

و بأذالله نفرح بيكم (: قريب

سلملنا على حسام (:

نورتينى (:

  Ramy

الأربعاء، 15 سبتمبر، 2010 12:48:00 م جرينتش+3

mrmr

(:

انت اللى فينك

غايبة كده ليه

أنا ماضى المجنون علشان أرضى أى تساؤل ممكن يطرح عن المنطق (:

بس متخفيش لسه بعقى صدقينى

أو لحد دلوقت ع الأقل (:

الله يخليكى

و يفرح قلبك أنتِ كمان (:

نورتينى يا مرمر (:

  Ramy

الأربعاء، 15 سبتمبر، 2010 12:57:00 م جرينتش+3

tears

(:

أول حاجة أوعى تقولى على أى رأى تقوليه عندى أنه سلبى رجاء

يعنى أنا بأكتسب من كل أرأكم حاجة

بتفيدنى فى حياتى حتى لو أنتوا حاسين أنها عكس ما أنا بتمنى

بس الأمانى شيىء و الحقيقة شيىء تانى

صدقينى يا تيرز بأمانة انا عمرى ما حبيت و مكنتش متوقع أنى ممكن أحب فى اى يوم أبداً

يمكن دة اللى مخلى الموضوع محسسكم أنه أوفر

بس عندى دة عادى و يمكن أنا لو كان الموضوع متسهل يمكن كنت أثبت عملى كل كلامى ده

تيرز شكرا ليكى جدا جدا

ملحوظة

أنا عمرى ما بزعل أو ممكن أضيق من ناس انا بحبها و بقدرها و بأحترمها مهما قالوا و مهما أختلفنا(:

بتنورينى دايما (:

  Ramy

الأربعاء، 15 سبتمبر، 2010 1:01:00 م جرينتش+3

د/ستيته

(:(:

دة حقيقى يا دكتورة (:

بجد بتحرجينى فى كل مرة

(:

يا مسهل يا دكتورة (:

بتنورينى دايما (:(:

  Ramy

الأربعاء، 15 سبتمبر، 2010 1:04:00 م جرينتش+3

الريس (:

يا ريس تشرف فى أى وقت ده مكانك

و تغلس براحتك و أنا أقدر أفتح بقى

(:

و انت طيب و بخير و سلامة

لا غلظه و لا حاجة

بس انت لسه ما وقعتش بس دى كل الحكاية (:

نورتنى يا ريس (:

  Ramy

الأربعاء، 15 سبتمبر، 2010 1:11:00 م جرينتش+3

noha saleh

الله يخليكى

كلامك منطقى يا نهى

بس صدقينى حبى لبها مفيهوش أحتمال انى ممكن محبهاش حتى لو مكنش فى رد إيجابى من ناحيتها

صدقينى

شكرا ليكى

نورتينى (:

  Ramy

الأربعاء، 15 سبتمبر، 2010 1:19:00 م جرينتش+3

gogo!sf
(:

يمكن فسرتى كلااااام كتير

باللى قلتيه

الله يخليكى و يسعدك

شكرا ليكى (:

نورتينى (: و أخجلتينى

  Ramy

الأربعاء، 15 سبتمبر، 2010 1:21:00 م جرينتش+3

بسكوته

(:

معقوله و هو فى أرق من البسكوته (:

شكرا ليكى و لذوقك

نورتينى (:(:

  Ramy

الأربعاء، 15 سبتمبر، 2010 1:50:00 م جرينتش+3

timo...

صح يا تيمو حتى لو كان الأمل ده مش ملموس

أحنا بخليه موجود بنعيش بيه

بيحركنا لقدام

شكرا ليك جدا جدا

صباح الورد

نورتنى (:

  Ramy

الأربعاء، 15 سبتمبر، 2010 1:53:00 م جرينتش+3

الحب الجميل

(:(:

يارب بقا (:

الله يخليكى

دمتى بكل خير يارب

منورانى دايما (:(:

  richardCatheart

الأربعاء، 15 سبتمبر، 2010 2:49:00 م جرينتش+3

بدعيلك ربنا يكرمك كلامك جميل واحساسك اجمل

يارب يوصلها وتحافظ عليه

  amiral cafe

الأربعاء، 15 سبتمبر، 2010 3:53:00 م جرينتش+3

merci على هذا الاحساس

  Ramy

الأربعاء، 15 سبتمبر، 2010 4:01:00 م جرينتش+3

ريتشاردية

(:

الله يخليكى و يكرمك انت كمان

شكرا ع الدعاوى الجميلة دى (:

بتنورينى دايما (:

  Ramy

الأربعاء، 15 سبتمبر، 2010 4:04:00 م جرينتش+3

amiral cafe
(:

رؤوف

الحمد لله أن الأحساس عجبك

شكرا ليك جدا

أنا اللى ميرسى على تنويرك ليا (:

منورنى دايما

  wasf_elahsas

الأربعاء، 15 سبتمبر، 2010 8:38:00 م جرينتش+3

مش عارفه اقولك ايه

بس لو انت قريب هتسمع او علي الاقل هتحس
ولو انت بعيد اكيد لا

وساعات تبقي العين في العين وما نشوفش
وساعات البعد يزيد ويزيد معاه الحب
هو اللقاء نصيب والفراق نصيب
ربنا يوفقك
تحياتي

  Ramy

الأربعاء، 15 سبتمبر، 2010 8:50:00 م جرينتش+3

wasf_elahsas

حمد الله ع السلامة

عارف عاوزة تقولى أيه

و صدقينى فاهم بس مش قادر

مش حكاية أن حبيت وبس

وانت قلتيها

ساعات البعد يزيد و يزيد معه الحب

الله يخليكى يا وصف

التحية ليكى أنت

منورانى دايما (:

  كيــــــــــــارا

الأربعاء، 15 سبتمبر، 2010 10:40:00 م جرينتش+3

هي اكيد سمعاك وحاسه صوتك وصداه

حاسه دقات قلبك ونداه

يارب يجمعكو ياااااااارب

  موجة

الأربعاء، 15 سبتمبر، 2010 10:45:00 م جرينتش+3

تيرااااااااراراااااااا
لاء بجد
جميلة
وحسستنى انى بسمع موسيقى رومنسية فى كلماتك الجميلة دى
تسلم

  كلام من قلبي

الأربعاء، 15 سبتمبر، 2010 10:54:00 م جرينتش+3

بجد حلوة اوي
احساسك رائع
تسلم ايدك
تحياتي

  Ramy

الأربعاء، 15 سبتمبر، 2010 11:13:00 م جرينتش+3

كيارا

لو أنا هأسعدها

يارب يسمع منك

غير كده بقى لالا

(:

الله يخليكى

نورتينى يا كيارا

  Ramy

الأربعاء، 15 سبتمبر، 2010 11:18:00 م جرينتش+3

موجة

الله يخليكى يا بشمهندزة

أخجلتينى (:

الله يسلمك

نورتينى يا بشمهندزة (:

  هوبتي

الأربعاء، 15 سبتمبر، 2010 11:23:00 م جرينتش+3

كل ما افتكر أزاى بقيتى الشعاع اللى نورلى
و أزاى كان بيكبر و يكبر و ينور أكتر
لغاية ما بقيتى شمسى
و فى كل مرة
بناديكى
نورك بيزيد جوايا
أملى بيكبر بزيادة
بالرغم......
أن الناس كلها محتارة
و بعضهم فى الأمل فاقدة
لكن أنا
بيكى أملى مستمر و موجود
حتى لو فى الأخر مكنش
زى ما حبيت أنه يكون

واااااااااااااااااااااو

  Ramy

الأربعاء، 15 سبتمبر، 2010 11:30:00 م جرينتش+3

كلام من قلبى

الله يخليكى دة من ذوقك

الله يسلمك

نورتينى (:

  Ramy

الأربعاء، 15 سبتمبر، 2010 11:40:00 م جرينتش+3

هوبتى

طب بعد واااااااااااااو

أقدر اقول حاجة (:

بتنورينى دايما (:

  ELMOSTAFZ

الخميس، 16 سبتمبر، 2010 9:07:00 ص جرينتش+3

شوف يا رامي أنا هقولك الصراحة...
انا مش بحقد عليك عشان حبك ، بس بحقد عليك عشان عندك امل في الحب ده...
فاكر زمان لما قولتلك اني بيأس بسرعة ؟ و اني بكون عارف نهاية الشئ من بدايته ؟ نفسي ابقا زيك و اعرف اتمسك بحاجة و يكون عندي أمل فيها مهما افشل بس الدنيا دايما بتخذلني...

  Ramy

الخميس، 16 سبتمبر، 2010 12:12:00 م جرينتش+3

حسنى

على فكرة أنا زيك بالظبط

بيأس بسرعة صدقنى

بس دى الحاجة الوحيدة اللى ميأستش فيها اللى الأمل فيها 1%

عارف ليه علشان لأن هى مش زى ما أنتم ممكن تكونوا فاكريين أن ممكن الموضوع مأثر عليا بالسلب

بالعكس أنا بقيت أيجابى أكتر من الأول بكتير

يمكن لسه عندى سلبيات كتير بس بحاول اقللها

شوف يا حسنى عمر الدنيا ما هتيجى على هوانا أبدا صدقنى

بجد فتنسى الدنيا و تأثيراتها السلبيه

علشان تقدر تكمل


تحياتى

منورنى يا حسنى (:

  شمس النهار

الخميس، 16 سبتمبر، 2010 3:04:00 م جرينتش+3

الكلام جميل اوي يارامي

متناسق كده مع بعضه ولطيف

تسلم ايدك

تحياتي

  Ramy

الخميس، 16 سبتمبر، 2010 4:18:00 م جرينتش+3

شمس النهار

الله يخليكى دة من ذوقك (:

الله يسلمك

منورانى (:

  NaDa

الخميس، 16 سبتمبر، 2010 5:55:00 م جرينتش+3

جميـــلة أوي يارامي

والأحساس فيها وصل للقلب .

  Ramy

الخميس، 16 سبتمبر، 2010 6:03:00 م جرينتش+3

NaDa

اهلا بيكى

طبعا معرفتش مين انت فى الأول

بس عرفت (:

شكرا ليكى

نورتينى و يارب دايما (:

  طالبة مقهورة ..درجة أولى

الخميس، 16 سبتمبر، 2010 7:26:00 م جرينتش+3

امممممممممم

هوا الحب ده ايه

بيدي امل ولا بياخده؟؟

حلو زي ما بيوصفوه ف الافلام والكتب والروايات ولا مجرد عذاب؟؟

مش عارفة يمكن عشان غموضه هوا والموت بيجذب الناس يكتبوا عنهم

عشان حواليهم اسئلة كتير

:)

تسلم ايديك كعادتك متألق يا رامي

  Ramy

الخميس، 16 سبتمبر، 2010 8:00:00 م جرينتش+3

طالبة

مش مقهورة ...ها

(:

شوفى بقى الحب دة غير الموت لأن الموت هو حالة واحدة بتحصل لينا كلنا بنهايه واحدة

الحب بيجى للناس بطريقة يا معتادة او بطريقة غير معتادة يعنى ايه

ممكن احب عادى زى اى حالة موجودة و ممكن يستمر او لأ و ينتهى نهايه عادية

و ممكن حب بطريقه غير عادية يعنى الحب يخبط فيك غصب (:

و ممن ينتهى بطريقه غير عادية

و فى كل ده انتى اللى بتحددى الحب
ده بيديكى الأمل و لا بياخده منك


يارب مكنش لخبطك بزيادة (:

ببتنورينى دايما (: