أسف جدا جدا ع الأزعاج


أولا أنا بأشكركم جدا جدا جدا جدا
بجد أنا منغيركم ممكن مكنتش عديت الضيق اللى أنا كنت فيه
انا يمكن مبعرفش أزعل قوى بس لما بزعل
بزعل بجد
بزعل لدرجة انه كان هيجيلى هبوط
بس برجع بسرعة جداً
أرجوكم محدش يكون زعل منى
لو سمحتم
شكرا لكل اللى سأل و كل اللى ملحقش
شكرا أخواتى الأعزاء
على البوستات
مدونة واحد شاى
مدونة الحب الجميل
يا رب تقوم بالسلامة اللى برغم تعابها كتبت برضه
مدونة أيام وبعشها
مدونة بالحب أتجمعنا
و الناس اللى أتصلوا
بجد بجد بجد
شكرا
ليكوا كلكلو بجد
و محدش يقولى متشكرش لا هأشكر اها (:
بجد دة كفاية الخضة
بأشكر كل اسم كان فى التدوينة اللى فاتت (:
اللى مش هشلها لالا هخليها علشان تفكرنى أنى محولش أفكر فى كدة تانى
و تفكرنى أنى فى ناس جميلة زيكم
و تفكرنى دايماً أن فى ناس بتحبنى (:
أسف بعمق
أسف بأحراج
أسف و أنا وشى فى الأرض
محدش يقولى متتأسفش
و معلش مش هاقدر أتكلم عن اللى كان خلانى أعمل كده
برغم انى فرحان و أن الموضوع مخدش وقت طويل معايا
بس لسه أحساسى بالذنب أنى أكيد خضتكوا
بس انا فرحان زى ما يكون مسافر بقالى شهور
و جيت
بجد انا و بكتب البوست كنت ببكى
بحبكم كلكم صدقونى
حتى لو أختلفنا
علشان كده انا بهديكم و بأهدى نفسى (:
أخرج م البيبان الحر الضيقة
و بقول لنفسى على رأى ميرا (وومن)
كفاية أكتئاب
خوفك مش قدر و هروبك مش طريق




جعلت الرب امامى فى كل حين

60 التعليقات:

  كيــــــــــــارا

الجمعة، 3 سبتمبر، 2010 9:39:00 م جرينتش+2

اتاخرت دقيقة

اعملك فيك ايييييييه

  كيــــــــــــارا

الجمعة، 3 سبتمبر، 2010 9:40:00 م جرينتش+2

هسامحك عشان رجعت بس بردو بتعتذر يابني قلتلك اهم حاجه انك بخير دلوقت ومش في اعتذار بين الاخوااااااات

افهمهاااااااااااااااااالك ازاااااااااااااي

  Ramy

الجمعة، 3 سبتمبر، 2010 9:43:00 م جرينتش+2

كيارا

(:

معلش بقى هو داء أصلى

مش عارف أتخلص منه

الحمد لله أول ضحية سمحتنى اهوا

عقبال الباقى بقى

نورتينى يا كيارا (:

منجلكيش فى حاجة و حشة ههههههه

  كيــــــــــــارا

الجمعة، 3 سبتمبر، 2010 9:45:00 م جرينتش+2

ضحية

يالهوووووووووووووي

هو انت كنت ناوب تضحي بيا في العيد ولا ايه

يانهار يانهارررررررررر


لالالا انا اشجب

اشجب

يوه اصدي


ياعم مش فيه بين الاخوات الحبشتكانات دي

  ستيتة حسب الله الحمش

الجمعة، 3 سبتمبر، 2010 9:46:00 م جرينتش+2

حمد الله على السلامة يا جدع
اوعى تخضنا تاني لحسن نجيب صواريخ رمضان ونخضك في المدونة :)
عودا حميدا

  Ramy

الجمعة، 3 سبتمبر، 2010 9:50:00 م جرينتش+2

كيارا

أيوة ما انتوا ضحايا

البوست اللعين اللى فات

معلش (:

  Ramy

الجمعة، 3 سبتمبر، 2010 9:52:00 م جرينتش+2

د/ستيتة

يا هلا ياهلا

الله يسلمك

و لا يمكن حتى أفكر أعملها تانى

صحبة واجب يا دكتورة

و من غير حلفان بأمانة كان لحضرتك

مش أقل من 2 كادبورى فى لقاء ابو الريش

بس ملحوقة بأذن الله

بتنورينى دايما يا دكتورة

  دموع القمر

الجمعة، 3 سبتمبر، 2010 10:03:00 م جرينتش+2

ياااااااااه بجد منعرفش فرحت قد ايه

  دموع القمر

الجمعة، 3 سبتمبر، 2010 10:05:00 م جرينتش+2

اوعى تفكر فى كدا تانى والله الواحد بيزعل لما حد بيسيب التدوين
ربنا يفك كربك
ولو كل حد جاله اكتئاب يومين ساب التدوين هنسيبها مهجورة :)
دا بيتنا اللى منقدرش نسيبه :)
دمت بكل خير

  دموع القمر

الجمعة، 3 سبتمبر، 2010 10:05:00 م جرينتش+2

شوفت بقى القصه مستنياك تحط تعليقك فيها
وكمان لم اقل وداعا :)

  Silver Eyes

الجمعة، 3 سبتمبر، 2010 10:08:00 م جرينتش+2

رااااااامى :)
حمدلله ع السلامة

احنا مش اتفقنا اننا اخواتك وعيلتك ..
يبقى مفيش لا شكر ولا اسف بينا خالص

المهم انك بخير
ونورتنا من تانى :)

  Ramy

الجمعة، 3 سبتمبر، 2010 10:12:00 م جرينتش+2

دموع القمر

واحد و اتين و تلاته (:(:(:

الله يخليكى و بأذن الله مفيش كدة تانى ابدا (:

و القصة هروح اشفها و هعلق عليها دا احنا بنستناها بقينا (:

نورتينى (:

  Tears

الجمعة، 3 سبتمبر، 2010 10:29:00 م جرينتش+2

حمدلله على سلامتك يا رامي

اكيد التجربة ح تفيدك جدا


دمت بخير

  محمود(باحث عن حب)

الجمعة، 3 سبتمبر، 2010 10:36:00 م جرينتش+2

متأخر عليا فى
http://bahesanhob.blogspot.com/
http://elbanany.blogspot.com/
خلاص رجعت بالسلامه
بلاش
دلع
وتعالى
بقه
مستنيك

  Ramy

الجمعة، 3 سبتمبر، 2010 10:38:00 م جرينتش+2

Silver Eyes

(:

أزيك

أيه الغيبه دى

ما انت مبتسألش يا عم رامى

معلش بقا بعيد عنك كنت فى حالة يرثى لها

بس الحمد لله عدتها و بأذن الله مش هتكون تانى

دة انتى اللى منورانى دايما (:

  Ramy

الجمعة، 3 سبتمبر، 2010 10:42:00 م جرينتش+2

محمود

حاضر حاضر حاضر (:(:(:

هجيلك صدقنى

منورنى يا عسل (:

  Ramy

الجمعة، 3 سبتمبر، 2010 10:44:00 م جرينتش+2

تيرز

انا عارف انت جاية مخصوص

بجد عارف و مقدر

تسلميلى بجد الله يسلمك

انا استفدت و طلعت أقوى الحمد لله

نورتينى و بتنورينى (: دايما

  عمرو يسرى

الجمعة، 3 سبتمبر، 2010 10:51:00 م جرينتش+2

حمد الله على السلامه
كويس انك بخير
خلى بالك ان احنا نبداء نقارن من البوست اللى جاى بين رامى قبل التجربه ورامى بعديها
مستنينك متاخرش علينا

  Ramy

الجمعة، 3 سبتمبر، 2010 11:01:00 م جرينتش+2

عمرو يسرى

الله يسلمك

الحمد لله

حاضر هخلى بالى بقى من المقارنة(:

مش هتأخر بأذن الله

نورتنى يا عمرو (:

  الحب الجميل

الجمعة، 3 سبتمبر، 2010 11:03:00 م جرينتش+2

نوووووووووووووووووورت يا باشا
نورت يا رامى
بيتك التانى
ووسط أخواتك وحبايبك
وعلى راى كيارا
مفيش اعتذار بين الاخوات
ربنا يخليك دايما فى وسطينا
ومرسيى على الدعوة
مش هتعب لأغلى منكم والله
دمت فى حفظ الرحمن

  adel

الجمعة، 3 سبتمبر، 2010 11:22:00 م جرينتش+2

حمدالله علي سلامتك
بس ليه كده ياعم ؟
ده انا قلت عندنا ضحية واحدة
LOOL

  mrmr

الجمعة، 3 سبتمبر، 2010 11:40:00 م جرينتش+2

ايوه كده يا وديععععععععع
نورت المدونه
متعملهاش تانى بدل ما ابعتلك خمس صعايده يجوا يجروك من ودانك علشان تحرم تعمل كده تانى
البلوجر وحش من غيرك يا جدع

  كلام من قلبي

الجمعة، 3 سبتمبر، 2010 11:44:00 م جرينتش+2

ولا يهم امال احنا هنا ليه مهوا عشان كدة
حمدالله على السلامة واهم حاجة انك رجعت تاني وانك اتغلبت على المشكلة بسرعة

  فاتيما

الجمعة، 3 سبتمبر، 2010 11:44:00 م جرينتش+2

صواريخ ايه يا ستوتة يا قمر
احنا داخلين ع العيد
نمشيها بومب بقى م البلكونة
و ف بير السلم



و غنوة منير دى اخترتها مرة
ف بوست لتجمع تدوينى سابق ..
عشان لمتنا فرحة و خير
رغم اى منغصات


و يا رامى
ارجوك
لا اعتذرات
و لا انسحابات
و البلوجر دا احسن من غيره
و رابطة محبى ر ر ممتنين لرجوعك
و مش مهم يعرفوا ليه و ازاى
المهم

حمدلله ع السلامة يا ر ر

  sony2000

الجمعة، 3 سبتمبر، 2010 11:57:00 م جرينتش+2

اسمحك
امممممممممممممممم
هات شيكولاته ذي اللي جبهتالي
ههههههههههههههه
خلااااااااااااااااث
مسمحاك ياعم من غير ماتعمل حاجه
علشان تعرف بس:((((

  لـــولا وزهـــراء

السبت، 4 سبتمبر، 2010 12:08:00 ص جرينتش+2

يا سامي انت وقعت قلبي قولت هو فيه ايه ايه اللي حصل
ياربي طب كان يقول مضايق من ايه مصدوم ليه مش يرعبنا كدا ويمشي بجد لو كنت قدامي ...كويس انك مكنتش قدامي لاني كنت قلقانة ومتعصبة وخايفة
يلا متعملهاش تاني بقى عشان مزعلش منك وانا زعلي بعيد عنك وحش قوي :d

وحشتنا كلماتك الحلوة
جميل محمد منير ومعاني اغانية

تسلم ايدك على اخر كلامك اجمال بعد تفصيل وملخض لكل الكلام

لولا

  Noha Saleh

السبت، 4 سبتمبر، 2010 12:49:00 ص جرينتش+2

حمدالله على السلامة
اكيد كده القرار السليم المدونة مالهاش دعوى بأى حاجة ابدا
ومفيش داعى للاسف

  لـــولا وزهـــراء

السبت، 4 سبتمبر، 2010 1:25:00 ص جرينتش+2

رامى


مافيش اى اسف بين الاخوات والاصدقاء ولازم اننا نتحمل بعض بجد

وبعدين احنا اسمنا مكتوووووووووووووب يا خبر ماحدش فينا عمل اى حاجه
ربنا يعلم يا رامى انك اخ جميل جدا جدا وانسان تشرفت بمعرفته
ربنا يديم بينا المعروف ويبعد عنا وعنك الحسد

زهــــــراء

  الشـــــوكه النــاعمه

السبت، 4 سبتمبر، 2010 4:19:00 ص جرينتش+2

welcome backe
بس انا برضوا ليا معاك كلام تانى خالص ياعم رامى
هاتشوف زعل اختك الصغيره بجد
ولعلمك ياعم رامى مش هاتصالح
بس هـــــى

  داليـ ـ ـ ـ ـ ـ ــــا

السبت، 4 سبتمبر، 2010 4:44:00 ص جرينتش+2

لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى
لووووووووووووووووووووووووولى

  داليـ ـ ـ ـ ـ ـ ــــا

السبت، 4 سبتمبر، 2010 4:47:00 ص جرينتش+2

حمدلله بالسلامه ياجاى من السفر
كمل انتا بقه باقى الاغنيه

ايوه كده يامان والله ياعم احنا ما نقدر نستغنا عنك
يووووووووووووووه
ااقصد انك انتا اللى متقدرشى تستغنا عننا هههههههههههههه

اوعا تعمل كده تانى انا بقولك اهو
صباع من ايدى واقف

ده تحذير
وانا بقول الكلمه مره واحده
مش هعدها

كل واحد عقله فى راسه يعرف خلاصه

  Mona

السبت، 4 سبتمبر، 2010 5:30:00 ص جرينتش+2

على فكرة أنا بعت لك أيميل محبتش أسيب تعليق هنا بس واضح أنه لم يصل لك عموما حمد لله على سلامتك - وتحياتى وشكرا على أغنية محمد منير

  أع ـقل مـ ج ـنـونــة

السبت، 4 سبتمبر، 2010 10:12:00 ص جرينتش+2

استني كدا افكر اسامحك و لا لاء :P

خلاص تقبلنااااااااااه ياسيدي

بس سايقة عليك النبي ياخويا ماتعملها تانى

في ناس رغم اني متعاملتش معاهم فيس تو فيس لكن معزتهم في قلبي كبيرة

وانت منهم يارامي

الله يوفقك في كل حين يارب :)

  Baskouta

السبت، 4 سبتمبر، 2010 11:50:00 ص جرينتش+2

حمدالله على سلامتك يا رامي
يارب دايما بخير
وربنا مش يجيب حاجة وحشة تاني
تحياتي البسكوتية

  Ramy

السبت، 4 سبتمبر، 2010 11:53:00 ص جرينتش+2

الحب الجميل

دة نورك صدقينى

الله يخليكى

انا و مكنش ينفع مشكرش حتى أخواتى (:

فى حفظ الرحمن

و تقومى لنا بالسلامة قريب قوى قوى (:

نورتينى (:

  Ramy

السبت، 4 سبتمبر، 2010 11:57:00 ص جرينتش+2

عادل

عادل شريف رزق الله بأذن الله (:

لا دول عدد الضحايا اللى البوست اللعين عملهم (:

و هتزل امتى يا عم فى مدونة السينما عاوز اروح أغلس (:

نورتنى يا دُولة

  Ramy

السبت، 4 سبتمبر، 2010 12:03:00 م جرينتش+2

مرمر

أزيك معلش ع الخضة انا عارف

و ادينى فهمت اخيرا اهوا (:

لالا منغير صعايدة الله يخليكى

دة البلوجر جميل بيكوا انتوا صدقينى

بتنورينى دايما يا مرمر (:

  Ramy

السبت، 4 سبتمبر، 2010 12:14:00 م جرينتش+2

كلام من قلبى

أكيد كلامك صح جدا

الله يسلمك الحمد لله أنا اتغلبت عليها بيكوا انتوا

شكرا ليكى

نورتينى (:

  Ramy

السبت، 4 سبتمبر، 2010 12:30:00 م جرينتش+2

فاتيما

مامت يوسف الغالية مامت الغالى (:

الله يخليكى يا فاتيما

ايوة كدة خففوا الحكم عليا (:

خلوها بومب بس

لمتنا فرحة و خير رغم المنغصاااات (:

عندك حق يا فاتيما بأمانة

منكتش أقدر مأعتذرش

بس صدقينى وعد عمرى بأذن الله ما هفكر كدة تانى

و كمان رابطة هههههههه

لالالا دة كتييييييييير قوى قوى قوى (:

منحرمش منك و لا منهم يا رب

الله يسلمك يا فاتيما

نورتيمى و شرفتينى (:

  Ramy

السبت، 4 سبتمبر، 2010 12:33:00 م جرينتش+2

sony2000

(:

الله يخليكى دة العشم برضه ان انتوا تسمحونى

لالا أمر الشيكولاته ده أمر مفروغ منه (:

نورتيييينى (:

  ELMOSTAFZ

السبت، 4 سبتمبر، 2010 12:35:00 م جرينتش+2

حمدلله ع السلامة يا رامي...
ربنا يريح قلبك و يبعد عنك الهموم...
بس هقولك بردوا الألم بيخليك تكسب خبرة ، يعني دايما كنت بقول لنفسي كل ما اوصل لأقصي حد من الألم كل ما هتهون عليا الألام الجاية لإني ساعتها هكون حسيت باللي أشد منها قبل كده...
ربنا يسعدك و يفرح قلبك...

  Ramy

السبت، 4 سبتمبر، 2010 12:49:00 م جرينتش+2

لولا و زهراء

لولا

انا اسف بأمانة يا لولا

عارف لوكنت قدام اى حد فيكوا هيرمينى باللى هيقدروا بيه ربنا

و الحمد لله انى مش قدامك (:

و انا اقدر أفكر حتى أزعلكم تانى

الله يخليكى
كلماتى حلوة علشان انتوا اللى بتقروها

حلوة الاغنية حستها لينا كلنا

و صدقينى انا مكتبتش اخر جملة دى خالص بأمانة انا لقتها فى البوست
بجد لدرجة انى شكيت فى نفسى بس هى رسالة ليا

شكرا ليكى يا لولا و أزاى الوالدة دلوقت يارب تكون فى تحسن مستمر

نورتينى (:

  Ramy

السبت، 4 سبتمبر، 2010 1:20:00 م جرينتش+2

Noha Saleh

(:

الله يسلمك

أكيد ان دة القرار الصح

لا كان لازم أتأسف دا انا كنت غلطان جدا

بس خلاص الحمد لله

شكرا ليكى

نورتينى (:

  Ramy

السبت، 4 سبتمبر، 2010 1:24:00 م جرينتش+2

لولا و زهراء

ذهراء

ايوة انا لازم كنت أتأسف عن هذا البوست اللعين (:

لا ما فى بوست أبتهالات فى أهداء
ليا على ابتهلات انا بحبها (:

على قولك ربنا يبعد عننا عين الحسوووود يا رب (:


منورانى (:

  Ramy

السبت، 4 سبتمبر، 2010 1:26:00 م جرينتش+2

الشوكة الناعمة

(:

و انا أقدر برضو على زعلك

بأمانة مقدرش ابدا


بس برضو منورانى حتى و انت زعلانة(:


نورتينى (:

  Ramy

السبت، 4 سبتمبر، 2010 1:39:00 م جرينتش+2

داليا واحد

هههههههههههههههههههههههههههههههههه
ههههههههههههههههههههههههههههههههه
هههههههههههههههههههههههههههههههههه

شكرا (:

داليا اتنين

أجمل اغنية بحبها جدا بجد

و لا ينكن أبدا أكررها و لا حتى أفكر

هو بعد التهديدات دى كلها هيجلى قلب(:

و انا الحمد لله عقلى فى راسى (:(:


بتورينى يا داليا دايما (:

  Ramy

السبت، 4 سبتمبر، 2010 1:45:00 م جرينتش+2

MONA

أستاذة منى

انا اسف كنت قليل الذوق مع الناس بالبوست و عدم ردى

لا انا شفته دلوقت و شكرا جدا كنت متأكد صدقينى ان حضرتك اكيد هتسألى

أسف لعدم الرد

الله يسلمك

العفو على ايه بس دى حاجة بسيطة جدا (:

شكرا لحضرتك جدا جدا (:

نورتينى (:

  Ramy

السبت، 4 سبتمبر، 2010 1:53:00 م جرينتش+2

أعقل مجنونة

(:

شكرا ليكى على تقبلك أسفى

و كمان صدقينى عمر الفكرة دى هتهوب ناحيتى تانى بأذن الله

الله يخليكى و انتوا صدقينى غلاوتكم عندى كبيرة

علشان كدة انا متأسف ليكوا جدا ع الخضة دى

الله يخليكى ع الدعوة الجميلة دى

و يوفقك انتى كمان


منورانى (:

  Ramy

السبت، 4 سبتمبر، 2010 2:20:00 م جرينتش+2

بسكوتة (:

(:

الله يسلمك

الله يخليكى

و مفيش حاجة وحشة تانى ان شاء الله

شكرا ليكى جدا (:

منورانى (:

  Ramy

السبت، 4 سبتمبر، 2010 2:30:00 م جرينتش+2

حسنى العزيز(:

الله يسلمك يا حسنى

هقولك اه الواحد بيطلع من أى تجربه كويسة او وحشة بخبرة

بس لا يمكن لخبرة الألام المتراكمة تخلينى أفقد الأحساس بالألم

لأن فى اللحظة دى هأفقد أحساسى بالأخرين و هأفقد احساسى بأنسانيتى

بتنورتنى يا حسنى (:

  ميرا ( وومن )

السبت، 4 سبتمبر، 2010 2:51:00 م جرينتش+2

اسامحك ... ؟؟؟!!

أسامحك دة ايه ؟؟ دة انا لما قريت البوست قعد يجي نص ساعه متنحة

ومش مصدقة وبقول لنفسي يعني ايه ؟؟؟

هو ايه اللي حصل ؟؟؟ أزاي يعني يمشي ويسيبنا ؟؟

لالالالا اوعي تفتكر ان دخول التدوين زي خروجة يا أستاذ
مش بعد ما بقي ليك مكان وسطينا ومعزة في قلوبنا

تقولنا هامشي

وبلاش اعتذارات كتير بقي احنا اخوات وأهم حاجة انك رجعت

حمد الله علي السلامة وياريت بقي تساعدني في حملة كفاية إكتئاب علشان بجد بقي بذيادة

  Ramy

السبت، 4 سبتمبر، 2010 3:14:00 م جرينتش+2

ميرا

السماح الله يخليكى

مقدرش أبدا على كدة انا عارف البوست كان صعب و ندمان جدا

انا خليته علشان محولش أفكر فى كده تانى

و كان لازم أتأسف و اقدم أعتذرات

من هنا للسنة اللى جاية كمان

و معاكى فى الحملة (:

للقضاء ع الأدمان قصدى الكئابة (:

الله يسلمك يا ميرا

منورانى دايما بأمانة (:

  gogo!sf

السبت، 4 سبتمبر، 2010 3:47:00 م جرينتش+2

حمد الله على السلامه يا سى الاستاذ رامى بيه

المهم انك بخير ومش مهم ايه حصل وصلك للى انت كنت فيه الاهم من كل ده انك رجعت وبالف خير


بس يا رامى انت شوفت ايه اصل انا عندى فضول غريب ههههههههههه

  Ramy

السبت، 4 سبتمبر، 2010 4:07:00 م جرينتش+2

gogo!Sf

(:

الله يسلمك (:

و سى و أستاذ يا نهار ابيض دة انت متغازة قوى
بس انا مقدر (:(:

مش هتتكرر (:

انا الحمد لله

أشكرك جدا

انا عارف انى سخيف انى مقلتش السبب

بس هتعزرونى انا عارف

بتنورينى دايما (:

  قهوة بالفانيليا - شيماء علي

السبت، 4 سبتمبر، 2010 7:03:00 م جرينتش+2

طيب ألف سلامة يا سيدي :)
الحمدلله انك بخير ..
و شكرا ًعلى منير .

  Ramy

السبت، 4 سبتمبر، 2010 7:15:00 م جرينتش+2

شيماء على (:

الحمد لله

عفوا

بس أهم حاجة يكون سمحتونى بس (:

شكرا ليكى

نورتينى (:

  Timo..

الثلاثاء، 7 سبتمبر، 2010 2:20:00 م جرينتش+2

ممممممم انا اول ما قريت الاسم بتاع البوست كنت ها اشك في نفسي اكون كتبت بوست عن مدونتي عندك :)
بس لما قريت الموضوع فهمت..
وبعدين يا سيدي ما بين الاخوات اعتذار
وديما بنحتاج من وقت للتاني نعرف مين من الناس بيحبنا ومين مش بيهتم بينا عشان نقدر (نكمل) في مشوار الحياة

  Ramy

الثلاثاء، 7 سبتمبر، 2010 2:25:00 م جرينتش+2

timo
(:

بأمانة و انت تستحق يا تيمو

يتكتب عن المدونة بوست مدونتك من المدونات اللى بحبها بجد (:

الحمد لله ان الفترة دى مطولتش معايا

معلش بقا خيبت ظنك مكنش بوست عليك (:

شكرا ليك

نورتنى (:

  مفيـــــــــــــــــــــــــد

الأربعاء، 8 سبتمبر، 2010 4:45:00 م جرينتش+2

السلام عليك يا رامي
لما باركت لي العيد قمت مباشرة بزيارة مدونتك فإذا بي أفاجئ الذي بارك لي العيد بكل محبة نصراني مصري و زرت كذلك مدونات أصحابك
في الواقع غيرتم نظرتي نحو نصارى مصر اللي كنت آخذها عليهم من أيام البالتوك

قال تعالى: " لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُوا الْيَهُودَ وَالَّذِينَ أَشْرَكُوا وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ(82)وَإِذَا سَمِعُوا مَا أُنْزِلَ إِلَى الرَّسُولِ تَرَى أَعْيُنَهُمْ تَفِيضُ مِنَ الدَّمْعِ مِمَّا عَرَفُوا مِنَ الْحَقِّ يَقُولُونَ رَبَّنَا آمَنَّا فَاكْتُبْنَا مَعَ الشَّاهِدِينَ(83) وَمَا لَنَا لَا نُؤْمِنُ بِاللَّهِ وَمَا جَاءَنَا مِنَ الْحَقِّ وَنَطْمَعُ أَنْ يُدْخِلَنَا رَبُّنَا مَعَ الْقَوْمِ الصَّالِحِينَ(84)فَأَثَابَهُمُ اللَّهُ بِمَا قَالُوا جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا وَذَلِكَ جَزَاءُ الْمُحْسِنِينَ(85)وَالَّذِينَ كَفَرُوا وَكَذَّبُوا بِآيَاتِنَا أُولَئِكَ أَصْحَابُ الْجَحِيمِ(86) "

جزيل الشكر لك يا سيد رامي ودامت الأفراح
ودمتم سالمين

  Ramy

الأربعاء، 8 سبتمبر، 2010 5:04:00 م جرينتش+2

و عليكم السلام يا مفيد (:

أولا بجد شرفتنى بزيارتك دى

ثانيا انا لما دخلت المدونة عندك

علشان مش مصرى وكنت حابب أدخل لمدونين تانى مش مصريين أشوف التفكير و الموضوعات اللى بيتكلموا فيها

بجد مدونتك جميلة مش مجاملة انا قريت كام موضوع و الموضوع اللى اثار فضولى منع برنامج خواطر من التصوير فى المغرب

و صدقنى التعامل مع الناس النسبة ليا مبيدخل عامل الدين عندى فى التقييم

بالنسبة لموضوع البالتوك انا دخلته مره واحده للفضول شفت الجانيبن
و بجد معجبنيش و مدخلتش تانى

و بعد كدة لا شكر على واجب

دا انا لسه هتزهق منى من كتر ما هاجى أعلق عندك (:


نورتنى و شرفتنى (: