أعتـذااااااار + و أستراحة و يمكن مرجعش

أنا هأطر أنى مش هأكتب فترة محدش يفتكر علشان موضوع مع ملاكى أو أى شيىء بس أنا اسف ليكوا جميعا أنا بأكتب و منهار نفسيا جدا لأن اللى شفته و سمعته ميطمنيش فمش عارف هرجع أمتى سامحونى

كان نفسى أفضل معاكوا

انا اسف

51 التعليقات:

  Noha Saleh

الأربعاء، 1 سبتمبر، 2010 7:45:00 م جرينتش+2

انا مش فاهمة حاجة على فكرة
بس ليه كده على فكرة كده ماينفعش
لو فى مشكلة اكيد لها حل
لكن ماينفعش كده ابدا
فكر تانى لان مدونتك مش ملكك لوجدك وفى ناس بتنتظر البوستات اللى بتكتبها
بجد فكر تانى

  فاتيما

الأربعاء، 1 سبتمبر، 2010 7:48:00 م جرينتش+2

مالك يا رامى فيه ايه يا بنى ؟؟

ايه الكلام دا ؟

طب ممكن تهدى
و تفهمنى فيه ايه؟؟

حد زعلك مننا ؟

مفيش حاجة اسمها مش هرجع
و ان شاء الله هتفضل معانا

و بتعتذر على ايه بس ؟!!

اهدى طيب
و بعدين نتكلم


بس انا مش موافقة لا انا و لا أى حد بييجى هنا ع اللى بتقوله دا
ماشى ؟

اختك فاتيما
يا ر ر

  mrmr

الأربعاء، 1 سبتمبر، 2010 8:15:00 م جرينتش+2

رامى انت شغلتنا عليك
عايزين نطمن
انت عارف قد ايه كلنا بنعزك كاخ
عايزين نعرف السبب

  دموع القمر

الأربعاء، 1 سبتمبر، 2010 8:18:00 م جرينتش+2

ايه ايدا ايدا

ليه كدا يارامى

لعل المانع خير ان شاء الله

استريح براحتك وخط كفايتك
بس انك مترجعش دى لا
الواحد مبيصدق كدا يلاقى مدونين كويسين يقوموا يختفوا كدا

فكر تانى وعيد حسابتك
وربنا يقدرلك اللى فىه الخير
طيب لما انت تغيب يعنى مين هيغلس عليا يعنى وهيقرا القصص بتاعتى هههههه

دمت بكل ود وبكل خير
واتمنى انك تلغى فكرة عدم الرجوع دى

  الحب الجميل

الأربعاء، 1 سبتمبر، 2010 8:20:00 م جرينتش+2

رامى
مالك
فية ايه بس
ما انت وسطنا وزى الفل أهو
واخ وصديق ميتعوضش الصراحة
خير بس
زعلتنى يا رامى
مين اللى زعلك وامتى وليه؟؟؟؟
طمنى عليك ارجوك
مش عارفه اقولك ايه
هتفضل ان شاء الله
معانا
ووسطينا
وتشاكنا ونشاركك
فرحنا وحزننا
أنتى ضيقتنى أكتر وانا تعبانه كدا
لازم تطمنا وتفهمنا
مينفعش تمشى كدا يا أخويا العزيز
مينفعش؟
والله ما ينفعش يارامى
خليك أقوى من أى كلام
انت عارف مين انت
واحنا كمان عارفين رامى كويس
رد عليا الله يخليك

  gogo!sf

الأربعاء، 1 سبتمبر، 2010 8:25:00 م جرينتش+2

خير يا رامى سمعت ايه وشوفت ايه
بجد عايزين نعرف يمكن نقدر نلاقى حل
ويمكن يكون ليه تفسير
ياريت تهدى نفسك شويه عشان تقدر تقول لنا فى ايه

ويارب تكون بخير وعايزين نطمن عليك بجد

  الحب الجميل

الأربعاء، 1 سبتمبر، 2010 8:25:00 م جرينتش+2

رامى
بالله عليك انا قلبى وجعنى من كلامك
انت اخويا بجد
ومن غيرك المدونات ولا ليها طعم
لو باقى على العيش والملح اللى أكلناه سوا فى أجمل صُحبه
متمشيش
مينفعش تمشى ومترجعش
رامى
قول اللى زعلك
فاكر لما سبت مدونتى انت قولتلى ايه
وعملت ايه عشان ارجع
لا يا رامى
ناس كتير هنا بيحبوك ويعزوك
طيب انت كويس
صحتك كويسه
؟
بالله عليك طمنا
تحب وانا تعبانه كدا افضل أهاتى مع نفسى
انا مش مالكه اكتب يا رامى
ايدى التانيه تعبانه
طمن اختك ايمان

  موجة

الأربعاء، 1 سبتمبر، 2010 9:06:00 م جرينتش+2

ايه ده يارامى
تروح فين وماترجعش منين
ايه هو ده اللى مايطمنش
قول ياجدع وطمنا بدل القلق ده

  هوبتي

الأربعاء، 1 سبتمبر، 2010 9:11:00 م جرينتش+2

رامي ايه الي حصل لكل دا؟
لالا بجد ماك انت قلقتني عليك
وبعدين يهون عليك كده بعد العشره تسبنا؟؟

  قوس قزح

الأربعاء، 1 سبتمبر، 2010 9:15:00 م جرينتش+2

ايه ده ؟
ده انا لسه عارفة مدونتك من كام يوم بس
تقوم تقول هاغيب ؟
مينفعش الكلام ده
ده مفروض اللقاء اللى حصل يخليك تتمسك بوجودك وسطنا مش تقول ماشى و احتمال مارجعش
خاليها اجازة لحد بعد العيد و بس
فى انتظار عودتك

  قهوة بالفانيليا - شيماء علي

الأربعاء، 1 سبتمبر، 2010 9:41:00 م جرينتش+2

حاجة تقلق ..!
ربنا يطمن قلبك يا رامي .. و كل الأمور تتيسر في الاتجاه اللي فيه خير ليك .
ربنا معاك ..
و ابقى طمنا عليك لما تزول الظروف .

  sweet angel

الأربعاء، 1 سبتمبر، 2010 10:44:00 م جرينتش+2

السلام عليكم

انا ليا مده مش بدخل نت اول ماربنا ياخد بيدي واجي الاقي كل ده

اولا حكايه استراحه دي ماشي ممكن ترتاح 3 ساعات دي بسيطه

ثانيا يمكن مرجعش دي مرفوضه

كان عندي بوست من زمااااااان اسمه " شكلها شوطه والله اعلم "

فيه تهديد لكل من تسول له يحرمنا من كتاباته

وانا دلوقت بهدد حضرتك بالمختصر المفيد

ثالثا وهو الاهم ايه الي ممكن يكون ضايقك للدرجه دي
يا استاذ رامي انا مريت بظروف لو اي حد فيها كان انتحر
وجايز انا لو مش كان وقف جنبي ناس معينه كان زماني انتحرت

الي عاوزة اقوله لحضرتك ان كل حاجه طالما ربنا امر بيها تبقى خير
ولازم نرضى ومش نضايق نفسنا ابدا ودايما نقول الحمدلله

ربنا يرضى عنك ويزكي نفسك ويرزقك السعاده

اسفه على طول التعليق لكن موضوعك مستفز بصراحه

  كلام من قلبي

الأربعاء، 1 سبتمبر، 2010 10:53:00 م جرينتش+2

ان شاء الله تستريح وترجعلنا تاني
باذن الله
هية فترة وان شاء الله هتعدي

  طالبة مقهورة ..درجة أولى

الأربعاء، 1 سبتمبر، 2010 10:56:00 م جرينتش+2

رامي :(

ليه كده وازاي طيب
طب طمنا بس عليك فيه ايه حقيقي انا اتلغبط واتوغوشت وقلبي مش مرتاح كده

عموما ربنا يهديك للي فيه الصح
ويفك همك وكربتك :((

ارجع بسرعة بليز

  كيــــــــــــارا

الأربعاء، 1 سبتمبر، 2010 11:00:00 م جرينتش+2

مااااااااااااااااااالك في ايه حصل

  мαησηα

الأربعاء، 1 سبتمبر، 2010 11:07:00 م جرينتش+2

يانهار اسوح رامى فيك ايه ؟؟؟؟؟؟؟؟؟؟

لا بجد قلقتنى اوى عليك طمنى يا رامى بسرررررعة

  كيــــــــــــارا

الأربعاء، 1 سبتمبر، 2010 11:23:00 م جرينتش+2

يابني طمنا عليك مش ينفع تسيب اخواتك قلقانين كدا عليك

  Tears

الأربعاء، 1 سبتمبر، 2010 11:31:00 م جرينتش+2

العزيز رامى

عموما انا لا اعلق كثيرا فى المدونات فى رمضان لكن صدفة شفت البوست ده و مش فاهمه حاجة

انت انسان محترم و راقى و ارى انك شخصية محبوبة من الكثير من المدونين و لك مشاركات متميزة فماذا حدث و ليه وصلت لدرجة انهيار نفسى؟

انا مش فاهمه الموضوع له علاقة بالنت و لا بحاجة تانية و لا فاهمة ايه موضوع ملاك اللى ذكرته لانى مش متابعة من فترة لكن حاسة انك كاتب و انت منفعل لان مافيش حاجة فى الدنيا تستحق كل ده..مقدرة حساسيتك لكن اعتقد انك لو طرحت الامر و شاركتنا ممكن نفكر معاك و نساعدك و زى ما بيقولوا لا خاب من استشار

حاول تفتكر ان الحاجة الوحيدة اللى بتتولد كبيرة و تصغر هى الغضب و اى شىء فى الدنيا قابل للحل و مش كل البشر زى بعض


تمنياتى لك بالهدوء و استعادة الثقة فى رقة قلمك الذى لا يجب ان يتوراى امام اى مشكلة

  لـــولا وزهـــراء

الأربعاء، 1 سبتمبر، 2010 11:46:00 م جرينتش+2

طمنا يا سامي من فضلك فيك ايه؟ ياعني ليه انت منهار وايه اللي سمعته
انا قلقانة جداَ جداَ
ربنا يعزك
لـــولا

  بت خيخة وأي كلام

الخميس، 2 سبتمبر، 2010 12:56:00 ص جرينتش+2

!!!!!!!!!!!!!!!!!!!!!!!

هو فيه إيه؟

هو حد زعلك ولا إيه يارامي؟


انا كنت جاية علشان اشكرك على الشكولاتة وعلى هديتك لشريف

انا مش فاهمة فيه ايه
وايه اللى انت شوفته ولا سمعته ومخليك تاخد قرار انك تبعد شوية

عموما
اتمنى انها تكون حاجة تقدر تسيطر عليها



بشكرك تانى
وسعدت بلقائك يوم ابو الريش


سلام
اختك خيخة

  Sameh Ezzat - (خواطر خاطر)

الخميس، 2 سبتمبر، 2010 1:18:00 ص جرينتش+2

مالك يابني ؟؟
فيه ايه ؟؟
ربنا يطمنا عليك

  محمود(باحث عن حب)

الخميس، 2 سبتمبر، 2010 1:18:00 ص جرينتش+2

ليه كده يارامى ياريت تقولنا السبب
اوعى تمشى انت اخونا واحنا اخواتك ففضفض
المدونات دى علشان الفضفضه
انا اصلا عامل مدونه علشان الفضفضه بس
قول اللى جواك
واوعى تغيب

  resalatye

الخميس، 2 سبتمبر، 2010 3:13:00 ص جرينتش+2

خير يارامى كل اللى يجيبه ربنا خير
وابقا طمنى عليك

  resalatye

الخميس، 2 سبتمبر، 2010 3:14:00 ص جرينتش+2

وياريت متغبش عليا

  ستيتة حسب الله الحمش

الخميس، 2 سبتمبر، 2010 4:19:00 ص جرينتش+2

انا مش فاهمة خالص
خالص
بس ها ادعي لك لحد ما تفهمني
ربنا معاك يارامي

  ELMOSTAFZ

الخميس، 2 سبتمبر، 2010 11:21:00 ص جرينتش+2

أنا معرفش ظروفك ايه يا رامي ف عشان كده عاذرك ، كلنا وقعنا ف ظروف صعبة وانا كتييييييير أوي جت علي دماغي فكرة اني اكتب بوست زي ده بسبب اني كنت مخنوق أوي ، بس مكتبتوش أبدا لإني بكون عارف ان ربنا هايخرجني م الحالة دي و ساعتها هاندم اني كتبت البوست ده و هبقا استعجلت الأحداث...
استهدي بالله يا رامي داحنا عيلتك التانية حد يسيب كل الناس الحلوة دي ؟ و الله حرام عليك قلبت البلوجر كله بسببك :) :)
انا عارف انك هاترجع زي الأول و أحسن بإذن الله ، أنا هتصل بيك النهاردة و مش عايز اعرف مالك ، بس عايز اعرف انك هاترجع زي الأول :)

  Ramy

الخميس، 2 سبتمبر، 2010 11:40:00 ص جرينتش+2

انا عارف انى خليتكوا تقلقوا

و تضايقوا انا مش عارف اعتذر ليكوا ازاى بجد

بس ارجو منكم ان انتم تسمحونى

انا اسف جدا جدا

و انا هأرجع قريب خالص

و بجد انا احسن كتير من انبارح

شكرا ليكو كلكوا

ارجوكم سامحونى

  ELMOSTAFZ

الخميس، 2 سبتمبر، 2010 12:00:00 م جرينتش+2

طب كنت استنا حد يعلق بعدي و بعدها قول اللي نفسك فيه لازم اطلع انا آخر كومنت دايما شكلي وحش يا جدع :) :)

  فاتيما

الخميس، 2 سبتمبر، 2010 12:16:00 م جرينتش+2

طيب لو الحكاية حكاية وقت
احنا مستنيين اهو يا سيدى
و لا يهمك

المهم تكون بخير

احنا اخواتك
و وقت ما تحب تفضفض
ادينا اهو يا عم
احتلينا المدونة و مش هنسيبك بالساهل كدا تمشى

ترجع بألف سلامة
و ربنا يروقلك الحال
يا رب

  فاتيما

الخميس، 2 سبتمبر، 2010 12:16:00 م جرينتش+2

و بطل كلمة سامحونى دى و اسفة
مفيش بيننا الكلمات دى
ممكن؟؟

  م. حجاز

الخميس، 2 سبتمبر، 2010 1:49:00 م جرينتش+2

فى ايه يارامى

ايه اللى حصل
طب ايه المشكله
حد يفهمنى
بص انته اكيد اتحدست

لا يابشمهندس على فكره ما ينفعش الكلام اللى انته بتقوله ده

يعنى ماعدتش جاى ازاى يعنى مش بمزاجك

انته مطالب تبقى نتواجد دائما

بقى انته تخلى الناس دى كلها تتابعك وترجع تقولى ماعدتش لاعب

بص ياريس فى بوستين انته ماعلقتش عليهم فى المدونة بتاعتى وتأخرت كتير على فكره الحق بقى قبل مانتخذ موقف

ربنا يكرمك ان شاء الله وترجعلنا زى الاول وطلع الراجل اللى جواك وارجع دون تانى

  اميرات الاسرار

الخميس، 2 سبتمبر، 2010 1:50:00 م جرينتش+2

لا ان شاء الله راجع لينا تانى لان حضرتك مش هتقدر تستغنى عن مدونتك والناس اللى بيحبوك
وان شاء الله ترجعلنا بالسلامه ونفسيتك ترتاح

زهراء

  Ramy

الخميس، 2 سبتمبر، 2010 2:24:00 م جرينتش+2

أطمنوا

يا جماعة هنزل بوست قريب

انا عارف عملت قلق

بس ارجو متزعلوش

انا احسن كتير جدا دلوقت بيكم

  Ms Venus

الخميس، 2 سبتمبر، 2010 2:36:00 م جرينتش+2

مالك يا رامى ؟؟


خضيتنا كلنا عليك



ياريت تقولنا مالك بجد


طمنا عليك بليز


ربنا معاك ويحميك

  Ms Venus

الخميس، 2 سبتمبر، 2010 2:38:00 م جرينتش+2

على فكرة انا قريت البوست وكتبت تعليقى من غير ما ابص على التعليقات

ولما شوفتهم وشوفت ردك

واتطمنت انك بخير نشكر ربنا


سامحنى على التأخير بس غصب عنى


يارب تكون بخير دايما

  دموع القمر

الخميس، 2 سبتمبر، 2010 2:38:00 م جرينتش+2

ماشى يارامى هستنى ترجع تانى
بس اوعى تعمل زى تغيب 6 شهور ههههه

  طوبه فضه وطوبه دهب

الخميس، 2 سبتمبر، 2010 3:38:00 م جرينتش+2

ياسلام بالسهوله دى كدا ماشى انت فاكر أن دخلول التدوين ذى خروجه لا نيفر وابدا ولا يمكن مستنينك بقى وبلاش دلع قال نفسيتك تعبانه قال وعلى فكره عايزه شيكولاته ذى منونه والا هاكل بتاعتها

  عمرو يسرى

الخميس، 2 سبتمبر، 2010 4:43:00 م جرينتش+2

انا كنت هكتب عتاب كبير بس عينى وقعت عى ردك اللى بتقول فيه انك هتكتب بوست جديد قريب
مستنيك

  ساسو

الخميس، 2 سبتمبر، 2010 4:51:00 م جرينتش+2

مالك يا رامي
بس قول مالك
ايه مزعلك
ليه عايز تسيب مدونتك
لأ يا رامي
مهما كان الوضع
اياك تسيب مدونتك
احنا كلنا اصحابك
فضفض وقول سبب زعلك
وايه اللي دفعك انك تعمل كده
طمنا عليك يارامي

  أع ـقل مـ ج ـنـونــة

الخميس، 2 سبتمبر، 2010 9:06:00 م جرينتش+2

اكيد فترة وهتعدي
انت عارف منقدرش نعيش من غير بابنا وبابك ؟

مستنينك :)
والحمدلله منونة طمنتنا عليك :)

  adel

الخميس، 2 سبتمبر، 2010 9:15:00 م جرينتش+2

رامي ابعتي الفيس بتاعك يابني
فل

مش هاثبتك متخافش
هههههههه

انا مش مستغرب اللي انت كاتبه نهائي

يابني ركز في العلامات
هههههههههههه
تقريبا هتفهمني

  Tears

الخميس، 2 سبتمبر، 2010 9:53:00 م جرينتش+2

الحمد لله انك بخير

عارف بالرغم انى مش عارفه ايه اللى مضايقك اوى كده بس اعتقد انه حصل عشان دى ارادة ربنا اولا و عشان ربنا بيحبك لانه جعل ده سبب فى انك تكتشف ان فيه جيش من البشر ملتف حولك و مهتم باحوالك و مستعد دايما يسمعك و يتفاعل معاك و ده فى حد ذاته مكسب ليك ربنا بيلفت نظرك له

المحبة نعمة و الانسان اسمه انسان لان ربنا خلقة بيأتنس بالبشر

اعتقد مشاعر الاخوه والدفء اللى فى التعليقات كنز كبير يستحق تحطه فى اعتبارك لما تضايق من اى حاجة او اى شخص لان ده بيثبتلك عمليا قد ايه الدنيا زى مافيها الوحش فيها الحلو و احنا اللى بنختار

لما تهدا لو حبيت تفضفض ح تلاقى الف من يسمعك و لو مش حبيت و تخطيت الحزن ح تلاقى برضة اللى سعداء بيك

ربنا معاك يحفظك و يزيل الهم عن كل انسان صالح

  كيــــــــــــارا

الخميس، 2 سبتمبر، 2010 10:05:00 م جرينتش+2

يابني قلنا مش في اعتذاراااااااات

يلا قول ورايا عشان تحفظ

مش في اسف

مش في اسف
انتو اخواتي

ومش هتاسف

يارب نحفظ

تحب اسمع امتي بئا

  Tamer Nabil

الجمعة، 3 سبتمبر، 2010 3:14:00 ص جرينتش+2

اية ياعم رامى

فى اية مالك طمما عليك

ريح زى ما انت عايز وارجع

مفيش هروب من التدوين انت حر هجى ليك واقبض عليك هههه

روق كدة


مع خالص تحياتى

  عدو المرأة

الجمعة، 3 سبتمبر، 2010 7:31:00 ص جرينتش+2

اكيد مدام زعلان

يبقى الموضوع فى واحدة ست

كبر دماغك يامان وعيش الحياة

تحياتى

  داليـ ـ ـ ـ ـ ـ ــــا

الجمعة، 3 سبتمبر، 2010 10:29:00 ص جرينتش+2

ايه ده
بقه انا اغيب يومين عن البلوجر
اجى الاقى الكلام ده
ده تهريج ياعم رامى
لا طبعا ازاى كلامك ده
على اساس اننا هنسيبك تمشى كده
انتا بتحلم وحلمك ده مستحيل
الدخول مش زى الخروج
انتا دخلت بمزاجك
انما مش هتخرج من هنا الابمزاجنا
وان كان عاجبك
بقولك ايه
انتا تعبان نفسيا اوبيك شيئ
وعشان كده كتبت الكلام ده
روق كده وكل مشكله وليها حل
وسمعنا صوتك ياعم
انتا دايما بتتكلم معانا بصوت عالى

  الشـــــوكه النــاعمه

الجمعة، 3 سبتمبر، 2010 12:44:00 م جرينتش+2

ايه ده
وانا اغيب شويه ارجع اتلاقى الدنيا مقلوبه كده
لا بقا انا عاوزه اعرف فى ايه بشكل شخصى وملح
مش احنا اصحاب زى ماانا بقولك كل حيثياتى لازم انا كمان اعرف حيثياتك
برضاك وغصب عنك اه غصب عنك ياعم رامى
وانا كل يوم هااعرف حد زيك
ولا كل يوم الدنيا ها تقابلنى باخ حقيقى
حضر نفسك وجهز موبايلك عشان يستقبل اهم رقم ممكن يرن عليه
عشان انا هاجيب رقمك وهااتصل عليك
متفقين وياريت ياعم رامى تعمل بالكلام اللى دايما بتنصحنى بيه
انا مش متنازله عن وجودك بينا
والله يارامى انت انسان نادر الوجود
يارب تكون بخير
بس انااعرف مين اللى زعلك وكان ناوى يحرمنا منك وانا هاطلع عليه كل الكبت اللى انا فيه وماادراك بقا
كون بخير

  Haytham Alsayes

الجمعة، 3 سبتمبر، 2010 1:26:00 م جرينتش+2

طيب
وبعدين يعني
منهار نفسيا وايه الللي خلاك كدة
ممكن اسباب كتيرة
لو كل واحد شاف المأسى في الحياة عيتعب
ارمي ورا ضهرك يارامي

ومتقولش اني مش عاكتب
لو مكتتبتش عتتعب اكتر
وبعدين لو مشيت مين اللي يتفرج علي الشقيرى يعني
هههه


تحياتي ويارب اسمع خير عنك

  Timo..

الجمعة، 3 سبتمبر، 2010 4:22:00 م جرينتش+2

انت مرة قلت لي لما جيت عندي اني خليت قلبك (يهفهف) وتبتسم..
وصدقني انا فاكر التعليق الصغنون ده من يومها,,
ممكن تبطل اكتئاب بقى وتيجي عندي يمكن قلبك (يهفهف) تاني..؟

  فاتيما

الجمعة، 3 سبتمبر، 2010 7:30:00 م جرينتش+2

رابطة محبى رر تنادى

خلاص يا عم مش زعلانين
و خلاص انتا مش ماشى
و خلاص حصل خير
و خلاص متقولش اسف دى تانى
و خلاص اديك عرفت غلاوتك عندنا
عشان متفكرش تطفش تانى
و خلاص عرفت اكيد
ان اخواتك هنا بيعزوك
و ميستغنوش عنك
و لا عن طيبة قلبك


بس كدا

  Silver Eyes

الجمعة، 3 سبتمبر، 2010 10:03:00 م جرينتش+2

رامى مساء الخير :)

يارب دلوقتى تكون بخير بجد
انت قلقتنا اوى وفجأة كدا قررت انك تسيبنا :(

انا شوفت البوست وقتها بس زعلت اوى ومعرفتش اكتب اطمن عليك وقتها
ف بعتذر ..

يارب تكون حالة مؤقتة كدا وخلصت
احنا عيلتك التانية واخواتك فبجد ما ينفعش خالص انك تسيبنا ..