رومانسية و لا ...عبط و لا .... عدم أدراك

اية يا عم رامى
أنت مش قلت البوست دة هيكون مش حزين
أيوة ما هوا مش حزين
أمال أيه العنوان ده
أيه المشكلة عادى يعنى مجرد عنوان بس هتعرفوا ليه
أصل انا هتكلم عن 3 أفلام رومانسية
أنا بحبها جدا
The lake house
City of angels
50 first date
غالبا هما التلاته قصص غير منطقية ومستحيلة
بس على مييين
أنا مش همل ريفيو طبعا عن الأفلام
دة بس عرض لحاجة بحبها مش اكتر
كل فيلم من دول أنا حاسيته جدا جدا
بس الفيلم اللى خلانى أبكى بجد هو
The lake house
منزل البحيرة


الفيلم دة انا شفته من حوالى 4 أو 3 سنين
لما شفته أول مرة خطفنى جدا بالقصة الغريبة جدا بتاعته
لكن لما شفته من كام شهر انا دورت عليه و اتفرجت عليه
و بكيت جدا
طبعا هنا ناس تقول ايه يا عم رامى انت حساس قوى يعنى
لا أنا بكيت لأنه فى كتير من اللى انا عشته فى قصتى
طبعا مش زى الفيلم بس عجز الطرفين
أو بالأخص البطل
من أنه مش قادر يعمل شيىء للى بيحبها
الجملة اللى بتقطعنى جدا فى الفيلم
لا تقلقى كيت
سنكون معا فى وقتاً ما
حتى و أن بعدت بيننا المسافات
سأجد طريقة لأكون قريباً منك
و لأعتنى بكِ

أأأأأأأه يا عم الحج ع الكلااااام
طبعا ممكن تكونى فهمتى أهتمامى بحاجات كتير ليه
طبعا الموسيقى التصويرية للفيلم رائعة جدا
الأغنية غير طبيعية
أنا هأنهى بيها البوست على فكرة
الفيلم فكرته صعبه شوية عاوزة بس تركز فى الأول و بعد كدة
هتفهم علطول
هى عن أتنين حبه بعض و هما مش من نفس زمن بعض
شوف الفكرة سهلة أزاى (:
الفيلم التانى
أه من الفيلم التانى و اللى عمله الفيلم التانى
City of angels
مدينة الملائكة


دى بقا قصة حب هى غير واقعية تماما
بمنظُرنا البشرى و الدينى
دة على أساس القصة الأولانية منطقية يا عم رامى
معلش عدوها بقا (:
بس هدف القصة جميل جدا
أزاى أن أحساس الحب مش بس كلام
مش مشاعر تتحس بس
لا دى أفعال حقيقية بتحصل
بتِظهْر الحب للى أنت بتحبه
بأفعالك حتى لو كان اللى بتحبه أظهر عدم قبوله لهذا الحب
كمان فى حاجة طرحها الفيلم جميلة جداً
أزاى تحس الأشياء و توصفها
بكلمات
حتى لو كنت بتوصف مشاعر
أو طعم حاجة
رغم صعوبة المهمة دى
التساؤل الجميل اللى بحبه قوى فى الفيلم
ليه الناس بتبكى ؟؟؟!!
بعد مناقشة صغيرة معها
يقولها
..... ربما تصبح المشاعر أقوى
..... من أن يحتويها الجسد
أفكارك و مشاعرك تصبح قوية للغاية
فيبكى الجسد

دة فى المشاعر الأيجابية و السلبية
تنهيدة طوييييييلة و أكمل
برغم عدم منطقية الفيلم
بس بيقدم المشاعر بطريقة جميلة انا حبتها جدا
الفيلم التالت (:
هو عاطفى و كوميدى فى نفس ذات الوقت
(:
50 first date


قبل ما أحكى و أقول
عارفين بطلة الفيلم
هى البنت الصغيرة فى فيلم
E.T
فاكرينه (:
Drew Barrymore
دروو باريمور
فاكرينها (:
المهم
الفيلم دة أكثر التلاتة واقعيه
يعنى ممكن يحصل (:
الفيلم دة بقا بيعالج حالة مرضية موجودة
و هى الذاكرة قصيرة المدى
أنا مش هأعرف أشرحها طبعا لأنى مش دكتور
بس بيورريك الفيلم الأصرار ع الحب
حتى بعد معرفة البطل بمرض البطلة
محاولات مستميته حتى بعد فقد الأمل رجعلها
مع كل لقاء بينهم مع الأبتسامة بدموع المشاعر المحبوسة
الجزء اللى بحبه قوى فى أخر الفيلم
بس الجزء اللى بيأثر فيا
الحتة اللى جاية دى لما خدته من ايده فى المستشفى
على الغرفة بتاعتها
و شاف صور كتير جدا ليه ع الحيطة و صور مرسومة و متعلقة
و دار هذا الحديث
وااااااااااو (هو من المفاجأة)
هى : لا اعرف من أنت. هنرى....
......و لكن أحلم بكَ كل ليلة
لماذا؟؟؟؟؟
هو: ماذا تقولين لو أخبرتك أن حاسوبك الخاص
اللذى تقرأين منه كل ليلة.....
.....كان يتضمن الكثير عنى
هى: سأقول أن الأمر يصبح مفهوماً الأن
هو: لقد محوتنى من ذاكرتك ....
لأنكِ ظننتى أنكِ تمنحينى أن يكون لدى
حياة سعيدة
و لكنك أرتكبتِ خطأ
لأن البقاء معكِ هو الطريقة الوحيدة
كى أشعر بالسعادة
أنتِ فتاة أحلامى
تنهيدة تانى طويييييييييييلة (: ( دى أنا)
طب هو فى ربط بين التلاتة يعنى يا عم رامى
من وجهة نظرى اه
يعنى فى الفيلم الأولانى انت بتلاقى حبك
فى التانى أنت بتظهره و تبينه و تقول أنا بحب
فى التالت بتصر على أن الحب دة يعيش أن يكون ليه فرصة
أنه يعيش
مش عارف أنا حاولت هنا أبين حاجات بحبها و أبين وجهة نظرى للحب
يارب متكنوش تهتوا منى (:
هنا بقى
هل دى رومانسية و لا عبط و لا عدم أدراك



دى بقى مفاجأة البوست صورتى مع أخواتى من سنييييين كتييييييير قوى (:
طبعا التصوير دة تعبيرى زى ما احنا عارفين
أصل دة كانت فى الأقصر (:
طبعاً أنا سرحان مش عارف ليه و ليه الراجل اللى بيصور متكلمش
تعبيرى بقا (:
و أختى مامت بيير فى النص
و ميشيل أخويا مبسوط مش عارف ليه !!!!









اللى جى دة رباعية بحبها قوى لصلاح جاهين
هدية ليها
ليه يا حبيبتى ما بينا دايماً سفر
ده البعد ذنب كبير لا يغتفر
ليه يا حبيبتى ما بينا دايما بحور
أعدى بحر ألاقى غيره أتحفر
عجبى !!!

تدوينة مهمة

مدونة الشوكة الناعمة هى حذفت المدونة تماما
و اى حد هيستعملها او يرجعها هيكون مش هى
و التدوينة دى بطلب منها شخصيا
أرجو الأنتباه لذلك
و انا مش عارف ليه هى عملت كدة
شكراً

خواطر تااانى .....

أه يا قلبى يا اللى تعبنى
أه يا روحى يا اللى تيها منى
أه مش عارف أرجع تانى


ميت أهه و أهه جوه منى
يا ترى هيجى اليوم اللى هطلعها
و اقولها
ياترى ليه مكسوف و أنا بأكتبها
طب لو مكتبتهاش و قلتها
افضل كاتمها جوه قلبى لحد
ما يموت
و وقتها

محدش يقدر يزعل منى
ولا هزعل منه
لأن اللى كان بيحركنى و يقولى
و أقوله
خلاص مات
بس أنا
مش عاوزه يموت
علشان كده هفضل أكتب
هفضل أحكى هفضل أقول
لغاية ما يمكن يوم
ألاقى الحضن اللى يحاجى
ألاقى اللى يسمع و عمره ما يضايق و يدارى
!
خدنى
أيوة خدنى يا قلبى
متسبنيش
!
لو هتموت
خدنى معاك
خدنى
متحرمنيش
من أحساسى
بالناس
متفُتنيش
أبكى عليك
ليه طيب بعد ما قلت كلام
ليه عاوز بس ترجع فيه
ليه طيب بعد ما عملت حاجات
ليه عاوز تمسحها

مش يمكن متجيش فرصه تانى
؟
حتى لما أتغيرت لسه يا قلبى تعبنى
طب أمتى هتكون مرتاح
!
لما تموت؟؟؟
طب ليه...
الموت مش حل
مع الموت
مش هتشوف
مش هتحس
مش هتحب
أه
مش هتحب
يمكن هوا دة اللى تعبك
طب حبيت ليه
ولا ....هو مش بأدينا
و لا.... بمزاجنا
ولا هو ..
مش زى ما كنت فاكر
هو بعيد
أبعد من أنى حتى أفكر فيه
تعب القلب و لسه كتيييير
طيب يا قلبى ممكن؟
دة بس لو
ممكن
تعيش....
تحب
و تعيش

أصلى أنا مش عاوزك
تموت

صدقونى أنا مش حزين
أو زعلان
دة بس
كلام


أيوة بقول كدة ...فى مشكلة فى دة

إلى من أحببت




ودة مين و ده مين ... اللى هنقوله كتر خيرك (:

شكرا جد جدا جدا
لأختنا العزيزة منى درويش
مدونة واحد شاى
ع الهيدية الجميلة دى
اللى هو القالب الجديد
عمايل أديها مظبوط زى الشاى (:
الأغنية دى أهداء ليها (:
يا رب تعجبها
عرفتوا ليه بقى انا رجعت
علشان الروح الجميلة جدا اللى بينا
ربنا يدمها علينا كلنا


هرغى معاكم شوية ... و معايا شويه (: و معها كمان....

البوست طويل شويه معلش
طيب يا عم رامى صدعنا
حاضر (:
هأحكى حاجات يمكن فى ناس متبعانى من الأول عرفاها
و هوضحها للى مش عارفها
فى الأول أنا عملت المدونة دى علشان أكلمها هى بس
أقولها انى بحبك أنت بس
و دة و ضحته كتير
يمكن الموضوع مش عاوز يوضح
أو بالأصح أنا مش عاوز أستسلم
طب ياعم رامى و مادام عارف ان الموضوع خلاص
هقولكم أيه و هأحكى أيه
أنى أنا حبتها
طب ماشى أيه الأختلاف ما الناس كلها بتحب و ممكن متتوفقش
يمكن أنتوا حاسيته من اللى بأكتبه أن لسه الموضوع موجود
أه هو موجود جوايا
الحب بالنسبة ليا شيىء مختلف
يعنى كان و أصبح
يعنى أيه يا عم رامى فاهمنا
يعنى كان الحب مفهوم عندى مش صح
هى فهمانى برضه
و بعد كده بقى زى ما أنا شيفه و حاسس بيه دلوقت
أنا كنت شايل الحب من قاموسى عارفه بس مش حاسه
بحب أه
بس بحب الحب بتاع كل الناس
مش الحب الخاص بتاعى
حد فاهم حاجة ؟؟
المهم
الحب عندى مش مجرد كلمة
بحبك
الكلمة دى هتحسها هتشفها قبل م هتسمعها
كان نفسى هى تشفها كان نفسى تحسها
قبل ما أقولها
الحب أنى أزول لأجل من أحب
مش كلام رومانسى
يا جماعة أنا قبلها كنت ضايع
بمعنى الكلمة
أه الناس شايفه رامى
ملتزم
حبوب
بيشتغل
بس أيه جوه رامى
ايه اللى عاوزة رامى
ظروف حياتى كانت كلها بتلعب أن الأنسان دة يطلع
من أحسن ما يكون
طب أيه المشكله بقا يا عم رامى
مش عارف
بس اللى كنت محتاجه أنى أحب و أتحب من حد
طب م يا رامى اللى حواليك كلهم بيحبوك و بتحبهم
بس مش عارف
كنت حاسس ان المفروض بيكون فى حب تانى مختلف
حب بس مش عارف هو أيه
طب ليه يا عم رامى محولتش تحب قبل كدة
أقولكم أنا محولتش أحب
لأنى عارف انا مش هرتبط
الحب عندى مش مُزة و تليفونات و مواعيد
هو هيكون أرتباط
هيكون حياة هتتبنى
يعنى هدخل العلاقةو دة اللى ف بالى
طب و أيه اللى منعك يا عم رامى
يعنى واحد فى ثانوى و لا كليه
و لسه معملش أى حاجة فى حياته
هيتنيل على عينه ليه
دة يمكن دة سبب من ضمن أسباب
الباقى هى عارفه
طب و أحنا ياعم
معلش انا هأحتفظ بالباقى لنفسى معلش
سامحونى
طب ما علشان نعرف نقيم الموضوع يا عم رامى
أنا بأحكى معاكم علشان أوضح الصورة
بس كدة يا عم رامى انت وضحت الصورة اللى انت عاوزها بس بدون
ما يكون لينا اى فرصة نكون الصورة بتاعتنا
معلش أسف مش هاقدر أرجوكم
عارف ممكن أكون سمج شويه بس أستحملونى
يمكن انا حاسس أن سبب ان ممكن اكون فشلت فى انى اوضح حبى
هو التسرع
يعنى المفروض كنت بينت بأفعال و بعد كدة قلت
مش عارف بس...
عارفين
الحب دة جالى زى صاعقة
كان كالموج الهادر

مكنتش منتظرهُ خالص
مكنتش مرتب له
جالى يمكن فى فترة كنت عاوز أحب
طب يمكن علشان كلامها كان كويس كان معايا
طب ما كل الناس بتكلم كويس معاك هتحب الناس كلها
طب يمكن علشان أتعطفت معاها
لأ لأن أنا دى فى شخصيتى أنى بتعاطف حتى مع ألد أعدائى
طب أيه التفسير المنطقى
طبعا أنتِ لو بتقرى دلوقت هتكونى منتظرة كلام يوضح
بس صدقينى معنديش أكتر م اللى قلته
كلها مشاعر كان نفسى أوضحها بأفعال
طبعا هى رفضت من أول مرة و من تانى مرة
وبأسباب عارفها و أقدر أفهمها بس بقول يمكن لما تلاقى حبى ده
يمكن تغير رأيها
طب يا عم رامى و هتفضل رابط نفسك جنبها
ايوة ما هو انتوا مش فاهمين
أنا مش هأقدر أحب غيرها
مش هأعرف أحب غيرها
يعنى يا رامى دة السبب الوحيد
أزاى يعنى
أن انت مش هتعرف أو مش هتقدر تحب تانى
طب و دة مش سبب كافى
مش كافى
أنها تكون هى كل الحب اللى جوايا
مش عارف اوصلها ليكم أزاى
طب و حياتك و مستقبلك و..و..و..و
مفيش أى مشكلة و هو لازم أنى بحب حد لازم أضيع مستقبلى
لأ طبعا
و هوضح حاجة كمان هى بسببها انا عملت حاجات كتيرة أيجابيه فى حياتى
يمكن علشانها بس أهه حاجات أيجابيه برضه
يعنى بأمانه يا جماعه صدقونى
الحاجات اللى باكتبها دى لأنى بس مش معها
يعنى انا لو هفضل كده طول عمرى هفضل مش هضايق
يمكن أنا عاوز أعمل حاجات يمكن تقربها منى
متقلقيش
مش هعمل أى شيىء ممكن بس يحسسك بضيق

الحب مش عذاب صدقونى بس يمكن هى جت معايا كده
يمكن أكون زى برعى يا تيرز (:
يمكن يكون الفيلم خلص يا وصف الأحساس
يمكن أكون زى أغنية قارئة الفنجان يا أحمد
يمكن و يمكن ويمكن
بس مش قادر صدقونى
مش عارف
و حاولت علشان يمكن يكون أنتوا بتتكلموا بمنطق
لقتنى بأهرب من نفسى
عارف يا حسنى الرد بتاعك ممكن يكون وصف حالتى
أنا عايش أتنين
عايش ليها
و عايش بمنطق للناس
بس مقدرش حتى هنا أكون بمنطق
هنا المكان الوحيد اللى بعرف أكلمها فيه
هنا المكان الوحيد اللى بقول اللى مش عارف أقوله
مش عارف انا نيلت الدنيا ولا لأ
يا عم رامى أحنا مفهمناش برضه
الحاجة الوحيدة اللى عاوزكوا تفهموها
هى ملهاش ذنب فى اى حاجة
بعد كده انا حاله مستعصيه
تعرفوا دكتور كويس

يارب مكنش ضايقت حد و حتى اللى ذكرتهم
أنا قلت أسماء علشان أطمنهم
علشان انا عارف انهم قلقانين عليا
طبعا انا بطمنكم كلكم
يارب أكون عرفت أكلم أو أشرح اللى جوايا
أرجو محدش يكون زعل انا مش مضايق
أنا بس حبيت أتكلم معاكم
بس
تنهيدة عميقه و طويله
و الأغنية دى بأهديها لها


بناديكى


قلبى بينادى عليكى
بصوت مسمعهوش غيرك
يا ترى سمعه قلبك
ولا صوتى مش مسموع
ولا صوتى مخنوق
و لا البكا مليه
قلبى بينادى عليكى
بينادى و هو خايف
خايف أن يرجع صداه
بس صداه
و هو كان منتظر تردى عليه
أنا و هو بنادى عليكى
من أحساسنا أن ممكن يكون فى أمل
ممكن يجى اليوم اللى تنادى فيه علينا
أو حتى أشارة تدينا
ياللى زمانى بيناديكى
و طول حياتى بدور عليكى
مش هقول عشت وحيد
بس عشت بعيد
أيوة بعيد عن أحساس أنى أنسان
كنت زى أى شيىء موجود
شيىء بيمر عليه الوقت
و ميهموش الوقت ده لقدام و لا لورا
كنت فى حتة ضلمة
ضلمة قوى لدرجة أنى مكنتش ببقى خايف
من كتر ما أتعودت عليها ضلمه
ياااااااااااااه
كل ما افتكر أزاى بقيتى الشعاع اللى نورلى
و أزاى كان بيكبر و يكبر و ينور أكتر
لغاية ما بقيتى شمسى
و فى كل مرة
بناديكى
نورك بيزيد جوايا
أملى بيكبر بزيادة
بالرغم......
أن الناس كلها محتارة
و بعضهم فى الأمل فاقدة
لكن أنا
بيكى أملى مستمر و موجود
حتى لو فى الأخر مكنش
زى ما حبيت أنه يكون
هتفضلى جوايا و معايا
أنتِ الأمل اللى مش موجود
بس هيكون معايا طول الوجود
المجنون



واثق فيك يا ربى

وأنا عليل فى ليل طويل وعدك دليل راح يهدينى
و ألقاك بنور بتشق سور حزنى اللى كان بيبكينى
و أرتوى بغناك و أرتمى فى حماك لما أفتكر ضعفى بمرار
و ألقانى فيك نقش فى ايديك و أشبع أمان فى وسط نار


و فى قلب الخوف غيرك م أشوف أجى أرتمى بحملى عليك
و أنسى البكا لما الشفا يبقى سكيب ما بين أيديك
و هأعيش وياك شبعان بلقاك أسمك بيجرى فى العروق
تشفى و ترفع تسبى و تجعل انهار مياه بين الشقوق
و القانى فيك نقش فى ايديك
و اشبع أمان فى وسط نار

وده لينك لو عاوز تسمعها

http://www.4shared.com/audio/fpdexIzG/___.html

فريق الحياة الأفضل better life team

كل سنة و كلنا طيبيييين (:

كل سنة و كلنا طيبيين و بخير
كل سنة وأحنا بنحب بعض يا رب

كل سنة و كلنا طيبيييين (:

كل سنة و كلنا طيبين و بخير
كل سنة و أحنا بنحب بعض يا رب

المتخلفين و البهايم فى الأرض .. مع الأعتذار للبهاااايم

لأول و لأخر مرة هتكلم فى الدين

أو بمعنى أدق أنا مش هتكلم عن الدين

بس عن المتخلفين اللى فاكرين نفسهم مسئولين عن الدين

و هتكلم عن المتخلف اللى فى أمريكا اللى عاوز

يحرق القرأن

اللى هو فاكر أنه قسيس و عامل فيها دكر بروح أم الجاب ابوه و هو حتة حيوااااان حتى الحيوان فيه دماغ عنه

على فكرة أنا بأكتب لأن أنا خلاص تعبت من الكل

ايوة من الكل

من الناس اللى مش عاوزة تفهم من هنا و من هنا

انا حطط الفيديو بتاع ماجدة دة علشان تشوفه لبنان بقت ايه

عاوزين أحنا فى مصر نبقى كده

طيب

علشان الناس فاكره أن الناس هنا عاوزة أمريكا

هعوزها ليه

حد يفهمنى ما هما برضه متعصبن بس مش باينين

يا جماعة خلااااااااااااااااااااااااااااااااااااااص انا تعبت

على فكرة أنا كنت هقفل المدونة من كام يوم بسببب حاجات زى كده

بس محبتش أتكلم فى كده

بس خلااااااااص انا مش قادر

تعبت تعبت تعبت

حرااااااااااام

طب أعمل ايه

لا دول بيفهموا و لا دول بيفهموا

أنا اسف يا جماعة بس مش مستحمل

المفروض أنى كنت هأعيد ع الناس بس مش هأعرف

انا اسف لو كنت اتكلمت و خرجت كلمات مكنتش أحب أخرجها

سامحونى

انا مش هأقفل المدونة أنا موجود بس كان لازم أتكلم علشان ماموتش

سامحونى أنا أسف

تاج ماذا تقرأ الأن (:


سأحاول جاهداً أكون مختصراً
سأحاول جاهداً أن أتذكر ما كان
فأعذرونى فيما سأكتب
(:
أملك حاليا ذاكرة أقل ما يقال عنها أنها خَربه
يعنى (ضايعة) (:
نبتدى بقى
من أرسل لك الدعوة ؟
الحقيقة هما أتنين و الأتنين لهم معزة فى قلبى
سأبدء بالدعوة الأولى من صديقتى و أختى العزيزة مرمر
مدونة شباب على طول
و الدعوة الثانية التى حمستنى أكثر من أستاذى الموقر توفيق التلمسانى
مدونة مرصد المدونات العربية
ما هى كُتب الطفولة التى بقيت عالقة فى ذاكرتك
الحقيقة انا فاكر أول حاجة قريتها
بجد كنت لسه يدوب بأعرف أقرا و أكتب
ليه فاكر لأن كنت فرحان لما كتبت أسم القصة منغير ما اشفها
(:
كانت أسمها شادى و البغبغان
و كمان قطرات المطر
القصة دى بقى فاكرها جدا
بصورها
طب يا عم رامى و بتقول ذاكرتك وحشه
ما هى مش وحشه قوى برضه (:
و كمان فى قصة فى كتاب أبتدائى معلقه معايا
تقريبا أسمها الأميرة و الزهرة
لأن نهايتها كانت مفتوحة و كان على كل واحد يقول رأيه فى القصة
فترة أعدادى بقا دى كانت زاخرة بكتب
روايات مصرية للجيب
كنت بأقرأ كل السلاسل الموجودة
رجل المستحيل و ملف المستقبل و المكتب رقم 19 كان أرخمهم الصراحة
و كانت فى سلسلة أسمها روايتى كان أحلى ما فيها ان انت اللى بتحدد أحداث القصة بأختياراتك
دى عاوزة شرح تانى (:
و كنت بجيب سلسة أسمها بساط الريح تقريبا كانت تنزل من لبنان
البلد التى أعشقها
كفاية كدة لما أول سؤال كده أمال الباقى هنعمل فيه أيه
ههههههه
أهم الكُتاب الذين قرأت لهم ؟
سؤال جميل و مهم
هحاول أفتكر (:
كان مصطفى محمود قريت ليه و أنا فى أعدادى
و فى كُتاب كتير
أحسان عبد القدوس كتبه و قصصه تأخذنى إلى جانب أخر من الدنيا
و نجيب محفوظ قصص قليله
يوسف أدريس
توفيق الحكيم
علاء الأسوانى
بهاء طاهر
كل كتاب او قصه أحاول أقرأها بقلبى لأعيش أحداثها
لذلك أتذكر أكثر أسم الكتاب أكثر من الكاتب
هذا أجحافاً منى للكاتب و ظلم لأبداعه
فأعتذر لكل من قرأت له و لا أتذكره
أحياء أو متوفيين
لكى ما سأكتبه الأن
أنه لها لأنى أقرأ ما تكتبيه
ألاف المرات
أقرأ ما تنقليه فيأثر بى
حقأ
يا من جعلتنى أرى و أسمع الكلمات و هى تتحرك
يا من جعلنى أقرأ
جبران خليل جبران
لكِ كل تقديرى و حبِ
من هم الكُتاب الذين قررت ألا تقرأ لهم مجدداً؟
أستطيع أن أستشف من كلماتى السابقه
شيئاً ما
و هى أنى لم أتذكر من أثروا فيا
فكيف لى أن أتذكر من جعلونى ألا أقرأ لهم ثانية
(:
فى صحراء قاحلة أى الكتب تحمل معك؟
سأحمل معى الكتاب المقدس
و كتاب ترانيم
و هذا يكفينى
من هو الكاتب الذى لم تقرأ له أبداً و تتمنى قراءة كتبه؟
الكثير من الكتاب
لذلك كان لدى أمنيه
أنا فى فترة ثانوى عام أتمنيت أنى اكون غنى جدا علشان أقدر اعمل مكتبتى الخاصة
فيها كل الكتب اللى فى العالم
و أفضل أقرا و بس
الله يرحمك يا والدى العزيز
هو من جعلنى احب أن أقرأ
أتذكر له أنه كان وعدنى فى أعدادى بعد نجاحى أن يأتى لى بما أريد مهما كان
(:
فكان و طلبت منه أريد شراء كتب
و كانت خليط من روايات مصرية و بعض الكتب
و رجعت محملا بما يزيد عن 70 كتاب
صدقونى بأمانة
بالرغم ان والدى لم يكون من ميسورى الحال و لكن كان وعده لى يكفى
الله يرحمك
والدى أحبك و سأظل أحبك إلى مماتى
ما هى قائمة كُتبك المفضلة
كثيرة جدا
و لكن سأذكر أقرب الكتب قرأتها
رواية ربع جرام
لكاتبها عصام يوسف
أول أعماله
برغم أن القصة سرديه و لكن أحببتها
أحببت كيف كان و كيف أصبح
و ما بين الأثنين من احداث
أحببت طريقة العلاج و هى طريقة العلاج الجماعى
لا تخشى ما بك من داء مهما كان
أحب الكتب الدينية
و لكن لم أذكرها لأن اقراء كل كتاب يتكلم كيف تحب الله
و كيف الله يحبنى
يا لى من أنسان أضعف من أتكلم كثيرا عن هذه المحبه
ما هى الكتب التى تقرأها الأن؟
بعد رجوعى من أجازتى كنت قد اشتريت بعض الكتب
و لكنى اصبحت من البطىء أن أقرئها جميعا فى هذه الفترة الوجيزة
و لكن اقرأ الأن
قصص من أمريكا اللاتينية
هو كتاب يعرفك بثقافة أمريكا اللاتينية من خلال مجموعة من الكُتاب من مختلف بلدان أمريكا اللاتينية
و سأكتب أحداها فى وقتا لاحق
طبعا بتقولوا الحمد لله (:
هههههههه
أرسل الدعوة لأربعة مدونين لأجل مشاركتنا بذكرياتهم مع القراءة
فاتيما مدونة روح قلب ماما
دكتورة ستيتة مدونة مش عارفة....بس نفسى أعرف
منى درويش مدونة واحد شاى
ميرا (وومن) مدونة ميرا...مار
(:
عارف طولت و رخمت و كتبت و رغيت
بس صدقونى قبل ما أكتب كنت محتار هأكتب أيه
(:
أرجو تسمعوا الفيديو اللى تحت ده
كلام نفسى الناس تحسه
هو صحيح فيديو أنجليزى لكن كلامته مكتوبه و سهله
يارب يعجبكوا
شكرا لمرمر
شكرا أستاذى العزيز توفيق التلمسانى
شكرا لكل اللى قرا و أتصدع (:
كفااااااية يا عم رااااامى
حااااضر حااااضر
(:
هههههههههه

دى بعض الجمل اللى حبتها من الأغنيه

There is place in your heart
Love is strong It only cares for joyful giving
We could fly so high let spirits never die
IF You care ENOUGH FOR the LIVING MAKE A BETTER PLACE FOR YOU AND FOR ME

مطلوب حيا فقط (: علشان بكرة

أيه أسم البوست الغريب ده يا عم رامى
عادى بقى يعنى بوست
بيحتفل بعيد ميلاد
المستفز حسنى
مذكرات مريض نفسى
هقول له كده عادى زيكم كل سنة و أنت طيب
لالالالالالا
لازم أسم البوست يكون كده
كل سنة و انت طيب يا حسنى و بإذن الله السنة اللى جاية كدة يكون اللى بتحلم بيه يتحقق
حسنى اللى يشوف تعليقاته يقول بس دة بقى ايه غلباوى و رغاى
لالا خالص دة انا اللى كلت دماغة لما خرجت معه
فى الخروجه التاريخية ليا
ليه بقى لأن هيجى اليوم اللى هقول اكل صحابى و هو فى التلفزيون يا جماعة الراجل دة صحبى (:
الكتاب دة بتاع صحبى
أنا عارف المفروض اليومين دول معاك حاجة مهمه
ربنا يوفقك فيها
صديقى العزيز حسنى
لقد أكملت عامك التاسع عشر
لذلك
اهديك هذه
(:
البوست دة هيكون أول حاجة لحملة مكافحة الكأااابة (: للمدونة ميرا (وومن)
ملحوظة
يا حسنى ملقتش عندك صورة الناس تعرفك بيها غير دى

أسف جدا جدا ع الأزعاج


أولا أنا بأشكركم جدا جدا جدا جدا
بجد أنا منغيركم ممكن مكنتش عديت الضيق اللى أنا كنت فيه
انا يمكن مبعرفش أزعل قوى بس لما بزعل
بزعل بجد
بزعل لدرجة انه كان هيجيلى هبوط
بس برجع بسرعة جداً
أرجوكم محدش يكون زعل منى
لو سمحتم
شكرا لكل اللى سأل و كل اللى ملحقش
شكرا أخواتى الأعزاء
على البوستات
مدونة واحد شاى
مدونة الحب الجميل
يا رب تقوم بالسلامة اللى برغم تعابها كتبت برضه
مدونة أيام وبعشها
مدونة بالحب أتجمعنا
و الناس اللى أتصلوا
بجد بجد بجد
شكرا
ليكوا كلكلو بجد
و محدش يقولى متشكرش لا هأشكر اها (:
بجد دة كفاية الخضة
بأشكر كل اسم كان فى التدوينة اللى فاتت (:
اللى مش هشلها لالا هخليها علشان تفكرنى أنى محولش أفكر فى كدة تانى
و تفكرنى أنى فى ناس جميلة زيكم
و تفكرنى دايماً أن فى ناس بتحبنى (:
أسف بعمق
أسف بأحراج
أسف و أنا وشى فى الأرض
محدش يقولى متتأسفش
و معلش مش هاقدر أتكلم عن اللى كان خلانى أعمل كده
برغم انى فرحان و أن الموضوع مخدش وقت طويل معايا
بس لسه أحساسى بالذنب أنى أكيد خضتكوا
بس انا فرحان زى ما يكون مسافر بقالى شهور
و جيت
بجد انا و بكتب البوست كنت ببكى
بحبكم كلكم صدقونى
حتى لو أختلفنا
علشان كده انا بهديكم و بأهدى نفسى (:
أخرج م البيبان الحر الضيقة
و بقول لنفسى على رأى ميرا (وومن)
كفاية أكتئاب
خوفك مش قدر و هروبك مش طريق




جعلت الرب امامى فى كل حين

أعتـذااااااار + و أستراحة و يمكن مرجعش

أنا هأطر أنى مش هأكتب فترة محدش يفتكر علشان موضوع مع ملاكى أو أى شيىء بس أنا اسف ليكوا جميعا أنا بأكتب و منهار نفسيا جدا لأن اللى شفته و سمعته ميطمنيش فمش عارف هرجع أمتى سامحونى

كان نفسى أفضل معاكوا

انا اسف