تعاطف و حب و ضحك ....فين فى أبو الريش (:

أولا أعتذار واجب و شكر كبير جدا
لأستاذة منى
مدونة
A space of my own
بأشكرها لأنها وعدتنى و أوفت بالوعد
كان نفسى أنى أكون على قد ثقاتها و أحترامها
بأعتذر لعدم مقدرتى لتلبية الدعوة الكريمة للقاء تدوينى
و إفطار جماعى
بجد صدقينى حتى يوم أبو الريش كنت عارفُه من بدرى
بس معرفتش أنى هروح إلا فى اللحظات ألأخيرة
أرجو منها تقبل الأعتذار
****************************
طبعا فى لقاء كان نفسى يحصل بس محصلش
ولكن لازال بداخلى الكثير

**********************************
أمممممممممممم أبتدى بأيه طب أرغى زى كل مرة و لا أرحم الناس
و طب الناس اللى أول مرة هتيجى هتستحمل
هنشوف أنا هتكلم بقا و خلاص (:
يا عم رامى أتكلم أرحمنا بقى
حاضر حاضر (:
هبتدى من أول ما عرفت أن فى لقاء تدوينى لا و مش تدوينى بس
لأ و خيرى كمان
أنا فرحت و زعلت و أتنرفزت و معرفتش أعمل أيه
ليه يا عم رامى دة كله
فرحت لن اليوم أنا كنت متأكد أنه هيكون جميل
و زعلت لأنى مكنتش هاجى
و أتنرفزت أنى كنت واخد أجازة طويلة بتاع شهر و نص
يا جدعااااان
بس الحمد لله فضل بس شعور الفرحة
بجانب شعور الحزن
أزاى يعنى يا عم رامى
لالا مش هينفع بس هحكى بس عن شعور الفرحة
(:
طبعا انا نزلت اليوم دة بعد معناه من المحيلة و الترجى
و الوعود الكثيرة و الضمانات القاطعة
بالرجوع فى نفس اليوم
بس
.
أتأكدت تماما انى رايح قبل السفر بيوم
و قعدت أفكر فى المواعيد المناسبة
و التظبيط حجزت تذكرتين رايح جى
علشان اثبت حسن النوايا انى مش ههرب
بعد اللقاء أعمل لجوء سياسى فى القاهرة بعد اللقاء
(:
المشكلة بقى انى نسيت التذكرتين فى السكن
و روحت المحطة كدة أكتشفت الحكاية دى و الأتوبيس طالع
بس الحمد لله أتظبطت (:
يا نهار ابيض يا عم رامى انت لسه محكتش عن اليوم
طب أعمل يا جماعة انا متعود أعيشكم معايا الأيام دى زى و ما انا عشتها
بس خلاص أحنا قربنا اهوا (:
وصلت القاهرة ريحت عند خالتى شوية
و طلعت على المستشفى (:
قصدى على اليوم يعنى (:
ركبت المترو و وصلت بالظبط فى الميعاد
و ايه ابص ألاقى المستشفى قدام المترو
فرحت قوى أصلى انا فى المواعيد دى بعيد عنكم
بايظة خااااالص (:
المهم دخلت أسأل الأمن او الشخص اللى واقف على البوابة
لو سمحت هوا فى تجمع تدوينى لو سمحت
رد عليا و قال
بتقول اية تجمع ماله
تدوينى مدونات يعنى
قالى لا مفيش حاجة زى كده
طبعا وقفت زى العبيط طب اقوله ايه ده
بس انا حسيت أنه ده عقاب الغباء
أيـــــــوة الغباء
أصل انا ما خدتش نمرة أستاذ خالد من البوست
بس يمكن علشان مكنتش متأكد انى جى
بس أنت عرفت يا عم رامى
غباااااااء
المهم طب يعنى حضرتك مفيش مستشفى تانى لأبو الريش
أه فى
فين ؟؟
أنهون ؟
أنا بكل أستغرب و رعب و خوف
ههههههههه
أنهوووووون؟؟؟!!!!
اصلى دول اربعة يا أستاذ
قلت فى سرى ربنا يطمنك
سألته طب فين اقرب مستشفى
شاور على واحد قريبة اللى هى طلعت
اللى فيها اللقاء
طبعا انا بحاااول أختصر
تختصر أه بأمانه أختصر
المهم روحت و دخلت المستشفى (:
و انا كنت مبتسم طول الوقت
فرحان بقى
ليه ؟؟؟
اولا علشان هعمل حاجة دايما كنت بأشوفها فى التلفزيون وأحسد الناس عليها
أن انت تروح و تشارك المريض فى ألامه حتى لو نفسيا بأبتسامه جميلة
أن أنت تحس قد أيه ان انت فى نعمه كبيرة و انت مش حاسس
أسمها الصحة
أن انت تعمل حاجة لوجه الله و انت راضى من جواك
و أزاى تبقى متعاطف فعليا مش بس كلام
دة هو التعاطف
أزاى كمان تعمل ده و أنت حابب تعمل كده و انت عاوز تعمل كده من جواك
أزاى تعمله و انت شايف نظرة الحب من اللى حواليك و هما مش عارفينك
أزاى تكون بتحب ناس اول مرة تشوفهم
و تحب ناس اول مرة تعرفهم
و تحب كل شيىء موجود حواليك لمجرد ان الناس بتحبك بدون مقابل
و دة هو الحب
أزاى ان الأبتسامة متتشلش من على وشك غصبن عنك
أيوة يعنى انت مبتسم متعرفش ليه بس فرحان
أزاى ان ضحكتك ملياك منغير متعرف تخبيها جواك
أنا عارف نفسى انا بضحك كتير بس ضحك اليوم دة كان مختلف
كان بطعم الفرحة
ليه يا عم رامى هو فى ضحك من غير فرحة
صدقونى منغير فلسفة أيوة
تضحك كدة منغير متحس بالضحك ده
بس أنا كنت بضحك من قلبى (:
هو دة بقى الضحك
طبعا من أول ما دخلت المستشفى و انا شايف كل دة
شايف أزاى البنات كلها متجمعين بيساعدوا فعليا فى تنظيم الحاجة
مش زينا أحنا الولاد واقفين و خلاص
أو انا بس علشان محدش يزعل (:
أزاى الناس مبتسمة
كنت بأدور على حد أعرفه يمكن الوحيدة اللى كنت أعرفها
شكلا و موضوعا (:
الأخت العزيزة منى درويش
أنا مش فاكر شفت مين الأول يا جماعة الذاكرة عندى
ضايعة
فرجاء الترتيب فى الأسماء محدش يزعل
(:
على أعتبار ان احنا مش فى مسلسل (:
يمكن أغلب الناس ممكن هتعرفنى من البوستات الخيرة اللى فيها صورى
طبعا شوفت الغالية عالينا كلنا
مامت يوسف
فاتيما (:
هى اللى عرفتنى صراحة
هى تقولى ازيك يا رامى انا فاتيما
أرد أنا بقى أقول أيه
بجد !!!
شوف الرد هههههههههههههه
بس لأن أيه لسه كنت بفكر أزاى هعرفها طب هى جت ولا لأ
و طبعا معاها فى بالى دكتورة ستيتة
بس اللى عرفته انها مش جايه
نزل عليا الخبر كالصاعقة
بأمانة يا دكتورة كان فى أتنين كادبورى مخصوص لحضرتك
طبعا فاتيما
زى المدونة تمام و التعليقات و نشاط كبير جدا
خفة الدم و روح الأمومة الجميلة
بجد ربنا يباركلها فى يوسف و يجى معاها اللقاء أبو الريشى اللى جاى
طبعا انا هكتب بدون ترتيب للأحداث قوى لأنى كتبت البوست بعد ما ريحت كدة و دماغى راقت م الصداع ههههههههه
بتاع المشوار
شوفت بقى أختى العزيزة منى
و روحت سلمت عليها
كنت فرحان قوى شفت ناس أعرفها أهوا
و ملحقتش أسلم بس يدوب نقف نلاقى ناس تيجى
أستاذة داليا قوس قزح من الأسماء اللى مينفعش تتنسى
خيخة مامت شريف جدعة زى ما فى المدونة
و أكتشفت أنها متابعة المدونة
كانت مفاجئة كبيرة صراحة انها متابعة (:
و شوفت كيارا عالم مولان
و كيكى عوووو فوكك منى
على فكرة يا كيكى انا بضحك أهوا لسه (:
سونى 2000
كركبة دماغ
رسائل بلا بريد
و طبعا الحاضرين الغائبين
ريتشاردية
و الحب الجميل
بجد الأتنين كانو هيعملوا جو كمان أحلى و أحلى
بجد كلهم محترمين فوق الوصف
و طبعا اللى كنت نفسى اشوفهم
ميرا ...مار المدونة الجدعة اللى من أوائل الناس اللى شجعونى أعمل مدونة
طالبة مقهورة جدا المدونة الصغنونة (: اللى هى أول تعليق عندى فى المدونة أة تصدقوا هى أول تعليق حتى لو كان صدفة كانت صدفة جميلة
حسنى مدونة مذكرات مريض نفسى كان نفسه جدا يجى بس تعب جدا و كان واخد دور صعب شوية ربنا يشفيه يا رب
لولا وزهراء مدونة بالحب أتجمعنا
شفقة هانم و أحسان بيه طبعا انا مقعدتش معاهم بس اللى أقدر أقوله ليهم شكرا من كل قلبى بجد هما فى بوست أنقذونى من موقف الحمد لله البوست بتاعهم جه فى وقته شكرا ليهم (:
طبعا انا ذكرت المدونات دول علشان هما من القاهرة
فى مدونات كتير بس صدقونى انا ذاكرتى وحشة جدا
اسف لأى حد ممكن أكون أتعرفت عليه و مكتبتش عنه حاجة
المدونين بقا أتعرفت على
أستاذ خالد همس الأحباب
بجد الراجل ده كتر ألف خيره
أيه ده بدون كلل بدون تذمر بدون زعل من حد
يعمل فى حب مش فى صمت
ربنا يبارك له بصراحه
أتعلمت منه أزاى أعمل عمل الخير و أنا حتى لو تعبان مبينش
بجد كانت معرفة خير
و يا رب أقدر أروح أى عنل يكون بينظمه
بأذن الله
فى طبعا مدونين كتير عرفتهم
بس طبعا الأسماء أنا اسف يا جماعة أرجوكم متوعلوش ارجوكم
مدونة بوكيه ورد
مدونة تحت الياسمينة
مدونة يوميات شاب فقرى
فى كتير اتعرفت عليم بس صدقونى الذاكرة وحشة جدا
كتر خير كل اللى جم
انا كنت حاسس بيهم الصيام بقى و الحر
و طبعا بعد ما خلصنا المستشفى
أيه يا عم رامى أنت هتحكى تانى لسه
أه أنتوا أيه زهقتوا و لا نهتوا (:
أنا لسه بقول يا هادى
(:
المهم روحنا ع المطعم و الأستاذ خالد بجد انا مكنتش عارف اعمل ايه معه
خايف أحاول أساعد أخرب الدنيا
كتر خيره
الناس فطرت و شربت و فكروا نروح فين
شفتوا أدينى قلبت المطعم متكلمتش عليه كتير
المهم بعد نقاش ديمقراطى قرروا نروح وسط البلد
لسهولة المواصلات منها لكل حتة
هناك بقى
حكيت مع ناس كتير خيخة و فاتيما (:
و أحمد الصباغ
و عادل اللى انا مطلع عينه فى مدونته بحب السيما
و كان فاكرنى مهيبر من الرخامة اللى كنت برخم بيها عليه
(:
سووووو أحمد
دمه خفيف جدا جدا و بجد مكنتش عاوز أمشى و أسيب القعدة
كيمو (: يا جااامد
محمد عبد الحميد ذكى اللى مكنتش أعرف انه مدون
أعرفه بس ع الفيس (:
ناس كتير قوووى بجد أكيد اللى حضر اليوم هيعذرنى جدا
طبعا انا جريت فى أخر البوست علشان متزهقوش
يا راااااجل (:
أه بأمانة
على العموم أنا مكتبتش حاجات كتيرة
أيوة لسه فى حاجات كتير قوى (:
سلام بقى علشان متدعوش عليا
يارب دايما متجمعين فى الخير
و ياااااارب يشفى والد ندى الياسمين
و دى أغنية عيش أهداء ليكوا كلكوا
عيش حب الناس و عيش
تلقى الناس بيوت فاتحه قلوبها فوت
حب متتنسيش
دور سافر فى القلوب

39 التعليقات:

  Ramy

الاثنين، 30 أغسطس، 2010 5:55:00 م جرينتش+2

أسف جدا

البوست طويل و غير منظم و حاجة تكسف

أستحملونى بقا (:

شكرا ليكو كلكم (:

نورتوا قلبى بجد(:

  فاتيما

الاثنين، 30 أغسطس، 2010 7:03:00 م جرينتش+2

حمدلله على سلامتك يا ر ر
انتا اللى نورتنا


و برضووووووووو
البوست بتاعى أطول
وش مبتسم و بيضحك بفرحة


حلوة الغنوة قوى
بجد اختيار هايل


الحمدلله اننا عملنا اللى علينا
و المرة الجاية هجيبك من لياقة التيشيرت و اقولك وزع معانا الحاجة و مفيش حاجة
عادى بس اصل الاوضة كانت ضغننة
بس سبحان الله ساعات م الحبايب كتير
غير اللى كانوا واقفين برا

انا مبسوطة بمجييك قوى
و مبسوطة بالهدية و الشكولاتة و ابتساماتك الطيبة زيك
و مبسوطة بكلامنا ع البورصة
و ربنا عالم ان غلاوتك زادت عندى
و هدعيلك دايما ربنا يسعد قلبك
و كل أيامك
بجد انتا حد الواحد يتشرف بمعرفته

انا مش متفتاجئة بيك خالص بصراحة
لأنى من اول تعليقات ليك عندى
و كام بوست هنا ف مدونتك
كنت عارفة
انك حد معرفته هتزودنا
و تخلينا عزوة و صحبة و ناس اجمل

كل سنة و انتا معانا ف الخير
بس من غير شحططات و سفر يا بنى


و الشكولاتة المرة الجاية عليا


سلامى لبيير الجميل
شرفت اليوم يا ر ر

  gogo!sf

الاثنين، 30 أغسطس، 2010 7:21:00 م جرينتش+2

بجد انا زعلانه جدا جدا

ومش هعلق على البوست خالص

عشان المفروض ان كان يبقى فى اعلان لكل المدونين بالميعاد ده
وده اكتر لقاء كان نفسى اكون موجوده فيه فعلاً

  Baskouta

الاثنين، 30 أغسطس، 2010 7:33:00 م جرينتش+2

جميل انك شاركت في اليوم الجميل ده
والبسوت مش ملخبط ولا حاجة
عقبال كل مر.
وكل سنة وانت طيب.
تحياتي البسكوتية

  Ramy

الاثنين، 30 أغسطس، 2010 8:01:00 م جرينتش+2

فاتيما

مامت يوسف الغالية

الله يسلمك دة نورك و نور الناس الحلوة اللى كانت موجودة

(:

مش عارف ارد عل كلامك الجميل دة غير بأبتسامة كبيرة

غير انى اقول ربنا يفرح قلبك دايما و يحقق ليكى كل اللى تتمنيه

ياااارب

قولى أأأأميييين

(:

ربنا معاكى دايما

  Ramy

الاثنين، 30 أغسطس، 2010 8:08:00 م جرينتش+2

gogog!sf

أزيك

متزعليش أنا أسف

طب أقول ايه بس دة الجماعة بتوع بلوجر أشتكو من كتر البوستات اللى أتعملت لليوم

و انا حاطط صورة على جنب لو دوستى عليها فيها تفاصيل اللقاء

ميهمكيش دى غلطتى بس صدقينى لو فى أى حاجة زى كدة و انا عرفت و عد منى هتكونى أول حد أقوله

على فكرة هما ممكن يعمله ع العيد تجمع مدونات مؤناثات بس (:

ده ممكن الفكره طرحوها ولسه مقرروش
بس أكيد التفاصيل هتلاقيها عند فاتيما مامت يوسف أول تعليق عندى

متزعليش

هتتعوض ان شاء الله

(:

نورتينى برضه (:

  Ramy

الاثنين، 30 أغسطس، 2010 8:10:00 م جرينتش+2

بسكوتة

الحمد لله انى قدرت أروح

طب كويس ان البوست مرخمش عليكوا (:

و كل سنة و انت بخير و سلام

شكرا ليكى

نورتينى (:

  мαησηα

الاثنين، 30 أغسطس، 2010 8:22:00 م جرينتش+2

رامى .. اخويا الغالى

حمدلله ع السلامة يا باشا

انا كنت قلقانة والله عليك خصوصا انك كنت مختفى زى لتانى يوم وانا رجعت دورت لقيت هس هس عندك

وبعد ماروحت نسيت اخد رقم فونك علشان اطمن عليك لما توصل :)

كل مرة نكون فيها ف سفر مع بعض اقول وهو مروح هاخد رقم تليفونه وبعدين انسى هههههههه زهايمر مش جديد عليك بقه زمانك حفظتنى يا رامى :)

عارف بقه بجد انى كنت مبسوطة اوى انك موجود انا كنت حاسة انى وسط اخواتى والله العظيم

مامتى ريم وبابايا خالد وانت ومحمد وغيركم والله من الشباب

لاول مرة ف حياتى مابقاش خايفة ولا متوترة

وطبعا كان واضح الروقان عليا

كنت مبسووووطة اوووى بابتسامتك الجميلة

انا كنت حساك فرحان كنت فرحانة لفرحك اوى

كل سنة واحنا كلنا مع بعض ف الخير يارب اللهم اميييييييين

البوست بتاعك رائع كفاية دفئ المشاعر اللى فيه :)

  Ramy

الاثنين، 30 أغسطس، 2010 8:36:00 م جرينتش+2

أختى
العزيزة منى

الله يسلمك انا اسف ان كنت قلقتكم

هى قلة ذوق من انى المفروض كنت طمنت الناس

بس بجد كنت راجع مش شايف قدامى هههههههههههههههه

الحمد لله ان انتى اتبسطى كده و كنتى فرحانة

كنت فرحان بجد (:

ميهمكيش أى حاجة انتِ عندك كارت بلانش (:

الله يخليكى يا أختى العزيزة و ربنا يروق بالك و ينولك كل اللى تتمنية يا رب

نورتينى و شرفتينى و فرحتينى (:

  قهوة بالفانيليا - شيماء علي

الاثنين، 30 أغسطس، 2010 8:52:00 م جرينتش+2

واضح انك مبسوط اوي يا رامي ..
:)
هو كان جميل للدرجة دي ؟؟:)
يا ريتني كنت معاكم ..
يا رب يكون من نصيبي اني اشوفكم المرة الجاية :)

  Ramy

الاثنين، 30 أغسطس، 2010 8:59:00 م جرينتش+2

شيماء

أزيك

أيوة انا مبسوط

بس أنتِ من القاهرة يبقى خسارة ان انتِ مجتيش

بس تتعوض فى مرة تانى قلايب أن شاء الله (:

نورتينى (:(:

  موجة

الاثنين، 30 أغسطس، 2010 9:32:00 م جرينتش+2

لاء يارامى
مش هعلق ع البوست ده بقى
:(

  كيــــــــــــارا

الاثنين، 30 أغسطس، 2010 9:38:00 م جرينتش+2

رااااااااااااامى

والله يابني انا كنت بشةف ابتسامتك كنت بزقطط من جوايا خااااااااالث

لا بجد ماشاء الله عليك

فرحت انك جيت جداااا وعرفتك عن قرب اكتر

وبردووووو ميرسي علي الشيكولااااااااه لفته رقيقه اوي منك

ويارب كل سنه نكون في الخير دا

  Ramy

الاثنين، 30 أغسطس، 2010 9:46:00 م جرينتش+2

موجة

ليه بس يا بشمهندزة

البوست لو هيزعلك نشيله خالص

بس أعرف ايه بس اللى مزعلك

و أنا اقدر أزعل موجة البلوجر

بجد أنا مش عارف

):


بس برضه منورانى (:

  Ramy

الاثنين، 30 أغسطس، 2010 9:54:00 م جرينتش+2

كيارا

من غير ميرسى ارجوكى بتعملى حساسية

(:

انت بس اللى ناس ذوق و محترمين

و الفرحة و البتسامة كانت بيكوا

بأمانة

و الشرف كان ليا انا بجد صدقينى

ربنا يوفقك دايما

نورتينى (:

  mrmr

الاثنين، 30 أغسطس، 2010 11:15:00 م جرينتش+2

رامى
حمد الله بسلامتك
انا زعلانه انى مكنتش معاكوا
كنت عايزه اكل الشيكولاته
هههههه انا بهزر
بجد كنت اتمنى اكون قريبه واقدر اشارك معاكوا
لكن ربنا يدبر الامور ومحدش عارف الايام مخبيه ايه يمكن تلف ودور الايام ونتقابل
من البوست بتاعك حاسيت قد ايه كنت سعيد
لكن حسيت برضه ان فى شظره من الحزن واخده جزء من قلبك علشان اللى كان نفسك فيه محصلش ( حلوه شظره دى )

لكن ربنا يقرب البعيد ويسعد قلبك
وكل لقاء خير وانتو طيبين

  Ramy

الاثنين، 30 أغسطس، 2010 11:27:00 م جرينتش+2

مرمر

الله يسلمك

بأذن الله تكونى معانا فى لقاء قريب (:

أى حاجة منك حلوة (:

شكرا يا مرمر

بتنورينى دايما (:

  لـــولا وزهـــراء

الثلاثاء، 31 أغسطس، 2010 12:57:00 ص جرينتش+2

ساااااااااااااااااامي

معلهش ياسامي احنا مش مكناش معاكم

ومش متابعين قووي كل الاخبار يمكن بنعرفها بعد ما بتحدث
لان فترة رمضان بالنسبالي انا وزهرة مبناحقش نقعد فيها شويتين على بعض
دعواتك لامي
ربنا يعزك
لولا

  داليـ ـ ـ ـ ـ ـ ــــا

الثلاثاء، 31 أغسطس، 2010 5:32:00 ص جرينتش+2

لالالالالالالالالالا
بالعكس انتا لو كنت كتبت كتاب انا بردوا كنت هبقا مستمتعه وانا بقرءه تعرف ليه عشان انا حابه اللقاءات دى واحب اعرف كل التفاصيل اللى حصلت فى اللقاء
ببقا مستمتعه وانا بقرء ياأخى
واتمنا بجد حقيقى انى احضر لقاء من اللقاءات دى

  Noha Saleh

الثلاثاء، 31 أغسطس، 2010 6:50:00 ص جرينتش+2

واضح انه كان يوم جميل عموما اى حاجة فيها خير بتكون حلوة
كنت اتمنى اكون معاكم فى اليوم ده بس الظروف للاسف
جميل ان الواحد يرسم البسمة على شفاه انسان محتاجها بجد

  Tamer Nabil

الثلاثاء، 31 أغسطس، 2010 10:11:00 ص جرينتش+2

اجمل حاجة فى البوست كل حاجة فية يارامى


كان نفسى اجى والله بس اة منها الظروف تتعوض فى مرة تانية


ربنا يوفقك ويكرمك


مع خالص تحياتى

  ويكا

الثلاثاء، 31 أغسطس، 2010 11:35:00 ص جرينتش+2

اوبااااااااااااااا

انت كمان روحت اللقاء .

دا البلد كلها كانت هناك يا جدعان .

اخص

طب تعوضوهالى ازى دى بقى ؟!!!!

انا ماليش دعوه ، انا لو نزلت مصر لازم تعملوا لقاء تدوينى مخصوص علشان احضره.

بس بجد واضح من البوست ان اللقاء كان جميل جدا ، وانك لسه مبتسم على الاخر.

ههههههههه

على فكره ، فيه حاجه فى البوست انا ماكنتش واخد بالى منها ، الله يكرمها مرمر ، خليتنى اخد بالى منها من تعليقها اللى كتباه .
ههههههههههههههه

صباح التشريد ، مفيش فايده.
ههههههههههههههههه

  ويكا

الثلاثاء، 31 أغسطس، 2010 11:38:00 ص جرينتش+2

تصدق
انا لسه عارف ان دى مدونتك.

بس جميله على فكره

  موجة

الثلاثاء، 31 أغسطس، 2010 12:10:00 م جرينتش+2

بما انك اهتميت اووى كده بكلمة قلتها وهى انى مش هعلق ع البوست
فسبب زعلى مش منك يا رامى
سبب زعلى منى
لانى معرفتش اكون معاكو لتانى مرة تعملو تجمع ويبقى نفسى ارووح وما عرفش
بس ظروف
فمقدرتش اكمل بقى قرايه البوست
كفاية استحملت البوست بتاع اسكندرية
خلاووووويص يا رامىىى
لا تقلق
انا صعب حد يزعلنى
وصعب كمان ابين زعلىىى
ما تقلقش ياباش وسالت عليك العافية والصحة

  Ramy

الثلاثاء، 31 أغسطس، 2010 12:18:00 م جرينتش+2

لولا و زهراء

لولا

و لا يهمك أحنا كنا عاوزين نتشرف بيكم الشخصيات الجميلة و المحترمة

ربنا يوفقكم و يكون معاكم دايما

و ربنا يشفى الوالدة بأذن الله قريب

و يقومها بالسلامة

بتنورونى دايما

السلام أمانة للوالدة و لزهراء

  Ramy

الثلاثاء، 31 أغسطس، 2010 12:25:00 م جرينتش+2

داليـــا

يا رافعة معنوياتى (:

الحمد لله أنِك كنتِ مستمتعة (:

و بأذن الله تقدرى تيجى لقاء قريب بأذن الله

نورتينى كتير يا سنيوريتا (:(:

  Ramy

الثلاثاء، 31 أغسطس، 2010 12:33:00 م جرينتش+2

noha saleh
(:

حقيقى زى ما بتقولى أى حاجة فى الخير بتكون جميلة

بأذن الله تقدرى تيجى يوم قريب (:

نورتينى (:

  Ramy

الثلاثاء، 31 أغسطس، 2010 12:39:00 م جرينتش+2

تامر نبيل

الله يخليك يا تامر

أنت الأجمل يا باشا

تتعوض بأذن الله حتى نقدر نشوف الناس الحلوة

منورنى يا باشا (:

  Ramy

الثلاثاء، 31 أغسطس، 2010 12:51:00 م جرينتش+2

ويكا

شفت بقا الناس كلها راحت (:(:

بأذن الله قريب كدة يعمله لقاء تانى و نقدر نتجمع كلنا و نتعرف ع الناس البعيدة دى

هو انت منين صحيح

و كمان مكنتش تعرف ان دى مدونتى

يا للفاجعة البلوجية (:(:

انت فهمت طب أستر عليا الله يخليك (:(:

كويس ان المدونة عجبتك يا باشا

نورتنى (:

  Ramy

الثلاثاء، 31 أغسطس، 2010 12:57:00 م جرينتش+2

موجة

أنا أهتميت بجد لأنى محبش الناس الكويسة تزعل منى بجد

ولا تزعلى نفسك

بأذن الله يكون فى لقاء قريب

و انا سمعت طراطيش كلام انه هيكون فى لقاء فى أسكندرية

الله يخليكى يا بشمهندزة (:

منورانى دايما (:

  sony2000

الثلاثاء، 31 أغسطس، 2010 6:12:00 م جرينتش+2

يراااااااااااااامي
اخويا الكبير خلاص
معلش بقي انت كدا اتثبت ياعم
وانت عارف يعني ايه اخو سوني الكبير
ربنا يسترها علييييييك ياابني
ههههههههههههه
انا اساشا من ساعه ماكنا بنلف علي المستشفي وانا قلت اكيييد انت معانا
وبجد شكرا علي الشيكولاته ولوني مادقتش منها حاجه خالث لانها عجبت اللي فالبيت واتاكلت وخلاص:(((
بجد ياريت نتجمع تاني كلنا فأقرب فرصه

  Ramy

الثلاثاء، 31 أغسطس، 2010 6:37:00 م جرينتش+2

أختى العزيزة
سونى2000

على فكرة دة شرف ليا صدقينى

و ربنا يسترها عليا (: هههههههه

بالهنا و الشفا للى كل و بأذن الله اعمل حسبهم المرة اللى جاية
(:(:

اتشرفت جدا بأمانة بمعرفتك

نورتينى (:

  فشكووول

الثلاثاء، 31 أغسطس، 2010 10:43:00 م جرينتش+2

يا خبر ابيض
دا انت دخت السبع دوخات
عارف انا اول وآخر مره احضر لقاء تدوينى كان من ييجى سنه ونص كدا وكان والله يوم جميل بس انا كنت تايه وما حدش عارفنى الا هى فاتيما برضه اول ما شافتنى قالت فشكول وبعدين ما كانش فيه فى التجمع غير واحد بس هو اللى عجوز ومكحكح وادور ابص هنا ولا هناك عشان الاقى واحد عجوز زى ما الاقيش .. وكنت قاعد جنب الولاد الحلوين والبناتات السكاكير .. بس من يومها حرمت احضر لقاء تدوينى .. دا مش قرار بس بلاقى نفسى نشاز فى وسط القعده العسل دى ..
كتر الف خيركم وربنا يديم عليكم الصحه والخير
تحياتى

  صوت من مصر

الأربعاء، 1 سبتمبر، 2010 12:54:00 ص جرينتش+2

رامى احساسى لا يوصف بجد
انى اتعرفت على شخص زيك حد جميل بجد
وتحس كده كانه عبقرى من اول نظره
ثانيا انا ليه جامد مش عارف
" كيمو "

  الحب الجميل

الأربعاء، 1 سبتمبر، 2010 1:45:00 ص جرينتش+2

رامى
شكرا لسؤالك عنى
أنا أحسن من الأول
وواخده عدة النت جنبى
عشان أعرف أواصل معاكم
وشكرا تانى لكلامك الجميل فى البوست
وذوقك
كان نفسى أكون معاكم بجد
أنا عايزة أقولك انى عيطت اليوم دا
معليش
تتعوض
ان شاء الله
ربنا ما يحرمنى منكم
دمت فى حفظ الرحمن
يا أجمل صُحبه

  Admin

الأربعاء، 1 سبتمبر، 2010 2:54:00 ص جرينتش+2

اول مره بس مدونه زى العسل

  الشـــــوكه النــاعمه

الأربعاء، 1 سبتمبر، 2010 4:31:00 ص جرينتش+2

ازيك ياعم رامى
ربنا يفرح قلبك ربنا يجعله فى ميزان
حساناتك
وبجد انت محظوظ عشان كل الناس الحلوه
اللى كانت معاك
ياريت كنت اقدر اجى بس اهه نصيب
كل سنه وانت بخير

  mrmr

الأربعاء، 1 سبتمبر، 2010 5:05:00 م جرينتش+2

رامى
فى دعوه موجه ليك فى شباب على طول

  Sameh Ezzat - (خواطر خاطر)

الخميس، 2 سبتمبر، 2010 3:29:00 ص جرينتش+2

يا رامي كلنا كده ناسين الاسماء لكننامش ممكن نسي ان قلوبنا كلها كانت واحده في اليوم ده
انا اتشرفت بمعرفتك ورؤية هدوئك الشديد ده وكنت حاسس انك خجلااااااان شويه