وأنت يا هذا قولى لماذا أخدت أجازة


حاضر هقول
كل دة أسم بوست
رد يا أفندى ع الأستاذة
طيب (:
أنا هتكلم المرة دى عن الأجازة
ما واضح من الأسم يعنى يا عم رامى
هتقفولى ع الكلمة ولا ايه
(:
لا أصلى الأجازة دى كانت مختلفة جدا جدا جدا
أنا أخدت أجازات كتير و قليل
بس دى كانت رائعة و أأأأأأأة متعبة مش من السفر وكدة لالا
تعب تانى خالص ...
نبتدى منين أة من التجهيز
كنت بجهز للأجازة قبلها كدة بــ15 يوم
دة بيحصل لأول مرة فى التاريخ
أصلى أنا كنت باخد الأجازة نوم بس
يمكن كنت أخد مثلا 10 أيام بس نوم و وخم فى البيت
بس برضه اللى غيرنى و خلانى شوية نشيط
برضه ملاكى
(:
خدت أجازة شهر و نص
D:
ايوة شهر و نص بتقولوا يا خبر أبيض ليه
و كنت بأحاول أظبطها كدة علشان ألحق يوم التبرع بالدم اللى كانت عملته
بنت خيخة
بس ملحقتش نزلت بعده بيومين
بس كنت مظبط ليوم المنصورة بتاع توقيع كتاب زوجى مازال حبيبى
لسارة درويش
و شفت كمان
و الأخت العزيزة منى درويش
و مدونين تانين
و عملت بوست المنصورة رايح ....جى
و قبلت كمان صديقى العزيز جدا
المستفز (:
حسنى باشا
كاتبنا المتألق
فى الأجازة كمان زورت ناس كتير من قريبى
كانوا وحشنى جدا
كنت مقصر معاهم
روحت سينما و شفت أفلام كتير
لاتراجع ولا أستسلام ... جميل
الكبار ... رخم مفهوش غير خالد الصاوى
الديلر .... صدمنى لعدم جودته
عسل أسود .... جميل جدا بس مش زى أفلام أحمد حلمى الأخيرة
بنتين من مصر .... أكثر من رائع *****
Inception فيلم جيد جدا
ده فيلم دى كابريو الجديد
أية يا عم رامى أنت فاضى بقى
يعنى (:
طبعا فى وسط دة كله مقدرش أنساها برضه
هى معايا فى كل وقت
قابلتها
أنا حكيت عن المقابلة دى فى كذا بوست
تنهيدة طويلة
أكمل بقى (:
روحت أسكندرية
(:
اليوم اللى دعت ليه
الحب الجميل
و شفت
لولو بنتها
و ريتشاردية
و زوجها المحترم الأستاذ محمد
و برضة عملت بوست عليه
أسكندرية ماريا ..... وناسها مية مية
(:
يااااه ده كله ولسه يا جماعة
دة شهر و نص نمسك الخشب بقا الله يخليكوا
(:
دة أنا لسه مرحتش الأقصر لسه
هو لسه فى لقصر (:
طبعا وحشنى بيير جدا جدا
وكبر و كمل سنة
كنت عاوز أعمله بوست بس ملحوقة
قبلت زمايلى اللى بحبهم كلهم
كنت بقابلهم كده انا وماشى
(:
مهانش عليك تتصل بيهم (:
أصل يا جماعة الأقصر أصغر من ما تتوقعوا
يعنى هقبلهم هقبلهم
اللى كان واحشنى جدا
كارتر
مين بتقول .. مين
أسمه كده (: يا جماعة
دة هيتجوز قريب عقبال عندكم كده
دة مصيبة من مصايب الزمن
بيقلد الأبنودى و زكى رستم
جامد جامد جامد (:
عملت زيارات عائلية قليلة واحدة أو أتنين
علشان اصلا كلهم فى القاهرة (:
و خرجت مش كتير بس أكتر بالليل ع النيل و الكورنيش
و الدنيا حر برضه (:
صعييييد بقى
كنت دائم الخروج مع فيليب دة يعتبر من أصدقائى المقربيين
جدا
هو أساسا مش من مصر سودانى الأصل
بس بيشجع الأهلى برضه (:
خرجنا مرة الصبح علشان أعمل كام صورة للتدوينة دى
كنت عاوز اروح معبد الكرنك
معبد جميل جدا و فى عرض بالليل للصوت و الضؤ
أنا مدمن هذا العرض
حقيقى اللى يجى الأقصر و ميرحش العرض يبقى فاته كتير
فى جزء من العرض فى حته اسمها البحيرة المقدسة
بحس بجد ان احنا رجعنا بالزمن للفراعنة شعور جميل جدا بجد
بس مع حرارة الجو مقدرتش اروح
روحت بس معبد الأقصر هو أصغر بكتير
بس جميل برضه
هى الصور مش أحترافية لأكنت صورتها بالموبيل
لأن الفكرة جت فجأة
و كان فى معرض للكتاب دخلت أتفرج
هو كان معرض مؤقت زى خيمة كده
كنت عاوز أشترى و الولد اللى واقف يقولى
لالالا مش للبيع
لأن كل دة ببلاش بعد يوم 15
طب هشترى بضعف التمن و هو يقول لأ
على فكرة أسعارها كانت رخيصة جدا جدا
فكان أغراء كبير صراحة
أنا أتغظت بس فكرت هو ملهوش ذنب هو بينفذ الأوامر
و بعدين ممكن يكون فاكره كامين يبيع و يروح فى داهيه
مش مشكله
كده كده هنزل القاهر أشترى الكتب اللى انا عاوزها
و جه يوم السفر بعد ما أمى كانت هتغنى
جى فى أيه و سافرت فى ايه و مريحتش عندنا ليه
(:
كان لازم اسافر لأن كان فى ميعاد ضرورى
المشكلة انى كنت مصاب اصابة بالغة
ألف سلامة يا عم رامى
الله يسلمكم
(:
و ملقتش حجز
طب هتعمل ايه هتعمل ايه
و بعد تفكير عميق
قلت هركب القطر بدون حجز
مجنون يا جدعان (:
و فضلت واقف من الأقصر لحــــــــــــــــــــــــــــــــــــــــــــد القاهرة
يا نهار أبيض
أه بأمانه علشان ألحق المعاد
بس وصلت متظبط
مع الأصابة و الأرهاق
وصلت البيت مش شايف قدامى قلت أنام ساعتين و اقوم أخد دش
و هفوق
نمت معرفتش أقوم خمس أيام
راقد و فى منفى محدش عارف انى فى القاهرة غير النت
مش قادر كنت أنزل اجيب أكل
خمس أيام ميه بس
هههههههههههه
بس فى الوسط جه ابن خالتى و اتسند عليه
وجبت حاجات خفيفه كده
و هوا خد دور و مجاش تانى
طبعا كنت مضايق نفسيا لأن ملحقتش المعاد
فوقت كده شوية و جيت ع الشرم
عاف هى قلبت دراما فى الأخر
بس تمام دلوقت الحمد لله
لأن فى الوقت ده معرفتش اتابع حد
وكنت بحاول اتابع و اكتب
بس بدون تركيز فمرضتش
علشان متبقاش قلة ذووق و كده يعنى
فبأعتذر جدا ع الفترة دى جدا
دى شوية صور بقى
و فى فيديو فى الأخر لكاظم أهداء
لملاكى
أيوة برضه فى كل بوست (:
أنا و بيبو فى نفس ذات الوقت

بيبو حبيبى كمل سنة





بداية اليوم المشمس جدا أأأأأأه يا دماغى



دة بقى جزء من الكورنيش اللى هيهدوه علشان ينفذوا حاجات تانى



و هذه ما يدعى العبارة فى كوبرى أه بس الناس بتحب العبارة علشان تروح البر الغربى و العكس أحنا كنا بنركب فيها علشان نروح و نيجى بس زى رحلة كدة رخيصة بقى (:




دى مجموعة من السفن السياحية الاى منغير شغل أصل الشغل نايم فى الأقصر

صحوووه نايم ليه ؟ مش عارف (:




الحناطير ماركة مسجلة للأقصر

مركبتهاش كتير ):

وراها طبعا باين صور التدمير للأقصر تحت أسم مشروع الأقصر متحف مفتوح

تحت رعاية اليونيسكو




دة جزء من طريق الكباش اللى المفروض كان تحت الأرض باين طبعا الحفر





دى صورة يمكن كتير مشفش فيها حاجة بس الجزء ده لسه ألوانه موجودة من 7000سنة طبعا مش باين معلش ):






جزء من أعمدة معبد الأقصر


صورة لمعبد الأقصر و دة جامع أبو الجاج يعتبر جوه المعبد










و دى الكتب اللى كنت عاوز أنقذها


نهاية الرحلة بس فى الضلة بقى

و شكرا لفيليب لتعبه معايا

































































53 التعليقات:

  يوميات رجل مش عايز يجوز

الخميس، 19 أغسطس، 2010 6:18:00 م جرينتش+2

حمد الله على السلامة

والف سلامة

والاجازة اجمل حاجة بجد

دة الواحد من تعب الشغل عايز يخد اجازة 11 شهر ويشتغل شهر واحد كفاية هههه


تحياتى

  Ramy

الخميس، 19 أغسطس، 2010 6:59:00 م جرينتش+2

يوميات رجل مش عاوز يجوز

اسمك ايه يا عم أسهل شوية (:

الله يسلمك يا باشا

على رايك حلو اوى شهر واحد ده


شرفت يا باشا

  mrmr

الخميس، 19 أغسطس، 2010 7:13:00 م جرينتش+2

حمد الله بس بس
بس بس يعنى بالسلامه
اصلى اا بقص الكلا
الكلام يعنى
هههههههههه
اجازه سعيده يا بختك انا ح احقد عليك
ههههههه

  Ramy

الخميس، 19 أغسطس، 2010 7:21:00 م جرينتش+2

مرمر

الله يس يس يس يسلمك (:(:

كانت سعيدة و مش

عقبالك تبقى أجازتك سعيدة بس (:

نورتينى (:

هى الأغنية مش باينة
؟؟؟

  محمود(باحث عن حب)

الخميس، 19 أغسطس، 2010 9:05:00 م جرينتش+2

ربنا يديك الصحه وحمد ا لله على سلامتك
بس انت طلعت كلبوظه يا رامى
وشويه شعر وتبقى احمد بدير
ههههههههههههههههههههههههه
بهزر متزعلش انا زيك حبه شعرى وهيطير
هههههههههههههه
ربنا يبارك فيك
الصور رائعه
والله انا باعشق الاقصر معلش
لنا لقاء اكيد بس لما ربنا يريد
متزعلش بهزر معاك يار امى
سلاموز

  Ramy

الخميس، 19 أغسطس، 2010 9:12:00 م جرينتش+2

محمود

انا صحيح شعرى خفيف بس انا بحب اخفه اساسا

هههههههههههههه

ازعل اية بس لا يا حبيبى زى العسل

شرفتنى يا حبيبى

  كلام من قلبي

الخميس، 19 أغسطس، 2010 9:38:00 م جرينتش+2

حمدالله على السلامة
انا كمان رحت لقصر كانت رحلة حلوة اوي وركبت الحنطور ورحت الصوت والضوء ومعبد الكرنك ومعبد لقصر

  Ramy

الخميس، 19 أغسطس، 2010 9:45:00 م جرينتش+2

كلام من قلبى

الله يسلمك

على فكرة انا عايش فى الأقصر و القاهرة (:

بس أهم حاجة بقى عجبوكى (:


نورتينى

  ELMOSTAFZ

الخميس، 19 أغسطس، 2010 10:27:00 م جرينتش+2

ربنا يديك الصحة يا رامي :) دانتا كنت تفضل ف الشغل أريحلك :) :)
كاتبكوا المتألق مبلول بقاله كام يوم يا رامي و مش عارف ينظم نفسه :)
اهم حاجة انك رجعت لنفس نشاطك الأول ، ربنا يطمننا عليك و يكتر من أجازاتك :)

  Ramy

الخميس، 19 أغسطس، 2010 10:34:00 م جرينتش+2

حسنى

على رأيك الشغل أريح

بس الأجازة دى كانت لازم

لحاجات كتيييير

و لا تتبل و لا حاجة يا عم هتصل بيك بس اروق من الدوشة و هتصل بيك

نورتيى يا حسنى

  Silver Eyes

الخميس، 19 أغسطس، 2010 11:03:00 م جرينتش+2

مساء الخير يا رامى

حمدلله ع السلامة
والف سلامة عليك :)

عجبانى الصور جداا
ونفسى ازور الاقصر اوى .. بس فى وقتها
باذن الله ..

وصورة بيبو جميلة .. ربنا يحفظه ويحميه :)

ع فكرة
الاغنية باينة .. بس بعيدة شوية عن الصور
فى اخر البوست ..
تحياتى :)

  محمود(باحث عن حب)

الخميس، 19 أغسطس، 2010 11:17:00 م جرينتش+2

http://elbanany.blogspot.com/
شرفنى
ونورنى

  Ramy

الخميس، 19 أغسطس، 2010 11:24:00 م جرينتش+2

سيلفر

مساء النور

أزيك الله يسلمك

تنورى الأقصر (:

بيبو دة حبيب قلبى

الله يخليكى على دعوتك الجميلة ليه

طمنتينى ان الغنية باينة (:

نورتينى (:

  Mona

الخميس، 19 أغسطس، 2010 11:28:00 م جرينتش+2

حمدلله على سلامتك أرسلت لك ايميل متسنية الرد إن شاءالله

  Ramy

الخميس، 19 أغسطس، 2010 11:29:00 م جرينتش+2

محمود

اوك هزورك هناك (:

  قهوة بالفانيليا - شيماء علي

الخميس، 19 أغسطس، 2010 11:35:00 م جرينتش+2

مساء الورد يا رامي :)
أنا أكتر حاجة عاجباني في الحاجات دي بيير :)
و مبروك الأجازة ..
أحب أنا الأجازات الثرية دي .. :)
دمت بخير .. و سلامات يا سيدي .

  Haytham Alsayes

الخميس، 19 أغسطس، 2010 11:52:00 م جرينتش+2

رحلة جميلة ورائعة
يارامي باشا
واكيد الاجازات بتروق البال وتريح الاعصاب

وتعالي عندى عشان الحلقة بتاعت الشقيرى النهاردة ملهاش حل جامدة
وعتضحك للصبح

رمضان كريم

  Ramy

الجمعة، 20 أغسطس، 2010 12:03:00 ص جرينتش+2

أستاذة منى

الله يسلمك

وصلنى الإيميل و صدقينى فرحت جدا ان حضرتك افتكرتينى

هبعت لحضرتك الرد

نورتينى (:

  Ramy

الجمعة، 20 أغسطس، 2010 12:13:00 ص جرينتش+2

شيماء على

مساء النور

بيبو دة حبيب قلبى ربنا يحفظه (:

ما هى خلصت
):

الله يخليكى و الله يسلمك

نورتينى (:

  أع ـقل مـ ج ـنـونــة

الجمعة، 20 أغسطس، 2010 12:20:00 ص جرينتش+2

حمدالله ع السلامة

ويارب دايما تكون مبسوط باجازاتك

تصدق انا خريجة اثار ومروحتش الاقصر دي ولا مرة :D

اسمع عنها ف الكتب بس

بالذات الكرنك ومعبد الاقصر 3 سنين مذاكرة مش فاكرة منهم حاجة دلوقتي :D :D

حلوة الصور جدا

وكل سنة وبيبو طيب ^_^

وربنا يخليلك ملاكك يااااارب ونفرح بيكو قريب ^^,

  Ramy

الجمعة، 20 أغسطس، 2010 12:25:00 ص جرينتش+2

هيثم باشا

انت الأجمل

ما انا بسمعها على فكرة و بشفها (:

الله أكرم

نورتنى (:

  Ramy

الجمعة، 20 أغسطس، 2010 12:29:00 ص جرينتش+2

أعقل مجنونة
(:

الله يسلمك

أثار و مجتيش الأقصر لالالالالالا

عيب عيب عيب

دة حتى حرام (:(:(:

و انت بخير و سلام(:

شكرا على الدعوة الجميلة الله يخليكى


نورتينى (:

  re7ab.sale7

الجمعة، 20 أغسطس، 2010 1:00:00 ص جرينتش+2

رااااااااااامي
معلش انا مش عايزاك تزعل مني
انا بحقد علييييييييييييك
دي كلها فسح وافلام وكتب والكرنك والكباش ...واصحاب وافلام .....يا بختك بجد
الله بجد استمتعت جدا جدا جدا وكأني كنت معاك
علي فكرة اول مرة اخد بالي انك مش مسلم لما انت قولت لي ....عادي يعني ...برضه اصحاب ...حمد الله بالسلامة ويارب دايما اجازاتك حلوة كدة ...وبالنسبة للكتب متقهرنيش لاني مدمنة كتب وكل ما اروح القاهرة اشتري بأاااااااااااد كدة كتب
ربنا يحللي ايامك

  لـــولا وزهـــراء

الجمعة، 20 أغسطس، 2010 1:15:00 ص جرينتش+2

رامى


بجد الصور حلو اوى اوى
معلش على التقصير فى عدم السؤال بس انت رجل بتقدر الظروف بجد

انت عارف انى نفسى اروح الاقصر واسوان وكل سنه اقول السنه دى بس ان شاء الله فى الشتاء القدام لازم اروح

الاجازه كانت جميله عقبال اجازة شهر العسل يااااااااااااااااااااااارب عن قريب

ربنا يكرمك يا رامى ويفرح قلبك ويسعد ايااااااااامك ياااااااااااارب


زهـــــــــراء

  Ramy

الجمعة، 20 أغسطس، 2010 1:19:00 ص جرينتش+2

رحاب صالح

أيه رأيك زحمة زحمة يعنى مش أى كلام

(:(:

كويس أن أحنا لسه أصحاب (:

الله يسلمك و شكرا ع الدعوة الجميلة دى

(:

على فكرة أمى هتقتلنى علشان موضوع الكتب دى

يا ابنى حرم عليك دة كله

(:(:

مدمن بقا هههههههه


نورتينى (:

  Ramy

الجمعة، 20 أغسطس، 2010 1:27:00 ص جرينتش+2

لولا و زهراء

زهراء

الله يكرمك الصور حلوة رفعتى معنوياتى (:(:

عيب متقليش كدة لا تقصير و لا حاجة انا مقدر و عارف صدقينى

بجد ربنا معاكى انتى و لولا و يوفقكم

خلاص بأذن الله نعرف هتيجى أمتى الأقصر و نورلكم كرم الصعايدة بقى (:

(: يسمع من بقك ربنا كدة

الله يخليكى ع الدعوة الجميلة دى

وصلى سلامى للولا

نورتينى (:

  أتنين حبيبين

الجمعة، 20 أغسطس، 2010 1:37:00 ص جرينتش+2

حمدالله على السلامه

رحلة موفقه
جميل اووى الصور تحفه تجنن
انا روحت الاقصر واسوان كمان
ومعظم الاماكن دى اتصورت فيها

ماشاء الله على ابن اختك قمر 14 ربنا يحميه ويحافظ عليه
وكل سنه وهو طيب بمناسبه مرور عام على مولده

بجد زوقك يجنن واختيار موفق

دمت ودام احساسك

تحياتى
توتا

  Ramy

الجمعة، 20 أغسطس، 2010 2:11:00 ص جرينتش+2

أتنين حبيبين

توتا

أزيك مش باينة حمد الله ع السلامة

كويس ان الصور عجبتك (: أصلها بالموبايل

طب كويس ان انتى زورتى القصر و اسوان

مدن حلوة بجد

الله يخليكى ع الدعوة الحلة لبيبو دى

و انت طيبة و بخير و سلامة و مع حسام بأذن الله

الله يخليكى ده من ذوقك

نورتينى (:

  Baskouta

الجمعة، 20 أغسطس، 2010 10:29:00 ص جرينتش+2

حمدالله على السلامة
وصف جامد بجد

انا كنت قريب في اسوان
وحسيت وانت بتحكي اني خسرت كتير اني مش روحت الاقصر
بس المرة الجاية بقا
اصعب حاجة حكاية القطر اللى من غير حجز...ليه عملت في نفسك كدة
ده انتحار
انا وبابا كنا مسافرين اسوان بالعربية وقاعدة في عربية وتكييف وكنت حاسة اني بتعذب بسبب طول المشوار تقوم انت تاخد المشوار ده واقف لا بجد ده انتحار.

حمدالله على السلامة مرة تانية وكل اجازة وانت طيب
تحياتي البسكوتية

  Ramy

الجمعة، 20 أغسطس، 2010 1:15:00 م جرينتش+2

baskouta

الله يسلمك
(:

دة بس من ذوقك

هى أسوان جميلة برضه بس انا بحب الأقصر علشان طفولتى و أصحابى

مجنون بقا (:

بس هى ترضى عليا (:

الله يسلمك

شكرا ع التحية البسكوتية

نورتينى (:

  الحب الجميل

الجمعة، 20 أغسطس، 2010 1:17:00 م جرينتش+2

حمد لله على السلامه يا رامى
وكل اجازه وانت بخير
انا عمرى ما زورت الاقصر بس باين عليها من الصور جميله
واجمل ما فى الصور بيير كبر بسم ما شاء الله

ربنا يخليه لكم يارب ويبارك لكم فيه
وربنا
يسعدك مع ملاك يارب

واطول اجازه تاخدها تقضيها معاها ان شاء الله لما ربنا يجمع بينكم فى الخير يارب
الصور جميله والاغنيه أجمل
بس الاغنيه تحت اوى البوست
دمت بخير

  Ramy

الجمعة، 20 أغسطس، 2010 1:37:00 م جرينتش+2

الحب الجميل

أزيك

الله يسلمك (:

الأقصر جميلة بس أوعى تيجى فى الصيف هتدعى عليا (:(:

شكرا ع الدعاوى الجميلة دى لبيير و ليا (:

ربنا يسمع منك

كويس ان الصور عجبتك انا كنت خايف متعجبش الناس

و الأغنية هحاول أظبط الموضوع دة البوست اللى جى أصل انا خايف أبوظ الدنيا (:(:

منورانى دايما (:

  gogo!sf

الجمعة، 20 أغسطس، 2010 1:56:00 م جرينتش+2

طبعا انا قرأت البوست للاخر وطويل جدا جدا مشوارى

بس بجد استمتعت بيه جدا وزعلت انه البوست خلص
وطول مانا بقرا دماغى عماله تفتكر المناظر اللى شوفتها والرحله اللى كانت بردو جميله
بجد الاقصر دى تحفه
والف سلامه عليك واحمد ربنا يا راجل انك نمت خمس ايام بس غيرك بينام بالعشر ايام ومش مستكفى

المهم الف حمدالله على السلامه
والصور اكتر من رائعه بجد

  Ramy

الجمعة، 20 أغسطس، 2010 2:16:00 م جرينتش+2

gogo!sf

أزيك

(: الحمد لله البوست و الصور عجبوكو

الله يسلمك

ما انا حمدت ربنا

الحمد لله طبعا
(:

نورتينى (:

  طالبة مقهورة ..درجة أولى

الجمعة، 20 أغسطس، 2010 2:43:00 م جرينتش+2

اولا انا مش قادرة اقولك انسجمت ازااااااي مع الميوزيك انا عاشقة للميوزك بجميع نواعها حسب مودي الشخصي..وحسيت بهدوء مع اني متوترة

اجازة جميلة على فكرة..انا بحب الشغل الاستجمامي ف الاجازوات وبرغم الحر بس متتعوضش الزيارات اللي عملتها

امور اوووووي بيبو ده هوا مرتبط(ايون بعاكسه) ^_^

رحت الاقصر من سنتين تلاتة كده
بس لاحظت اختلاف ف الصور
طريق الكباش مكنش كده او يمكن الصورة ديه من عند معبد الاقصر من الناحية التانية كنت شايفاها بالليل فتفاصيلها مكنتش باينة كده

عامة المهم انك استمتعت
والف سلامة مع انها متأخرة بس مكنتش اعرف

سلامات :)

  Ramy

الجمعة، 20 أغسطس، 2010 3:14:00 م جرينتش+2

طالبة

غير مقهورة

معقل اول مرة تسمعى الوسيقى دى دا انا حاططها من بدرى ):

بس كويس انها عجبتك (: و فكت عنك التوتر (:

على فكرة انا برضه بحب الموسيقى بكل انواعها جدا

كل موسيقى حسب المود

بيبو بقى بيير أبن أختى بس دة أول طفل عندنا كلنا بنحبه (:

هسألك مامته (:

الأقصر عماله تتغير صدقينى بس مش عارف للأحسن ولا للأوحش
):

الحمد لله أستمتعت علشان قابلت الناس اللى بعزهم

الله يسلمك

ولا متأخره و لا حاجة

نورتينى (:

  موجة

الجمعة، 20 أغسطس، 2010 3:51:00 م جرينتش+2

مممممممممممم
قولت لى بقى
وانت يا هذا قولى لماذا خدت اجازة؟؟؟؟؟؟؟؟
ماتقول
رد يانايم ع الاستاذه
كل اجازة وانت طيب وعقبال السنة الجاية بقى دا ان عرفت اخد اجازات تانى

  Ramy

الجمعة، 20 أغسطس، 2010 4:00:00 م جرينتش+2

موجه

ههههههههههه

أيه رأيك بجى يا يشمهندزة

و أنت طيبة و بخير

على فكرة انا باخد عادة أجازة شهر بس المرة دى خلتها شهر و نص (:(:

لا متخفيش هاخد أجازة تانى (: أن شاء الله


نورتينى (:

  فاتيما

الجمعة، 20 أغسطس، 2010 5:11:00 م جرينتش+2

كشف الحساب دا اكتر من ممتاز

و الاجازة فعلا كانت مشحونة و مثمرة

مزعلنى حاجة واحدة بس
انى ملحقتش اشوفك فيها
و انك مش هتقدر تيجى يوم ابو الريش

هتتعوض ان شاء الله
ان شاء الله ربنا يكتبلنا نصيب


اما الملاك الصغنن
فربنا يحرسه و عقبال كل اعياد ميلاده يا رب و عقبال ما تجيبله بنوتة بقوى و تحتفل بعيالهم


اما الملاك الحارس
ربنا يجمعك بيها على خير
و الاجازة الجاية تشوفها برضو
و تكون اجمل شوفة ف الدنيا



حلوة الصور قوى
بس الحر ..الله معاااااك
و معاك قلوبنا يا فندم

الف حمدلله على سلامتك
يا ر ر

  Ramy

الجمعة، 20 أغسطس، 2010 5:29:00 م جرينتش+2

فاتيما

مامت يوسف العزيزة

تصدقى بجد انا مضايق جدا ع اليوم دة ان ممكن مقدرش أجى

بس هحاول و بأذن الله ربنا يسهل الأمور

الله يخليكى ع الدعوة للملاك الصغير

و الملاك الكبير (:

الحمد لله الصور عجبتك

كنت خايف تبقى مش كويسة (:

الله يسلمك

انت بقى اللى ر ر بجد صدقينى (:

نورتينى و أسعدتينى (:

  كيــــــــــــارا

الجمعة، 20 أغسطس، 2010 10:43:00 م جرينتش+2

حمد الله علي السلااااااااامه

اجاااااازة مثمرة بجد

والف سلامه عليك

ربنا يسعدك يارب

  Ramy

الجمعة، 20 أغسطس، 2010 11:06:00 م جرينتش+2

كياراااا

(:


الله يسلمك

كانت أجازة مليانة (:

ربنا يسعدك

نورتينى

  اقصوصه

السبت، 21 أغسطس، 2010 12:11:00 ص جرينتش+2

رمضان كريم

  Haytham Alsayes

السبت، 21 أغسطس، 2010 1:09:00 ص جرينتش+2

http://www.youtube.com/watch?v=KI1-9EAjWOw

http://www.youtube.com/watch?v=Xy9wHjzxPQI&feature=related

عاوزك تضحك للصبح
وقولي رأيك

  داليـ ـ ـ ـ ـ ـ ــــا

السبت، 21 أغسطس، 2010 1:24:00 ص جرينتش+2

خيااااااااااااااااااااانه
أه خياااااااااااااااااااانه
تعملوا تجمعات من غير ما تستأذنوا منى
ههههههههه

مش كنت تصورلنا حسنى عشان اشوف اذا كان شكله مستفز فى الصوره ولا لاءه
وكنت ورينى الحب الجميل
ولولو
وريتشاردايه

طلعت انانى وشفتهم لوحدك
الصور جميله حسستنى انى كنت بزورها فعلا
ويارب يكون حصلك نوع من الاستجمام

  ستيتة حسب الله الحمش

السبت، 21 أغسطس، 2010 2:53:00 ص جرينتش+2

انا مبسوطة لك جدا
دي فعلا ما شاء الله اجازة اخر لذاذة الله يرحمه الضيف احمد
وشكرا لصور بيبو
قمر ما شاء الله وعسول وكمان بيحب الكاميرا وعامل بوظ :)
الأقصر دي احلى ذكرى يا عم رامي
كانت رحلة الأقصر وأسوان اللي تعرفت فيها على ملاكي انا :)

تحياتي

  Ramy

السبت، 21 أغسطس، 2010 11:40:00 ص جرينتش+2

أقصوصة

كل سنة و انتى طيبة

الله أكرم

(: نورتينى

  Ramy

السبت، 21 أغسطس، 2010 11:42:00 ص جرينتش+2

هيثم

حاضر

شكرا

بس أوعى أموت م الضحك

ذنبى فى رقبتك (:(:

نورتنى

  Ramy

السبت، 21 أغسطس، 2010 11:51:00 ص جرينتش+2

داليـ ـ ـا

أزيك (:

مش خيانة صدقينى

على فكرة كل التجمعات دى كانت منشورة فى المدونات

فى تجمع قريب فى مستشفى ابو الريش ابقى دوسى على صورة لمسة حنان تشفى
شوفى التفاصيل (:

مش انانية بأمانة بس صور البنات صعب لأن اساسا انا مصورتش (:

بس حسنى قريب اوعدك هنزله صوره (:

بس ادعيلى اقدر انزل اللقاء
و هو يقدر يجى (:

كويس ان الصور عجبتكم المد لله

الأجازة كان فيها و فيها بس المجمل انى انبسط الحمد لله

نورتينى (:

  Ramy

السبت، 21 أغسطس، 2010 11:59:00 ص جرينتش+2

د/ستيتة

الله يخليكى يا دكتورة عارف صدقينى (:

كانت أجازة جميلة بجد الحمد لله

لا شكر على واجب (:

هو تقريبا بيحب الكاميرا صحيح لأن انا قلت حيطلع عينى لما هصوره بس طلع مدرب ههههههه

طب كويس أن الأقصر كانت ليها ذكرى جميلة كده


نورتينى (:

  Ramy

السبت، 21 أغسطس، 2010 12:00:00 م جرينتش+2

د/ستيتة

الله يرحم الضيف أحمد

صدقينى من الممثلين اللى بنحبهم جدا

  ali younes

السبت، 21 أغسطس، 2010 12:21:00 م جرينتش+2

الاخ رامي
الف شكر لك ولزوقك الكبير وسؤالك علي
فعلا انا مشغول وزى ما انت عاف الوقت في رمضان مضغوط وعشان كدة لا أظهر كتير وما فيش سبب تاني
تحياتي لك من كل قلبي داعيا الله عز وجل لك بالتوفيق

  Ramy

السبت، 21 أغسطس، 2010 1:02:00 م جرينتش+2

م/ على يونس

لا شكر على واجب أستاذى

كتر خير الناس الصايمة فى الحر ده

نورتنى (: