يا رب .... لماذا أشكوك لقلبى

أحيانا كتير لما نكون فى حزن أو فى ضيق بنضعف
و نقول ليه يا رب كدة
معقول يا رب كدة
أنا مستحقش كدة
لكن لما بنهدى بنحس أزاى أحنا غلطنا
و بنقول سامحنى يا الله
الكلمات اللى جاية
دى ترنيمة بحبها
*******************************************************************************


لماذا أشكوك لقلبى ..... و كأنك مصدر كربى
و ألومك على ..... ما يكدر صفوا دربى
وأنت تحزن لبكائى
وأنت تسرع لعزائى
و أنت نورا لظلامى
و أنت لدائى دوائى
لماذا أنسى ماضيَا ..... و لمسات يدك فيا
و أنت فى وعودكَ ..... بت ربى لى وفياً
لماذا أنسى ماضيا
ليتك تغفر شكوايا ..... و يملىء نورك عينايا
يا من عيناهُ لا تغمض .....أو تغفل عن رؤيايا
لهذا أدعوك بقلبى ..... فأنت خالقى و ربى
و عليك ألقى همى ..... يا من تهتم بألمى
لهذا أدعوك بقلبى
كل أمرى فى يديك ..... و الغد محفور لديك
أثق فى وعدك و فى حبك .... يا ناقشنى على كفيك

52 التعليقات:

  mrmr

الأحد، 1 أغسطس، 2010 9:29:00 ص جرينتش+3

جميله كلمات الترنيمه قوووووى
من الذى يرتلها

ربنا قادر يرفع كل حزن قلب

رينا يسعدك يا رامى ويحافظ عليك

  ALHBALABADY

الأحد، 1 أغسطس، 2010 9:33:00 ص جرينتش+3

كلام الرب صريح
القى على الرب همك وهو يعولك
فكن مطمئن جدا جدا

  Ramy

الأحد، 1 أغسطس، 2010 9:39:00 ص جرينتش+3

مرمر

صباح الخير

دى من ترانيم فريق الحياة الأفضل better life team

أكيد من غيره يقدر

شكرا يا مرمر على دعوتك الجميلة (:

ربنا معاكى

  Ramy

الأحد، 1 أغسطس، 2010 9:43:00 ص جرينتش+3

الحب الأبدى

ده صحيح هو من يحتمل كل اثقالى و همومى

نورتينى

  ali younes

الأحد، 1 أغسطس، 2010 1:35:00 م جرينتش+3

رامي
جميلة معبرة عن الايمان الصادق وأعتراف الانسان بضعفة وقلة حيلته وعودته لربه خالقة وحافظة ..
جميل قوى معني العودة الي الحق والي الله والاعتراف بالذنب والاعتراف بالضعف والتقصير

هي دى عظمة الايمان الحقيقي الصادق ولا تستطيع أن تفرق بين ديانة أي أنسان مؤمن بالله طلما الايمان صادق وحقيقة .
بجد شيئ جميل أتحاد الايمان بالرب ...
ربنا يزيدك ويكرمك ويصلح أمرك
م / علي يونس

  لـــولا وزهـــراء

الأحد، 1 أغسطس، 2010 2:17:00 م جرينتش+3

رااااااااااااامى

ازيك واخبارك ايه يارب تكون بخير
كالعاده مقصره معاك ومع ناس كتير بس انت اكتر حد بيقدر ظروفى ......

انت عارف ان الانسان بطبعه عجوووووووووول يعنى عاوز كل حاجه تحصل له بسرعه يعنى يادوب البنت تتخطب تقعد هى وخطيبها يفكروا اولادهم فى المستقبل يتعملوا فى مدارس فرنساوى او المانى ههههههههههههه شوفت الاستعجال
كمان احنا نظرنا قصير اوى اوى وبنكون مش فاهمين حكمة ربنا فى كثير من الاحوال

دع الامور تجرى فى اعنتها
ولا تبيتن الا خال البال
ما بين غمضة عين وانتباهتها
يغير الله من حال الى حال

ربنا يفرح قلبك ويسعد ايامك ويكتب لك الخير والهنا والسعاده

الترنيمه تحفه بجد

زهــــراء

  توفيق التلمساني

الأحد، 1 أغسطس، 2010 3:26:00 م جرينتش+3

تعرف يا رامي ؟! فيه بعض الناس يتميزون بإحساس قوي لكنك لما تتعامل معهم تكتشف أنهم غير صادقين مع أنفسهم.

الملفت للإنتباه لديك هو أن من يقرأ لك يشعر بأنك تبالغ في صدقك مع نفسك ،أو بالأحرى أنت تعاني من ذلك الصدق.

مقطوعة جميلة فيها منطق و إحساس رقيق.

تحياتي.

  لـــولا وزهـــراء

الأحد، 1 أغسطس، 2010 3:42:00 م جرينتش+3

سامي ازيك يارب تكون بخير وسعادة وحب...كتير بنغلط ف حق ربنا ونقعد نقول طب ليه ده حصلنا وليه ده الحدث حدث لنا مع اننا احنا اللي ف الاصل اللي جبناه لنا المصائب لا تكن ف الاصل الا بسبب تقصيرنا ف حق الله ...يسلم ايدك على الكلنمات الجميلة وربنا يفرج همك
لولا

  الحب الجميل

الأحد، 1 أغسطس، 2010 3:54:00 م جرينتش+3

ربنا معاك ويوفقك يا رامى
ربنا يكرمك خير ويسعدك يارب
متحملش نفسك فوق طقتك يا رامى
دمت فى حفظ الرحمن

  كلام من قلبي

الأحد، 1 أغسطس، 2010 5:08:00 م جرينتش+3

فعلا عندك حق
واحسن حاجة ان الانسان يلجا لربه

  MR.PRESIDENT

الأحد، 1 أغسطس، 2010 6:09:00 م جرينتش+3

سلم قلمك لذكري ربك
ومحاولة تذكريها
وأن ما صدر كان من الهوي
والندم أول التوبة
فبارك الله لك
وعلي الإنسان أن يحاول
حصد لسانه حتي لا يحصده هو
تحياتي ليكي يا رامي الخير .

  Tears

الأحد، 1 أغسطس، 2010 10:32:00 م جرينتش+3

جميلة يا رامى الترنيمة

عارف بحب اجى مدونتك اوى عشان اشوف صورة بيير ...باين عليه ولد لطيف...ربنا يحفظه

  Ramy

الأحد، 1 أغسطس، 2010 11:38:00 م جرينتش+3

أستاذى

م/على يونس

الأنسان ضعيف و غير مدرك لكل ما يفعله الله لأجله

يدرك هذا الحب بعد وقتا طويل

مهما بعدنا مسيرنا نرجع و ندعوا انه يسامحنا

شكرا استاذى لتعليقك الكريم و الجميل (:

ربنا يوفقك دايما استاذى

  Ramy

الأحد، 1 أغسطس، 2010 11:52:00 م جرينتش+3

لولا و زهراء

زهراء

صديقنى عارف و مقدر المشغوليات ميهمكيش ابدا

أنتى جبتى الأخر الأستعجال و عدم مقدرتنا على فهم حكمة الله

شكرا يا زهراء ع الدعوة الجميلة دى (:

كويس انها عجبتك يمكن مع السمع بتبان أكتر المرة اللى جاية إن شاء الله هنزل صوت مع الترنيمة

  Ramy

الأحد، 1 أغسطس، 2010 11:55:00 م جرينتش+3

أستاذى

توفيق التلمسانى

الصدق أكتر حاجة تعبتنى فى حياتى الناس بتستغل صدقى معاها بطريقة كرهت أنى أكون صادق
بس معرفتش

الحمد لله ان الكلمات عجبت حضرتك

التحية لك يا أستاذى

ربنا يوفقك دايما

  Ramy

الاثنين، 2 أغسطس، 2010 12:00:00 ص جرينتش+3

لولا و زهراء

لولا

أزيك انا تمام الحمد لله

ده صحيح أن أحنا بنقصر كتير فى حق ربنا و مبنفهمش حكمته

كويس الكلمات عجبتك

صدقينى أنا مش مهموم أنا ولهان بس (:(:

ربنا يوفقك

  Ramy

الاثنين، 2 أغسطس، 2010 12:04:00 ص جرينتش+3

الحب الجميل

شكرا ليكى على دعواتك الجميلة

دى كلها ليا لوحدى (:

صدقينى انا مش محمل نفسى زيادة أو أى حاجة

دة أنا علشان حاسس بصفاء ذهنى

عملت بوست الترنيمة

ربنا معاكى دايما و يوفقك

سلملنا على لولو

  Ramy

الاثنين، 2 أغسطس، 2010 12:05:00 ص جرينتش+3

كلام من القلب

مفيش غير ربنا هو اللى يقدر يسمعنى مهما عملت

شكرا ليكى جدا (:

ربنا يوفقك

  Ramy

الاثنين، 2 أغسطس، 2010 12:09:00 ص جرينتش+3

الريس

انا لما بكلم ربنا بأشكى حالى له

بس صدقنى انا مندمتش على الحب اللى انا فيه ابدا

و لا أعتبرته خطيه لأن كل بالى منصب ان لو حصل قبول هو الزواج بإذن الله

و لو محصلش مش هيكون اللى عملته غلط أو خطية

شكرا ليك و جميل قوى المقولة دى

ربنا معاك و يوفقك

  Ramy

الاثنين، 2 أغسطس، 2010 12:13:00 ص جرينتش+3

tears

الغالية (:

كويس ان الترنيمة عجبت حضرتك

و بالنسبة لبيبو حبيبى انا هنزل صور ليه جديدة

و شكرا عل دعوتك لبيير

شكرا ليكى

ربنا معاكى

  ستيتة حسب الله الحمش

الاثنين، 2 أغسطس، 2010 2:37:00 ص جرينتش+3

كلنا
كل يوم
ويمكن كل ليلة
حسب البلاء
ممكن نلاقي نفسنا في اللي انت حكيته
ومع اننا عارفين ان ربنا بيحبنا
وحتى اللي من وجهة نظرنا شر هو خير بس عقلنا الإنساني القاصر مش فاهمه
ومع هذا بنشرد شوية كده عن القطيع
ثم نعود مرة أخرى شاكرين حامدين سواء فاهمين او مش فاهمين بنبقى موقنين
انه سبحانه لن يكتب لنا الا الخير
هو لم يخلق الإنسان ليعذبه
ولكن خلقه بحب
جميل يارامي
تسلم ايدك
وواضح ان كلنا بنحب بيبو ربنا يحفظه :)

  ريحانة الاسلام

الاثنين، 2 أغسطس، 2010 9:31:00 ص جرينتش+3

سامحنى يا الله
محدش غيره حاسس بينا
هوه اللى خالقنا وادرى بمصلحتنا
سبحانك يا ربى
بنعصاك وبترزقنا !!!
لو حسيت فى يوم انك حاسس ان القدر
ظلمك اسمع حلقة أ.عمرو خالد بتاعة موسى والخضر
جميلة حقا عن القدر من برنامج قصص القران
وانصحك بسماع اغنية يارب لحمزة نمرة
جمييييييلة حقا..^_^
ودمت عائدا لله

  ساسو

الاثنين، 2 أغسطس، 2010 12:01:00 م جرينتش+3

اجمل شئ انت تلجأ لربنا
وتشكيله همك
هو الوحيد اللي حاسس بعباده
وهو اللي بايده
يزيل عنك حزنك

دمت بكل خير

  Ramy

الاثنين، 2 أغسطس، 2010 2:10:00 م جرينتش+3

أستاذته

ستيتة

كلامك كله صح و هو تفسير لكل الكلام اللى انا كاتبه

عارفه حاضرتك أنا كل فترة اقعد مع نفسى كدة و اشوف أنا عملت أية و اللى حاصل ليا من خير أو اللى انا فاكره شر

ألاقى أن لو محصلش اللى انا فاكره شر يمكن مكنتش شفت الخير دة

بس انا أصغر من أنى اقدر اشوف حكمة ربنا
فبصلى أنه بس يورينى مقصده

نحن خلقنا لنسبح بحمده
فى عملنا فى درستنا فى حبنا فى كل مناحى حايتنا

الله يسلمك يا دكتورة من كل شر

(: و أنا كمان بحبكم كلكم صدقينى (:

ربنا معاكى يا دكتورة

نورتينى (:

  Ramy

الاثنين، 2 أغسطس، 2010 2:34:00 م جرينتش+3

ريحانة الأسلام

صح هو الوحيد اللى منغير ما أحكى

هو عارف هو حاسس هو شايف

بس مجرد أنى بأحكى معه دة بيريحنى

أكيد كلنا كده لما نحكى لربنا اللى بينا بنرتاح

أن شاء الله هسمع الأغنية اللى رشحتيها

لازم كلنا فى الأخر بنعود لله

شكرا ليكى

نورتينى (:

ربنا يوفقك

  Ramy

الاثنين، 2 أغسطس، 2010 2:39:00 م جرينتش+3

ساسو

أخبارك أيه

يا رب تكون كل شيىء تمام (:

ربنا الوحيد اللى بشكيله همى و اللى انا فيه منغير ما يدور وشه بعيد عنى

هو بيحبنى بكل اللى فيا

الله يخليكى يا ساسو و يوفقك دايما

نورتينى (:

  اقصوصه

الاثنين، 2 أغسطس، 2010 3:05:00 م جرينتش+3

سبحانه

وسعت رحمته كل شيء

كلمات جميله :)

  ELMOSTAFZ

الاثنين، 2 أغسطس، 2010 3:07:00 م جرينتش+3

لماذا أنسي ماضيا ، و لمسات يدك فيا...
الجملة دي عجبتني أوي ، حسستني برهبة أكبر و خوف من ربنا اللي خلقني بإيده...
لفت نظري كمان تعليق الأستاذ التلمساني لما قالك انك بتبالغ في صدقك مع نفسك و بتعاني منه كمان...
بس انا شايف ان حتي لو صدقك مع الناس سببلك مشاكل ، فهو خلاك في نظر ناس تانية حاجة كبيرة و عرفك بناس تانية حبتك و قربت منك عشان الصدق ده ، و دي أكتر حاجة بتميزك ، و اللي بيستغل صدقك ده هوا الخسران ، لإن في فرق بين الصادق و المغفل ، و الدليل انك عارف انهم استغلوا صدقك ده بس انتا حزين و متدايق لإنهم بيعملوا كده ، الدنيا مبتخلاش من الناس الواطية و انتا عليك الإختيار...
عشان كده انا شايف ان احسن صفة فيك هيا الصدق و طظ ف اي حد تاني...
رغاي انا صح :) معلش بقا مانتا بردوا ياما جبتلي صداع :) :)
ربنا يوفقك يا باشا...

  Ramy

الاثنين، 2 أغسطس، 2010 3:54:00 م جرينتش+3

أقصوصة

سبحانه

أحنا مش طمعنين غير فى رحمته و رضائه علينا

حمدا لله عجبتك كلمات الترنيمة

شكرا لزيارتك الكريمة

و شكرا لتعليقك الرقيق

نورتينى و أرجو لا تكون أخر زيارة (:

ربنا معاكى

  Ramy

الاثنين، 2 أغسطس، 2010 4:19:00 م جرينتش+3

صديقى

و عزيزى حسنى

اولا كويس ان الكلمات عجبتك

ثانيا دة صحيح المقصود هنا مش بس لمست ربنا لما خلقنا

لا لمسته فى كل حاجة فى حياتنا

فاكر يا حسنى لما قلت لك أن ربنا مختار لكل حد فينا طريق
لكل حد فينا حياة بس أحنا مش شايفين
مش عارف
لما تفكر فى حياتك و تكلم نفسك و توجهه بكل حاجة

دة صدقك مع نفسك دة بيخليك بتصفى من جواك

عارف بتحاكم نفسك قبل ما تتحاكم من الناس

فتتقبل أى نقد لو هو صح

أنت بتكون عارف دائك من صدقك مع نفسك

عارف يا حسنى أنا أول مرة أتأسفن فى شغل كنت مع أبن عمى هو كان صاحب الشغل بس يمكن كان اكتر واحد عارفنى

عارف يا حسنى من كتر م كنت صادق مع اللى شغالين معايا أسفنى واحد فى سنك (:

عارف يا حسنى اللى حز فى نفسى ايه انى معرفتش أخد حقى

الأول علشان مأثرش على شغل أبن عمى

ثانيا مكنتش عارف أخد حقى

عارف قعدت فترة كاره الشخص ده بعد كده عادى

مش عارف ليه انا مش ملاك على فكرة انا فى سيئات يارب محدش يعمل زيها بس انا أحسن كتير دلوقت يا حسنى

علشان كدة كنت بقولك يا حسنى

حرص و لا تخون

شكرا يا حسنى

أنك أدتنى فرصة تانى انى أصدعك (:(:(:(:

ربنا يوفقك و نسمع سمع خير قريب (:

  Noha Saleh

الثلاثاء، 3 أغسطس، 2010 4:15:00 ص جرينتش+3

ربنا رحيم جدا بعباده ومش بيظلمهم ابدا
اكيد كلنا مقصرين فى حق ربنا
بس يارب يغفر لنا ذنوبنا ويرحمنا برحمته الواسعة

  Ramy

الثلاثاء، 3 أغسطس، 2010 4:30:00 ص جرينتش+3

noha saleh

أكيد ربنا

مبيظلمش

بس دة احنا اللى نظرنا مبيجبش حكمته بس

و يا رب يغفر لنا

شرفتينى و نورتينى(:

  تويتي فلسطين

الثلاثاء، 3 أغسطس، 2010 2:11:00 م جرينتش+3

يا رب يغفر لينا كلنا

وتاكد انو في حزنك وفي فرحك ربنا حيكون معاك ومع عباده المسلمين

وهو الي نشكي ليه همومنا ومشاكلنا كلها

وعلى فكرة انا مدونه جديده وهاي اول زياره لمدونتك

الجميله

تحياتي

  Haytham Alsayes

الثلاثاء، 3 أغسطس، 2010 4:40:00 م جرينتش+3

كلامك جميل يارامي
ومدونتك اجمل
وكمان موسيقي الياس الرحباني عاطية مذاق حلو لها

تحياتي وتقديرى

  طوبه فضه وطوبه دهب

الثلاثاء، 3 أغسطس، 2010 5:59:00 م جرينتش+3

حقا ليس لنا سواه ولا نرجو الا رضاه تسلم ايدك حقا رائعه

  Ramy

الثلاثاء، 3 أغسطس، 2010 6:41:00 م جرينتش+3

تويتى فلسطين

يارب

صدقينى عارف ان ربنا بيحبنا كلنا

بيحب الناس بدون تفريق

بيحبنا علشان احنا صنعة يداه

فى أول فرصة بإذن الله هزور مدونتك

ربنا معاكى و يوفقك

شكرا جدا للمرور والتليق

  Ramy

الثلاثاء، 3 أغسطس، 2010 6:47:00 م جرينتش+3

هيثم السايس

شكرا جدا

دة من ذوقك

بس دى مش كلماتى

دى ترانيم بأسمعها و بتعجبنى الكلمات

فبأكتبها فى المدونة

الله يخليك المدونة حلوة بالناس اللى بتزورها

التحية ليك

شكرا للزيارة الجميلة دى

ارجو متكونش الأخيرة (:

ربنا معاك و يوفقك

  Ramy

الثلاثاء، 3 أغسطس، 2010 6:51:00 م جرينتش+3

طوبة فضة و

طوبة دهب

دة حقيقى هو اللى هنروح له و أحنا مش خفين أنه يردنا

مهما كنا

يارب نبتغى رضاك

شكرا لأول زيارة و يارب نشوفك دايما يا دكتورة

ربنا معاكى و يوفقك

  طالبة مقهورة

الثلاثاء، 3 أغسطس، 2010 7:28:00 م جرينتش+3

:)

بحب اجي هنا اوي بحس بألفة
اي نعم معظم بوستاتك رومانس
بس البوست ده ف الجووووووول

ترنيمة جميلة اوي يا رامي

يارب تكون بخير دايما

  Ramy

الثلاثاء، 3 أغسطس، 2010 7:55:00 م جرينتش+3

طالبة

غير مقهورة (:

أزيك

الحمد لله ان مدونتى عجبتك

بالرغم زى ما بتقولى رومانسية بس فى الأغلب

جميل ان الترنيمة عجبتك

انا الحمد لله

ربنا معاكى و يوفقك دايما

  فتافيت

الأربعاء، 4 أغسطس، 2010 7:24:00 ص جرينتش+3

حلوة بجد يا رامي
تعرف زمان كنت بقول ترانيم.. وانا مالي انا بيها ديه؟؟.. بس بجد كنت بشوف تحت رجلي بس
او يمكن ماكنتش لسه بقى اوفقي واسع زي دلوقتي
الترنيمة رائعة .. وفيه واحدة كنت سمعتها زمان اوي
وانا في تالتة اعدادي.. يعني قول كده من 12 سنة
كان فيها مقطع بيقول لا تدين كي لا تدان
كانت حلوة اوي.. كانت بنت قس صديقتني يتغنيها دايما

وطبعا بعتذر لك على ضيق افقي الماضي
وكمان بعتذر بشدة عن تقصيري معاك
صباحك زي الفل
ورضا من ربنا

  عمرو يسرى

الأربعاء، 4 أغسطس، 2010 1:54:00 م جرينتش+3

حقا ليس لنا غيره
جميله اوى الترنيمه ديه
ومعبره
وكنت عايز اسئل هو الفريق اللى عمل الترنيمه ديه هو اللى عمل ترنيمه عايز ارجع ياشمسى ولا لا
وشكرا

  Ramy

الأربعاء، 4 أغسطس، 2010 1:59:00 م جرينتش+3

فتافيت

(:

فتافيت عندنا يا مرحبا يا مرحبا (:

لالا متتأسفيش صدقينى مفيش أى مشكلة

لا للأفق لأن بجد دى حريتك الشخصية مدام فى أحترام متبادل

ولا تقصيرك صدقينى أنا مش زعلان لو زعلان يمكن مكنتش علقت على مواضيعك
صدقينى مبحسبهاش كدة
انا حابب المدونة عندك فبروح أعلق (:

بس

نورتينى و شرفتينى و صباح الورد (:

ربنا معاكى و يوفقك

  Ramy

الأربعاء، 4 أغسطس، 2010 2:21:00 م جرينتش+3

عمرو يسرى

كويس أنها عجبتك الحمد لله

و حقيقى ليس لنا سواه

لا ما أظنيش

أنا متابع الفريق دة من زمان جدا بس برضة هتأكد

شرفتنى بأول زيارة و يا رب تتكرر (:

ربنا معاك و يوفقك

  Ms Venus

الأربعاء، 4 أغسطس، 2010 8:27:00 م جرينتش+3

جميلة اوى يا رامى


ربنا معاك دايما

  Ramy

الأربعاء، 4 أغسطس، 2010 8:47:00 م جرينتش+3

Ms Venus

كويس انها عجبتك (:

و معاكى دايما

نورتينى (:

  الشـــــوكه النــاعمه

الأربعاء، 4 أغسطس، 2010 11:10:00 م جرينتش+3

جدا اسفه على التأخير
معقولمش اشوفالبوست الا بالصدفه
عندى دى
بس ايهالجمال ده ياعم رامى
ترنيمه هايله فعلا
بجد ربنا اقرب لنا منا
ربنا يريح قلبك

  أحمد شريف

الخميس، 5 أغسطس، 2010 1:22:00 ص جرينتش+3

يُقال : العبد في التفكير والرب في التدبير

ربنا يحفظك يا رامي

  мαησηα

الخميس، 5 أغسطس، 2010 3:40:00 ص جرينتش+3

لماذا أنسى ماضيَا ..... و لمسات يدك فيا
و أنت فى وعودكَ ..... بت ربى لى وفياً
لماذا أنسى ماضيا
ليتك تغفر شكوايا ..... و يملىء نورك عينايا
يا من عيناهُ لا تغمض .....أو تغفل عن رؤيايا
لهذا أدعوك بقلبى ..... فأنت خالقى و ربى
و عليك ألقى همى ..... يا من تهتم بألمى
لهذا أدعوك بقلبى
كل أمرى فى يديك ..... و الغد محفور لديك
أثق فى وعدك و فى حبك .... يا ناقشنى على كفيك


ونعم بالله وكيلا

الله يا رامى بجد جميلة اوى
الله لما ترمى حمولك ع ربنا
والله لما تبقى فعلا واثق
ف ربنا وعندك حسن ظن بيه

الله عليك بجد تسلم ايدك
واحساسك اللى وصلنى خبط لزق كده

لانه خارج من القلب فوصل للقلب

سلم ايدك الف مرة ع الكلام الجميل
ده ويارب يحققلك ربنا كل
اللى بتتمناه وتستاهله
يارب اللهم اميييييين

وحشتنى البلوج اوى

سامحنى ع تقصيرى معلش انت عارف اللى بيا

ادعيلى اخف بقه من الجرح ده

وارجع منونا تانى

  Ramy

الخميس، 5 أغسطس، 2010 12:45:00 م جرينتش+3

الشوكة
الناعمة

ولا تتأسفى ولا حاجة البيت بيتك فى أى وقت

أنا مش بزعل

بس طبعا يهمنى رأيك (:

كويس انها عجبتك (:

ربنا هو الوحيد اللى يفهمن من غير ما نتكلم

ربنا يريح قلوبنا كلنا

نورتينى (:

  Ramy

الخميس، 5 أغسطس، 2010 12:48:00 م جرينتش+3

صديقى

أحمد الشريف

دة حقيقى ربنا هو اللى بيدبر كل حالنا

شكرا أحمد

ربنا يحفظنا جميعا

نورتنى (:

  Ramy

الخميس، 5 أغسطس، 2010 12:53:00 م جرينتش+3

أختى العزيزة

منونا

من غيره أروح له برغم أنى بروح متأخر

لكن عمره ما ردنى

بس على فكرة مش أنا اللى كاتبها

أنا ناقلها من الفريق اللى بحبه

الله يسلمك

صدقينى ليكى كارت بلانش فى أى وقت (:

أنا عارف يا منى ان انتى فى جرح مش سهل بس صدقينى انتى اقوى منه كتير

ربنا معاكى و هو اللى هيعدى الأمور على خير بأذنه

بالتوفيق دايما (: