أسكندرية ماريا ....و ناسها مية مية (:(:(:



مش عارف ابتدى منين أنا هأحكى من أول ما الحب الجميل قالت أنا هأعمل لقاء
أنا قريت البوست فرحت جدا و خفت جدا برضه
ليه يا عم رامى
ليطلعلى عفريت كدة من أى حته و مقدرش أروح (:
اها
بس أنا كنت ناويت العزم خلاص بأذن الله رايح رايح
بس ليلة ما قبل اللقاء كنت فى مشوار و رجعت 3 بالليل
مشوار اية ده يا عم رامى اللى يخلص 3 بالليل
لالا متفتكروش حاجة وحشة أنا كنت عند قرايبى و أتأخرت
قرايبك برضة
أةة و الله قرايبى (:
المهم قبل ما أنام فتحت النت أتأكد أن مفيش حاجة أتغيرت
أو بعد الشر أن اليوم أتلغى و لا حاجة
لقيت كل شيىء تمام و الأمن مستتب
قلت الحمد لله
أوعى تكونوا مليتوا (:
أحنا لسه مدخلناش فى اليوم (:
يا نهار ابيض يا عم رامى
معلش استحملوا
كلها ساعة و نخلص (:
بس
قمت من النوم و جهزت نفسى و خرجت قبل الميعاد بنص ساعة
أة والله نص ساعة
بس اليوم موصلاته كانت متسهله الحمد لله
جرى لقيت ميكروباس رمانى عند محطة المترو
و مفيش لحظة و المترو جه خد النص ساعة اللى حلتى بس كان سريع يا جماعة
لية يا عم رامى امال انت كنت راكب منين
من عين شمس
طيب (:
بسرعة على المحطة سألت كمسرى لو سمحت القطر اللى بيطلع أسكندرية الساعة 9 الصبح
أنهى رصيف شاور على اللى قدامى جرى بٍسأل هو دة يا جماعة
مكملتش لقيته بيتحرك
نطيت فيه و كملت السؤال قالوا ايوة هو دة اللى رايح الهند
هههههههه
طب الحمد لله
اكمل البوست و لا بتدعوا عليا
تلاقوا الحب الجميل و ريتشاردية و أستاذ محمد
بيقولوا ايه دة كله دة انت مرغتش كدة معانا
(:
معرفش هههههه
المهم هكمل بقى و خلاص
بس أدعوا عليا براحة (:
(:
احنا وصلنا لغاية فيين
هههههههههه
افتكرت (:
المشوار مخدش كتير ساعتين و نص تقريبا
محستش بيهم
بس نزلت و سألت اوصل ازاى القلعة
اتوصفلى
و انا غنيت دى وصفة سهلة دى وصفة هايلة
ركبت ميكروباص أو مشروع بما أن احنا فى أسكندرية (:
نسيت ما اقولكم انا وصلت فى حدود الساعة 11.21
أية الدقة دى يا عم رامى
أية رأيكم بعيشكم اليوم يا جماعة
(:
أتصلت مرتين تلاتة بالنمرة اللى معايا
الهاتف الذى طلبتة مغلق او خارج نطاق الخدمة
عادى مفيش مشكلة
بعد ما وصلت القلعة أتصلت تانى و تالت نفس الست تيجى تقول نفس الكلمتين
بدأ الماوس ينط ينط ينط
و انا اقوله لالالا لالالا
روحت فاتح اللاب و بعت رسالة فى البوست بتاع اليوم
و قعدت شوية
و ابتدت صلاة الجمعة
روحت أتصلت رن التليفون
يااااه أخيرا طيب
ردت عليا الحب الجميل قالتلى ان الميعاد بعد الصلاة
طبعا انا اتأسفت ليها انى أتصلت وسط الصلاة
بس هى قالت لى ميهمكش ما انا فتحته علشان اطمنك
(:
بس أستنيت من حوالى 12.17
لغاية 3.12
هههههههههههه
دقة دقة يعنى مش أى حاجة
طبعا حصل إتصالات بين الساعات دول
بس أنا محاولتش أستعمل فراستى فى التعرف على ريتشاردية و استاذ محمد زوجها
بعد ما استعملتها يوم المستفز حسنى (:
و روحت و سألت واحد تانى بكل جرأة و سعادة أنت حسنى
طبعا الراجل بص بأستغراب
كأنى مباحث (:
أستنيت لحد ما جه التليفون الموعود
و قابلتهم (:
الأول أنا أفتكرت أنهم أخوات بجد شبه كبير بين الحب الجميل و ريتشاردية
طبعا أنا كنت مبتسم جدا
**********
و شفت لولو هى طلعت أكبر شوية عن ما أنا كنت متوقع
نبتدى بمين بقى أأأأأأأه
طبعا صاحبة الدعوة
الحب الجميل و لولو بنتها
مش عارف أقول أية الصراحة زى ما انا كنت متوقع أنسانة ذووق جدا و محترمة فوق الوصف
بنفس أسلوبها الجميل فى بوستتها و تعليقتها
بجد هادية جدا دمها خفيف جدا
لولو بقى يا جماعة بجد بنوتة حكاية (:
هتطلع مدونة من الطراز الأول
لمين يعنى
لمامتها طبعا
بجد شخصية تستحق التعرف عليها بجد
**********
ريتشاردية و زوجها الأستاذ محمد
(:
بجد خفة دم و جدعنة فوق الوصف
الأتنين أصحاب
الله أكبر الله أكبر
ماسك الخشب صدقونى
(:
محسسونيش خالص أن دى أول مرة أشوفهم
كلامهم معايا زى بجد الأخوات و الأصدقاء المقربين
أستاذ محمد بجد يا جماعة لازم المدونين يتعرفوا عليه
شخصية غير معقدة مريحة نفسيا
أنسان مهذب لبق
ريتشاردية هى هى زى المدونة بالظبط
يمكن كان فى مساحة أكبر للتهريج
(:
بجد انا كنت عاوز أتكلم معاهم أكتر وأكتر
بس أنا راجل فاضى
الناس دى معاها مسئوليات
مش كتر خيرهم (:
الناس اللى سمعنا صوتهم و أسعدونا بجد
الشوكة الناعمة
بجد كان نفسى تيجى تغير جو كدة و نشفها (:
و البشمهندزة موجة بين السما و الأرض
اللى كان نفسى تيجى علشان هى تطمن على موجها
و نشفها (:
اللى كان الناس عوزين يكلموه صديقى الصغير سنا كبير مقاما
حسنى أو المدعو مستفز (:
بجد يا جماعة أنسان طيب جدا
بس مردش علينا بس أنا عارف أنه كان فى مشوار
ربنا يوفقه فيه و يكون فاتحة خير ليه
بأذن
مين بقى اللى كان نفسنا كلنا يجوا و يشرفونا
د/ستيتة
اللى بجد كان نفسى أتعرف عليها جدا
ومين يا ترى
فاتيما مامت يوسف
الست الرقيقة و القلب الطيب اللى ريتشاردية قالت عليها أشعار خلتني أعزها أكتر وأكتر وأحزن بزيادةأنها مجتش
بجد يا جماعة أنا شفت أسكندرية بعين تانية خالص المرة دى
كانت جميلة عن كل مرة
مشرقة مبهجة
كانت بجد أسكندرية ماريا
بالرغم من الشمس الحارقة فى القلعة (:
و ناسها طيبين جدا
بجد أسعدونى و فرحونى اليوم دة
أصل أنا فى اليوم دة كملت 31 سنة
ايوة كان عيد ميلادى هههههه
طبعا الحب الجميل و ريتشاردية يقولوا
طب يعنى يا عم رامى مش عيب متقلش كنا عملنا واجب معاك
أرد انا أقول واجب أية بس أكتر من اللى عملتوه بجد أنتوا ناس جدعان و محترمين
بجد ناس مية مية
بس يا رب ميكنش انا ضايقتهم فى أى حاجة و يكونوا انبسطوا زى ما أنا أنبسط جدا
طبعا أنا أتعزمت على البيتزا و على الكافية اللى قعدنا عليه
(:
و حكينا كتير بس فى حاجات كتيرة كنت عاوز اتكلم فيها
بس الوقت كالسيف قطعنا (:
أخدت قطار الساعة 7.20
لحقته و وصلت القاهرة الساعة 10
بعد يوم صدقونى كان ممتع جا جدا
بس كان نفسى ناس كتيرة كانت جت
بس تتعوض مرة تانى

**********************************
علشان كدة انا هأحتفل معاكم بأغنية بس هى أهداء لملاكى
مقدرش أنساها فى أى وقت
كده عدى على حبى ليها اربع شهور
اربع شهور بس ياعم رامى و عامل دة كله
طب أعمل أية يا جماعة
معرفتش أخبى
و هى كمان بتحب كاظم
كل عام وانتى حبيبتى
أقولها لكى على طريقتى


49 التعليقات:

  mrmr

الاثنين، 26 يوليو، 2010 8:12:00 ص جرينتش+3

حمد الله بالسلامه يا ابو الروووم
نظرا لضيق الوقت بالنسبالى مش ح اعلق كتير
لكن بجد كان نفسى اكون معاكوا كان نفسى اتعرف على الناس الحلوه دى اللى حبيتها من قبل ما اشوفها لكن مين عارف يمكن ربنا يدبر ميعاد ومكان اخر باذن الله

وكل سنه وانت طيب وعقبال سنين عديده مديده

الاغنيه جميله ربنا يسعدك وتنول اللى فى قلبك

بالهناااا والشفاء البيتزا والشيكولاته
بس انت ما جبتش سيره الشيكولاته بس انا عرفت شوفت اذاى

  MR.PRESIDENT

الاثنين، 26 يوليو، 2010 9:26:00 ص جرينتش+3

بما إني متزمت
مش بحب الأغاني أو
ارد علي البوستات اللي فيها كليبات
المهم
انا هرد المره دي يامعلمي عشان
اللقاء ذات نفسه كان فيه واحد في المنصورة
تعبت اليوم اللي قبله .
وكان نفسي اروحه
بس يلا محصلش نصيب
اهم حاجة إنك اتبسطت وشفت القلعة وأنا بقف عليها بحس إن كان عندنا عزة مش أي عزة في يوم ما .. بحث إن سفن الرومان هاجم والجنود واقفه بتحارب
ههه
خيالي اهبل عارف

المهم انكوا قضيتوا يوم سعيد :)

  sony2000

الاثنين، 26 يوليو، 2010 10:13:00 ص جرينتش+3

اشطااااااااااااااااات ياعممممم
ربنا يسهلووووووووووو
هههههههه
يارب يخليكم لبعض وكفايا انكو اتبسطو
يلا عوذا البوست اللي جاي يكون دعوه الفرح علشان اخلص منك بسرعه فنفس يوم فرح صحبتي:))
ربنا معاك وتفضل علطول مبسوط
اللهم امين

  فاتيما

الاثنين، 26 يوليو، 2010 12:35:00 م جرينتش+3

لأااااااااااااااااااااااااا

لا نونكن



انتا بتهرج يا فتى


و الله انا هبطحك
محدش يحووووووووشنى عنك


متفتكرش عشان كتبت اسمى مثلا
هسكتلك

بقى يوميها
كان عيد ميلادك و متقولشى ؟!!!


المدونة دى هتطرطش دم
دلوقتى حالاااااا


محدش يحوشنى قولت

كدا يا رامى ؟؟
طب قول حاجة
اعمل أى منظر
كويس انى مجتش بقى يومها
كنت رميتك ف المالح
و قطاقيطو قلب القطة ساعدتنى
هيا و الحاج ريتشارد




طب اخد نفسى بقى



انا هديت خلاص


الم التعابين بقى

و اقولك

كل سنة و انتا بألف خير و طيب زى منتا
كل سنة و انتا رقيق القلب يا رامى
و كل سنة و انتا معانا و مونسنا يا فندم



عيد ميلاد سعيد
و السنة الجاية ف عيد ميلادك
هكون خلاص حفظت معاده و اسيحلك من قبلها
و كمان تكون بتحتفل بيه مع ملاك القلب بتاعتك
و احنا فرحتنا بيك فرحتين



كل سنة و انت بألف هنا
يا ر ر


اما بخصوص اليوم
فالناس الحلوة اللى جبت سيرتها
اجمل من اى كلام
و عقبالنا هنا ف القاهرة لما نشوفك
و عقبال كل تجمع ناجح و ف الخير
و اقدر احضره
ان شاء الله
و احظى بمتعة
و شرف صحبتكم

خالص ودى يا عزيزى


--------------------------------------
http://www.glitter-graphics.com/graphics/267750
--------------------------------------

  Mona

الاثنين، 26 يوليو، 2010 12:38:00 م جرينتش+3

تعرف يارامى أنا قابلت أشخاص كتير أصبحوا أصدقائى من المدونة تتصور أنا مافكرتش أكتب عنهم أو عن لقاءتنا مع أننا أتقابلنا كتير بس تعرف أنا حأستأذن منك وأخد الفكرة ديه وأكتب عن لقائى بالناس لو مش يضايقك وكما قلت لحسنى إن شاءالله لما أعمل اللقاء القادم حأدعوه وأدعوك أنت أيضا - بس أنا بقى أكبر كتييييييير جداااااااااااا من المتوقع :)))) لكن الأصدقاء من أعمار مختلفة جدا

  richardCatheart

الاثنين، 26 يوليو، 2010 1:55:00 م جرينتش+3

اخصصصصصصصصصصصصصصصصصصصصص عليك عيد ميلادك وماتقولش

كده بردو انت خايف علشان انا ضدد الثوره لا اعذبك لما اعرف انك موليد23 يوليو والله ما كنت هاعملك حاجه
هههههههههههههههههه
على العموم كل سنه وانت بالف خير يا ابو الرام عقبال 2مليون سنه واحنا فرحانين بيك ويارب يوم ميلادك دا السنه دى يفضل ذكرى طيبه عندك يارب

اشكرك اوى يارامى على الكلام اللى انت قولته دا كتير
بس والله فعلا محمد حبك جدا واحترمك جدا جدا وبيشأل عليك وبعتلك سلالالالامات كتير اوى

والله انا كمان كان نفسى ست الستات تيجى والله نفسى اشوفها واسمعها وتيما حبيبه قلبى اللى وحشتنى طحن

ربنا يجمعنا كلنا على خير يارب عن قريب ياعالم اللقا نصيب

بص بقى بما ان موزتك اللى هى ملاكك نصك الحلو بتحب كظومه يبقى لالالالالالالالالالالالاومن ولابد تتجوزو فى اصرع وقت دىانسانه حساسه وبتفهم يا راجل ربنا يخليكم لبعض ويهدلكم الحال ونفرح بيكم يارب سلملنا عليها كتتتتتتتتتتتتير

مليون سلام من الحج ريتشارد وانا ومريهان ومروان
ويارب نتقابل على خير
كل سنه وانت طيب وسعيد يابو الرام

  الحب الجميل

الاثنين، 26 يوليو، 2010 4:09:00 م جرينتش+3

رامى
اولا احب اقولك كل سنه وانت طيب ولو انى زعلت لما عرفت ان اليوم الموعود كان يوم عيد ميلادك
كل سنه وانت طيب والسنه الجايه تحتفل بيه ومعاك ملاكك الجميل
ربنا يسعد ايامك
اما بخصوص الكلام الجميل دا فيارب يخليك بجد كلك ذوقك ومرسيى ليك بجد انك جيت ونورتنا فى اسكندريه

انت انسان طيب وربنا هيكرمك خير ان شاء الله

والحمد لله انك انبسطت واليوم كان جميل
انت و ابو مروان ومارو كلكم ناس طيبه وجميله

ربنا يديم المعروف

الاغنيه جميله وحلال عليكى ياملاكه الاغنيه وربنا يخليلك رامى يارب

دمت فى حفظ الرحمن

  Ms Venus

الاثنين، 26 يوليو، 2010 4:56:00 م جرينتش+3

كل سنة وانت طيب وبكل خير دايما يا رامى

وكل تجمع وانتوا طيبين وفرحانين ياارب

  wasf_elahsas

الاثنين، 26 يوليو، 2010 5:01:00 م جرينتش+3

والله الواحد مش عارف يقول ايه ولا ايه ولا ايه
الاول كل سنه وانت طيب
ثانيا حمدلله علي السلامة
ثالثا بقي
يا راجل في حد يحب ويفك في اربع شهور وده كله من اربع شهور بس
امال لو كان عدا عليك سنه كنت عملتها تمثال
ربنا يوفقك ويسترها معاك

  3mR Wa2el

الاثنين، 26 يوليو، 2010 5:03:00 م جرينتش+3

عجبني دقت مواعيدك و خفه دمك و كل حاجة حلوة و كويسة و دمك الخفيف و احساسك ف التعبير الحلو و كلة حلو
اسعدني المرورو

  ELMOSTAFZ

الاثنين، 26 يوليو، 2010 8:38:00 م جرينتش+3

تصدق انك تساهل كل اللي بيتقالك ده :) :) :) اللي عايزة تصفي دمك و اللي بتقولك اخص :) و قال عايز حاجة ساقعة لما النتيجة تظهر ، دانتا ليلتك مش معدية :)
علي كل حال كل سنة و انتا بألف صحة و سلامة و يارب اعرف اشوفك تاني ف اقرب فرصة ، متتصورش الأخبار الحلوة بترف عليا ازاي من يوم ما قابلتك ، سبحان الله يا أخي :)
صدقني أنا أكتر واحد حاسس بالحر اللي انتا كنت فيه عشان كده بحمد ربنا اني مجيتش معاك ، ندالة بقا :) :)
تحياتي يا رامي و متتخضش لو قولتلك شكلك بالدقن أشيك :) :)

  Silver Eyes

الاثنين، 26 يوليو، 2010 9:06:00 م جرينتش+3

مساء الفل يا رامى

كل سنة وانت طيب
ويارب تكون سنة سعيدة جميلة عليك يارب
ونفرح بيك بقى
اللهم اميييييييين

البوست حلو اوى .. بحب تفاصيل اللقاءات اوى
الحمد لله انه كان يوم لذيذ وكلكم اتبسطوا
وحمدلله ع السلامة :):)

ربنا يجمعك ب ملاكك ع خير قريب ان شاء الله
خالص تحياتى
Happy birth day again :):):)

  ali younes

الاثنين، 26 يوليو، 2010 10:03:00 م جرينتش+3

الاخ رامي
بجد بحسدك علي تعرفك علي الناس الحلوة دى عقبالي يارب ..
وكمان الاخت فاتيما دى تعلقها عسل قوى ومرحة ودمها خفيف وتطفي جو الاسرة علي المكان ...
أضحكتني يا فتي أربع أشهر ؟؟؟؟
أنت ظتهرة محتاجة الدراسة والبحث .....
تحياتيس لك

م/ علي يونس

  Noha Saleh

الثلاثاء، 27 يوليو، 2010 2:34:00 ص جرينتش+3

واضح انها كانت رحلة جميلة وصحبة حلوة غير ان اسكندرية فى الحر ده اكيد حاجة حلوة جدا
وكل سنة وانت طيب

  ستيتة حسب الله الحمش

الثلاثاء، 27 يوليو، 2010 3:28:00 ص جرينتش+3

كل سنة وانت رامي
طيب في زمن الأشرار
ما شاء الله يا بخت الحب بيك
يارب يهنيكم ويجمعكم ما يفرقكم
وانا من منبري هذا بصفتي عضوة في جمعية المرأة المتوحشة بقول لها وبكل خبرة في الرجالة الطيبين
كلبشي في رامي
بإيدك وسناااااااااااااااانك :)

انا سمعت كده أوشاعة إنك كنت جايب شيكولاتة وحركات
نصيبي لازمن ولابد يتشال
انا زي الفيل .. لأ يا عم يعني مش بنسى

كل سنة وانت طيب يارامي كمان مرة
23 يوليو
يالا مش مشكلة
خير خير
ها تتكسي :)

  norahaty

الثلاثاء، 27 يوليو، 2010 7:04:00 ص جرينتش+3

يابختك ياراااااااااامى
كل سنة وأنت طيب يارامى
ياااااااااااااااابختك يارامى
كل سنة وأنت طيب يااااااااارامى
حيرتنى ياأخى أقولك يابختك على اليوم
الجيل دا ولا كل سنة وأنت طيب بمناسبة
يوم (مولدك الكبير والعزيز:):)طبعا ياعم
ما يهمكش 31 ولا 32 سنة مش مشكلة لسه شباب برضه
المهم أنك لحقت اللقاء وماركبتش القطر اللى رايح الهند وركبت القطر المضبوط والأ ماكناش استمتعنا بالوصف التفصيلى للقاء الجميل دا
فين الصور؟ايوة صور اللقاء؟
جايبلى صورة القلعة؟!
ما ينفعش :)عايزين
الصورررر والأ فلا:)

  بنت وولد

الثلاثاء، 27 يوليو، 2010 9:49:00 ص جرينتش+3

الله عليكم
نفسى قوى احضر لقاءات فى اسكندريه
انا حضرت فى القاهره
ان شاء الله ربنا يلم الشمل معاكم قريب
و الحمد لله انكم انبسطتوا

  لـــولا وزهـــراء

الثلاثاء، 27 يوليو، 2010 11:36:00 ص جرينتش+3

رامـــــــــــى

كل لحظه وانت بخير وسعادده
يارب يحمل لك هذا العام الحب والخير والسعاده وتحقق كل احلامك واكتر وتشوف الخير والهنا والسعاده فى حياتك

طبعا اسكندريه كانت منوره بيك وكان نفسى اكون معاك فى اليوم ده لكن انا عرفت موضوع اللقاء متاخر وكنت ارتبطت بكذا حاجه فى نفس اليوم على العموم ملحوقه ان شاء الله تانى
بما انك اتكلمت عن مارو ومحمد احب اقولك انهم عشرة اللحظات الجميله والضحك اللى من القلب وايام صعب انها تتعوض بجد ناس مهما تتكلم معاهم مش تقدر تبطل كلام او ضحك ربنا يبارك لهم فى بعض ويحفظ لهم ابنائهم

اكيد كان نفسى اتعرف على الحب الجميل ان شاء الله تتعوض فى مره تانيه
على فكره اسكندريه تحفه فى الشتا ان شاء الله يتعمل لقاء تانى فى الشتا وتشرفنا

مية سنه فى سعاده وهنا ياااااااااااارب

زهــــــــراء

  م. حجاز

الثلاثاء، 27 يوليو، 2010 12:51:00 م جرينتش+3

رامى كل سنة وانته طيب يعم مش تقولى قبلها كنت اجيب اتنين كيلوا برتقان ولا حاجه
هههههههههههههههههههههه

كل سنة وانتى اجمل من كل سنة فاتت يابرنس ومعلش لسه عارف النهارده

  Ramy

الثلاثاء، 27 يوليو، 2010 3:37:00 م جرينتش+3

مرمر

(:

شفتى بقى لو كنتى جيتى كان نولتى من الشيكولاتة جانب

انا عارف ريتشاردية زفت خبر الشيكولاتة

ملحوقة بأذن الله تقدرى تيجى تجمع قريب

الله يخليكى و انتى طيبة و بخير و سلامة

  Ramy

الثلاثاء، 27 يوليو، 2010 3:40:00 م جرينتش+3

الريس

ألف سلامة اهم حاجة تكون بخير دلوقت

شكرا على التعليق

الحمد لله كان يوم جميل

شرفتنى

  Ramy

الثلاثاء، 27 يوليو، 2010 3:43:00 م جرينتش+3

sony2000

الحمد لله

اليوم كان جميل

من بوئك لباب السما (:

شكرا على الدعوة الجميلة دى

نورتينى (:

  Ramy

الثلاثاء، 27 يوليو، 2010 3:55:00 م جرينتش+3

فاتيما

مامت يوسف العزيزة

(:(:

و برضة أهون عليكى ترمينى فى المالح (:(:(:

شكرا جدا على الدعوات الجميلة الكتيرة دى

الله يخليكى و يفرحك بيوسف بأذن الله

بجد اليوم كان هيكون أحلى و أحلى بيكى صدقينى

دة أنا قعدت مستنى اليوم اللى هتعمليه بفارغ الصبر

الجيات أكتر من الريحات بأذن الله

بتنورينى فى كل مرة بتزورينى فيها (:

يا رب دايما اشوفك مبسوطة و سعيدة قوليى امين (:

  Ramy

الثلاثاء، 27 يوليو، 2010 4:00:00 م جرينتش+3

mona

حضرتك دى مش فكرتى المدونين دايما بيعملوا كدة بعد اللقائات التدوينية

و أحنا يكون لنا الشرف أن نحضر لقاء تدوينى من دعوة حضرتك (:

شكرا لحضرتك

نورتينى (:

  Ramy

الثلاثاء، 27 يوليو، 2010 4:19:00 م جرينتش+3

ريتشاردية

شفتى بقا أنى ثورجى من يومى عائلة و طنية (:

الله يخليكى و انتِ بخير و سلامة انت و الحج و الأولاد

بجد صدقينى انتم تستحقوا أكتر من كدة

ناس محترمة بجد

شفتى بقى طلعت بتحب كاظم (:

اة و الله أدعيلى كدة ربنا يحنن قلبها عليا

الله يسلم الحج و الأولاد و يسلمك

بأذن الله

و انت بخير و سلام

نورتينى وشرفتينى (:(:

  Ramy

الثلاثاء، 27 يوليو، 2010 4:25:00 م جرينتش+3

الحب الجميل

و انتى بخير وسلام و تفرحى بلولو

بجد انا اسف بس كنت محرج قوى انى اقول (:(:

صدقينى بجد تستحقوا اكتر من كدة بامانة

الله يخليكى يا رب

اليوم كان جميل بصحبتكم

ربنا يديم المعروف

كويس ان الأغنية عجبتك (:

لان بجد دة كان شعورى ليها

شكرا ليكى جدا

نورتينى و شرفتينى (:

  Ramy

الثلاثاء، 27 يوليو، 2010 4:50:00 م جرينتش+3

Ms Venus

و أنتِ طيبة و بخير وسلام

و التجمع الجى تكونى معانا بأذن الله

نورتينى (:

  Ramy

الثلاثاء، 27 يوليو، 2010 4:59:00 م جرينتش+3

wasef alahsas

اولا و أنت بخير وسلام

ثانيا الله يسلمك

ثالثا أحنا مرتبطناش علشان نفك

دى محولات منى أنها ترضى عليا (:

أه صحيح وقت قصير بس حبها فى قلبى ميسعهوش سنين

شكرا ع الدعوة الجميلة دى

ربنا معاكى دايما

نورتينى (:

  Ramy

الثلاثاء، 27 يوليو، 2010 5:02:00 م جرينتش+3

عمر وائل

انا عارف دى اول مرة ليك

كويس ان البوست عجبك (:

شرفتنى (:

  Ramy

الثلاثاء، 27 يوليو، 2010 5:03:00 م جرينتش+3

عمر

سوررى و انت طيب يا عسل

(:(:(:

  Ramy

الثلاثاء، 27 يوليو، 2010 5:12:00 م جرينتش+3

حسنى

صديقى العزيز

أستاهل ماشى يا عم بس صدقنى انا كنت محرج منهم جدا

شوفت عمال اقولك كن مقدام وانا قال اية محرج (:(:

و انت طيب يا حبيبى و بخير و سلام

هتشفنى قريب علشان الحاجة الساقعة (:(:(:

يا رب دايما تكون فى أخبار سعيدة يا رب (:

دة بس علشان انت انسان كويس و ربنا بيحبك يا حسنى

هو صحيح دماغى اتقورت (:(: بس يهون علشان الناس المحترمة دى بصراحة (:

لالا انا اصلا بطلع وحش قوى فى الصور بالدقن او من غير

نورتنى يا مستفز (:(:

  Ramy

الثلاثاء، 27 يوليو، 2010 5:22:00 م جرينتش+3

سيلفر

ازيك

و انتِ بخير و سلام

الله يخليكى ع الدعوة الحلوة دى أمين

كويس ان البوست عجبك

انا كنت بحاول اعيشكوا فى اليوم على قد ما اقدر

اليوم كان جميل بالناس المحترمة اللى كانت فيه

الله يسلمك

من بئُك لبلب السما يا رب

thank you so much
for this nice comment

شرفتينى و نورتينى (:

  Ramy

الثلاثاء، 27 يوليو، 2010 5:26:00 م جرينتش+3

أستاذى

م/على يونس

صدقنى يا أستاذ على ناس ما يتخيروش عن حضرتك

انا محظوظ انى اعرف حضرتك و أعرفهم

و بأذن الله يكون فى لقاء قريب و تشرفنا فيه (:

شفت بقى حضرتك (:

حالة غريبة (:

التحية لحضرتك

شرفتنى (:

  Ramy

الثلاثاء، 27 يوليو، 2010 5:31:00 م جرينتش+3

noha saleh

اليوم كان جميل بجد (:

و أسكندرية كانت شمس بجد (:

و انت طيبة و بخير و سلام

نورتينى (:

  Ramy

الثلاثاء، 27 يوليو، 2010 5:45:00 م جرينتش+3

د/ستيتة

و حضرتك طيبة وبخير و سلامة انت و العائلة الكريمة

الله يخليكى دة بس انتوا اللى ناس كويسين و محترمين

يارب تقرا بس تعليقك كدة و يسمع منك ربنا

بأمانة أول لقاء تدوينى بأذن الله تكونى حضرتك فية

فيه عدد 2 شيكولاتة لحضرتك (:(:

وعد الحر دين عليه (:

و حضرتك طيبة كماااان مرة (:(:

شوفتى بقى تاريخ لا يُنسى

شرفتينى يا دكتورة (:

  Ramy

الثلاثاء، 27 يوليو، 2010 5:52:00 م جرينتش+3

بنت و ولد

بأذن الله لو فيه لقاء تدوينى قريب فى القاهرة

هبلغكوا بأذن الله

اليوم كان جميل بالناس الحلوة اللى فيه (:(:

نورتينى (:

  Ramy

الثلاثاء، 27 يوليو، 2010 5:58:00 م جرينتش+3

norahaty

الله يخليكى و انتى طيبة و بخير و سلام (:

الحمد لله اليوم كان جميل بالناس الكويسة اللى كانت فية بجد ناس محترمة
ميتخيروش عنك كدة

الحمد لله ان الوصف بتاعى عجبك (: معلش هو كان طويل شوية (:(:

الصور هتلاقيها فى الرابط دة (:

http://richardcatheart.blogspot.com/2010/07/2.html

نورتينى و شرفتينى (:

  Ramy

الثلاثاء، 27 يوليو، 2010 6:04:00 م جرينتش+3

لولا و زهراء

زهراء

الله يخليكى على الدعوات الجميلة دى (: و ربنا يديكى زيها كدة

أية دة انتى من أسكندرية !!!!

بأذن الله تتعوض فى لقاء تدوينى قريب (:

على فكرة ريتشاردية حكت عنك كتير و عن منتدى عمرو أديب
(:
و شكرت فيكى كتير بتعزك جدا على فكرة (:

على فكرة أسكندرية جميلة فى كل وقت (:

ربنا معاكى دايما يا رب انتى و لولا (:

نورتينى يا زهراء

  Ramy

الثلاثاء، 27 يوليو، 2010 6:08:00 م جرينتش+3

محمد حجاز

ازيك اخبارك أية

و انت بخير و سلام يا باشا كفاية تعليقك عندى دة أكتر من 4 كيلو تفاح امريكانى (:(:

ميهمكش يا محمد انا مقلتش لحد خالص

شرفتنى يا باشا (:

  محمود(باحث عن حب)

الثلاثاء، 27 يوليو، 2010 6:14:00 م جرينتش+3

حبيت اكون معاك
واعلق بجد تعليق يليق
بالبوست ده
بس والله تعبان
شويه
دعواتك
يا
رامى

  Ramy

الثلاثاء، 27 يوليو، 2010 6:42:00 م جرينتش+3

محمود

الباحث عن الحب

الف سلامة يا صحبى

كفاية مجيتك

ربنا معاك و تقوم بالسلامة بأذن الله

  أحمد شريف

الثلاثاء، 27 يوليو، 2010 10:41:00 م جرينتش+3

ياسيدي يا سيدي
ربنا يديم الود بينك وبين كل المدونين

  Ramy

الأربعاء، 28 يوليو، 2010 1:27:00 ص جرينتش+3

أحمدالشريف

الله يخليك يا أحمد يا صديقى العزيز

و كل عام وانت بخير

انت عيدت عليا لبوست اللى فات انا قريت بس مكنش ينفع انشره

شكرا يا صديقى

  لـــولا وزهـــراء

الأربعاء، 28 يوليو، 2010 2:10:00 م جرينتش+3

ربنا يسعد اوقاتك ياسامي بكل خير ورحلة سعيدة

اتعرفت من خلالها على ناس محترمة

"لية يا عم رامى امال انت كنت راكب منين
من عين شمس"

دا احنا طلعنا جيران على قدة ههههه
لــولا

  Ramy

الأربعاء، 28 يوليو، 2010 6:58:00 م جرينتش+3

لولاوزهراء

لولا

شكرا لولا الله يخليكى

اه صدقينى نا ميتخيروش عنك كدة (:

بجد طب كويس علشان لو فيه لقاء فى القاهرة تروحوا و نشوفك انتى و زهراء (:

شكرا لولا و سلملنا على زهراء

  gogo!sf

الأربعاء، 28 يوليو، 2010 9:21:00 م جرينتش+3

كل سنه وانت طيب يا رامى

وعقبال ميت مليون سنه وانت طيب وسعيد مع ملاكك

ويااااااااااااارب يوفقكم ويسعد اوقاتكم قول امين يا ابنى انا بدعيلك مش بدعى عليك

اما بقى على التجمع اللى انا كان نفسى اوى اكون موجوده فيه معاكم فهعوضها ان شاء الله

وبجد هتكون قريب جدا جدا

رامى سورى ممكن اطلب منك انك تغير صفحه التعليقات عشان انا من اول ما انت نزلت البوست وانا بحاول اكتب كومنت ومش عارفه خالص

بليز رامى غيرها

  Ramy

الخميس، 29 يوليو، 2010 2:57:00 م جرينتش+3

gogo!sf

و انتِ طيبة و بخير وسلامة

الله يخليكى ع الدعوات الجميلة

أن شاء الله يكون فى لقاء تدوينى قريب الناس الجميلة دى كلها تكون موجودة

صدقينى أنا مش عارف أزاى بس أنا حاسس أن الطريقة دى فى التعليق سهلة
بس هحاول أن شاء الله

و منغير سوورى (:

نورتينى (:

  hana

السبت، 31 يوليو، 2010 5:32:00 ص جرينتش+3

كل سنــة وإنت في صحة وسعادة وودفا وحب

  Ramy

السبت، 31 يوليو، 2010 5:53:00 ص جرينتش+3

hana

وانت طيبة و بخير وسلامة (:(:

شكرا هناء