أمنيات

تنويهات (:

أنا كاتب أمنيات دى من زمان بس زودت عليها حاجات

بالنسبة للأغية طبعا انتوا عارفين انى بحب يورى و بحب سعاد حسنى و بحب ملاكى

اية يا عم رامى هتحب المنتج و المخرج هههههه

كلام الأغنية كله أهداء لملاكى الجميل الرقيق

و تحت الأغنية كاتب خاطرة حبيبتى

كلام مش قادر كنت اقوله او ملحقتش اقوله ليها

معلش يا جماعة بس استحملونى

كتر خيرها هى بقا (:

البوست اللى جى هتحبوه جدا حاجة كدة

VERY LIGHT

*********************************************************


كم تمنيت أن نتكلم كثيرا دون خوف من وقع الكلمات و حروفها ان تجرحنا
كم تمنيت أن تبكى فى أحضانى و تلقى بأحمالك عليا
كم تمنيت أن يكون صدرى هو ملاذك هو حصنك
و أمانك....و وطنك
من غدر الزمان
كم تمنيت أن أكون الصديق قبل الحبيب تحكى لى دون تبرير
دون تجميل
كم تمنيت أن أكون أنا من ينسيكى جراحٍك وألامٍك
كم منيت نفسى أنى وجدت من أفهمه و يفهمنى
كم منيت نفسى انى وجدت من يحتمل سخافاتى
كم منيت نفسى أنى وجدت من أستطيع أسعده
أعطيه كل ما لدى من حب
كم تمنيتك تمنيت الأنسانة داخلك تمنيتك بكل تناقضاتك التى أنتٍ تريها
و ليس أنا..
بكل مشاعرك و أحاسيسك
أ ةةةة أن أمنياتى لا تتحقق أعرف هذا من البداية ولكن كنت احاول
أكسر قاعدت عدم تحقيق أمنياتى
تمنيت أن لا أقتحم حياتك هكذا دون أستأذانك
تمنيت أن أقول أحبك وأنا غير خائف من الرفض
تمنيت أن يكون الرفض بعد معرفتك لى فمن الجائز أكون غيرهم
أم أنا مثلهم
تمنيت بعض الرفض نظل أصدقاء
تمنيت أن أريكى أنى أختلف عن ما حولك من بشر أخرين
غير مبالين
تمنيت أن تعرفى أنى أُبالى بكل ما تقولين أو تفكرين
تمنيت لحظة لقاء ترينى أراكى تًعرفينى
...... و تُعرفينى من أنا
تمنيت أن ترينى وأنا أبكى
بكائى ليس ضعف و لكن لأنكى الوحيدة التى جعلتنى أبكى كثيرا ليس على و لكن على قلبى
لأنه لم يحب غيرك و انتِ تعرفى ذلك
هذا ليس شكوى منكى و لا أستطيع أقول هذا أنتٍ كنتٍ أمينة معى من البداية و لكن هذه شكوى لكى
تمنيت أن لا تكونى سرى تمنيت أن تكونى حبى المعلن
تمنيت أن أقول للجميع أنكٍ ملاكى أنكِ من أحببت
أنكٍ من أستطاع يغيرنى للأحسن للأفضل
أنتِ الأنسانة التى
جعلتينى من جديد.....أنسان




حبيبتى
مش عارف أوصف مشاعرى لحد بس أنتِ أكيد حاسة
حسيت أن أنت فاهمانى
بس عمرى ما كنت أقصد أزعلك و لا أضيقك
كلامنا خلانى يومها معرفتش أنام
بس قريت حاجة أنت نقلاها حيتنى من تانى
خلتنى أحس أنى مش هواجه الناس و خلاص
لا فى حد ساندنى و مستنينى
بس أدينى أشارة
أطمنى أنا عمرى خلاص ليكى و مستنيكى
مهما طال الوقت
مش همل لأن عندى أمل فى يوم تنادينى
عارفة أنا كنت عاوز أتكلم معاكى ساعات و ساعات
مش بس دقايق و خلاص
صوتك لسة فى ودانى
صورتك لسة فى عينى
سلامك لسة فى أيدى
مقدرش حتى أتخيل أنى أكتب لحد تانى
مجنون بقى (:
عاوز افضل أكتب أكتب و الموسيقى اللى بتحبيها فى ودانى
طول العمر
طول ما أنتِ مش جنبى
عارفة كنت بسرق النظرة ليكى
وأنا حاسس بضيقك بغيظك منى
(:
عارف آد تكونى اضيقتى اول ما شفتينى
مش علشانى أنا... علشان مش عارفة الموقف هيكون أية
الكلام هيكون أزاى
(:
بس فرحة قوى لما لقيت نظرة الأرتياح فى أخر اللقاء
نظرة مفهاش عتاب
لقيت أبتسامة على آد ما هى خفيفة
بس عندى كانت كبيرة
كانت معانيها كتيرة
صدقينى مكنتش عاوز أسيب أيدك بعد ما كان حام ليا أنى بس أشوفك
لا دة أنا شوفتك
و كلمتك
و سلمت عليكى
عارفة أنا بكتب و فرحان جدا جدا
مش عارف ليه صدقينى
فرحان يمكن علشان عارف أن أنتِ هتقرى دة
و لا علشان أنا حاسس أنى بأكلِمك
عارفة بحس بالأمان لمجرد
التفكير فيكِ
أرجوكى أطمئنى أنتِ فى قلبى
يا عمرى

50 التعليقات:

  محمود(باحث عن حب)

الاثنين، 19 يوليو، 2010 6:42:00 م جرينتش+3

الله اكبر ايه الجمال ده كله
يا بختها ياعم
دا انت قلبك كبييييييييييييييييييييييييييير قوى
بس
يا ترى هى تستحق؟

هذا يرجع اليك
لو لم تسحتق هى كل هذا الحب
ما كنت احببتها


انت

انت حلق بك فى اللامكان مع الاحلام
حيث امنياتك
جميله كلماتك
يارب
يتمم بخير
حاجه تانيه

ايوة كده
انت ميه ميه
اكتب واكتب
واكتب
احلى انواع البكاء والضعف
هو البكاء بين يدى الحبيب
حيث هو
منتهى القوة

  Silver Eyes

الاثنين، 19 يوليو، 2010 6:50:00 م جرينتش+3

مساء الخير يارامى
يارب تكون بخير :)

عاوزة اعلق كتير بس
مش عارفة

حاسة بحالة الحب الجميلة الصافية جواك دى اوى
بس بجد
انا برفعلك القبعة ع البوست الجميل دا
ومشاعرك الاجمل والارق ..

ربنا يجمعك بحبيبتك يارب
ويوفقك فى حياتك
وربنا يريح قلبك ..

تحياتى واعجابى بالبوست الرقيق دا :)

  MR.PRESIDENT

الاثنين، 19 يوليو، 2010 7:12:00 م جرينتش+3

بعد السلام والتحية
أما بعد
من رئيس الجمهورية
إزيك ياعمنا الأول
أنا مليش في كلمات الحب
وتلاقيك قريت يمكن مرة تعليق إن مش بحب
اعلق علي كلمات الحب
لإعتقادي إن العاطفة تتنقل بين المحبين طبعاً بعد
الجواز
ربنا يكرم كل المحبين بالزواج
فاسمحلي بس أرزل عليكم بغلاستي وربنا
يجمع بين المحبين بالزواج قادر يا كريم
يلا باي
قصدي السلام عليكو

  norahaty

الاثنين، 19 يوليو، 2010 11:22:00 م جرينتش+3

(الأنسانة التى
جعلتينى من جديد.....أنسان)
جميلة أوى تسلم أيدك
ويارب تسعدوا مع
بعض وتحققوا كل
أمنياتكم سوا.

  Mona

الاثنين، 19 يوليو، 2010 11:45:00 م جرينتش+3

جميلة الكلمات ما شاءالله وربنا يهينيك يارب ويسعدك على قد نيتك الصافية بالحب ده كله - ولو أنى مش بحب يورى بس الأغنية حلوة أول مرة أسمعها. تحياتى وشكرا لزيارة مدونتى (العربى والانجليزى):)

  القدر و انا

الثلاثاء، 20 يوليو، 2010 12:47:00 ص جرينتش+3

ايه ده يارامى
ايه كم المشاعر التى تتدفق داخلك
بجد يابخت فتاتك بكل هذا الحب
جميل انك تحبها زى ماهى
بعيوبها وحسناتها
مش بتحب صورة لبنت جميلة
فعلا مشاعرك رقيقة وكلماتك صادقة
ربنا يسعدكما دائما

  mrmr

الثلاثاء، 20 يوليو، 2010 1:08:00 ص جرينتش+3

معلش يا ابو الروووم اتاخرت عليك سامحنى
بس لسه راجعه من ساعه البيت وملحقتش اعلق

بس عايزه اقول انى حاسه بمقدار الحب اللى شايله جوه قلبك
كنت حاسه مقدار سعادتك وانت بتكتب لها سطورك
اش حال هى اكيد برضه قرات رسالتك ومقدره قد ايه بتحبها لالالالا ده مش حب ده عشق
اتمنى من قلبى ربنا يجمع شملكم ويبارك فى حبكم
بس خايفه قوى يا رامى يكون الحب من طرف واحد
تبقى حاجه مؤلمه قوى وانا مش بحب اشوف حد متالم كده
انا بسمع كتير ان الحب عذاب لكن مجربتش عذابه ويارب ما جرب علشان مالهوش علاج
ربنا يسعدك ويفرح قلبك
كلامات الاغنيه جميله اختيارك موفق

  الحب الجميل

الثلاثاء، 20 يوليو، 2010 3:37:00 ص جرينتش+3

رامى
مفيش غير جمله واحده بس وسط حروف كلماتك الرائعه

ربـــــــــــــا يخليهـــا لــــــك
الملاك الجميل

ويجمعكوا فى الخير يارب ونفرح فيكم
وخد بالك فيكم مش بيكم
ههههههههههه

مبسوطه لأحساسك با الامل مره تانيه

ربنا الموفق
دمت فى حفظ الرحمن والملاك كمان

  ali younes

الثلاثاء، 20 يوليو، 2010 11:34:00 ص جرينتش+3

الاخ رامي
اية يا عم كم الحب والاخلاص والتضحية ..
بجد شيئ رائع ومؤثر ويا بختها بيك من يكون لها نصيب معك فهي الفائزة..
انت بجد شئ جميل وأنسان بمعني الكلمة وما تحملة كلمة أنسان ...
أنت يا عم خلتنا نغير من حبيبتك وخلتنا نفسنا نحب زيك كدة وتكوينا نار الحب...
ربنا يوفقك وتنزل مرادك ..

وياريت هي تشوف تعليقاتنا وأحنا نقول لها رامي دة علي مسؤلينا أرجعي ولن تندمي أذا أخترتي البعد بجد أنت الخسرانة وهتعرفي كلامنا دة بس بعد مرور الوقت لذا أسرعي أسرعي العمر ليس فيه كثير ..
تحياتي لك يا ولهان

شكرا لك علي السؤال عني والحمد لله أمورى الان أصبحت بخير بعد مرورى بظروف طارئة
م/ علي يونس

  لـــولا وزهـــراء

الثلاثاء، 20 يوليو، 2010 12:30:00 م جرينتش+3

رامى

اول ما شوفت عنوان البوست تخيلت انى هالاقى كلام عن امنياتك فى الحياه والدنيا ولكن عندنا قرات ايقنت انها هى الدنيا والحياه لك
بجد يصعب عليا ان المشاعر دى تكون جواك ومش عارف تقولها لها بصفه شخصيه
جوايا احساس بيقول انكم من نصيب بعض ان شاء الله انت بس خلى عندك ثقه فى الله وفى ان امنياتك كلها ممكن تتحقق بين غمضة عين وانتبهاتها يغير الله من حال الى حال
بجد كلامك اكتر رائع تسلم الايادى وربنا يحفظك ويحفظ لك المشاعر الجميله ويحفظها لك وان شاء الله عن قريب تعزمنى على الفرح اوعى تنسى


زهــــــــراء

  Tarkieb

الثلاثاء، 20 يوليو، 2010 12:35:00 م جرينتش+3

ساعات يارامي اللي بيحب حد وخايف انه ممكن يرفضه مش بيصرح بحبه خوفا من رد فعل اللي بيحبه لان حتى كلمة صديق مش يبقى طايق حتى يسمعها منك.واكيد حيقطع كل علاقته بك....وفي الاخر لا بتطول لا بلح الشام ولا عنب اليمن...راي خليك في البلح يعنى ماتصارحش بدري وكل ما تفضل في مرحلة البلح وتطول المدة اكيد هي ح تحس بيك...الحاجات دي بتتحس مش بتتقال...كل اللي بيقول بسرعة سطحى ...والاحساس بيجى من القلب مش اللسان .يعني الصبر وحتلاقى العنب جه لوحده.....ومتنسناش بقى لما تغرق في العنب...

  sweet angel

الأربعاء، 21 يوليو، 2010 10:36:00 ص جرينتش+3

ربنا يحقق لك كل امنياتك
ويجمعك بحبيبتك على طاعته
وتعزمنا طبعا على الفرح بس تعمله في مكان محايد

  ELMOSTAFZ

الأربعاء، 21 يوليو، 2010 1:29:00 م جرينتش+3

أنا اتأثرت بالكلام...
و لك أن تتخيل ازاي اني أتأثر بالعواطف ، عارف لما كنت بتقولي البوست الطويل بيخلي الواحد مش فاكر ايه اللي هايعلق عليه ؟ أهو أنا دلوقتي ربنا بيخلص مني كل اللي عملته في الناس اللي علقوا عندي :)
بس الشعور العام اللي انا خدته م الكلام و اللي غالب عليه هوا الصدق الشديد ، يعني فعلا كلام من قلبك موجه لحد بتحبه بغباوة :) ، بتحبه أوي يعني :)
أما الأغاني ف مش عارف اسمعها لإني داخل م الموبايل ، النت فصل تاني يا رامي :) :) :)

  لـــولا وزهـــراء

الأربعاء، 21 يوليو، 2010 2:56:00 م جرينتش+3

ازيك يا سامي ): يارب تكون بخير وسعادة وحب اللهم امين ربنا يسعد قلبك بكل خير ويرزقك كل رزق حلال طيب مبارك فيه

لـــولا

  لـــولا وزهـــراء

الأربعاء، 21 يوليو، 2010 3:00:00 م جرينتش+3

على فكرة امبارح قعدت اقرأ في البوست كتير وكل ما اجي اعلق النور يقطع !! حاجة مستفذة بجد مش كفاية النت بيرخم ههههه
البوست النهاردة له مذاق خاص بالرغم من انه عن نفس الموضوع لكني في كل مرة بحس ان احساسك جديد مليان مشاعر جميلة جديدة
"تمنيت أن نتكلم كثيرا دون خوف من وقع الكلمات و حروفها ان تجرحنا
كم تمنيت أن تبكى فى أحضانى و تلقى بأحمالك عليا
كم تمنيت أن يكون صدرى هو ملاذك هو حصنك
و أمانك....و وطنك
من غدر الزمان "
ايه الجمال ده ايه الحلاوة دي فكرني باغنية الحياة لكارمن منمسرح محمد صبحي رغم ان المعنى مختلف عن اللي بالمدونة لكن الاحساس واحد
" اذوب بكفيك كثلج الجبال واسقط في صدرك كالمطر " حاسة الكلام مختلف بس ليه الاحساس واحد وجميل مش عارفة

بجد تسلم ايدك يا سامي وخلي بالك على رامي ...فاهمني اكيد :d
لـــولا

  لـــولا وزهـــراء

الأربعاء، 21 يوليو، 2010 3:01:00 م جرينتش+3

نيجي بقى للفيدو تحفة عبر عن كلماتك باسلوب جميل انا اول مرة اسمع الاغنية دي بس طلعت مبروزة البوست كأنك حاطط صورة ومبروزها ببرواز ابرز جمالها وحلاوة الصورة تسلم ايدك يافنان
لـــولا

  لـــولا وزهـــراء

الأربعاء، 21 يوليو، 2010 3:37:00 م جرينتش+3

نسيت احكي ع الصورة انا اقول مفراداتها وانت تفهم معانيها :d... اتنين لبعض مواجهين.. وقت الغروب مستنيين ..وبينهم نهر فاصلهم وهما في مكانيين ...الاتنين مع بعض لكن كل واحد في مكان عن بعض مفصولين ...وللغد مترقبين ومستنيين.
لولا

  Ramy

الأربعاء، 21 يوليو، 2010 4:04:00 م جرينتش+3

محمود( الباحث عن الحب

(:

يا بختى أنا يا محمود صدقنى و هى تستحق و تستحق اللى أحسن منى كمان صدقنى

الله يخليكى يا محمود

كلك ذوق صدقنى

زى ما انت قلت كدة البكاء عند البيب ليس ضعف بل قوة

بتنورنى دايما يا محمود (:

  Ramy

الأربعاء، 21 يوليو، 2010 4:07:00 م جرينتش+3

silver eyes

من غير ما تكتبى كتير

مجرد أحساسك باللى انا كاتبه دة يبسطنى

ترفعيلى القبعة (: شكرا ليكى دة بس من ذوقك

يارب دعوتك الجميلة دى تتحقق (:

تحياتى ليكى انتى

نورتينى (:

  Ramy

الأربعاء، 21 يوليو، 2010 4:11:00 م جرينتش+3

الريس

انا بأشكرك على تعليقك طبعا (:

بالرغم ان انت معترض عل الحب قبل الزواج

يمكن اكون معترض معاك شوية

بس انا بحترم وجهات النظر المختلفة

تشرفنى و تنورنى دايما يا ريس (:

و عليكم السلام

  Ramy

الأربعاء، 21 يوليو، 2010 4:14:00 م جرينتش+3

norahaty

الله يخليكى (:

يسمع من بُوقك ربنا

نورتينى (:

  Ramy

الأربعاء، 21 يوليو، 2010 4:22:00 م جرينتش+3

mona

الله يخليكى و شكرا على الدعوة الجميلة دى (:

يورى انا عارف انه غير مستساغ لكتير من الناس

لكن انا بعشقه زى عبد الحاليم (:

مع الفارق طبعا

بس هو ليه اغانى كتير حلوة

لا تشكرينى بجد المدونتين يستحقوا الزيارة بس انتى سيبة الأنجليزية شوية كتير (:

شرفتينى و يا رب متكونش اخر مرة (:

  Ramy

الأربعاء، 21 يوليو، 2010 4:28:00 م جرينتش+3

القدر و أنا

اولا حمد الله على السلامة (:

ثانيا يا بختى أنا بيها لولاها مكنتش كتبت و لا عبرت و حبيت من الأساس

الحب هو قبولك للى بتحبه بكل عيوبه

الواحد بيقبل صحابه بعيوبهم ما بال حضرتك باللى بنحبهم

شكرا جدا لحضرتك دة من ذوقك

نورتينى (:

  Ramy

الأربعاء، 21 يوليو، 2010 4:33:00 م جرينتش+3

مرمر

ولا يهمك يا مرمر ما انا أتأخرت فى الرد أهوا (:

انا عارف انها حاسة باللى انا فيه بس انا هأستنى

حتى لو كان حبى من طرف واحد

زى ما أنتى قلتى مش لاقى علاج للحب (:

وقعت و اللى كان كان بقا (:

نورتينى يا مرمر (:

  Ramy

الأربعاء، 21 يوليو، 2010 4:36:00 م جرينتش+3

الحب الجميل

أة بجد ربنا يخليهالى

و تفرحوا فينا يا رب (:

الله يخليكى يا حب على دعواتك و كلامك الجميل

ربنا يوفقك دايما

منورانى (:

  Ramy

الأربعاء، 21 يوليو، 2010 4:44:00 م جرينتش+3

أستاذى

د/ على يونس

(: طبعا انا مبتسم و محرج جدا من كلام حضرتك دة كتير عليا طبعا

بس أقول اية حضرتك كلك ذوق (:

بجد حضرتك انا اللى محظوظ بيها لو ربنا أراد يتم الموضوع

و لو متمش برضة انا محظوظ انى بس عرفتها (:

الولهان (:(:

لا شكر على واجب حضرتك دة سؤالى جه متأخر انا المفروض كنت سألت من بدرى أعذرنى

و يارب تكون كل الظروف أتحلت و كل شيىء رجع لطبيعته

شرفتنى و نورتنى (:

  Ramy

الأربعاء، 21 يوليو، 2010 4:52:00 م جرينتش+3

لولا و زهراء

زهراء

صدقينى يا زهراء هى كدة فعلا حياتى كلها بقت بتدور فى فلكها

يارب نكون من نصيب بعض بس لو هتعبها او فى يوم ممكن اكون ازعلها يبقى اللى ربنا رايده هو اللى هيكون

شكرا قوى على الدعوات الجميلة دى (:

و أكيد هعزمكم يعنى فى الدوخة معايا و الفرح انساكم (:(:

لالالالالا بس يا مسهل

نورتينى يا زهراء (:

  Ramy

الأربعاء، 21 يوليو، 2010 4:57:00 م جرينتش+3

tarkieb

عارف انت كلامك دة صح جدا و انا متفق معه جدا

بس عارف يمكن دة اللى أخر الموضوع انى انا اعترفت بحبى بسرعة

بس صدقنى يمكن معرفتش أتحكم فى نفسى او اتقن فن الحب (: لان دى اول مرة أحب صدقنى دى أول مرة

اغرق بس فى العنب و ربنا يسهل (:

شرفتنى (:

  Ramy

الأربعاء، 21 يوليو، 2010 5:00:00 م جرينتش+3

sweet angel

شكرا قوى على دعوتك الجميلة

هعزمكم متخفوش بس تعالوا انتوا (:(:

نورتينى (:

  Ramy

الأربعاء، 21 يوليو، 2010 5:04:00 م جرينتش+3

حسنى اللى مش مستفز (:

شوفت يوم ليك و يوم عليك يا صديقى بس انا هاجى جنبك ايه بس (:

بس أستخلاصك صحيح

انا بحب بغباوة زى ما بتقول (:

بحب على نفسى يا حسنى والله

قطع تانى حرام عليهم بأمانة

دول رخمين بقا

نورتنى و ربنا يوفقك فى مشوارك

  ساسو

الأربعاء، 21 يوليو، 2010 5:17:00 م جرينتش+3

ماشاء الله
الله اكبر عليك يا رامي
بجد انت فز
عملاق
اسطوره
اتمني
واحلم
واطلب
وباذن واحد احد
هتلقا حبيبتك نصيبك
وقدرك
ودنيتك
بجد هي المفروض
لما تقرا كلامك
تمسك السما باديها
تطير من السعاده
ربنا يديم عليك حبك
ويجمعك بيها علي خير

  Ms Venus

الأربعاء، 21 يوليو، 2010 5:18:00 م جرينتش+3

كلماتك جميلة يا رامى وبتوصل للقلب


لانها خارجة من قلبك بصدق


ربنا يسعدك دايما ويوفقك

سامحنى على التأخير

صحيح على فكرة انا كمان بحب سعاد حسنى اوى هههههه


تحية ليك وورداية كمان

  Ramy

الأربعاء، 21 يوليو، 2010 5:23:00 م جرينتش+3

لولا و زهراء

لولا الرقيقة (:

انا الحمد لله

هو بعد كل الدعوات دى ابقى أية (:(:

الله يخليكى يا لولا

4 كومنت مرة واحدة اخلتم تواضعنا صدقينى (:

كلامك مش عارف ارد عليه الصراحة يا لولا

بجد انتى احرجتينى قوى

بس عارفة انا فى اى حاجة بكتبها ليها بخليه قدامى دايما

و بسمع كل موسيقى هى بتحبها و اى اغنية بتفكرنى بيها

فبحس ان انا كل كلامى هى سمعاه مش بتقراه بس

الله يسلمك يا لولا

انا مخلى بالى منه صدقينى علشانها هي برضة (:

الفيديو انا بحب يورى جدا جدا جدا لانه عارفة هو جنونى

هو بيقول اللى انا عاوز اقوله بطريقتى (:(:

الصورة (:

تفسيرك بالشعر دة فوق الرائع يا لولا بجد

بجد عارفة انا مكنتش هرد على الكومنتات كلها دلوقت بس لما قريت كومنتاتك خلتنى اقول لالا لازم ارد (:(:

شكرا لولا بجد على التعليقات الجميلة الرقيقة دى

نورتينى و بتشرفينى دايما انت و زهراء

  Ramy

الأربعاء، 21 يوليو، 2010 5:31:00 م جرينتش+3

ساسو

ازيك

الله يخليكى يا ساسو

عارفة لو بس هى تقول بس

دى اقل حاجة ممكن اقدمها لها

لان عاوز ابين حبى ليها بالفعل مش بالكلام بس

يسمع منك ربنا يا ساسو يا رب (:

شكرا يا ساسو نورتينى (:

  Ramy

الأربعاء، 21 يوليو، 2010 5:36:00 م جرينتش+3

Ms Venus

الله يخليكى دة من ذوقك

صدقينى عارفة انا نفسى اقدم ليها اكتر من كلام

شكرا على الدعوة الجميلة دى

لا أسف و لا حاجة

كل واحد ممكن يتأخر لظروف و احنا لازم نقدر مفيش اى مشكلة صدقينى

كفاية ان انتى جيتى و قريتى و علقتى (:

شكرا جدا على الورداية (:(:

نورتينى (:

  العيسوى الصغير

الأربعاء، 21 يوليو، 2010 8:53:00 م جرينتش+3

كم تمنيت أن نتكلم كثيرا دون خوف من وقع الكلمات و حروفها ان تجرحنا


ياريت

تمنيت أن أكون الصديق قبل الحبيب تحكى لى دون تبرير
تخيل محدش فكر فى الموضوع دا
ان الصديق مش بيزعل مهما تقول له اما الحبيب لازم تقعد تغيرو تزوق فى الكلام

  Mona

الأربعاء، 21 يوليو، 2010 9:08:00 م جرينتش+3

إن شاءالله سأعود للزيارة حين تكتب بوست جديد بإذن الله - الأنجليزى مش بكتب كتير علشان فى الغالب محدش بيقرأ الأنجليزى حتى كذا حد كان عايزنى أترجم الانجليش فى المدونة العربية بس ساعات الى بكتبه هنك مختلف تماما عن الى بالعربية - بس أرجع وبرضة وأكتب لأن فيه واحد أو أثنين بيقرأوها عموما أنا كتبت واحدة جديدة النهاردة - تحياتى وأسفة للتطويل

  كلام من قلبي

الأربعاء، 21 يوليو، 2010 9:30:00 م جرينتش+3

كلامك جميل جدا
احساسك رائع واكيد هيوصلها
تحياتي

  أتنين حبيبين

الأربعاء، 21 يوليو، 2010 10:42:00 م جرينتش+3

وحششششششششتنى
اخبارك ايه يا قمرى يارب تكون بخير ويطمنى عليك

  أتنين حبيبين

الأربعاء، 21 يوليو، 2010 10:46:00 م جرينتش+3

هو مين فى الزمن ده تسمع الكلام الجميل ومش تحبك لاء بجد المفروض تعيش تحت رجليك
كلماتك جميله صادقه نابعة من القلب عن صدق الاحساس بالحب الحقيقى الطاهر
ربنا يسعدك ويارب لو ليكو خير فى بعض ربنا يكتبه ليكو
بوست رائع كلمات اروع صوره معبره
فيديوووووووووووو جمييييييييييييييييييييل
بتمنالك التوفيق من كل قلبىىىىىىىىىىىىىىىىىىى

اسفه لتاخيرى لظروف تعب امى

توتا

  أتنين حبيبين

الأربعاء، 21 يوليو، 2010 10:48:00 م جرينتش+3

ربنا يوفقك حاسه بيك وبكلماتك

الفيديووووووو رائع
والكلمات لمست قلبى

الصوره تحفة

احساسك عالى حب نابع من قلب مخلص

  Ramy

الخميس، 22 يوليو، 2010 1:35:00 ص جرينتش+3

العيسوى الصغير

لازم الحب يا عيسوى يكون مبنى على الصداقة لان الصديق دايما بيستحمل اكتر من الحبيب

و الحبيب بيحب اكتر من الصديق علشان كدة هى دايرة مغلقة الصداقة و الحب

شكرا لأول زيارة (:

و يارب متكنش الأخيرة

بالتوفيق و ربنا معاك دايما

  Ramy

الخميس، 22 يوليو، 2010 1:41:00 ص جرينتش+3

mona
(:

صحيح انا مش متابع اى مدونة انجليزى غير واحدة بس لو بقيوا اتنين انا الكسبان (:

و بعدين المدونة عندك

its very intersting
(;

هأجرى بسرعة اشوفها و أعلق (:

لالا اوعى تقولى كدة أبدا مفيش تطويل خالص انا بحب التواصل جدا

صدقينى مفيش اى حاجة (:

شكرا لأهتمامك (: بتبلغى بالتدوينة الجديدة (:

ربنا معاكى

نورتينى (:

  Ramy

الخميس، 22 يوليو، 2010 1:49:00 ص جرينتش+3

أتنين حبيبين

انت اكتر اية يا بنتى بتروحى فين مصيف و لااية (:

3 كومنتات دكتير عليا صدقينى انت و لولا بجد بتحرجونى (:

اها تعب والدتك الف سلامة و هى دلوقت اخبارها اية يارب تكون أحسن يا رب

انا عمرى ما هرضى انها تعيش تحت رجلى ابدا انا عارف ان دة تعبير مجازى عن تقدير الحب بس انا هشلها فوق راسى طول العمر
بأذن الله

حلوة قوى الدعوة دى لو لينا خير فى بعض ربنا يوريهولنا

كويس ان الفيديو عجبك

اصلى انا كنت خايف ميعجبش الناس علشان يورى حبيبى (: هههههه

شكرا يا توتا على تعليقك الجميل

و متتأسفيش تانى مرة احنا اخوات يا بنتى (:

ربنا معاكى دايما و يوفقك

  Ramy

الخميس، 22 يوليو، 2010 1:53:00 ص جرينتش+3

كلام من القلب

شكرا ليكى على التعليق الجميل دة

وشكرا على المتابعة منك انا عارف مقصر معاكى معلش اسف (:

ربنا معاكى دايما

نورتينى (:

  طالبة مقهورة ..درجة أولى

الخميس، 22 يوليو، 2010 12:27:00 م جرينتش+3

:)

طب قولي لو انت مكانش هتقول ايه..
انا كنت داخلة اسلم عليك بس..واتصدمت ببوست يتوه الكلام

مش فاكرة ديه المرة الكام بالظبط اللي هكرر فيها نفس الكلمة بس احساسك عالي جدااااااا وصادق اوي

ربنا يسعدك يارب

  Ramy

الخميس، 22 يوليو، 2010 12:54:00 م جرينتش+3

طالبة غير مقهورة

(:(:

أزيك أخبارك اية خضتينى طبعا

مكنتش هقول حاجة و كنت هروح أعلق تانى (:

شكرا جدا دة من ذوقك صدقينى

شكرا على الدعوة الجميلة دى (:

ربنا معاكى و يوفقك دايما

نورتينى (:

  hana

الخميس، 22 يوليو، 2010 2:21:00 م جرينتش+3

مش ممكن يكون في كدة حب
حاسة الإحساس من كثر الإحساس حاسس إننا حاسينه

عالم مختلف وأنا بأقرا الحروف هنا
حقيقي مكنتش في مكاني عشان روح وإحساس الكلمات خدتني لعالمها اومال صاحبة الكلمات هتعمل ايه!!

إحساسك عالي أوي يا رامي عالي لدرجةسمعنا صوتك وأنفاسك
وسط الكلام
متهيألي مفيش رد في الدنيا ممكن يعبر هو حس بإيه وهو بين كلماتك بجد
بس الأكيد انه مفيش قلب يتمنى يسمع من حبيبه اكثر من كدة
يسلم القلب ويسلم الإحساس الرقيق أوي ده

  Ramy

الخميس، 22 يوليو، 2010 4:14:00 م جرينتش+3

hana

ازيك (:

انا عارف ليكى تعليق تانى بس معرفش ليه متنشرش اسف ليكى جدا

بس متعتذريش على التأخير انا عارف ان ممكن يكون فى ظروف عند كل حد فينا

تعليقك جميل بالفعل يا هناء

فيه حب زى كدة و أكتر كمان بس انا كان نفسى ان حبى مش كلام بس لأ فعل كمان

بس هى تدينى الفرصة دى

الله يخليكى يا هناء دة بس انتى ذووق جدا

و حساسة جدا

و شكرا اوى دعوتك الجميلة دى للقلب و الأحساس (:

ربنا يوفقك و معاكى دايما يا هناء

نورتينى بجد (:

  mic

السبت، 31 يوليو، 2010 4:48:00 ص جرينتش+3

جامدةةةةةة جدااااا