عرفت أجابة أزاى


عرفت أجابة السؤال اللى كان محيرك و محيرنى
عرفت ليه روحى أتعلقت بيكى
عرفت ليه كان قلبى بيستناكى
فى كل مرة كنت أقرا كلامك
كنت بلاقى روحى
كنت بحس أنى زى الطفل معاكى
من لهفتى عليكى
كنت بكون فرحان و أنا حاسس بضحكتك
و انا سامعك و انت بتتنهدى
و بستنى أيه هتكتبى
عرفت كمان
أنى لقيت نفسى فيكى
كنت عاوز اكتر من كدة
صديقة ليا أخليكى
الكلام دة مش للناس دة ليكى
مش مشكلة لو قرأوه
بس مش هيفهموه بس هيعرفوا قد أية
فى القلب ليكى
هل أجابتى دى شافية ......
و ترضيكى
*********************
دى أجابة على اللى كتبته فى بوست (بحبك) اللى كان متابع هيفهم جزء
و اللى اول مرة هتكون عادى بالنسبة له




وانا معاكى كنت سأبكى

كانت مشاعرى متضاربة

كنت لا ادرى

أفرح ام أحزن

أفرح للقائك

أم أحزن لعدم وضوح المستقبل امامى

ليس مستقبلى

لان قبلك لم أكن أهتم

كنت سأبكى

أأحسستى بهذا أم لا

لكن لم أفعلها لخوفى على مشاعرك

فظهرت متماسكا

خوفى ألا تقبلى هذه الدموع

لقد قولتى كلمة

لا أعرف أم هى كما سمعت

أم أنا أردت أن أسمعها هكذا

أنت عمرى

قرأت ما كتبتى

أطمئنى أرجوكى

لن أذهب

أبدا

أبدا

50 التعليقات:

  mrmr

السبت، 17 يوليو، 2010 4:11:00 م جرينتش+3

ايه هو ده
قمه فى الاختيار
وقمه فى احساسيك وشعورك الجميل بالحب
يارب يا رامى يسعدك ويرضيك ويجمع شملك انت ومحبوبتك
انا ببقى فى قمه السعاده لما بعرف ان فى حد سعيد بالحب
لان الحب سعاده مش شقاء
بهنيك لاختيارك نجاه لانى بعشقها

ربنا يهنيك ويسعدك ويارب توصل رسالتك ليها
فهنيئا لك بالحب

  الشـــــوكه النــاعمه

السبت، 17 يوليو، 2010 4:16:00 م جرينتش+3

الله يا رامى
جميل اوى كلامك
بس ليه انتوا متعذبين كده تعرف انا حاسه بكلامك اوى
مش عا قدر اقولك غير ربنا يريح قلبك يارب
وييسر لك الخير يارب
انااسفه على تقصيرى الفتره اللى فاتت ماكنتش فى نفسيه مظبوطه بس اهه الحمدلله
بوستاتك ما تتفوتش والله
دومت بخير وربنا ينور لك طريقك

  Ramy

السبت، 17 يوليو، 2010 4:26:00 م جرينتش+3

mrmr

العزيزة

الله يخليكى بس انتى لحقتنى تسمعى و تقرى (:

شكرا يا مرمر فضيلة

ايوة ادعيى كدة بقلب

علشان بأذن الله اجيب الهدية كدة لحد سوهاج

على فكرة أحنا لينا فرع من العيلة من أخميم (:

و لينا فرع من القليوبية

و الشرقية

اية يا عم رامى هو انتو اللى بنيتوا مصر على رأى الحجار

عادى بقا

ربنا يخليكى يا مرمر

و يكون معاكى دايما

  MR.PRESIDENT

السبت، 17 يوليو، 2010 4:28:00 م جرينتش+3

سامحني فانا لسه متابع جديد ..
ارجو المعذرة

  Ramy

السبت، 17 يوليو، 2010 4:34:00 م جرينتش+3

الشوكة الناعمة

اولا لا تعتذرى أبدا بجد صدقينى انا مقدر و عارف

يبقى لو انا مش مقدر مينفعش اعلق عندك

انتى تيجى فى اى وقت دى مدونتك (:

ثانيا الله يخليكى دعوة جميلة

ربنا معاكى و ينور لك طريقك دايما

نورتينى (:

  Ramy

السبت، 17 يوليو، 2010 4:37:00 م جرينتش+3

الريس

مفيش مشكلة صدقنى

تشرفنى فى أى وقت

نورتنى

  mrmr

السبت، 17 يوليو، 2010 5:00:00 م جرينتش+3

عايزه اقولك انى سمعتها بدل المره اثنين مش بس كده انا حافظه كلماتها من حبى لنجاه ومش دى الاغنيه الوحيده ليها اللى حفظاها

رامى منتساش بكره الدعوه عامه
والحاضر يعلن الغائب
منتظراك

  أتنين حبيبين

السبت، 17 يوليو، 2010 5:07:00 م جرينتش+3

قلبى معاك حساك وحسه الحيره اللى بين كلمات وحسه بالصرخه اللى بتتكللم فى كل حرف من حروفك

  أتنين حبيبين

السبت، 17 يوليو، 2010 5:08:00 م جرينتش+3

اكيد ربك كريم واللى مكتوب على الجبين هتشوفه عنينا
كون كما تحب
ربنا معاك ويقويك

  Ramy

السبت، 17 يوليو، 2010 5:41:00 م جرينتش+3

مرمر

انا بهرج معاكى (:

و مدام بتحبى نجاة يبقى البوست بتاع أمنيات هيعجبك دة بوست لسة منزلتوش

هاجى أكيد بأذن الله بس كنا عوزين نعرف نوع الدعوة أو بمعنى تانى لأيه

علشان الهدية تبقى عينية و لا أكلية (:(:(:

جى دة أنا رخم قوى فى الحاجات دى (:

ربنا معاكى دايما

  Ramy

السبت، 17 يوليو، 2010 5:44:00 م جرينتش+3

أتنين حبيبين

الله يخليكى يا قمر (:

عارف و الله ان انتى حاسة باللى انا فيه

ربنا يكرمنا كلنا بأذنه فى اللى فيه الصالح

شرفتينى و بتنورينى دايما (:

  لـــولا وزهـــراء

السبت، 17 يوليو، 2010 6:06:00 م جرينتش+3

رامى
ياااااااااااااااااه هو فى مشاعر كده فى الدنيا
هو فى كده فى الحياه
بجد مش عارفه اكتب اى حرف لان مشاعرك الرقيقه دى خلتنى مش عارفه افكر فى اى حرف
احلم بيوم جميل لم يأت بعد سوف ياتيك فيه تعويض السماء


زهراء

  كيــــــــــــارا

السبت، 17 يوليو، 2010 7:29:00 م جرينتش+3

مش عارفة اعلق

بضعف قدام اي بوست بيغوض في القلب

تعرف الحب علي اد ماهو حلو ومش نقدر نعيش من غيره الا انه اوقات بيعزب اصحابه

ربنا يكون في عوووووونك وربنا يارب يجمعك بمن تحب في الحلال وتكون من نصيبك يارب

مش في حد عارف نصيبه فين

  محمود(باحث عن حب)

السبت، 17 يوليو، 2010 7:35:00 م جرينتش+3

السلام عليكم
ايوة كده
بدأت شلالات الابداع تنهمر
ايه الحلاه دى ياباشا
فعلا مهما كتبت من كلام حب
الناس مش هيفهموه زى اللى
مكتوب ليه
الكلام ده
بس هيدركوا
انت بتحب
قد
ايه
بارك الله لك

  richardCatheart

السبت، 17 يوليو، 2010 7:55:00 م جرينتش+3

جميييييييييييييييييييييييل

قولنا ادخل بصدرك و يهمك

ايه النتيجه واحد صفر

واحنا بنسمع احلى كلام

ربنا يريح قلبك ويسعدك

  الحب الجميل

السبت، 17 يوليو، 2010 8:39:00 م جرينتش+3

رامى

أزيك ؟

مش هقولك غير ربنا يسعدك يارب ويسعد قلبك لانك انسان طيب بجد

ربنا يكرمك كل خير
بتمنالك من قلبى السعاده ** وتكون الملاك اللى اختارها قلبك من نصيبك فى دنيتك
دمت فى حفظ الرحمن

  لـــولا وزهـــراء

الأحد، 18 يوليو، 2010 2:54:00 ص جرينتش+3

اجمل جزء عجبني في بحبك
"ممكن تقولى دة هيمان وبيحلم هيفوق
لا مش بحلم علشان كدة مش هفوق
قصدك ابوص لنفسى و لحالى وأنساكى
طب ما انت نفسى وأنت حالى ازاى انساكى
مهما قلت مهما فسرت
حبك فى قلبى ميتقدرش "

حسيت انك داخل تحدي هتقوليلي فوق منا فايق انا مش بحلم ....

انا اسفة ان البوست بتاعي جه كمل عليك وجه ع الوجع اسفة بجد ياسامي ربنا يوفقك للخير ويسعد قلبك ....كلماتك وراها معاني كتيرة انت من جواك تتمنى ان المستقبل يبقى واضح يبقى مرئي ميبقاش ضباب زي صورة الولد اللي قاعد منطوي على حاله والسما مش صافيه والطريق مش واضح ورغم ان الولد قاعد لوحدة لكنه تحس انه بيكلم حد قاعد بيتكلم مع حد محدش شايفه غيره انت كدة انت مافيش حد معاك في وحدتك لكنك متاكد انها سمعاك وبتقرأ كلامك احنا مش شايفنها لكنك انت شايفها بيقين وجت اغنية نجاة وكملت الحالة
ثلاثية رائعة من كلمات لصورة لاغنية تسلم ايدك ياسامي

لولا

  أحمد شريف

الأحد، 18 يوليو، 2010 3:29:00 ص جرينتش+3

أتمنى لقلبك الدفء يا رامي والسعادة وتنول هذا الدفء عنقريب إن شاء الله .. واضح أن مشاعرك أصيلة جداً

اسمع أولاً : لازم تغير قالب مدونتك .. بطيء جداً على فكرة والبنر لازم يكون بسيط في حجمه لأنه بيثقل التحميل ... خليك خفيف خفيف يا عم

ثانياً : من يومين كلمتني علىا لفيس بوك وأنا والله مأخدتش بالي ... وقفلت معلش سماح

  أحمد شريف

الأحد، 18 يوليو، 2010 3:30:00 ص جرينتش+3

أو ممكن تقلل عدد الموضوعات المنشورة في الصفحة يمكن يكون هذا هو السبب الأقوى خاصة أن مواضيعك مليئة بالصور والفديوهات

  أحمد شريف

الأحد، 18 يوليو، 2010 3:32:00 ص جرينتش+3

صحيح انت رجل دارس تكنولوجيا معلومات بس مفيش مانع أقلك كده :((((( خاصة لرحمة أصحاب النت الضعيف أو أبو حالات مثلي :(

  Ramy

الأحد، 18 يوليو، 2010 4:01:00 ص جرينتش+3

انا اسف

اسف جدا هرد على باقى الأصدقاء بكرة

أعذرونى مش قادر

  Noha Saleh

الأحد، 18 يوليو، 2010 8:46:00 ص جرينتش+3

انا مبوطة جدا انى زورت المدونة دى
بجد اسلوب هايل وبسيط فى الكتابة
بالتوفيق ان شاء الله

  Ramy

الأحد، 18 يوليو، 2010 4:03:00 م جرينتش+3

لولا زهراء

زهراء

ازيك

الله يخليكى دة انتِ اللى كلامك كتير عليه والله

و دعوتك الجميلة دى (:

ربنا يوفقك دايما

  ELMOSTAFZ

الأحد، 18 يوليو، 2010 4:03:00 م جرينتش+3

شوف يا رامي ، و الله مانا عارف اقولك ايه دانا آخر واحد يتكلم ف موضوع زي ده :)
بس المشكلة اني ساعات الاقي اللي ماستهلهاش و احس انها اكبر من اني اقدر اسعدها و ساعات الاقي اللي متستاهلنيش اللي ممكن تبيع العلاقة ف غمضة عين و لأتفه الأسباب ، و ده نصيب مقدرش اعترض ، لكن هل في حد يستاهل كل الحيرة دي ؟
هل في حد ممكن يسيبك بدون ذنب و تفضل متعلق بيه لو ظلمك ؟
يا رب متقولش عليا رافع مناخيري ف السما زي ما كله بيقول اما بيسمع أسألتي دي :)
تحياتي ليك يا باشا...

  Ramy

الأحد، 18 يوليو، 2010 4:08:00 م جرينتش+3

كيارا

كلامك جميل صدقينى

زى ما انتِ قلتى الحب على قد جماله بس صعب

صعب قوى

نورتينى و شرفتينى

  Ramy

الأحد، 18 يوليو، 2010 4:11:00 م جرينتش+3

ريتشاردية

والله دخلت بصدرى

و مش عارف النتيجة

يا مسهل بس ربنا يكرم قريب (:

الله يكرمك

شرفتينى (:

  Ramy

الأحد، 18 يوليو، 2010 4:17:00 م جرينتش+3

محمود

الباحث عن الحب

(: ههههه

بس اوعى هدومك (:

الله يخليك دة من ذوقك

بس بجد فى حاجات مش هيفهمها غيرها

شكرا يا محمود

ربنا معاك دايما

نورتنى (:

  Ramy

الأحد، 18 يوليو، 2010 4:28:00 م جرينتش+3

الحب الجميل

انا الحمد لله

الله يخليكى

و الله كلامك كتير عليا

و دعوتك الجميلة (:

بتنورينى دايما

سلامى للولو (:

ربنا يوفقك دايما

  Ramy

الأحد، 18 يوليو، 2010 4:41:00 م جرينتش+3

لولا
(:

انا داخل تحدى علشان اثبت لها ان انا غير الناس اللى حوليها

غير اى حد انى بحبها حقيقى مش انه كلام بس لالا

بتتأسفى على ايه بس

بجد اوعى تقولى كدة تانى

انا بس كنت مش فى مود حلو بس

الله يخليكى يا لولا

انا اجى اية بس جنبك دة انتِ الفن والتنسيق كله (:

شكرا على التفسير الجميل ده(:

بس دة العادى من لولا الرقيقة

ربنا يكرمك دايما و يكون معاكى

نورتينى (:

  Ramy

الأحد، 18 يوليو، 2010 4:48:00 م جرينتش+3

صديقى العزيز

احمد

ازيك و اخبارك اية (:

طلباتك أوامر يا صديقى لالا بس انا نسيت كل التخصص بتاعى لعدم استخدامه (:(:(:

دة احنا بنتعلم منك دايما يا صديقى

شكرا على كلامك الجميل دة من ذوقك يا صديقى

و بعدين عيب انا عارف انا بكلم مين هزعل منك انت يا احمد لالا

صدقنى يا حبيبى مفيش اى مشكلة انا بقدر ان انت ممكن تكون مشغول مش على الجهاز اصلا

اوعى تقول كدة تانى لة سمحت

بالنسبة للتعديلات انا هعملها بس استنى عليا شوية استحملنى معلش (:

نورتنى يا جميل (:

  Ramy

الأحد، 18 يوليو، 2010 4:50:00 م جرينتش+3

noha saleh

تشرفينى فى اى وقت

دة بس من ذوقك (:

يا رب متكونش اخر مرة

ربنا معاكى دايما

  Ramy

الأحد، 18 يوليو، 2010 4:59:00 م جرينتش+3

حسنى

صديقى العزيز الصغير (:

تكلم براحتك خالص و لا يهمك ومين بيقولك ان انت رافع مناخيرلك دة

يمكن مش طايلك (:

بس هقولك حاجة واحدة هى ما ظلمتنيش خالص يا حسنى هى كانت صريحة جدا معايا من الأول
بس انا غبى شوية

و عاطفى شويتين (:

انت على فكرة كلامك منطقى جدا و صح بس المشكلة ان الحب بيكسر كل المنطق و الحدود اللى انت كنت حاططها لنفسك

و بعدين يعنى مقلتش كدة قبل ما اشوفك هقول بعد و ما مشييييييييييييت كتييييييييير معاك انبارح

دة حتى يبقى عيب عليا هههههههههه (:

نورتنى يا صديقى (:

  موجة

الأحد، 18 يوليو، 2010 5:37:00 م جرينتش+3

ايه الكلام الرائع دا
خالص تحياتي
موجة

  Tears

الأحد، 18 يوليو، 2010 6:08:00 م جرينتش+3

جميلة اوى رومانسيتك و هدوءك :)

  Ramy

الأحد، 18 يوليو، 2010 6:25:00 م جرينتش+3

موجه

شكرا ليك على المتابعة يا فندم (:

دمت بخير

  Ramy

الأحد، 18 يوليو، 2010 6:27:00 م جرينتش+3

tears

شكرا ليكى (:

دة بس من ذوق حضرتك

بتشرفينى و تنورينى دايما (:

ربنا معاكى

  Ms Venus

الأحد، 18 يوليو، 2010 6:41:00 م جرينتش+3

رامى

اول زيارة ليا هنا

اسمحلى انها تبقى زيارة دائمة

احساسك رقيق وجميل

ربنا يسعدك ويوفقك

تحية ليك

  Ramy

الأحد، 18 يوليو، 2010 6:53:00 م جرينتش+3

Ms Venus

الله يخليكى دة بس من ذووقك

و تشرفينى فى اى وقت

التحية ليكى (:

جميلة الدعوة

بالتوفيق دايما

شكرا للزيارة و التعليق الجميل دة

  الشـــــوكه النــاعمه

الأحد، 18 يوليو، 2010 9:08:00 م جرينتش+3

مرسيه ع الاجنور يااستاذ رامى
على فكره ده كان ايميلى انا

  Ramy

الأحد، 18 يوليو، 2010 9:15:00 م جرينتش+3

والله ما أعرف

انا اقدر برضة

so so so sorry

مقصدتش طبعا

بس مكنتش اعرف طبعا

  نفسى تفرح بيا يارب(الشهاب)

الاثنين، 19 يوليو، 2010 4:57:00 ص جرينتش+3

جميله تلك الكلمات
وقلب اخضر
ربنا يفرح قلبك

  Ramy

الاثنين، 19 يوليو، 2010 2:50:00 م جرينتش+3

نفسى تفرح بيا يا رب

الشهاب

ازيك يا محمود انت طالع بمنظرين يا عم (:

الله يخليك يا صحبى

و شكرا على الدعوة الجميلة دى

تنورنى بأى شكل (:(:

  فاتيما

الاثنين، 19 يوليو، 2010 3:22:00 م جرينتش+3

شكراً على سؤال عنى يا رامى


ربنا عالم بغلاوتك عندى
عندنا حديث شريف بيقول الأوراح جند مجندة
ما تعارف منها ائتلف
و ما تنافر منها اختلف

و دا بيفسر ليه اوقات
تلاقى ناس تحس انك عارفهم من زمان
و متخدش وقت عشان تعزهم
و يسكنوا قلبك

و ليه ناس متبقاش حاببهم
لله ف لله



احنا بينا حاجات كتير مشتركة يا رامى
و اظن البوست بتاعك شبه بتاعى
و احساسك قوته مشابهة لشىء بيلاقى صدى عندى
حاجة ممكن حد يعتبرها خيابة
او غرابة
او مش من المنطق اطلاقا
لكن موجودة و بتحصل و حقيقة جدا


ربنا يطبطب على قلبك
و يسعدك يا ر ر
يعنى يا رامى
يا رقيق القلب


و ميرسى بجد
على اهتمامك
اختك فاتيما

  Ramy

الاثنين، 19 يوليو، 2010 3:45:00 م جرينتش+3

فاتيما

مش مصدق عينى

انتى عندى هنا (:

شكرا على ايه بس دى حاجة قليلة جدا جدا لو اقدر أقدم أكتر من كدة بس مش عارف ):

دة شرف ليا طبعا انى اكون غالى على شخصية محترمة زيك

عارفة لغاية ما انت كتبتى البوست بتاعك

كنت فاكر لو حكيت لحد هيقول عليا مجنون

او انى مكبر الموضوع بس لقيتك كاتبة اللى انا عاوز اقوله بالظبط

الله يخليكى على الدعوة الجميلة الرقيقة بتاعتك

و على لقب ر ر (:(:

دة انتى اللى تستحقية بجدارة صدقينى

متشكوريش ارجوكى

شرفتينى اختى العزيزة (:

  ήσѓα

الاثنين، 19 يوليو، 2010 4:41:00 م جرينتش+3

السلام عليكم ورحمة الله وبركاته

اذا كان يهمك أمر مدونتي فلقد تم تغيير الرابط
أتشرف بزيارتك

  Ramy

الاثنين، 19 يوليو، 2010 4:45:00 م جرينتش+3

nora

و عليكم السلام

ان شاء الله (:

  ساسو

الأربعاء، 21 يوليو، 2010 5:11:00 م جرينتش+3

مشاعرك جميله أوي يا رامي
واحساسك بجد رقيق
وكلماتك شيقه
بجد اجمل حاجه في الحب
هو الصدق في المشاعر
وانت بجد وصفت كل المشاعر الجميله النبيله

  hana

الخميس، 22 يوليو، 2010 2:37:00 م جرينتش+3

الحب صعب أوي بجد أصعب حاجة ممكن تعمل ألم في المشاعر
والقلب والروح حاجة كدة مينفعش تتوصف مهما حاولنا نوصفها
نوع من العذاب أحيانا بيبئا لذيذ وكثير جداً بيبئا متعب
صعب قلب يقول ليه بيحب عشان هو بينخطف والمخطوف مبيبقاش عارف مين وليه ومهما حاول يلاقي أسباب يقولها
بيبئا جواها لسه حاسس في حاجة مقلهاش

العالم هٌنا رقيق أوي يا رامي بجد
آسفة لتأخيري في الرد مكنتش موجودة

حقيقي اللي يشوف الكلمات دي لازم يرد عشانها مختلفة أوي

  hana

الجمعة، 23 يوليو، 2010 1:17:00 ص جرينتش+3

تعليقي ظهر اهو أنا شوفته هههههههه هوه مش ظاهر عندك ولا ايه :)

  Ramy

الجمعة، 23 يوليو، 2010 2:21:00 ص جرينتش+3

hana

دا انا كنت فاكر دة على البوست التانى (:

انا مكنتش اعرف ان الحب صعب قوى كدة يا هناء

بجد اصعب مما كنت متوقع

بس هعمل اية حبيت و اللى كان كان (:

دة حقيقى انا مش قادر افسر حبى بكلمات (:

مش عارف بجد

متتأسفيش لو سمحتى (:

دة مكانك فى اى وقت اهم حاجة ان التأخير يكون خير

على رأى نجاة

شيىء زى ليالى العيد بالروح يتحس

شكرا ليكى يا هناء

نورتينى (:

ربنا معاكى