بس خلااااااااااص



محمود العسيلى - خايف من بكره
*************************************************************************************
بس خلااااااااص

معدش فى كلام يتقال
معدش فى مبررات
خلص الكلام
*********
بس لية حسيت
انى بقيت
زى اليتيم
انى بقيت...... زى الكلاب
شريد فى الطريق
*******
متقلوش فى فرصة تانى ...هتبان
انا قفلت قلبى بالضبة و المفتاح
*******
يعنى اية ؟؟؟!!!
انتهيت
لا منتهتش بس حب تانى مش هحب
حتى لو ندانى الحب تانى
انا تعبت خالص من الأولانى
من كتر ما كنت عاوز احب
تعبت نفسى وتعبتها
وتعبت الناس
فضلت طاير طاير طاير
لحد ملقتش حد
حد جنبى حد فوقى حد يقولى لأ
لقتنى نازل نازل نازل
لحد ملقيت الارض
لقتها صخر
أْتكسرت
أتكسرت .....جوايا قبل برايا
خلاااااااص خلصت الحكاية
خلصت قبل ما تبتدى
خلصت جوايا ومعايا
حبيبتى
لأخر مرة هقولها
لأنى مش عارف هقولها لمين وأمتى
ده لو عرفت أقولها تانى
*****************************************************************

البوست دة قديم جدا جدا لا يمت للحاضر بصلة

اللى يمت للحاضر هو الأغنية بس

خايف

بجد يا جماعة خايف قوى من اللى ممكن يحصل

ان شاء الله خير

يا رب

36 التعليقات:

  محمود(باحث عن حب)

الخميس، 15 يوليو، 2010 4:09:00 ص جرينتش+3

السلام عليكم
ازيك رامى
اسف على التخلف من التعليق على البوست اللى فات
بس والله انا مش عارف ازاى فوته
ده اولا
ثانيا الايام دى انت شغال على الاغانى؟

ليه
انا دورت عندك فى مدونتك لاقيت ترانيم
وكلام زى العسل
طيب ياعمنا
فينك
شويه كده وشويه كده
ولا ايه
بص ياباشا عارف
ان البوست بينزل على حسب الحاله النفسيه والمزاجيه وكده
ومفيش حاجه بتتحكم فى البوست
ولا ايه؟
عاوز اقرأ منك مزيد من الكلمات
علشان من يوم
ما اتعرفت عليك
ما شوفت انتاجك الا قليل
يلا بقه ورينا الهمه ياباشا
معلش طولت بص
بخصوص المووضوع
عندك حق تخاف
طبعا
سلمت القلب
وسبته لما
تشوف اللى استلمه قلبك طبعا ينده لك
لانه
مش معاك
وهون لسه عندها
ربنا يعيييييييييييينك
سلام

  لـــولا وزهـــراء

الخميس، 15 يوليو، 2010 5:10:00 ص جرينتش+3

سامي انا اول تعليق !!!! جمييييييييييييييييييييل اروح اسمع الاغنية واجي
لولا

  لـــولا وزهـــراء

الخميس، 15 يوليو، 2010 5:11:00 ص جرينتش+3

ههههههههههه نسيت ان فيه اشراف ع التعليقات وممكن مكونش اول تعليق مش مهم الاهم اروح اسمع
لولا برضة :d

  لـــولا وزهـــراء

الخميس، 15 يوليو، 2010 5:24:00 ص جرينتش+3

مش وحش ان الانسان يخاف من بكرة بس الاهم يخاف من الخوف من بكرة انه يخاف على بكرة ليضيع من بين ايديه ...وتضيع احلامه معاه ...ومتخافش من حاجة راحت لغيرك لازم تعرف انه خير مكانش ليك وخير تاني قادم ليك...تعرف ان الانسان ممكن يضيع عمره الجاي ف الندم ع الماضي وبكدة لا استفاد من الماضي ولا استمتع بالحاضر ..ربنا يعزك ويسعد قلبك بكل خير لا تندم على ماضي ولى واستمتع بالحاضر وتفائل بالقادم انا احب قول الرسول صلى الله عليه وسلم "بشروا ولا تنفروا ويسروا ولا تعسروا " وده في عموم الحياة استبشر خير تجد الخير .
لـــولا

  mrmr

الخميس، 15 يوليو، 2010 8:25:00 ص جرينتش+3

وقعت قلبى يا وحش
قلت الواد ده نفسيته محطمه ليه كده بس
زمان ماما الله يرحمها كانت واحنا ريحين الامتحان وخايفين تقولنا
( اللى تخاف منه ميجيش احسن منه )
ارمى خوفك وصلى وان شاء الله ربنا ح يكرمك اخر كرم
بالمناسبه الاغنيه جميله وهاديه
روح يارامى يا ابن ام رامى ربنا يسعدك ويفتحها فى وجهك ويعطيت على قد قلبك الطيب وقد حبك الكبير

عماله ادعيلك اهووووووووو يا عم رامى
المهم تخلى فى عينك حصوه ملح وتفتكرنى بحاجه لما ربنا يسهلك الامور
ههههههههههههههههههه
ربنا يسعد اوقاتك ويبارك حياتك

  Ramy

الخميس، 15 يوليو، 2010 10:15:00 ص جرينتش+3

الأخ العزيز محمود

و عليكم السلام

يا حبيبى مفيش مشكلة

انا فى ناس بعلق عندها و هى مبتعلقش خالص عندى بس عادى انا بعزكم صدقنى و بحبكم
و مبزعلش بتقمص بس (:(:(:

ان شاء الله يا محمود هنزل ترنيمة فيديو مش بتاعتى طبعا (:(:

يا باشا طول زى ما تحب انت فى مونتك (:

ربنا يعينا كلنا يا محمود

شكرا على التعليق الجميل دة (:

ربنا معاك و يوفقك

  Ramy

الخميس، 15 يوليو، 2010 10:34:00 ص جرينتش+3

لولا الرقيقة

حمد الله على السلامة (:

اية الغيبة دى يا رب تكونى اتوفقتى فى المشوار و السفر

معلش بقى يا لولا فرقت تعليق (:

بس مقلتيش الأغنية حلوة و لأ

عارفة يا لولا انا مستبشر خير

من كتر ما كنت متفائل الناس افتكرتنى لا مبالى (:

و ممكن أزعل على الماضى و لكن لا أندم و أحطه قدامى علشان أقدر أقيم الحاضر

و أكيد ربنا بيختار الصالح لينا بس احنا كبنى ادمين بتكون حكمة ربنا غايبة علينا

شكرا لولا على التعليقات الكتير دى (:(:(:

  Ramy

الخميس، 15 يوليو، 2010 10:43:00 ص جرينتش+3

مرمر

اسف معلش

بس نوهت فى الأخر علشان الناس تعرف انى مش كدة دلوقت

الله يرحم ماما

على رايها ميجيش احسن منه (:

انا بصلى صحيح اليومين دول انا مقصر

كويس ان الأغية عجبتك (:

الله يخليكى على الدعوة الجميلة دى (:

ههههههههههههههههه

حاضر حاضر حاضر حاضر دة الدعوة غير المجانية دى

يسعدنا كلنا

شكرا مرمر (:

نوتينى (: مرمر فضيلة (:

  لـــولا وزهـــراء

الخميس، 15 يوليو، 2010 11:26:00 ص جرينتش+3

الاغنية تحفة يا سامي والكليب السماعي اللي انت حاطة من اجمل اغاني على الحجار اللي اعشقها ...حتى الخلفية الموسيقية اللي حاطتها للمدونة تحفة ... بالنسبة لاول تعليق هي فرقت بونت هههههه
لولا

  م. حجاز

الخميس، 15 يوليو، 2010 11:27:00 ص جرينتش+3

ازيك يارامى معاك المواطن محمد حجاز

بص انا عايز اقولك على حاجه بصراحه يعنى انا مش عاجبنى موضوع الاغانى والجرح اللى انته فيه ده خلاص يابنى هى عايشه زى الفل وبتاكل وبتشرب وبتنام دا كمان بتتفرج ع المسلسلات اه والنعمه ولا فى دماغها
مش هى اخر واحده ولا انته اخر واحد بالنسبه لها

اضحك للدنيا يابنى،، انساها،،
دور على غيرها تستاهل،، مع انها هى كمان تستاهل لكن ربنا عارف انها هاتكون اجمل وهى ذكرى مش حقيقه،،
اسمع اغانى حب فيها امل ما تسمعش اغانى مؤلمه تفكرك باللى فات
عيش اكتب اللى فى قلبك اجبر قلبك انه ما يسستسلمش كده وخلاص دور فى قلوب الناس هاتلاقى الحاجه اللى تنسيك اللى فاتك

مستنى البوست اللى جاى يكون فى حاجه ضحك انا المره اللى فاتت لقيت اغنيه والمره دى اغنيه قولت الواد ده مش ناوى يجيبها البر ولا ايه

على فكرة يابرنس مش لازم تنشر التعليق لو حبيت اهم حاجه انك تكون قريته

  اميرات الاسرار

الخميس، 15 يوليو، 2010 12:00:00 م جرينتش+3

صبااااح الخير يااستاذ رامى

اولا الموضوع جميل اوى اوى

وحضرتك خايف من ايه طول ماعندك ثقة فى ربنا ثم نفسك اكيد بكرة احسن

  الحب الجميل

الخميس، 15 يوليو، 2010 1:16:00 م جرينتش+3

كدا برضو يا رامى انا الدموع نزلت من عنيا وأنا بقرى كلامك وبسمع الاغنيه

لحد ما وصلت ان الكلام دا قديم ولا يمط للان بصله
زعلانه منك وجعت قلبى

ربنا يسعدك ياعم رامى
متخفش من بكرا وصدقنى هيكون الافضل بس انت حاول توزن الامور صح
وان شاء الله الملاك دا يكون ليك انت وبس
ومفيش حكاية حب بتخلص طول ما قلبنا بيدق من الحب واللهفه على الحبيب

مين يلاقى حب زى حبك ويترفض دا لازم تتمسك بيه لحد اخر نفس فيها

ربنا يسعدك من كل قلبى

متخفش لتانى مره اتمسك بحبك لاخر لحظه واعمل اللى عليك واللى يرضى ربنا وان شاء الله ربنا هيكون معاك
والحياه هتكون سهله ان شاء الله
ومتخفش من بكراا

بكرا ليك وليها ومتجمعين فى الخير ان شاء الله

ومرسيى يا رامى بجد الاغنيه عجبتى اوى ومكنتش اعرفها

يارب يوفقك ويسعدك امين يارب العالمين

دمت فى حفظ الرحمن

  hana

الخميس، 15 يوليو، 2010 2:19:00 م جرينتش+3

عشان قلبك لسه حسسها خايف
لو راحت من قلبك عمرك ما هتحس خوف
الحب إحساس غريب
لو خد القلب بيروح وياه وميعرفش إمتى ممكن يرجع وإذاي
جميلة الاغنية

  richardCatheart

الخميس، 15 يوليو، 2010 2:52:00 م جرينتش+3

ماتخافش خش بصدرك خليك جرىء هايحصل ايه دايما حاجه من الاتنين

ياصابت يا خابت
لو صابت خير وبركه
لو خابت مش مهم حبه ونفوق ونعاود الكره

ديمامهما خسرنا فى الدنيا فرصه التعويض موجوده

واى كان اللى هايحصل استمتع بالحياه وانت فيه وبعده
لان مافيش حاجه كلها وحشه

يلا اسد ولا يهمك خليك متين وكل التين

خير يارامى ان شاء الله

  Ramy

الخميس، 15 يوليو، 2010 3:00:00 م جرينتش+3

لولا (:

انا فكرت (:

بس كويس ان الكيلب السماعى عجبك

و الخلفية الموسيقية عجبتك

منحرمش و الله

سلميلى كتيؤ على زهراء بدعى لها علشان تتوفق فى موضعها ان شاء الله (:

نوتينى (:

  Ramy

الخميس، 15 يوليو، 2010 3:08:00 م جرينتش+3

المواطن محمد حجازى (:

شوف يا محمد شكرا ليك اكيد جدا

مجرد ان انت تقول كدة دة شعور جميل منك

بس اولا اوضح حاجة دة انا كتبه من فترة يمكن الأغنية هى اللى انا زودتها بس

صدقنى انا بضحك و متفائل جدا (:

بس عارف احساس مش عارف اهرب منه صدقنى (:

منشرهوش لية يا عزيزى دة كفاية عليه اسمك يا مواطن

شكرا ليك بس صدقنى هى ملهاش ذنب فى حاجة بجد (:

نورتنى و شرفتنى يا مواطن (:

  Ramy

الخميس، 15 يوليو، 2010 3:15:00 م جرينتش+3

الحب الجميل

انا اسف جدا جدا جدا صدقينى مقصدش كدة خالص

بأمانة متزعليش معلش

كلامك جميل بجد بس دة العادى بتاعك (:

الله يخليكى على دعواتك الجميلة دى

كويس الأغنية عجبتك (:

كلنا فى حفظ الرحمن

نورتينى (:

  Ramy

الخميس، 15 يوليو، 2010 3:21:00 م جرينتش+3

hana

عافة يا هناء كلامك صح بس انا خايف اكتر تروح من قلبى

بجد

و زى ما انتى قولتى لا عارف امتى هيرجع و لا ازاى

طب كويس ان الأغنية عجبتك (:

شرفتينى يا هناء و منورانى دايما (:

ربنا معاكى دايما

  Ramy

الخميس، 15 يوليو، 2010 3:28:00 م جرينتش+3

ريتشاردية

اهلا بأهل اسكندرية الشجعان (:

انا اهو داخل بصدرى لما اشوف بس لو خابت مش عارف ممكن اية يحصل

ربنا يسهل و يستر

انا بحب التين على فكرة

و هو مين مبيحبش التين ياعم رامى

على رأيك (:

شرفتينى (:

ربنا معاكى

  wasf_elahsas

الخميس، 15 يوليو، 2010 3:28:00 م جرينتش+3

محدش بيختار هيعمل ايه بكره
ممكن ترتب وتبات طول الليل تفكر وتصحي تعمل حاجة تانيه خالص
وال بيحصل انهاردة ممكن يسد النفس بس ما يوقفش الحياه
غصب عنك هتمشي بيك ولا من غيرك وهتاخدك معاها
اكيد حاله ولازم تعدي

  Ramy

الخميس، 15 يوليو، 2010 3:37:00 م جرينتش+3

wasf-elahsas

دة صحيح و حصل معايا كتير اكون مرتب ترتيب لحاجة

و اقوم اعمل حاجة تانى خالص (:

اكيد هتعدى غصب عنى على رأيك

شكرا على مشاركتك و رأيك الجميل (:

شرفتينى ربنا معاكى

  ريحانة الاسلام

الخميس، 15 يوليو، 2010 3:53:00 م جرينتش+3

الواحد لازم يصبر لغاية ما يقابل الحب الحقيقى
لان من استعجل شئ قبل اوانه عوقب بحرمانه
وان شاء الله خير..

  Ramy

الخميس، 15 يوليو، 2010 3:58:00 م جرينتش+3

ريحانة الأسلام

صدقينى صبرت اكتر ما تتخيلى (:

ممكن اكون مستعجل بس من خوفى

ان شاء الله خير

نورتينى (:

  كلام من قلبي

الخميس، 15 يوليو، 2010 5:34:00 م جرينتش+3

يا رب
انشاء الله كل خير
الاغنية جميلة
شكرا على حسن الاختيار

  sony2000

الخميس، 15 يوليو، 2010 8:15:00 م جرينتش+3

بصصصصصصصصصصصصصصصصصص
سبها علي ربنا
اعقلها وتوكل
وهو اللي هيحلها من عندو
دقول يارب:)

  ساسو

الخميس، 15 يوليو، 2010 9:03:00 م جرينتش+3

الله يسامحك يارامي
كده
انا بجد لان مودي مش رايق النهارده
اققل حاجه بتحزني موت
وبجد حزنت جدا من الكلام
وفي الاخر يطلع ملوش وجود
حرام عليك

بص انت خلي أملك كبير في ربنا
وتفائل كده وانت هتلاقي المستقبل جميل
ومشرق وكله فرح
ربنا مش بيسيب حد
بيقف جنب المؤمن الصادق
خليك مع ربنا
وهو اكيد هيسعدك

بالتوفيق ان شاء الله

  أتنين حبيبين

الخميس، 15 يوليو، 2010 9:04:00 م جرينتش+3

السلام عليكم
رميو الجميل كتير افتقدتك يارب تكون بخير ويطمنى عليك
صدقنى انا مبسوطه ان الكلمات مش تخصك الحمد لله
الاغنيه جميله
بس مش العيب اننا نخاف من بكره انا نفسى بفكر كتير وبقول ياترى بكره فى ايه وهموت واعرف بس برجع اقول الغيب فى علم ربنا
ربنا بيكتبلك السعاده والفرح والهنا والسرور

طمنى على احوالك

توتا

  حواء

الخميس، 15 يوليو، 2010 9:21:00 م جرينتش+3

وحش ان الحكاية تخلص والفراق يبتدى .. ووصف انه زى الكلاب الضالة وصف برضه ماحبتوش لكن الحزن باين اوى والمرارة

  Ramy

الجمعة، 16 يوليو، 2010 12:23:00 ص جرينتش+3

كلام من القلب

بأذن الله

كويس ان الأغنية عجبتك (:

شكرا ليكى كتير (:

نورتينى (:

  Ramy

الجمعة، 16 يوليو، 2010 12:26:00 ص جرينتش+3

أميرات الأسرار

مساء الخير معلش الرد متأخر قوى انا اسف

الله يخليكوا دة من ذوقكوا

طبعا دة اكيد لولا ثقتنا فى الله مكنش الواحد قدر يعيش كدة

نورتونى (: يا اميرات (:

  Ramy

الجمعة، 16 يوليو، 2010 12:42:00 ص جرينتش+3

sony2000

صدقينى انا سايبها على ربنا

بس الأنسان ضعيف بطبيعة الحال

يااااااا رب

نورتينى (:

  Ramy

الجمعة، 16 يوليو، 2010 12:51:00 ص جرينتش+3

ساسو

معلش انا اسف جدا مقصدش صدقينى

اى تنويه تانى هكتبه من فوق الأول

وألف سلامة لمودك (: اسف بجد

صديقنى يا ساسو

انا لولا انى حاسس ربنا جنبى

مكنتش احتملت حجات كتير فى حياتى

شكرا يا عسل معلش بقى هخلى بالى المرة اللى جاية محبش ازعل الناس الطيبة (:

ربنا معاكى دايما

نورتينى (:

  Ramy

الجمعة، 16 يوليو، 2010 1:11:00 ص جرينتش+3

أتنين حبيبين

و عليكم السلام

ازيك كدة الغيبة دى و حد يزعل من اخواته كدة اتقمص انا بقى (:(:

انا الحمد لله بخير

هى مش تخصنى قوى يعنى (:(:

صدقين الخوف مش من بكرة انا الحمد لله مش بخاف من اللى جى مش معنديش دم لالالا خالص (:

بس سايبها على ربنا

الله يخليكى على الدعوة الجميلة دى (:

انا الحمد لله

و عوزين نفرح فيكو بقى (:

ربنا ماعى دايما

  Ramy

الجمعة، 16 يوليو، 2010 1:16:00 ص جرينتش+3

حواء

ازيك اية الغيبة دى حتى عندك بقالك فترة مكتبتيش

لعل المانع خير

صدقينى انا كتبتها فى فترة كان الحزن بيقتلنى

بس الحمد لله دلوقت احسن كتير

شكرا على المرور و التعليق اسف لو كنت ضايقتك

ربنا معاكى

نورتينى (:

  أحمد Mado

الجمعة، 16 يوليو، 2010 2:50:00 م جرينتش+3

الاغنيه تحفه
بس بوست حزين اوى يا صاحبى

سيبها على الله وربنا يكرم

--------------
http://madoegy.blogspot.com/

  Ramy

الجمعة، 16 يوليو، 2010 3:31:00 م جرينتش+3

madoأحمد

اخبارك اية يا ابنى

انا بحب الأغنية دى جدا كويس انها عجبتك (:

اكيد على الله

نورتنى يا باشا (: