المنصورة رايح ....جى (:


البوست دة خاص بكتاب زوجى مازال حبيبى

لسمو الأميرة الكاتبة الشابة سارة درويش

بس قبل ما هتكلم عن الكتاب هتكلم عن الرحلة و اليوم بتاع المنصورة

طبعا انا عرفت ان توقيع الكتاب هيكون يوم 6 يوليو مكدبتش خبر ابتديت أسأل زميلى اللى من المنصورة أروح أزاى يا جماعة

حد يسأل طب يا عم رامى أية أهمية الموضوع بالنسبة ليك

ارد علية و اقول لالالالا دة مهم جدا جدا لان بجد انا كنت حابب اقرب من الناس المحترمة اللى بتدون و من ضمنهم طبعا

الأختين الموقرتين منى درويش و سارة درويش

كان نفسى حفل التوقيع دة يكون فى القاهرة مش علشان انا كنت مكسل انى اروح لالا خالص

بس لان انا كنت عارف ان فى ناس كتير من المدونين كان ممكن تروح وكنت ممكن اشوف عدد اكبر

انا شوفت هناك محمد الغرباوى صاحب فكرة بنك دم المدونين شاب ممتاز و ربنا يقف معه

صحيح ملحقتش اقعد معه بس الناس المحترمة بتبان

الرحلة بقى انا عرفت ان المشوار هيستغرق حوالى ساعتين و نص

انا قلت ياض يارامى ميهمش دة مشوار يعتبر فردة كعب لمشوار الأقصر (:

وصلت الحمد لله و ركبت تاكس لحد المكتبة اللى فيها حفلة التوقيع

المكتبة لذيذة جدا و شيك و هادئة و دمها خفيف

ايه يا عم رامى انت هتخطب المكتبة و لا اية (:(:

لالا بس بجد عجبتنى

مكنش لسة حد جة من أصحاب الفرح او الحفلة يعنى (:

كنت متوتر صراحة ناس معرفهمش غير من المدونة ممكن اة بنحترم بعض بس معرفش اية هتكون ردة الفعل

بس مطولش عليكوا استنينا شوية لحد ما ابتدوا الناس تكتر و تهل

و بعدين دخلت سارة و منى طبعا انا شفتهم

و اقول لنفسى ها اروح اسلم و لا أستنى و لا اية بتاع 5 دقايق كدة

فى الأخر روحت سلمت و بجد فرحت جدا من مقابلتهم و وشهم البشوش

طبعا فرحت حدا انى شوفت الأخت منى مدونة واحد شاى

و طبعا سمو الأميرة سارة

بجد شعور ميتوصفش

حضرت الحفلة و المناقشة على الكتابين لان كان فى كتاب تانى اسمه

موس حلاقة .....لشريف شقارية

كتاب جميل انا لسة بقراه

و بعدين سلمت عليهم تانى بعد نهاية الحفلة و اشتريت الكتابين (:(:
***************************************************************************

الكتاب بقى

انا اخترت أغنية بحلم معاك لنجاة علشان تعرفوا مدى المشاعر الحريرية للكتاب

و اللى قرأ الكتاب هيشوف التقارب الكبير بين الأغنية و الكتاب



الكتاب فى مجملة شيىء من الأحاسيس الجميلة اللى مينفعش تتحكى تتحس بس

بالرغم من الكتاب بيتكلم بصيغة البنت لكن ممكن برضة الرجالة يستفادوا منه

كل فصل فى الكتاب ينفع يتحكى فى كتاب لوحدة كل تفصيلة اتكتب بتعبر عن مشاعر حقيقية يقدر اى حد يحس بيها

الكتاب بيخدك كدة لحالة من الشجن و من الحنين علشان تكون دى حياتك مع اللى بتحبة

انا على فكرة مش ناقد صحفى انا بقول اللى بحسة

انا هأكتب بعض الحاجات اللى وقفت عندها

مثلا فى فصل لما لقيتك

فى حتة عجبتنى قوى هى

(عرفت أزاى لما أفرح أنت أول حد يخطر فى بالى و لما الدنيا تضيق عليا انت تبقى البراح .فهمت أزاى الحب بيخلى العشاق مجانين و أطفال و كمان بيخليهم زى الأنبياء....قلبهم أبيض و جواهم غفران وتسامح للكون كله )

انا حسيت دى لان لما حبيت حصلى كده

الكتاب كله عجبنى زى ما قلت بس فى فصول بتأثر فيك زى الحتة اللى انا كتبتها

فى فصول زى

عارف اية يعنى أكون مراتك*

هنا بتشوف مدى افتخارها انها تبقى انت مدام فولان

رقصة سلو*

ازاى ان صوتك بس فى ودانها حتى هى و فى الفرح وبترقص سلو معاك وسط كل الناس مش حاسة غير بيك

لذة طاعتك*

كلمة حاضر ليك غير لما تقولها لأى حد رضى الزوج
اللى برضة ميمنعش ان الزوجة برضة ليها الحق فى دة

هتطلقنى*

طبعا انا شوفت الكلمة جالى هلع (: بجد معقول بعد دة كله
بس قريت و لقيت ان هنا انكار الذات من الأتنين يعدى بيهم فى أعتى المشاكل

مفيش وكيل نيابة*

الغيرة ازاى ان انت تبقى عارف اية العيوب اللى فيك اللى ممكن تضايق بيها حبيبك
كل ما تكون عارف ايه عيبك هتقدر ان انت تسيطر علية و متحسش ان حبيبك ظلمك لما يزعل منك

العيد مجاش*

لأن انت و هى حاسين ان كل يوم مع بعض عيد

بحب الدنيا لما تضيق*

المشاكل ازاى ان المشاكل ممكن تكون سبب فى ان انتم تقربوا من بعض أكتر

فاكر أول مرة*

دة فصل الرومنسية (: الجميلة اول مرة تصلوا مع بعض اول مرة غطتها فيها اول مرة شيلت ابننا

هو أية يعنى الفرق بينك و بين غيرك*

تسألنى كل الفروع المتسلقة فوق الأيام بلا جذور
و لماذا هو؟!!!!
فأجيبهم:لأنه لا يستطيع أن يكون أنتم !

بجد يا جماعة الكتاب يستحق ان انت تقراه

بسيط و لكن دة سر قوته بيكلمك انت مش حد تانى

يارب مكنش طولت عليكوا

طولت حرام عليك يا عم رامى دة انت كنت ناقص و تكتب الكتاب كله

معلش يا جماعة لما تقروا الكتاب هتعرفوا ان دة قليل علية (:

ملحوظة
اللى كتبتة دة اجزاء بسيطة و اللى انا حسيته

لأن فى فصول تانية

35 التعليقات:

  mrmr

الأحد، 11 يوليو، 2010 9:28:00 ص جرينتش+3

يالهووووووى يا رامى
انت شوقتنى قوى لقرايه الكتاب
بجد حسيت بيه من مجرد لقطات كتبتها .. امال لما اقرأه
بس على فكره انا مش مندهشه خالص من الشعور ده بين الزوجين لانى باختصار عايشه القصه من سنين مش عايزه اقول من كام سنه علشان متحسدنيش لكنه شعور رهيب فظيع رائع وجميل
يارب يديم السعاده ويطرح السعاده فى قلب كل العالم
ويديم عليهم الفرح ويسعد كل قلب حزين
معلش طولت عليك
وكل سنه وانت طيب

  MR.PRESIDENT

الأحد، 11 يوليو، 2010 9:37:00 ص جرينتش+3

بعد السلام والتحية إحب احيي الإختين علي الكتاب المحترم إلا ان شاء الله يخدوا ثواب عليه ..
بجد الكلمات مؤثرة جدا
ولو إني لم أتعرف علي ماهية الحب
بالتوفيق للجميع
وشكرا ليك لمدي اخلاصك واحترامك
تحياتي

  Ramy

الأحد، 11 يوليو، 2010 10:45:00 ص جرينتش+3

مرمر

بجد يا مرمر الكتاب أحلى بكتير

اها عايشة القصة من سنين (: يا رب تكونى سعيدة دايما

و مش هنسأل من كام سنة (:

طولتى دة انتى جريتى النهاردة (:

و انتى طيبة بكرة بقى (: بجد دة الواحد على الأخر خلاص (:(:(:

نورتينى و شرفتينى (:

  Ramy

الأحد، 11 يوليو، 2010 10:51:00 ص جرينتش+3

الريس

و عليكم السلام

ليهم التحية أكيد و ربنا يوفقهم

الكلمات اللى انا كاتبها اقل من انها توفى حق الكتاب بجد

العفو با ريس

بس فى ناس كتير محترمة بتكون عاوز تعملها اى حاجة علشان تفرحهم
فدى اقل حاجة نقدر نعملها

تحياتى انا لك

شرفتنى جدا

  أتنين حبيبين

الأحد، 11 يوليو، 2010 11:15:00 ص جرينتش+3

ازيك يا رامى اخبارك ايه وحشتنى كتير والله يارب تكون بخير

الله عليك يعنى كنت منور المنصوره ياعمونا ماشى ماشى

ربنا يوفقك وصلح ليك حالك يارب
قد ايه عشت القصه وانتى بتحكى عن مضمون الكتاب شوقتنى اوووووى انى اشتريه واقرءة وعشان اتعلم منه اختك دخله على جواز

هههههههههههههههه
انت حد جميل يا رامى والله

  أتنين حبيبين

الأحد، 11 يوليو، 2010 12:38:00 م جرينتش+3

♥♥♥♥♥♥♥♥_________♥♥♥♥♥♥♥
____♥♥♥♥♥♥♥♥♥♥______♥♥♥♥♥♥♥♥♥♥♥
___♥♥♥♥♥♥♥♥♥♥♥♥♥___♥♥♥♥♥♥♥♥♥♥♥♥♥
___♥♥♥♥♥♥♥♥♥♥♥♥♥♥_♥♥♥♥♥♥♥♥♥♥♥♥♥♥
___♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
____♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
_____♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
______♥♥♥♥♥♥♥♥♥♥♥♥♥♥♥♥♥♥♥♥♥♥♥
________♥♥♥♥♥♥♥♥♥♥♥♥♥♥♥♥♥♥♥
__________♥♥♥♥♥♥♥♥♥♥♥♥♥♥♥
____________♥♥♥♥♥♥♥♥♥♥♥
______________♥♥♥♥♥♥♥
_______________♥♥♥♥♥
_______________♥♥♥
_______________♥♥



حسام رجع

  Sharm

الأحد، 11 يوليو، 2010 12:46:00 م جرينتش+3

حمد لله على السلامة
المنصورة مشوارها رخم جدا !!
قصدي الطريق طبعا ..

  لـــولا وزهـــراء

الأحد، 11 يوليو، 2010 1:03:00 م جرينتش+3

رااااااااااامى

كان نفسى اكون متواجده لانى نفسى عن جد اشوف منونا واتعرف عليها عن قرب وكمان اشوف الاميره ساره لان اسم ساره غالى على قلبى اوى اوى .....

واضح مدى الرومانسيه اللى الكتاب فيها وكمان واضح انه لمسك بجد لانك بكل بساطه شخص رومانسى رقيق المشاعر ان شاء الله اشوفك فى اى لقاء للمدونين عن قريب
تحياتى الى سمو الاميره ساره والقمرايه منونا وكمان اجمل تحيه الى الاخ العزيز رامى

زهراء

  мαησηα

الأحد، 11 يوليو، 2010 1:18:00 م جرينتش+3

اول مرة اجى بدرى ههههههههههه

ياربى ميرسى بجد ليك يا رامى

ميرسى بجد بعدد خطاويك من كايرو لحد المنصورة

ميرسى اوى انك اهتميت وشرفتنا ونورتنا بجد ميرسى

وميرسى لزوقك وكادوهاتك الرائعة ربنا يكرمك يارب

وميرسى اوى ع الكلام الجميل

اللى بجد كتير علينا اوى والله

احنا اللى زادنا شرف اننا

عرفنا اخ اخلاق ومحترم زيك

ربنا يكرمك يارب واسمع عنك دايما سمع

خير والمرة الجاية نتقابل ف خطوبتك باذن الله

قول اميييييين

  الحب الجميل

الأحد، 11 يوليو، 2010 1:26:00 م جرينتش+3

مبررررروك لسمو الاميره

وعقبال حفل توقيع كتابك ان شاء الله

ايه يا عم رامى انت هتخطب المكتبة و لا اية (:(:

لالا بس بجد عجبتنى

ههههههههههههه اسلوب زى العسل

ايه ياعم رامى جو الرومانسى اللى انت عيشتنى فيه دا ؟
اغنيه نجاة من الاغانى اللى بموووووووت فيها

انت انسان طيوب ربنا ييعد ايامك

ويابختك ياعم شوفت ناس انا نفسى اشوفها بس اعمل ايه اناااااااااا بعيد

دمت طيوب

  Ramy

الأحد، 11 يوليو، 2010 1:34:00 م جرينتش+3

أتنين حبيبين

توتا

وانتى صدقينى و حشتينا أكتر

عارفة أحلى حاجة فى الكومنت بتاعك اية ان حاسس ان انت فرحانة (:(:

معلش يا توتا صدقينى انا يدوبك وصلت قعدت حوالى ساعة و مشيت

الزيارة اللى جاية بأذن قريب على فرحكم

و الكتاب هتلاقية فى مكتبة بوكس اند بينز

اظن دى مشهورة قوى و سعره بجد كويس قوى

حمد الله على سلامة حسام بيه (:(:

الله يخليكى يا توتا انتوا الأجمل انتى و حسام (:

ربنا يوفقك و يكون معاكوا

  Ramy

الأحد، 11 يوليو، 2010 1:37:00 م جرينتش+3

دكتور ازيك

الله يسلمك يا احمد

فاهمك (:(:

نورتنى يا دوك صدقنى

  sony2000

الأحد، 11 يوليو، 2010 1:47:00 م جرينتش+3

دا انت كدا بترمي الطعم بأه
هههههههههههههههههههههه
بس هجييييييييبو هجيبو بأذن الله:)

  Ramy

الأحد، 11 يوليو، 2010 1:53:00 م جرينتش+3

زهراء

بجد زى ما قلت فى البوست كان نفسى يكون التوقيع فى القاهرة علشان كل الأصدقاء ممكن يقدروا يجوا

و بالنسبة للأخت منى و الأميرة سارة (: بجد اتنين محترمين فوق الوصف

الكتاب بجد اكبر من انى اديلة حقه

الله يخليكى (: دة بس من ذووقك

تحية ليكى كبيرة قوى (:

شكرا بجد ان انتى قدرتى تيجى و تعلقى انا عارف ان انتى مضغوطة

بس يارب يكون كل شيىء متسهل كدة و نسمع اخبار كويسة

سلميلى كتير على لولا و تيجى بالسلامة ان شاء الله

ربنا يوفقك

  Ramy

الأحد، 11 يوليو، 2010 2:11:00 م جرينتش+3

أختى العزيزة
منى (:

حضرتك تيجى فى اى وقت دى مدونتك (:(:

الله يخليكى بجد انتوا ناس محترمة جدا و تستحقوا اكتر من كدة بكتير

متشكريش أبدا بجد انتوا مش اخواتى

و بعدين انا قلتلكوا المنصورة اقرب من الأقصر (:

أمييييين و شكرا على الدعوة الجميلة دى (:

لالالا انت الأول بأذن الله (:

ربنا معاكى

نورتينى (:

  Ramy

الأحد، 11 يوليو، 2010 2:23:00 م جرينتش+3

الحب الجميل

الله يبارك فيكى

كتابى!!!! الله يخليكى (:

دة من ذووقك بس

بس صدقينى انا بتكلم كدة مع صحابى لا اسلوب ولا حاجة (:(:

بجد الكتاب بيجبرك على الجو الرومانسى

نجاةبقى من حبايب قلبى و لما هتقرى الكتاب هتحسى ازاى انها قريبة قوى منه

الله يخليكى انتوا اللى طيبين بجد و ناس تستحق كل تقدير

شفتى بقى ازاى انا كنت سعيد (:

الله يخليكى

نورتينى و شرفتينى و متنسيش تسلمى على لولو (:

  Ramy

الأحد، 11 يوليو، 2010 2:26:00 م جرينتش+3

sony2000

لا صدقينى لا برمى هلب و لا حاجة (:

بس لما هتقرية هتعرفى ان الكلام دة قليل

لو ان انتى من المنصورة هتلاقى الكتاب فى مكتبة بوكس اند بينز

نورتينى اول زيارة و يارب متكنش الأخيرة (:

  محمود(باحث عن حب)

الأحد، 11 يوليو، 2010 2:50:00 م جرينتش+3

شوقتني لقرأه الكتاب بجد الظاهر انه يستحق القرأه والظاهر إنك دوده قرايه حمدا لله علي سلامتك

  سمو الأميرة سارة

الأحد، 11 يوليو، 2010 3:03:00 م جرينتش+3

رامي :) انا بجد مش عارفة اقولك ايه

انا فرحتي بيك ما تتوصفش بجد

في ناس كتير بتقول جاية ويوم الحفلة ما بتجيش بس انت كنت عند وعدك فبجد فرحتني اوووووووووووووووي

وكنت حاسة ان ليا عزوة وناس كده :)

بالنسبة للكتاب بجد مبسوطة اووووووووووووووووووي انه نال اعجباك يارامي اسعدتني اوووووووي

ويارب تعيش حياة اسعد من اللي في الكتاب بكتيييييييييييييييييير

  Ramy

الأحد، 11 يوليو، 2010 3:11:00 م جرينتش+3

محمود

ازيك يا باشا (:

بجد الكتاب جميل و يستحق

دودة دودة يعنى مش اى كلام (:

الله يسلمك يا عسل

نورتنى (:

ربنا معاك

  ساسو

الأحد، 11 يوليو، 2010 3:16:00 م جرينتش+3

هاي رامي
ايه الجمال دا كله بس
بجد انا متشوقه موت اني أقراه
لان من وصفك باين عليه خرافه
الاغنيه تجنن نجاه صوتها لا يقاوم
بجد يا رامي كل اختياراتك في الجووون
دمت متألق يا اسطوره

  Ramy

الأحد، 11 يوليو، 2010 3:20:00 م جرينتش+3

سمو الأميرة

عندنا مش قادر اصدق عينى

متقوليش حاجة خالص يكفى مقبلتكم الكويسة و البشوشة

لالا انا مدام قلت جى باجى (: دماغ صعيدى بقا

بس انتى أكتبى كدة وأن شاء الله هتلاقينا جنبك دايما

الكتاب يستحق اكتر من كدة بكتير

الله يخليكى ع الدعوة الجميلة جدا دى (:

ربنا معاكى و يوفقك

  Ramy

الأحد، 11 يوليو، 2010 3:28:00 م جرينتش+3

ساسو

ازيك مش باينة لية (:

الكتاب يستحق صراحة بس معرفش فى فى أسكندرية و لا لأ

كويس ان الأغنية عجبتك بس لما هتقرى الكتاب هتعرفى انها متماشية معه

الله يخليكى يا ساسو يا رافعة معنوياتى (:

ربنا معاكى

نورتينى (:

  ساسو

الأحد، 11 يوليو، 2010 8:19:00 م جرينتش+3

رامي
والله انا كنت تعبانه جدا
كنت مصابه في ايدي
أه هي الشمال
لكن بجد أي حاجه بتأثر جامد
انا متبعاك لكن والله مكنتش بقدر أكتب خالص
بس الحمد لله بقيت أحسن
وأنا مقدرش أتأخر أبدا علي أعز أصحاب

  ali younes

الاثنين، 12 يوليو، 2010 12:46:00 ص جرينتش+3

رامي
بجد انت انسان.
يا بختك انك رحت المنصورة وشفت بعض المدونين هناك وأصبح العلم التخيلي لك حقيقة .
وانت دائما تثبت لنفسك ولنا انك تستحق الاحترام .
اعتقد انك كنت سعيد بالمشوار وحتي ولو كان شاق فأنت تشعر بالسعادة عندما تقابل اخوانك الاعزاء .
عقبلنا يا رب لما نرجع كدة وتيجي فرصة نشفكم كلكم
تحياتي لك
م / علي يونس

  Ramy

الاثنين، 12 يوليو، 2010 1:54:00 ص جرينتش+3

ساسو ألف سلامة

صدقينى عيب قوى يعنى انا بهرج معاكى (:

دا انتى من أوائل الناس اللى متبعانى

بس اهم حاجة ان انتى احسن دلوقت

نورتينى (:

  Ramy

الاثنين، 12 يوليو، 2010 1:59:00 ص جرينتش+3

أستاذى

م/على يونس

الله يخليك يا أستاذ على

أة بجد بقا حقيقة (:

صدقنى انا محستش بالمشوار خالص فكرة انى هشوف ناس بقدرهم وأعزهم كانت منسيانى كل دة (:

الله يخليكى أستاذى انت تخجلنى بكلامك

بأذن الله يا استاذى تيجى فرصة و نشوف حضرتك

نورتنى و شرفتنى (:

  أحمد شريف

الاثنين، 12 يوليو، 2010 9:18:00 ص جرينتش+3

يا سلام يا سلام .. لما أنت في المنصورة ليه مقلتش يا سي رامي ؟!!

كنت هاجي معاك يا عم الحفل ونسلم على البنات المجتهدات ونشوف أعمالهم

  كلام من قلبي

الاثنين، 12 يوليو، 2010 12:42:00 م جرينتش+3

الكتاب شكلوا جميل جدا وشدني على الاخر
بجد هحاول ان شاء الله اني اشتريه

  اميرات الاسرار

الاثنين، 12 يوليو، 2010 1:17:00 م جرينتش+3

ازي حضرتك يااستاذ رامى
الاغنيه حلوة اوى

تسلم ايديك
زهراء

  Tears

الاثنين، 12 يوليو، 2010 3:56:00 م جرينتش+3

واضح انه كتاب جميل يا رامى

شكرا انك عرفتنا بيه و بالاغنية الرومانسية دى

دايما مدونتك هادية و جميلة


دمت بخير

  Ramy

الاثنين، 12 يوليو، 2010 7:48:00 م جرينتش+3

صديقى أحمد

اسف جدا بس يمكن انا مقلتش رايح صحيح

بس اكيد ملحوقة بأذن الله اى لقاء تدوينى هقول عليه

و كمان يا باشا صدقنى انا كان نفسى اشوفك طبعا

انت منور مدونتك بصورتك صحيح بس اللقاء له رونقة

شرفتنى (:

  Ramy

الاثنين، 12 يوليو، 2010 7:53:00 م جرينتش+3

كلام من قلبى

الكتاب يستحق بجد

نورتينى

  Ramy

الاثنين، 12 يوليو، 2010 7:56:00 م جرينتش+3

اميرات الأسرار

الله يخليكى دة بس من ذوقك

زهراء نورتينى

  Ramy

الاثنين، 12 يوليو، 2010 8:09:00 م جرينتش+3

tears

صدقينى زيارتك ليها وقع جميل (:

الكتاب جميل بجد و الأغنية انا بحب نجاة جدا

الله يخليكى دة من ذوقك

نورتينى و شرفينى