لما الشتا يدق الببان



انا مش جى ألومك و لا عمرى انا بس محتاج لك

بجد محتاج لك

ليه بس لما حد يحتاج يتكلم بيدور على حد مش بيسمعه

و فى حد مستنى مستنى بس يبص له

حد مستنى يشيل له كل العذاب

محتاج أنى أشيل عنك

محتاج أنى اقرب منك

محتاج تفتحى قلبك

يمكن يمكن
**********************************
الأغنية دى أهداء ليها و للذكريات

أحب تحسوا بيها

و تسمعوها

49 التعليقات:

  mrmr

الأحد، 4 يوليو، 2010 4:53:00 م جرينتش+3

حمد الله بالسلامه
كلمات الاغنيه جميله
وتشبيه رائع احتياج الحبيب فى الشتاء
دليل على ان هو الدف ً والحنان كله
ربنا يقرب البعيد وقادر على تحقيق الاحلام
وشكرا ليك لدعواتك وصلواتك التى ترفعها عنى

  أتنين حبيبين

الاثنين، 5 يوليو، 2010 2:55:00 ص جرينتش+3

السلام عليكم

للاسف حسيت بكلامك وحسيت بالاغنيه
لان دلوقتى ده نفس الاحساس اللى انا عايشه فيه بس مش من حبيبى
تخيل نفسك عايش فى وسط اهلك وحاسس بغربه
وغلطهم كلهم بيجبوه عليك انت
احساس صح ومؤالم
أسفه بجد بس بمر بظروف سيئة بتمنا ربنا يعديها على خير
دعواتك اخى

  Ramy

الاثنين، 5 يوليو، 2010 3:57:00 ص جرينتش+3

mrmr

الله يسلمك المهم تكونى انتى بقيتى أحسن دلوقت

أغانى على الحجار بتخلينى أعيش حالة من حالات الشجن الجميل

بس الأغنية دى بجد انا عاوز اقول لها كده

لو اراد ربنا بقى

لالا شكر على ايه بس عيب أحنا أخوات

بس زى ما قولت أن شاء الله تكونى أحسن (:

نورتينى يا مرمر (:

  Ramy

الاثنين، 5 يوليو، 2010 4:04:00 ص جرينتش+3

أتنين حبيبين

لالا يا توتا معرفكيش حزينة كدة

و متتأسفيش لان احنا بنفضفض لبعض

ما انا لما بكون مضايق بقول و لما بكون فرحان بقول

و يارب تكون كل حاجة تمشى تمام وقريب قوى تعملى بوست جميل زيك كدة

و تفرحينا فيه

ربنا معاكى ويوفقك شكرا ان انتى جيتى وعلقتى و انتى زعلانة كدة

نورتينى و ربنا يوفقك و ينور طريقك

  محمود(باحث عن حب)

الاثنين، 5 يوليو، 2010 4:21:00 ص جرينتش+3

حاسس انى علقت على الابوست ده
مش عارف ليه؟
المهم
عاوزك
تفضفض كمان وكمااااااااااااااااااااااااان

  Ramy

الاثنين، 5 يوليو، 2010 4:56:00 ص جرينتش+3

محمود

الباحث عن الحب

يا باشا دة تشريفك للمدونة يكفى (:

حاضر هفضفض كمان وكمان (:(:

تابع و هتعرفنى أكتر (:

نورتنى يا محمود

  داليـ ـ ـ ـ ـ ـ ــــا

الاثنين، 5 يوليو، 2010 6:28:00 ص جرينتش+3

ده مش كلام عادى
ده خارج فعلا من إحساسك
تعرف ان كلمة محتاج لكى دى صعبه
ولو قلتها لحد بكل مشاعرك وكل ما فيك ومكترفش ليها يبقا صدقنى اوعا تعدها له تانى

حاسه انك غرقان فى الحب لشوشتك
بس هقلك ربنا ينولك اللى انتا عايزه يارب

تحياتى

  Ramy

الاثنين، 5 يوليو، 2010 6:37:00 ص جرينتش+3

داليـ ـ ـا

بس مقدرش بس انا محتاج ليها انى اشيل عنها بجد عارفة يمكن انا شرحت لها ده فى تدوينة
حبيبتى و القمر

اة والله لشوشتى (:(: يمكن علشان اول حب
مش عارف ؟؟!!

التحية ليكى

نورتينى يا داليا (:

  ميرا ( وومن )

الاثنين، 5 يوليو، 2010 10:52:00 ص جرينتش+3

انا مسمعتش الأغنية بس أكيد فاهمة يعني أيه يبقي جوانا الشتا

أجمل شئ فيك يا رامي أحساسك

تحياتي

  wasf_elahsas

الاثنين، 5 يوليو، 2010 11:43:00 ص جرينتش+3

غريب مفعول الشتا علي قلب بردان
بيخلية يدور علي الدفا ف حضن راح من زمان
بيحسس القلب انة مسجون جوا الحيطان
بيرجعه يبكي علي زمن معدش له فيه مكان
دايما بندور علي الامان
مش بنشوف الا ال ادانا شوية حنان
وساب القلب مجروح بيقاسي مر الحرمان
وبيرمي همه علي الزمان
فاكر انة السبب في ال كان

  ali younes

الاثنين، 5 يوليو، 2010 1:23:00 م جرينتش+3

الاخ رامي
اية ياعم الحب والحنان دة كلة دا انت طلعت حكاية..
شوف انا هاقلك طبفا لتجاربي السابقة ..
الحب الاول دة مشكلة بيفضل طول العمر وما بيتنسيش مهما حصل او حدث من فراق وكل واحد ذهب الي طريقة ..
بس برضك انصحك ان تضع حد لهذا عشان الحياه تستمر , يعني انتهاتفضل طول عمرك كدة لا طبعا ...أذا حب لك شوية وبعدين لو الوقت طال شوف حياتك يا ريس ولا تقف محلك فالحياة قاسية ولن ترحمك الايام اذا لم تفكر صح وبسرعة
تحياتي لك وتمنياتي بالتوفيق والسداد
م / علي يونس

  richardCatheart

الاثنين، 5 يوليو، 2010 2:03:00 م جرينتش+3

مهما كانت الذكريات مؤلمه وبتوجع بس هى الحاجه الوحيده اللى بنفضل عايشين عليها ولما بنفتكرها بنستمتع باحساس حلو اوى وخفقات القلب تزيد وتعلى

بس دا حال الدنيا ولا يزال الحنين مستمر

  Ramy

الاثنين، 5 يوليو، 2010 2:10:00 م جرينتش+3

ميرا(وومن)

شكرا ليكى دة بس من ذوقك (:

بس لو جت لك فرصة أسمعيها هى من الأغانى الجميلة فعلا

التحية ليكى انتى

شكرا يا ميرا على المتابعة و على التعليق الجميل (:

  Ramy

الاثنين، 5 يوليو، 2010 2:12:00 م جرينتش+3

wasef elahsas

جميلة كلماتك ومعبرة جدا عن الموقف

تسلم ايدك (:

شكرا للتعليق المتميز (:

  Ramy

الاثنين، 5 يوليو، 2010 2:16:00 م جرينتش+3

أستاذى
م/على يونس

الله يخليك أستاذى (:

المشكلة ان يمكن تجربتى جت متأخرة قوى

بس حضرتك كلامك مظبوط دة حقيقى بس الموضوع دة اللى خلانى اظبط حياتى احسن من الأول و اشوف حالى للأحسن

شكرا أستاذى بجد كل مرة بتعلم حاجة أحسن من حضرتك

شكرا لحضرتك جدا (:

  Ramy

الاثنين، 5 يوليو، 2010 2:18:00 م جرينتش+3

ريتشاردية

كلامك مظبوط بس الحالة دى بتخلينى اشعر بالحنين

ليها اكتر و اكتر

على رأيك مازال الحنين مستمر (:(:

شرفتينى ونورتينى (:

  الحب الجميل

الاثنين، 5 يوليو، 2010 2:20:00 م جرينتش+3

اااااخيرا التعليق فتح من انبارح وانا بحاول اكتب تعليق لما دخت
هو كان فيه ايه ولا انا اللى عندى المشكله ؟؟؟؟؟؟؟؟؟؟
ـــــــــــــ

اولا احيك على الموسيقى اللى موجودين فى المدونه الصراحه جمااال جدا وكل شوى أسمعهم
جميل ذوقك
ـــــــــــــــ
نيجى بقا للاغنيه .. لما الشتا يدق الببان من الاغانى الحلوه لعلى الحجار ..اختيار جميل
ـــــــــــ
أما كلمات البوست فدا دليل على مدى حبك وصدق مشاعرك

ربنا يسعدك ويقرب حبك تانى ويرجعلك

والمفروض هى لما تقرى البوست دا وتسمع منك كلمه محتاجلك ..... هى عارفه الباقى بقى

لانها كلمه مش من السهل تنقال الا لما يكون الحبيب محتاج لحبييبته فعلا والعكس

ربنا يسعدك ويوفقك ونفرح فيك قريب
وخد بالك فيك مش بيك
هههههه

دمت بخير وسعاده

  الحب الجميل

الاثنين، 5 يوليو، 2010 2:21:00 م جرينتش+3

نسيت اقولك ابن أختك شكله زى العسل
ربنا يحميه ويخليهلكم

ومنور المدونه بصورته

سلام

  wasf_elahsas

الاثنين، 5 يوليو، 2010 3:58:00 م جرينتش+3

انسي يا روحي الحب و العمر ال عدا
زمنك وراح سيبني عايش ف الزمان ده
لو الليالي ترجع يا غالي
يرجع حنان قلبي ال كان زي انهارده
بيتهيالي تليق كرد

  الشـــــوكه النــاعمه

الاثنين، 5 يوليو، 2010 5:12:00 م جرينتش+3

ده حنين عارم
تعرف كنت دايما اقول لنفسى افه النسيان الذكريات و
الحنين ياه بتيجى الذكرى او لسعه الحنين بتصحى كل حاجه بتهد كل القوه اللى انتا فيها
بتحس ان الايام اللى انت كنت بتتناسى فيها ولا كأنها عدت وانك مانسيتش لحظه
حاسه اوى
على فكره بوستاتك كلها بتحرضنى
دومت بخير

  hana

الاثنين، 5 يوليو، 2010 9:47:00 م جرينتش+3

أصعب شيء أنه القلب يحس بإحتياجه لدفا حبيبه

لما يحس برد البعد بيحضنه أد إيه قاسي الإحسآس

والقلب حاسس نوبة برد قوية وجواه مستسلم للحنيين

  صمت المشاعر

الثلاثاء، 6 يوليو، 2010 12:00:00 ص جرينتش+3

جميله جدا كلمات الاغنيه

واكيد صعب ان الواحد يكون محتاج لحد ومش يلاقيه

ربنا يسعد ايامك يارب

  Ramy

الثلاثاء، 6 يوليو، 2010 2:20:00 ص جرينتش+3

الحب الجميل

سوررى على العك اللى حصل

الله يخليكى دة من ذوقك صدقينى بس إلياس الرحبانى من الموسيقين اللى بجد تحبى تسمعى موسيقاهم

انا لما بكتب اى بوست ليها بشغل موسيقى ليه

بس أكتر واحدة بحبها moon light

أخترت الاغنية دى للحجار لأنها بتوصف الحالة الحقيقية اللى انا فيها

و أنا بحب الحجار عموما (:

انا عاوز اوصلها انى عاوز اثبت انى حبى مش كلام

انا عاوز اشيل منها اى حزن اى تعب عندها

الله يخليكى على الدعوة الحلوة دى

مفيش مشكلة بس نفرح و خلاص (:(:

شكرا على دعوتك لبيير (:(:

و ربنا يخليلك لولو

شكرا ليكى على الأصرار للتعليق (:(:

  Ramy

الثلاثاء، 6 يوليو، 2010 2:23:00 ص جرينتش+3

wasf elahsas

فكرك كدة انى انسى و محولش حتى

مش عارف

نورتيى

  Ramy

الثلاثاء، 6 يوليو، 2010 2:26:00 ص جرينتش+3

الشوكة الناعمة

كلامك فى جزء كبير من الحقيقة

جزء من اللى انا حاسة

يا رب بس ميكونش بوستاتى بضايقك او بسيب اثر وحش

نورتينى

  Ramy

الثلاثاء، 6 يوليو، 2010 2:28:00 ص جرينتش+3

hana

دة حقيقى انى كتير بحس انى محتاج دفى حبها

وانى محتاج احسسها بدفى حبى ليها

شرفتينى

  Ramy

الثلاثاء، 6 يوليو، 2010 2:32:00 ص جرينتش+3

صمت المشاعر

شكرا لذوقك

انا محتاج انى اثبت ان حبى مش كلام

انى حبى حقيقى مش بس بوستات

الله يخليكى

و تكونى سعيدة انتى كمان

شرفتينى و نورتينى

  ساسو

الثلاثاء، 6 يوليو، 2010 10:18:00 ص جرينتش+3

ما أجمل كلماتك في الصباح
تجلب للقلب ارتياح
فعزفك الجميل
يزيد للحياه افراح


بجدرائع جدا
واختيارك لاغنيه علي الحجار جميل
وبجد احساسك نابع من القلب وصادق جدا
بحييك علي زوقك

ياريت يارامي متزعلشي مني لان انت كتبتلي تعليق
وانا قريته ووافقت عليه
لكن مش معروض
مش عارفه ليه
ومش انت وبس
لأ دولا كمان 3 من اصحابي
في اظاهر عطل وانا هحاول اعمله

تحياتي

  Ramy

الثلاثاء، 6 يوليو، 2010 11:43:00 ص جرينتش+3

الحب الجميل

moon light دى مقطوعة موسيقية لألياس الرحبانى

  ريحانة الاسلام

الثلاثاء، 6 يوليو، 2010 12:46:00 م جرينتش+3

لو فضلنا كده ممكن نخسر ناس كتير بتحبنا
..لازم ناخد بالنا منهم ونحبهم
ومنفرطش فيهم لانهم اشترونا من الاول
وربنا يكتبلنا السعادة يارب

  غير معرف

الأربعاء، 7 يوليو، 2010 1:08:00 ص جرينتش+3

هاى رامى ...انا رامى النمسا يا مان
أغنية جميلة جدااااااا وكلمات أجمل ,,,ربنا ينولك الي في بالك
سلام يا مان

  Tears

الأربعاء، 7 يوليو، 2010 12:44:00 م جرينتش+3

شتا فى الصيف يا عم رامى :))


جميله اوى الرومانسية


دمت بخير

  Ramy

الخميس، 8 يوليو، 2010 4:56:00 ص جرينتش+3

اسف

اسف اسف اسف اسف اسف

للتأخير فى الردود

اسف ليكو كلكوا بس بجد انا كنت مضغوط اليومين اللى فاتو دول

ارجو تقبل اعتذارى

  Ramy

الخميس، 8 يوليو، 2010 4:58:00 ص جرينتش+3

ساسو

انا بشكرك جدا على كلامك الجميل

انا عمرى ما هزعل منكم ابدا

انا بعزكم جدا

ميهمكيش متتأسفيش

نورتينى بجد (:

  Ramy

الخميس، 8 يوليو، 2010 5:00:00 ص جرينتش+3

رامى

اخبار النمسا اية يا معلم

معلش انا مش عارف اخش فيس بوك اليومين دول

شكرا يا حبيبى

شكرا يا معلم على التعليق (:

يسمع من بقك ربنا يا ابو الررررم

نورتنى يا باشا

  Ramy

الخميس، 8 يوليو، 2010 5:02:00 ص جرينتش+3

tears

دة بس حضرتك انا بحاول اطرى القعدة (:(:

فى النار دى

شكرا دة من ذوقك

الله يخليكى

حضرتك شرفتينى و نورتينى (:

  غرباوى

الخميس، 8 يوليو، 2010 6:41:00 ص جرينتش+3

ازيك يا رامى
اول مره ليا عندك وان شاء الله مش الاخيره
نشكر ساره درويش انها عرفتنا عليك يا سيدى
واتمنى اشوفك قريب فى اول تجمع اكون فيه هنا ونتعرف اكتر ياريس
-----------
عارف الاغنيه وكلماتك البسيطه بتدل انك حساس جدا ويا خوفى علينا احنا اللى عندنا احساس ورومانسيين
لاننا بنبقى ضعاف جدا وسهل ننكسر
بس مش بتعرف نتغير
اتمنى ان ربنا يرزقك حب يستاهلك وتستاهله
تحياتى

  Ramy

الخميس، 8 يوليو، 2010 7:02:00 ص جرينتش+3

غرباوى

شكرا جدا ليك

اكيد انا سمعت من الأخت منى درويش ان فيه تجمع فى مستشفى ابو الريش يوم الجمعة أن شاء الله

بأذن الله هروح و بأذن الله اشوفك هناك

تصدق مش عارف اتغير دة صحيح (:

الله يخليك على الدعوة الجميلة دى

التحية ليك انت صدقنى

شرفتنى و نورتنى بجد (:

  gogo!sf

الخميس، 8 يوليو، 2010 8:47:00 م جرينتش+3

رامى اختيارك رائع للاغنيه

طبعا على الحجار من المطربين المحترمين جدا وبحب صوته اوى بس مع الاسف مش من متابعينو يعنى بسمعلو الاغانى اللى بتعجبنى بس

ولما الشتا يدق البيبان دى من ارق واجمل الاغانى اللى بحبها

زوقك راقى جدا يا رامى

وميرسيه لزيارتك وان شاء الله يدوم التواصل

جوجو

ملحوظه ممكن تغير بقى صفحه التعليقات عشان الصفحه دى بتعاكس معايا

مش عارفه ايه اللى جايه تغير على كفها دى لو منك اقول لها لاء ههههههههههههههههههههه

ميرسيه بجد ليك وميرسى على الاغنيه الجميله دى
سلام

  بنت وولد

الخميس، 8 يوليو، 2010 11:07:00 م جرينتش+3

دى طبيعه البشر يا رامى
نسيب اللى شارينا و نشترى اللى بايعنا و بأعلى تمن

ربنا يديك اللى يفهمك و يسمعك و يحس بيك

  Ramy

الجمعة، 9 يوليو، 2010 5:07:00 ص جرينتش+3

جوجو

شكرا ليكى

انا عندى أغانى كتير للحجار جميلة جدا

وانا عملت بوستات تانى فيها اغانى للحجار ان شاء الله تعجبك

دة من زووقك

بجد مدونتك تستحق المتابعة

بالنسبة للطلب مفيش مشكلة انا ممكن اغير مفيش مشكلة بس افهم واعرف المشكلة (:(:

العفو على اية بس (:

سلام نورتينى (:

  Ramy

الجمعة، 9 يوليو، 2010 5:09:00 ص جرينتش+3

بنت و ولد

ايييييية الغيبة الطويلة دى

بس انتوا عندكوا حق دى طبيعة البشر

الله يخليكوا على الدعوة الجميلة دى

شرفتونى و نورتونى (:

  love is life

الجمعة، 9 يوليو، 2010 11:34:00 ص جرينتش+3

جميله جدا كلمات الاغنيه

وفعلا صعب لما تحتاج حد اوى ومش تلاقيه

احسنت الاختيار

تقبل مرورى

  كيــــــــــــارا

الجمعة، 9 يوليو، 2010 1:07:00 م جرينتش+3

للاسف حساها :((

جميلة جدا واحساسها عالي اوي

  Ramy

الجمعة، 9 يوليو، 2010 1:17:00 م جرينتش+3

كيارا

انا اسف لو كانت ضيقتك

شكرا دة من ذوقك

اهلا بيكى اول زيارة اتمنى لا تكون الأخيرة (:

شرقتينى

  علاء المصرى كل يوم

السبت، 10 يوليو، 2010 7:53:00 م جرينتش+3

دعوة للتواصل

كاتب مصرى

  мαησηα

الأحد، 11 يوليو، 2010 12:21:00 ص جرينتش+3

فكرتنى ب اغنية ليه يا دنيا الواحد

فاكرها يا رامى بتعة منير وعجاج

نفس الفكرة ..

دايما نبعد عن القريب مننا

وبيحسنا ونروح لحد تانى

ممكن اوى يجرحنا ومايسمعناش للاسف

ربنا يرزقك يارب بنصك الحلو اوى

اللى تستاهلك بجد

يارب اللهم اميييييييييييييييين

  Ramy

الأحد، 11 يوليو، 2010 1:49:00 ص جرينتش+3

كاتب مصرى

ان شاء الله

نورتنى

  Ramy

الأحد، 11 يوليو، 2010 1:56:00 ص جرينتش+3

أختى العزيزة منى
(:

طبعا فاكرها م هى مش زمان قوى يعنى (:(:

هى صحيح الأغنية دى بتقول جزء من كلامى

بس عارفة أغنية الحجار بتكلم عنى بجد

شكرا يا اختى على الدعوة الجميلة دى

أميييين بس بجد انا حاسس انها تستحق احسن من بكتير بس اعمل اية بقا (:(:

بجد زيارتك بتفرحنى (:

شرفتينى ونورتينى و فرحتينى (: