لا تبتعدى

تنويه
لا تبتعدى كاتبها من بدرى
خاطرة حيرة كتبتها انهاردة
*********************************************************************


أرجوكى لا تبتعدى عنى
أنا تائه بدونك فى طريقى
لا أستطيع أستكمال ثورتى
أن كنت أخطأت فسامحنى
لا تبعدى بوجهك عنى
كل ما فى قلبى هذا لا يغفر لى
قلبى يتمزق بدونكى
لا تكونى قاسية
فهذا ليس من طباعكى
كونى لى سندى و ملجأى
كونى لى صديقتى
فأبكى لكى
أتدرى برغم كل أبتساماتى
فقلبى حزين لبعدكى
برغم كل كلماتى
فقلبى صامت فأنه يعانى
أنا أتكلم.... أضحك وأبكى
لكن هذا ليس أنا
فهذا شبحى......
فلا تبتعدى
************************************************************************

حيرة
خايف حيران مش عارف افكر مش عارف أكتب
كل حاجة بقراها لِك بتقربنى منك
تعبان قوى فوق ما تتخيلى
تعبان علشانك أكتر منى
عارفة أنا مكنتش بخاف من الموت مش علشان أنا أنسان كويس
و لكن أنا مبخفش من موت
لكن من وقت ما حبيتك
و أنا خفت على نفسى
خفت أموت
و مسمعهاش منك
خفت أموت
ومن الجايز أنك تزعلى
خفت أموت
و أسيبك
عارف أنى بعيد
بس أنتِ معايا كل يوم
معايا و أنا ماشى أنا مع الناس
و أنا لوحدى
خايف أموت و محققش وعدى ليكى
أنى أكون
أمانك .... و وطنك
عارف أنا خايف أكتب
خايف أخسر حتى فرصة قرايتك للى بأكتبه
صدقينى أنا حياتى كلها بقت بتدور حوالكى
بأسرح بخيالى
و أشوفك
و أسمعك
و أبتسم و أشوف ضحكتك
عارفة بقيت بكون لوحدى و مبتسم و بضحك
و دة وأنا بأكلمك و أنتِ معايا
أنا مش عارف أخبى مشاعرى ليكى
تعبت من الأستنتاجات
تعبت من التفكير
خايف أكلمك
دة أنا خايف دلوقت و أنا بأكتب
على فكرة أنا مش جبان
عمرى ما كنت جبان
بس الحب خلانى مش عارف



صدقينى .... بحبك
أنا.... بحبك
بحبك
هتدينى الفرصة دى أثبت لك
حبى
أثبت لك أنه مش كلام
أنه مش بس كتابه
الناس مش قادرة تفهم
أنتِ بس اللى هتقدرى تفهمى كل ال بين السطور
أنا مش عاوزهم يفهموا أن أنتِ
ممكن تكونى مش مقدرة ده
لالالالالا أنتِ أرق حد عرفته
هفضل مستنيكى
مهما طال الوقت
لو فضلتى سنين تفكرى
أنا موجود
أنتِ عارفة الناس بعد ما تقرا دة كله
هيقولوا أيه
أنسان ضعيف
ناس كتير هيشفونى
أنسان مهزوم
بس أنا لضعيف و لا مهزوم
أنا بحبك بصدق
عارفة حاولت أن ممكن يكون دة وقت و هيعدى
معرفتش
حاولت تانى
و مقدرتش
يمكن أكون أنا نقطة الضوء
مش ممكن
علشان كده مش هطفى
حتى لو أنتِ حاولتى تطفيها
مش هطفى
هفضل شايفك جنبى
هفضل أضحك و أنتِ معايا
هفضل
أحبك
يا حب عمرى

أسكندرية ماريا ....و ناسها مية مية (:(:(:



مش عارف ابتدى منين أنا هأحكى من أول ما الحب الجميل قالت أنا هأعمل لقاء
أنا قريت البوست فرحت جدا و خفت جدا برضه
ليه يا عم رامى
ليطلعلى عفريت كدة من أى حته و مقدرش أروح (:
اها
بس أنا كنت ناويت العزم خلاص بأذن الله رايح رايح
بس ليلة ما قبل اللقاء كنت فى مشوار و رجعت 3 بالليل
مشوار اية ده يا عم رامى اللى يخلص 3 بالليل
لالا متفتكروش حاجة وحشة أنا كنت عند قرايبى و أتأخرت
قرايبك برضة
أةة و الله قرايبى (:
المهم قبل ما أنام فتحت النت أتأكد أن مفيش حاجة أتغيرت
أو بعد الشر أن اليوم أتلغى و لا حاجة
لقيت كل شيىء تمام و الأمن مستتب
قلت الحمد لله
أوعى تكونوا مليتوا (:
أحنا لسه مدخلناش فى اليوم (:
يا نهار ابيض يا عم رامى
معلش استحملوا
كلها ساعة و نخلص (:
بس
قمت من النوم و جهزت نفسى و خرجت قبل الميعاد بنص ساعة
أة والله نص ساعة
بس اليوم موصلاته كانت متسهله الحمد لله
جرى لقيت ميكروباس رمانى عند محطة المترو
و مفيش لحظة و المترو جه خد النص ساعة اللى حلتى بس كان سريع يا جماعة
لية يا عم رامى امال انت كنت راكب منين
من عين شمس
طيب (:
بسرعة على المحطة سألت كمسرى لو سمحت القطر اللى بيطلع أسكندرية الساعة 9 الصبح
أنهى رصيف شاور على اللى قدامى جرى بٍسأل هو دة يا جماعة
مكملتش لقيته بيتحرك
نطيت فيه و كملت السؤال قالوا ايوة هو دة اللى رايح الهند
هههههههه
طب الحمد لله
اكمل البوست و لا بتدعوا عليا
تلاقوا الحب الجميل و ريتشاردية و أستاذ محمد
بيقولوا ايه دة كله دة انت مرغتش كدة معانا
(:
معرفش هههههه
المهم هكمل بقى و خلاص
بس أدعوا عليا براحة (:
(:
احنا وصلنا لغاية فيين
هههههههههه
افتكرت (:
المشوار مخدش كتير ساعتين و نص تقريبا
محستش بيهم
بس نزلت و سألت اوصل ازاى القلعة
اتوصفلى
و انا غنيت دى وصفة سهلة دى وصفة هايلة
ركبت ميكروباص أو مشروع بما أن احنا فى أسكندرية (:
نسيت ما اقولكم انا وصلت فى حدود الساعة 11.21
أية الدقة دى يا عم رامى
أية رأيكم بعيشكم اليوم يا جماعة
(:
أتصلت مرتين تلاتة بالنمرة اللى معايا
الهاتف الذى طلبتة مغلق او خارج نطاق الخدمة
عادى مفيش مشكلة
بعد ما وصلت القلعة أتصلت تانى و تالت نفس الست تيجى تقول نفس الكلمتين
بدأ الماوس ينط ينط ينط
و انا اقوله لالالا لالالا
روحت فاتح اللاب و بعت رسالة فى البوست بتاع اليوم
و قعدت شوية
و ابتدت صلاة الجمعة
روحت أتصلت رن التليفون
يااااه أخيرا طيب
ردت عليا الحب الجميل قالتلى ان الميعاد بعد الصلاة
طبعا انا اتأسفت ليها انى أتصلت وسط الصلاة
بس هى قالت لى ميهمكش ما انا فتحته علشان اطمنك
(:
بس أستنيت من حوالى 12.17
لغاية 3.12
هههههههههههه
دقة دقة يعنى مش أى حاجة
طبعا حصل إتصالات بين الساعات دول
بس أنا محاولتش أستعمل فراستى فى التعرف على ريتشاردية و استاذ محمد زوجها
بعد ما استعملتها يوم المستفز حسنى (:
و روحت و سألت واحد تانى بكل جرأة و سعادة أنت حسنى
طبعا الراجل بص بأستغراب
كأنى مباحث (:
أستنيت لحد ما جه التليفون الموعود
و قابلتهم (:
الأول أنا أفتكرت أنهم أخوات بجد شبه كبير بين الحب الجميل و ريتشاردية
طبعا أنا كنت مبتسم جدا
**********
و شفت لولو هى طلعت أكبر شوية عن ما أنا كنت متوقع
نبتدى بمين بقى أأأأأأأه
طبعا صاحبة الدعوة
الحب الجميل و لولو بنتها
مش عارف أقول أية الصراحة زى ما انا كنت متوقع أنسانة ذووق جدا و محترمة فوق الوصف
بنفس أسلوبها الجميل فى بوستتها و تعليقتها
بجد هادية جدا دمها خفيف جدا
لولو بقى يا جماعة بجد بنوتة حكاية (:
هتطلع مدونة من الطراز الأول
لمين يعنى
لمامتها طبعا
بجد شخصية تستحق التعرف عليها بجد
**********
ريتشاردية و زوجها الأستاذ محمد
(:
بجد خفة دم و جدعنة فوق الوصف
الأتنين أصحاب
الله أكبر الله أكبر
ماسك الخشب صدقونى
(:
محسسونيش خالص أن دى أول مرة أشوفهم
كلامهم معايا زى بجد الأخوات و الأصدقاء المقربين
أستاذ محمد بجد يا جماعة لازم المدونين يتعرفوا عليه
شخصية غير معقدة مريحة نفسيا
أنسان مهذب لبق
ريتشاردية هى هى زى المدونة بالظبط
يمكن كان فى مساحة أكبر للتهريج
(:
بجد انا كنت عاوز أتكلم معاهم أكتر وأكتر
بس أنا راجل فاضى
الناس دى معاها مسئوليات
مش كتر خيرهم (:
الناس اللى سمعنا صوتهم و أسعدونا بجد
الشوكة الناعمة
بجد كان نفسى تيجى تغير جو كدة و نشفها (:
و البشمهندزة موجة بين السما و الأرض
اللى كان نفسى تيجى علشان هى تطمن على موجها
و نشفها (:
اللى كان الناس عوزين يكلموه صديقى الصغير سنا كبير مقاما
حسنى أو المدعو مستفز (:
بجد يا جماعة أنسان طيب جدا
بس مردش علينا بس أنا عارف أنه كان فى مشوار
ربنا يوفقه فيه و يكون فاتحة خير ليه
بأذن
مين بقى اللى كان نفسنا كلنا يجوا و يشرفونا
د/ستيتة
اللى بجد كان نفسى أتعرف عليها جدا
ومين يا ترى
فاتيما مامت يوسف
الست الرقيقة و القلب الطيب اللى ريتشاردية قالت عليها أشعار خلتني أعزها أكتر وأكتر وأحزن بزيادةأنها مجتش
بجد يا جماعة أنا شفت أسكندرية بعين تانية خالص المرة دى
كانت جميلة عن كل مرة
مشرقة مبهجة
كانت بجد أسكندرية ماريا
بالرغم من الشمس الحارقة فى القلعة (:
و ناسها طيبين جدا
بجد أسعدونى و فرحونى اليوم دة
أصل أنا فى اليوم دة كملت 31 سنة
ايوة كان عيد ميلادى هههههه
طبعا الحب الجميل و ريتشاردية يقولوا
طب يعنى يا عم رامى مش عيب متقلش كنا عملنا واجب معاك
أرد انا أقول واجب أية بس أكتر من اللى عملتوه بجد أنتوا ناس جدعان و محترمين
بجد ناس مية مية
بس يا رب ميكنش انا ضايقتهم فى أى حاجة و يكونوا انبسطوا زى ما أنا أنبسط جدا
طبعا أنا أتعزمت على البيتزا و على الكافية اللى قعدنا عليه
(:
و حكينا كتير بس فى حاجات كتيرة كنت عاوز اتكلم فيها
بس الوقت كالسيف قطعنا (:
أخدت قطار الساعة 7.20
لحقته و وصلت القاهرة الساعة 10
بعد يوم صدقونى كان ممتع جا جدا
بس كان نفسى ناس كتيرة كانت جت
بس تتعوض مرة تانى

**********************************
علشان كدة انا هأحتفل معاكم بأغنية بس هى أهداء لملاكى
مقدرش أنساها فى أى وقت
كده عدى على حبى ليها اربع شهور
اربع شهور بس ياعم رامى و عامل دة كله
طب أعمل أية يا جماعة
معرفتش أخبى
و هى كمان بتحب كاظم
كل عام وانتى حبيبتى
أقولها لكى على طريقتى


البقاء لله

انا المفروض كنت هأكتب بوست عن يوم اسكندرية

بس فوجئت ببوست عند كيارا

وفاة جدة منى و سارة درويش

البقاء لله

و ربنا يصبرهم

لان بجد سارة و منى من اوائل الناس

اللى افتكروا مناسبة عندى

انا هأكتب البوست بس بكرة او بعده

أمنيات

تنويهات (:

أنا كاتب أمنيات دى من زمان بس زودت عليها حاجات

بالنسبة للأغية طبعا انتوا عارفين انى بحب يورى و بحب سعاد حسنى و بحب ملاكى

اية يا عم رامى هتحب المنتج و المخرج هههههه

كلام الأغنية كله أهداء لملاكى الجميل الرقيق

و تحت الأغنية كاتب خاطرة حبيبتى

كلام مش قادر كنت اقوله او ملحقتش اقوله ليها

معلش يا جماعة بس استحملونى

كتر خيرها هى بقا (:

البوست اللى جى هتحبوه جدا حاجة كدة

VERY LIGHT

*********************************************************


كم تمنيت أن نتكلم كثيرا دون خوف من وقع الكلمات و حروفها ان تجرحنا
كم تمنيت أن تبكى فى أحضانى و تلقى بأحمالك عليا
كم تمنيت أن يكون صدرى هو ملاذك هو حصنك
و أمانك....و وطنك
من غدر الزمان
كم تمنيت أن أكون الصديق قبل الحبيب تحكى لى دون تبرير
دون تجميل
كم تمنيت أن أكون أنا من ينسيكى جراحٍك وألامٍك
كم منيت نفسى أنى وجدت من أفهمه و يفهمنى
كم منيت نفسى انى وجدت من يحتمل سخافاتى
كم منيت نفسى أنى وجدت من أستطيع أسعده
أعطيه كل ما لدى من حب
كم تمنيتك تمنيت الأنسانة داخلك تمنيتك بكل تناقضاتك التى أنتٍ تريها
و ليس أنا..
بكل مشاعرك و أحاسيسك
أ ةةةة أن أمنياتى لا تتحقق أعرف هذا من البداية ولكن كنت احاول
أكسر قاعدت عدم تحقيق أمنياتى
تمنيت أن لا أقتحم حياتك هكذا دون أستأذانك
تمنيت أن أقول أحبك وأنا غير خائف من الرفض
تمنيت أن يكون الرفض بعد معرفتك لى فمن الجائز أكون غيرهم
أم أنا مثلهم
تمنيت بعض الرفض نظل أصدقاء
تمنيت أن أريكى أنى أختلف عن ما حولك من بشر أخرين
غير مبالين
تمنيت أن تعرفى أنى أُبالى بكل ما تقولين أو تفكرين
تمنيت لحظة لقاء ترينى أراكى تًعرفينى
...... و تُعرفينى من أنا
تمنيت أن ترينى وأنا أبكى
بكائى ليس ضعف و لكن لأنكى الوحيدة التى جعلتنى أبكى كثيرا ليس على و لكن على قلبى
لأنه لم يحب غيرك و انتِ تعرفى ذلك
هذا ليس شكوى منكى و لا أستطيع أقول هذا أنتٍ كنتٍ أمينة معى من البداية و لكن هذه شكوى لكى
تمنيت أن لا تكونى سرى تمنيت أن تكونى حبى المعلن
تمنيت أن أقول للجميع أنكٍ ملاكى أنكِ من أحببت
أنكٍ من أستطاع يغيرنى للأحسن للأفضل
أنتِ الأنسانة التى
جعلتينى من جديد.....أنسان




حبيبتى
مش عارف أوصف مشاعرى لحد بس أنتِ أكيد حاسة
حسيت أن أنت فاهمانى
بس عمرى ما كنت أقصد أزعلك و لا أضيقك
كلامنا خلانى يومها معرفتش أنام
بس قريت حاجة أنت نقلاها حيتنى من تانى
خلتنى أحس أنى مش هواجه الناس و خلاص
لا فى حد ساندنى و مستنينى
بس أدينى أشارة
أطمنى أنا عمرى خلاص ليكى و مستنيكى
مهما طال الوقت
مش همل لأن عندى أمل فى يوم تنادينى
عارفة أنا كنت عاوز أتكلم معاكى ساعات و ساعات
مش بس دقايق و خلاص
صوتك لسة فى ودانى
صورتك لسة فى عينى
سلامك لسة فى أيدى
مقدرش حتى أتخيل أنى أكتب لحد تانى
مجنون بقى (:
عاوز افضل أكتب أكتب و الموسيقى اللى بتحبيها فى ودانى
طول العمر
طول ما أنتِ مش جنبى
عارفة كنت بسرق النظرة ليكى
وأنا حاسس بضيقك بغيظك منى
(:
عارف آد تكونى اضيقتى اول ما شفتينى
مش علشانى أنا... علشان مش عارفة الموقف هيكون أية
الكلام هيكون أزاى
(:
بس فرحة قوى لما لقيت نظرة الأرتياح فى أخر اللقاء
نظرة مفهاش عتاب
لقيت أبتسامة على آد ما هى خفيفة
بس عندى كانت كبيرة
كانت معانيها كتيرة
صدقينى مكنتش عاوز أسيب أيدك بعد ما كان حام ليا أنى بس أشوفك
لا دة أنا شوفتك
و كلمتك
و سلمت عليكى
عارفة أنا بكتب و فرحان جدا جدا
مش عارف ليه صدقينى
فرحان يمكن علشان عارف أن أنتِ هتقرى دة
و لا علشان أنا حاسس أنى بأكلِمك
عارفة بحس بالأمان لمجرد
التفكير فيكِ
أرجوكى أطمئنى أنتِ فى قلبى
يا عمرى

عرفت أجابة أزاى


عرفت أجابة السؤال اللى كان محيرك و محيرنى
عرفت ليه روحى أتعلقت بيكى
عرفت ليه كان قلبى بيستناكى
فى كل مرة كنت أقرا كلامك
كنت بلاقى روحى
كنت بحس أنى زى الطفل معاكى
من لهفتى عليكى
كنت بكون فرحان و أنا حاسس بضحكتك
و انا سامعك و انت بتتنهدى
و بستنى أيه هتكتبى
عرفت كمان
أنى لقيت نفسى فيكى
كنت عاوز اكتر من كدة
صديقة ليا أخليكى
الكلام دة مش للناس دة ليكى
مش مشكلة لو قرأوه
بس مش هيفهموه بس هيعرفوا قد أية
فى القلب ليكى
هل أجابتى دى شافية ......
و ترضيكى
*********************
دى أجابة على اللى كتبته فى بوست (بحبك) اللى كان متابع هيفهم جزء
و اللى اول مرة هتكون عادى بالنسبة له




وانا معاكى كنت سأبكى

كانت مشاعرى متضاربة

كنت لا ادرى

أفرح ام أحزن

أفرح للقائك

أم أحزن لعدم وضوح المستقبل امامى

ليس مستقبلى

لان قبلك لم أكن أهتم

كنت سأبكى

أأحسستى بهذا أم لا

لكن لم أفعلها لخوفى على مشاعرك

فظهرت متماسكا

خوفى ألا تقبلى هذه الدموع

لقد قولتى كلمة

لا أعرف أم هى كما سمعت

أم أنا أردت أن أسمعها هكذا

أنت عمرى

قرأت ما كتبتى

أطمئنى أرجوكى

لن أذهب

أبدا

أبدا

بس خلااااااااااص



محمود العسيلى - خايف من بكره
*************************************************************************************
بس خلااااااااص

معدش فى كلام يتقال
معدش فى مبررات
خلص الكلام
*********
بس لية حسيت
انى بقيت
زى اليتيم
انى بقيت...... زى الكلاب
شريد فى الطريق
*******
متقلوش فى فرصة تانى ...هتبان
انا قفلت قلبى بالضبة و المفتاح
*******
يعنى اية ؟؟؟!!!
انتهيت
لا منتهتش بس حب تانى مش هحب
حتى لو ندانى الحب تانى
انا تعبت خالص من الأولانى
من كتر ما كنت عاوز احب
تعبت نفسى وتعبتها
وتعبت الناس
فضلت طاير طاير طاير
لحد ملقتش حد
حد جنبى حد فوقى حد يقولى لأ
لقتنى نازل نازل نازل
لحد ملقيت الارض
لقتها صخر
أْتكسرت
أتكسرت .....جوايا قبل برايا
خلاااااااص خلصت الحكاية
خلصت قبل ما تبتدى
خلصت جوايا ومعايا
حبيبتى
لأخر مرة هقولها
لأنى مش عارف هقولها لمين وأمتى
ده لو عرفت أقولها تانى
*****************************************************************

البوست دة قديم جدا جدا لا يمت للحاضر بصلة

اللى يمت للحاضر هو الأغنية بس

خايف

بجد يا جماعة خايف قوى من اللى ممكن يحصل

ان شاء الله خير

يا رب

على الحجـــــــار - على قد ما حبينـــا


************************************************************************************
الأغنية دى عندى على الجهاز اساسا بس دورت عليها علشان تسمعوها معايا
ممكن تكون مرتبطة بالبوست بتاع أصدقائى المدونين الأعزاء شكرا

بس انا من عشاق على الحجار لان كنت بسمعه من صغرى عند اولاد خالتى

يمكن بحب الحجار علشان سببين

الأول انه بيفكرنى بيهم و بأيام بجد بأحلم أن ممكن ترجع
دة علشان هما هاجروا

هى صحيح الغربة بتبعد قوى كدة الناس عن بعض انا مديهم عذرهم لان انا و أسمى جوا مصر
و غايب عن أهلى و حبيبى

انا بحب مغنين زى منير و أنوشكا و حنان ماضى و عايدة الأيوبى لنفس السبب

و كل فترة كدة هنزل أغنية لحد فيهم و أكتب تحته حاجة كدة مرتبطة بى أو بينا كلنا

السبب التانى

دة احنا نسينا يا عم رامى
(:(: معلش بقى رغاى يا جماعة

انا بحب صوت الحجار جدا بجد ليه أغانى غير طبيعية من ضمنهم اللى انا حططها فى الملف التعريفى بتاعى

لما بسمع اغانى قديمة فى الشغل قديمة بجد كتير
زمايلى يقولولى

أيه يا عم رامى انت طلعت لنا من فيلم أبيض و أسود ولا أية (:(:

بس يمكن يكونوا عندهم حق انا وصغير كنت متخيل ان الدنيا كانت ابيض واسود و اتلونت مع الوقت والتطور
(:(:(:(:

كنت بحب جدا و لازلت الأفلام أبيض و الأسود

لما كنت بشوف صور والدى و والدتى زمان اللى هما متصورنها مع صحابهم كنت بتمنى اعيش الوقت دة

بالرغم انى عارف ان الوقت دة مكنش سهل برضة بس النفوس كانت أصفى

معلش طولت عليكو انا عارف

ارجوان الأغنية تعجبكوا

و معلش للجهاز اللى مش هيقدر يشغلها

و لو حد عاوزها انا ممكن ابعتها له mp3

على الأيميل

يلى بقى أسيب اللى يسمع يعرف يسمع (:(:(:

المنصورة رايح ....جى (:


البوست دة خاص بكتاب زوجى مازال حبيبى

لسمو الأميرة الكاتبة الشابة سارة درويش

بس قبل ما هتكلم عن الكتاب هتكلم عن الرحلة و اليوم بتاع المنصورة

طبعا انا عرفت ان توقيع الكتاب هيكون يوم 6 يوليو مكدبتش خبر ابتديت أسأل زميلى اللى من المنصورة أروح أزاى يا جماعة

حد يسأل طب يا عم رامى أية أهمية الموضوع بالنسبة ليك

ارد علية و اقول لالالالا دة مهم جدا جدا لان بجد انا كنت حابب اقرب من الناس المحترمة اللى بتدون و من ضمنهم طبعا

الأختين الموقرتين منى درويش و سارة درويش

كان نفسى حفل التوقيع دة يكون فى القاهرة مش علشان انا كنت مكسل انى اروح لالا خالص

بس لان انا كنت عارف ان فى ناس كتير من المدونين كان ممكن تروح وكنت ممكن اشوف عدد اكبر

انا شوفت هناك محمد الغرباوى صاحب فكرة بنك دم المدونين شاب ممتاز و ربنا يقف معه

صحيح ملحقتش اقعد معه بس الناس المحترمة بتبان

الرحلة بقى انا عرفت ان المشوار هيستغرق حوالى ساعتين و نص

انا قلت ياض يارامى ميهمش دة مشوار يعتبر فردة كعب لمشوار الأقصر (:

وصلت الحمد لله و ركبت تاكس لحد المكتبة اللى فيها حفلة التوقيع

المكتبة لذيذة جدا و شيك و هادئة و دمها خفيف

ايه يا عم رامى انت هتخطب المكتبة و لا اية (:(:

لالا بس بجد عجبتنى

مكنش لسة حد جة من أصحاب الفرح او الحفلة يعنى (:

كنت متوتر صراحة ناس معرفهمش غير من المدونة ممكن اة بنحترم بعض بس معرفش اية هتكون ردة الفعل

بس مطولش عليكوا استنينا شوية لحد ما ابتدوا الناس تكتر و تهل

و بعدين دخلت سارة و منى طبعا انا شفتهم

و اقول لنفسى ها اروح اسلم و لا أستنى و لا اية بتاع 5 دقايق كدة

فى الأخر روحت سلمت و بجد فرحت جدا من مقابلتهم و وشهم البشوش

طبعا فرحت حدا انى شوفت الأخت منى مدونة واحد شاى

و طبعا سمو الأميرة سارة

بجد شعور ميتوصفش

حضرت الحفلة و المناقشة على الكتابين لان كان فى كتاب تانى اسمه

موس حلاقة .....لشريف شقارية

كتاب جميل انا لسة بقراه

و بعدين سلمت عليهم تانى بعد نهاية الحفلة و اشتريت الكتابين (:(:
***************************************************************************

الكتاب بقى

انا اخترت أغنية بحلم معاك لنجاة علشان تعرفوا مدى المشاعر الحريرية للكتاب

و اللى قرأ الكتاب هيشوف التقارب الكبير بين الأغنية و الكتاب



الكتاب فى مجملة شيىء من الأحاسيس الجميلة اللى مينفعش تتحكى تتحس بس

بالرغم من الكتاب بيتكلم بصيغة البنت لكن ممكن برضة الرجالة يستفادوا منه

كل فصل فى الكتاب ينفع يتحكى فى كتاب لوحدة كل تفصيلة اتكتب بتعبر عن مشاعر حقيقية يقدر اى حد يحس بيها

الكتاب بيخدك كدة لحالة من الشجن و من الحنين علشان تكون دى حياتك مع اللى بتحبة

انا على فكرة مش ناقد صحفى انا بقول اللى بحسة

انا هأكتب بعض الحاجات اللى وقفت عندها

مثلا فى فصل لما لقيتك

فى حتة عجبتنى قوى هى

(عرفت أزاى لما أفرح أنت أول حد يخطر فى بالى و لما الدنيا تضيق عليا انت تبقى البراح .فهمت أزاى الحب بيخلى العشاق مجانين و أطفال و كمان بيخليهم زى الأنبياء....قلبهم أبيض و جواهم غفران وتسامح للكون كله )

انا حسيت دى لان لما حبيت حصلى كده

الكتاب كله عجبنى زى ما قلت بس فى فصول بتأثر فيك زى الحتة اللى انا كتبتها

فى فصول زى

عارف اية يعنى أكون مراتك*

هنا بتشوف مدى افتخارها انها تبقى انت مدام فولان

رقصة سلو*

ازاى ان صوتك بس فى ودانها حتى هى و فى الفرح وبترقص سلو معاك وسط كل الناس مش حاسة غير بيك

لذة طاعتك*

كلمة حاضر ليك غير لما تقولها لأى حد رضى الزوج
اللى برضة ميمنعش ان الزوجة برضة ليها الحق فى دة

هتطلقنى*

طبعا انا شوفت الكلمة جالى هلع (: بجد معقول بعد دة كله
بس قريت و لقيت ان هنا انكار الذات من الأتنين يعدى بيهم فى أعتى المشاكل

مفيش وكيل نيابة*

الغيرة ازاى ان انت تبقى عارف اية العيوب اللى فيك اللى ممكن تضايق بيها حبيبك
كل ما تكون عارف ايه عيبك هتقدر ان انت تسيطر علية و متحسش ان حبيبك ظلمك لما يزعل منك

العيد مجاش*

لأن انت و هى حاسين ان كل يوم مع بعض عيد

بحب الدنيا لما تضيق*

المشاكل ازاى ان المشاكل ممكن تكون سبب فى ان انتم تقربوا من بعض أكتر

فاكر أول مرة*

دة فصل الرومنسية (: الجميلة اول مرة تصلوا مع بعض اول مرة غطتها فيها اول مرة شيلت ابننا

هو أية يعنى الفرق بينك و بين غيرك*

تسألنى كل الفروع المتسلقة فوق الأيام بلا جذور
و لماذا هو؟!!!!
فأجيبهم:لأنه لا يستطيع أن يكون أنتم !

بجد يا جماعة الكتاب يستحق ان انت تقراه

بسيط و لكن دة سر قوته بيكلمك انت مش حد تانى

يارب مكنش طولت عليكوا

طولت حرام عليك يا عم رامى دة انت كنت ناقص و تكتب الكتاب كله

معلش يا جماعة لما تقروا الكتاب هتعرفوا ان دة قليل علية (:

ملحوظة
اللى كتبتة دة اجزاء بسيطة و اللى انا حسيته

لأن فى فصول تانية

لما الشتا يدق الببان



انا مش جى ألومك و لا عمرى انا بس محتاج لك

بجد محتاج لك

ليه بس لما حد يحتاج يتكلم بيدور على حد مش بيسمعه

و فى حد مستنى مستنى بس يبص له

حد مستنى يشيل له كل العذاب

محتاج أنى أشيل عنك

محتاج أنى اقرب منك

محتاج تفتحى قلبك

يمكن يمكن
**********************************
الأغنية دى أهداء ليها و للذكريات

أحب تحسوا بيها

و تسمعوها

أنت ليه مش بتمسك أيدى وأحنا ماشيين فى الشارع

أنا كنت هنزل بوست تانى خالص غير دة بس القصة دى قرتها

فى كتاب أرز باللبن لشخصين

لرحاب بسام مدونة ممكن فى ناس تعرفها و ممكن ناس قرأت القصة

بس هى عجبتنى و انا قلت رأيى فى الأخر
**************************************************

أنت ليه مش بتمسك أيدى و أحنا ماشيين فى الشارع
لأ بلاش أفرضى حد من قرايبك شفنا؟ والا حد من أصحاب أخوكى فى الكلية ؟ إن شاء الله يا حبيبتى بكره نتخطب وأمسك أيدك قدام الدنيا كلها

أنت ليه مش بتمسك أيدى وأحنا ماشيين فى الشارع
علشان مش عاوز حد يفتكر إن علشان أتخطبنا هنصيع بقى ونعيش حياتنا
و بعدين بصراحة كدة أنا مستحرم ..أن شاء الله بكرة نتجوز و أمسك أيدك و أنتى مراتى حبيبتى فى الحلال



أنت ليه مش بتمسك أيدى و أحنا ماشيين فى الشارع
يا حبيبتى أحنا مش مراهقين بقى هنمسك أيد بعض فى الشارع و كده إحنا اتنين متجوزين و محترامين وعندنا بيت نعمل فيه اللى أحنا عاوزين نعمله

أنت ليه مش عاوز تمسك ايدى و أحنا ماشيين فى الشارع
يعنى أمسك أيدك ولا أيد البنت ولا اشيل الأكياس دى كلها

أنت ليه مش بتمسك أيدى و أحنا ماشيين فى الشارع
إيدك أيه بس اللى همسكها دلوقت !
أنتٍ عاوزة جوز بنتك يقول علينا كبرنا و خرفنا؟!

أنا بس كان نفسى تمسك أيدى و أحنا ماشيين ..عادى يعنى..من غير مناسبة أو هدف محدد بس تمسك أيدى ماكنتش عاوزاك تمسكها علشان تسندنى أو علشان أنا مش قادرة أمشى لوحدى مثلا
أو علشان دة الصح اللى مفروض تعمله مع مراتك و هى عيانة
و لا علشان... زى دلوقت.. أنت خايف لو سبتها و قمت هأموت
لأ.....
تمسك أيدى علشان أنت عاوزها تفضل فى أيدك.. بس
**********************************************************
طبعا القصة جميلة زى الكوميديا السوداء
بس فى حاجة هل فى شاب فى مصر كدة قبل الجواز دة بيمسك أيدها على الفاضى و المليان
ممكن دة يحصل بعد الجواز على ما بسمع (:(:(:
بس برضه هنخدها من الجانب الأخر الجانب الأنسانى
أن أنت تكون بخيل فى مشاعرك مع الأنسان اللى هتعيش معاه حياتك
ده أشد أنواع البخل فتكا بالحب
طب يا معلم مش طايق مشيت معاها ليه من الأول مكسوف طب أقعد فى البيت بقى
أنا هنا مش بقول بقى لازم ننحل و نعمل اللى أحنا عوزينه بس المشاعر الطيبة أكيد ليها عامل اكيد مش كل ما هتمسك ايد اللى بتحبه هيكون قصدك مش حلو يبقى أحنا مش بنى أدمين بقى و لا أيه ......
*******************************************************************

ملحوظة برة الموضوع خالص انا مش عارف اقرا اى كتاب من اللى بنزله من على النت مفتقد أنى امسك الكتاب و افضل اقلب الصفحات بجد شعور بيفرق فى القراءة معرفش بس فكرة الالكتب ألكترنيا دى مش دخلة دماغى خالص