على الحجـــــــار - على قد ما حبينـــا


************************************************************************************
الأغنية دى عندى على الجهاز اساسا بس دورت عليها علشان تسمعوها معايا
ممكن تكون مرتبطة بالبوست بتاع أصدقائى المدونين الأعزاء شكرا

بس انا من عشاق على الحجار لان كنت بسمعه من صغرى عند اولاد خالتى

يمكن بحب الحجار علشان سببين

الأول انه بيفكرنى بيهم و بأيام بجد بأحلم أن ممكن ترجع
دة علشان هما هاجروا

هى صحيح الغربة بتبعد قوى كدة الناس عن بعض انا مديهم عذرهم لان انا و أسمى جوا مصر
و غايب عن أهلى و حبيبى

انا بحب مغنين زى منير و أنوشكا و حنان ماضى و عايدة الأيوبى لنفس السبب

و كل فترة كدة هنزل أغنية لحد فيهم و أكتب تحته حاجة كدة مرتبطة بى أو بينا كلنا

السبب التانى

دة احنا نسينا يا عم رامى
(:(: معلش بقى رغاى يا جماعة

انا بحب صوت الحجار جدا بجد ليه أغانى غير طبيعية من ضمنهم اللى انا حططها فى الملف التعريفى بتاعى

لما بسمع اغانى قديمة فى الشغل قديمة بجد كتير
زمايلى يقولولى

أيه يا عم رامى انت طلعت لنا من فيلم أبيض و أسود ولا أية (:(:

بس يمكن يكونوا عندهم حق انا وصغير كنت متخيل ان الدنيا كانت ابيض واسود و اتلونت مع الوقت والتطور
(:(:(:(:

كنت بحب جدا و لازلت الأفلام أبيض و الأسود

لما كنت بشوف صور والدى و والدتى زمان اللى هما متصورنها مع صحابهم كنت بتمنى اعيش الوقت دة

بالرغم انى عارف ان الوقت دة مكنش سهل برضة بس النفوس كانت أصفى

معلش طولت عليكو انا عارف

ارجوان الأغنية تعجبكوا

و معلش للجهاز اللى مش هيقدر يشغلها

و لو حد عاوزها انا ممكن ابعتها له mp3

على الأيميل

يلى بقى أسيب اللى يسمع يعرف يسمع (:(:(:

37 التعليقات:

  الحب الجميل

الثلاثاء، 13 يوليو، 2010 2:43:00 م جرينتش+3

اغنيه جميله يا عم رامى

تعيش وتفتكر ذكرياتك الجميله

ربنا يرجع الغايب

دمت بخير

  mrmr

الثلاثاء، 13 يوليو، 2010 2:43:00 م جرينتش+3

على قد ما حبينا وتعبنا فى ليالينا .....

ما احلى الحياه باصحابنا واهالينا ...

لو ممكن تطير احزان الحبيب
شمس الحب تطلع من بعد المغيب
بس انت امانينا تيجى وتدفينا
ليه ما تكنش ذكرى لليله الجميله
ليه متكنش غنوه للرحله الطويله

يا سلام يا رامى بجد انا بعشقها وبعشق على الحجار
بالرغم من انى ماليش قوى فى الاغانى لكن فى اغانى بتسيب بصمه وذكرى على قلبى وعلى الحجار من الاشخاص الى بحب اسمعهم وغيرهم مثل ام كلثوم واسمهان وعبد الحليم يمكن اكون قديمه شويه لكن هما دول اللى بحس بيهم قوى وبحس ان ده الطرب الاصيل ونادر لما اعرف المطربين الشبان
بجد اختيار موفق يسلم ذوقك
ربنا يسعد اوقاتك ويحافظ عليك

  Sharm

الثلاثاء، 13 يوليو، 2010 2:50:00 م جرينتش+3

كانت ايام جميلة ..
يا ريتها ترجع تاني ..

على فكرة انتم في مصر حاسين بالغربة اما احنا فبنحس اننا في قلب مصر و مصر في قلبنا ..

  ريحانة الاسلام

الثلاثاء، 13 يوليو، 2010 2:55:00 م جرينتش+3

كنتم من الحنين الى الماضى
...^_^
الماضى حلو اوى وكان فيه حاجات
جميلة اوى مش موجودة دلوقتى
بس لو تأملنا شوية
هنلاقى كل زمن ليه جماله
وان احنا بعد 30 سنة هنقول ياااااه
قول للزمان ارجع يا زمان
..احلى حاجة ان الواحد يستمتع بالحاجة
اللى معاه دلوقتى
ويحب الناس اللى حواليه فى حياته
..لان كل انسان لينا ليه زمنه الجميل
..وبوست جميل
ودمت متألقا

  Ramy

الثلاثاء، 13 يوليو، 2010 2:58:00 م جرينتش+3

مرمر

بجد على الحجار من المغنين اللى بيأثروا فيا جدا

و لا قديمة ولا حاجة امال لو شفتى الجهاز بتاعى بقى

انا من ايام الفراعنة (:

بس طبعا اللى يشوف يورى مرقدى عندى يقول دة مش قديم خالص بس يورى دة حالة خاصة جدا بالنسبة ليا (:

الحمد لله ان الأغية عجبتك (:

الله يخليكى

بس فين زيارة العيد ها (:

ربنا معاكى و كل سنة و كل الناس طيبة

  Ramy

الثلاثاء، 13 يوليو، 2010 3:02:00 م جرينتش+3

الحب الجميل

الحمد لله ان الأغنية عجبتك

الله يخليكى و ربنا ير جع الغايب (:

دمتى فى حفظ الحمن

عارف غشاش (:

بس غش حميد(:

نورتينى

  Ramy

الثلاثاء، 13 يوليو، 2010 3:08:00 م جرينتش+3

sham

اة والله يا دوك يا ريت ترجع

انتم ؟؟؟!!!(:(:

بس لو زى ما انا فاهم

لالالا خالص صدقنى او بالنسبة ليا انا على الأقل

نورتنى يا دكتور (:

  Ramy

الثلاثاء، 13 يوليو، 2010 3:12:00 م جرينتش+3

ريحانة الأسلام

كلامك مظبوط

الله يخليكى

زيارتك هى الأجمل

شرفتينى و نوتينى (:

  اميرات الاسرار

الثلاثاء، 13 يوليو، 2010 3:22:00 م جرينتش+3

الله يااستاذ رامى
جميله جدا وكلماتها حلوة اوى

تسلم ايديك والله

زهراء

  Ramy

الثلاثاء، 13 يوليو، 2010 3:25:00 م جرينتش+3

أميرات الأسرار

الله يخليكى (:

الحمد لله انها عجبتكم

زهراء

شرفتينى (:

  Sharm

الثلاثاء، 13 يوليو، 2010 3:27:00 م جرينتش+3

رامي ,, انت فهمت ايه ؟؟
لالالالالالالالالالالالالالالالا اوعى تكون فهمت اللى انت تقصده , انا قصدي حاجة تانية خالص

علينا احنا كلنا يعني ,

انا عايش برة
انتم عايشين جوة ,, قصدي في مصر يعني !

انتم يعني انت و صحابي و قرايبي و باقي المصريين اللي لسة مطلعوش برة !!

  mrmr

الثلاثاء، 13 يوليو، 2010 3:32:00 م جرينتش+3

اه انت كده داخل على طمع
طيب ادى يا عم رامى كليو كباب وكفته هديه العيد
مرضى يابا
بالهناااااااااا

  Sharm

الثلاثاء، 13 يوليو، 2010 3:37:00 م جرينتش+3

انا قريت تعليقي تاني .. اقصد احنا كمغتربين برة مصر

  Ramy

الثلاثاء، 13 يوليو، 2010 3:39:00 م جرينتش+3

sharm

طيب بس بجد فى جميع الحالات انا بحبها برغم كل شيىء

اوعى تكون تفتكر انى بزعل او افتكر اى تفكير سلبى فى اللى بحبهم و اعزهم

لالا خالص

يا دوك انتم فى قلبى (:

بس يعنى انت مش عايش فى مصر و لا أية (:

نورتنى يا دوك

  Sharm

الثلاثاء، 13 يوليو، 2010 3:41:00 م جرينتش+3

انا مهاجر يا رامي و ربنا يقدرني و ارجع

  Ramy

الثلاثاء، 13 يوليو، 2010 3:55:00 م جرينتش+3

sharm

ترجع بالسلامة بأذن الله

(:

  Ramy

الثلاثاء، 13 يوليو، 2010 3:58:00 م جرينتش+3

مرمر

(:

شفتى كيلو الكباب و الكفتة فرحونى ازاى (:(:(:

تعيشى لكل سنة

(:

  richardCatheart

الثلاثاء، 13 يوليو، 2010 5:59:00 م جرينتش+3

ياااااااااااااااه ايه دا يارامى

قديمه اوى دانا كنت صغيره واخويا الكبير كان بيسمعها

بس انا معاك فى موضوع انها بترجعنا لايام جميله
ومعاك فى موضوع الابيض والاسود بردو ههههههههههه
بحب القديم بس مش كله طبعا

انا بحب حاجات للحجار مش كله صراحه وللاسف لما كبر صوته مابقاش زى الاول هو والحلو

بس موتتتتتتتتتت فى مدحت صالح الحقيقه

الاغنيه دى للحجار بحبها كانت وقتها من الالحان الخفيفه اللى كنا بكررها بسهوله وكلامه حلو

تحياتى على البوست والاختيار يارامى
ويارب تتجمع انت وكل حبيبك على خير ان شاء الله

  مصطفى محمود

الثلاثاء، 13 يوليو، 2010 6:15:00 م جرينتش+3

مع انى مش محبين الحجار اوى ...بس انا بموت اوى فى الابيض والاسود والزمن الجميل دة ... ودايما بحس لما بسمع اسمهان وعبد المطلب و ام كلثوم انى جاى من عصر تانى لان فين وفين لا حاجة بتعجبنى من الجديد دلوقتى

  sony2000

الثلاثاء، 13 يوليو، 2010 8:45:00 م جرينتش+3

اول مره اسمعها
بس حلوه
شكرا ليك:)

  سمع هوص (Abo 3li)

الثلاثاء، 13 يوليو، 2010 10:29:00 م جرينتش+3

:D

  غير معرف

الثلاثاء، 13 يوليو، 2010 11:06:00 م جرينتش+3

ازيك يامان ....انا رامي
عارف ياض رغم ان صادقتنا عمراها ما يقرب من عشرين عام
لاكن لما بقرآ في المدونة بحس انك انسان تانى انا ماعرفوش .. لاكن
لما اقرآ مرة تانى بقول لا هو ...الغربة صعبة آسئل مجرب ...
أغنية جميلة يامان و بقي اظهر يا واضي عشان واحشني
يلا سلام ربنا معاك

  Ramy

الأربعاء، 14 يوليو، 2010 1:27:00 ص جرينتش+3

ريتشاردية

ازيك (:

ما انا كبير برضة (: مش صغير زى ما قلت كنت بسمعها عند اولاد خالتى الكبار

الله يخليكى دة من ذوقك(:

شكرا على الدعوة الجميلة دى

نورتينى (:

  Ramy

الأربعاء، 14 يوليو، 2010 1:30:00 ص جرينتش+3

مصطفى محمود

انا برضة مكنتش بحب الحجار بس لية أغانى بتأثر فيا

و انا بحب الناس دى جدا

بيحسسونى قد اية الدنيا كانت قد اية جميلة (:

شرفتنى (:

  Ramy

الأربعاء، 14 يوليو، 2010 1:32:00 ص جرينتش+3

sony2000

الحمد لله انها عجبتك (:

انا اللى بأشكرك

شكرا للمتابعة و التعليق (:

  Ramy

الأربعاء، 14 يوليو، 2010 1:33:00 ص جرينتش+3

أبو على (:

افهم اية بقى انا ):

شكرا على المتابعة (:

  Ramy

الأربعاء، 14 يوليو، 2010 1:37:00 ص جرينتش+3

ابو رامى

ازيك يا بويا

شوفت يا عم رامى انا بقى غير العالم اللى ورايا دول خالص (:

لا هبان حاضر يا باشا

و احترمنى ياض انت فى مدونتى (:

يلا تصبح على خير

  ساسو

الأربعاء، 14 يوليو، 2010 10:03:00 ص جرينتش+3

بجد اغنيه في منتهي الرقه والجمال
وبجد زمن الابيض والاسود يجنن
انا بحب الافلام دي اخر حاجه
ومش عيب ان الواحد يسمع او يشوف ابيض واسود
لا دا بالعكس فيهم ناس كتيره اوي بيتقلدوا من شباب دلوقتي
ودا يدل انهم مش بيتنسوا
وانهم الاوائل في كل شئ
بجد زوقك جميل جدا يا رامي
دايما يارب من تألق لتألق

  ELMOSTAFZ

الأربعاء، 14 يوليو، 2010 1:18:00 م جرينتش+3

و الله يا رامي مواليد التسعينيات اللي زيي ميوعوش ع الأغنية دي ، أو يمكن أنا اللي موعيتش عليها لوحدي :)
أنا أكتر أغنية بتفكرني بزمان ضحكة عيون حبيبي لعمرو دياب ، و بيني و بينك الواحد زمان مكانش ليه إرادة في الأغاني اللي بيسمعها ، يعني بيتهيألي لولا ان اخواتي كانوا بيسمعوا عمرو دياب مكنتش سمعتله و حبيت أغانيه ، بس جايز محمد منير هوا أكتر واحد حبيت أغانيه و اخترتها بنفسي بعد كده...
موضوع الأغاني القديمة ميكفيهوش بوست لوحده ، دايما بتلفت نظري يا رامي لحاجات تايهة عني خالص و نسيتها من زمان :)
تحياتي لييييييك...

  Ramy

الأربعاء، 14 يوليو، 2010 2:28:00 م جرينتش+3

ساسو

اخبارك اية (:

كويس أن أختيارى عجبك (:

الله يخليكى يا ساسو انتى اللى أنسانة جميلة و متألقة (:

نورتينى

  Ramy

الأربعاء، 14 يوليو، 2010 2:34:00 م جرينتش+3

حسنى

بأمانة وحشتنى جدا جدا

ازيك (:

لالا دة انت لازم تسمع الناس دول و فى شوية مغنين بجد يستحقوا يتسمعوا

و على رأيك الأغانى القديمة ميكفيهاش بوست واحد

بس على فكرة دة بوست زى ذكريات كدة

لالا مفيش حاجة تايهة عنك بس انت مشغول شوية مع أحمد سامى (:

متغبش كدة (: لو سمحت (:

نورتنى يا عسل (:

  wasf_elahsas

الأربعاء، 14 يوليو، 2010 9:59:00 م جرينتش+3

ياااااه علي الحجار
هو انا معرفش الاغنيه ال بتقول عليها ومش فتحت عندي
بس هو له اغاني حلوة زي اغنيه عارفة جميله اوي
ياااااااااه تعيش وتفتكر
تحياتي

  أحمد شريف

الخميس، 15 يوليو، 2010 12:36:00 ص جرينتش+3

يا سلام عليك يا رامي
عارف أنا كمان أحب صوت الحجار وله مجموعة له ذكريات كثيرة معي .. منها : مجموعة أغاني ذئاب الجبل هههههههه
والنسر المصري شق السما ههههه
أكمل ولا لأ (:

لكن بصدق له أغاني أخرى رقيقة وحالمة أحبها له كثيرة بالفعل

تسلم يا رامي

  Ramy

الخميس، 15 يوليو، 2010 1:04:00 ص جرينتش+3

wasf-elehsas

بس بجد دى جميلة جدا لو قدرتى تسمعيها مش هتندمى (:

عارفة دى أغنية الكارت التعريفى بتاعى (:

الله يخليكى

شكرا ليكى نورتينى

  Ramy

الخميس، 15 يوليو، 2010 1:15:00 ص جرينتش+3

احمد الشريف

صديقى العزيز

مدونتك صدقنى تكمل زى ما تحب بس النسر المصرى ههههه

انا بحب الحجار بس اغانى معينة مش الكل

الله يسلمك يا حبيبى

  دموع القمر

الخميس، 15 يوليو، 2010 1:37:00 ص جرينتش+3

تسمى وادخل برجلى اليمين :):)
ازيك يارامى
انااول مارجعت قولت لازم اجى اسلم على المدونين اللى كنت بحب اتابعهم
مش عارفة بقى الذاكرة هتجيبنى ولا ايه النظام
كنت هنا من قرابة 6 اشهر :( :(

تحياتى :)
يارب تتقبل مرورى وتشرفنا كدا دايما

  Ramy

الخميس، 15 يوليو، 2010 3:49:00 ص جرينتش+3

دموع القمر

انا المد لله شكرا

انا فاكرك على فكرة

بس انتى جيتى من قريب مش من بعيد قوى كدة

تشرفينى فى اى وقت

شكرا لتذكرى و مرورك الجميل (: