أصدقائى المدونين الأعزاء شكرا





فى البداية أنا عارف أن فيه ناس كتير من اللى هكتب عنهم مش هيشوفوا البوست دة بس لازم أذكرهم لأنهم أثروا فيا
انا بتابعهم و هما لأ.
بس عمرى ما زعلت ممكن اكون اتقمصت بس عمرى
ما زعلت (:
طبعا أنا مش عارف أبتدى منين الحكاية (:(:
بس هبتدى من الأول قوى خالص(: بس متظهقوش (:(:
أنا دخلت عالم التدوين و أنا مش دماغى أساسا أنى أدون و لا أكتب و أنى أقول خواطر
دخلت بجد أدور على حد يسمعنى و أسمعة
البداية كانت فى مدونة ميهمناش اللى انا دخلتها بمحض الصدفة
اللى لو كان الشخص اللى بعتلى دعوة للأنضمام كان ركز شوية يمكن مكنش بعتلى مش علشان حاجة علشان ميعرفنيش قوى مجرد كلام عادى
متقلوش زينا كدة لان بجد احنا اتكلمنا مع بعض كتير جدا فى البوستات
بتاعت كل واحد فيكوا
و ردودكوا
المهم عرفت هناك ميرا (وومن) و مدونتها ميرامار
وأبتديت أتابع مدونتها و بعد كدة مدونة أيام وبنعشها اللى ليها الفضل
انها نشرت ليا اول حاجة كتبتها بجد ميرا من الشخصيات الكويسة جدا جدا
على رأيها امراءة بعقل رجل (:
و معاها توفى اللى مش بتظهر غير كل فين وفين (:
بس بتكتب بوست يخليك تكتب تكتب و تكتب (:
بالتوازى مع هذه الأحداث كنت عرفت يوسف مدونة أثمن اللألىء و ميرا اللى عرفتها برضة فى ميهمناش بس MIRA4HELP
أتعلمت هناك أزاى أرد بطبعتى شوفت و قريت حاجات كتير جدا
أتعلمت منها
ناس كويسة جدا جدا
**************
هنا لازم أذكر السبب الأساسى اللى خلانى أفتح مدونتى
فتحتها لأنى حبيت لأن حسيت أن ممكن أكون لقيت النص التانى بتاعى
بس هقول ملاكى زى ما انا كاتب فى بوستاتى
صحيح محصلش نصيب بس عمرى ما هلومها
لأن انا اللى مكنتش بسمع
ممكن تقروا أية ياعم هتفهموا
بوست روحى بتكلمنى
طبعا محدش يدور (: لأن هى مش من متابعينى و لا أنا ضايفها عندى
بس دة شيىء أساسى الصبح أفتح مدونتها
وأعرف الجديد وأعلق (:
بجد يا جماعة أنا عمرى ما هفتكرها إلا بالخير هى سبب أساسى أنى عرفتكم
*******************
نرجع بقى تانى لميرا (وومن ) عن طريقها أنا عرفت
صيدلانية طالعة نازلة (:
دكتورة علا
من الشخصيات الصعيدية الجدعة دة طبيعى جدا يا جماعة صعيدية (:
بس أهم حاجة تبقى مبسوطة مننا و من المدونة الجديدة
على فكرة أنا جزء كبير منى صعيدى لظروف التنشئة (:(:
*************
و عرفت أختى العزيزة اللى خلتنا كلنا بنحب الشاى

مدونة واحد شاى
المدونة اللى بحب أدخل عندها علشان أسمع الأغانى اللى بتحطها
أختيارا ت فى الجون (:
بجد بحس أنى فى مدونتى
المدير العام أستاذة منى (:
اللى بجد كل ما أدخل عندها لازم أشرب شاى
بس لو تغير نغمة التعليقات (:(:
ياااااارب تحقق ليها كل اللى تتمناه و تقف معاها دايما
وتكون قدمها فى طريقها
قولوا أمين
**************
أية يا عم رامى هو انت متعرفش غير مدونات
ليس هناك مدونين (:
أزاى بس يا جماعة أمال سمع هوس بيعمل اية
أبو على علاقتى بيه كانت لا تتعدى التعليقات بس مؤخرا رضى عليا (:
ضافنى عنده و كمان بقى يعلق عندى
هو اللى عرفنى على تييييت راديو
حقيقى راديو جامد جدا يا جماعة
هما غيروا فيه كتير و هيعملوا تيييت TV
******************************
نيجى بقى لأستاذتى الفاضلة اللى عملت ليا مفاجئة جميلة جدا و لقيت لها تعليق على البوست اللى فات
دكتورة ستيتة حسب الله
علشان لما بدخل مش عارفة .... و نفسى أعرف
بحس أنها عارفة بس مدكنة (:(:(:
طبعا هى غنيه عن التعريف
*********************************************
و طبعا أستاذة فاتيما مامت يوسف (:
يوسف اللى حبناه منغير منشوفه (:
*******************
ساسو صاحبة مدونة تأليف وأشعار صديقتى الصغيرة سنا كبيرة المقام
ربنا معاها فى الأمتحانات
****************
هوبتى.أنا عاوزة أخلع مدونة لها مذاق خاص جدا بحس انها تعرفنا كلنا من زمان
أردنية بدماغ مصرية جدعة ربنا يرجعها بالسلامة
و يوفقها (:
************************
الثنائى الرهيب جدا يا جماعة اللى يارب ربنا ميفرقهم أبدا
مين يا ترى دول ......
طبعا لولا و زهراء(:
مدونة بالحب أتجمعنا و مدونة بيتنا
بالرغم أنى لسة عارفهم بس بجد يخلوك تندمج مع جو المدونة بدون متحس انك لسة تعرفهم محترمين جدا دمهم خفيف جدا
ربنا يحفظهم يا رب
********************
*محمد فؤاد عمود نور لك تحياتى لديك مدونة مميزة
**********
*بنت خيخة اللى مش خيخة (: و مش أى كلام خالص بس بتضحك علينا
********************
*داليا ذات خفة الظل (: الأحلام المستحيلة والضائعة اللى يارب تلاقيها بقى
****************************
*تيرز اللى بجد بنت بمية راجل أرئها القوية و الرائعة تجعلك تخلع لها القبعة
*****************************
*هدى شتى الياسمين انا عارف انها متعرفنيش غير من التعليقات و متعرفش اسم مدونتى يمكن معرفش بس مدونتها ليها وقع خاص فى نفسى لا أعرفه يمكن موضوعاتها التى دائما ما تمسنى ارجو لها التوفيق
***************
الحب الجميل اللى عندها كنز اسمه لولو بنتها ربنا يخليهلها و تفرح بيها (:
و ياريت ترجع اللى كان فى المدونة ها (:(:(:
**************
المستفز اللى عامل نفسه مستفز وهو جميل جدا
اللى بيسمع اللى بسمعه و طلع دماغة زى دماغى بس يارب حظه يكون احسن منى و ربنا يوفقة فى الكلية و فى حياته
و يبقى كاتب كبيييييييييير و بعد كدة نيجى نكلمه
مش فاكركوا يا جماعة هههههههههههههه
*****************************
أساتذتى الكرام
أستاذ فاروق بن النيل
المهندس على يونس
اللذين أتعلم منهم
***************************
أستاذى
توفيق التلمسانى اللى بجد بتناقش معاه و انا حاسس انه عمره ما هيزعل و هيعلمنى أكتر وأكتر
مدونة مرصد المدونات العربية
******************
أخويا العزيز أحمد الشريف الأنسان النقى من جوه جدا
مدونة أحمد الشريف
**************************
صديقى مادو مدونة عرب زون
طبعا فى مدونات كتير بتابعها حتى لو هى مش بتابعنى
كل المدونات الموجودة فى المتابعة لها قدرها عندى و داخلى
من الشخصيات اللذيذة جدا دكتور أحمد SHARM
طالبة مقهورة ....درجة أولى
أعقل مجنونة
رسالتى
قلب قطة أو ريتشاردية المؤنث لريتشارد (:(:
جارة القمر
تخاريف هنونة
قلب أحمر
MRMR مدونة أبتسامات
بنوتة لاسعة أخت أستاذة منى
مؤلفة كتاب زوجى مازال حبيبى
يا جماعة هفوت على مدونة مدونة اللى مش شارى الكتاب هيدفع
أجرة سفر طنطا (:(:
يعنى انت اشتريتة يا عم رامى لسة بس بأمانة أنا لسة منزلتش أجازة
بس صدقونى بأمانة أول ما هنزل القاهرة هروح أقرب حتةفيها الكتاب
و هجيبة و هعمل منه بوست أهداء
*************
الثنائيات الجديدة
*بنت وولد مدونة جميلة جدا
*مدونة قلبى .......توتا و حسام (: لكم تحية خاصة من القلب
*******************
أرجو من المدونات التى لم أذكرها العذر
لم يكن عن قصد
فأرجو تقبل أعتذارى
*************
لية أنا عملت البوست القصير دة (;
لان بعد ما انا حسيت انى مش هعرف أكتب تانى لقتنى بكتب
لأنى كنت بأكتب ليها بس و عنها و مكنتش عارف هقدر أكتب حاجات تانى ولا لأ أنا لسة فيها حاجات عنها لسه معرضتهاش
بس هعرضها
أنتوا اللى خلتونى أهزم الحزن
صدقونى انتم فى قلبى زى الصورة اللى فوق تمام
بأمانة
أصدقائى المدونون الأعزاء شكرا(:(:

75 التعليقات:

  Sharm

الأحد، 27 يونيو، 2010 12:47:00 ص جرينتش+3

انت الالذ يا

يا ساااااااااامي !!!

  داليـ ـ ـ ـ ـ ـ ــــا

الأحد، 27 يونيو، 2010 12:55:00 ص جرينتش+3

إحساسك عالى أوى اوى ياأستاذ رامى

عنجد
أنا عاجزه حقيقى على الرد عليك
بس هقلك يارب منتحرمش من مدونتك دى ودايما يارب متجمعين عندك فيها علطول على الحب والخير
قووووووول اللهم امين

ودايما فى وسطنا ومنورانا علطول يارب

وانشر اى حاجه تعجبك اى ان كانت اى كلام نفسك تقوله واحنا معاك وجنبك وهنسمعك
بس عالى صوتك عشان نسمعك
هههههههههه ماشى

نفسى اقول كلام كتير بس حقيقى عاجزه قصاد إحساسك الجميل ده

لك أرق أرق تحياتى

  Ramy

الأحد، 27 يونيو، 2010 12:57:00 ص جرينتش+3

شارم

دكتور أحمد

صدقنى انت شخصية جميلة جدا

انا عارف مدتكش حقك فى البوست انا عارف

بس أية سااامى دى أة يبقى زعلان (:

شكرا يا دوك

بس متزعلش بقى انا مش عاوز البوست دة يبقى سبب لزعل ناس

  hana

الأحد، 27 يونيو، 2010 12:58:00 ص جرينتش+3

ياربي دة إحنا اللي شكراً بجــد على المشاعر الرقيقة
اللي جوا سطورك دي حقيقي
وعلى الإحساس الجميل بالصداقة والأصدقاء
عارف لو مكنتش شوفت إسم مدونتي هههههههههههه
كان طاخ طاخ طاخ ههههههههههه

لا بجد أنا سعيدة جداً أنه إسم مدونتي من ضمن الأصدقاء
وبحقيقي مدونتك جميلة وتدويناتك لها مذاق كدة مختلف
كنت أتمنى أكون عرفتها من زمااان بجــد
لكن ملحوقة :d

بحقيقي كم المشاعر النقية ومحكاة الذات وروح الصداقة والأخوة بين الحروف
محتاجة مليون كلمة شكر تنكتب ومليون باقة ورد جنبيها

هنأ

  داليـ ـ ـ ـ ـ ـ ــــا

الأحد، 27 يونيو، 2010 12:58:00 ص جرينتش+3

بالنسبه للأحلام المستحيله والضائعه

ودعوتك اللى يارب الاقيها
يااااااااااااارب يسمع منك
ايوه كده خليك معايا على الخط وادعيلى كده
هههههههه

خفة الظل بقه
ده والله حقيقى من زوئك العالى

ربنا يعزك يارب

  Ramy

الأحد، 27 يونيو، 2010 1:06:00 ص جرينتش+3

داليا

الكومنت الأول (:

أمين يارب أنا اللى متحرمش منكم بجد صدقينى

حاضر هعالى صوتى (:

صدقينى يكفى ان انا قدرة اوصلكم قد اية بعزكم

بجد كان نفسى اكون فى مكان قريب من الناس الجميلة دى

داليا

الكومنت التانى (:(:

يااارب ياااا رب تلاقى احلامك و تحقيقها كلها يا رب

ربنا معاكى ويوفقك دائما

  Ramy

الأحد، 27 يونيو، 2010 1:12:00 ص جرينتش+3

hana

وأنا أقدر أنسى (:(:

بس بجد انا خايف اكون نسيت حد يارب ما حد يزعل

انا كان لايمكن هطلع اى كلمة لو مكنتش حاسس دة منكم فى الأول

انتوا بماشاعركم الجميلة خلتونى أكتب ده

متشكر جدا جدا جدا ليكى

  توفيق التلمساني

الأحد، 27 يونيو، 2010 1:13:00 ص جرينتش+3

شكرا رامي على الإهداء و شكرا لأنك سمحت لي بالتعرف على هذه الكوكبة من المدونين و المدونات.

شكرا

  أتنين حبيبين

الأحد، 27 يونيو، 2010 1:13:00 ص جرينتش+3

رامى بجد مش عارفه اقولك ايه
اناعاجزه عن الشكر
اخجلتنى برقة وعذوبة اسلوبك الراقى

  فاتيما

الأحد، 27 يونيو، 2010 1:16:00 ص جرينتش+3

يا لهوتينىىىىىىى

دنا اسمى مكتوب انا و يسوفة كماااااااان

انا بجد ممتنة ليك يا رامى
و كام مرة اقولك
احنا اخوات يا جدع
و ربنا يديم الود و يكبره و يزوده
و اكتب و احنا هنسمعك
زى منتا قربت مننا و بتسمعنا

تعرف كلامك دا
فكرنى بنفسى
اول ما عملت المدونة القلوب حاوطتنى كدا
و حسستنى ان الدنيا لسه بخير قوى

و كل مرة بكتب بوست يخ المدونين
ببقى حاسة انى بكتب عن حد من اهلى
العيلة الكبيرة الواسعة اللى ربنا كرمنى بيها من غير معاد و لا تخطيط

البوست بتاعك كله رقة يا رامى
مش بقولك انك شخص مميز بجد
و يشرفنا نعرفك ؟!!

كل الود ليك

  أتنين حبيبين

الأحد، 27 يونيو، 2010 1:17:00 ص جرينتش+3

انا اللى بشكر الظروف اللى جمعتنى بيك ياقمر انت ومبسوطه وفرحانه لانك اول حد يسئل عنى انا وحسام بكل بوست

ودايما سابق للخير

  أتنين حبيبين

الأحد، 27 يونيو، 2010 1:21:00 ص جرينتش+3

وأنت كمان فى قلبنا اقسم بالله وبنعزك وبنحترمك اوووى
وحضرتك من الشخصيات النظيفه القليله بعالم التدوين
لانى مدونه من زمان ودى مش اول مدونه اعملها عملت كتير اووى وعرفت الحلو والوحش وانت من الناس اللى فوق الراس ويعلم ربى
ربنا يسعدك يارب ويبعد عنك اى حزن ويعوضك خير يارب
واحنا هنا اسره واحده وجنب بعض وعمرنا ما هنفترق وهنساند بعض على طول على طول
بتمنالك حياة سعيده وان شاء الله اللى جاى اكيد احسن

توتا

  سمع هوص (Abo 3li)

الأحد، 27 يونيو، 2010 1:23:00 ص جرينتش+3

هوص هوص... مش هوس... هههههههههههههههههههه...
احنا صعايدة يابووووي... لو سمعوك بتقول هوس دي هيولعو فيا.. ههههههههههههه...

يباشا الشرف ليا طبعا اني عرفتك وكلمتك.. ربنا يخليك ويكرمك...

تحياتي ياأبو رامووووو...

  ستيتة حسب الله الحمش

الأحد، 27 يونيو، 2010 1:26:00 ص جرينتش+3

انا الشكر ده بيعمل لي زغزغة في عينيا وتخدير في مفاصلي :)
سيبك انت
ممكن تعض لي الواد القمر اللي قاعد متسلطن فوق ده
اصل انا من هواة عض الأطفال النونو الحلوين

تحياتي يا رامي

  أحمد شريف

الأحد، 27 يونيو، 2010 1:26:00 ص جرينتش+3

تكرم يا رامي
أنت إنسان نبيل وأنا أقدرك كثيراً
أشكرك ودامت المودة بيننا بإذن الله

  mrmr

الأحد، 27 يونيو، 2010 1:28:00 ص جرينتش+3

رامى قد ايه مشاعرك جميله تجاه الاشخاص اللى بتحبهم
ربنا يديم الحب فى قلبك
ونفضل يارب كده على صله ببعض كلنا
على فكره معظم اللى ذكرتهم دول انا برضه بتابعهم وبقرا كل بوست ليهم مش بالضروره اكون علقت على كل بوست لكن انا بحبهم قوى وبحب اقرالهم

يارب ما يحرمنا من كتباتك ولا تعليقاتك
لك كل تقدير واحترام
ربنا معاك ويحافظ عليك

  لـــولا وزهـــراء

الأحد، 27 يونيو، 2010 1:28:00 ص جرينتش+3

الثنائى الرهيب جدا يا جماعة اللى يارب ربنا ميفرقهم أبدا
مين يا ترى دول ......
طبعا لولا و زهراء(:
مدونة بالحب أتجمعنا و مدونة بيتنا
بالرغم أنى لسة عارفهم بس بجد يخلوك تندمج مع جو المدونة بدون متحس انك لسة تعرفهم محترمين جدا دمهم خفيف جدا
ربنا يحفظهم يا رب
" سامي لجد انا فرحانة جداا بكلامك الجميل ده عننا :">
فخر لينا ان شخصية محترمة زي حضرتك تجيب على لسانها كلام عننا انا وزهراء لا وايه 7 سطووووووووور ياعااااااااالم بحالهم :) بجد بجد ربنا يعزك..حضرتك شخصية محترمة جدا مؤدبة جدا فنانة جداَ احساسها بالشغل عالي قوي احساسها باللي حوليها كبييييييييير
ربنا يسعدك بكل خير

لــولا

  Ramy

الأحد، 27 يونيو، 2010 1:33:00 ص جرينتش+3

أتنين حبيبين

لا بأمانة انا خرجت كل المشاعر اللى كانت محبوسة جوايا

صدقينى انا بأشكر الظروف اللى خلتنى أعرف كل الناس دى بجد

و طبعا انا قصرت معاكم فى البوست انا عارف (:

معلش اسف

  Ramy

الأحد، 27 يونيو، 2010 1:36:00 ص جرينتش+3

أستاذى

توفيق التلمسانى

صدقنى حضرتك انا معمريش أتكلمت فى اى سياسة او أراء بحرية كدة غير معاك
مش خوف الحمد لله

بس ملقتش عقلية ممكن تتحمل صيغة الحوار

الشكر لحضرتك لان مدونتك شيىء انا افتخر انى بأكتب فيها

شكرا ليك(:

  Ramy

الأحد، 27 يونيو، 2010 1:43:00 ص جرينتش+3

أتنين حبيبة

توتا انا مش عارف أرد لأن بجد ردودكم عليا كلكم

فوق ما كنت متخيل و صدقينى انا كل اللى قابلتهم

كلهم زيكم فى احترامكم و فى شياكتكم و رقتكم (:

أستاذ حسام ربنا يخليكو لبعض

وانا الشيىء الوحيد اللى خلانى أكتب انى حاسس انى جنب أسرتى

ربنا معاكم و شكرا لدعواتكم

شكرا ليكم

  Ramy

الأحد، 27 يونيو، 2010 1:45:00 ص جرينتش+3

سمع هس (؛

ابو على لع منش صعيدى جوى كدة

يا باشا شرفتنى و نورتنى (:

شكرا ليك

  Tears

الأحد، 27 يونيو، 2010 1:45:00 ص جرينتش+3

سعدت جدا انك مبسوط بالتدوين و عجبنى كلامك التلقائى العفوي

و ضحكنى انك فاكرنى صغيرة...يا ابنى انا عجوزة و الطلبة بتوعى فيهم اللى أكبر منك ....و فيهم اللى اكبر منى انا كمان :)

انت طيب اوى يارامى و متعايش جدا بقلب صافي...انا لم استطع التعايش و قرفت من التطرف و الجهل و التسلط المنتشر...يعنى مسلمة و ما استحملتهمش و بعدت بفهمى البسيط اللى سعيدة بيه

ربنا يوفقك دايما و يسعدك و انشاء الله تلاقى نصك الحلو و تجيب اطفال جميلة زى ابن اختك العسل اللى فى الصورة

  Ramy

الأحد، 27 يونيو، 2010 1:52:00 ص جرينتش+3

استاذتى فاتيما

مامت يوسف اسف انا عارف المفروض ارد عليكى من كومنتين فاتوا

بس بجد انا مدمع انا بكتب

و صدقينى انا حبيت يوسف جدا جدا

و بعز حضرتك جدا عارف ان ممكن يكون ان انا لسة جديد على المدونات

بس يمكن انتى شرحتى حالتى تماما

يارب اكون عند حسن ظنكوا فيا و مخذلكمش ابدا يا رب

ربنا مع حضرتك وتشوفى يوسف قريب و تبوسية لينا

شكرا لحضرتك جدا

  Ramy

الأحد، 27 يونيو، 2010 1:56:00 ص جرينتش+3

أحمد الشريف

التقدير ليك يا صديقى من مثلك اصبحوا عملة نادرة

ويارب تدوم معرفة الخير دى

ربنا يوفقك يا احمد فى حياتك و أختياراتك ربنا معاك فيها

شرفتنى و نورتنى شكرا ليك

  Ramy

الأحد، 27 يونيو، 2010 1:59:00 ص جرينتش+3

دكتورة ستيتة

(: بجد شرفتينى و نورتينى دة مش شكر دة أعتراف

بجملكم عليا حتى لو انتم مش حاسين دة بس دة اللى انا فيه

و بالنسبة لطلب حضرتك تأمرينى (:(:

شرفتينى و شكرا لحضرتك جدا جدا جدا

  Ramy

الأحد، 27 يونيو، 2010 2:16:00 ص جرينتش+3

لولا و زهراء

فخر أية بس دة كلام أقل من اللى تستحقوه كلكم صدقينى

انا حاسس بيكم لأنكم كلكم صادقين فى أحساسكم

لأنكم انتو محترمين لأن اللى بتعملوه شيىء جميل

ربنا يكون معاكم دايما و ينور طريقكم

شكرا ليكى يا لولا و لزهراء طبعا انا عارف انها

مضغوطة ربنا يوفقه

شكرا جدا جدا

  Ramy

الأحد، 27 يونيو، 2010 2:23:00 ص جرينتش+3

mrmr

مش عارف اقولك اية بس صدقينى يمكن أستاذة فاتيما شرحت احساسى بالظبط

لو قريتى الكومنت بتاعها هتفهمينى

يارب نفضل على صلة ببعض يارب اكون على قد ما هما شفونى

يارب اكون عند حسن ظنهم

مرمر انا عارف انى مكلمتش كتير عنك أعذرينى (:

شكرا لتشريفك ليا

شكدرا جدا جدا

  Ramy

الأحد، 27 يونيو، 2010 2:36:00 ص جرينتش+3

أستاذة تيرز

اولا أنا أعتذر بشدة على عدم أدراكى لفارق السن
فتقبلى أعتذارى

صدقينى عارفة حضرتك ان احنا فى البيت كدة عمر ما ماما فكرت فى كلمة حد قالها انه يقصد حاجة تسيىء لينا
فأحنا طلعنا كدة مش لازم أخد اللى قدامى بمحمل وحش

صحيح تعبنى دة جدا فى حياتى الجامعية و العملية

بس بحمد ربنا انى مكنتش اتعلمت انى اكرهه

أحنا مكناش كده أبدا على ما أتذكر او على الأقل البيئة اللى أحاطت بيا

معرفش الدنيا بسوء بسرعة جدا

يارب متكونيش زعلتى منى فى حكاية بنت دى (:

انا بكرر أسفى

ربنا مع حضرتك

و شكرا ليكى و لتشريفك ليا

شكرا جدا جدا

  الحب الجميل

الأحد، 27 يونيو، 2010 2:49:00 ص جرينتش+3

رامى
بجد انت انسان جميل ومشاعرك الطيبه أجمل

ومرسيى ليك بجدومش عارفه اشكرك أزاى عشان اللى كتبته عنى وقلقك على المدونه وسؤالك عنى

ياريت اقدر ارجع البوستات والتعليقات وصدقنى بندم على تسرعى وانفعالى

ربنا يسعدك ويحبب فيك المدونين يارب العالمين

دمت بخير وسعاده

  Ramy

الأحد، 27 يونيو، 2010 3:01:00 ص جرينتش+3

الحب الجميل

الله يخليكى

تشكرينى على أيه بس يعنى انتو مكنتوش هتعملو كدة معايا

ميهمكيش و لا تزعلى نفسك انا لسة راجع من عندك حالا

وانتى ابتديتى ترجعيها زى ما كانت وأحلى كمان

ربنا معاكى و يوفقك و يخليلك لولو العسولة

شكرا ليكى و لتشريفك ليا

شكرا جدا جدا

  ساسو

الأحد، 27 يونيو، 2010 10:17:00 ص جرينتش+3

ياسلام يا رامي علي رقه وجمال احساسك
بجد كلامك جميل أوي
بجد احنا اللي نشكرك علي كلامك ومشاعرك الرائعه
ومرسي علي الكلام اللي كتبته عني
بس علي فكره انا مش صغيوره أوي
أنا عندي 20 سنه
وكمان كام شهر هيبقي عندي 21
شوفت انا كبيره ازاي ههههههه

مرسي تاني يا رامي علي كلامك الحلو أوي
ويارب تبقي دايما في اجمل واسعد الاحوال

  ريحانة الاسلام

الأحد، 27 يونيو، 2010 11:25:00 ص جرينتش+3

عجبنى اوى البوست ده رغم انه كله ناس معرفهمش غير مدونة طالبة مقهورة...
بس احساس حلو اوى ان الانسان يقدر اللى حواليه
ويحاول يعبرلهم ولو بكلمة بسيطة
ودى اول زيارة للبلوج بس ان شاء الله
مش هتكون الاخيرة
دمت متألقا

  حالة ملل

الأحد، 27 يونيو، 2010 11:36:00 ص جرينتش+3

ايه ده يا رامى
كل الكلام ده فيا انا
انت كده بتدينى اكتر من حقى بكتييييييير
و لو حنقول بقى
حاقول انك حد ذوق قوى
و انسان اسلوبه سواء فى الكتابه او التعامل مع الناس راقى جدا
ربنا يكرمك و يوفقك دايما
و ميبعدكش عننا و تفضل فى وسطنا دايما

  Ramy

الأحد، 27 يونيو، 2010 12:13:00 م جرينتش+3

ساسو (:

صديقتى العزيزة لا شكرا على أيه بس

انتوا اللى تستحقوا الشكر و انتى مش بتفوتى بوست (:

دة حتى بوصت صرخة الواحيدة اللى معلق عندى علية

و انتى كبيرة صدقينى فى نظرى و و كل سنة وانتى طيبة مقدما (:

منغير ميرسى بقى خلاص (:(:

الله يخليكى على الدعوة الجميلة دى

و انتى بأذن الله النتيجة تظهر و نشرب الساقع (:

شكرا ليكى نورتينى

  Ramy

الأحد، 27 يونيو، 2010 12:17:00 م جرينتش+3

ريحانة الأسلام

شكرا ليكى دة من ذوقك

و انتى شرفتينى بجد و تشرفينى فى أى وقت

شكرا للمرور و التعليق (:

  Silver Eyes

الأحد، 27 يونيو، 2010 12:28:00 م جرينتش+3

صباح الخير يا رامى .. سامى سابقا :)
يارب تكون بخير

دى مش اول زيارة للبلوج انا متابعاك بس ظروف امتحاناتى ومكنتش بلحق اعمل كومنت

البلوجاية لذيذة بجد وذوقها عااالى جدا
وجميل اوى التجميع للمدونين اللى فى البوست
فى بلوجات كتير متابعاها وكلهم بصراحة عقليات تحترم ..

ربنا يحبب فيك خلقه :)
تحياتى

  love is life

الأحد، 27 يونيو، 2010 12:28:00 م جرينتش+3

استاذ رامى بجد حضرتك انسان طيب اوى وميرسى ليك على مشاعرك الحلوة دى تجاه المدونين التانين

ياريت تشرفنى فى مدونتى

تقبل مرورى
محمد

  Ramy

الأحد، 27 يونيو، 2010 12:31:00 م جرينتش+3

حالة ملل

(: مش عارف مش طايق اقول كدة حالة ملل اوووف (:(:(:

دة أقل من حقك صدقينى

البوستات اللى كنتى بتكتبيها فاكرة بتاع بؤجة الخير دة من الحاجات اللى خلتنى أحبكم جدا

و بعدين انا عارف بكون رخم أحيانا معلش بقى (:(:

الله يخليكى و تكونوا كلكم معايا و أكون عند حسن ظنكم بيا

شرفتينى ونورتينى بجد

شكرا ليكى جدا جدا

  wasf_elahsas

الأحد، 27 يونيو، 2010 12:50:00 م جرينتش+3

صعبه اوي انك تفارق حد كان اغلي عليك يمكن من نفسك
بتحس انك بتنكمش وكل حاجة فيك مش واخده وضعها الطبيعي و زي ماتكون بترجع لوضع الجنين تحس انك لا قادر تشوف ولا تسمع حتي الكلام محتاج انك تتعلمه من جديد
اكيد بتاخد وقت عشان تقدر بس تخرج من الحاله دي واكيد ال محتاجه اكتر حد يقف جنبك زي اصحابك ال اتكلمت عنهم
ربنا يديم الود والمعروف بينكو
و يوفقك في حياتك
تحياتي

  Ramy

الأحد، 27 يونيو، 2010 12:56:00 م جرينتش+3

love Is life

منغير استاذ يا محمد على فكرة انازرت مدونتك

و اسلوبك عجبنى جدا جدا بس معرفتش أعلق

لية بقى انت كنت قفلتنى بصراحة بحاجة كدة

بس انت صلحتها

و مرورك شرف ليا صدقنى يا جميل

يا بشمهنس

و دة من ذوقك يا محمد (:

شكرا للمرور و التعليق

  Ramy

الأحد، 27 يونيو، 2010 1:04:00 م جرينتش+3

silver eyes

صباح النور (:

شرفتينى و تشرفينى فى أى وقت

الله يخليكى دة بس من ذوقك انا جمعتهم لانى بأحترمهم و بحبهم وبعزهم

الله يخليكى بس يارب اكون عند حسن ظنهم بيا يارب

نورتينى و بأذن الله ميكنش أخر تعليق (:

شكرا

  Ramy

الأحد، 27 يونيو، 2010 1:21:00 م جرينتش+3

wasf-elhasas

كلامك صح هو صحيح الموضوع صعب بس بجد هما خلوا الموضوع يبقى أسهل نسبيا

الله يخليك و يديم المحبة يااارب

شكرا ليك

شكرا لمرورك وشكرا لتعليقك الجميل

  ali younes

الأحد، 27 يونيو، 2010 1:29:00 م جرينتش+3

رامي الجميل
اية ا عم الدلع كدة كلة .... انت عملت انقلاب في المدونين ... ماشية معاك حلاة ... شوية نق بقة ...هههه

انت لها يامعلم...

انا عاوز ارشك رئيسا للوحدة الوطنية بجد شعور جميل ..
بس يا ريس انا كنت افكرة في فكرة جميلة جدا واعتقد انك وكل المدونين هتعجبهم ... وبوستك دة كبرالفكرة في دماغي قوى ..
بس الفكرة بقة في الحلقةالقادة للتشويق ..
تحياتي لك يا رامي
امس في اذنك لانك نسيت اخت من الافاضل صاحبة مدونة المدينة الفاضلة ( لولو كات )
هتعمل اية بقة في المطب دة ؟؟؟
وقعتك في شر اعمالكاهو ..
ربنا يكرمك يا رامي من كل قلبي
م / علي يونس

  Tears

الأحد، 27 يونيو، 2010 1:36:00 م جرينتش+3

يا رامى يا ابو قلب طيب و صافى اوعى تقول اسف و زعلتى دى و انا ح ازعل ليه حد يطول يفتكروه صغير :) ده الستات بتاكل من عمرها بالعشرين سنه دلوقتى و انا فرحت انك حسيت انى صغيره...ما الشباب شباب القلب يا رامى :)

و بعدين انا تيرز من غير القاب.....عارف لو كنت قريت تدوينه ذكرياتى فى جامعة الفرنجة ح تلاقى انى قلت انى اتعلمت بره فى جامعه كان فيها الطالب اللى عنده ستاشر سنه بينادى العميد ذو السبعين باسمه مجرد من غير دكتور و لا بروفيسور و لا استاذ حتى لان كل الناس سواء و الاحترام مش بالالقاب....انا بقى بقالى عشرين سنة بره مصر و بالتالى بقى عدم الفوارق دى جزء من ثقافتى

ربنا يوفقك و يديك على قد صفاءك و طيبة قلبك يا رامى

  Ramy

الأحد، 27 يونيو، 2010 2:14:00 م جرينتش+3

استاذ على

الله يخليك انت انسان محترم انا لاأعتبر هذا نق (:(:

اعتبره كلام يخجلنى من اخ كبير ليا

لالالالا رئيس أية بس حضرتك دة خيبة جدا

دى مشاعرى لا أكثر و لا أقل لناس حسيت انهم يستحقوا الشكر حتى لو هما مش حاسين انهم عملوا حاجة ليا

(: و نحن منتظرين افكار حضرتك (:

التحية لحضرتك ولكل المدونين المحترمين

بالنسبة للمدونة لولوكات للأمانة انا لا أتابعها

و لكن هذا أعتبره ترشيح لها منك سأمر على المدون خاصتها
و اعتذر لها و لك استاذى

بالنسبة للموضوع الثانى لا أعتقد هذا لان الشخص المقصود محترم جد و من الجائز يكون تشابه
فى الأسماء

شكرا لمرورك الكريم نورتنى و شرفتنى

شكرا لحضرتك جدا جدا

  Ramy

الأحد، 27 يونيو، 2010 2:36:00 م جرينتش+3

tears

يا خبر حضرتك كلامك ليا بيخلينى اتمنى اكون عند حسن ظنكم

و انا مقدرش أزعل حضرتك خالص أزاى ازعل الشخص اللى خلانى ادمع وانا بقرا كومنتاته

الشخص اللى حسسنى ان ممكن يكون فى ناس تحب بعض مش هتفرق معاها انت ايه و مين

و بعد كدة انا متفهم حضرتك انا برضه مبحبش حد يقولى يا أستاذ رامى

بس عارفة حاضرتك من ايام المدرسة و بنقول يا ميس
صعب انى اغير نفسى

بس هحاول علشان خاطر حضرتك

عارفة كل البوستات اللى انا تابعتها عند حضرتك
خلتنى اقول اسف يعنى اية دة دى بنت ممتازة اجدع من ولاد كتير النشاط اللى فيها
تحسى البوست مليان حيوية
صدقينى انا مش بأكدب
بس هو الاحساس دةاللى خلانى اقول بنت

دة مش تقليل ان ممكن حد كبير يعمل اللى حضرتك عملاه ولا حاجة لالالا خالص بس انا بس بوصلك اللى انا حسيته

ويمكن علشان انا كسول جدا(:(:

شكرا لحضرتك جدا و تيجى بالسلامة لو حضرتك لسه برة

و حمد الله على السلامة لو حضرتك رجعتى (:(:

شكرا جدا

  لـــولا وزهـــراء

الأحد، 27 يونيو، 2010 4:27:00 م جرينتش+3

راااااااامــــــى

اسمائى انا ولولا هنا يا فرحتى
حتى لو كنت مضغوطه حتى لو كنت مش فاضيه فى ناس اغلى من الماس ناس غاليين بالقلب والاحساس لازم كنت ادخل اشكرك من قلبى واتمنى لك السعاده ربنا يوعدك بالحب الحقيقى وتفرح بالذريه الصالحه
عن جد انت من الناس اللى الواحد يتشرف انه اتعرف عليهم لانك بجد انسان فاضل ذو خلق رفيع
ربنا يهب لك السعاده اينما تكون
ده تعليق صغيوووووووور خالص مالص
الحمد لله انك مقدر ظرووووووووووفى

زهـــــــــراء

  طالبة مقهورة ..درجة أولى

الأحد، 27 يونيو، 2010 4:36:00 م جرينتش+3

Ramy

ايه اخبارك..اتخضيت اما دخلت البوست نوعا ما..
اصل قليل لما تلاقي حد بيكتب لصحابه شكرا من غير سبب..مع ان شكرا فلي حد ذاتها هيا السبب :)

مدئيا ميرسي جدا جدا يا رامي انا اسعد والله بمعرفت حد محترم زيك..وفي منتهي النقاء..

سعات كتير بنعر ناس من بعيد..بس بيكونوا افضل كتير من اي حد قريب :)

مش قادرة اوصفلك انا حاسة ايه مهما عملت..انا بس فخورة بيك اوي وان فيه ناس زيك

مش عارفة اعلق

  Ramy

الأحد، 27 يونيو، 2010 4:52:00 م جرينتش+3

زهراء

طبعا لازم يكونوا موجودين (:(: هو البوست كان ينفع يكمل من غيركم (:

الله يخليكى الله يسمع منك أمين (:

الشرف ليا انا صدقينى انتوا اللى ناس ذوق و محترمين و ربنا بحبينى أنى اعرف ناس زيكم كدة محترمة و ذوق و تقدر الناس

طبعا لازم اقدر امال أصدقاء على الفاضى يعنى (:

ربنا يوفقك و متنسيش الساقع اهو فكرتك تانى علشان متقوليش نسيت (:(:

شكرا ليكى شرفتينى و نورتينى

شكرا جدا جدا

  richardCatheart

الأحد، 27 يونيو، 2010 5:04:00 م جرينتش+3

ياخبر انت جميييييييييييييييل جدا يا رامى او سامى

ماتفرقش لان الجوهر انسااااااااااااااااان

الفرق بين البشر احساسهم بالناس حوليهم بمدى تأثرهم فيه كابنى ادم

الفرق بين الناس هو الاحساس

اشكرك انك افتكرتنى بالرغم من المده القصيره دى

دا شرف ليا يا اخى

ربنا يفرحنا بيك وينولك راحه البال
ويهدى سرك وقلبك يارب

ربنا معاك ديما يا جميل يا بنى ادم

  Ramy

الأحد، 27 يونيو، 2010 5:15:00 م جرينتش+3

طالبة مش مقهورة

(:

انا تمام الله يخليكى

انا اللى اتشرفت جدا و بعدين دة انتى من اوائل الناس اللى سابت كومنتات عندى يبقى أزاى مفتكركيش

من غير ما توصفى اهم حاجة ان احساسى وصل للناس اللى بعزهم و بقدرهم و أحترمهم

بعد الكلام الحلو دة كله و مش عارفة تعلقى (:(:

شكرا ليكى جدا (:

  Ramy

الأحد، 27 يونيو، 2010 5:21:00 م جرينتش+3

ريتشاردية

انتم اللى أجمل صدقينى لان انتم عاملتونى كأنسان يبقى لازم اقدر دة فيكم

أزاى دة شرف ليا انا صدقينى كلكم ناس محترمة وتستحقوا أكتر من كدة

الله يخليكى و شكرا جدا على الدعوة الجميلة دى شكرا

شكرا جداجدا (:

  محمود المصرى

الأحد، 27 يونيو، 2010 8:58:00 م جرينتش+3

انا عارف اْنها اْول مره اْجى واْزورك بس صدقنى اْنت اْنسان حساس وجواك معانى كتير لحسن خلقك واْدعوك من كل قلبى اْن تقبل صداقتى ونبقى اْصحاب وتيجى تزورنى ومن الطبيعى متنساش التعليق لاْن فعلاَ يشرفنى اْن اْرى كليماتك الجميله عندى ويشرفنى اْكتر لو بقيت مشترك عندى زى ما انا يشرفنى انى اكون مشترك فى هذه المدونه الجميله
اخوك
محمود المصرى

  Ramy

الأحد، 27 يونيو، 2010 9:17:00 م جرينتش+3

محمود المصرى

اهلا بيك دة بس من ذوقك

يا باشا دة انا اتشرف ان احنا نكون اصحاب

انا شاء هزور المدونة وهسيب تعليق برضة

شرفتنى يا محمود و نورت المدونة

شكرا للمرور و التعليق

  мαησηα

الأحد، 27 يونيو، 2010 10:05:00 م جرينتش+3

مابقتش مدير عام يا رامى خلاوووويص

شطبنا وقعدنا ف البيت هههههههههههه

وبعدين بزمتك ف اخ يقول لاخته استاذة ؟؟

تقيلة اوى

خلى البساط احمدى ومحدش هنا استاذ

حد كلنا واحد اولاد التمنينات ههههههههه

بجد بجد مش عارفة اقولك ايه ؟

انت بجد فرحتنى فرحة يارب

ربنا يفرحك قدها 10 مرات

وماتحزن بعدها ابداااااا

قول اميييييييين

والله انا كنت متضايقة ومش ف مودى خالص

ولما شفت التعليق والاوف لاين امبارح

دخلت ادور بس كان الريدير معلق

عندى ماجابليش جديد

المهم بجد كلامك رفع من معنوياتى اوى

ربنا يخليك يارب وبجد مش لاقية

تعليق ع زوقك وكلامك الجميل ده

بالنسبة لانى خليت الناس كلها تحب الشاى ههههه

انا عايزة اقولك كل ما اروح تجمع ف ناس

بتدون او ف الفيسبوك تلاقيهم بيطلبوا

شاى لنفسهم وانا كمان يقولوا اكيد

واحد شاى انا بقه غلاسة منى ههههههههههه

اقول لا عايزة نسكافية ههههههههه

غلسة غلسة بلاقيهم استغربوا

كده سبحان الله

ده انتى الشاى كله عندك ههههههه

خلى بالك بقه ممكن ف اول تجمع ليك تدوينى

تلاقيهم بيسالوك ع الباب هههههههههه

دمت منورنى ودمت بجد محبوب من الكل يا رامى

ويارب عقبال ما اجى اهنيك

بعيد ميلاد بابى الاول يارب اللهم اميييييين

  Ramy

الأحد، 27 يونيو، 2010 10:41:00 م جرينتش+3

اختى العزيزة

منى

قد أية انا فرحان جدا جدا جدا ان ممكن اكون دخلت فى قلبك حتى لو جزء صغنون خالص من الفرحة

لا انا مقدرش اتقل عليكى ابدا (:(:(:

اهم حاجة متغبيش علينا كدة

حتى لو مضايقة ومش هتعرفى تعلقى مش مود تعليق ميهمكيش

أكتبى انا مضايقة ومش هعلق (:(:(:

بس متقطعيش بينا كدة (:

على فكرة دة عادى جدا لما تطلبى نسكافية لان انتى عنالة تشربى فى شاى عندك فى المدونة

فلازم و لابد تغيرى يبقى هما الغلسين لانهم مش فهمين (:(:(: ولا اية

بس يجى اول تجمع دة وانا هصوم مش هشرب ولا هاكل (:(:(:

انت اللى منورة البلوجر كله صدقينى

بأذن الله

شرفتينى ونورتينى و بجد أسعدتينى

شكرا ليكى جدا جدا جدا جدا (:

  جارة القمر

الاثنين، 28 يونيو، 2010 3:09:00 ص جرينتش+3

طب دا انا مالحقتش والاقى اسمى مكتوب :)
ربنا يكرمك يارب ويفرح قلبك دايما كفاية بجد احساسك وذوقك فى الكلام

مش لاقيه كلام يتقال على بوستك دا وبجد الناس اللى قلتهم يستاهلوا اكتر من كدا كمان
ربنا يحفظك و يهديك

  Ramy

الاثنين، 28 يونيو، 2010 11:24:00 ص جرينتش+3

جارة القمر

ما انا قلت فى البوست كل المدونات اللى عندى فى المتابعة ليها عندى تقدرها حتى لو كانت المدونة دى قبل البوست بيوم

انت شرفتينى و نورتينى اهم حاجة عندى ان يكون وصل للناس قد اية انا بعزهم

شكرا جدا و دايما مشرفانى و منورة المدونة

  Ramy

الاثنين، 28 يونيو، 2010 7:12:00 م جرينتش+3

محمد حجازى

انا اسف انا نشرت الكومنت بس مش عارف ليه متنشرش

بس اانا اشكرك جدا على الزيارة والتعليق

و عندنا مفيش minimum charge
(:(:(:(:

شرفت

أعتذر عن الخطأ الغير مقصود بالطبع أرجو تقبل أعتذارى

  Mado

الاثنين، 28 يونيو، 2010 10:16:00 م جرينتش+3

بتابع كل دول :)
حبايبك كتيييير يا عم سامى :)

وتسلم يا غالى على ذكرى فى التدوينه ده شرف ليا(:
يمكن ان لسه جديد فى المنطقه
بس اخلص امتحانات وهتجول فى بلوجر
فى مدونات كتيير تستحق المتابعه ومدونتك منهم
وانا للاسف مقصر فى حقهم ومش متابع كفايه لظروف الدراسه والامتحانات زى مانت عارف بس يلا هانت كلها يومين يا كبير :)

بالتوفيق يا غالى

  mrmr

الاثنين، 28 يونيو، 2010 10:32:00 م جرينتش+3

رامى
طول عمرك سباق بالخير علشان كده انا بدعوك لزياره مدونه شباب على طول لان رايك يهمنى
شكرا

  Ramy

الاثنين، 28 يونيو، 2010 10:45:00 م جرينتش+3

mado

صديقى العزيز

احنا هنحسد وأيه (: أمسك الخشب (:(:(:

بهرج معاك طبعا

يا حبيبى مدونتك جميلة و تستحق بجد ان الناس تاخد بالها منها

لالا مش مقصر ولا حاجة بس أنت ظروفك مش سامحة
و ربنا معاك فى الأمتحانات

ربنا معاك و يوفقك نورتنى يا جميل

  Ramy

الاثنين، 28 يونيو، 2010 10:48:00 م جرينتش+3

mrmr

الله يخليكى انتوا اللى كولكوا خير

تأمورينى مدام مرشحاة أكيد هتكون ممتازة هزور و هسيب كومنت

و ان شاء الله أضفها عندى

نورتينى

  م. حجاز

الثلاثاء، 29 يونيو، 2010 11:02:00 ص جرينتش+3

انا عايز اعرف ايه اللى بيحصل بالظبط اسأل والله العظيم ادور فيكوا الضرب للصبح
انا كل ما اجى اروح اعلق لحد يقولى التعليق بتاعك اتمسح
انا زعلااااااان
اعاااااااااااا :(:(:
انتو مصتقصدنى ليه
انا هارفع قضية تعويض بأه يالله اهى

ههههههههههههههههههههه

انا جيت تانى اهو اياك تقولى اتمسح بأه
اصل والله العظيم اروح جاى مره تالته وكاتب تعليق برده عادى يعنى
هههههههههههههههه

مدونة جميلة وربنا يكتر اصحابك والمره الجاية الاقى نفسى معدود واحد منهم

  momken

الثلاثاء، 29 يونيو، 2010 12:55:00 م جرينتش+3

ازيك يا رامى

البوست ده بيقول انك حد جميل فعلا زمحترم

ومن لا يشكر الناس لا يشكر الله

ولو كلنا اخدنا بوستك ده قدوة يبقى كلنا هنعمل بوستات كتير زيه نشكر بيها ناس كتير

الناس الى حضرتك ذكرتها كلها ناس جميله وتستحق التقدير والاحترام

تحياتى

  بنت وولد

الثلاثاء، 29 يونيو، 2010 12:58:00 م جرينتش+3

فرحت قوى اما لقيت اسم مدونتنا هنا و موجود وسط الناس الحلوه و الرائعه دى
ولد و بنت مدونه صغنونه و على قدها ووجودها وسط الفطاحل دى كبرها و لمعها قوى
دعواتك اقدر اكمل انا وولد الحدوته الحلوه اللى بدأناها و طبعا اكيد حتبقى احلى و احلى و انتوا منورينا و مشاركينا الحدوته

ميرسى على كلامك الحلو قوى

  Ramy

الثلاثاء، 29 يونيو، 2010 1:30:00 م جرينتش+3

محمد حجازى

تقريبا والله أعلم فيه حد مصتقصدك(:(:(:

بس متزعلش يا باشا ربنا كرم وذعنا الحلقة دى (:(:

قلبك ابض ياباشا منغير قواضى
(:

يا باشا لنت تنورنى تالت ورابع دة شرف ليا

يعنى امسح التعليق علشان تيجى تانى (:(:

دة من ذوقك يا محمد صدقنى

شكرا حبيبى تعبت نفسك وجيت تانى (:

شكرا ليك

  Ramy

الثلاثاء، 29 يونيو، 2010 1:36:00 م جرينتش+3

momken

انا الحمد لله

الله يخليك انت الأجمل صدقنى

اكيد انا بشكرهم لانهم ناس بجد تستحق الشكر و فى الأول و الأخر الشكر لله لان عرفت ناس محترمة زيكم

الناس دى كلها أثرت فيا بشيىء ايجابى فى حياتى بس يارب أكون عند حسن ظن الجميع

شرفتنى صدقنى و نورت المدونة

شكرا ليك للمرور و التعليق اللى احب ميكونش اخر مرة

(:

  Ramy

الثلاثاء، 29 يونيو، 2010 1:42:00 م جرينتش+3

بنت وولد

بجد انتو مدونة جميلة وهتكبروا و تبقى من احسن المدونات

يا رب تكملة الحكاية للأخر وتكون زى ما انتوا حابين

و انا هتابعكم علطول

نورتونى

شكرا ليكوا و سلمى على الولد (:

  محمد فؤاد (صاحب عمود النور)

الثلاثاء، 29 يونيو، 2010 3:07:00 م جرينتش+3

رااامى

ميرسى ليك انك افتكرتينى هنا فى البوست دا
وميرسى لكلامك الجميل
ومدونتك ولد وبنت بجد حاجه تحفه
تسلم افكارك

  Ramy

الثلاثاء، 29 يونيو، 2010 3:21:00 م جرينتش+3

محمد فؤاد

شرفتنى ونورتنى و ميرسى على أيه بس انت تستحق
(:
بس عاوز اقولك حاجة مدونة ولد وبنت مش بتاعتى
بس هى تحفة زى ما انت قلت كدة (:

بس هى مدونة أصدقاء لى و ليست لى


شكرا ليك و لزيرتك نورت المدونة

  ELMOSTAFZ

الأربعاء، 30 يونيو، 2010 7:27:00 ص جرينتش+3

ماله حظك بس ، وانا اطول ابقا زيك يا ريت ع الأقل ابقا حساس بالطريقة دي مش قفل زي ما امي بتقولي دايما :)
متخافش أنا صحيح واطي بس مش للدرجادي هعزمكوا علي ميني كانز م اللي موجود ف عيد ميلاد ريتشارد :)

  Ramy

الأربعاء، 30 يونيو، 2010 11:20:00 ص جرينتش+3

المستفز(:

ايه أخبارك يا عم ؟

انا الحمد لله مش زعلان من حظى (: أتمنى ليك حظ احسن منى

و انت و قفل ولا حاجة صدقنى بس انت قافل سنة صنغطوطة

لالالا يا صحبى أنت مش كدة خالص
طب تصدق ان انت مبذر و لا يكون فهمت غلط ان يكون كال واحد واحدة كانز
وانت قصدك كانزية واحدة لينا كلنا (:

نورت يا صحبى

شكرا ليك جدا جدا

  ميرا ( وومن )

الأحد، 4 يوليو، 2010 1:39:00 م جرينتش+3

يادي الغيبوية اللي جيباني هنا اخر الناس

رامي انت بجد من الناس المحترمة اللي بعزها جداً وسعيدة اني اتعرفت عليها

وبجد أسمحلي أنزوي خجلاً من مجرد ذكر أسمي مع الناس الجميلة دي

-----
ياريت تقبل إعتذاري عن عدم تواجدي هنا بأستمرار بس فعلا هي ظروف خارجة عن إرادتي

  Ramy

الأحد، 4 يوليو، 2010 4:20:00 م جرينتش+3

ميرا (وومن)

الله يخليكى يا ميرا دة انتوا اللى ناس تستحقوا اكتر من كدة بس الايد قصيرة بقى (:

لا تخجلى هذا اقل من ما تستحقية

لا تعتذرى انا ممكن اكون كنت مقموص مش زعلان بس لان انتى من الناس اللى شجعونى فى بداياتى

فكنت عاوز ارد الجميل بأى طريقة

شكرا ليكى يا ميرا نورتينى بأمانة (: