ايه يا بلاد يا غريبة _ خالد سعيد



الأغنية دى كنت بسمعها

بس بسمعها بودان مغترب بس مش أنا

لكن مصر دلوقت خلتنى أسمعها لنفسى

الحكومة خلتنى غريب وأنا فى بلدى

على رأى أستاذة ستيتة مش هنلاقى رملة بتعتنا

لتا الله

30 التعليقات:

  mrmr

الجمعة، 25 يونيو، 2010 2:04:00 م جرينتش+3

قد ايه احساس صعب جدا ان يكون الانسان يعيش فى بيته ويحس بالغربه
ده حالنا دلوقتى بلدنا بيتنا وحاسين اننا غرباء
ربنا يصلح الحال ونصل فى النهايه الى المدينه اللى فعلا معده لنا

  Ramy

الجمعة، 25 يونيو، 2010 2:17:00 م جرينتش+3

mrmr


دة صحيح ربنا يقصر غربتنا

بس نكون مستعدين

ربنا يصلح حالنا

شكرا مرمر على المرور و التعليق

  Tears

الجمعة، 25 يونيو، 2010 2:34:00 م جرينتش+3

رامى عارف من غير اى تجميل بس انا عمرى ما حسيت بالغربة غير لما بجى مصر بالذات فى الخمستاشر سنه الاخيرة

  Ramy

الجمعة، 25 يونيو، 2010 2:39:00 م جرينتش+3

tears

صدقينى انا مكنتش كدة خالص

كنت أصبر نفسى و أقول لالا دة موقف فردى

يا واد دى ناس مبتحبش مصر

ياواد خليك زى ما أنت بس أظاهر أن صحابى كان عندهم حق وأنا اللى غبى

شكرا ليكى و لتعليقك ربنا معاكى و يوفقك

  أتنين حبيبين

الجمعة، 25 يونيو، 2010 8:56:00 م جرينتش+3

السلام عليكم

ازيك ياعثل اخبارك ايه يارب تكون بخير
عارف بجد نفس احساسنا واحد والله انا حاسه بالغربه وانا بوسط بلدى من اللى بشوفه فيها من حكام
زى ما قلت لنا الله

لنا الله قادر على كل شىء
بس رغم كل ده بحبها اوى وبحن ليها لما ببعد عنها وبفرح لما برجعلها

دمت بكل الخير ياقمر
ومتشكره ليك مرورك الجميل لمدونتى
وعاوزاك تنورنى على طول

تحياتى
توتا

  سمع هوص (Abo 3li)

الجمعة، 25 يونيو، 2010 9:44:00 م جرينتش+3

لنا الله..

  Ramy

الجمعة، 25 يونيو، 2010 10:13:00 م جرينتش+3

اتنين حبيبين
وعليكم السلام

و دى هى المشكلة اننا بنحبها

مدونتكم مدونة جميلة (:

لا شكر على واجب

بأذن الله دايما

شكرا توتا سلملنا على حسام (:

  Ramy

الجمعة، 25 يونيو، 2010 10:14:00 م جرينتش+3

ابوعلى

ما قل ودل

(:

شكرا على المرور و التعليق

  ستيتة حسب الله الحمش

الجمعة، 25 يونيو، 2010 11:32:00 م جرينتش+3

انا مش عاوزة أكون سبب حزن ولا حد يسببه لي
بس مش بإيدينا حاجة دلوقت
غير نحلم ببكره احسن واحلى
ونخلي نفسنا مش قطيع
منسمحش لحد يسوقنا أبدا ابدا
نتمسك بمصر وبماضيها
وفي يوم قريب
ها نلغي جزء من أحداثها ونعده عار علينا برجاله
اهم شيء لما يجي بكره ميلقيناش اشلاء وفرق واحزاب وصراعات
شوف يارامي
انا مش هامنني اللي حاكمين خالص مع انهم شفطونا
انا خايفة من المصريين على مصر
لو لم ينجح عدو داخلي او خارجي انه يخلينا شرازم متناثرة
يبقى لسه فيه امل

انا خدت بونطة في المدونة الحلوة دي
فرحانة اني عرفتك
بجد :)

  Ramy

الجمعة، 25 يونيو، 2010 11:53:00 م جرينتش+3

استاذتى ستيتة

والله والله والله والله ما أنا مصدق عينى

معقول حضرتك عندى فى المدونة

وبتعلقى عندى انالسة شايف تعليق حضرتك عند سمع هس ابو على
و بقول امتى هيجى يوم يا واد يارامى وتبقى زى الناس دول و تشرفك
د/ ستيتة

و مفيش خشيت عندى اشوف حد نزل حاجة او حد علق

لقيت تعليق بشوف مين عارفة حضرتك زى ما يكون لقيت لقية

حالة من الأنبساط الغير طبيعية (:

عارفة لية حضرتك انا كتبت دة كله

لأن بجد حضرتك من الناس المحترمة جدا جدا

انا كنت بحضر لبوست جديد هعمله للمدونين اللى بعزهم و حضرتك من ضمن

بالرغم انى كنت عارف ان ممكن الكلام ميوصلكيش

بس بجد انا كنت هعمله لان بجد فى ناس تعزهم حتى لو هما ميعرفوش

المدونة كلها تحت امرك حضرتك تشرفينى فى اى وقت (:

انا صدقينى اللى فرحان اكتر بأمانة

شكرا جدا جدا جدا (:

  لـــولا وزهـــراء

السبت، 26 يونيو، 2010 1:22:00 ص جرينتش+3

بوست مؤثر جدا انتقائك للفيديو والاغنية الحزينة جميييييييل مواكب للاحداث المؤسفة اللي بنعيشها ...سامي بجد كلمتين قولتهم اثروا فيا قوي انك كنت بتسمع الاغنية دي للاعداء دلوقتي بتسمعها عشان بتفكرك بحالنا..كلام الدكتورة ستيتة مؤثر..ولسة سامعه امبارح مسرحية لعبة الست من مجموعة اعمال المسرح للجميع اللي يتنازل مرة هيفضل يتنازل لاخر العمر
لولا

  Ramy

السبت، 26 يونيو، 2010 1:45:00 ص جرينتش+3

لولا

لأ أنا قصدى يا لولا انى كنت بسمعها زمان و انا بودان مغترب بس المغترب دة مش أنا

بس الدولة خلتنى اكون مغترب جواها

نورتينى جدا جدا يا لولا

  داليـ ـ ـ ـ ـ ـ ــــا

السبت، 26 يونيو، 2010 2:10:00 ص جرينتش+3

أوبا انتا بتمسكنى من ايدى اللى بتوجعنى بقه
النت عندى سوباد وانتا مشير كليب
دا الكليب عايز وقت النت يبقا فيه الى حد ما كويس واشغله
***********
كلامك بقه
متستغربش كتير
هذا هو حال بلدنا الأن
خلاص بقه المفروض نتوقع كل شيئ وأى شيئ اكتر من كده
يعنى نتعود على أى حاجه تحصل بعد كده
لأن للأسف هى دى مصرررر

تحياتى ياأستاذ رامى

  hana

السبت، 26 يونيو، 2010 2:12:00 ص جرينتش+3

وأي غربة دي غربة بالجامد أوي
والله أعلم لإمتى هتبئا الغربة دي

التغيير لسه أودامه وقت ويا عالم

  Ramy

السبت، 26 يونيو، 2010 2:23:00 ص جرينتش+3

داليا

وانا اقدر (: بس لو جت لك فرصة أسمعيها بجد هتعجبك

أةةةة خايف أصدقك يا داليا بجد

خايف من بكرة دة قوى

شكرا ليكى منورانى دايما (:

  لـــولا وزهـــراء

السبت، 26 يونيو، 2010 2:23:00 ص جرينتش+3

ههههههههههههه ايه جاب سيرة الاعداء دلوقتي يا سامي !!! معرفش دونتها بانهي دماغ كله دخلفي بعضة عجبك كدة اخرة الضحك تخريف الحالة دي بتقلب عندي لما بضحك كتيررررررررررر ههههه انا فهمت وقصدت اللي انت قولته عشان كدة راجعت ردي اشوفني عكيت وقولت ايه اتخضيت من كلمة الاعداء دي ههههه
اقصد انك حسيت انك غريب وانت في بلدك مش براها سامحني ع العك اللي بعكة ده :d
لولا

  Ramy

السبت، 26 يونيو، 2010 2:26:00 ص جرينتش+3

hana

أدعى بس متطولش

مش لينا لأولدنا علشان يكون ليهم وطن

يا عااالم

ربنا يسترها

هناء شرفتينى بجد

شكرا للمتابعة والتعليق (:

  Ramy

السبت، 26 يونيو، 2010 2:34:00 ص جرينتش+3

لولا الرقيقة

سامى تانى طيب ماشى (:(:

ما أنا حسيت ان انتى بتعلقى على موضوع تانى فقلت اوضحلها ههههههههه

يا ستيى ولا يهمك هذة مودنتك انتى و زهراء و كل الناس المحترمة
عكعكى على كيفك

بجد بتنورونى بكل زيارة (:

  لـــولا وزهـــراء

السبت، 26 يونيو، 2010 2:39:00 ص جرينتش+3

ماهو شوف بقى كل ما بتحط الوشوش الحزينة دي هقول سامي ...وبعدينا انا دونتها على حسب التعود ...بجد مشيها سامي عشان رامي مش متعودة على اسمه ومتزعلش ياسامي:d

لولا

  richardCatheart

السبت، 26 يونيو، 2010 3:52:00 ص جرينتش+3

اضايقت اوى من تعليقك عندى يارامى

وانت بتقول مش عارف اقول حاجه الصراحه انا تعبان جدا

لما جيت هنا شوفت التعب دا فى الاغنيه

وفمراره الكلام

ياخى الناس بتروح
واالكون بيتغير
خلى املك فى بيغير ولا يغير

طول ما انا عايشن يارامى لازم نتعب علشان لما نفرح ونرتاح نحس بطعم التغير
انا عارفه اننا فى فى صعب اوى اوى اوى

بس بردو ربنا كبير اوى اوى اوى

وطول ما البلد دى فيها ناس ذاكره لله
مسحين ومسلمين
هايكون معانا ان شاء الله
دوام الحال محال يا رامى
وبكره بلدنا ترجعلنا وهاتكلم عيالك واحفادك على الايام دى ان شاء الله
على مر التاريخ دا مصير مصر واهلها وياما ربنا عليهم فكها

روق وقول يارب
الله يرحم خالد سعيد
ويرحمنا فى حياتنا ويفتحها علينا
الامل يارامى اوعى يموتو فيك انت واللى زيك اوعى

تحياتى

  Ramy

السبت، 26 يونيو، 2010 11:51:00 ص جرينتش+3

لولا

بجد مش عارف أية موضوع الوجوه الحزينة دى

هرجع كدة للكومنتات وأشوف (:(:

ولا يهمك سامى سامى

مقدرش أزعلك (:(:

نورتينى (:

  Ramy

السبت، 26 يونيو، 2010 11:55:00 ص جرينتش+3

ريتشاردية

أولا أزيك

ثانيا أنت كلامك صح بس أنتى مش حاسة انهم زودوها شوية

متخفيش الأمل مش هيموت

ربنا معانا فعمر الأمل ما هيموت أكيد

شكرا ليكى كتير على المتابعة و التعليق (:

  Sharm

السبت، 26 يونيو، 2010 3:10:00 م جرينتش+3

ربنا ياخدهم

  Ramy

السبت، 26 يونيو، 2010 3:35:00 م جرينتش+3

دكتور أحمد

أمين

ربنا يسمع منك

شرفتنى

  ساسو

السبت، 26 يونيو، 2010 4:28:00 م جرينتش+3

سوري رامي
حاولت كتير أوي اني اعرف حتي الاغنيه بتقول ايه
لكن للأسف بجد النت عندي ماشي تاتا تاتا
بجد بفتحه بفضل من ربنا
لكن لو عليه متهيئلي مكنشي هيفتح أبدا ههههه
المهم زي ما قولتلك قبل كده
مادام اختيارك وعجبك
يبقي اكيد اختيارك في الجوووووون

دمت متألق

  Ramy

السبت، 26 يونيو، 2010 4:44:00 م جرينتش+3

ساسو

صديقتى العزيزة

أنا اسف لو أن بحط فيديو و انت مش بتقدرى تشغلى

بس أحيانا كتيرة مبعرفش أعبر فبحط فيديو

لو تحبى انا عندى الأم بى ثرى بتاعتها

الله يخليكى يا ساسو دة بس انتى اللى سكر و ذووق

شكرا ليكى للمتابعة و التعليق

بس خلى بالك البوست اللى جاى لازم تيجى دا انا كاتب عنك فيه

ربنا معاكى و يوفقك فى الأمتحانات

  حالة ملل

السبت، 26 يونيو، 2010 6:50:00 م جرينتش+3

مش عارفه ايه اللى يتقال فى موقف زى ده
بس حسبنا الله و نعم الوكيل مش كفايه و لازم يبقى لينا دور ايجابى و فعال

  Ramy

السبت، 26 يونيو، 2010 7:09:00 م جرينتش+3

حالة ملل

مفيش حاجة تتقال بجد غير اللى انتى قولتية

بس لازم اشوفك البوست اللى جاى ضرورى

لأنة ليكوا أنتو مش أنا

شكرا جدا ليكى للمتابعة و التعليق

  mrmr

السبت، 26 يونيو، 2010 9:16:00 م جرينتش+3

ايه يارامى
انت عمال تعزم قوى على البوست الجديد شوقتنا
(( اكشف ما وراء الستار ))

  Ramy

السبت، 26 يونيو، 2010 10:29:00 م جرينتش+3

mrmr

اصلى البوست اللى جاى دة للبلوجر مش ليا

و أكيد انتى معزومة طبعا

منغير ما اتكلم (: