الحياة



الحياة حلوة وجميلة
للعين الصافية البريئة
للقلب اللى مفهوش ذكريات حزينة
لالالا...... مهيش كدة
دى فيها اللى فيها
فيها اللى حلمة متحققش
وفيها اللى فى حبه متوفقش
تقعد تفكر طب هى الحياة أية
هى دى ولا هى دى
ولا هى الأتنين

*************************************************************************************

مدونة الحب الجميل يا جماعة لو حد يعرفها او قريب منها يكلمها و يطمن عليه ويطمنا شكرا

http://mogardensan1.blogspot.com/2010/06/blog-post_22.html

62 التعليقات:

  لـــولا وزهـــراء

الثلاثاء، 22 يونيو، 2010 4:23:00 م جرينتش+3

ازيك يا سامي ...بالنسبة للاجابة
بسم الله الرحمن الرحيم الاجابة تونس :d هههه الحياة الاتنين ضحكة ودمعة..فرحة وحزن ... جميييييييلة البنوتة اللي بتشب وعايزة تشوف الدنيا واللي وراء الزجاج ..عايزة تستكشف حاجة جديدة متعرفهاش

لــولا

  لـــولا وزهـــراء

الثلاثاء، 22 يونيو، 2010 4:28:00 م جرينتش+3

احيك على اختبارك الدقيق للكلمات حلووووة قوي وفيها تضاد كتير بين المعاني والابيات وضحت حيرتك او حيرة اللي اتقال على لسانة الشعر ده..جميييييلة صورة البنوتة رغم ان البيت محددش مينن اللي بيقول الكلام ده لكننا لمسناه من براءة البنت وتطلعها وشغفها على الحياة والشمس اللي داخلةة الاوضة نفسها تنورلها شمس الحقيقة وتجاوبها ع السؤال بس هي نفسها اكتر الاجابة تكون الدنيا فيها فرح اكتر من حزن

لولا

  Ramy

الثلاثاء، 22 يونيو، 2010 4:36:00 م جرينتش+3

لولا (:

تعليق واحد

الأجابة غلط لأنها المغرب ههههههه

انا حبيت أخفف من حدة البوست اللى فات

الحمد لله أن الصورة المرة دى عجبتك (:

التعليق التانى

تحليلك ممتاز جدا انا أخترت الصورة دى علشان كنت عاوز أن تكون الحياة زى النص الأول

شكرا على المتابعة والملاحظات (: ده العشم

و شكرا على التعليق الرقيق(:

  Sharm

الثلاثاء، 22 يونيو، 2010 5:13:00 م جرينتش+3

ازيك يا رامي

مش عارف الحقيقة اي اخبار عن مدونة الحب الجميل

  Ramy

الثلاثاء، 22 يونيو، 2010 6:35:00 م جرينتش+3

شارم

انا كويس الحمد لله

شكرا على أهتمامك لان هى تقريبا مضيقة جدا

فلو بينكم أى أتصال ابقى طمنا

شكرا يا دكتور

  richardCatheart

الثلاثاء، 22 يونيو، 2010 7:06:00 م جرينتش+3

الحياه اساسها الصعاب والتعب

ربنا عز وجل قال

وخلفنا الانسان فى كبد

الفرح بيجى كده للشحن علشان الناس تقدر تكمل

اسأل اى حد انت فاكر انهى اكتر فى حياتك

هاتلاقى الحزن مش علشان هو فقرى ولا غاوى حزن

لانه الاكتر فاعلاماته اقوى

الحب الجميل بخير الحمد لله
هى فتره توقف وربنا يسهل وترجع تانى تتدوين

  لـــولا وزهـــراء

الثلاثاء، 22 يونيو، 2010 7:49:00 م جرينتش+3

رامى
الحياه تحمل
الحزن والفرح
الحب والكراهيه
الخير والشر
وعلشان نعرف قيمة حاجه بجد لازن نشوف النقيض
مش فيه جمله بتقول وتعرف الاشياء بتضادها

زهراء

  Ramy

الثلاثاء، 22 يونيو، 2010 7:54:00 م جرينتش+3

ريتشاردية

دة اكيد الحياة متكنش حياة منغير صعاب

مش هنحس بلذتها من غير تعب

لالا بس بجد انا بأفضل فاكر الفرح أكتر

يمكن اكون مختلف

معرفش بحاول ان المواقف الحزينة ألغيها من حياتى بس بتعلم منها اكيد

شكرا ليكى على الاهتمام بموضوع مدونة الحب الجميل اصلها كتبت بوست حزين جدا النهاردة

و معرفتش اعلق عليه ولا اوصلها

شكرا للتعليق والمتابعة

  Ramy

الثلاثاء، 22 يونيو، 2010 8:24:00 م جرينتش+3

زهراء

(: أبتسامة عريضة

اولا طبعا دة حقيقى احنا مبنعرفش طعم الفرحة إلا لم نمر بحزن

و العكس

علشان كدة انا قلت و لا هى الأتنين (:

ثانيا بجد انا مقدر ظروفك بجد ربنا يوفقك

شكرا بجد برغم الظروف جيتى ونورتينى

شكرا (:

  موجة

الثلاثاء، 22 يونيو، 2010 8:43:00 م جرينتش+3

السلام عليكم
ياااااااااااه
هو انا اول وا ازور مدونتك الاقى فيها بوست اسمة الحياه
بجد عنوان البوست نفسة صحى فيا حاجات
بحييك على استخدام كلمات قليلة للتعبير عن معانى كثيرة
دمت بكل خير

  طالبة مقهورة

الثلاثاء، 22 يونيو، 2010 9:11:00 م جرينتش+3

استاذ رااااامي :)

ايه اخبارك ..انا قربت اخلص اهو وهاجي اقيم عندك بس تركب تكييف اللهي يسعدك الواحد مش ناقص ^_^

الحياة بكل بساطة..طريق طويل..رحلة..زي ما ممكن تقابل موقف يفرحك فيها..في لحظة ممكن السعادة تتقلب تعاسة..وهيا ديه ميزتها عشان منزهقش ونمل منها

بس هيا في حد ذاتها متعة مش مهم النهاية او البداية المهم الرحلة نفسها

صغنتوت الكلام وعسول جدا :)

بالنسبة للمدونة اللي حاطط لينكها انا شوفتها..بس اكيد اكيد هيا كانت بتكتب بوستات شخصية كتير ولما بصت على اللي فات استرجعت مدى ألمه..بصراحة انا معنديش اي وسيلة للاتصال بيها..ربنا يكرمها ويسعدها وهتبقى كويسة ان شاء الله

  Ramy

الثلاثاء، 22 يونيو، 2010 9:33:00 م جرينتش+3

موجة بين السما و الأرض

اية رايك بقى (: و يارب متكنش اخر زيارة

شكرا ليكى

شكرا للزيارة و للتعليق الجميل (:

  Ramy

الثلاثاء، 22 يونيو، 2010 9:39:00 م جرينتش+3

طالبة مش عاوز اقول مقهورة

كبيرة قوى عليكى

انا الحمد لله شكرا ليكى و ربنا معاكى فى باقى الأمتحانات

و نشرب الساقع (:

اهو انت لخصتى كل حاجة الحياة فى حد ذاتها متعة بكل اللى فيها

الكلام صغنون علشان الصغنونة اللى بتشب (:(:

دة من ذووقك

و شكرا لأهتمامك بموضوع مدونة الحب الجميل

يارب تكون بقت كويسة احسن من الأول

شكرا للمرور و التعليق وسط زحام الأمتحانات (:

بالتوفيق

  Tears

الثلاثاء، 22 يونيو، 2010 9:54:00 م جرينتش+3

الحياة مسرح كبير يا رامى فيه كل حاجة

فيها كل التناقضات و لو بصيت حواليك حتلاقى فيه الابيض و الاسود و الليل و النهار و الحر و البرد و هكذا

و طبعا بين النقيضين فيه درجات كتير و بين القدر و بين اختياراتنا بتكون حياتنا

  Ramy

الثلاثاء، 22 يونيو، 2010 10:27:00 م جرينتش+3

tears

و بين القدر وأختيارتنا بتكون حياتنا

طب أقول أية بعد كدة (:

بأمانة تسلم ايدك

شكرا لزيرتك و شكرا أكتر لتعليقك (:

  داليـ ـ ـ ـ ـ ـ ــــا

الثلاثاء، 22 يونيو، 2010 10:31:00 م جرينتش+3

ليا عتاب
ارجو قبوله
تعرف اكتر حاجه ممكن تضايقنى اوى
انك ترد على التعليقات اللى بعدى
ومتردش عليا
وكمان مردتش على حسنى
تعرف لو مردتش علينا كلنا هقول ماشى مشغول
انما حتى لو مش عجبك تعليقى رد وقلى كده
والا مكنتش تفتح ساحة الحوار والنقاشات
كلامى ده ع البوست اللى فات

سورى ع كلامى بس بجد انا صريحه واحب اقول اللى فى قلبى ومخبيش

تحياتى ياأستاذ رامى

  Ramy

الثلاثاء، 22 يونيو، 2010 10:43:00 م جرينتش+3

داليــــــا

مفيش مشكلة خالص لازم تعتبينى لو انا عملت اى حاجة تضايق

بس بأمانة انا مش عارف دة حصل أزاى

بأمانة صدقينى أنا اسف جدا جدا جدا

أرجو تقبل أعتذارى

أنا اسف جدا جدا

بجد مش عارف أتأسف دى قلة ذوق منى غير مقصودة

ارجو تقبل أسفى

لانى فاكر انى قريتهم بس مش عارف ازاى مرضتش

اسف اسف اسف

و متتأسفيش دة انا اللى غلطان

رجاء تقبل أعتذارى

  فاروق بن النيل

الثلاثاء، 22 يونيو، 2010 11:54:00 م جرينتش+3

Ramy
الحياة يارامى لو مافيهاش الحنظل موش حاتحس بطعم العسل
لو مافيهاش بعد موش حاتحس باللقاء وحلاوته والشوق قبله واللوعة
لو مافيهاش حزن موش حاتحس بمعنى الفرح والبهجة
لو مافيهاش فقر موش حاتحس بمعنى الغنى والفلوس
لو مافيهاش غضب وشر موش حاتحس بالهدوء والخير
وهكذا صديقى فيها كل حاجة كويسة وموش كويسة هى دى الحياة

  Ramy

الأربعاء، 23 يونيو، 2010 12:08:00 ص جرينتش+3

استاذ فاروق

دة حقيقى يا استاذى

الحياة لا تكون حياة إلا بمتناقضتها

شكرا لتشريفك ليا

  أحمد شريف

الأربعاء، 23 يونيو، 2010 12:16:00 ص جرينتش+3

أستاذ رامي :
لن أزيد على الكلمات المطروحة سوى أن أقول .. أن هذه هي متعة الحياة ألا تكون نمطية وبها متناقشات في بعضها وليس كلها

المهم : صورة الطفل الجميل : بيبر لمن يا ترى ؟ هل ولدك أم أخيك أم ماذا ؟ لا أظن أنك متزوج فلمن يا ترى ؟

  Ramy

الأربعاء، 23 يونيو، 2010 12:25:00 ص جرينتش+3

منغير استاذ يا استاذ أحمد
(:

زى ما انت قلت كدة دى متعة الحياة

بيير دة ابن اختى (:

اول طفل فى عائلتنا الصغيرة
(:

شكرا للمتابعة وشكرا على التعليق (:

  داليـ ـ ـ ـ ـ ـ ــــا

الأربعاء، 23 يونيو، 2010 1:11:00 ص جرينتش+3

والله والله والله
انا لسه شايفك ردك عندى انا اندمجت على الردود فى تعليقات الناس ومكملتش حتى ويدوبك داخله بفتح البلوجر لاقيت تعليقاتك
من قبل ما اقرء كلامك لسه عندك
وقبل ما اقرء اى حاجه
بجد انا مش زعلانه وعمرى ما هقدر ازعل
لانى لو زعلت مكنتش عملت عتاب ولا ايه رأيك
ياسنيور رامى
ربنا يديم المعزه بنا دايما يارب
اروح بقه اقرء ردك عليا
واشوف ان كنت عرفت تراضينى ولا هههههههه

  داليـ ـ ـ ـ ـ ـ ــــا

الأربعاء، 23 يونيو، 2010 1:17:00 ص جرينتش+3

لالالالالالالالالالالا
اوعا بجد اسمع اسف دى منك تانى
احنا مافيش بنا اسف اوك
ومتقلش على نفسك قليل الزوء
بالعكس انتا قمه فى الزوء والاحترام ياأستاذ رامى
وبعدين انا عارفه انها ممكن تكون توهه
يعنى ماخدتش بالك من التعليق
طبعا ولا يهمك يامان
وان مكنتش متعشمه فيك اوى مكنتش جيت عاتبتك
كفايه بقه
خلينى اروح اشوف بوستك الجديد ايه نظامه
سلام

  داليـ ـ ـ ـ ـ ـ ــــا

الأربعاء، 23 يونيو، 2010 1:20:00 ص جرينتش+3

اممممممممممممم
بصراحه الحياه بتاعتى انا

فيها اللى حلمة متحققش

ومش حلم واحد دا بعيد عنك وعن السامعين أجمعين احلاااااام

وفعلا عندك حق جدا الحياه فيها كده وكده

لك خالص تحياتى

  Ramy

الأربعاء، 23 يونيو، 2010 2:03:00 ص جرينتش+3

داليـــــا

شكرا ليكى انا صدقينى قعدت متضايق لحد دلوقت لما قريت ردودك

بجد مكنتش هعرف انام انا لما يكو حد علان منى او انا حاسس انى قصرت مع حد بتعب قوى من الموضوع ده

شكرا ليكى انا مستنى بقى المستف لما يرد انا روحت اعتذرت له فى المدونة بتاعتة برضة

بالنسبة للبوست بقى

لالا متقوليش كدة ممكن الحلم مكنش ليكى او كان هيتعبك فربنا محققهوش

ممكن كون طريقة عدم تحقيق الحلم تضايق بس بعد فترة هنعرف ليه

وبأذن الله ربن يحقق لك احلامك الجاية كلها (:

شكرا جدا جدا للتعليق و قبول الأعتذار (:

  Ramy

الأربعاء، 23 يونيو، 2010 1:39:00 م جرينتش+3

داليــــا

انت معملتيش قلق خالص لالا أزاى دة انت نبهتينى و دة يدل على احترمك ليا

شكرا على فكرة الرد وصل بس حصل لخبطة عندى فى التعليقات

معلش (:

  Ramy

الأربعاء، 23 يونيو، 2010 1:43:00 م جرينتش+3

الحب الجميل

الحمد لله ان انتى بخير و مفيش مشكلة خالص أزاى دة عشرة بلوجر يعنى (:

شكرا لأهتمامك علشان تطمنينا

و شكرا لريتشاردية (:

انا اسف منشرتش الرسالة لان حصل لخبطة عندى فى التعليقات

معلش (:

  Ramy

الأربعاء، 23 يونيو، 2010 1:44:00 م جرينتش+3

timo

شكرا لزيارتك والتعليق و للاسف معرفتش انشره لان حصل لخبطة عندى فى التعليقات

انا اسف ان يحصل معاك كدة فى اول تعليق

اسف و شكرا جدا

  hana

الأربعاء، 23 يونيو، 2010 5:38:00 م جرينتش+3

الحياة مزيج من ألوان مختلفة
فيها اللي فرحان بجد أوي وحاسس انه لامس السما
بإحساسه او حتى بوصوله للي يتمناه
وفيها اللي مكتئب أووي وحاسس أنه تحت الأرض عشان حاسس العكس تماماً
وفيها كثير اوي بئا ماللي في النص لا عارفين يفرحو
ولا حتى يحزنو فيها ناس فقدت إحساسها من كثر ما إتهزم إحساسها كثير في كل حاجة
بوست جميل
هنــأ

  Ramy

الأربعاء، 23 يونيو، 2010 6:01:00 م جرينتش+3

هنــاء

دة حقيقى في كل الأحاسيس دى

بس يا رب منكش من الناس اللى فقدت الأحساس علشان دول صعب قوى

انما الحزين ممكن كدة فى موقف يرجعلوا أحساس السعادة

الله يخليكى

مرور كريم شكرا للتعليق (:

  الشـوكة الــنـاعـمـة

الأربعاء، 23 يونيو، 2010 6:36:00 م جرينتش+3

اولا دى اول مره ليا هنا
وانشالله مش تكون الاخيره
تعرف اول ماقريت البوست الطيف ده افتكرت موقف
كان بيحصل كتير بس ماكنتش باخود بالى منه
كنت اما اشوف حاجه واقول عليها حلوه ترد صحبتى الشاميه بكل تلقائيه وهدوء وتقولى عيونك اللى حلوين لحتى يشوفوا الا شيا حلوه
فعلا لما يكون جوانا صافى بنشوف الدنيا جميله
اللى جواه حزن وهموم مش بيشوف الدنيا غير من ورا نضاره سودا
تحياتى لما تحسسته بهذه السطور
دومت مبدع

  love is life

الأربعاء، 23 يونيو، 2010 6:57:00 م جرينتش+3

الحياه حلوة وجميله للقلب اللى مفهيوش ذكريات حزينه

بجد بوست رائع ومدونتك جميله انا طبعا اول مرة ادخل بس عجبنى اوى طريقتك فى التعبير

ارجو انك تشرفنى فى مدونتى

م\محمد

  Ramy

الأربعاء، 23 يونيو، 2010 7:22:00 م جرينتش+3

الشوكة الناعمة

دة حقيقى صحبتك عنها حق كل ما نفسنا تبقى صافية هنشوف الحاجة الحلوة حتى لو عليها غبار

الحمد لله ان البوست حرك حاجات جميلة جواكى (:
و ذكريات تحبيها

الله يخليكى (: دة من ذوقك

و بأذن الله يظل التواصل

شكرا للمرور و شكرا للتعليق

  Ramy

الأربعاء، 23 يونيو، 2010 7:36:00 م جرينتش+3

م/محمد

الله يخليك يا محمد دة من ذوقك واكيد هنول شرف زيرة مدونتك

لان اللف هو الليف دة صح (:

شكرا للمرور و التعليق

  بنت وولد

الأربعاء، 23 يونيو، 2010 9:04:00 م جرينتش+3

يووووووووووه
الحياه حاجات كتير قوى
حب و كره
غرام و انتقام
نجاح و فشل
بس المهم السلبيات متغطيش على الايجابيات اللى اكيد موجوده

تحياتى

  Ramy

الأربعاء، 23 يونيو، 2010 9:50:00 م جرينتش+3

ولد وبنت

شرفتونى رأيكم صح الصح (:

تحياتى ليكم

شكرا للمرور و شكرا للراى الجميل (:

  موجة

الأربعاء، 23 يونيو، 2010 10:42:00 م جرينتش+3

مش عارفة اشكرك ازاى على التهنئة
بجد ميرسى ليك اوووى
كنت بقرا التعليقات
وعمالة اكلم نفسى
انا سيبت تعليق هنا مش لاقياه
طب فين رده عليا
ايه ده هو معبرنيش
لاء
وبعدين
اتارى عنيا مزغلله شويه
هههههه

  Ramy

الأربعاء، 23 يونيو، 2010 11:29:00 م جرينتش+3

موجة

على اية الشكر بس

دى حاجة طبيعية انى لما ألاقى صديق ليا عيد ميلاده

انى اعيد علية

اللى مش طبيعى انى معيدش (:

و سلامة عنيكى من الزغللة (:

شرفتينى يا موجة (:

  أتنين حبيبين

الخميس، 24 يونيو، 2010 1:51:00 ص جرينتش+3

السلام عليكم

معلهش أول زياره ويارب مش تكون الأخيره

معاك حق بكلامك هى كلمة صغيره بس تسلم عليها
احنا اصلا فى حياتنا ماشين بالتتضاد
زعل حزن فرح
كئيب مبسوط
غنى فقير
وحاجات تانيه كتير
ربنا يسعدنا دنيا واخره يارب
تقبل مرورى الاول

تحياتى
توتا

  Ramy

الخميس، 24 يونيو، 2010 2:10:00 ص جرينتش+3

أتنين حبيبين

توتا

معلش على اية انتوا شرفتونى

كويس ان كلامى عجبكوا

و بأذن الله يكون فى تواصل دايما

شكرا للمرور وللتعليق

  ήσѓα

الخميس، 24 يونيو، 2010 10:53:00 ص جرينتش+3

حلوه الكلمات اللي أول التدوينه
بس ماعندي جواب لسؤالك ^^

  Ramy

الخميس، 24 يونيو، 2010 11:44:00 ص جرينتش+3

nora

شرفتينى

كويس ان الكلمات عجبتك

لا عادى مفيش مشكلة بس الأجابة هتلاقيها فى حياة كل واحد فينا

شكرا للمرور وشكرا للتعليق (:

  أحمد شريف

الخميس، 24 يونيو، 2010 12:10:00 م جرينتش+3

ربنا يفرحكم ببيبر الجميل وتخاووه بدري بدري

وعقبال ما تفرح بولادك

ما دام أستاذ لا تروق لك سأرفع التكليف في الألقاب بعد إذنك (:

  Ramy

الخميس، 24 يونيو، 2010 12:29:00 م جرينتش+3

الله يخليك

هما بقى يخووه (: انا مالى

لا عادى بس زى الأخوات يا احمد (:

  mrmr

الخميس، 24 يونيو، 2010 4:28:00 م جرينتش+3

رامى
الحياه بالنسبه ليا هى فتره من الزمن بنعيشها الى حين ننتقل الى المكان المعد لينا بس لازم نعيشها صح
الحياه مزيج من االفرح والحزن
السعاده والشقاء
فالحياه كالبخار يظهر قليلا ثم يضمحل

هذه زيارتى الاولى وان شاء الله مش الاخيره
تقبل منى تحياتى

  Ramy

الخميس، 24 يونيو، 2010 5:03:00 م جرينتش+3

mrmr

امممم المكان المعد لينا أفهم من الكلمة حاجات كتير

فالحياة كالبخار يظهر قليلا ثم يضمحل تأكيد ليا ان ممكن يكون اللى فهمته صح

بأذن الله أنتى نورتينى (:

  ali younes

الخميس، 24 يونيو، 2010 8:54:00 م جرينتش+3

الاخ رامي
بجد انا احسدك يا عم علي حبيبك دول الناس كلها هنا بتحبك... عارف لية ؟؟؟
عشان انت انسان مهذب وعاقل ونتزن...
تحياتي لك وشكرا لاهتمامك بالمرور علي مدونتي

م / علي يونس

  Ramy

الخميس، 24 يونيو، 2010 9:11:00 م جرينتش+3

أستاذ الفاضل م/ على
(:

بجد انا بعزهم لأبعد ما تتخيل صحيح نحن فى عالم أفترضى و لكن دى ناس محترمة جدا

الله يخليك أستاذى دة من ذوق حضرتك و لانك انسان محترم

سيدى مدونتك من المدنات الجيدة التى تستحق المتابعة

وهذا يزيدنى لمجرد التصفح بها لأستازيد منها

لا تشكرنى فالشكر لك

(:

  جارة القمر

الخميس، 24 يونيو، 2010 9:56:00 م جرينتش+3

طب دى اول مرة اجى هنا
الكلمات عجبتنى الصراحة والصورة كمان عجبتنى اوووووووى

بس كلمتك الاولى صح الدنيا حلوة فى عيون الناس البرئية ومش انجرحت و وحشة فى عيون اللى مش حقق حلمه

عارف الاجمل ايه ؟؟ انك تشوف الدنيا زى ما هى مش من عيون حد ولا بناءا على موقف

هروح انا بقى اتفسح شوية فى المدونة بتاعتك ممكن ؟؟؟
اه ممكن اتفضلى طبعا
مغسى مغسى :D:D

  جارة القمر

الخميس، 24 يونيو، 2010 9:59:00 م جرينتش+3

انا بسجل اعتراضىىىىىىى يعنى اول زيارة و المدونة بتاعتك تعمل معايا كدا ينفع ؟
اكتب التعليق وتهنج و تمسحه

الكلمات حلوة اوى و الصورة كمان معبرة الصراحة
اصل احنا مهما عشنا بحس اننا فعلا اطفال بنشب عشان نشوف الدنيا ولسه مش شايفنها صح
عارف الاجمل اننا نشوف الدنيا زى ما هى ... مش من عيون حد ولا من خلال مواقف

انا هروح اتفسح فى المدونة بتاعتك شوية بقى ممكن؟؟
اه طبعا اتفضلى
مغسى مغسى :D:D

  Ramy

الخميس، 24 يونيو، 2010 11:30:00 م جرينتش+3

جارة القمر

انا عرضت الكومنتين علشان تعرفى ان انتى ظلمتى مدونتى الغلبانة (:

بس أوعى تزعل من البوستات اللى جاية (:(:

طبعا هى دى الدنيا اللى بنشفها بعنينا

أعتبرى نفسك فى مدونتك بس مقلتيش رأيك بعد ما لفيتى

شرفتينى و يارب متكنش أخر مرة يا جارة القمر

  mrmr

الخميس، 24 يونيو، 2010 11:45:00 م جرينتش+3

امممممممممممم
طول عمرك تفهمها وهى طايره

  Ramy

الجمعة، 25 يونيو، 2010 12:04:00 ص جرينتش+3

(:

طب صح هههه

اصلى انتى اول حد بصراحة

فمفاجئة

حلوة أكيد (:(:

  القدر و انا

الجمعة، 25 يونيو، 2010 6:00:00 ص جرينتش+3

رامى
اولا تشرفت بزيارتك
ثانيا كلماتك جميلة وعميقة المعانى
وعلى فكرة انت مش بعيد
انت قريب جدا
الاقصر داخل مصر
وحتى لو خارجها
النت خلى كل الناس قريبين
وحقيقى كلنا مهما اختلف سننا او ظروفنا الا اننا بنفيد ونستفيد بصورة او اخرى
هون على نفسك
واعرف اننا بشر
بداخل كل منا الخير والشر
القوة والضعف
ودوام الحال من المحال
وكفاية كلماتك الجميلة دى (بحاول اكون انسان مع ناس بحترمهم وبحبهم زى اخواتى )
ربنا يهديك دائما الى الطريق السليم

  Ramy

الجمعة، 25 يونيو، 2010 1:08:00 م جرينتش+3

القدر وأنا

أستاذتى الكريمة

حقيقى شرفتينى بزيارتك شكرا لحضرتك

أنا دلوقت أحسن كتير الحمد لله

أكيد دوام الحال من المحال

الله يخليكى على الدعوة الحلوة دى

و ربنا معاكى و يوفق حضرتك

  mrmr

الجمعة، 25 يونيو، 2010 1:44:00 م جرينتش+3

بجد انا سعيده جد بيك و بالبوست بتاعك
ربنا يدوم المحبه والتواصل

  Ramy

الجمعة، 25 يونيو، 2010 1:54:00 م جرينتش+3

mrmr

(: شكرا ليكى

دة من ذوقك

أن شاء الله يدوم التواصل بس مادام حطيت مدونتك على المتابعة

هتابع (:

(:

  ساسو

الجمعة، 25 يونيو، 2010 2:43:00 م جرينتش+3

يااااااه يا رامي اكيد انت زعلان مني أوي
مش عارفه اتأسفلك ازاي
بجد انا بقالي فتره متغيبه عن مدونتي كمان
وجيت اشوف جديدك ألقاني مش لاحقه القطر خالص
انا أخر تعليق
سوري بجد
وبجد الحياه بتاخد منا اكتر ما بتدينا
وأهم حاجه ان الحلم مش بيتحقق
الحمد لله

كلماتك روعه يا رامي يا اسطوره فن

  Ramy

الجمعة، 25 يونيو، 2010 2:58:00 م جرينتش+3

ساسو صديقتى العزيزة (:

لالالا أبدا صدقينى أنا عارف زنقة الأمتحانات

ربنا يوفقك

وبعدين دة أنا اللى مقصر مش أروح أشقر كدة وأشوف الأخبار

لية بس الاحلام ممكن تتحق لو متحققتش يبقى كويس لان فى حلم أحسن مستنينا

الحمد لله

(:(: الله يخليكى يا ساسو أنتى اللى ذوق جدا بأمانة

متتأخريش تانى (:(:(: بس هحاول القطر اللى جى أستنى

  мαησηα

الجمعة، 25 يونيو، 2010 10:09:00 م جرينتش+3

بيقولك ياللى بتسال عن الحياة خدها كده زى ماهى

فيها ابتسامة وفيها اه فيها اسية وحنية

ياما الحياة فيها اللى بيرضينا واللى بيشقينا

بس هى دى الحياة لو فهمناها مش هنعرف نعيشيها

علشان احنا حياتنا هى المقاوحة مع الحياة بس

علشان نفهمها ونعرفها

انا بقيت فيلسوفة هههههههههه

تسلم ايدك يا رامى

" انا اتعودت ع سامى ع فكرة بقه

وكل شوية اتلغبط :( "

كلماتك رغم انها بسيطة بس معبرةاوى

  Ramy

الجمعة، 25 يونيو، 2010 10:33:00 م جرينتش+3

اختى هلت يا جدعان وسع انت وهو

ازيك دلوقت

منورانى دايما والله بأمانة

بأمانة كلامك بيفرق معايا جدا


يا ستى اللى يطلع من ذمتك زى الفل (:(:

شكرا ليكى جدا جدا جدا جدا

لا تتصورى انا مبسوط قد ايه (:

شكرا

  م. حجاز

الاثنين، 28 يونيو، 2010 6:12:00 م جرينتش+3

ايه ده ايه ده انا اسمى مش مكتوب ليــــــه

ربنا يكتر اصحابك يارامى دايما يارب ويجعلنى واحد من اصحابك الحلوين دول

وياسيدى بالنوسبة لفكرة البوست فجميلة جدا وواضح انها خففت عن قلبك شوية ربنا يكرمك يارب وتلاقى حد تانى ملهم لتدويناتك

تحياتى