مسجون



مسجون جوه قلبى
جوه احساسى بضعفى
جوه صمتى اللى مش قادر يناديكى
مسجون وبحلم بيوم حريتى
لما عينى تيجى فى عنيكى
متكتف ببعادى عنك
عاوز اصرخ مقدرشى
الصرخة متقيدة فى صدرى
*********
الناس حواليا مش فهمانى
مش مقدرة حيرتى وصراعى
حتى انتى عنك بتبعدينى
خايفة علي ولا منى
تقدرى تفهمينى
بس غير الكلام الأولانى
و بعد كدة سبينى
مع قيودى من تانى

42 التعليقات:

  MR.PRESIDENT

السبت، 19 يونيو، 2010 3:32:00 م جرينتش+3

ربنا يثبتك للحق ,, إن شاء الله

  Ramy

السبت، 19 يونيو، 2010 3:38:00 م جرينتش+3

السيد الرئيس

شكرا

  موجة

السبت، 19 يونيو، 2010 3:38:00 م جرينتش+3

ايه ده واول بوست كماااان
زيارتك سرتني
ونورت موجة
هو فعلا استحدامنا للمية همجي وامانا باهمية النهر مش جد.. ووزن مصر في افريقيا في تراجع..
ربنا يسترها معانا
موجة

  Ramy

السبت، 19 يونيو، 2010 4:16:00 م جرينتش+3

موجه

شكرا ليك

الله يخليك

بأذن الله

  بنت وولد

السبت، 19 يونيو، 2010 4:16:00 م جرينتش+3

عمر القلب ما كان سجن و عمر الحب ماكان ضععفف
الحب الحقيقى هو اللى بيدينا القوه اننا نفك و نكسر كل القيود

  Ramy

السبت، 19 يونيو، 2010 4:21:00 م جرينتش+3

بنت وولد

ازيكم (:

طبعا الحب الحقيقى كده

بس أحيانا وأنت مش قادر تعبر عنه أو حاجه أقوى منك بتصدك

بتحس ان انت متقيد

شكرا على المتابعة وعلى التعليق

  شوف اون لاين

السبت، 19 يونيو، 2010 4:33:00 م جرينتش+3

ايه الجمال ده يا سامى ولله المدونه احلى من الاول
والموضوع حلو اوى بس الحب الحقيقى مش سجن يا سامى
الحب حريه
وربنا يوفقك

  Ramy

السبت، 19 يونيو، 2010 4:38:00 م جرينتش+3

رسالتى

سوف أون لاين (:

انت غيبة بقالك كتيييييير بقى (:

نورتى المدونة

الحب أكيد حرية بس انا مسجون بشعور انى مش قادر انى اصرح بيه

وبعدين انتى مشفتيش اللين اللى انا بعته

انا رجعت رامى (:

نورتى و حمد الله على اسلامة بس راجعة نشيطة ومدونة جديدة

بالتوفيق (:

  لـــولا وزهـــراء

السبت، 19 يونيو، 2010 4:59:00 م جرينتش+3

كلمات جميلة دونها القلب اللي جواك ربنا يساعدك في حيرتك يا سامي ويقربلك كل خير ويبعد عنك كل شر ..صعب كلامك والصورة صعبة قوووووووووي قوووووي قوووي لابعد الحدود دلوقتي اقدر اقول ان اللون الاسود مش شياكة حزن والسحاب غيام والقطرات دموع مش مطر

لـــولا

  Ramy

السبت، 19 يونيو، 2010 5:07:00 م جرينتش+3

لولا الرقيقة

شكرا ليكى انا عارف أن ممكن يكون البوست صعب شوية والصورة

بس انا قلت حاجة فى أخر بوست انا مين

فى ملحوظة ان البوستات اللى جاية كلها كتبتها فى فترات سابقة

و و غير مرتبطة بالوقت الحاضر

و بجد انا اخترت الشكل ده للمدونة دى علشان ماشى مع لبسى (:(:(: بهرج

بجد انا اخترته لان حسيت انه ممكن يكون شيك بجد

شكرا لمتبعتك و تعليقك واسف لو كان البوست ضايقك

  sun of free dom

السبت، 19 يونيو، 2010 6:12:00 م جرينتش+3

كلمات رائعة تسلم عليها

  اميرات الاسرار

السبت، 19 يونيو، 2010 6:20:00 م جرينتش+3

بجد مدونتك جميله اوى ورومانسيه

بالنسبه للاغنيهhttp://www.mixpod.com/playlist/57425646
دا اللينك بتاع الموقع اللى بنحط منه الاغانى انت بس عليك تسجل فى الموقع دا وتختار الاغنيه اللى عايزها لما تكتبها فى السيرش
وبعدين تعملها ااد وبعدين تعمل سيف وتاخد كود الاغنيه وتروح على اضافة اداه فى المدونه وتدخل على جافا اسكريبت وتنسخ الكود وتعمل حفظ
وشوف كده وقولى ايه الاخبار
تقبل مرورى على فكرة انا بموت فى الاغنيه دى اوى

  Ramy

السبت، 19 يونيو، 2010 6:22:00 م جرينتش+3

SUN OF FREEDOM

شكرا ليكى دة من ذووقك

شرفتى المدونة

الله يسلمك

  Ramy

السبت، 19 يونيو، 2010 7:21:00 م جرينتش+3

أميرات الأسرار

شكرا جدا ليكو دة من ذووقكوا

اوك انا هعمل الخطوات دى و اى جديد هبلغكوا شكرا للتواصل و المساعدة

شكرا جدا

  norahaty

السبت، 19 يونيو، 2010 10:01:00 م جرينتش+3

كلمات صعبة ومع الصورة
بتبقى أصعب لكن بتقول انها
إحتمال كبير تكون تجربة حقيقية!

  الحب الجميل

السبت، 19 يونيو، 2010 10:20:00 م جرينتش+3

أوقات الحب بيكبل بقيوداذا الم يستطع الانسان البوح بيه ويظل بداخله

الحب حريه واذا تم اعتقالها وسجنها داخل الانسان اصبح من اسوء الاحاسيس التى يعيشها ويريد الصراخ بصوتا عالى لكنه لا يستطيع فى اوقات

بوست جميل اوى
سلمت يدك يارامى

الصوره فظيعه اوى

تحياتى

  Ramy

السبت، 19 يونيو، 2010 10:30:00 م جرينتش+3

norahaty

تقدرى تقولى كدة

انا اسف لو الصورة كانت صعبة

شكرا لمرورك الكريم وتعليقك

  Ramy

السبت، 19 يونيو، 2010 10:34:00 م جرينتش+3

الحب الجميل

انتى فسرتى كتير من اللى عاوز اقوله

الله يسلمك

انا اسف جدا على الصورة و اسف لو كانت ضيقتك

شكرا لمتبعتك وعلى التعليق

بكرر أسفى

  Tears

السبت، 19 يونيو، 2010 11:18:00 م جرينتش+3

جميل اوى يا رامى انك رومانسى كده

الانسان الرومانسى دايما بيبقى طيب و عنده اخلاق

  Ramy

السبت، 19 يونيو، 2010 11:31:00 م جرينتش+3

تيرز

(: شكرا ليكى دة من ذووقك

اخجلتينى بأطرائك

مش عارف اقول حاجة

  لـــولا وزهـــراء

الأحد، 20 يونيو، 2010 4:19:00 ص جرينتش+3

اولا ميرسي لولا الرقيقة دي بجد شكرااااااااااااا x_x x_x x_x ثانياَ بتقولي اسف ان كان البوست ضايقك !!! اكيد انت بتهزر مش كدة ضايقني ازاي ... دي مشاعر انسانية راقية جدا اضايق منها دا اسمه كلام انا بس خوفت من منظر الصورة وخوفت ان دي تكون حالتك عشان كدة دعيتا ربنا يفك كربك والحمد لله ان دي مشاعر ف الماضي وليس بالحاضر... شكراَ على الاخطار الجميل اللي في بالحب ..كلك ذوق .

ملحوظة عايزة اشوف حاجة فرايحي بقى وصورة حلوة ):

لـــولا

  ساسو

الأحد، 20 يونيو، 2010 10:11:00 ص جرينتش+3

ياااه يا رامي علي الرومانسيه والرقه
بس سامحني الصوره صعبه جدا
والحب عمره ماكان ضعف
لا دا اكب قوه
هو اللي بيدينا الطاقه
وعلشانه بنقدر نعيش

بجد انت هايل أوي
وكل جديدك جميل جدا
دام قلمك يرش ابداعا يا اسطوره

  мαησηα

الأحد، 20 يونيو، 2010 11:17:00 ص جرينتش+3

مسجون جوه قلبى
جوه احساسى بضعفى
جوه صمتى اللى مش قادر يناديكى
مسجون وبحلم بيوم حريتى
لما عينى تيجى فى عنيكى
متكتف ببعادى عنك
عاوز اصرخ مقدرشى
الصرخة متقيدة فى صدرى

يااااااااااااااااه عليك بجد

احساسك قوى اوى ف دى يمكن لانه حقيقى

واصلنى اوى اوى

تسلم الايادى

  Ramy

الأحد، 20 يونيو، 2010 11:58:00 ص جرينتش+3

لولا الرقيقة

ميرسى على اية مش دى الحقيقة (:

شكرا لدعائك

انا اسف على الصورة جدا

و قريب بأذن الله يكون حاجة فريحى بس البوستات اللى جاية بس الصور هتكون اقل حده

شكرا للمتابعة و التواصل (:

  Ramy

الأحد، 20 يونيو، 2010 12:03:00 م جرينتش+3

ساسو صديقتى العزيزة

ازيك و أخبار الأمتحانات عاوزين نشرب الساقع و جاتوه (:(:

عمر الحب ما كان ضعف انا تجربتى خلتنى اقوى بكتير فى كل حاجة الضعف هنا عدم قدرتى على البوح بالحب ده

فاكره بوست الصرخه دى كانت علشان مش قادر اتكلم

الله يخليكى يا ساسو

علشان خاطرك بس اسطورة (:

شكرا ساسو على المتابعة والتعليق الجميل (:

  Ramy

الأحد، 20 يونيو، 2010 12:06:00 م جرينتش+3

أختى مانون عندنا

يا مرحبا يا مرحبا و انا اقول المدونة بتضوى ليه (:(:

مش اختى لازم يوصلك اللى انا كتبه

الله يسلمك

انتى ايه اخبارك مش باينة كده لعل المانع خير

شكرا جدا جدا جدا (:

  توفيق التلمساني

الأحد، 20 يونيو، 2010 1:57:00 م جرينتش+3

رامي الحب قبل الزواج ليس هو نفسه الحب بعد الزواج.

الحب قبل الزواج رغم احترامي له و إقراري بوجوده إلا أني أعتبره كما لو أنه نوع من التشبث بالوهم ..باب من أبواب التغطية على عدم القدرة على الإنسجام مع متطلبات الواقع ، خاصة لما يعوق قدرة الشاب أو الفتاة على الإلتزام بواجباتهم التي يبنى عليها مستقبلهم.

أنا مقر بأن الدنيا لكي نعشها صح تحتاج منا لكثير من الحب .حب الله ، حب الناس ،حب العمل ، حب المبادئ التي نؤمن بها ،و مقر أيضا بأنه من أحسن أنواع الحب الذي يظفر به الإنسان هو حب الإنسان الذي يشاركه حياته.لكني في نفس الوقت أشعر بانزعاج كبير من الحب الذي يعطل الإنسان عن أداء دوره في الحياة.هذا النوع من الحب هو في اعتقادي حالة مرضية مفروض على الإنسان أن يقاومها.

معذرة أخي رامي نسيت أن أسجل إعجابي بالشاعرية الجميلة التي طبعت كلماتك.

تحياي

  Ramy

الأحد، 20 يونيو، 2010 2:32:00 م جرينتش+3

أستاذى الجليل

توفيق التلمسانى

أنا متفق مع حضرتك للتفسير دة وهو دة اللى انا عشت بيه حياتى لن أقول احب إلا عندما أعرف و أكون قادر على بناء أسرة

لذلك منعت نفسى كثيرا لمجرد التفكير فى الحب لانى لا أعرف أحب لمجرد الأحساس بالحب بدون أنى أستطيع أفعل شيىء أيجابى

و عندما وجدته صدقنى سأفعل المستحيل لأنجاحه ولكن لم يكن هناك نصيب و لكن هذا الحب أعطانى دفعة معنوية حقيقية للتفكير الأيجابى فى مستقبلى

لذلك لم ولن أتذكرها سوى بالحب والأحترام لأنسانة جعلت منى أنسان جديد بحق

شكرا سيدى لمشاركتك لى (:

لا تعتذر أستاذى مجرد وجودك أسعدنى شكرا لهذا

شكرا جدا جدا

  richardCatheart

الأحد، 20 يونيو، 2010 6:52:00 م جرينتش+3

كلامك جميل وبسيط وطالع من القلب

دمت بالخير ديما

يارب من احسن لاحسن

  Ramy

الأحد، 20 يونيو، 2010 7:10:00 م جرينتش+3

ريتشاردية

(:
الله يخليكى دة من ذوقك

دمتى بخير

وشكرا للتعليق و يارب ميكونش الأخير (:

  داليـ ـ ـ ـ ـ ـ ــــا

الأحد، 20 يونيو، 2010 11:24:00 م جرينتش+3

لالالالالالالالالالالالالا

الضعف ده بيبقا صعب اوى اوى فى الرجاله

جوه احساسى بضعفى
جوه صمتى اللى مش قادر يناديكى

صعب اوى اوى حكاية الصمت دى والضعف كمان وبالذات فى الرجاله تعرف لو مع البنات اقول اوك

هى كلمات جميله بس جواها نوع من الاستسلام الشديد

تحياتى

  أحمد شريف

الاثنين، 21 يونيو، 2010 4:56:00 ص جرينتش+3

تذكرت هذا البيت الشعري بعد مطالعتي لكلماتك - لا أعرف لماذا لكن البيت يقول
وما هو إلا أن اراها فُجأة فأبهت حتى ما أكاد أجيب وأرجع عن رأيي الذي كان أولاً
البيت الشعري ليس لي وهو لشاعر عربي قديم لا أتذكر اسمه بالمرة

  أحمد شريف

الاثنين، 21 يونيو، 2010 5:10:00 ص جرينتش+3

بالمناسبة أعجبني رد الأستاذ توفيق التلمساني فيه كثير من الموضوعية

  ELMOSTAFZ

الاثنين، 21 يونيو، 2010 7:40:00 ص جرينتش+3

بص هوا رأي طبعا مش هايعجبك و غالبا عمره ما عجب حد في الدنيا...
بس طالما الحب بيضعفك ، ليه بنعلق نفسنا بأرواح تانية و نفضل متعذبين بسببها لما ف ادينا نعيش منفردين و بكرامتنا و حريتنا...
لذا ، أنا من صغري بقول ان الإنسان وحده في أفضل حالاته ، و الارتباط بآخر هو تشويش نفسي عديم اللزوم...
لك أجمل التحيات...

  Ramy

الاثنين، 21 يونيو، 2010 11:13:00 ص جرينتش+3

أستاذ أحمد الشريف

بيت شعر جميل

كويس أن كلماتى بتفكرك بحاجة كويسة كدة (:

  Ramy

الاثنين، 21 يونيو، 2010 11:14:00 ص جرينتش+3

استاذ أحمد الشريف

تانى كومنت (: و أنا عجبنى و رديت عليه ممكن يكون بموضوعية برضة (:

شكرا احمد على المتابعة والتعليق

  Sharm

الاثنين، 21 يونيو، 2010 12:43:00 م جرينتش+3

ياسلام عليك

  أحمد شريف

الاثنين، 21 يونيو، 2010 12:48:00 م جرينتش+3

أشكرك على ردك يا أستاذ رامي وأنوه أني نسيت شطر من البيت إذ يقول :

وما هو إلا أن أراها فجأة فأبهت حتى ما أكاد أجيب وأرجع عن رأيي الذي كان أولاً وأذكر ما أعددت حين تغيب

  Ramy

الاثنين، 21 يونيو، 2010 12:54:00 م جرينتش+3

شارم

دكتور أحمد ياسلام ياسلام فين تمن التاكسى (:(:

شرفتنى يا دوك بهرج لا تقول دة اسيوطى (:(:

  Ramy

الاثنين، 21 يونيو، 2010 12:56:00 م جرينتش+3

أستاذ أحمد

أه كدة المعنى كمل

تقدر تقول كدة بس انا كنت رغاى برضة (:(:

شكرا للأهتمام

  Ramy

الثلاثاء، 22 يونيو، 2010 10:47:00 م جرينتش+3

داليــــا

اولا اعتذر على تأخير ردى الغير مبرر

صدقينى ممكن الأنسان بيكون ضعيف فى بعض الحالات

و دة مش غلط اة عيب لان دة فى طبيعتنا البشرية

بس أهم حاجة الضعف دة ميتغلبش علينا

شكرا لذوقك و أسف لقلة ذوقى

ارجو تقبل أعتذارى

شكرا للمتابعة وعلى التعليق

  Ramy

الثلاثاء، 22 يونيو، 2010 10:59:00 م جرينتش+3

صديقى مستفز

انا اسف جدا جدا جدا لـاخرى فى الرد غير المبرر

الحب لا يضعف يا صديقى صدقنى انا مكنتش حاطط فى دماغى انى احب ابدا لأسباب كتير من ضمنها انى معلقش نفسى مع حد انا حر كدة احسن

بس بجد لو ابتدى الموضوع يلمس قلبك هيغير دة كل تفكيرك

انا بقولك دة لانى انا حاسس ان تفكرنا ممكن يكون قريب

هو مش وعظ بس عن تجربة وبرضة هو لا يمكن يكون تشويش نفسى صدقنى بيخليك صافى الذهن عندك هدف او بيقويك لصنع هدف

معرفش بس دة اللى حصل معايا

و انت لك كل تحياتى و أعتذاراتى على تأخر الرد

صديقى تقبل اعتذارى ارجوك