ماهر زين - ان شاء الله



الأول أزيكم كلكم بعد ما أنا أتغيرت أو بالأصح رجعت رامى (:
دى أغنية أو دعاء بالمعنى الأصح سمعتها من أسبوعين شيرنى فيها أحد الأصدقاء على الفيس بوك عجبتنى جدا جدا كلمات ولحن كلها على بعضها
فكرتنى بترانيم كتير انا بحبها
فكرنى بيها mado
صاجب مدونة arab zone blog
أنا كنت عاوز أكتب عليها بوست من أول ما سمعتها
لان أنا بحب الترانيم و الأدعية جدا جدا
حتى لو لاحظتوا انا عامل ليها سلسلة
ترانيم بحبها
طبعا القمة عندى أدعية عبد الحليم وبسمعها من وقت للتانى
لان انا بحب وانا بشتغل اشغل ترانيم
لانها بتهدينى
لما جيت بقى أعرض فكرة أن أنزلها على المدونة
كنت مش عارف بقى الناس هتحب كده ولا لأ بس أنا قلت أنا هعرض اللى بحبه اللى حابب يشوف أهلا وسهلا و اللى مش حابب اهلا وسهلا برضه
ليه قلت كده أن الناس هتحب كده ولا لأ زمايل ليا هنا أقالو بس يا رامى دى أدعية أسلامية
طبعا ضحكت أنا بحب الضحك أصلى (:
ضحكت ليه بقى لان هما دول برضه زمايلى اللى بيسمعوا أدعية عبد الحليم
أيه الفرق يا جماعة
وبعد كدة الراجل بيكلم ربنا يعنى نكبر كده دماغنا ونفهم
بس هقول على موقف كده
مره كنت مشغل ترانيم ودخل واحد زميلى
سألنى أيه ده يا رامى قلت له ترانيم
قال لى يعنى ايه
معرفتش أشرح قولت له أغانى لربنا
راح قال لى مش حرام تغنى لربنا
طبعا أبتسمت
عارفين ليه طبعا لان أنا بحب الأبتسامة (:
قلت له أنا اسف بس أنا بحب أسمعها
يعنى الواحد بيلاقى دمغات مقفلة فى كل حته
(:(:(: أرحمنى يا رب
يا رب مكنش ضايقت أى حد فى البوست
بس حبيت افضفض معاكو
ونضحك أصلى فى مواقف مينفعش فيها غير الضحك

أصدقائى الأعزاء شكرا
(:

20 التعليقات:

  لـــولا وزهـــراء

الجمعة، 18 يونيو، 2010 2:46:00 ص جرينتش+3

ازيك يا سامي ولا نقول رامي :d انا مششايفة فرق بين الاتنين لاني بكلم انسان واحد جواك شوفت الفلسفة دي :d انا اعرف الترانيم طبعاَ وبالمناسبة انا زيك بحب اكبر دماغي بس ساعات اخاف على شعور اللي قدامي فلما بسأل بسأل عشان اخاف يكون انجرح مش تقفيل دماغ
...انا مبسوطة ان اللينك اللي بعتهولك عجبك وبتسمعه " مولاي يا مولاي " وانا تقريباَ كنت عارفة وانا ببعته لان ده تواشيح محدش مايعرفهاش بس ماشوفتش ان فيها حاجة لاننا بنكلم ربنا في الاخر ... البوست ده عجبني جداااااااااااااا

لـــولا

  داليـ ـ ـ ـ ـ ـ ــــا

الجمعة، 18 يونيو، 2010 3:11:00 ص جرينتش+3

انا بصراحه النت عندى مو تمام بالمره بيحمل الصفحه بالعافيه
ومش رضا خالص يحمل الكليب
وايه حتى لو حاولت من هنا للسنه الجايه ولا الهوا
فمقدرش أحكم وأقول رأى

مع انى دخلت كم مره عندك وكان عندى امل الكليب يحمل بردوا قلت بقه عرفيه انى دخلت

تحياتى أستاذ رامى

  Ramy

الجمعة، 18 يونيو، 2010 11:38:00 ص جرينتش+3

لولا

اللى تفتكريه (: لالا هو بيســـأل و انا عارف بيسأل ليه بس انا مبحبش اخوض فى حاجات انا مش مؤهل ليها ومتخصنيش (:

طبعا اللينك عجبنى لان اول مرة اسمعوا كامل لان سمعت منه تخاطيف قبل كده شكرا للينك الجميل ده
الحمد لله ان البوست عجبك (:(:

شكرا كتير للمتابعة والتعليق الجميل ده (:

  Ramy

الجمعة، 18 يونيو، 2010 11:41:00 ص جرينتش+3

داليـــــــــــا

اولا ربنا يقوم النت عندك بالسلامة (:(:

ثانيا بجد هيعجبك جدا

ثالثا شكرا جدا لزيرتك و تركك للتعليق (:

  ali younes

الجمعة، 18 يونيو، 2010 2:19:00 م جرينتش+3

الاستاذ رامي
تحياتي لك
قرأة تعليق لك بمدونة الدكتورة ستيتة , قلت امر القى نظرة علي مدونتك , عندما قرأة البوست الاول أن شاء الله بصراحة مكنتش فاهم شبئ من الكلام بتاعك لانى لم اتعرف عليك بعد لما قرأت البوست الثاني وهو تعريف بشخصك فهمت القصة .
اولا انا احيك علي وضوحك وصرحتك ثانيا احيك علي رجاحة عقلك مش تكبير دماغ ولا شيئ دى رجاحة عقل ربنا يوفقك لكل خير.
انا تعمدة الدخول والتعليق حتي نكسر حاجز الغباء الذي وضعة بيننا اناس لهم اهواء ؟
المهم شد حالك كدة ورينا حاجات جميلة من اشعارك وفي انتظار الشعر الذي يسطر تجربتك.


ali-younes.blogspot.com

ali-younes2.blogspot.com

م/علي يونس

  Ramy

الجمعة، 18 يونيو، 2010 2:37:00 م جرينتش+3

استاذى الكريم م/ على يونس

اولا اسعدتنى زيارتك للمدونة

و شكرا لرايك الذى اعتز به طبعا من انسان مثلك

على فكرة انا مقدرش اقول على اللى بكتبه شعر ممكن تقول استرسال او خواطر او مشاعر مكتوبة

شكرا جزيلا

  ali younes

الجمعة، 18 يونيو، 2010 3:51:00 م جرينتش+3

الاخ رامي

انت صادق فعلا كتابتك مش شعر بس فيها رائحة الشعر والسجع والترتيب وهي فعلا خواطر منظمة .

ارجوا من حضرتك وادعوك وأدعوا جميع الزوار لمدونتك لزيارت مندونتي الاخرى الحقيقة لابداء رئيك في الموضوع المطروح وذلك للاهمية

موضوع الفراشة الحائرة

ali-younes.blogspot.com
م / علي يونس

  Ramy

الجمعة، 18 يونيو، 2010 4:13:00 م جرينتش+3

استاذى

سوف ادخل وأرى و أقرأ و سوف اكتب ما أرى (:

أن شاء الله

  sun of free dom

الجمعة، 18 يونيو، 2010 6:23:00 م جرينتش+3

رائع تسلم

  Ramy

الجمعة، 18 يونيو، 2010 6:48:00 م جرينتش+3

sun of freedom

شكرا

شكرا للمرور و التعليق

  أحمد شريف

الجمعة، 18 يونيو، 2010 8:35:00 م جرينتش+3

أستاذ رامي .. وجهة نظرك هنا تحترم جداً جداً
أحييكِ عليها

لكَ كل التقدير

  Ramy

الجمعة، 18 يونيو، 2010 8:39:00 م جرينتش+3

استاذ احمد الشريف

شكرا جدا على رأيك

شكرا جدا على المرور

شكرا جدا على التعليق

التقدير لك اولا واخيرا (:

  Tears

الجمعة، 18 يونيو، 2010 10:02:00 م جرينتش+3

يا رامى ما تشوفلنا حل فى التعليقات اللى بتبقى معلقه فترة بعد نشر البوست دى...جيت مرتين امبارح و مافيش فايدة و اول ما شفت التعليقات دلوقتى و انها اخيرا اشتغلت فرحت و قولت اقولك مبرووك :))

اى نوع من الغناء او الموسيقى تريح الانسان جميلة

  Ramy

الجمعة، 18 يونيو، 2010 10:28:00 م جرينتش+3

tears

أنا اسف جدا جدا صدقينى مش عارف أيه القصه دى
الله يبارك فيكى (:(:

ده صحيح أنا بحب الموسيقى جدا جدا و بحب الحاجات اللى بتكلم ربنا كتير بحس انها بتعبر عنى

مبتفرقش اقيلها مين المهم ان انت بتكلم ربنا فى النهاية

شكرا جدا على التعليق وعلى الأصرار للتعليق (:(:

  زهــــراء

السبت، 19 يونيو، 2010 12:30:00 ص جرينتش+3

رااااااااااااامى

حاولت اعمل كومنت امبارح بس فى حاجه كانت بتحصل ويتم رفضه تقريبا كان فى شكله عندى

المهم كل واحد يكلم ربنا بالاسلوب والطريقه اللى تناسبه المهم اننا نتكلم او نناجى ربنا

من اجمل الحاجات مع اختلافى المسميات سواء ترانيم او تواشيح هى الكلمات التى يناجى بها العبد ربه
ربنا يكرمك

زهراء

  Ramy

السبت، 19 يونيو، 2010 12:42:00 ص جرينتش+3

زهراء

أزيك (:

ميهمكيش انا مكنتش هأعرض البوست الجديد منغير متعلقى على دة

(:(:(:

دة البوينت اللى عاوز اقوله

و يكرمك

شكرا للمرور وأصرار التعليق بس مقولتيش الفيديو عجبك (:(:

شكرا

  ساسو

السبت، 19 يونيو، 2010 10:37:00 ص جرينتش+3

صباحك جميل يا رامي

انت عارف ان النت عندي بجد ماشي بالعافيه
بجد ماشي تاتا تاتا هههههههههه
للأسف مش هأعرف أسمع
لكن انا متأكده انه تمام
لسببين الاول
ان كلام ربنا كله جميل وانا بمووووت في الادعيه جدا
والتاني
اني متأكده ان كل اختياراتك جميله جدا

تحياتي لك يا اسطوره

  Ramy

السبت، 19 يونيو، 2010 12:01:00 م جرينتش+3

ساسو

صباحك سكر على رأى كاظم (:

علشان مش بتأكليه (:

لا بس لازم تسمعيها جميلة بجد لو جت لك فرصة أسمعيها

دة أكيد الكلام لربنا جميل

الله يخليكى يا سكر (:(:

اسطورة ماشى تسلميلى (:(:

ربنا معاكى ويوفقك فى الأمتحانات

  mrmr

الخميس، 24 يونيو، 2010 4:17:00 م جرينتش+3

سامى رامى فوزى كلها اسماء مش تفرق على راى محمد صبحى اللى قال فى مسرحيه كده مش فكره اسمها ايه
( والله ما تفرق معاناالاسماء )
لكن كلنا اولاد ربنا وكلنا اولاد ابراهيم واسحق ويعقوب
والترانيم الروحيه ما هى الا انها تسمى اغانى روحيه
بس بجد كلماتها جميله ربنا ينور طريقنا كلنا
امين

  Ramy

الخميس، 24 يونيو، 2010 4:59:00 م جرينتش+3

mrmr

أسم المسرحية وجهة نظر (:

كويس تفهمك

أمين

شكرا مرورك و تعليقك