حكايتى



من غًربتها من ندرتها
من انى لو حكتها
محدش هيصدقها
علشان كدة فى قلبى خلتها
من كتر ما حبتها
ومن كتر ما حبيت حكايتها
بالرغم انها مشيت مش زى متمنتها
بس مش عارف أنساها
او أحب غيرها
و هى عرفة
أنها اول من حبيت
وفى القلب مكانتها
وعارفة حكايتى من أولها
********
بس هى بتحترم انسانيتى على قولها
وانا بحترم فيها صراحتها
من أول ما حكيت وقولتلها
بس من كتر ما حبتها
مش قادر اصدقها
مش قادر أقول دى مشاعرها
طب بس ينفع تقبلنى صديقها
*********
طبعا مش فهمنها
حكايتى اللى فيها واللى منها
محتارين تصدقوها
ولا تقوله دة بيألفها

24 التعليقات:

  Sharm

السبت، 12 يونيو، 2010 9:45:00 م جرينتش+3

بابك النهاردة موارب

  samy

السبت، 12 يونيو، 2010 10:09:00 م جرينتش+3

sharm
اولا شرفتنى بزيارتك
ثانيا يعنى أزاى موارب (:

  زهــــراء

الأحد، 13 يونيو، 2010 12:40:00 ص جرينتش+3

ســـــــــامى

ينفع اقولك ان اللوك الجديد ولونه الاسود شايفه فيه ملامح حزن وشجن ونقاط اللى شبه الندى كأنها دموووووع
على العموم اللون الاخضر كان فيه حياه
برضه ده مش يمنع اقول مبرووووووووك على اللوك
صورة البوست حاسه انها ايدك وتكتب نبفسك والشمع كأنك عاوزه ترجع للماضى شويه مش اقصد الماضى القريب لكن كنت تتمنى انك تعيش فى وقت تانى غير الوقت ده ...

احكى وفضفض حتى كلامك ماحدش هيصدقه ممكن تلاقى حد يصدق كلامك ويقول لك انا كمان سمعت حكايه شبيهه لحكايتك ..

ليس كل ما يتمناه المرء يدركه


حلوه الحكايه تسلم الايادى

  samy

الأحد، 13 يونيو، 2010 12:51:00 ص جرينتش+3

زهراء


عادى مفيش اى مشكلة انا مش بزعل من اى نقد من ناس بحترمهم فمبالك دة تعبير عن رأى قووووولى
(:

ممكن اقول انا بقى (: لالا خالص انا اخترت الشكل دة لانة شيك بس

الله يبارك فيكى

تقدرى تقولى ان تفسيرك صح انا فى كل اللى بكتبه كنت احب اعيش فى وقت غير وقتى بس الحمد لله على كل شيىء

ما انا هحكى وهحكى كمان والبوست اللى جاى هيكون مفاجأة للكل

اللهو الخفى (:(: هو عادى بس انا هقول مين انا بجد

مين اللى مستخبى ورا سامى

(:

شكرا ليكى على المتابعة والتعليق و رايك الجميل

  ساسو

الأحد، 13 يونيو، 2010 1:32:00 م جرينتش+3

صديقي سامي
مبروك علي النيولوك الجديد
بجد جميل واللون الاسود أجمل مافيه

بجد كل احاسيسك قمه في الروعه
وبجد انت موهوب جدا
يا اسطوره

  samy

الأحد، 13 يونيو، 2010 1:58:00 م جرينتش+3

ساسو

شكرا انتم السابقون ونحن اللاحقون (:(:

الله يخليكى

شكرا على المتابعة (:

  Tears

الأحد، 13 يونيو، 2010 2:04:00 م جرينتش+3

لو فيه اى علاقة العقل أكد ان محكوم عليها بالفشل او عدم الاكتمال حتى تصل لاطارها الطبيعي فمن الافضل عدم التفكير فيها و تجنبها مهما كان هذا صعبا و لكنه يظل اسهل من ان يعيش الانسان فى اوهام او داخل دائرة من الاحزان تحرمه من الحياة

مش ح نقدر نوقف الدنيا

  samy

الأحد، 13 يونيو، 2010 2:11:00 م جرينتش+3

tears

دة صحيح ودة اللى الواحد بيفكر فية او بيعملة دلوقت

و أكيد مش هنقدر نوقف الدنيا

و لو وقفناها هتكون بتدمير لحايتنا

و حايتنا مرتبطة بطريقة او بأخر بحياة اخرين

فدة لازم نفكر فية برضة

شكرا ليكى للتعليق

  bentelghrob

الأحد، 13 يونيو، 2010 8:57:00 م جرينتش+3

تيك تيك تيك(انا بخبط)
ايوا انا هنا اهو ونبى ياعم ممكن اعلق
لااله الا الله كل مره بنسى واقول ونبى جل من لا يسهو
هيا الدنيا كدا
او بمعنى اصح مش عارفه يعنى انت كويس انك عارف انك انسان فى ظل كل الى احنا فيه دا انا قربت انسى اننا انسانه
بس انا بحب اسلوب السرد دا
والاقاع السريع الى فيه كمان
تسلم ايدك
اسعدنى جدا المرور عبر مدونتك
وان شاء الله يتم التواصل
اسمح لى بالتواصل وانى اضيفك عندى على الليدر للمتابعه
انا مدونت بنت الغروب بعد منك بتلت مدونات على الشمال
معنديش بيبان على فكره ادخل على طول البيت بيتك
تقبل مرورى
تحياتى

  samy

الأحد، 13 يونيو، 2010 9:21:00 م جرينتش+3

بنت الغروب

طبعا ممكن تعلقى انت شرفتينى (:

شكرا ليكى والحمد لله انها عجبتك الله يسلمك

بأذن الله يكون فى تواصل وانا المدونة نورت بيكى

خلاص يعنى ادخل وانادى (:

شكرا للمرور والتعليق

  الحب الجميل

الاثنين، 14 يونيو، 2010 12:50:00 ص جرينتش+3

انا بقا هسيب كل دا وعاااايزه اعرف المفاجأه ؟؟؟؟؟
تطفل
هههههههه
بوست جميل
راجعه تانى
مبروك شكل المدونه الجديد

تحياتى

  samy

الاثنين، 14 يونيو، 2010 11:38:00 ص جرينتش+3

الحب الجميل


لا تطفل ولا حاجة (:

هى مش مفاجأة قوى بس هقول انا مين بجد

الله يبارك فيكى

تحياتى

  غير معرف

الاثنين، 14 يونيو، 2010 2:27:00 م جرينتش+3

ثقافة الهزيمة .. حلوة يا بلدى

فى كتاب داخل مصر"Inside Egypt": أرض الفراعنة على شفا الثورة الذى صدر عام 2008 يقول كاتبه الصحفي الأنجليزي جون برادلي عن مستقبل مصر أنه على رغم من بعض النجاحات الاقتصادية ألا أن توزيعها تم على من أرتبطوا بالنظام فقط دون أن يصل ذلك لباقي الشعب مما أدى"زيادة الحنق" بين المصريين. ويشير الكاتب إلى رؤيته في زياراته المتكررة لمصر كيف مثلا أن عدة ملايين من الثروة المصرية تنفق لأنشاء المصارف وتقديم المياه للقرى السياحية والفنادق الفاخرة التي يستخدمها السياح الأجانب والأغنياء المصريون فقط "في حين يموت الألاف المصريين كل عام نتيجة تلوث المياه التي تصل لهم"...

باقى المقال ضمن مقالات ثقافة الهزيمة بالرابط التالى www.ouregypt.us

و لايفوتك زيارة صفحة من الشرق و الغرب فى نفس الرابط و به الكثير من المقالات الجيدة.

  طالبة مقهورة ..درجة أولى

الاثنين، 14 يونيو، 2010 8:01:00 م جرينتش+3

مساء الخير يا فندم :)

سعات بحسها شيء جميل اننا نعيش في الذكريات ونفكر في حجات تفرحنا..بس سعات بحس انه غلط عشان هيخليني احس ان امبارح احسن من النهارده..

حبيت البوست اوي...
تسلم ايدك

  samy

الاثنين، 14 يونيو، 2010 8:19:00 م جرينتش+3

طالبة مقهورة

مساء النور

يارب الأمتحانات تكون تمام التمام (:

اولا ممكن يكون زى ما بتقولى كده بس انا بحس ان ذكريات امبارح بتدينى دفعة اقوى للنهاردة حتى لو كان مش أحسن

الحمد لله البوست عجبك

الله يسلمك

و ربنا يوفقك

  samy

الاثنين، 14 يونيو، 2010 9:11:00 م جرينتش+3

زهراء دة شرف ليا صدقينى

بس بعد البوست اللى جى ممكن علشان انا عاوز كل الناس تعرف هى بتكلم مين سامى دة

اللى هو مش سامى (:(:

صدقينى انا مبسوط طبعا جدا

  لـــولا وزهـــراء

الاثنين، 14 يونيو، 2010 10:26:00 م جرينتش+3

مبروك اللوك الجديد حلو قوي ..باللنسبة للحكاية ماينفعش تكون صديقها ولازم تحترم صدقها وحريتها ومينفعش تفكر فيها بعد النهاردة متخاليش الاحلام تكون لحياتك صحبتها .قطع من جوا قلبك صورتها وعيش اللحظة الجاية لسامي من غير متكون في حياتك هيا .
.مينفعش تكون عايش بيها وهي مش عايشة غير حياتها

لـــولا

  samy

الاثنين، 14 يونيو، 2010 10:42:00 م جرينتش+3

لولا

شكرا ليكى جدا


مينفعش ليه بس طب ما احنا كنا اصدقاء قبل

طب ليه متكونش علاقة الصداقة مستمرة مع احترام الطرفين لبعض

بجد صدقينى انا بعمل كده انى بحاول اعيش لحياتى

لا انا عايش بنفسى خلاص بأحلامى وامنياتى للجى

وانا لازلت بكن ليها الأحترام والمعزة كصديقة دة مش هيقلل اى شيىء من نظرتى ليها بجد صدقينى

شكرا ليكى للمتابعة والتعليق والرأى (:

  (ست* جنى* الحسن)

الثلاثاء، 15 يونيو، 2010 12:22:00 ص جرينتش+3

سلامو عليكو..
مبروك القالب الجديد.
يابختك بحكايتك اللى انت حببها ومن كتر حبك ليها
عايز تداريها عن الناس
فى ناس كتير بيهربو من حكايتهم لانهم بيكرهوها لاسباب كتيرة ومتنوعة.
الله يديم عليك نعمة الحب.
لك تحياتى

  لـــولا وزهـــراء

الثلاثاء، 15 يونيو، 2010 1:37:00 ص جرينتش+3

ياسامي انت هتضحك على سامي !!! طول ما هي جمبك بأسم الصداقة مش هتفكر غير فيها وممكن المسمى يكون صداقة لكن جواك شئ تاني هتفضل جواك صورتها كحبيبة مش صديقة يبقى تبعد وتنساها عشان تشوف حياتك اللي انت متهيألك انك شايفها انت مش عايش حياتك كدة ياسامي انت عايش حياة واحد لا طايل يكون بينه وبين حبيبته حب حقيقي ولا قادر يشوفها بعيون صديق 100% عشان خاطري متزعلش من كلامي انا قاسية قوي انا عارفة بس ده لمصلحتك ومصلحتها ثانياَ انا لو قولتلك رائي في موضوع الصداقة بين الولد والبنت هتقول عليا متخلفة هههه

لـــولا

  samy

الثلاثاء، 15 يونيو، 2010 11:11:00 ص جرينتش+3

(ست*جنى*الحسن)

وعليكم السلام

شكرا جدا ليكى

انا لايمكن ههرب من قصة حبى حتى لو فشلت لانها ثابت فى حياتى اثر ايجابى فده اقل حاجة ممكن اعمله ان افضل فاكرها

وربنا يديم علينا كلنا نعمة اننا نحب بعض

شكرا لمرورك الكريم

  samy

الثلاثاء، 15 يونيو، 2010 11:16:00 ص جرينتش+3

لولا

على فكرة انا مقتنع بكلامك وبعدين دة كلام مش قاسى زى ما انتى متخيلة مش علشان انا خلاص بحاول انسى الموضوع لا علشان منطقى

لالالا عادى كل احد وأفكاره

شكرا للمتابعة و للنصايح بجد شكرا

  мαησηα

الثلاثاء، 15 يونيو، 2010 5:54:00 م جرينتش+3

وحتى لو مصدقنهاش مش مهم المهم

انك تطلع اللى جواك علشان ترتاح

وكلناهنا بنعتبر نفسنا حكاية محدشهيصدقها لو اتحكت

علشان كده كلنا قريبين من بعض وبنفهم بعض

مستنين باقى الحكاية

  samy

الثلاثاء، 15 يونيو، 2010 6:21:00 م جرينتش+3

أختى العزيزة

كيف حالك البلوجر بيكون مضلم من غيرك بجد مش تثبيت(:

أكيد كل انسان فينا فيه حكاية

باقى الحكاية خلاص بس انا هكمل حكايتى الخاصة

شكرا للمرور الرقيق (: