خواطر

تمنيت الأن فقط أن أكون مجنون
غير مدرك للواقع


لا أعرف كيف بدأت و لا كيف أنتهيت
و لكن أردت بشدة أن أهرب داخلى
أهرب بعيدا عن واقعى
أنسى كل حياتى السابقة
كلكم غير مدركين ما أنا فية
ولكن عندما تبدأ أن تتعافى من جروح الماضى
و تجد فى أحدهم طوق نجاتك
هنا فقط ستدرك ما انا فية
الحب هو كان طوق نجاتى ولكن هو لايريدنى
لو استطيع لأقطتع قلبى منى
لمحوت ذاكرتى
لعدت كما كنت ولكن لا أستطيع ليس فقط من أجل الحب
ولكن من أجلى أنا
سلامى مع نفسى
تراجعت كثيرا جدا
أصبحت لا أعرف أن أتعامل مع الناس
لاأعرف أن أحترم مشاعرهم
لا أريد أن أسيىء للأنسان داخلك
هذة هى جملتها أليا
أرجوكى لاتكونى قاسية لانى لن أحتمل
لن أستطيع تحمل كل هذا داخلى
كنت أرجو أن تبقى الذكرى
أن نبقى أصدقاء
من الجائز أنى أضعت الفرصة
بتسرعى بلهفتى بعدم فهمى
فلا تقسو علي أرجوكى
أنى اضعف مما تتصورين ويتصور الجميع
من الجائز تكون مشاعرى غالبة على تفكيرى
على عقلانيتى
ولكن هذا كله كان لأنك كنتى أول ما كان
أرجوكى انا أعذرك فى كل ما تقولين
فأعذرينى فيما فعلت
أن لم تعذرينى فلكى كل الحق
لم ولن يأتى اليوم الذى ٍأكون حزين ما ستقولية أو تفعلية
فأرجوكى سأظل أكتب فلا تنزعجى
كل ما كتبت وسأكتب لكى
لن أزعجك
لن أفعل
لتذكرينى ذكرى جميلة
لأكون كما قلتى صديق قديم
و لكنة رحل بيده و ليس بيدك
برعونته و غباءه
و لهفته

16 التعليقات:

  ساسو

الخميس، 10 يونيو، 2010 10:01:00 م جرينتش+3

مساء النرجس والياسمين

عندما يحن قلبي
الي ما هو جميل
فتطلب مني عيوني
أن أطلع علي مدونتك
فأجد كلمات تزيد من حبي
وأبحث بين السطور
فأجد نور وجمال
حقا انت صاحب قلم
يرش ابداعا وبريق


سلمت يداك يا اسطوره

  samy

الخميس، 10 يونيو، 2010 10:18:00 م جرينتش+3

ساسو

شكرا

بس انا بجد مش اسطورة صدقينى اللى مكتوب دة وانا مضايق جدا

عارفة لما تضيعى حلمك من ايدك

يبقى أنت مش أسطورة يبقى انت لسة عاوز تتعلم كتير علشان تعرف تتعامل مع الناس ومع الأحلام

بجد شكرا على كلامك الجميل دة انا مستحقهوش بجد

شكرا لأهتمامك شكرا

  الحب الجميل

الخميس، 10 يونيو، 2010 10:22:00 م جرينتش+3

خواطر ذو كلمات جميله ورقيقه

كالعاده متألق بكلماتك

دمت بخير

  samy

الخميس، 10 يونيو، 2010 10:25:00 م جرينتش+3

الحب الجميل

الله يخليكى دة من ذووقك

دمتى بخير

  ساسو

الجمعة، 11 يونيو، 2010 9:18:00 ص جرينتش+3

عزيزي سامي
ليه بس الحزن دا
سلامتك من الضيق
بص خليها علي ربنا
ولو أحلامك متحققتشي
بكره تحلم تاني وصدقني
هتبقي أجمل بكتير من اللي فاتت
وباذن الله هتتحقق
بس انت خليك متفائل

وعلي فكره بقي الاسطوره دا
لقب بهديهولك
وكل ما أكتبلك
هقولك يا اسطوره

دمت بكل حب يا أسطوره

  samy

الجمعة، 11 يونيو، 2010 11:58:00 ص جرينتش+3

ساسو

شكرا ليكى

أنا حزين لان معرفتش أساعد اللى ساعدنى معرفتش ابين للى بحبة حبى بطريقة صح

حزين لأن ضيعت من أيدى ملاكى اللى علشانة انا عملت مدونتى

حزين لانى مش عارف أتقبل الموقف لآنى أنا اللى عملتة

بس صدقيينى عمرى ماهكون حزين منها مهما حصل مهما حصل

شكرا جدا يا ساسو على اللقب بس انا بجد مستحقهوش بجد شكرا ليكى كتير جدا جدا

وشكرا على المحبة و على كل الكلام الرقيق بتاعك

دمتى على كل حب يا صديقتى العزيزة

  غير معرف

الجمعة، 11 يونيو، 2010 2:47:00 م جرينتش+3

هاي سامي
انا ......
ايوة انا
سامي ، انا ما غلطش فيك
و لا اهنتك و لا هددت بالاهانة ، لا ليك و لا للانسان فيك .
انا كانت جملتي ... ان الصمت مش علامة للرضا ، لكن احتراما للانسان فيك ، فلا تجبرني على الكلام .
يعني ما قلتش اني هضطر اغلط .
انا كنت ساكتة احتراما لمشاعرك و احساسك الكبير ناحيتي ، و كنت عارفة و انت كمان كنت عارف انها مسالة وقت عندك، خاصة ان ردي من البداية كان محسوم ، و ما كانش بسببك ، و اعتقد اننا اتناقشنا فيه قبل كده و وضحت لك رايي ، و انت قلت انك متفهم لكده .
سامي ... انت ما ضيعتنيش ، لانك ما امتلكتنيش .
انا حلم انت حلمته ، و ده شئ رائع ، بس انا ما صنعتوش و لا اشتركت فيه ، فارجوك ما تلومنيش .
انا ما اذيتكش ، و ما استهنتش بمشاعرك ، بالعكس انا محترماها ، بس اكتر من كده يبقى انت بتستهين بصمتي و احترامي ليك .
انت ما ضيعتنيش عشان تعبيرك الغلط او رعونتك زي ما بتقول، الموضوع مش هينفع لاننا اتكلمنا قبل كده عن الاسباب .... فالموضوع محسوم بالنسبة لي .
و ما تنساش ان الجملة دي انت اخدتها منين ... اعتقد انك فاهمني .
ربنا يوفقك
سلام

  samy

الجمعة، 11 يونيو، 2010 3:12:00 م جرينتش+3

اولا ازيك

انا عارف ان انت مغلطيش فيا ومكنش تقصدى كدة انا عارف وفاهم

بس عارفة كان نفسى نبقى زى ما كانت البداية أصدقاء

ايوة انا فاهمك وعارف ان انتى عارفة منين خدت الجملة

انا عمرى ما قلت انى امتلكتك و لا يمكن اقدر اقول كدة ابدا

بس انا قصدى انى ضيعتك حتى الصداقة

انا عارف ان انتى مصنعتيش الحلم ودة انا قولته كتير

طب فى حاجات كتير كتبتها هل ينفع احطها ولا دة هيضييقك

ارجو ان تقدرى تتفهمى دة واعتبريه مكتوب وخلاص

اقرأيه كصديقة لو لسة ممكن نكون أصدقاء

شكرا لردك واسف لو وصللك انى ممكن اكون بلومك على اى حاجة انا قولت كتير عمرى ما هلومك ولا دة حتى هيجى فى بالى

شكرا جدا ليكى يا صديقتى العزيزة

  reem

الجمعة، 11 يونيو، 2010 11:32:00 م جرينتش+3

Samy

جميلة كلماتك
عبرت عن الحالة جيدا

ويارب بجد الصداقة ترجع بينكم وتفضلو اصدقاء على طول

اه على فكرة
انا كمان بسمع يوري مرقدي

تحياتى ليك

  samy

السبت، 12 يونيو، 2010 12:02:00 ص جرينتش+3

ريم شكرا

يا رب

بجد طب كويس ان فى حد فى مصر بيسمعة غيرى
(:

شكرا على المرور والتعليق وعلى ذووقك

  Mado

السبت، 12 يونيو، 2010 3:58:00 ص جرينتش+3

[ميله جدا يا سامى
تسلم ايدك (:

وعلى فكره انا كمان بسمع يورى مرقدى
بتعجبنى كلمات اغانيه وادائه ليها (:

  samy

السبت، 12 يونيو، 2010 12:43:00 م جرينتش+3

mado
اللة يسلمك

طب تمام قوى احنا نعمل جروب بقى (:

شكرا ليك على التعليق والمتابعة

  بنت وولد

السبت، 12 يونيو، 2010 1:19:00 م جرينتش+3

اولا مبروك التيمبليت الجديد شيك قوى

كلامك حزين قوى

بس عايزه اقولك على حاجه

عمر ما كان الحب و لا التعبير عنه للى بنحبهم غباء او حماقه

انت صح و اللى يقولك غير كده يبقى هو اللى غلط و ميستاهلش حبك

  samy

السبت، 12 يونيو، 2010 1:50:00 م جرينتش+3

بنت وولد

شكرا الله يبارك فيكى

أنا اسف جدا

أنا عارف بس برضة لازم منجرحش اللى بنحبهم ممكن اكون كنت لحوح فى موضوع كان منتهى من الأول

لان ممكن تحب حد بس هو مش حابك ممكن يكون بيحترمك بيحبك كصديق دة مش غلط لان الحب طرفين مش طرف واحد
فمينفعش اقول ميستهلش حبى لالا مينفعش لان الحب دة ممكن يتحول لحب انسانة صديقة عزيزة لازم نعرف ازاى ان حتى لو محصلش وفاق نظل محتفظين بحب الصداقة

بس بجد الحب هو اللى خلانى اكتب خلانى ايجابى فى حياتى فى حاجات كتير فممكن يكون اللى بكتبة دة
فى شخص الحب

شكرا ليكى أو ليك (: على المتابعة و التعليق

  محمود(باحث عن حب)

السبت، 12 يونيو، 2010 5:25:00 م جرينتش+3

خواطر جميله ومدونه اجمل واروع
دمت بعز

  samy

السبت، 12 يونيو، 2010 6:00:00 م جرينتش+3

محمود

شكرا ليك جدا دة من ذووقك

الله يخليك

دمت بخير وعز و ربنا يوفقك