كفاية يا قلبى



كفاية يا قلبى ايوة كفاية
تعبتنى وتعبتها
كفاية يا قلبى
كفاية أمل كفاية رجا
متضحكش على نفسك وتقولى أحبها
طب بعد حبها
انت لسة عندك أمل !!
يا قلبى فى قلبها
أيوة لسة
ايوة لسة عندى امل يحن ويجلنا قلبها
بس خلاص يا قلبى
ما احنا وصلنا ردها
لسة عندك أمل؟؟!!
خلاص.... سبنى فى حالى
ازاى يا قلبى اسيبك
وانت حالك هو حالى
انت عارف يا قلبى
انا كنت قربت اشيل ايدى من على وشى
كنت قربت أقول مين أنا
وكنت هواجهة الدنيا من أجلها
مهما كان ومهما قالت
لسة يا قلبى بتعزها
اة بعزها
هى قالت اية ولا عملت اية
كان المطلوب منها اية
تجرى عليك اول ما تقول
بحبها
لأ مكنش قصدى كدة
يبقى خلاص بقى
تسبها تعيش حياتها
وانت.... عيش على امل
امل تشوفها ومتشوفكش
امل تسمعها ومتسمعكش
تسيبها تعيش حياتها
وكفاية أنت..... عليك كدة

8 التعليقات:

  لـــولا وزهـــراء

الأحد، 6 يونيو، 2010 7:39:00 م جرينتش+3

سامى

بجد تحت امرك فى اى حاجه فى اى وقت احنا كلنا اخوات

كلامك حلو اوى اوى اوى
بس ليه البوست المره دى فيه شجن عالى اوى اوى مش عارفه ده مجدر احساس مش اكتر

بالتوفيق على الدوام


زهـــــــــراء

  samy

الأحد، 6 يونيو، 2010 8:11:00 م جرينتش+3

زهراء

الأمر لله (:(:

شكرا جدا ليكى يا اختى العزيزة دة انا اتشرف

اللة يخليكى دة من ذوقك

بس مش عارف أقولك اية بس دى الحقيقة

البوستات اللى جاية هتبقى يعنى حزينة شوية بس

دى حالتى فى الفترة دى لو بصيتى على موضوعات المدونة كلها ليها وعليها

مش عارف انا اسف لو كنت ضايقة حد

شكرا جدا جدا على المتابعة

  هوبتي

الاثنين، 7 يونيو، 2010 12:40:00 ص جرينتش+3

رااااائعه جدا ياسامي بجد
بيعجبني كلامك جدا

  samy

الاثنين، 7 يونيو، 2010 12:13:00 م جرينتش+3

هوبتى

شكرا وانا اجى جنبك اية

انا لسة تاتا تاتا تدوين وكتابة

شكرا على المتابعة

بس مقولتيش رأيك فى البوست اللى فات (:

  ساسو

الثلاثاء، 8 يونيو، 2010 2:27:00 م جرينتش+3

انا أسفه ياسامي اني اتأخرت
بجد انا بحب اكون اول واحده تكتبلك
بس غصب عني
بس ايه دا يا جامد
اغيب شويه ارجه القاك مكسر الدنيا كده
بجد كلامك جامد أخر حاجه
انت بجد مبدع
انت يا باشا أصل الفن
دمت لنا متألق

  samy

الثلاثاء، 8 يونيو، 2010 3:07:00 م جرينتش+3

ساسو

ميهمكيش صدقينى وشكرا على شعورك الجميل دة

انا ماانا عارف النت كان فاصل علشان تعرفى انا متابع (:(:

شكرا على كلامك جدا

انا بكتب بس مواقف بعشها

شكرا على الأهتمام وعلى المتابعة يا فنانة يا رقيقة

  ساسو

الأربعاء، 9 يونيو، 2010 1:45:00 م جرينتش+3

علي فكره انا في منتهي السعاده لأنك متابعني
بجد انت كلك زووووق

  samy

الأربعاء، 9 يونيو، 2010 2:12:00 م جرينتش+3

ساسو

شكرا ليكى بس حقيقى انتى تستحقى المتابعة