كان أملى

border="0" alt=""id="BLOGGER_PHOTO_ID_5477821432098516178" />

كنت فاكر انى لقيت حب قلبى
الحب اللى كنت بدور علية سنين
سنين توهة وحيرة وانين
انين من وحدة الروح اللى كانت ما راضية تلين
كان املى فيكى تشيلى عنى توهة وحيرة السنين
انتى كنتى علاجى وتريقى
من الجايز أنك متدركيش ومتعرفيش
ان فى كل مرة أقرأ ليكى كلام يقوينى
يقوينى على كل ضعفى
واحس ان الدنيا مش قوية ولا حتى الأحزان
لأ انا اللى كنت ضعفان ادتها فرصة
تيجى عليا
انتى اللى ادتينى احساس انى لسة فيا
أن لسة ممكن
فى الحياة أمل و فرصة ليا
**********



كان املى زى ما لقيتك تلقينى
زى ما قوتينى أقويكى
وعلى جراحك وآلامك أعديكى
ارجوكى الفرصة دى ادينى
اشدك من ايدك بأيدى
*********
كان املى تعرفينى تفهمينى
تحسى بشوقى وقلقى عليكى
ساعات كنت اقوم من النوم حزين
يمشى الحزن ويسبنى لما تيجى
بس.......لما تيجى على تفكيرى
وكنت لما توحشنى كلماتك
ابقى زى السجين وحيد اروح واجى
وتيجى على بالى
انسى السجن انسى احزانى وانسى حالى
واكتب ليكى كلماتى
يمكن فى يوم اقراها معاكى
وكان أملى
أملى لسة فيكى
ومكنش
لأنة لسه مستنيكى

9 التعليقات:

  الحب الجميل

الثلاثاء، 1 يونيو، 2010 6:49:00 م جرينتش+3

أن شاء الله يكون لك امل فى الحياه وفرصه فيها سعاده

كلمات حانيه مليئه ب الترجى من المحبوب

ارجوكى الفرصه دى ادينى

جميله كلماتك ... سلمت يداك

تحياتى

  samy

الثلاثاء، 1 يونيو، 2010 7:34:00 م جرينتش+3

الحب الجميل

دة من ذوقك الله يسلمك

وشكرا جدا جدا على المتابعة

وعلى تشجيعك

شكرا

  ساسو

الأربعاء، 2 يونيو، 2010 9:59:00 ص جرينتش+3

ياااااه يا سامي
والله العظيم انت شاعر جامد جدا
كلماتك عجبتني أوي
بجد انا بفرح جدا لما بقرالك اي حاجه
حتي لو الحاجه دي كانت حزينه
لاني ببقي مستمتعه جدا بكل كلمه

يارب يا سامي
كل اللي نفسك فيه يبقالك
واكتر كمان

  samy

الأربعاء، 2 يونيو، 2010 12:16:00 م جرينتش+3

ساسو (:

شكرا على كلماتك وتشجيعك هو مش حزن اكتر منة رجاء

يا رب

شكرا جدا على متابعتك

  لـــولا وزهـــراء

الأربعاء، 2 يونيو، 2010 4:05:00 م جرينتش+3

سامى


اول زياره هنا ان شاء الله مش تكون الاخيره

اجمل حاجه فى الدنيا انك تتمسك بالامل مهما كان بعيد لكن كون على ثقه ان فى يوم هيجى والامل يتحقق وبفرض جدلى انه مش اتحقق بيقى كفايه انك حاولت تحقق املك فى الحياه


كلماتك اكتر من رائعه
تسلم الانامل

تقبل اطيب الامنيات بالسعاده وتحقيق كل احلامك

زهــــــــــراء

  samy

الأربعاء، 2 يونيو، 2010 4:10:00 م جرينتش+3

زهراء

شكرا ليكى على الزيارة و [اذن اللة مش الأخيرة

صدقينى زى ما بتقولى انا عندى الأمل لو متحققش يبدى انا حاولت

شكرا على على اثنائك

شطرا جدا ليكى

  samy

الأربعاء، 2 يونيو، 2010 4:11:00 م جرينتش+3

قصدى شكرا بس الكيبورد (:(:

  هوبتي

الجمعة، 4 يونيو، 2010 1:57:00 ص جرينتش+3

البلوج دي جات في وقت صعب عليا حبيتين تلاته
بس جابت فايده جوايه
ميرسي

  samy

الجمعة، 4 يونيو، 2010 12:23:00 م جرينتش+3

هوبتى

انا اسف لو البوست دة ضايقك او فكرك بحاجة

ويارب تكون الفايدة اللى جت ايجابية

امنا اللى ميرسى على المتابعة

شكرا