الحب


وجدت فى الحب حياة
وجدت فى الحب أساس
اساس لمستقبل كنت أظنه صعب المنال
وجدت نفسى و روحى
وعرفت الكون
*************
الحب
كلمة كنت أسمعها كالأغانى
والأفلام
وجدتها غير هذا وذاك
وجدتها أحساس
أحساس غير كل أحساس
يأخذك كالطير فى السماء
كأنك وجدت كنزك المفقود
كنز لا يعرفه سواك
لا يقدره أياك
لا تصدق من يقول لا يجده
إلا الباحثون
عن الحب
من كان مثلى بعدم الأكتراث
بعدم جدوى الحب
فوجدنى و وجدته
فلم يعيرنى أى أهتمام
لا بل كنت أنا غير مبال
كنت فقط أريد الحب
لم أبال بمشاعر الأخر
كنت أنانى
هل الحب أنانى أم أنا هذا
فسامحينى
أرجو أن أكون عرفت و تعلمت
ما هو الحب
و كيف..... أحب
*****************************************************

ستظل الذكرى كما هى مهما كان و مهما قيل
صديقتى و......
ملاكى

أصدقائى المدونين الأعزاء شكرا





فى البداية أنا عارف أن فيه ناس كتير من اللى هكتب عنهم مش هيشوفوا البوست دة بس لازم أذكرهم لأنهم أثروا فيا
انا بتابعهم و هما لأ.
بس عمرى ما زعلت ممكن اكون اتقمصت بس عمرى
ما زعلت (:
طبعا أنا مش عارف أبتدى منين الحكاية (:(:
بس هبتدى من الأول قوى خالص(: بس متظهقوش (:(:
أنا دخلت عالم التدوين و أنا مش دماغى أساسا أنى أدون و لا أكتب و أنى أقول خواطر
دخلت بجد أدور على حد يسمعنى و أسمعة
البداية كانت فى مدونة ميهمناش اللى انا دخلتها بمحض الصدفة
اللى لو كان الشخص اللى بعتلى دعوة للأنضمام كان ركز شوية يمكن مكنش بعتلى مش علشان حاجة علشان ميعرفنيش قوى مجرد كلام عادى
متقلوش زينا كدة لان بجد احنا اتكلمنا مع بعض كتير جدا فى البوستات
بتاعت كل واحد فيكوا
و ردودكوا
المهم عرفت هناك ميرا (وومن) و مدونتها ميرامار
وأبتديت أتابع مدونتها و بعد كدة مدونة أيام وبنعشها اللى ليها الفضل
انها نشرت ليا اول حاجة كتبتها بجد ميرا من الشخصيات الكويسة جدا جدا
على رأيها امراءة بعقل رجل (:
و معاها توفى اللى مش بتظهر غير كل فين وفين (:
بس بتكتب بوست يخليك تكتب تكتب و تكتب (:
بالتوازى مع هذه الأحداث كنت عرفت يوسف مدونة أثمن اللألىء و ميرا اللى عرفتها برضة فى ميهمناش بس MIRA4HELP
أتعلمت هناك أزاى أرد بطبعتى شوفت و قريت حاجات كتير جدا
أتعلمت منها
ناس كويسة جدا جدا
**************
هنا لازم أذكر السبب الأساسى اللى خلانى أفتح مدونتى
فتحتها لأنى حبيت لأن حسيت أن ممكن أكون لقيت النص التانى بتاعى
بس هقول ملاكى زى ما انا كاتب فى بوستاتى
صحيح محصلش نصيب بس عمرى ما هلومها
لأن انا اللى مكنتش بسمع
ممكن تقروا أية ياعم هتفهموا
بوست روحى بتكلمنى
طبعا محدش يدور (: لأن هى مش من متابعينى و لا أنا ضايفها عندى
بس دة شيىء أساسى الصبح أفتح مدونتها
وأعرف الجديد وأعلق (:
بجد يا جماعة أنا عمرى ما هفتكرها إلا بالخير هى سبب أساسى أنى عرفتكم
*******************
نرجع بقى تانى لميرا (وومن ) عن طريقها أنا عرفت
صيدلانية طالعة نازلة (:
دكتورة علا
من الشخصيات الصعيدية الجدعة دة طبيعى جدا يا جماعة صعيدية (:
بس أهم حاجة تبقى مبسوطة مننا و من المدونة الجديدة
على فكرة أنا جزء كبير منى صعيدى لظروف التنشئة (:(:
*************
و عرفت أختى العزيزة اللى خلتنا كلنا بنحب الشاى

مدونة واحد شاى
المدونة اللى بحب أدخل عندها علشان أسمع الأغانى اللى بتحطها
أختيارا ت فى الجون (:
بجد بحس أنى فى مدونتى
المدير العام أستاذة منى (:
اللى بجد كل ما أدخل عندها لازم أشرب شاى
بس لو تغير نغمة التعليقات (:(:
ياااااارب تحقق ليها كل اللى تتمناه و تقف معاها دايما
وتكون قدمها فى طريقها
قولوا أمين
**************
أية يا عم رامى هو انت متعرفش غير مدونات
ليس هناك مدونين (:
أزاى بس يا جماعة أمال سمع هوس بيعمل اية
أبو على علاقتى بيه كانت لا تتعدى التعليقات بس مؤخرا رضى عليا (:
ضافنى عنده و كمان بقى يعلق عندى
هو اللى عرفنى على تييييت راديو
حقيقى راديو جامد جدا يا جماعة
هما غيروا فيه كتير و هيعملوا تيييت TV
******************************
نيجى بقى لأستاذتى الفاضلة اللى عملت ليا مفاجئة جميلة جدا و لقيت لها تعليق على البوست اللى فات
دكتورة ستيتة حسب الله
علشان لما بدخل مش عارفة .... و نفسى أعرف
بحس أنها عارفة بس مدكنة (:(:(:
طبعا هى غنيه عن التعريف
*********************************************
و طبعا أستاذة فاتيما مامت يوسف (:
يوسف اللى حبناه منغير منشوفه (:
*******************
ساسو صاحبة مدونة تأليف وأشعار صديقتى الصغيرة سنا كبيرة المقام
ربنا معاها فى الأمتحانات
****************
هوبتى.أنا عاوزة أخلع مدونة لها مذاق خاص جدا بحس انها تعرفنا كلنا من زمان
أردنية بدماغ مصرية جدعة ربنا يرجعها بالسلامة
و يوفقها (:
************************
الثنائى الرهيب جدا يا جماعة اللى يارب ربنا ميفرقهم أبدا
مين يا ترى دول ......
طبعا لولا و زهراء(:
مدونة بالحب أتجمعنا و مدونة بيتنا
بالرغم أنى لسة عارفهم بس بجد يخلوك تندمج مع جو المدونة بدون متحس انك لسة تعرفهم محترمين جدا دمهم خفيف جدا
ربنا يحفظهم يا رب
********************
*محمد فؤاد عمود نور لك تحياتى لديك مدونة مميزة
**********
*بنت خيخة اللى مش خيخة (: و مش أى كلام خالص بس بتضحك علينا
********************
*داليا ذات خفة الظل (: الأحلام المستحيلة والضائعة اللى يارب تلاقيها بقى
****************************
*تيرز اللى بجد بنت بمية راجل أرئها القوية و الرائعة تجعلك تخلع لها القبعة
*****************************
*هدى شتى الياسمين انا عارف انها متعرفنيش غير من التعليقات و متعرفش اسم مدونتى يمكن معرفش بس مدونتها ليها وقع خاص فى نفسى لا أعرفه يمكن موضوعاتها التى دائما ما تمسنى ارجو لها التوفيق
***************
الحب الجميل اللى عندها كنز اسمه لولو بنتها ربنا يخليهلها و تفرح بيها (:
و ياريت ترجع اللى كان فى المدونة ها (:(:(:
**************
المستفز اللى عامل نفسه مستفز وهو جميل جدا
اللى بيسمع اللى بسمعه و طلع دماغة زى دماغى بس يارب حظه يكون احسن منى و ربنا يوفقة فى الكلية و فى حياته
و يبقى كاتب كبيييييييييير و بعد كدة نيجى نكلمه
مش فاكركوا يا جماعة هههههههههههههه
*****************************
أساتذتى الكرام
أستاذ فاروق بن النيل
المهندس على يونس
اللذين أتعلم منهم
***************************
أستاذى
توفيق التلمسانى اللى بجد بتناقش معاه و انا حاسس انه عمره ما هيزعل و هيعلمنى أكتر وأكتر
مدونة مرصد المدونات العربية
******************
أخويا العزيز أحمد الشريف الأنسان النقى من جوه جدا
مدونة أحمد الشريف
**************************
صديقى مادو مدونة عرب زون
طبعا فى مدونات كتير بتابعها حتى لو هى مش بتابعنى
كل المدونات الموجودة فى المتابعة لها قدرها عندى و داخلى
من الشخصيات اللذيذة جدا دكتور أحمد SHARM
طالبة مقهورة ....درجة أولى
أعقل مجنونة
رسالتى
قلب قطة أو ريتشاردية المؤنث لريتشارد (:(:
جارة القمر
تخاريف هنونة
قلب أحمر
MRMR مدونة أبتسامات
بنوتة لاسعة أخت أستاذة منى
مؤلفة كتاب زوجى مازال حبيبى
يا جماعة هفوت على مدونة مدونة اللى مش شارى الكتاب هيدفع
أجرة سفر طنطا (:(:
يعنى انت اشتريتة يا عم رامى لسة بس بأمانة أنا لسة منزلتش أجازة
بس صدقونى بأمانة أول ما هنزل القاهرة هروح أقرب حتةفيها الكتاب
و هجيبة و هعمل منه بوست أهداء
*************
الثنائيات الجديدة
*بنت وولد مدونة جميلة جدا
*مدونة قلبى .......توتا و حسام (: لكم تحية خاصة من القلب
*******************
أرجو من المدونات التى لم أذكرها العذر
لم يكن عن قصد
فأرجو تقبل أعتذارى
*************
لية أنا عملت البوست القصير دة (;
لان بعد ما انا حسيت انى مش هعرف أكتب تانى لقتنى بكتب
لأنى كنت بأكتب ليها بس و عنها و مكنتش عارف هقدر أكتب حاجات تانى ولا لأ أنا لسة فيها حاجات عنها لسه معرضتهاش
بس هعرضها
أنتوا اللى خلتونى أهزم الحزن
صدقونى انتم فى قلبى زى الصورة اللى فوق تمام
بأمانة
أصدقائى المدونون الأعزاء شكرا(:(:

ايه يا بلاد يا غريبة _ خالد سعيد



الأغنية دى كنت بسمعها

بس بسمعها بودان مغترب بس مش أنا

لكن مصر دلوقت خلتنى أسمعها لنفسى

الحكومة خلتنى غريب وأنا فى بلدى

على رأى أستاذة ستيتة مش هنلاقى رملة بتعتنا

لتا الله

الحياة



الحياة حلوة وجميلة
للعين الصافية البريئة
للقلب اللى مفهوش ذكريات حزينة
لالالا...... مهيش كدة
دى فيها اللى فيها
فيها اللى حلمة متحققش
وفيها اللى فى حبه متوفقش
تقعد تفكر طب هى الحياة أية
هى دى ولا هى دى
ولا هى الأتنين

*************************************************************************************

مدونة الحب الجميل يا جماعة لو حد يعرفها او قريب منها يكلمها و يطمن عليه ويطمنا شكرا

http://mogardensan1.blogspot.com/2010/06/blog-post_22.html

مسجون



مسجون جوه قلبى
جوه احساسى بضعفى
جوه صمتى اللى مش قادر يناديكى
مسجون وبحلم بيوم حريتى
لما عينى تيجى فى عنيكى
متكتف ببعادى عنك
عاوز اصرخ مقدرشى
الصرخة متقيدة فى صدرى
*********
الناس حواليا مش فهمانى
مش مقدرة حيرتى وصراعى
حتى انتى عنك بتبعدينى
خايفة علي ولا منى
تقدرى تفهمينى
بس غير الكلام الأولانى
و بعد كدة سبينى
مع قيودى من تانى

ماهر زين - ان شاء الله



الأول أزيكم كلكم بعد ما أنا أتغيرت أو بالأصح رجعت رامى (:
دى أغنية أو دعاء بالمعنى الأصح سمعتها من أسبوعين شيرنى فيها أحد الأصدقاء على الفيس بوك عجبتنى جدا جدا كلمات ولحن كلها على بعضها
فكرتنى بترانيم كتير انا بحبها
فكرنى بيها mado
صاجب مدونة arab zone blog
أنا كنت عاوز أكتب عليها بوست من أول ما سمعتها
لان أنا بحب الترانيم و الأدعية جدا جدا
حتى لو لاحظتوا انا عامل ليها سلسلة
ترانيم بحبها
طبعا القمة عندى أدعية عبد الحليم وبسمعها من وقت للتانى
لان انا بحب وانا بشتغل اشغل ترانيم
لانها بتهدينى
لما جيت بقى أعرض فكرة أن أنزلها على المدونة
كنت مش عارف بقى الناس هتحب كده ولا لأ بس أنا قلت أنا هعرض اللى بحبه اللى حابب يشوف أهلا وسهلا و اللى مش حابب اهلا وسهلا برضه
ليه قلت كده أن الناس هتحب كده ولا لأ زمايل ليا هنا أقالو بس يا رامى دى أدعية أسلامية
طبعا ضحكت أنا بحب الضحك أصلى (:
ضحكت ليه بقى لان هما دول برضه زمايلى اللى بيسمعوا أدعية عبد الحليم
أيه الفرق يا جماعة
وبعد كدة الراجل بيكلم ربنا يعنى نكبر كده دماغنا ونفهم
بس هقول على موقف كده
مره كنت مشغل ترانيم ودخل واحد زميلى
سألنى أيه ده يا رامى قلت له ترانيم
قال لى يعنى ايه
معرفتش أشرح قولت له أغانى لربنا
راح قال لى مش حرام تغنى لربنا
طبعا أبتسمت
عارفين ليه طبعا لان أنا بحب الأبتسامة (:
قلت له أنا اسف بس أنا بحب أسمعها
يعنى الواحد بيلاقى دمغات مقفلة فى كل حته
(:(:(: أرحمنى يا رب
يا رب مكنش ضايقت أى حد فى البوست
بس حبيت افضفض معاكو
ونضحك أصلى فى مواقف مينفعش فيها غير الضحك

أصدقائى الأعزاء شكرا
(:

من أنا

طبعا أول ما دخلت المدونات كان عالم غريب جدا عليا
معرفش فية أية كويس وحش خير شر
We will see
كنت بقول لنفسى كدة (:
عملت المدونة دى علشان سبب انا قلته كتير
فدخلت بأسم سامى فوزى أسم ظريف مش كدة (:
كل المدونين والأكونت اللى على الفيس عارفين سامى
بس انا عرفت ناس محترمة جدا جدا
وعرفت أسمائهم و اشكالهم
فعيب قوى أن الناس دى تكون واثقة قوى فيا
وانا لأ أو حتى مش واثقة فيا فى نفسها وانا لأ



أنا رامى فايز ناشد ميخائيل
دة اسمى زى ما فى البطاقة (:
أساسا من القاهرة بس عايشين فى الأقصر
حد هيقول وحد يسيب القاهرة ويعيش فى الأقصر
طب أعمل ايه ياجماعة كان شغل الوالد بقى الله يرحمه
وبشتغل فى شرم بس عاوز أرووووح عاااااااا
أنا عندى 30 سنة وهكمل 31
23 يوليو بأذن الله
خريج كلية تربية نوعية تكنولوجيا تعليم
أنا متعين بس واخد أجازات بدون مرتب
بس
دة أنا بأختصار شديد جدا
شكرا لأتساع صدوركم ليا و لرخمتى
*************************************************
ملحوظة للى هيتابعنى بعد كدة كل الحاجات اللى انا هنشرها انا كتبتها من بدرى مش بتعبر عن وقت نشرها حتى الفيديوهات
شكرا

رامى

حكايتى



من غًربتها من ندرتها
من انى لو حكتها
محدش هيصدقها
علشان كدة فى قلبى خلتها
من كتر ما حبتها
ومن كتر ما حبيت حكايتها
بالرغم انها مشيت مش زى متمنتها
بس مش عارف أنساها
او أحب غيرها
و هى عرفة
أنها اول من حبيت
وفى القلب مكانتها
وعارفة حكايتى من أولها
********
بس هى بتحترم انسانيتى على قولها
وانا بحترم فيها صراحتها
من أول ما حكيت وقولتلها
بس من كتر ما حبتها
مش قادر اصدقها
مش قادر أقول دى مشاعرها
طب بس ينفع تقبلنى صديقها
*********
طبعا مش فهمنها
حكايتى اللى فيها واللى منها
محتارين تصدقوها
ولا تقوله دة بيألفها

خواطر

تمنيت الأن فقط أن أكون مجنون
غير مدرك للواقع


لا أعرف كيف بدأت و لا كيف أنتهيت
و لكن أردت بشدة أن أهرب داخلى
أهرب بعيدا عن واقعى
أنسى كل حياتى السابقة
كلكم غير مدركين ما أنا فية
ولكن عندما تبدأ أن تتعافى من جروح الماضى
و تجد فى أحدهم طوق نجاتك
هنا فقط ستدرك ما انا فية
الحب هو كان طوق نجاتى ولكن هو لايريدنى
لو استطيع لأقطتع قلبى منى
لمحوت ذاكرتى
لعدت كما كنت ولكن لا أستطيع ليس فقط من أجل الحب
ولكن من أجلى أنا
سلامى مع نفسى
تراجعت كثيرا جدا
أصبحت لا أعرف أن أتعامل مع الناس
لاأعرف أن أحترم مشاعرهم
لا أريد أن أسيىء للأنسان داخلك
هذة هى جملتها أليا
أرجوكى لاتكونى قاسية لانى لن أحتمل
لن أستطيع تحمل كل هذا داخلى
كنت أرجو أن تبقى الذكرى
أن نبقى أصدقاء
من الجائز أنى أضعت الفرصة
بتسرعى بلهفتى بعدم فهمى
فلا تقسو علي أرجوكى
أنى اضعف مما تتصورين ويتصور الجميع
من الجائز تكون مشاعرى غالبة على تفكيرى
على عقلانيتى
ولكن هذا كله كان لأنك كنتى أول ما كان
أرجوكى انا أعذرك فى كل ما تقولين
فأعذرينى فيما فعلت
أن لم تعذرينى فلكى كل الحق
لم ولن يأتى اليوم الذى ٍأكون حزين ما ستقولية أو تفعلية
فأرجوكى سأظل أكتب فلا تنزعجى
كل ما كتبت وسأكتب لكى
لن أزعجك
لن أفعل
لتذكرينى ذكرى جميلة
لأكون كما قلتى صديق قديم
و لكنة رحل بيده و ليس بيدك
برعونته و غباءه
و لهفته

هفضل اكلم ربنا


أتعب كتير وأحزن كتير
لما اختار لنفسى طريق و فية اسير

أتعب كتير وأحزن كتير
لما فى بعدى بأيدى احفر ألف بير

وأنسى كلام قولتة كتير
أن انت دربى وحدك و معاك المصير

محتاج لصوتك محتاج رعيتك
محتاج تقولى أنا حاسس بحيرتك

ترشدنى مين وتقولى فين
تمسكنى يدك أنت من أيدى اليمين
من أيدى اليمين

أفرح كتير وأبقى بصير لما مشورتك تبقى نورى فى المسير
وأنسى الألام وأنسى الملام لما ألاقى فى اللى أختارتة كل خير



وأن ندانى البعد تانى أحرسنى من ضعفى ومن ميل الطريق
من ميل الطريق

محتاج لصوتك محتاج رعايتك محتاج تقولى أنا جنبك حاسس بحيرتك
ترشدنى مين وتقولى فين تمسكنى يدك أنت من أيدى اليمين
********************************************************************************

الكلام دة مش انا اللى كتبتة انا سمعتة عجبنى فنقلتة كل الكلام تحت بند ترانيم بحبها مش من تأليفى

ندماااااان



ندمان على كل لحظة ضيعتها منغير حب
ندمان على السنين اللى راحت و محبتش
ندمان لانى لما حبيت معرفتش أحب
ندمان على حب مكنش يتحب
ندمان على الحب الصامت منغير فعل
ندمان على وقت نادانى فية الحب
و عمرى ما سمعت
********
مش ندمان على حب لما ناديته مسمعشى
مش ندمان انى ممكن استنى الحب لما يسمعنى
و مش هندم بعد دة كلة على حبه اللى ف قلبى
مش.....ندماااان

عامر منيب - كان حلم عمرى



كان حلم عمرى

كفاية يا قلبى



كفاية يا قلبى ايوة كفاية
تعبتنى وتعبتها
كفاية يا قلبى
كفاية أمل كفاية رجا
متضحكش على نفسك وتقولى أحبها
طب بعد حبها
انت لسة عندك أمل !!
يا قلبى فى قلبها
أيوة لسة
ايوة لسة عندى امل يحن ويجلنا قلبها
بس خلاص يا قلبى
ما احنا وصلنا ردها
لسة عندك أمل؟؟!!
خلاص.... سبنى فى حالى
ازاى يا قلبى اسيبك
وانت حالك هو حالى
انت عارف يا قلبى
انا كنت قربت اشيل ايدى من على وشى
كنت قربت أقول مين أنا
وكنت هواجهة الدنيا من أجلها
مهما كان ومهما قالت
لسة يا قلبى بتعزها
اة بعزها
هى قالت اية ولا عملت اية
كان المطلوب منها اية
تجرى عليك اول ما تقول
بحبها
لأ مكنش قصدى كدة
يبقى خلاص بقى
تسبها تعيش حياتها
وانت.... عيش على امل
امل تشوفها ومتشوفكش
امل تسمعها ومتسمعكش
تسيبها تعيش حياتها
وكفاية أنت..... عليك كدة

بعيدة هى حبيبتى


حبيبتى بعيدة كبعد القمر عن المنال
حبيبتى بعيده كأعماق البحار
حبيبتى تجلس على أعلى قمم الجبال
حبيبتى أغلى من كل اللآلىء و المرجان
حبيبتى أصفى من الثلج و السحاب
حبيبتى صوتها حزين كالناى
حبيبتى أبتسامتها كيوم صبحه بسام
حبيبتى طلتها كالملاك
حبيبتى تمضى بين الناس كالفراشات
حبييبتى قلبها كقلب الأطفال
حبيبتى كلماتها تجعل قلبى هادر كالفيضان
حبيبتى انتى لى ما سيكون و ما كان
حبيبتى كفى بعاد ولتكونى قريبة
كروح...... فى جسد أنسان
حبيبتى

حبيبتى والقمر



حبيبتى تجلس وحيدة
تجلس تتجاذب أطراف الحديث
وحديثها كان مع القمر
تحكى له ويحكى لها
عن ما يدور فى طيات قلبها
وأنا لا أدرى ما يدور بخلدها
أعنى أنا يدور حديثها؟؟؟
أم شيئا أخر من أفكارها
حبيبتى
أتخذت من القمر رفيق
ومن سهر الليل صديق
وحدها تتحمل هذا الحزن
وهذا الضيق
حبيبتى
تمنيت أن أكون انا هذا القمر
وهذا الليل
تمنيت أن ترمى بأثقالك على
فتأكدى
لن يأتى هذا اليوم
الذى أتعب او أضجر
أو أقول أكتفى بهذا القدر
مهما كان الضيق مهما كان الحزن
سأحمله عنكى مهما كان الأمر
حبيبتى
أعطيتى القمر و الليل
كثير من الوقت
فجربينى وأعطينى جزء من الوقت
فأن كنت غير ما قلت
فأبتعدى عنى إلى أخر الدهر
وأن كنت كما قلت
فأكملى معى مسيرتى فى الدرب
حبيبتى

كان أملى

border="0" alt=""id="BLOGGER_PHOTO_ID_5477821432098516178" />

كنت فاكر انى لقيت حب قلبى
الحب اللى كنت بدور علية سنين
سنين توهة وحيرة وانين
انين من وحدة الروح اللى كانت ما راضية تلين
كان املى فيكى تشيلى عنى توهة وحيرة السنين
انتى كنتى علاجى وتريقى
من الجايز أنك متدركيش ومتعرفيش
ان فى كل مرة أقرأ ليكى كلام يقوينى
يقوينى على كل ضعفى
واحس ان الدنيا مش قوية ولا حتى الأحزان
لأ انا اللى كنت ضعفان ادتها فرصة
تيجى عليا
انتى اللى ادتينى احساس انى لسة فيا
أن لسة ممكن
فى الحياة أمل و فرصة ليا
**********



كان املى زى ما لقيتك تلقينى
زى ما قوتينى أقويكى
وعلى جراحك وآلامك أعديكى
ارجوكى الفرصة دى ادينى
اشدك من ايدك بأيدى
*********
كان املى تعرفينى تفهمينى
تحسى بشوقى وقلقى عليكى
ساعات كنت اقوم من النوم حزين
يمشى الحزن ويسبنى لما تيجى
بس.......لما تيجى على تفكيرى
وكنت لما توحشنى كلماتك
ابقى زى السجين وحيد اروح واجى
وتيجى على بالى
انسى السجن انسى احزانى وانسى حالى
واكتب ليكى كلماتى
يمكن فى يوم اقراها معاكى
وكان أملى
أملى لسة فيكى
ومكنش
لأنة لسه مستنيكى